மின்சாரம்

- மின்சாரம்

1. கருநாடக பாஜக எம்.எல்.ஏக்கள் 3 பேர் சட்டசபையில் ஆபாசப் படம் பார்த்து மாட்டிக் கொண்டனர்.

2. குஜராத் பாஜக அமைச்சர்கள் 2 பேர் சட்டசபையில் ஆபாசப் படம் பார்த்த போது பிடிபட்டு, பாஜகவின் கலாச் சாரத்தை நாடு முழுவதும் தெரிய வைத் தனர்.

3. அருணாச்சலப் பிரதேச பாஜக எம்.எல்.ஏ. ராமகந்த தேவ்ரி, விடுதி ஒன்றில் ஒரு பெண்ணுடன் அந்தரங்கமாக இருந்த காணொலி வெளியாகி மாட்டிக் கொண்டார்.

4. மத்தியப் பிரதேசத்தில் பாஜக செய்தித் தொடர்பாளர் நீரஜ் சாக்யா, விபச்சார விடுதி நடத்திவந்தார் - இவரை காவல் துறையினர் கைது செய்தனர். பின்னர் அரசியல் தலையீடு காரணமாக விடுதலை செய்யப்பட்டார்.

5. இமாச்சலப் பிரதேசத்தில் விடுதி ஒன்றில் பெண் ஒருவருடன் விபச்சாரத் தில் ஈடுபட்ட பாஜக மூத்த தலைவர் ராஜிந்தர் ராணா, எதிர்க்கட்சிகளின் போராட்டத்திற்குப் பிறகு பதவி வில கினார்.

6. மத்தியப் பிரதேச நிதி அமைச்சரும், பாஜக மூத்த தலைவருமான ராகவ்ஜி, வீட்டு வேலைக்காரியை பாலியல் துன் புறுத்தல் செய்ததாக கைது செய்யப் பட்டார்.

7. குஜராத் மாநில பாஜக செயலாளராக இருந்த சஞ்சய் ஜோஷியின் ஆபாசக் காணொலி வெளியானதை அடுத்து, கட்சிப் பொறுப்பிலிருந்து விலகினார்.

8. மகாராஷ்டிராவில் ஓடும் பேருந்தில் ஒரு பெண்ணை பாலியல் வன்முறை செய்த பாஜக தலைவர் ரவீந்தர பவந் தாதே-யின் காணொலி வெளியாகி, கைது செய்யப்பட்டார்.

9. ஜார்க்கண்ட் பாஜக பெண் தலைவர் கீதா சிங் என்பவரின் ஆபாசக் காணொலி வெளியாகி, பெரும் பரபரப்பு கிளம்பியது.

10. பாஜகவின் திருப்பூர் வடக்கு மாவட்ட துணைத்தலைவராக இருந்த முத்து என்கின்ற மாரிமுத்து கள்ளக் காதல் விவகாரத்தில் தற்கொலை செய்து கொண்டார்.

11. இந்து முன்னணியின் செந்துறை கிழக்கு ஒன்றிய செயலாளர் மணிகண் டன், நந்தினி என்ற தலித் பெண்ணை கூட்டு பாலியல் வன்முறை செய்து, கொடூரமாகக் கொலை செய்தார்.

12. ஆர்.எஸ்.எஸ். தலைவரும், மேகாலயா ஆளுநருமான சண்முக நாதன் (பாஜக நியமனம்), பாலியல் குற்றச்சாட்டில் சிக்கி, ஆளுநர் பொறுப் பிலிருந்து விலகினார்.

13. உத்தரப் பிரதேசம், உன்னாவ் மாவட்டம் பங்கர்மாவ் தொகுதி பா.ஜ.க. சட்டமன்ற உறுப்பினர் குல்தீப் சிங்கும், அவரின் சகோதரரும் 17 வயது இளம் பெண்ணை பாலியல் வன்கொடுமை செய்து, அதை வெளியே சொன்ன குற்றத்திற்காக அவரின் தந்தையைக் காவல் நிலையத்தில் வைத்து கொலை செய்துவிட்டார்கள்.

14. இப்போது சிறுமி ஆசிஃபா வழக்கிலும் இந்துத்துவா கும்பல் கைது செய்யப்பட்டிருக்கிறது. கைதானவர்க ளுக்கு ஆதரவாக பாஜக கூட்டணி அமைச்சர்கள் போராட்டம் நடத்து கிறார்கள். கத்துவா, உன்னாவ் பிரச்சினை நாடு முழுவதும் பெரிதாக வெடித்துக் கொண்டு இருக்கும் போது உ.பி. முதல் வர் சாமியார் ஆதித்யநாத், பாலியல் குற் றவாளியான முன்னாள் அமைச்சரும் பாஜக பிரமுகருமான சாமியார் சின்ம யானந்த் என்பவரை விடுதலை செய்து உத்தரவிட்டுள்ளார்.

பா.ஜ.க. பதவியாளர்களும் பச்சைக்கொடி!

வட இந்தியாவில் பாஜக ஆளும் மாநிலங்களில் பாஜக அமைச்சர்கள், சட்டமன்ற உறுப்பினர்கள் சிறுமிகளை பாலியல் ரீதியில் சீரழித்து கொலை செய்யும் நிகழ்வுகள் தொடர்கின்றன. இந்த  நிலையில் பொதுமக்களே சமூக வலைதளங்களில்  பாஜகவினரின் நட்பை முறிக்கும் வகையில்  #அன்ஃப் ரெண்ட்பிஜேபி (#UNFRIEND_BJP) என்ற ஹேஷ்டேக்கை பெருமளவில் பயன்படுத்தி வருகின்றனர்.  காஷ்மீர் மாநிலம் கத்துவா பகுதியில் 8 வயது சிறுமி பாலியல் வன்கொடுமை செய்து கொல்லப்பட்டார்,   உத்தரப் பிரதேச மாநிலம் உன்னாவ் தொகுதி சட்டமன்ற உறுப்பினர் குல்தீப் சிங் ஒரு மைனர் பெண்ணை பாலியல் வன்முறை செய்த குற்றத்தில் கைது செய்யப்பட்டு உள்ளார்.    அதை ஒட்டி முகநூலில் உள்ள பலரும் பாஜக உறுப்பினர்களையும் ஆதரவாளர் களையும் நண்பர்கள் பட்டியலில் இருந்து நீக்கி வருகின்றனர்.

இதற்காக #அன்ஃப்ரெண்ட் பிஜேபி என்னும் ஹேஷ்டாக் உப யோகம் பரவலாகி வருகிறது. இதன் மூலம் கத்துவா மற்றும் உன்னாவ் பாலியல் வன்முறை விவகாரத்தில் ஆதரவு தெரி விக்கும் பாஜகவினரை நண்பர்கள் பட் டியலில் இருந்து பலர் நீக்கி வருகின் றனர்.   மேலும் தங்கள் நண்பர்களையும் பாஜகவினரை நீக்குமாறு கோரிக்கை விடுத்துள்ளனர்.   பெரும்பாலானோர்,   பாஜகவினரே உங்கள் கரங்களில் ரத்தக் கறை படிந்துள்ளது. எனவே உங்கள் நட்பு தேவை இல்லை எனக் குறிப்பிட்டு உள்ளனர்.

