மின்சாரம்

பட்டுக்கோட்டை மண்டல இளைஞ ரணி மாநாட்டுத் தீர்மானங்களைக் கேண்மின்! கேண்மின்!!

காலத்தின் தேவையை உணர்ந்த தீர்மானங்கள், மக்கள் பிரச்சினை என்னும் பசிக்கு உணவளிக்கும் தீர்மானங்கள்.

குருகுலக் கல்வி என்னும் பெயரால் பெரும்பான்மை மக்களின் குடியைக் கெடுக்கவரும் குண்டுகளை பஷ்பமாக்கும் கூர்மை  நிறைந்தவை அவை.

- டைம்ஸ் ஆப் இந்தியா

அன்று 1952-1954களில் தமிழ்நாட்டில் ஆச்சாரியார் இராஜாஜி கொண்டு வந்த குலக்கல்வியை எதிர்த்து அவர் ஆட்சியை வீட்டுக்கு அனுப்பி வைத்தவர் தந்தை பெரியார். அந்தத் தந்தை பெரியார் மண்ணா கிய, தமிழ் மண் - அந்தக் குலக் கல்வித் திட்டத்தை விட ஒடுக்கப்பட்ட மக்களின் குடலை  கொடூரமாக அறுக்கும் குருகுலக் கல்வித் திட்டத்தை நிர்மூலமாக்கப் போகிறது. ஆம், இந்தக் குருகுலக் கல்வி தான் நரேந்திர மோடி தலைமையிலான ஆட்சிக்கு அஸ்தமனத்தை அளிக்கப் போகிறது.

திராவிடர் கழகத் தலைவர் போர்ச் சங்கு ஊதிவிட்டார். பட்டுக்கோட்டை மாநாடு தீர்மானம் நிறைவேற்றிவிட்டது. வரும் ஆறாம் தேதி சென்னைப் புரசைவாக்கத்தில் தமிழகத் தலைவர்கள் எல்லாம் போர்ப்பறை கொட்ட இருக் கின்றனர்.

கல்வியின் கருவிலேயே கைவைத்து விட்டனர். 'நீட்' என்று சொல்லி மருத்துவக் கல்லூரியின் வாசலை ஒடுக்கப்பட்ட மக்களுக்கு அடைத்துவிட்டனர்.

அய்.ஏ.எஸ்., அய்.பி.எஸ். தேர்வுகளில் புதிய நடைமுறையைக் கொண்டு வந்து அத்தனை இடங்களையும் குடுமிகளின் கைகளில் கொடுக்கக் கொடுவாளைத் தீட்டிவிட்டனர்.

தேசிய கல்வி என்று சொல்லி சமஸ் கிருதத்தையும், இந்தியையும் திணித்திட திட்டம் தீட்டி விட்டனர்.

இந்த இடஒதுக்கீடு தானே குப்பனையும், சுப்பனையும் உயரே ஏற்றியது. அமாவாசை மகன் டாக்டர் ஆனது இந்த இடஒதுக்கீட் டால் தானே! குஞ்சானின் மகன் நீதிபதி யானதும் இந்த இடஒதுக்கீட்டுச் சனிய னால் தானே!

கிராமத்துக் காத்தான் மகனை அய்.ஏ.எஸ். ஆக்கியது இந்த இடஒதுக்கீடு என்னும் ஏணிப் படிதானே!

இப்பொழுது நடப்பது எங்கள் மனுதர்ம ஆட்சி - நினைவிருக்கட்டும். இதற்கு மேலும் நீங்கள் உயரப் பறக்க ஆசைப் படாதீர்கள்!

இன்னும் ஓராண்டு தான் எங்கள் ஆட்சி - அதற்குள் சகலத்தையும் முடித்துவிட்டுத் தான் போவோம் என்ற வெறியோடு வேதியர் கூட்டம் பஞ்சக்கச்சத்தை இறுகக் கட்டிக் கொண்டு புறப்பட்டு விட்டது. உஜ்ஜயினியில் ஆர்.எஸ்.எஸ். தலை வர் மோகன் பாகவத் தலைமையில் கூடி திட்டங்களைத் தீட்டிவிட்டது ஆர்.எஸ்.எஸ்.

மோடி பிற்படுத்தப்பட்டவராயிற்றே என்று எண்ண வேண்டாம். இது வேடம் போட்ட புலி - நிஜப் புலியைவிட அதிக மாகத்தான் குதிக்கும். தன் பதவியைக் காப்பாற்றிக் கொள்ள வேண்டாமா?

இப்பொழுது இல்லாவிட்டால் வேறு எப்போது? என்று மோடியின் காதைப் பிடித் துத் திருக ஆரம்பித்துவிட்டது பார்ப்பன ஆர்.எஸ்.எஸ்.

இதனை முளையிலேயே கிள்ளி எறிய வேண்டாமா? ஆம் அதற்கான குரலைத் தான் பட்டுக்கோட்டை மாநாடு கொடுத் திருக்கிறது. அதன் ஈரம் காய்வதற்கு முன்னதாகவே ஒருவார கால இடை வெளியில் தலைநகரில் தலைவர்களை ஒருங்கிணைத்திருக்கிறது திராவிடர் கழகம். (ஆறாம் தேதி சென்னை புரசைவாக்கத்தில் தலைவர்கள் பங்கேற்கும் கண்டனப் பொதுக்கூட்டம்)

தலைவர்கள் கொடுக்கும் முழக்கம் டில்லி செங்கோட்டையிலே எதிரொலிக்கப் போகிறது!

இந்தியத் துணைக் கண்டம் முழுவதும் உள்ள ஒடுக்கப்பட்ட மக்களின் உணர்வில் சங்கமமாகித் தட்டி எழுப்பப்போகிறது.

மண்டல் குழு பரிந்துரைகளை அப் படித் தானே வென்றெடுத்தோம். அதற் கடுத்த பெரும் போர் இப்பொழுது நம்முன். அதற்கான தொடக்கத்தை ஆசிரியர் களம் ஏற்படுத்திக் கொடுத்துவிட்டார்.

இந்தியாவுக்கு அரசமைப்புச் சட்டம் மனுதர்மம்தான் என்று அவாளின் குருஜி கோல்வால்கர் எழுதி வைத்தது சும்மாவா?

ஆட்சி அதிகாரப் பீடத்தில் அமர்ந்த பிறகு அதனை நிறைவேற்ற வேண்டாமா?

அதைத்தான் இப்பொழுது தொடங்கி இருக்கிறார்கள்.

இந்தக் குருகுலக்கல்வி மீது நாம் கொடுக்கவிருக்கும் மரண அடி - பிஜேபி என்ற பார்ப்பன பூஷ்வா ஆட்சியின் அஸ்தி வாரத்தை அடித்து நொறுக்க வேண்டும்.

அதற்கும் வழி சொல்லி இருக்கிறது பட்டுக்கோட்டை மாநாட்டுத் தீர்மானம்.

பிஜேபியை வீழ்த்துவதற்கான மார்க்கத் தையும் சொல்லிக் கொடுத்திருக்கிறது!

நாட்டில் இரண்டே இரண்டு அணிகள் தான். ஒன்று பிஜேபி அணி. இன்னொன்று பிஜேபியை எதிர்க்கும் அணி.

ஏற்கெனவே சமூக நீதி அணி - சமூக நீதிக்கு எதிரான அணி என்றும், மதச்சார் பின்மை அணி - மதச்சார்பு அணி என்று இந் தியாவிலேயே கொள்கை ரீதியாக வழித்தடம் அமைத்து - கொடுத்தவர் நமது தலைவர் மானமிகு கி.வீரமணி அவர்கள்தான். அந்த வரிசையில் இதுவும் வரும்.

மற்றபடி சின்ன சின்ன சங்கதிகளை யெல்லாம் மூட்டைக் கட்டி ஒரு பக்கத் தில் வைத்துவிட்டு, ஒரே மூச்சில் கொடுக் கும் அந்த அடி மரண அடியாக இருக்க வேண்டும் - இருக்கவும் போகிறது.

கடந்த 31ஆம் தேதி வந்திருக்கும் தேர்தல் முடிவுகளும், பட்டுக்கோட்டை மாநாட்டின் தீர்மானத்தை நிதர்சனப் படுத்தி விட்டன.

2019இல் மீண்டும் பிஜேபி என்றால் - மோடிதான் பிரதமர் என்றால் தாங்கா தப்பா தாங்காது - நாடு கண்டிப்பாகத் தாங்காது.

2000 முசுலீம்கள் 2002இல் குஜராத் தில் கொல்லப்பட்டது பற்றி மோடி REUTERS ஏட்டுக்குக் கொடுத்த பேட்டி நினைவிருக்கிறதா? தான் காரில் பயணிக் கும்போது நாய்க்குட்டி அடிபட்டுச் சாவதை ஒப்பிட்டாரே, நினைவிருக் கிறதா?

இந்த சகதிகள் சிம்மாசனம் ஏறலாமா? உஷார்! உஷார்!!

மின்சாரம்


பட்டுக்கோட்டை என்றால் சாதாரணமா? பாயும் கொள்கை வேங்கைப் புலிகள் உலாவிய வீரப்பூமி அது!

பட்டுக்கோட்டை என்றால் அஞ்சா நெஞ்சனை (அழகிரியை) மறக்க முடியுமா? மாவீரர் மாப்பிள்ளையனைத் தானை மறக்க முடியுமா? மாஸ்டர் சி.நா. விசுவநாதன் அவர்களைத்தான் நினைக்காமல் இருக்க முடியுமா?

'மாமுண்டி' என்று செல்லப் பெயரால் அழைக்கப்படும் ந. இராமாமிர்தம்  என்ன சாதாரணமானவரா! அவரது சகோதரர் இரத்தினசாமி சாகும்வரை  கொள்கைச் சான்றோர் ஆயிற்றே! பட்டுக்கோட்டை டேவிட்ஸ் தன் இணையரோடு மாநாடுகளில் சண்டமாருதம் செய்பவர்களாயிற்றே! அந்தப் பட்டுக்கோட்டை போகலாமா? 89 ஆண்டுகளுக்கு முன் நாம் பயணிக்க வேண்டும்.

1929 மே 25, 26 நாள்களில் பட்டுக்கோட்டையில் சுயமரியாதைத் தொண்டர்கள் மாநாடு.

அந்த மாநாட்டில் நடந்த சுவையும், சூடும் நிறைந்த நிகழ்வுகளைக் கேளுங்கள்! கேளுங்கள்!!

மாநாடு - சும்மா அனல் பறக்கிறது. பழைமைப் பஞ்சாங்கங்களுக்கெல்லாம் பகுத்தறிவுச் சாட்டையடி! மூடத்தனத் தின் முதுகெலும்புகள் எல்லாம் கழன்று கழன்று வீழ்ந்தன.

தீப்பொறி பறக்கும் தீர்மானங்களுக்கும் குறைச்சல் இல்லை.

மாநாடு முடிந்து பொதுக் கூட்டம். வழக்குரைஞர் சிவகங்கை இராமச்சந்திரன் அவர்கள் தலைமையில் தான் அப்பொதுக் கூட்டம். செங்கற்பட்டு முதல் சுயமரியாதை மாநாடு நடந்து முடிந்த மூன்று மாதங்களுக்குப் பிறகுதான் அம்மாநாடு. செங்கற்பட்டு மாநாட்டில் ஜாதிப் பட்டங்கள் துறக்கப்பட்டபோது தன் சேர்வை பட்டத்தைப் பெயருக்கும் பின்னால் சேர்க்காமல் வெட்டி எறிந்த செம்மலாயிற்றே அவர்.

அவரது தலைமையுரைக்குப் பிறகு சொற்பொழிவாற்ற வந்தவர் 'குமரன்' ஏட்டின் ஆசிரியர் சொ. முருகப்பர். மணிக்கணக்கில் பேசும் ஆற்றலாளர். அவர் கூட்டமென்றால் சிரிப்பு சரவெடிகளுக்குப் பஞ்சமிருக்காது. அம்மாநாட்டில் அவர் சொற்பொழிவாற்றியது இரண்டு மணிநேரம் (இப்பொழுதெல்லாம் அது இயலுமா?)

வெறும் கைதட்டல், கேளிக்கை, சிரிப்பொலியோடு முடிந்து விடாது. அந்த உரை எல்லாம் சுருக்கென்றும் தைக்கும் - உடனே செயலுக்கும் அழைக்கும்.

அந்தப் பட்டுக்கோட்டை மாநாட்டுப் பொதுக் கூட்டத்தில் குமரப்பர் பேசி முடிந்ததுதான் தாமதம், பார்க்க வேண்டுமே! கூட்டத்துக்கு வந்தபோது நாமதாரியாக வந்தவர்கள் குமரப்பர் பேச்சைக் கேட்ட மாத்திரத்திரத்திலேயே நாமங்களை அழித்துக் கொண்டனர்.  விபூதி பூசிக் கொண்டு வந்தவர்கள் வெட்கம் புரை ஏறி விபூதியை அழித்துக் கொண்டார்கள். ருத்திராட்சத்தைப் பிடுங்கி எறிந்தவர்களும் உண்டு.

உடனடியாக அப்படி அழித்துக் கொள்ள முடியாதவர்கள் வெட்கத்தால் நாணித் தலை குனிந்து நின்றார்கள் - மற்றவர்கள் கேலி செய்வார்களே என்பதால்.....

இவற்றையெல்லாம் விட இலட்சியப் பார்வையில் அரங்கேறிய காலா காலத் திற்கும் கண்ணில் ஒற்றிக் கொள்ளக் கூடியவை உண்டு.

ஜாதி மறுப்பு மணம், விதவை மணம் தொடர்பான தீர்மானம் கொண்டு வரப்பட்ட போது - ஓர் அறிவிப்பு மாநாட்டுப் பொறுப் பாளர்களால் கொடுக்கப்பட்டது.

இத்தீர்மானத்தை ஏற்று செயலில் காட்டத் தயாராக இருக்கக் கூடியவர்கள் கைகளை உயர்த்துமாறு கேட்டுக் கொண்ட போது - 200 வாலிபர்களும், இரண்டு மூன்று பெண்களும் கம்பீரமாகக் கரங்களை உயர்த் திக் காட்ட அப்பப்பா - அந்தக் காட்சியும், உணர்ச்சியும் சொல்லுந்தரமன்று! 89 ஆண்டுகளுக்கு முன் இது நடந்தது என்பதுதான்  கவனிக்கத்தக்கக் கருவூல மாகும்.

மற்றொரு முக்கிய தீர்மானம் அம்மா நாட்டில்!

"இழிவான பதங்களை உபயோகித்தல்: நாம் எவ்வளவு தூரம் கண்டித்து சொல்லியும் சிறிதும் கவனிக்காமல் நம்மை 'சூத்திரர்'கள் என்றும், நாலாவது வருணத்தார் என்றும், பஞ்சமர் என்றும் இழிவான பதங்களை திரு. மாளவியா முதல் - வருணாசிரம மகாநாடு, "இந்து" "சுதேசமித்திரன்" முதலிய பத்திரிக்கைகள் வரை உபயோகித்து வருவதால் இனியும் அம்மாதிரி பதங்களை எந்தப் பார்ப்பனராவது, பார்ப்பன பத்திரிக்கைகளாவது உபயோகித்தால் நாமும் நிகண்டு அகராதிகளில் உள்ளபடி பார்ப்பனர்களுக்கு மிலேச்சர்கள் என்ற பதத்தை உபயோகிக்க நேரிடும் என்று இம்மகாநாடு தீர்மானிக்கின்றது.

'சூத்திரன்' என்பது பெருமையான வார்த்தையென்றும், சற்சூத்திரர் என்பது மிகவும் பெருமையான வார்த்தை யென்றும் பிரச்சாரஞ் செய்யும்படி பார்ப்பனர்கள் சில பார்ப்பனரல்லாதவர்களைப் பிடித்துக் கூலி கொடுத்தும், தங்களையே 'சூத்திரர்' என்று ஒப்புக் கொள்ளும்படி செய்தும் பிரசாரஞ் செய்விக்கிறவர்களுடையவும், செய்கிறவர்களுடை யவும் பேச்சைக் கேட்டு ஏமாறக் கூடாதென்று இம்மகாநாடு தீர்மானிக்கின்றது"

இத்தீர்மானம் எதைக் காட்டுகிறது? 1929ஆம் ஆண்டு களில்கூட சூத்திரர் என்றும், பஞ்சமர் என்றும் அழைக்கும் அவல நிலை இருந்திருக்கிறதே! பார்ப்பனத்தலைவர்களும், பார்ப்பன ஏடுகளும் எவ்வளவு ஜாதி ஆணவத்தோடு கொக்கரித்திருந்தனர் என்பது விளங்கவில்லையா?

3.5.1936 நாளிட்ட 'குடிஅரசு' இதழ் ஒன்றைக் குறிப்பிடு கிறது. "சென்னை ஓட்டல்களில் பஞ்சமர்களும், நாய்களும், பெரு நோய்க்காரர்களும் நுழையக் கூடாது" என்று அறிவிப்பு போட்டிருப்பதையும், இரயில்வே ஓட்டல்களில் 'பிராமணாள் மாத்திரம்' என்று அறிவிப்புப் பலகைகள் தொங்குவதையும் மேட்டுப் பாளையம் இரயில்வே ஸ்டேஷனில் 'சூத்திரருக்கு' என்று அறிவிப்புப் போட்டியிருப்பதையும் 'குடிஅரசு' (1936) அம்பலப்படுத்தியதே!

இன்றைக்கு அந்த நிலை அகற்றப்பட்டுள்ளது என்றால் அதற்கான அடித்தளமிட்டு, அண்டங் குலுங்க ஆவேசப் போர் புரிந்து, புத்தியில் புரட்சித் தீயை ஊட்டிய தலைவர் தந்தை பெரியார் - அவர்கள் கண்ட சுயமரியாதை இயக்கம் திராவிடர் கழகம் அல்லவா!

இன்றைக்கு நேரடியாக 'சூத்திரன்' என்று சொல்ல முடியாது; காரணம் 'சூத்திரன் என்றால் ஆத்திரம் கொண்டடி!' என்ற முழக்கம் ஒவ்வொரு பார்ப்பனர் அல்லாதாரின் குருதி அணுக்களிலும் குத்திட்டு நிற்கிறதே!

அதே நேரத்தில் அதன் அடிப்படை ஆணி வேர் இன்னும் இருக்கத்தான் செய்கிறது. தமிழன் கட்டிய கோயில் கருவறையில் ஒரு தமிழன் அர்ச்சகனாக நுழைய முடியவில்லையே! தனது இறுதிப் போராட்டம் என்று தந்தை பெரியார் அறி வித்து, அந்தப் போராட்டத்தின் களத்திலேயே தானே தனது இறுதி மூச்சைத் துறந்தார்.

அந்தப் போராட்டம் இன்றளவும் நமது தமிழர் தலைவர் தலைமையிலே தொடர்ந்து கொண்டுதான் இருக்கிறது.

முத்தமிழ் அறிஞர் மானமிகு கலைஞர் அவர்கள் அதற்கான சட்டங்களை இருமுறை இயற்றியும் இன்னும் ஆதிக்க புரிகளின் பூணூல்கள், கொள்கையில்லா ஆட்சியினர் தடைக் கற்களைப் போட்டுக் கொண்டு தானிருக்கின்றன.

அவற்றைத் தவிடு பொடியாக்குவோம் வாருங்கள்; வாலிபர்களே வாருங்கள்! வாருங்கள்!!

பட்டுக்கோட்டையிலே வரும் 29ஆம் தேதி இளைஞர் எழுச்சி உண்டு.

"திக்கெட்டும் பாய்வோம்! திராவிடத்தைக் காப்போம்!" என்று மாநாட்டின் இலச்சினையை முழக்கமாகத் தந்துள்ளார் நமது தலைவர் ஆசிரியர் அவர்கள்.

பட்டுக்கோட்டை மாநாட்டைப் பற்றிப் பறைசாற்றும் வகையில் பட்டுக்கோட்டையைச் சுற்றி மட்டுமல்ல - தஞ்சாவூர் மாவட்டம் முழுவதுமே தெருமுனைப் பரப்புரைக் கூட்டங்கள் நடத்தப்பட்டது எத்தனைத் தெரியுமா? 60 கூட்டங்கள்.

நம்ப முடிகிறதா? வேறு எந்த மாநாட்டிற்காகவும் இத் தனைத் தெரு முனைப் பிரச்சாரங்கள் நடத்தப்பட்டதில்லை.