கடந்த 13ஆம் தேதி அன்று பிரதமர் மோடி இது குறித்து தனது மவுனத்தை கலைத்தார்.  அவர் இந்த சம்பவங்கள் வெட்கப்படத் தக்கவை எனக் கடும் கண்டனத்தை தெரிவித்தார்.   ஆனால் அதே நாளில் பாஜக நாடாளுமன்ற உறுப்பினர் மீனாட்சி லேகி எனபவர், ஆசிஃபாவை பாலியல் வன்கொடுமை செய்த குற்றவாளிகளுக்கு பாஜக அமைச் சர்கள் ஆதரவு தெரிவித்து பேரணியில் கலந்து கொண்டதை ஆதரித்து கருத்து தெரிவித்தார்.

மதவாதம் கண்களை மறைக்கிறது


ஜம்முவில் உள்ள கத்துவா பகுதியில் 8 வயது சிறுமி, ஆர்.எஸ்.எஸ் பிரமுகர் மற்றும் காவல்துறையினரால் பாலியல் வன்கொடுமை செய்யப்பட்டு கொலை செய்யப்பட்ட விவகாரம் நாடு முழுவதும் பெரும் எதிர்ப்பலையை எழுப்பியுள்ளது.

இந்த விவகாரம் தொடர்பாக பிரபல இந்தி நடிகை கரீனா கபூர் டிவிட்டரில் கண்டனப் பதிவு செய்திருந்தார். இதற்கு எதிர்ப்பு தெரிவித்து மாடல் அழகு ஸ்வரா பாஸ்கர் என்பவர் கரீனா கபூரின் பதிவிற்கு மறுபதில் இட்டுள்ளார். அதில் "நீ இந்துவாக இருந்துகொண்டு இசுலாமியரை திருமணம் செய்ததால் இந்துவிற்கும் இந்தியாவிற்கு துரோகம் செய்துவிட்டாய் என்று பதி லிட்டுள்ளார். கரீனா கபூர் பிரபல இந்தி நடிகர் ராஜ்கபூர் குடும்பத்திலிருந்து வந்தவர். இவர் சில ஆண்டுகளுக்கு முன்பு குவாலியர் நவாப் வம்சத்தைச் சேர்ந்த பிரபல இந்தி நடிகர் சைப் அலிகானை திருமணம் செய்து கொண் டார். இதனால் இவரை இந்துக்களுக்கு எதிரானவர் என்று இந்துத்துவ மத வாதிகள் பிரச்சாரம் செய்து வருகின் றனர். 2017-ஆம் ஆண்டு ஜெய்பூரில் நடந்த இந்துமத மாநாட்டில் இவரது படத்தை அட்டையில் போட்டு இவர் லவ்ஜிகாத்திற்கு பலியானவர் (இசுலாமி யர்கள் இந்துப் பெண்களை திருமணம் செய்வதை இந்துத்துவாதிகள் லவ்ஜி காத் என்று கூறுவார்கள்) என்று கூறி ஒரு சிறிய நூலை வெளியிட்டிருந்தனர். இவருக்கு சைப் அலிகானுக்கும் பிறந்த குழந்தைக்கு தைமூர் அலிகான் என்று பெயரிட்டிருந்தார்.

உடனே மதவாதிகள் தைமூர் என்ற பெயரை வைக்கக் கூடாது என்று போராட்டம் நடத்தினர். தற்போது இந்துத்துவ வாதி கள் 8 வயது சிறுமியை பாலியல் வன் கொடுமை செய்து கொலைசெய்ததை கண்டித்த கரீனா கபூரை மீண்டும் இந்து மதத்திற்கும் இந்தியாவிற்கும் துரோகி என்று கூறியுள்ளனர். உண்மையில் பாஜக என்ற மதவாத கட்சி மோடி தலைமையில் ஆட்சிக்கு வந்ததில் இருந்து நாடு முழுவதும் மதவாதிகளின் கொடூரப் பிடியில் ஆட்கொண்டு சீரழிந்து வருகிறது. ஒரு தவற்றை சுட்டிக்காட்டிய கரீனா கபூரை ஒரு பிர பல மாடல் அழகியே இந்துத் துரோகி என்று எழுதியிருப்பதில் இருந்து நாடு எந்த அளவு மதவாதப் பிடியில் சீரழிந் துள்ளது என்று கண்டுகொள்ளலாம்.

Swara Bhasker  @ReallySwara You should be ashamed you exist. That God gave you a brain which you chose to fill with hate and a mouth you chose to spew filth from. You are a shame on India and Hindus. That shits like you feel emboldened to talk this crap publicly is this govt.’s legacy  8:18 PM - Apr 14, 2018.

பாசிச பா.ஜ.க. அதிகாரி

கேரள மாநிலம் கொச்சி நகரில் உள்ள தனியார் வங்கியில் துணை மேலாளராகப் பணியாற்றி வந்த விஷ்ணு நந்தகுமார் காஷ்மீர் சிறுமி பாலியல் வன்கொடுமை தொடர்பாகச் சமீபத்தில் அவரின் முகநூலில் சர்ச்சைக் குரிய கருத்தைப் பதிவிட்டார். அதில் நல்லவேளை அந்தச் சிறுமி இந்தச் சின்ன வயதிலேயே கொல்லப் பட்டுவிட்டார். இல்லாவிட்டால், வளர்ந்த பின் என்றாவது ஒருநாள் மனித வெடி குண்டாக மாறி இந்தியாவுக்கு எதிராக மாறிவிடுவார் என்று பதிவிட்டு இருந்தார். இந்தக் கருத்துக்கு அனைத்துத் தரப்பிலும் கடும் கண்டனங்கள் எழுந் தன.

முகநூலில் பலரும் விஷ்ணுவைக் கண்டித்து வாசகங்கள் எழுப்பினர். பலர் உடனடியாக விஷ்ணுவை வேலையில் இருந்து நீக்க வேண்டும் என்று வலி யுறுத்தினார்கள். இதற்காக ட்விட்டரில் டிஸ்மிஸ் யுவர் மேனேஜர் என்று பிரத் தியேகமாக ஹேஷ்டேக் உருவாக்கப் பட்டு வைரலானது. இந்த ஹேஷ் டேக்கை பயன்படுத்தி அந்தத் தனியார் வங்கியில் வாடிக்கையாளர்களாக இருக்கும் ஏராளமானோர் கடும் கண்டனத்தை யும், விஷ்ணுவை டிஸ்மிஸ் செய்யவும் வலியுறுத்தினார்கள். மனிதநேயமற்ற வகையில் உங்கள் வங்கியில் ஊழியர் முகநூலில் கருத்து தெரிவித்து குற்ற வாளியைவிட மோசமாக நடந்து கொள் கிறார் என்று ஒருவரும், எப்படி இப்படிப் பட்ட மோசமான மனநிலையைக் கொண் டவரை வேலைக்கு வைத்திருக்கிறீர்கள். உங்கள் வங்கியின் பெயரை காப்பாற் றிக் கொள்ளுங்கள் என்று சிலரும், விஷ்ணுவை உடனடியாக பதவியிலி ருந்து தூக்குங்கள் என்று பலரும் ட்வீட் செய்ததால், வங்கி நிர்வாகம் அதிர்ச்சி அடைந்தது.