எங்கு பார்த்தாலும் சுவர் எழுத்துகள், பம்பரமாய்ச் சுழன்று சுழன்று பணியாற்றும் இளைஞர் சேனை!

இதனுடைய தாக்கத்தை வட்டியும் முதலுமாக வரும் 29ஆம் தேதி பட்டுக்கோட்டையில் பார்க்கத்தான் போகி றோம்!

அஞ்சா நெஞ்சன் பட்டுக்கோட்டை அழகிரி - ஆண்டு 50அய்க் கூடத் தொட்டுப் பார்க்கவில்லை. ஆனாலும் அவர் இரத்தம் கக்கக் கக்க ஆற்றிய உரை வீண் போகவில்லை. 95 ஆண்டு காலம் வரை நமது அய்யா அவர்கள் பாய்ச்சிய பகுத்தறிவு நீர்ப்பாசனம் வறண்டுப் போய் விடவில்லை.

இளைஞர்கள் கோட்டமாகி வருகிறது திராவிடர் கழகம். எங்கு நமது தலைவர் சென்றாலும் இளைஞர்கள், மாணவர்கள் இயக்கத்தை நோக்கி வந்து கொண்டே இருக்கிறார்கள். கடந்த சனியன்று (19.5.2018) தியாகதுருகம் சென்றபோதும் சரி, உளுந்தூர்பேட்டைக்கு சென்றபோதும் சரி மாணவர்கள் மேடைக்கே வந்து கழகத்தில் தங்களை இணைத்துக் கொண்டார்கள்.

சங்பரிவார்களின் விஷம் ஏற ஏற ஈரோடு மூலிகையை நோக்கி இளைஞர் பட்டாளம் அணி வகுத்திட ஆரம்பித்து விட்டது.

இந்தக் கால கட்டத்தில் இயக்கம் இளைஞர்களின் கோட்டமாக இருக்கிறது, கோட்டையாக இருக்கிறது என்பதைப் பட்டுக்கோட்டையில் (29.5.2018) பார்க்கத் தான் போகிறோம். எழுக இளைஞனே எழு! எழு!!

கனல் பறக்கும் கருத்தரங்கம் -  காலத்தின் பசியைப் போக்கும் தீர்மானங்கள் - அணி தேர்ப் புரவியாய் அணி வகுக்கும் பேரணி - தமிழர் தலைவரின் நிறைவுரை என நிரம்பவே உண்டு. பசியாறுவோம் வாரீர்! வாரீர்!!

*கிடுகிடுக்க வைத்த பேரணி - உரத்துக் கேட்ட கொள்கை முழக்கம்

*கிழியட்டும் ஜாதி என்ற பறை முழக்கம்!

*மயிர்க் கூச்செறிந்த வீர விளையாட்டு

*கருத்தரங்கக் கர்ச்சனைகள்!

*கழகப் பொறுப்பாளர்களின் கருத்துரைகள் - காலக்கல்வெட்டான தீர்மானங்கள்!

சென்னை மண்டல திராவிடர் கழக இளைஞர் எழுச்சி மாநாடு "திக்கெட்டும் பாய்வோம்! திராவிடத்தைக் காப்போம்!'' என்ற எழுச்சி முழக்கத்தோடு நேற்று (12.5.2018) சனி மாலை 5 மணியளவில் தொடங்கப்பட்டது.

மாநாட்டையொட்டி புழல் முதல் பொன்னேரிவரை எங்கு பார்த்தாலும் சுவர் எழுத்துகள் - கழகத் தோழர் ஓவியர் புதுவயல் இரணியனின் கைவண்ணம் பளிச் சிட்டது. எழுத்துகளும், பதாகைகளும், வண்ண வண்ண சுவரொட்டிகளும் மாநாட்டின் நோக்கத்தைப் பறைசாற்றின.

சாலையின் இருமங்கிலும் கழகக் கொடி பட்டொளி வீசிப் பறந்து கொண்டிருந்தது.

மாலை 5.30 மணிக்கு பொன்னேரி பேரூராட்சி அலு வலகம் அருகில் பேரணி மாநில இளைஞரணி துணைச் செயலாளர் பொழிசை கண்ணன் தலைமையில், மண்டலக் கழகச் செயலாளர் வி.பன்னீர்செல்வம் கொடியசைத்திட அதிர்வேட்டு கொள்கை முழக்கத்துடன் புறப்பட்டது.

பேரணிக்குக் கீழ்க்கண்ட தோழர்கள் முன்னிலை வகித்தனர்.

மாநில மாணவரணி துணை செயலாளர் நா.பார்த்திபன், கும்மிடிப்பூண்டி மாவட்ட மாணவரணி அமைப்பாளர் சு.எழில், ஆவடி மாவட்ட இளைஞரணி செயலாளர் வை.கலையரசன், தாம்பரம் மாவட்ட இளைஞரணி செயலாளர் சட்டநாதன், ஆவடி மாவட்ட இளைஞரணி அமைப்பாளர் க.கலைமணி, தென்சென்னை மாவட்ட இளைஞரணி அமைப்பாளர் க.பவன்குமார், தாம்பரம் மாவட்ட இளைஞரணி அமைப்பாளர் இரா.கதிர்வேல், வடசென்னை மாவட்ட இளைஞரணி அமைப்பாளர் வ.தமிழ்ச்செல்வன் ஆகியோர் முன்னிலை வகித்தனர்.

பெரியார் பிஞ்சுகள் முன்வரிசையில் கழகக் கொடியைப் பிடித்து நிற்க  வரிசைக்கு இருவர் வீதம் கழக மகளிர் அணியினரும் தொடர்ந்து இளைஞரணி, மாணவரணி மற்றும் கழகத் தோழர்களும் அணிவகுத்து நின்ற காட்சி இராணுவ மிடுக்காக ஜொலித்தது. ஒவ்வொரு தோழரின் கரத்திலும் கழகக்  கொடி அல்லது கொள்கை முழக்கப் பதாகை கட்டாயம் காட்சி அளித்தது.

பெரியார் வீர விளையாட்டுக் கழகத்தினர் பேரணியில் சிலம்பாட்ட சாகசங்களை நடத்திக் காட்டினர். அந்தக் குழுவில் சிறுவர்களும் இடம்பெற்று நடத்திக் காட்டிய சிலம்ப விளையாட்டுகள் மயிர்க் கூச்செறியச் செய்தன.

புத்தர் பறை இசைக் குழுவினர் தூள் பரப்பினர். கிழியட்டும் ஜாதி என்பது இலட்சிய முழக்கமாக இருந்தது. கழக மகளிர் அணியினர் தீச்சட்டியை ஏந்திப் போர் முழக்கமிட்டனர்.

தீச்சட்டி இங்கே மாரியாத்தாள் எங்கே?'' என்று மகளிரே தீச்சட்டி ஏந்தி முழக்கமிட்டு வந்தது பொது மக்களுக்கு ஒரு வகையில் மிரட்சியாக'க்கூட இருந்தது என்று சொல்லலாம். சிந்திக்கவும் தூண்டியது.

கழக மகளிர் அணி - மகளிர்ப் பாசறையைச் சேர்ந்த தோழர்கள் தமிழீழம், டார்வின் சூர்யா, விஜயலட்சுமி, ஜெயந்தி, சுபா மற்றும் சமரன், மனோஜ், மணிகண்டன், செல்வக் கணபதி, முகிலன், மணிமாறன் ஆகியோர் தீச்சட்டி ஏந்தி வந்தனர்.

கடவுள் சக்தி என்று சொல்லி அலகுக் குத்தி பக்தர்கள் தேர் இழுப்பார்கள் அல்லவா! பக்திக்கும் அதற்கும் சம்பந்தம் இல்லை - இதோ பார் கடவுள் இல்லை என்று முழக்கமிட்டு முதுகில் அலகுக் குத்தி கார் இழுத்துக் காட்டுகிறோம் என்று பறைசாற்றி, பொழிசை கண்ணன், சரவணன் ஆகியோர் இழுத்து வந்து அசத்தினர். காரினை அனாசியமாக இழுத்து வந்ததுடன் நிற்கவில்லை, கடவுள் இல்லை, இல்லவே இல்லை என்று முழக்கமிட்டு வந்த காட்சியை இளைஞர்கள் பார்த்து வியந்தனர்.

கடவுள் சக்தி' என்று சொல்லித் தேர் இழுக்கும் பக்தனே! கடவுள் இல்லை என்று சொல்லி கார் இழுக்கும் கருஞ்சட்டைத் தோழர்களைப் பார்த்தீயா, பார்த்தியா'' என்று முழக்கமிட்டு வந்த காட்சி தனிச் சிறப்பு! இந்த இளைஞர்கள் தங்களை வருத்திக்கொண்டே, மக்களுக்குப் பகுத்தறிவுத் தீயைக் கொளுத்தும் கொள்கை செயல்பாட்டினைப் பலதரப்பு மக்களும் பாராட்டிச் சொன்னதைக் கேட்க முடிந்தது.

பேரணியை ஆயிரக்கணக்கான பொதுமக்கள் திரண்டு நின்று பார்த்து வியந்ததும், பாராட்டியதும் கழகத்தின் முயற்சிக்குக் கிடைத்த வெற்றியாகவே கருதவேண்டும். முக்கிய வீதிகள் வழியாக பேரணி மாநாடு நடைபெறும் பொன்னேரி அரிஅரன் கடைவீதிக்கு வந்து சேர்ந்தது.

வரும் வழியில் இருந்த தந்தை பெரியார், அண்ணல் அம்பேத்கர், பச்சைத் தமிழர் காமராசர், அறிஞர் அண்ணா ஆகியோர் சிலைகளுக்கு  கழகத் துணைத் தலைவர் கலி.பூங்குன்றன், பொதுச்செயலாளர்கள் வீ.அன்புராஜ், தஞ்சை இரா.ஜெயக்குமார் ஆகியோர் மாலை அணிவித்து வந்தனர். அத்தகு இடங்களில் எல்லாம் வெகுமக்கள் நிறைந்து காணப்பட்டனர். அங்கு பெரியார் வீர விளையாட்டுக்காரர்கள் சிலம்ப சாகசங்களை நிகழ்த்திக் காட்டிய வண்ணம் இருந்தனர்.

பேரணி முக்கிய வீதிகள் வழியாக சுமார் 2 கிலோ மீட்டர் தூரம் அமைதிக்குப் பங்கமின்றி - பொதுமக்களின் ஒத்துழைப்புடன் நடந்தது குறிப்பிடத்தக்கதாகும். இப்படி நடந்ததில் காவல்துறையினருக்கு அளவுகடந்த மகிழ்ச்சியாகும்.