இதையடுத்து, வங்கி நிர்வாகத்தின் சார்பில் நேற்று அறிக்கை வெளியிடப்பட்டது. அதில் வங்கியின் துணை மேலாளர் விஷ்ணு வேலையில் இருந்து கடந்த 11ஆம் தேதி நீக்கப்பட்டு விட்டார். வேலையில் மோசமாகச் செயல்பட்டதால் அவர் பணி நீக்கம் செய்யபட்டார். அவரின் சர்ச்சைக்குரிய கருத்துகள் அனைவரின் மனதையும் புண்படுத்தி விட்டது. இதை வங்கி நிர்வாகமும் கண்டிக்கிறது எனத் தெரிவிக்கப்பட்டது. பதிவு செய்த விஷ்ணு ஆர்.எஸ்.எஸ் அமைப்பைச்சேர்ந்த பிரமுகர் என்பதும் அவரது குடும்பத்தினரும் இந்துத்துவ அமைப்பினர் என்றும் தெரியவந்தது, ஆசிஃபா கொலை தொடர்பாக ஆர். எஸ்.எஸ் பிரமுகர் ஒருவரும் கைது செய்யப்பட்டுள்ளார் என்பதும் குறிப் பிடத்தக்கது.


மின்சாரம்

'தினமணி' 18.4.2018 பக்.5

தமிழகத்துக்குத் தேவை ஆன்மிக அரசியலாம் - சொல்லுவது யார்? 'சோ' மறைவிற்குப் பிறகு 'துக்ளக்'கை அபகரித்த திருவாளர் குருமூர்த்தி அய்யர்தான் இவ்வாறு கூறியிருக்கிறார்.
தந்தை பெரியார் சொல்லுவாரே நினைவிருக்கிறதா, "பூனைக்குட்டி வெளியில் வந்தது" என்பாரே அது தான் இப்பொழுது நினைவிற்கு வருகிறது.

தமிழ்நாட்டில் "ஆன்மிக அரசியலை" நடத்தப் போகிறேன் என்று கிளம்பியிருக்கிறாரே - கருநாடகத்தைச் சேர்ந்த நடிகர் ரஜினிகாந்த் - இவரின் பின்னணியில் யார் இருக்கிறார்கள் என்பது இப்பொழுது விளங்கி இருக்குமே.

மேலே உள்ள படத்தைக் கவனித்தீர்களா? எல்லோர் மார்பிலும் தொங்குவது வெறும் உருத்திராட்சம் மட்டுமல்ல  - பூணூலும்தான். அதில்கூட தந்திரத்தைக் கவனியுங்கள்.
தன் மார்பில் தொங்கும் பூணூலை மறைப்பதற்காகவே மேல் துண்டு.

இதில்கூட குருமூர்த்தியாருக்கு அறிவு நாணயம் இல்லையே, எதிலும் ஏமாற்றுத்தனம் தானா?

ஆன்மிகம் பேசும் குருமூர்த்தி ஏன் பூணூலை மறைக்க வேண்டும்?

இங்குதான் தந்தை பெரியார் வருகிறார் - தமிழர் தலைவர் ஆசிரியர் வருகிறார் - திராவிடர் கழகம் வரு கிறது - இனமானம் வருகிறது - தன்மானம் பொங்குகிறது.

இவர்கள் கூறும் இந்த ஆன்மிகம் என்பது பூணூல் தன்மையானது - பார்ப்பன ஆதிபத்தியத்தின் துள்ள லானது - மனுதர்மத்தை உள்ளடக்கமாகக் கொண்டது. ஆச்சாரியார் (ராஜாஜி) கொண்டு வந்தாரே அந்தக் குலக் கல்வித் திட்டத்தின் குள்ளமனப்பான்மையானது  - இடஒதுக்கீட்டின் இடுப்பை உடைக்கக் கூடியது.

தந்தை பெரியார் பிறந்த தமிழ்நாட்டில் அது எடுபடாதே! 1971 பொதுத் தேர்தலில் மொத்தடிப்பட்டதே!

பூணூலைப் பிடித்துக் கொண்டு உதய சூரியனுக்கு ஓட்டுப் போடுங்கள் என்று ஆச்சாரியார் சொன்னதுண்டு - ஆனால் அந்தப் பூணூல் தனத்தின்  நரிவாலை ஒட்ட நறுக்கிக் காட்டினார் அறிஞர் அண்ணா.
நாம் நேரிடையாக வந்தால்தானே இந்தப் பிரச்சினை? நமது பூணூலைக் காட்டினால் தானே இந்தக் கூட்டம் நமக்குத் தண்ணீர்க் காட்டுகிறது - இது அவர்களின் அச்சம்! நமக்கா அவாளின் நயவஞ்சகம் தெரியாது?

மோடியைக் காட்டி பார்ப்பன ஜனதா (பா.ஜக..) மோடி வித்தைகளைக் காட்டிக் கொண்டிருக்கவில்லையா! (மோடி பார்ப்பனர் அல்ல).

தமிழ்நாட்டில் ரஜினியை வைத்து ஓர் ஆட்டம் போட்டுப் பார்க்கலாமே! அதற்கு ஆன்மிக அரசியல் என்ற முகமூடியைப் போட்டுக் கொள்ளச் செய்யலாமே!

ரஜினி சூத்திரவாளாக இருந்தாலும் "கிச்சன் கேபினட்" எல்லாம் நம்மளவாள் தானே! ஒரு சான்ஸ் பார்ப்போமே என்ற மனப்பால்!  வெளியில் ஆடுவது ரஜினி பொம்மை என்றாலும் - பின் திரையில் நம் கைகள்தானே ஆட்டுவிக்கப் போகிறது என்ற நினைப்பு!

இது ஏதோ இப்பொழுதுதான் ஏற்பட்டது என்று எண்ண வேண்டாம் -இவாளின் ஜெகத் குருவான "அனுராதா ரமணன் புகழ்"  "சங்கரராமன் கொலைப் புகழ்" "ஜெயேந்திர சரஸ்வதியே இதற்கான "பிள்ளையார் சுழியை" (அவாள் பாஷையில் சொல்கிறோம்!") போட்டார்.

ஆதாரம் வேண்டுமா? 18.1.2001 நாளிட்ட"குமுதம்" பேட்டியைப் புரட்டிப் பார்த்தால் இந்தப் பூதேவர்களின் புள்ளி எப்பொழுது தொடங்குகிறது என்பது புலனாகும்.

ஜெகத் குருவோடு அப்போது சம்பாஷித்தவர் நடிகர் விஜயகாந்த் - அப்பொழுதுதான் சங்கரமடத்து ஆசாரியார் அந்தத் தூபத்தைப் போட்டார்.

"ரஜினியுடன் சேர்ந்து நீங்கள் ஓர் அரசியல் கட்சியை ஆரம்பிக்கலாமே!" என்பதுதான் அந்தத் தூபம்.

ரஜினிகாந்த் அந்தக் கால கட்டத்தில் ஒத்து வராததால் விஜயகாந்தே கட்சி ஒன்றை பிறகு ஆரம்பித்து விட்டார்.

திருப்பதி ஏழுமலையான் கோயிலுக்குச் சென்று ஏழுமலையான் காலடியில் கட்சிக் கொடியை வைத்து ஆசி பெற்று வந்தவராயிற்றே விஜயகாந்த் - ஒரு வகையில் இவரும் "ஆன்மிக அரசியல்" வாதிதான்.
தாங்கள் நினைக்கும் வட்டத்துக்குள் விஜயகாந்த் சரிபட்டு வரவில்லை என்றதும், இப்பொழுது ரஜினி காந்தைக் களத்தில் இறக்கிவிட்டு  "ஆடுடா ராமா!" என்று கையில் கொம்பை வைத்துக் கொண்டு வித்தைச் செய்து பார்க்கிறது ஆரியம்.

இதில்கூட புத்திசாலித்தனம் இல்லையே, அவசரப்பட்டு விட்டீர்களே குருமூர்த்தி அய்யர் அவர்களே!

"ஆன்மிக அரசியல்" என்று ரஜினிகாந்த் சொன்ன தோடு நிறுத்தியிருந்தால்கூட கொஞ்ச காலத்திற்கு வண்டி ஓடும்.

அவசரப்பட்டு ஓட்டைவாயைத் திறந்து விட்டீர்களே - "நாட்டுக்குத் தேவை ஆன்மிக அரசியல்"  என்று உங்கள் வாயாலேயே  கூறி விட்டீர்களே!

அதுவும் எந்த இடத்தில்? காஞ்சிபுரத்தில்; காமாட் சியம்மன் கோயிலில் - ஹோமத்தை நடத்திக் கொண்டு! யார் யாரை எல்லாம் வைத்துக் கொண்டு? பார்ப்பனத் திருமேனிகளைப் பக்கத்தில் வைத்துக் கொண்டு;  கிழிந்தது உங்கள் முகத்திரை! அந்தோ பாவம் ரஜினிகாந்த் - இந்த மண் குதிரைகளை நம்பியா (அழகர்) ஆற்றில் இறங்க வேண்டும்?

கேள்வி: சமீபத்தில் ஈரோட்டில் நடந்த திமுக மாநாடு பற்றி தங்கள் கருத்து என்ன?

பதில்: சடங்கு போல் நடந்திருக்கிறது என்று தோன்றுகிறது. பெரிய உற்சாகமோ, புத்துணர்வோ, புதிய சிந்தனையோ, புதிய உத்தியோ இருந்தது போல் தெரியவில்லை. திமுக - முன்னே செல்வதற்கு பதில், பலகாலம் பின்னே சென்று தி.க.வின் நிலையைத் தழுவுவதுபோல் தோன்றியது.

(துக்ளக், 11.4.2018, பக்கம் 17)

சடங்கிலேயே விழித்து சடங்கிலேயே நடந்து, சடங்கிலேயே இரவுப்படுக்கச் செல்லும் கூட்டத்திற்கு, சடங்குகளை சாடும் கம்பீரமான மக்கள் திரளைக் கண்டால் குலை நடுங்கத்தானே செய்யும்!

பெரியார் மண் என்ற தலைப்பிலே பேசினாலே அந்த ஈரோட்டுப் பூகம்பத்தின் அதிர்வு அக்ரகாரத்தை அலற வைக்கத் தானே செய்யும். சமூகநீதியைப் பற்றி சண்டமாருதம் செய்தால் சனாதனக் கும்பலின் சதை எல்லாம் நடுநடுங்கத் தானே செய்யும்!

மாநில சுயாட்சியைப் பற்றி மகத்தான குரல் கொடுத்தால் நாடற்ற கூட்டத்தின் நாடிநரம்பெல்லாம் நடுங்கத்தானே செய்யும்! வரலாற்றை மாற்றிய வைர நிகழ்வு களை வரிசைப்படுத்தினால் தங்களின் கைபர் கணவாய்களின் குட்டு உடைந்து விடுமே என்று குமுறத்தானே செய்யும்.

பண்பாட்டுப் படையெடுப்பை பற்றி எல்லாம் வரிசைப் படுத்திக்காட்டினால் பார்ப்பனப் பதர்களின் காதுகளில் எல்லாம் ஈயத்தை காய்ச்சி ஊற்றியது போலத் தானே இருக்கும்.

தி.க.வின் நிலையைத் தழுவுவது போல் தோன்றுகிறதாம் - சபாஷ்! இதைவிட சரியான சான்றிதழை வேறு எங்கே போய்த்தான் தேடமுடியும்.

தி.க.வும் - திமுகவும் இரட்டைக்குழல் துப்பாக்கி -  சொன்னவர் அறிஞர் அண்ணா என்பது குடுமி குருமூர்த்தி களுக்குத் தெரியும். தி.க.வின் நிலையைத் தழுவுவது என்பது பின்னோக்கி நகர்வதல்ல - முன்னோக்கி முற்போக்கு திசையை நோக்கி பாய்வதுதான். பழைமைகளை வெட்டிச் சாய்ப்பதுதான் - நால் வருணத்தின் நச்சு வேர்களைச் சுட்டுப் பொசுக்குவது தான் - பிறப்பில் பேதம் பேசும் வேதங்களையும், மனுஸ்மிருதிகளையும், இதிகாசங்களையும் புராணங்களையும் ஒட்டு மொத்தமாக ஒழித்திடச் சூளுரை எடுப்பது என்று தான் பொருள்.

பெண்ணுரிமைக்குப் பேரிகை கொட்டுவது - மூடநம்பிக்கைக்கு கொள்ளி வைப்பது - சமூகநீதிக்கு சரித்திரம் படைப்பது - இந்திக்கும், சமஸ்கிருதத் திற்கும் சமாதி கட்டுவது - சுயமரியாதைக்கு மகுடம் சூட்டுவது - பகுத்தறிவுக்குப் பாதை அமைப்பது - சமத்துவத்துக்கும் சமதர்மத்துக்கும் ராஜபாட்டை அமைப்பது - ஒடுக்கு முறைகளுக்கு ஒரு முடிவை ஏற்படுத்துவது - ஆதிக்க சக்திகளை அடியோடு வீழ்த்துவது - மனிதநேயத்துக்கு மகுடம் சூட்டுவது - சகமனிதனை தீண்டாதே என்னும் சங்கர மடங்களின் சங்கதிகளையெல்லாம் சந்தி சிரிக்க வைப்பது - ஜெகத்குரு என்ற போர்வையில் சல்லாபம் ஆடும் கூட்டத்தின் முகத் திரையை கிழித்து முச்சந்தியில் நிறுத்துவது - சுயமரியாதை வாழ்வே சுகவாழ்வு என்பது - மானமும் அறிவும் மனிதர்க்கழகு என்று கூறி மன்பதையை மேலே உயர்த்துவது - கடவுளை மற, மனிதனை நினை என்ற மாண்பினை கற்பிப்பது - பக்தி தனி சொத்து, ஒழுக்கம் பொதுச்சொத்து என்ற உயர் கொள்கையை பரப்பி ஒழுகச் செய்வது - கடமையை செய்து உரிமைக்காக உயிரை யும் கொடுக்கும் உன்னத உணர்வை ஊட்டக்கூடியது - இந்த தத்துவங்களுக்குப் பெயர்தான் துக்ளக் சொல்லும் அந்தத் தி.க.! அந்த தி.க.வை நோக்கி திமுக செல் கிறது என்று துக்ளக் எழுதுகிறது - குரு மூர்த்தி அய்யர்வாள் திமிர் முறித்து எழுது கிறார் என்றால் - இந்த ஆபத்தின் ஆழ மும் வீரியமும் என்ன என்பது அவர்க ளுக்கு நன்றாக தெரிகிறது என்று பொருள்.