கலைமாமணி பன்னீர்செல்வம் இசை மழை!

பேரணி ஒரு பக்கம் வந்து கொண்டே இருக்க, மாநாட்டு மேடையில் கலைமாமணி'' திருத்தணி டாக்டர் பன்னீர்செல்வம் குழுவினரின் பகுத்தறிவு இன்னிசை தேன்மழை பொழிந்து கொண்டிருந்தது. அப்பொழுதே மேடையின் முன்புறம் அமைக்கப்பட்டிருந்த இருக்கைகள் நிரம்பி வழிந்தன.

மாநாட்டு மேடை கலை வண்ணத்துடன் கம்பீரமாகக் காட்சி அளித்தது.

திராவிடர் கழகத் தலைவர் ஆசிரியர் கி.வீரமணி அவர்களின் ஆசிரியரும், ஆசானுமாகிய ஆ.திராவிடமணி அவர்கள் பொன்னேரியையடுத்த ஆசானப்புதூரைச் சேர்ந்தவர் என்பதால், அரங்கத்திற்கு அவர்பெயர் சூட்டப்பட்டு மேடையின் முகப்பில் அவர் படமும் அணி செய்யப்பட்டது.

பொன்னேரியில் பகுத்தறிவாளர் கழகத்தின் முன்னோடியாக இருந்து அருந்தொண்டாற்றிய ஆசிரியர் மறைந்த சந்திரராசு அவர்களின் பெயர் மாநாட்டு மேடைக்குப் பொருத்தமாகச் சூட்டப்பட்டு அவர் படமும் காட்சியளித்தது. அந்த இருபெரும் இயக்க வீரர்கள்பற்றி தமிழர் தலைவர் மாநாட்டில் குறிப்பிட்டபோது உள்ளூர் மக்கள் பெருமகிழ்ச்சியில் கைதட்டி ஆரவாரம் செய்தனர். (ஆசிரியர் சந்திரராசு அவர்களின் வாழ்விணையருக்குக் கழகத் தலைவர் சால்வை அணிவித்துச் சிறப்பு செய்தார்).

மாநாட்டுக் கருத்தரங்கம் தொடங்குமுன் பெரியார் வீர விளையாட்டுக் கழகத்தினரின் சிலம்பம் மற்றும் சாகச விளையாட்டுகளும், புத்தர் கலைக் குழுவினரின் பறை இசையும் பட்டையைக் கிளப்பின.

கும்மிடிப்பூண்டி மாவட்ட இளைஞரணி தலைவர் சு.நாகராசு வரவேற்புரை ஆற்றினார்.

சென்னை மண்டல இளைஞரணி செயலாளர் ஆ.இர.சிவசாமி மாநாட்டுக்குத் தலைமை வகித்து, புரட்சிக் கவிஞரின் பாடலை எடுத்துக் காட்டி திராவிடன் என்பதில் உள்ள பெருமிதத்தை விளக்கினார்.

மாநாட்டுக்குக் கீழ்க்கண்டவர்கள் முன்னிலை வகித்தனர்.

சின்னக்காவனம் நடேசனார், கும்மிடிப்பூண்டி மாவட்ட இளைஞரணி செயலாளர் - க.ச.க.இரணியன், தாம்பரம் மாவட்ட இளைஞரணி தலைவர் - கெ.விஜயகுமார், வடசென்னை மாவட்ட இளைஞரணி தலைவர் - தளபதி பாண்டியன், ஆவடி மாவட்ட இளைஞரணி தலைவர் - வெ.கார்வேந்தன், தென்சென்னை மாவட்ட இளைஞரணி செயலாளர் - ச.மகேந்திரன், வடசென்னை மாவட்ட இளைஞரணி செயலாளர் - சோ.சுரேஷ்

கழகக் கொடியேற்றம்

கும்மிடிப்பூண்டி மாவட்ட திராவிடர் கழக மகளிர் பாசறை செயலாளர் கு.செல்வி தந்தை பெரியார் வாழ்க! அன்னை மணியம்மையார் வாழ்க! தமிழர் தலைவர் வாழ்க! தந்தை பெரியார் பணி முடிப்போம்! கடவுள் இல்லவே இல்லை என்ற முழக்கங்களுக்கிடையே திரா விடர் கழகக் கொடியை ஏற்றினார். அவர் தன்னுரையில் சனாதனத்தின் வேரை வீழ்த்தும் போர்க்குணத்தைக் கொண்டது திராவிடர் கழகக் கொடி,. இன இழிவை ஒழிக்கப் புரட்சி செய்வோம் என்ற தத்துவத்தைக் கொண் டது கழகக் கொடி என்று விரிவாக எடுத்துரைத்தார்.

திராவிடர் இனம் தலை நிமிர்ந்திட.. என்ற தலைப்பில் நடைபெற்றக் கருத்தரங்கத்திற்கு மாநில மாணவரணி செயலாளர் பிரின்சு என்னாரெசு பெரியார் தலைமை வகித்தார்.

பார்ப்பனர் அல்லாதாரை திராவிடர் என்று ஏன் அழைக் கிறோம்  என்றால் அந்த சொல்தான் நமது இனத்திற்கு எதிரி பார்ப்பான் - ஆரியன் என்ற அடையாளத்தைக் காட்டுவதாகும் என்று குறிப்பிட்டார்.

திராவிடம் என்று சொல்லும்பொழுது தான் ஆரியமும், காவிக் கூட்டமும் அலருகின்றன என்பதிலிருந்தே திராவிடத்தின் அருமையை உணரலாம் என்று எடுத்துக் கூறினார்.

மே 12 என்பது - திராவிடர் கழகத் தலைவர் ஆசிரியர் அவர்கள் முதன்முதலில் மேடையேறி உரையாற்றிய நாள் - இன்றோடு அது பவள விழாவை - (75 ஆண்டுகள்) காணுகிறது என்று அவர் சுட்டிக் காட்டியபோது பெரும் ஆரவாரம்!

பண்பாட்டுப் படையெடுப்பை முறியடிப்போம் எனும் தலைப்பில் உரையாற்றிய அமுதரசன் - பண்டைத் திராவிடத்தில் ஜாதி கிடையாது, அது ஒரு தாய், வழிச் சமுதாய அமைப்பு என்ற வரலாற்றை நினைவூட்டினார்.

உலகில் நாடே இல்லாத இனங்கள் இரண்டு உண்டு. ஒன்று ஆரியர், இன்னொருவர் யூதர் என்றும் குறிப்புக் காட்டினார்.

வரலாற்றில் முதன்மையான சமூக எழுச்சி போராட்டம் தந்தை பெரியார் தலைமை வகித்து நடத்தி வெற்றி கண்ட வைக்கம் போராட்டம். அந்த வைக்கத்திலிருந்து வந்த கே.ஆர்.நாராயணன்தான் இந்தியாவில் முதல் தாழ்த்தப் பட்ட சமூகத்தைச் சேர்ந்த குடியரசுத் தலைவர் என்றும் குறிப்பிட்டார்.

பகுத்தறிவுச் சுடர் ஏந்துவோம் என்ற தலைப்பில் உரையாற்றிய வழக்குரைஞர் ம.வீ.அருள்மொழி புத்தருக் குப் பிறகு பகுத்தறிவுக்கு முன்னுரிமை கொடுத்தவர் தந்தை பெரியார் என்றார்.

படித்த மனிதன் கூட இன்னும் சாணியைப் பிடித்து வைத்து சாமி என்று கும்பிடுகிறானே என்று எள்ளி நகையாடினார். பஞ்சகவ்யம் என்று மாட்டு மூத்திரத்தை தட்சணை கொடுத்துக் குடிப்பதையும் சாடினார்.

ஆண்டு என்பது கருப்பையில் பிறக்கக் கூடியதா என்று கேட்ட இந்த இளம் வழக்குரைஞர் தமிழ் ஆண்டு என்று கூறி 60 வருடங்களைச் சொல்லுகிறார்களே அதில் ஒரே ஒரு ஆண்டுக்காவது தமிழில் பெயருண்டா? என்ற அறிவார்ந்த வினாவையும் எழுப்பினார்.

தமிழக உரிமைகளை மீட்டெடுப்போம் எனும் தலைப்பில் வழக்குரைஞர் பா.மணியம்மை தன் உரையில் காவிரிப் பிரச்சினையில் தமிழ்நாடு வஞ்சிக்கப்படுவதை சுட்டிக் காட்டினார். இப்பிரச்சினையில் அனைத்துக் கட்சிக் கூட்டத்தில் எடுக்கப்பட்ட முடிவின்படி பிரதமரைச் சந்திக்க முதல் அமைச்சர் தேதி கேட்டும், பிரதமர் தேதி கொடுக்காத - இந்தியா ஜனநாயக நாடுதானா?

மாநிலங்களைப் பிரதமர் மதிக்கும் இலட்சணம் - இதுதானா என்ற அர்த்தமுள்ள கேள்வியை எழுப்பினார்.

மாநாட்டு மேடையில் வெளியிடப்பட்ட மூன்று நூல்கள் குறித்து வடசென்னை மாவட்ட திராவிடர் கழகத் தலைவர் வழக்குரைஞர் சு.குமாரதேவன் சிறிது நேரம் விளக்கிப் பேசினார். தனக்கு மொழிப் பற்றோ, தேசப் பற்றோ கிடையாது; எனது பற்று எல்லாம் மானுடப் பற்றுதான் என்று சொன்ன தலைவர் தந்தை பெரியார் தான் என்றார் வழக்குரைஞர் குமாரதேவன்.

திராவிடர் கழகப் பிரச்சார செயலாளர் வழக்குரைஞர் அருள்மொழி தனது உரையில் முக்கியமாகக் குறிப்பிட்ட தாவது.

தமிழ்நாட்டில் காவி ஊடுருவ முடியவில்லை என்றால் அதற்குக் காரணம் இங்குதான் பெரியார் பிறந்தார்.

திராவிட இயக்கத்தால் தமிழ்நாட்டு மக்கள் சமூக நீதி பெற்றனர். ஏராளமான அளவில் மருத்துவர்கள் தோன்றினார்கள். 'நீட்' என்ற பெயராலே இதனை ஒழித்துக்கட்டத் திட்டம் தீட்டிவிட்டனர். நம் வீட்டுக்குள் புகுந்து நம் பிள்ளைகளின் கண்களைப் பிடுங்கும் வேலையில் ஈடுபட்டுள்ளனர்.