உங்களைப்பற்றி ஒருவரியில் சொல்லுங்கள் என்ற கேள்விக்கு மானமிகு சுயமரியாதைக்காரன்! என்று சொன்னவர் முத்தமிழ் அறிஞர் கலைஞர் ஆயிற்றே!  அவர் கலந்து கொள்ளாத ஒரேயொரு திமுக மாநாடு - ஈரோட்டில் நடந்தது தான் - அவர் இல்லாமலேயே திமுக தி.க.வை நோக்கி செல்லுகிறது என்பதை எதிரிகளின் வாயாலேயே கேட்கும்பொழுது உள்ளம் குளிர்கிறது, உடலெல்லாம் புல்லரிக்கிறது.

அவர்களுக்கு தெரியும் - ஆம், நன்றாகவே தெரியும் இந்தியாவில் இந்து ராஜ்ஜியம், இராம ராஜ்ஜியம் என்ற எண்ணத்திற்கு இடியாக இறங்குவது இந்த ஈரோட்டுக்காரரின் தத்துவம் தான்!

இது தமிழ்நாட்டிலிருந்து இந்தியா பூராவும் பரவி, இந்துத்துவாவின் மூலநரம்பு களையெல்லாம் துழாவித் துழாவி, திசுக் களை யெல்லாம் விடுபடாமல் தொட்டுப் பார்த்துப் பார்த்து, ஒரே மூச்சில் சுட்டெரிக் கக்கூடியது என்பது அவாளுக்கு நன்றாகவே தெரியும்.

இப்பொழுதே நீட்டை எதிர்த்து, டில்லி வீதிகளில் முழக்கம் போட்டுச் செல்லும் மாணவர்கள் ஏந்திச் செல்லும் பதாகைகளில் ஒருபக்கத்தில் தந்தை பெரியாரும் இன்னொரு பக்கத்தில் அண்ணல் அம்பேத்கர் படங்கள் தான்.

ஜிந்தாபாத் - ஜிந்தாபாத்! பெரியார் ஜி ஜிந்தாபாத்! என்ற முழக்கம் இந்தியாவின் தலைநகரிலேயே வெடித்துக் கிளம்பி விட்டது. காசி பல்கலைக்கழக மாணவர் கள் தந்தை பெரியார் பிறந்த நாள் விழாவை கோலாகலமாக கொண்டாடினர்.

இது காலத்தின் அறிகுறி - காகபட்டர் பரம்பரையே துள்ளாதே! நாடாளுமன்றத் தில் எதிர்க்கட்சி தலைவர் மல்லிகார் ஜூன் கார்கே (காங்கிரசு) கைபர் கணவாய் கூட்டமே எச்சரிக்கை என்று கர்ஜிக்கிறார். ஆம், அது கார்கேயின் குரல் அல்ல - அது கருஞ்சட்டையின் அரிமாக் குரல் - தந்தை பெரியாரின் தன்மானக்குரல். சும்மா சொல்லக்கூடாது - ஈரோட்டில் நடைபெற்ற திமுக மாநாடு ஆரியக்கூட்டத்தின் அஸ்தி யில் ஜூரத்தை உண்டுபண்ணி விட்டது.

ஈரோட்டில் திமுக மாநாட்டை நடத்திய அத்துணை தோழர்களுக்கும் பாராட்டு! பாராட்டு!!

தொடரட்டும் இத்திசையில் திமுகவின் பகுத்தறிவு இனமானப் பணிகள்!

 

==========================

குருமூர்த்தி வாளுக்குத் தெரியுமா? - உண்மை நாஸ்திகன் யார்?

 

நாத்திக அரசியல், தமிழ்ப்பிரிவினைவாதம் போன்ற தனது பழைய பாணியிலிருந்து திமுக மாறினால் அதற்கு ஆட்சியைப் பிடிக்க வாய்ப்பிருக்கும். தமிழகம் மாற்றத்தை விரும்புகிறது என்பது வெளிப்படை.

- துக்ளக் 14.3.2018, பக்கம் 15) எஸ்.குருமூர்த்தி

எங்கே சுற்றிவந்தாலும் பார்ப்பனர்களுக்கு திமுகவின் அந்த நாத்திகக் கொள்கை பெரும் அச்சுறுத்தலாகவே இருக்கிறது. நாத்திகம் என்ற அந்தச் சொல்லில் ஏதோ கடவுள் மறுப்பு என்று மேம்போக்காகப் பொருள் கொள்ளக்கூடாது.

இந்துமதத்தை பொருத்தவரை கடவுள் மறுப்பு என்பது நாத்திகம் அல்லவே! வேத மறுப்புதான் நாத்திகம் என்பது.

இதனை நாம் சொல்லவில்லை; மறைந்த சூப்பர் சீனியர் சங்க ராச்சாரியார் சந்திரசேகேந்திர சரஸ்வதியே அருமொழியாக அருள் பாலித்திருக்கிறார் இதோ அது.

நாஸ்திகம் என்றால் ஸ்வாமியில்லை என்று சொல்கிற நிரீச்வர வாதம் என்றுதானே இப்போது நாம் நினைத்துக் கொண்டிருக்கிறோம். இது தப்பு. ஸ்வாமியில்லை என்று சொல்லிக்கொண்டே கூட ஆஸ்திகர்களாக இருக்க முடியும்.

அப்படிப்பட்ட பலபேர் இருக்கிறார்கள் இது என்ன வேடிக்கையாக இருக்கிறது? அப்படியானால் ஆஸ்திகர் என்றால் என்ன? ஆஸ்திகம் என்றால் வேதத்தில் நம்பிக்கை இருப்பது என்றுதான் அர்த்தம்.

வைதீக வாழ்க்கையை ஆட்சேபிப்பதுதான் நாஸ்திகம் என்பதே ஞானசம்பந்தரின் கொள்கையாகவும் இருந்திருக்கிறது. தீவிர பக்தி இல்லாமலிருந்தால் கூட அல்ல என்று மறைந்த காஞ்சி சங்கராச்சாரியார் சந்திரசேகேந்திரர் எடுத்து வழங் கினாரே (தெய்வத்தின் குரல் 2ஆம் தொகுதி, பக்கம் 407-408)

பார்ப்பனர்களின் மனுஸ்மிருதியும் அதையேதான் அழுத்தமாகக் கூறுகிறது.

வேதம் (சுருதி) தரும சாஸ்திரம் (ஸ்மிருதி) இவ்விரண்டை யும் தர்க்க யுத்தியைக் கொண்டு மறுப்பவன் நாஸ்திகனாகின்றான்

(மனுதர்மம் அத்தியாயம் 2 சுலோகம் 11)

 

இதனைப் புரிந்துகொண்டால் வருணாஸ்ரமத்தை, ஜாதியை எதிர்க்கும் எவரும் இந்து மதத்தின்படி நாஸ்திகர்களே.

திமுக இத்தகைய பணியில் ஈடுபடுவது என்பதை வரவேற்க வேண்டுமே தவிர - குறை கூறுவதற்கு என்ன இருக்கிறது?