நீட் தேர்வு எழுதிட 1 லட்சத்து 2000 பேர் விண்ணப் பித்தனர் அதில் 30 ஆயிரம் பேர் நீட் தேர்வு எழுதிட வில்லை என்றால் காரணம் என்ன?

தமிழ்நாட்டில் 'நீட்' தேர்வு எழுதிட வசதி செய்து கொடுக்க முடியாதா? வெளிமாநிலங்களுக்குச் சென்று எழுதிட எத்தனைப் பேருக்கு வாய்ப்பு இருக்கிறது - வசதியிருக்கிறது?

ஒருவர் எழுதுகிறார் - செம்மரம் வெட்ட வெளிமாநிலங் களுக்குப் போகும் போது 'நீட்' எழுதிட வெளி மாநிலத் துக்குப் போக முடியாதா என்று கேட்கிறார் என்றால் - இவர்களின் மனம் என்பது வெறும் மரக்கட்டைதானா? என்ற வினாவை எழுப்பினார் பிரச்சார செயலாளர்.

கடந்த ஆண்டு இந்த நீட்டுக்காக ஓர் அனிதாவை பறி கொடுத்தோம் என்றால் இவ்வாண்டு மூன்று தந்தை யர்களை இழந்தோம் என்ற வேதனையை வெளிப்படுத் தினார்.

திராவிடர் கழகப் பொதுச் செயலாளர் வீ.அன்புராஜ் தனது உரையில் இம்மாநாட்டிலே நிறைவேற்றப்பட்ட 12 தீர்மானங்களும் சம்பிரதாயமானவையல்ல, வருங்காலத் தில் அரசின் சட்டங்களாகக் கூடியவை. திராவிடர் கழகத்தின் கடந்த கால வரலாற்றை எடுத்துக் கொண்டால் இதன் உண்மை புரியும்.

பெண்களுக்குக் கல்வி உரிமை, சொத்துரிமை என்பவை எல்லாம் நமது இயக்கத்தில் நிறைவேற்றப்பட்ட தீர்மானத்தின் தொடர்ச்சிதான் என்று குறிப்பிட்டார்.

ஒரு வெளிநாட்டுத் தோழர் இன்று என்னை சந்தித்த போது கணியூரில் நடைபெற்ற திராவிடர் கழக மகளிர் அணி மாநாட்டின் சிறப்பைப் பற்றிப் பெருமையாகக் குறிப்பிட்டார்.

மாற்றங்கள், வளர்ச்சிகள் என்பது பற்றி மோடி பேசி யதை நம்பி ஏமாந்தவர்களுள் நானும் ஒருவன். அதற்காக நானும் கொஞ்சம் பாடுபட்டிருக்கிறேன்; ஆதரவும் தெரி வித்திருக்கிறேன்.

நான் நம்பியது நினைத்தது தவறு என்று இப்பொழுது உணர்கிறேன். திராவிடர் கழகத்துக்கு என்னால் இயன்ற உதவியைச் செய்வேன் என்று குறிப்பிட்டதைக் கழகப் பொதுச் செயலாளர் வீ.அன்புராஜ் எடுத்துக் கூறியதுதான் எத்தகைய உண்மை!

12 தீர்மானங்கள்

மாநாட்டுத் தீர்மானங்களை கழகப் பொதுச் செயலாளர் தஞ்சை இரா.ஜெயக்குமார் முன்மொழிய மக்கள் கடல் பலத்த கர ஒலிக்கிடையே ஆதரித்தது. திராவிடர் கழகத் துணைத் தலைவர் கலி.பூங்குன்றன் தனது உரையில், இந்தியா சுதந்திரம் அடைந்ததாகக் கூறப்பட்டு 71 ஆண்டுகள் ஆனநிலையிலும், இன்றைய மாநாட்டில் கூட தீண்டாமை ஒழிப்பைப் பற்றியும், ஜாதி ஒழிப்புக் குறித்தும் தீர்மானம் நிறைவேற்ற வேண்டிய நிலையில்தான் இருக்கிறோம். இந்தியா சுதந்திரம் அடைந்து விட்டதாக நாம்கூற முடியுமா?

தந்தை பெரியார் கேட்டாரே ஜாதி இருக்கும் இடத்தில் உண்மையான சுதந்திரம் இருக்க முடியுமா? சுதந்திரம் இருக்கும் நாட்டில் ஜாதிதான் இருக்கலாமா என்ற தந்தை பெரியார் கூற்றை நினைவூட்டினார்.

இந்திய அளவில் நிருவாகம், நீதித்துறைகளில் எல்லாம் பார்ப்பனர்கள் இன்னும் ஆதிக்கக் கொடிக்கட்டி பறந்து கொண்டு இருப்பதைப் புள்ளி விவரங்களுடன் எடுத்துக் கூறினார். இறுதியாகக் கழகத் தலைவர் நிறைவுரையாற் றினார். மாநாடு இரவு 10 மணிக்கு முடிந்தது. கும்மிடிப்பூண்டி மாவட்ட இளைஞரணி அமைப்பாளர் கா.கார்த்தி நன்றி கூறினார்.

மாநாட்டின் சிறப்பம்சம் எங்கு நோக்கினும் கருமேகமாக உலாவந்த கழக இளைஞர் பட்டாளம்தான்.


மின்சாரம்

"விடுதலை" கேள்விகளுக்கு விடை எங்கே? எங்கே??

(1)     கலாச்சார சீரழிவு, ஒழுக்கக் கேடு இவற்றின் ஒட்டு மொத்த குத்தகைக் காடாகக் காட்சியளிக்கும் இந்துக் கடவுள்களின் ஒழுக்கக் கேட்டை பட்டியல் போட்டுக் காட்டியதே 'விடுதலை' அதற்குத் 'துக்ளக்' விடையளிக்காதது ஏன்?  விடை இல்லையென்றால் 'துக்ளக்' கூட்டம் ஏற்றுக்கொண்டதாகக் கருதலாமா?

(2)     இந்து மதம் குறித்து விவேகானந்தர் கூறிய கருத்தை எடுத்துக் காட்டியிருந்தோமே அந்தப் பக்கம் ஏன் செல்லவில்லை?

(3)     கோயில் கருவறைகளுக்குள் பார்ப்பன அர்ச்சகர்கள், குருக்கள் அடித்த சல்லாபங்களை எடுத்துக் காட்டினோமே ஏன் அவற்றை எதிர் கொள்ளவில்லை?

(4)     பா.ஜ.க. ஆளும் மாநிலங்களில் பாலியல் வன்கொடுமை பா.ஜ.க.வினராலேயே நிகழ்த்தப்பட்டதற்கான ஆதாரங்களை அடுக்கினோமே -  அதற்கெல்லாம் திராவிட இயக்கம்தான் காரணமா என்று கேட்டோமே மவுனம் ஏன்?

(5)     இந்து மத சாமியார்களின் இலட்சணங்களைத் தோலுரித்துக் காட்டியதே "விடுதலை" - ஏன் விவாதிக்கவில்லை 'துக்ளக்'?

(6)     காம சூத்திரம் எப்படி வந்தது என்ற கேள்விக்குப் பதில் எங்கே?

(7)     சிற்றின்பம் என்பதுதான் இந்து மதத்தின் ஆணி வேராக உள்ளது என்ற கார்ல் மார்க்சின் எடுத்துக்காட்டுக்கு என்ன பதில்?

(8)     'எங்கள் கடவுள் கிருஷ்ணன் செய்த லீலைகளைத்தான் நானும் செய்தேன்' என்று நீதிமன்றத்திலேயே ஆசாராம் சாமியார் சொன்னது - அந்த சாமியாரை மன அமைதிக்காக அடிக்கடி பிரதமர் நரேந்திர மோடி சந்தித்ததையெல்லாம் படத்தோடு எடுத்துப் போட்டுக் காட்டினோமே - கண் மூடிக் கொண்டது ஏன் 'துக்ளக்'?

(9)     பக்திக்கும் ஒழுக்கத்துக்கும் சம்பந்தமில்லை என்று திருமுருக கிருபானந்த வாரியார் - ஏன் 'துக்ளக்' இதழும் (கார்ட்டூனோடு) கூறியதை எடுத்துக்காட்டினோமே ஏன் பதில் இல்லை? குருமூர்த்தி அய்யர்வாளே ஓடாமல் பதில் சொல்லுங்கள் பார்ப்போம்.

('துக்ளக்'கில் வெளிவந்த பதில் கட்டுரையில் விடுதலையில் எழுதியிருந்த

இக்கேள்விகளுக்கெல்லாம் விடை இல்லையே ஏன்? ஏன்??)


"கூறுகெட்ட குருமூர்த்திகளே கேட்பீர்!" என்று 'விடுதலை'யில் எழுதப்பட்ட மின்சாரத்தின் மூன்று கட்டுரைகளுக்குப் பதில் சொல்லுவதாக நினைத்துக் கொண்டு இந்த வார 'துக்ளக்'கில் (16.5.2018 பக்கம் 22,23) "சேற்றைவாரி இறைப்பது 'துக்ளக்'கா? 'விடுதலை'யா? என்ற தலைப்பில் இரண்டு பக்கங்களில் பதில் சொல்ல முயற்சித்திருக்கிறது - வரவேற்கிறோம்.

ஆனால் 'விடுதலை' எழுப்பிய வினாக்களுக்குத்தான் விடையில்லை.

"பெரியாரின் சமுதாய சீர்திருத்த சிந்தனைகளுக்கு அறிவுசார் சொத்துரிமை (மிஸீtமீறீறீமீநீtuணீறீ றிக்ஷீஷீஜீமீக்ஷீtஹ்) பெரியாரு டையது அல்ல. பல்லாயிரக்கணக்கான ஆண்டுகளுக்கு முன்பு வடநாட்டில் வாழ்ந்த சாருவாக முனி, குறிப்பாக ஆன்மிக மற்றும் பாலுறவு சம்பந்தப்பட்ட விஷயங்களில் சமஸ்கிருதத்தில் என்ன கூறினாரோ அதைத்தான் பெரியார் இங்கு தமிழில் கூறினார் என்ற கருத்தை 'விடுதலை' மறுக்கவில்லை" என்கிறது 'துக்ளக்'.