திமுக பழைய பாதையிலிருந்து விடுபட வேண்டும் என்ப தற்குப் பதிலாக பார்ப்பனர்கள் பூணூல் தரிப்பது உட்பட தங் களின் பழைய பாணியிலிருந்து விடுபட்டால் தப்பிப் பிழைக்க முடியும், மீண்டும் பூணூல் தனத்தில் ஈடுபட்டால் இளைஞர்கள் எதிர் வினையைத்தான் செய்வார்கள் - எச்சரிக்கை!

- மின்சாரம்

தேவநாதன் நினைவில் இருக் கிறதா? அந்தத் தேவநாதனாகிய இந் திரன் என்ன செய்தான்? கவுதம முனி வரின் மனைவி அகல்கையைக் கவுமத முனிவர் போல் உருவெடுத்து திருட் டுத்தனமாக உடலுறவு கொண்டான் என்பது புராணம். தன் மனைவியைக் கெடுத்த அந்தத் தேவநாதனுக்கு சாபமிட்டார் கவுதம முனிவர்.

என்ன சாபம் தெரியுமா? எதற்காக ஆசைப்பட்டு இப்படி ஒரு கயவாளித் தனத்தில் ஈடுபட்டாயோ - அடே இந்திரா! உன் உடல் முழுவதும் பெண் குறியாகக் கடவது என்று சாபமிட்டான். வெட்கங்கெட்ட பார்ப்பனர்கள் அதனை ஆயிரம் கண்ணுடையவன் இந்திரன் என்று கண்ணாடி போட்டு மகிழ்ச்சிக் கூத்தாடுகிறார்கள்.

இப்பொழுது இன்னொரு தேவ நாதன் - அவன்தான் காஞ்சிபுரம் மாவட்டம் வாலாஜாபாத் அருகே உள்ள சீவரம் என்ற கிராமத்தைச் சேர்ந்தவன் - காஞ்சிபுரம் மச்சேஸ்வரர் கோயில் அர்ச்சகன் - 35 வயதுள்ள காளை.

என்ன செய்தது இந்தக் காளை? கோயிலுக்கு வரும் குமரிப் பெண்கள் மீது காமக் கணை வீசி மன்மதத் தாகத் தைத் தீர்த்துக் கொண்டான்.

ஆம்! கோயில் கர்ப்பக் கிரகத்துக் குள் கர்ப்பத்தை உண்டாக்கக்கூடிய காரியத்தில் ஈடுபட்டான்.

எத்தகைய வீணன் இவன்? அந்த ஆபாசத்தை யெல்லாம் கைப்பேசி யில் படம் எடுத்து இரசித்து, இரசித்து, மீண்டும் பாதிக்கப்பட்ட பெண்களிடம் அதனைக் காட்டிக் காட்டி மிரட்டி மிரட்டி மீண்டும் மீண்டும் தன் சல்லா பத்தை நடத்தினான் என்றால் இந்த வெட்கக்கேட்டை என்ன சொல்வது!

அங்கே ஒரு கடவுள் இருப்பதாகச் சொல்லுகிறார்களே அது குத்துக் கல்லாக அங்கே அடித்து வைக்கப் பட்டுள்ளதே - அதற்குத்தான் சர்வ சக்தியும் வாய்ந்ததாக வாய் நீளம் காட்டுகிறார்களே - அந்தக் கடவுள் ஏன் அந்தக் கேவலத்தைத் தடுத்து நிறுத்தவில்லை?

துக்ளக் கண்டித்ததா - தினமணி திட்டி எழுதியதா - தினமலர் பதுங் கியது ஏன்? வாரந்தோறும் ஆன்மிக இதழ்களை வெளியிடுவோர் அடங் கிக் கிடந்தது ஏன்? ஏன்?

ஆனால் ஒன்று அந்த தேவநாதன் நீதிமன்றம் வந்தபோது பெண்கள் நன்றாக மொத்தினார்கள். இதில் இன் னொரு கொடுமை என்ன தெரியுமா? இந்த வழக்கில் பிணை பெற்ற அவன் கருநாடகம் சென்று அங்கு சில கோயில்களில் அர்ச்சனை பண்ணிக் கொண்டிருந்தான் என்பது - எவ்வளவுக் கேவலம்! மனுநீதி, ஒரு குலத்துக்கொரு நீதி என்பதும் இது தானே! 9 ஆண்டுகளாக இவன் மீதான வழக்கு நடந்துக் கொண்டிருக்கிறது என்பதையும் இதில் சேர்த்துக் கொள் ளலாம்.

பக்திக்கும் ஒழுக்கத்துக்கும் சம் பந்தமில்லை என்று பகுத்தறிவுப் பகலவன் தந்தை பெரியார் சொன் னது மெய்யா? இல்லையா?

அது நடந்தது 2009ஆம் ஆண்டில் என்றால் - இப்பொழுது ஒரு காமக் கழிசடைக் கூத்து திருவில்லிப்புத்தூர் ஆண்டாள் கோயிலில் நடந்திருக் கிறதே!

அதுவும் ஆண்டாளைப் பற்றிக் கவிப்பேரரசு - வைரமுத்து ஏதோ சொல்லி விட்டாராம்.

கவிப்பேரரசு அவர்கள் தனது சொந்தக் கருத்தைக் கூடக் கூற வில்லை. இன்னொரு ஆய்வாளர் எழுதியதை எடுத்துக்காட்டி ஓர் ஆய்வாகக் குறிப்பிட்டிருந்தார்.

அதைக்கூடப் புரிந்து கொள்ளா மல்.... அடேயப்பா கவிப்பேரரசை எவ்வளவுக் கேவலமாக இந்தப் பார்ப்பனக் கூட்டம் - ஆர்.எஸ்.எஸ்., இந்துத்துவா சக்திகள் கீழ்த்தரமாகக் குடும்ப பெண்களையெல்லாம் இழுத்து ஏசியது - நிர்வாணக் கூத்தாடியது!

ஜீயராக இருக்கக் கூடியவர் சோடா பாட்டில் வீசுவோம் என்று பேட்டை ரவுடியாகப் பேசினாரே!

இந்தப் பேர்வழிகள் எல்லாம் இப்பொழுது எங்கே போனார்கள்! அந்த ஆண்டாள் கோயில் கர்ப்பக் கிரகத்துக்குள் அக்கோயில் அர்ச்சகன் பக்தி நாராயண் என்ற பட்டாச்சாரிப் பார்ப்பான் பெண் பக்தைகளிடம் பாலியல் லீலைகள் ஆடித்தீர்த்திருக் கிறானே!

வெட்கமில்லையா? அந்த ஊரில் இருக்கக்கூடிய சாட்சாத் அந்த ஜீயர் நாக்கைப் பிடுங்கிக் கொண்டாரா? குருமூர்த்திகள் தான் குடுமிகளை அறுத்து கொண்டனரா?

சங்பரிவார்களின் சப்த நாடியும் அடங்கிப் போனது ஏன்? ஆண்டாள் கோயிலில் இந்த ஆரியக் குஞ்சு நடத்திய அந்தப்புற ஆபாசங்கள் அக் கோயிலில் இருந்த சிசிடிவி கேமரா வில் பதிவானவற்றை அவசர அவசர மாக இந்தச் சிண்டுகள் அழித்தது ஏன்?