இப்பொழுது பிரச்சினை கடவுள் மறுப்பு குறித்து, வேத எதிர்ப்புகள் குறித்து யார் சொல்லியிருந்தாலும் அதனை 'துக்ளக்' ஏற்றுக் கொள்கிறதா என்பதுதான் முதல் கேள்வி.

தந்தை பெரியார் கூறும் இந்தக் கருத்துகளுக்குப் பதில் சொல்ல வக்கில்லாத கையறு நிலையில், பார்ப்பனீயத்துக்கே உரித்தான திசை திருப்பும் திரிநூல் புத்தியோடு இந்தக் கருத்தையெல்லாம் பெரியாராக சொல்லவில்லை; இன்னொருவர் சொன்னதைத்தான் பெரியார் சொல்லுகிறார் என்று சொல்லுவது தான் 'துக்ளக்'கின் குற்றச்சாட்டா?

அப்படிப் பார்க்கப் போனால் வேத எதிர்ப்பு என்பது புத்தர் காலத்தில் அவரால் உயர்த்திப் பிடிக்கப்பட்ட ஒன்றுதான். புத்தர் எதிர்த்தார் என்பதற்காக பெரியாரும் எதிர்க்கக் கூடாதா? அப்படி எதிர்த்தால் பெரியார் ஒன்றும் புதிதாக சொல்லவில்லை; புத்தர் சொன்னதைத்தான் பெரியாரும் சொன்னார் என்று சொல்லப் போகிறதா துக்ளக்?

புத்தர் சொன்னாலும் சரி, சாருவாகனர் கூறினாலும் சரி, பெரியார் சொன்னாலும் சரி - அவர்கள் எல்லோருமே வேதங்களை வேர் வரை சென்று பந்தாடியிருக்கிறார்களே - அதற்கு என்ன பதில் பார்ப்பனர்களே என்பதுதான் நம் கேள்வி.
சாருவாகன் சொன்னால் ஏற்போம், பெரியார் சொன் னால் ஏற்க மாட்டோம் என்ற இரட்டை அளவு கோலை வைத்துள்ளனரா?

சரி, 'துக்ளக்' வழிக்கே வருவோம். சாருவாக முனி கூறியதைத்தான் பெரியாரும் கூறியிருக்கிறார் - சொந்த சரக்கல்ல பெரியாருடையது என்று காட்டி ஓர் அற்ப சந்தோஷம் அடையும் 'துக்ளக்'கைக் கேட்கிறோம்.

அப்படியானால் பெரியார் கருத்துகளை வரவேற்க வேண்டியதுதானே! எதற்காகக் கோணல் கழி வெட்ட வேண்டும்? பெரியாரால்தான் கலாச்சாரம் சீரழிந்து விட்டது என்று எழுத வேண்டும்? பெரியார் கருத்து எப்போது போற்றப்படத் துவங்கியதோ அப்போதே கலாச்சார சீரழிவு துவங்கிவிட்டது என்று எழுதுவானேன்?

அப்படி எழுதப் போய்தானே 'விடுதலை'க்கு பதிலடி கொடுக்க வேண்டிய அவசியம் ஏற்பட்டது.

'துக்ளக்'குக்கு ஏனிந்த தடுமாற்றம்?

'துக்ளக்' ஹிந்துத்துவா ஆதரவாளர்களையும் எதிர்த்து எழுதியதுண்டாம். அதன் காரணமாக அவர்களின் கடுமை யான விமர்சனத்துக்கு 'துக்ளக்' ஆளானதும் உண்டாம். இதன் மூலம் என்ன சொல்ல வருகிறது? 'துக்ளக்' ஒன்றும் பிஜேபி - சங்பரிவார்களுக்கு ஆதரவான இதழ் இல்லை என்பதற்காகத்தானே  இப்படி எழுதுகிறது!

'பா.ஜ.க.வைப் பிடித்த சனி' என்ற தலைப்பில்  'துக்ளக்'கில் வெளிவந்த கட்டுரைக்கு பா.ஜ.க. ஆதர வாளர்கள் கடுமையாகக் கண்டித்து முகநூலில் கருத்துகளை வெளியிட் டுள்ளதை அதற்கு ஆதாரமாகக் காட்டு கிறது 'துக்ளக்'.

உண்மைதான், 'துக்ளக்' கண்டித்து எழுதியது உண்மைதான். ஆனால் அந்தக் கண்டிப்பு எத்தன்மையது என்பதுதான் முக்கியமாகும்.

பிஜேபியின் எச். ராஜாவும், எஸ்.வி. சேகரும் வெளியிட்டு வரும் கருத்து களுக்கு கட்சிகளைக் கடந்து பொதுத் தளத்தில் கடும் எதிர்ப்பு வெடித்துக் கிளம்பிய நிலையில், அதனால் பிஜேபிக்குக் கெட்ட பெயர், சேதாரம் வரும்; ஆகையால், பிஜேபிக்குப் பாதகம் வந்து விடக் கூடாது என்னும் அதீத அக்கறையில் எழுதப்பட்ட கட்டுரை தானே தவிர பிஜேபிக்கு எதிரான ஒன்றல்ல.

தன் குழந்தைக்கு மாந்தம் வந்துவிடக் கூடாது என்று பரிதவிக்கும் தாயின் உணர்வு கொண்டது என்பதுதானே - அந்தக் கட்டுரை?

'துக்ளக்' - இது போன்ற இடங்களில் எல்லாம் இந்த இனஉணர்வோடு தான் எழுதியது என்பதிலிருந்தே பிஜேபியின்மீது அதற்கு இருக்கும் பந்த பாசத்தைப் புரிந்து கொள்ளலாம். அதுபோல மற்ற கட்சிகளுக்கு எழுதுமா?

'துக்ளக்'குக்கு ஒரு முக்கியமான கேள்வி உண்டு

இந்தியாவில் தோன்றிய சமூக சீர்திருத்தக்காரர்கள் எல்லோரும் புத்தர் முதல், ஜோதி பாபுலே, நாராயணகுரு, வேமண்ணா, அண்ணல் அம்பேத்கர், சித்தர்கள், தந்தை பெரியார் அனைவருமே பார்ப்பனர் எதிர்ப்பாளர்களாக - பார்ப்பனீயத்தை சல்லி சல்லியாகப் பதம் பார்க்கிறார்களே ஏன் - ஏன்?

ஏன் அக்கிரகார பாரதிகூட தண்டச் சோறுண்ணும் பார்ப்பனர் என்று தோலுரிக்கிறாரே ஏன் - ஏன்?

மூடங் கெடாதோர் சிகைநூல்
முதற் கொள்ளில்
வாடும் புவியும் பெருவாழ்வு மன்னனும்
பீடொன்றிலனாகும் ஆதலாற் பேர்த்துணர்ந்
தாடம்பர நூற் சிகையறுத்தல் நன்றே
என்று திருமந்திரத்தில்...                (பாடல் எண் 241)

பார்ப்பானின் உச்சிக்குடுமியையும், பூணூலையும் அறுக்க வேண்டும் என்று திருமூலர் கூடத்தான் சொல்லி யிருக்கிறார்.

குருமூர்த்தி அய்யர்களுக்கு குன்றிமணி அளவுக்கு மூளையிருந்தால் பார்ப்பனர்களைப் பெரியார் மட்டும் சாடவில்லை - வேதங்களைப் பெரியார் மட்டும் மட்டை இரண்டு கீற்றாகக் கிழிக்கவில்லை சாருவாகனனும் கிழித்தார் என்று எடுத்துக்காட்டுவாரா?

புத்தரின் ஆரிய வேத வேள்வி மறுப்பின் வெப்பத்தைத் தாங்கிக் கொள்ள முடியாத பார்ப்பனீயம் புத்தரையும் மகா விஷ்ணுவின் அவதாரம் என்று சொன்னது போலவே சாரு வாகனனின் வேத மறுப்பு - இறை மறுப்புக் கொள்கையை இந்து மதத்தின் ஒரு அம்சம் என்றும் ஆக்கிக் கொண்டனர். ஆதி சங்கரர் சாருவாகனின் கருத்தை வேத மதத்தின் உட்பொருள் என்று மாற்றியவர் ஆயிற்றே!

வேத மறுப்புத் தத்துவத்தைக் கூறிய வரையே வேத மதத்தின் உட்பொருள் என்று கூறும் இவர்களின் அறிவு நாண யத்தை - இந்த வெட்கம் கெட்ட நிலையை எப்படி மதிப்பிடுவது! எத்தனை ஆயிரம் வேண்டுமானாலும்  வெட்கத்தைப் பெருக்கி அவர்களின் கழுத்தில் மாலையாக சூட்ட லாம்!

அதே நேரத்தில் ஒன்றைக் குறிப்பிட வேண்டும் சாருவாகனனின் கூற்றுகளை உள்ளடக்கி சாருவாக மதம் என்று கலைக் களஞ்சியமும் சரி, என்சைக்ளோபீடியா பிரிட்டானிகாவும் சரி, அபிதான சிந்தாமணி யும் சரி ஒரே மாதிரியாக சொல்லுகிறதே - அந்த மாதிரி எந்த ஒரு மதத்தையும் தந்தை பெரியார் உருவாக்கவில்லை. மதம் என்பதை முற்றிலும் மறுக்கும் முழுப் பகுத்தறிவு நிலைதான் தந்தை பெரியாருடையது.

"'துக்ளக்' (13.9.2017) இதழில் 'சாமியார்களின் பின்னால் அலையும் மூடர்கள்'  என்ற தலைப்பில் வெளிவந்துள்ள கட்டுரையைப் படித்தபோது, 1944க்கு முந்தைய பெரியார் ஈ.வெ.ரா.வின் 'குடிஅரசு' இதழைப் படித்த உணர்வு எனக்கு ஏற்பட்டது.

1944க்கு முன் பெரியார் ஈ.வெ.ரா. தம் மீது முத்துசாமி வல்லத்தரசு,  ஜீவானந்தம் உள்ளிட்டோர் வெளிப்படுத்திய குற்றச்சாட்டுகளை அப்படியே வெளியிட்டு, 'குடிஅரசு' இதழில் எழுதிய விளக்கங்களை நான் படித்திருக்கிறேன். அது போலவே 'முரசொலி' இதழில் ஸ்டாலின் வெளிப் படுத்திய குற்றச்சாட்டை 'துக்ளக்' இதழில் வெளியிட்டு குருமூர்த்தி விளக்கத்தைப் படித்தபோது, அதுவும் என் ஞாபகத்திற்கு வந்தது. (1944க்கு முந்தைய 'குடிஅரசு' திசையில் 'துக்ளக்')".

இவ்வாறு  'துக்ளக்' எழுத்தாளர் எழுதியிருக்கிறார். அப்பாடி இப்பொழுதாவது பெரியாரைப் பற்றிப் பாராட்ட 'துக்ளக்'குக்கு மனம் வந்ததற்காக ஒரு பாராட்டு.

இந்த இடத்தில் மறக்காமல் குறிப்பிட வேண்டிய ஒன்று இருக்கிறது. 'சாமியார் பின்னால் அலையும் மூடர்கள்' என்னும் 'துக்ளக்' கட்டுரையில் (மறைந்த) காஞ்சி சங்கராச்சாரியார் ஜெயேந்திர சரஸ்வதி பற்றிக் குறிப்பிடாதது ஏன்? பெண்கள் விஷயத்தில் அவர் எவ்வளவு மோசம் என்று கொலையுண்ட சங்கரராமனின் (அவர் சாதாரண மானவரல்லர் - சங்கர மடத்திலேயே இருந்தவர்தான் - காஞ்சி வரதராஜப்பெருமாள் கோயில் மேலாளரும்கூட) கடிதங்கள் ஒரு பெரிய பட்டியலையே வெளிப்படுத்துகிறதே!

அதை விட்டுத் தள்ளுங்கள் - பிரபல எழுத்தாளரும், அக்கரகாரப் பெண்மணியுமாகிய அனுராதா ரமணன் என்ன கூறினார்? சங்கர மடத்தின் சார்பில் பத்திரிக்கை நடத்த வேண்டும் என்பதுபற்றி ஆலோசிப்பதற்காக அழைத்து, தன் கையைப் பிடித்து இழுத்தவர்தான் ஜெயேந்திரர் என்று கண்ணீரும் கம்பலையுமாக தொலைக் காட்சிகளில் கதறினாரே! இதில் என்ன கொடுமை என்றால், அந்த அனுராதா ரமணன் மீதே பொய்யான தகவல் கூறித் திசை திருப்பியவர் தான் இந்தக் குருமூர்த்தி அய்யர் ('துக்ளக்' 29.12.2014 பக்கம் 34).

குருமூர்த்தியின் பொய்யுரையை நார் நாராக கிழித்துப் பேட்டி கொடுத்தார் அந்த எழுத்தாளர் அனுராதா ரமணன் (குமுதம் 10.1.2005 பக்கம் 61-63).

ஈ.வெ.ரா. அவர்களைப் போலவே, "சாருவாக முனி அப்படிக் கூறியதற்காக யாரும் அவரைத் தூற்றவில்லை" என்று 'துக்ளக்' கட்டுரையில் வெளிவந்துள்ள கருத்தானது, யாருடைய கருத்துக்காகவும் அவரைத் தூற்றாமல் அறிவுப் பூர்வமாகவே விமர்சிக்க வேண்டும் என்பதை உணர்த் துவது ஆகாதா என்று, தன் தோளைத் தட்டிக் கொள்கிறது 'துக்ளக்'.

இந்தக் கட்டுரையாளர் 'துக்ளக்' இதழைத் தொடர்ந்து படிக்காதவர்போல் தோன்றுகிறது.

கடந்த 2.5.2018 நாளிட்ட 'துக்ளக்'கைப் படித்துப் பார்க்கட்டும்.

"கலாச்சார சீரழிவை சமுதாய சீர்திருத்த அரசியல் இயக்கமாக பெரியாரும், அவருடைய சீடர்களும் ஆக்கினார்களாம்."

எவ்வளவுப் பெரிய அபாண்டம் - பெரியார் ஜாதி யையும், தீண்டாமையையும் ஒழிக்கப் பாடுபட்டதும், மூடநம்பிக்கைகளை எதிர்த்துப் பிரச்சாரம் செய்ததும், பெண்ணுரிமைக்காக குரல் கொடுத்ததும், சமூக நீதிக்காகத் தொடர்ந்து சமர்க்களம் கண்டதும், ஒழுக்கம் பொதுச் சொத்து, பக்தி தனிச் சொத்து என்று பரப்புரை செய்ததெல்லாம் கலாச்சார சீரழிவுகளா?

சீரழிவு என்பதற்கு இவர்கள் தனியாக அகராதி தயாரித்து வைத்துள்ளார்களா?

எத்தனை முறை சிறைச்சாலைகளைச் சந்தித்தார். நாட்டு நலனுக்காக!

தந்தை பெரியாரின் சமூக சீர்திருத்தத்தை அய்.நா.வே வியந்து பாராட்டி விருது வழங்கிய வரலாறெல்லாம் இந்த வன்கணாளர்களுக்குத் தெரியாதா?

ஒழுக்கச் சீரழிவின் ஒட்டு மொத்த உருவமாக இருப்பது இந்துமதம்தான் என்பதற்கு இந்து மதக் கடவுள்களின் ஒழுக்கத்தையே கேள்விக்குறியாக்கி இந்துக் கடவுள்களின் ஆபாசக் கிடங்குத்தனமானவற்றைப் பட்டியலிட்டது "விடுதலை" (27.4.2018).

இந்துக் கடவுள்களின் விபச்சாரத்தனத்தை, கற்பழிப்புப் படலத்தை எடுத்துச் சொல்லுவது தான் கலாச்சார சீரழிவு என்று 'துக்ளக்' கருதுகிறதோ!

இந்து மதத்தில் கடவுள்களும், கடவுளச்சிகளும், அதன் பரிவார்களும் நடந்து கொண்ட ஆபாசங்களை, ஒழுக்கக் கேடுகளை எடுத்து ஒரு நீண்ட பட்டியலையே வெளி யிட்டது "விடுதலை". அதற்கு மறுப்போ, பதிலோ சொல்ல முடியாத நிலையில் 'துக்ளக்' கட்டுரையாளர் மிக மிக சாமர்த்தியமாக என்ன எழுதுகிறார்?

"'விடுதலை' கட்டுரையில் புராணங்களில் உள்ள 'ஆபாசங்கள்' தொடர்பான தகவல்கள் வெளி வந்துள்ளன. அவை தொடர்பான எனது பதிவுகளுக்கு, இதுவரை அறிவுப் பூர்வமாக 'விடுதலை'யிலிருந்து மறுப்பு ஏதும் வரவில்லை. இனி வந்தாலும் வரவேற்பேன்" என்று பூடகமாக எழுதுகிறதே துக்ளக். எப்பொழுது எழுதினார் - எந்தத் தேதி 'துக்ளக்'கில் வெளி வந்தது என்று குறிப்பிட வேண்டாமா?

எடுத்துக்காட்டுகளோ, தேதிகளோ ஆதாரங்களோ குறிப்பிட்டு எழுதுவது என்பது 'துக்ளக்'கின் அகராதியில் கிடையாது - இதையும் அந்தப் பட்டியலில் வைக்க வேண்டியதுதான்.

பார்வதியும், சிவனும் நூறு தேவ வருட காலம் புணர்ந் தனர் என்பதற்கெல்லாம் 'துக்ளக்' எழுத்தாளர் அறிவுப் பூர்வமான விளக்கத்தை வைத்துள்ளாராம். அப்படி விளக் கினால் அது இதைவிட ஆபாசமாகத் தானிருக்க முடியும்.
கடைசியில் 'துக்ளக்' கட்டுரை தந்தை பெரியாரிடம் சரண் அடைந்து விட்டதே!

"பொதுத் தொண்டருக்கான இலக்கணம், பொது மக்களுக்கும், பொதுச் சொத்துகளுக்கும், பொது அமைதிக்கும் ஊறு விளைவிக்காத ஆனால் காரியம் சாதிக்கும் போராட்டம் ஆகிய இரண்டிலும் ஆர்.எஸ்.எஸ். உள்ளிட்ட ஹிந்துத்துவா ஆதரவு மற்றும் எதிர்ப்பு அமைப்புகள் எல்லாம் ஈ.வெ.ரா. செயல்பூர்வமாக முன்னிறுத்திய வழியில் பயணித்தால் மட்டுமே தமிழின், தமிழ்நாட்டின் மீட்சி சாத்தியமாகும்" என்ற குறிப்புரையோடு முடித்திருக்கிறார் துக்ளக் கட்டுரையாளர்.

தொடக்கத்திலும், இடையிலும் எதை எதையோ எழுதிவிட்டு, கடைசிக் கடைசியாக பொதுத் தொண்ட ருக்கான இலக்கணம்  மக்களுக்கு, பொதுச் சொத்துக்கு, பொது அமைதிக்கும் ஊறு விளைவிக்காத ஆனால் காரியம் சாதிக்கும் போராட்டம் இரண்டிலும் பெரியாரைப் பின்பற்ற வேண்டும் என்று ஆர்.எஸ்.எஸ். உள்ளிட்ட ஹிந்துத்துவா வகையறாக்களுக்கு அறிவுறுத்தியுள்ள 'துக்ளக்' கட்டுரையாளரைப் பாராட்டுகிறோம்.

தந்தை பெரியார்மீது குற்றப் பத்திரிக்கை படிக்க  ஆரம் பித்து கடைசியில் தந்தை பெரியாரிடமே சரணடைந்து விட்டதே துக்ளக்!

இனி மேலாவது இந்த ஒப்பற்ற, உன்னத வழிகாட்டும் தலைவரைக் கொச்சைப்படுத்தி எழுத மாட்டார்கள் என்று நம்புவோமாக!

நாட்டு நடப்புகள் கோடை வெயிலைவிட சுட்டெரிக்கிறது. நீட் டெனும்  பெயரால்  தமிழ் மண் கட்டிக்காத்த சமூக நீதியின் கழுத்தில் கட்டாரி பாய்ச்சப்பட்டு விட்டது. அதன் விளைவு பட்டிக்காட்டானும், பஞ்சமனும், சூத்திரனும்  மருத்துவக்கல்லூரிக்குள் நுழைந்து ஸ்டெதாஸ் கோப்புடன் டாக்டர் என்ற தகுதியுடன் கம்பீரமாக வெளிவந்தானே - அந்த மாதிரியெல்லாம் இனி வரமுடியாது.