மூன்றாவதாக தேவநாதன் பாலி யல் வேட்டையாடிய அதே காஞ்சி புரத்தில் இன்னுமொரு விடயம் இப் போது அம்பலத்திற்கு வந்துவிட்டது.

காஞ்சி சுப்ரமணிய சுவாமி கோயி லில் இருந்த கச்சியப்பன் வெண்கலச் சிலை காணவில்லையாம். அதை அபேஸ் செய்தவன் யார் தெரியுமா?

அந்தக் கோயில் அர்ச்சகப் பார்ப் பான் கார்த்திக் என்பவன்தான் அந்தப் பக்காத் திருடன். என்ன செய்தா னாம்? கச்சியப்பன் சிலையை கோயி லின் பக்கத்தில் உள்ள கோயில் திரு குளத்தில் வீசி எறிந்து விட்டானாம். அவனைக் கவனிக்க வேண்டிய முறையில் காவல்துறை விசாரித்த போது, அந்த அர்ச்சகப் பார்ப்பான் குடிபோதையில் அவ்வாறு செய்து விட்டானாம்.

எப்படி இருக்கிறது? எப்படிப்பட்ட வன் எல்லாம் அர்ச்சகனாக இருக் கிறான்? அர்ச்சகர் ஆவதற்கு ஒரே தகுதி. அவன் பார்ப்பானாக இருக்க வேண்டும் என்பது மட்டும்தானா?

அர்ச்சகர் ஆவதற்கு முறையாகப் பயிற்சி கொடுத்து தேர்வு நடத்தி, அதில் வெற்றி பெற்றவர்கள் - இந்து மதத்தைச் சேர்ந்த எந்தப் பிரிவினராக இருந்தாலும் அர்ச்சகராகலாம் என்று தமிழ்நாடு அரசு சட்டம் செய்தால், அது ஆகமத்துக்கு விரோதம் என்று ஆகாயம் இடிந்து விழுந்தது போல் அவிழ்த்துப் போட்டு ஆடி ஆர்ப் பரிக்கும் பார்ப்பனர்கள் இந்தப் பார்ப் பன அர்ச்சகர்களின் அயோக்கியத் தனமான லீலைகளுக்கும் ஒழுக்கக் கேட்டுக்கும் என்ன பதில் சொல்லப் போகிறார்கள்? ஏன் கப்-சிப்?

சங்கராச்சாரியார் வாய்த் திறக் காதது ஏன்? ஜீயர்கள் சுருண்டு கிடப் பது ஏன்?

சங்கராச்சாரியார் எப்படிக் கண்டு பிடிப்பார்கள்! லோகக் குருவே மடத் துக்கு வரும் பெண்களைக் கையைப் பிடித்து இழுத்தவர் தானே! (உபயம்: எழுத்தாளர் அனுராதா ரமணன்).

கேட்டால் அவர்கள் ஒன்று சொல் லலாம், எங்களுடைய படைப்புக் கடவுளான பிர்மாவே தான் பெற்ற மகள் சரஸ்வதியை மனைவியாக்கிக் கொண்டவன். எங்களுடைய முழு முதற் கட வுளாகிய சிவனோ தாருகாவனத்து ரிஷிப்பத்தினிகளின் கற்பைச் சூறை யாடி சிசுனத்தை இழந்தவன்.

காம லீலைகள் செய்வதற்கென்றே ஒரு கடவுள் எங்களிடம் இருக்கிறான் - அவன்தான் கிருஷ்ணபரமாத்மா. அவனும் சாதாரணமானவன் அல்ல. எங்களின் காத்தல் கடவுளான மகா விஷ்ணுவின் அவதாரம். 60 ஆயிரம் கோபியர்களோடு கொஞ்சிக் குலாவி யவன்.

குளிக்கும் பெண்களின் உடை களைத் திருடிச் சென்று, அவர்கள் நிர்வாணமாகக் கரையில் வந்து கைகூப்பிக் கும்பிட்டால்தான் உடை களை கொடுப்பேன் என்று கூறி இர சித்தவன் அல்லவா எங்கள் கிருஷ்ண பரமாத்மா!

எங்கள் கடவுள்கள் எல்லாமே இப் படி இருக்கும்போது - அதே கடவுள் களின் அருகிலேயே இருந்து அர்ச் சனை செய்யும் எங்களையொத்த ஆசாமிகள் இப்படியெல்லாம் நடந்து கொள்வதில் என்ன தவறு என்று சொன்னாலும் சொல்லுவார்கள் - அப்படித்தானே!

 

- கவிஞர் கலி.பூங்குன்றன்

 

இராமராஜ்ஜியம் அமைக்கப் போவ தாகக் கூறி ராமராஜ்ஜிய ரத யாத்திரையை மேற்கொண்டுள்ளது விசுவ ஹிந்து பரிசத்.

இராமாயணம் பற்றிய தத்துவப் போதனை தந்த பெரியார் அவர்களால் தமிழ் மண்ணில் ஆழமாக வேரூன்றிய நிலையில் வேறு எந்த மாநிலத்திலும் ஏற்படாத எதிர்ப்பு அனல் நமது தமிழ் மண்ணில்  தகித்து வெடித்துக் கிளம்பியது.

தமிழ்நாட்டில் மட்டும் ஏன் எதிர்ப்பு என்று ஆச்சரியப் படுபவர்கள் தமிழ்நாட்டில் அய்யா பெரியாரின் பங்களிப்பை சரிவரப் புரிந்து கொள்ளத் தவறியவர்களே! தந்தை பெரியார் எழுதிய இராமாயணப் பாத்திரங்கள் எனும் ஆய்வுநூல் எண் ணற்றப் பதிப்புகளை கண்டுள்ளது -  ஸிகிவிகிசீகிழிகி - கி ஜிஸிஹிணி ஸிணிகிஞிமிழிநி  என்று ஆங்கிலத்திலும் வெளிவந்தது. சச்சி இராமாயண் என்று இந்தியிலும் வெளி வந்துள்ளது.

தொடக்கத்தில் இந்தி இராமாயணம் தடை செய்யப்பட்டது என்றாலும், பிறகு உச்சநீதிமன்றத்தால் தடை தகர்க்கப்பட்டது. பாபர் மசூதியை இடித்த சங்பரிவார் கலவரக் கும்பல், அந்த இடத்தில் ராமன் கோயிலைக் கட்டுவதற்கு கச்சையை இறுக்கிக் கட்டிக் கொண்டு கிளம்பியிருக் கிறது. அதன் ஒரு புள்ளிதான் இப்பொழுது கிளம்பியுள்ள ராம ராஜ்ஜிய யாத்திரை!

கெட்டவாய்ப்பாக அவர்கள் தமிழ்நாட்டி னுள்ளே நுழைய முடிவெடுத்தார்கள். தந்தை பெரியார் ஊட்டிய இராமாயணத் தொடர்பான எதிர்ப்பு எரிமலை கண் சிவந்து  ஆயிரங்கால் சிங்கமாக ஆர்த்தெழுந்தது.

தமிழ்நாட்டின் இந்தக் கொந்தளிப்பு - இந்தியக் துணைக் கண்டத்திற்கே இந்த இராமாயணம் - இராமன் - கந்தாயங்களை அவிழ்த்துக் கொட்டப் போகிறது.