மாடு தின்னும் பறையா - உனக்கு மார்கழி திருநாளா? என்று நந்தனைப் பார்த்துக் கேட்ட கூட்டம், நீயெல்லாம் டாக்டரா - நாங்கள் எல்லாம் நோயாளிகளா? என்று ஆரியம் கேட்காமல் கேட்டு மருத்துவக் கல்லூரி இடங்களை யெல்லாம் வாரிச் சுருட்டிக் கொண்டு விட்டது. எந்த நுழைவுத்தேர்வை திமுக ஆட்சி ஒழித்ததோ, அந்த நுழைவுத் தேர்வுக்கு  நீட் என்று குஞ்சம் கட்டி ஒடுக்கப்பட்ட மக்களின் டாக்டர் கனவை தீவிர அவசரப் பிரிவில் படுக்க வைத்து விட்டது.

2017 நீட் தேர்வு எழுதும் அரசுப் பள்ளிகளில் படித்த மாணவர்களுக்குக் கிடைத்த இடங்கள் எத்தனை தெரியுமா? அய்ந்தே அய்ந்துதான்.

குதிரை குப்புறத் தள்ளியதோடு மட்டுமல்லாமல் குழியும் பறித்த கதையாக - ஏ குப்பனே, சுப்பனே - நீ தேர்வு எழுத சிக்கிமுக்குப்போ - ராஜஸ்தானுக்குப் போ என்று போகாத ஊருக்கு வழிகாட்டி விட்டது.

ஆரியம் எப்பொழுதும் மார்பை நிமிர்த்தி சமருக்கு  நேருக்கு நேர் வந்ததில்லை. மரத்தின் பின்னால் ஒளிந்து வாலியைக் கொன்ற இராமன் பரம்பரை இப்பொழுது அதே வேலையை செய்து விட்டது. நுழைவுத் தேர்வை ஒழித்த கருணாநிதியே - இதோ பார் அதிலும் கூர்மையான நீட் என்னும் வாளால் உங்கள் சமூக நீதி என்னும் சம்பூகனின் தலையை வெட்டுகிறோம் பார் என்று சவால் விட்டு கொல்லைப்புற வழியாகப் புகுந்து நம் கதையை முடித்து விட்டது ஆரியம். பார்ப்பனீயமும், கார்ப்பரேட்டும் கைக்கோத்து கலகம் விளைவிக்கிறது என்கிறார் நிவேதா சுந்தர் என்ற பெண்மணி முகநூலில். உயர்ஜாதிக் கூட்டம் நான்கு மடங்கு அதிகமாகத் தட்டிப் பறித்திருக்கிறது என்று முகநூல் நண்பர் ஒருவர் கூறுகிறார்.

நீட்டை ஆதரிப்பவர்கள் எல்லாம் யார்? எதிர்ப்பவர்கள் எல்லாம் யார்? என்று பார்த்தாலே சொடக்குப் போடுவதற்குள் விஷயம் தெரிந்து விடும்.

நீட் எழுத வெளிமாநிலம் சென்ற மூன்று மாண வர்களின் தந்தையர்கள் மாரடைப்பால் மரணக் குழிக்குத் தள்ளப்பட்டனர். இன்னும் எத்தனை நரபலிகள் ஆரியத்திற்குத் தேவையோ!

கொதிநிலையில் இருக்கிறது நாடு - இது ஒரு பக்கம். உழுதுண்டு வாழ்வாரே வாழ்வார் என்ற உன்னதத்தை உலகுக்கு வழங்கிய தமிழ்நாட்டு வயல்கள் எல்லாம் வறண்டு போய் வறுமையின் கோரப்பிடியில் சிக்கி விட்டன. விவசாயம் பாவத் தொழில் என்கிற மனுதர்ம வாதிகள் தமிழ்நாட்டை வஞ்சிக்கிறார்கள் - விவ சாயம் என்னும் விலா எலும்பை முறித்து விட்டார்கள். இந்தப் பஞ்சமனும், சூத்திரனும் பிறகு என்ன செய்வார்கள் பார்ப்போம் என்று பழி தீர்த்துக் கொண்டுள்ளனர். இது ஒரு பக்கம். வேலையில்லா திண்டாட்டம் என்னும் வெப்பு நோய் வாட்டி வதைக்கிறது.

பெண்கள் என்றால் போகப் பொருள் என்ற நிலையை உருவாக்கி விட்டது இந்துத்துவா கூட்டம்.

பச்சிளம் பெண்ணை கோயில் கர்ப்பக் கிரகத்தில் அடைத்து பலநாள்கள் பதறப்பதறச் சிதைத்து எச்சிலைப் போல தூக்கி எறிந்து விட்டனர்.

பெண்களுக்குப் பாதுகாப்பு என்பது குதிரைக் கொம்பாகி விட்டது. தாழ்த்தப்பட்ட மக்களுக்குப் பாதுகாப்பு அரணாக இருந்த வன்கொடுமைத் தடுப்புச்சட்டத்திற்கும் லாடம் கட்டியாயிற்று!. எங்கும் அவலம் - அவலம்! எங்கும் போதாமை - போதாமை! எங்கும் பற்றாக்குறை- பற்றாக்குறை!

செத்துச் சுண்ணாம்பான சமஸ்கிருதத்துக்குச் சிம்மாசனம்.

மூன்றாவது மொழியாக இருந்த ஜெர்மன் மொழிக்குக் கல்தா கொடுத்து விட்டு, அந்த இடத்தில் இறந்து போன பார்ப்பன சமஸ்கிருதத்துக்கு சட்டாம்பிள்ளை அந்தஸ்து.

தேசியக் கல்விக் கொள்கை என்று ஒன்று வருகிறதாம். குஷ்டரோகியின் கைகளில் வெண் ணெய் புட்டுப் போல இந்துத்துவாவாதிகளின்  கைகளில் ஆட்சி அதிகாரம் சிக்கிக் கொண்டதால், இப்பொழுது  இல்லையென்றால் வேறு எப்பொழுது? என்று  ஆரியம் அவசர அவசரமாக  ஆதிக்கபுரிக்கான  அஸ்திவாரத்தை பலமாகப் போட்டு வருகிறது.

இராமனை முன்னிறுத்துகிறார்கள் என்றால் என்ன பொருள்? திராவிடர்களைச் சிதைப்பதற்கான கத்தி தீட்டும் படலம் தொடங்கி விட்டது என்பதுதான்.

செத்துப்போன பசுமாட்டின் தோலை உரித்த தாழ்த்தப்பட்டத் தோழர்களின் தோலை உரிக்கிறான் சங்பரிவார்க்காரன். அவனை யானைமேல் அம்பாரி வைத்து மாப்பிள்ளை ஊர்வலம் போல அழைத்துச் செல் கிறார்கள் குஜராத் பிஜேபி ஆட்சியில். என்னதான் வழி? இந்த வன்முறைப் போக்கின் விஷவேரை வீழ்த்துவது எப்படி? சமூகநீதியைக் காப்பது எப்படி?சம்பூக வதை யைத் தொடர விடாமல் தடுப்பது எப்படி? மண்ணின் உரிமையை மீட்பது எப்படி? ஆட்சி அதிகாரத்துடன் நீதிமன்றமும் கூட்டுச் சேர்ந்துள்ள இந்த இக்கட்டுக்குப் புதை குழியை உருவாக்குவது எப்படி? பிரச்சாரம், பரப்புரைப் பிரச்சாரம்  - போராட்டம் - மக்களை இயக்கும் ஈர்க்கும் போராட்டம்!

திட்டங்கள்- இளைஞர்களை ஈர்க்கும் திட்டங்கள்! அணிவகுப்புகள் - ஆர்.எஸ்.எஸை வீழ்த்தும் அணி வகுப்புகள்!

முழக்கங்கள் -  மக்கள் மத்தியில் நம் கொள்கைகள் போய்ச் சேருவதற்கான முழக்கங்கள்!

தீர்மானங்கள் - திசை காட்டும் வழித்தடங்களைக் காட்டும் தீர்மானங்கள்!

சமதர்ம சமத்துவ ஒப்புரவு உலகிற்கான  வழி காட்டுதல்கள் தேவை - தேவை!

கொழுக் கொம்பில்லாது  தவிக்கும்   இளை ஞர்களே வாருங்கள்! நீட் தேர்வால் நிலைகுலைந்து போன இருபால் மாணவர்களே வாருங்கள்! - வாருங்கள்!!

மோடி அரசின் பொருந்தாப் பொருளாதாரக் கொள்கைகளால் கொள்ளை போன குடிமக்களே வாருங்கள்! புதிய பாசறை அமைப்போம்!

புதிய போர்முகம் காண்போம்!

பொன்னேரியில் வரும் 12ஆம் தேதி சென்னை மண்டல இளைஞரணி மாநாடு - மாநாடு!

விஞ்ஞான மனப்பான்மையை வெளிப்படுத்தும் பேரணி!

கூடிவாழ்ந்தால் கோடி நன்மை என்பது வெறும் பேச்சல்ல. திராவிடர் கழகம் கூட்டும் இந்த மாநாட்டுக்கு வந்துப் பாருங்கள். புத்தொளி கிடைக்கும் - புதுத்தெம்பும் வெடிக்கும்! புதிய வரலாறு படைப்போம்! - பொன்னேரிக்கு வாருங்கள்! பிற்பகல் பேரணியோடு தொடங்குகிறது எழுச்சி மாநாடு. இனம் எழுச்சிப் பெற - இளைஞர்கள் உணர்ச்சிப் பெற - மாணவர்கள் மான உணர்வு பெற - மங்கை யர்கள் மாண்புப் பெற புறப்படுங்கள்! புறப்படுங்கள்!! - பொன்னேரிக்கு.

இப்பொழுதே மாநாடு களைகட்டி விட்டது. சென்னை மண்டலம் முழுவதும் சுவரெழுத்துகள் - ஊரெங்கும் கழகக் கொடிக்காடுகள்.

கணியூரில் சனாதனத்தைச்சாடி சமதர்மத்தைத் தேடிய தாய்குலமே! பொன்னேரிக்கு வருக! புலிப் பாய்ச்சலாக வருக!

அறிவு ஆசான் காண விரும்பிய புத்துலகைப் படைப்போம் வாரீர்! வாரீர்!! தமிழர் தலைவர் தலைமை யிலே தந்தைபெரியார் பணி முடிப்போம் வாரீர்! வாரீர்!!

Banner
Banner