1971ஆம் ஆண்டில் சேலத்தில் திராவிடர் கழகத்தால் நடத்தப்பட்ட மூடநம்பிக்கை ஒழிப்பு ஊர்வலத்தில் தந்தை பெரியாரை நோக்கி ஜன சங்கக் காலியினர் வீசிய செருப்பு, இராமன் பக்கம் திரும்பியது.

இராமனைச் செருப்பாலடித்த திமுகவுக்கா ஓட்டு என்று தேர்தல் பிரச்சாரத்தில் ஒரு புது முறுக்கை ஏற்படுத்தியது. ராஜாஜி தலைமை யிலான சுதந்திரக் கட்சியும் பார்ப்பனர்களும் ராமனை செருப்பாலடித்த கட்சிக்கா ஓட்டு என்று பெரும் பிரச்சாரப் புழுதியில் ஈடுபட்டனர். ஆனால் மக்களோ ஆமாம் அவர்களுக்குத்தான் வாக்கு என்று கறாராகத் தீர்ப்புக் கூறினர்.

1967 தேர்தலில் 138இடங்களைப் பிடித்த திமுக 1971இல் 183 இடங்களைக் கைப் பற்றினர். இராமனை செருப்பாலடிக்கும் முன் 138, செருப்பாலடித்த பின் 183 இடங்கள் என்று பொதுவான கருத்து உருவாகி விட்டது.

இந்த உணர்வுத்தீயை தமிழ்நாட்டின் எல்லையைத் தாண்டி இந்தியா முழுவதும் பற்ற வைப்பதற்கான ஒரு சூழ்நிலையை பா.ஜ.க.  அதன் பரிவாரங்கள் உருவாக்கிக் கொண்டிருக்கின்றன.

நேற்று (23.3.2018) மாலை சென்னையில் இராமாயணம் -இராமன் - இராமராஜ்ஜியம் என்னும் தலைப்பில் ஒரு சிறப்புச் சொற்பொழிவைத் தொடங்கிவிட்டார் திராவிடர் கழக தலைவர் ஆசிரியர் மானமிகு கி.வீரமணி அவர்கள். இன்னும் அது நீளக்கூடிய வாய்ப்புண்டு.

விடுதலையும் இத்திசையில் தன் வீரப் பராக்கிரமத்தைக் காட்டவேண்டாமா?

தந்தை பெரியார் இராமயணத்தைப் பற்றிச் சொன்னதுதான் எல்லோருக்கும் தெரியுமே, தந்தைபெரியாரின் ஆத்மநண்பர் சிறீமான் ராஜகோபாலாச்சாரியர் திருவாய் மலர்ச்சியிலிருந்து தொடங்குவது பொருத்தம் தானே!

உத்திர ராமசரிதம் என்னும் தலைப்பில், சமஸ்கிருதத்தில் பவபூதி என்பவர் எழுதி, க.சந்தானம் அய்யங்கார் தமிழில் மொழி பெயர்த்து எழுதிய நூலை சென்னை அலையன்ஸ் நிறுவனம் வெளியிட்டுள்ளது.

அந்நூலுக்கு ராஜாஜி முன்னுரை ஒன்று எழுதியுள்ளார். இந்தக் கருத்துக்களைப் படிப்பவர்களுக்கு இராஜாஜியா இப்படி எழுதியுள்ளார்? இருக்காதே! நம்ப முடியாது என்கிறீர்களா? உண்மை தான், இவை இராஜாஜி எழுதியவை. அது இதோ!

நாரதர் சொல்லி வால்மீகி இயற்றினார்; இதில் ஒரு விதத் தவறும் இருக்கமுடியாது; ஓர் எழுத்து விடாமல் எல்லாம் ஒப்புக் கொண்டே தீர வேண்டும் என்பதாயி ருந்தால் எனக்கு ஒன்றும் சொல்ல இட மில்லை. அப்படி யில்லை; உனக்குத் தோன்றியதைத் தோன்றியவாறு சொல் லலாம்; குற்றமில்லை என்று பெரியோர் இடம் கொடுத்தால் ராமாயண உத்திர காண்டத்தைப் பற்றிச் சொல்ல விரும்பு கிறேன்.

நானும் எவ்வளவோ முயற்சி செய்து தான் பார்த்தேன் - சிறீ ராமன் உலகத்துக்கு வழிகாட்ட அவதரித்த கடவுள் - சீதையை அரும்பாடுபட்டு இலங்கையிலிருந்து மீட்டுக் கொண்டபின் ஊராரின் வம்புப் பேச்சைக் கேட்டுக் காட்டுக்கு அனுப்பி விட்டான் என்கிற கொடூரக்கதை என் மனசுக்குச் சமாதானப்படுத்திக் கொள்ளவே முடிய வில்லை. அன்புடனும், பக்தியுடனும் முயற்சி செய்திருக் கிறேன்.

பெரியோர்கள் என்னை நாஸ்திகன் - சூனா மானாக் காரன் என்று சொல்லக் கூடாது. உண்மையில் இந்தக் கதையைச் சகிக்க என்னால் முடியவில்லை. நாஸ்தி கனாக இருந்தால் ஒரு வேளை சகித்தி ருப்பேன்.

ராமாயணத்தில் முதல் அத்தியாயத்தில் கதை முழுவதும் சொல்லப்படுகிறது. அதில் இந்த அனர்த்த விஷயம் சொல்லப்பட வில்லை. நாடு நகரம் முழுவதும் அறிவு விவேகிகளும் சீலமும் நிறைந்த ஜனங்கள் எல்லோரும் தர்மாத்மாக்கள் வெகு சாஸ்திரங்களை அறிந்தவர்கள் என்றும், அற்ப குணமுள்ளவன் - வித்தை பெறாதவன் - நாஸ்திகன் துஷ்டன் மருந்துக்கும் கூட ஒருவன் அகப்படமாட்டான். என்றெல்லாம் ஓயாமல் பாடப்பட்டிருக்கிறது.

இப்பேர்ப்பட்ட ஜனங்கள், சீதை ஊருக்குத் திரும்பி வந்ததும், பான்மை யிழந்து இவ்வளவு கேவலமாகப் போனது எப்படி?

சிறீராமன் அரசாண்டு வந்த அயோத்திய நகரம் நம் கலிகால சென்னப்பட்டணம், திருச்சிராப்பள்ளியை விடக்  கேடுகெட்ட நிலைக்கு எவ்வாறு வந்துவிட்டது. இந்தக் கலிகாலத்தில் நம்மைப் போன்ற, தாழ்ந்த மதியும் சீர் கெட்ட பண்பும் கொண்டவர் களும் கூடச் சொல்லத் துணியாத பேச்சை, அயோத்தியாவாசிகள், சிறீராமனு டைய பிரிய தேவியைப் பற்றி பேசினார்கள் என்றால் எவ்வாறு ஒப்புக் கொள்வது?

அப்படி யாராவது பேசினாலும் ராமன் தன் காதில் போட்டுக் கொண்டான், அந்தப் பாமர ஜனங்கள் கூட சீதையைக் காட்டுக்கு அனுப்பச் சொல்லவில்லையே. ஏன் ஒரு விசாரணையுமின்றி அக்கிரமமாக இவ்வாறு ராமன் செய்யத் துணிந்தான்? இதை எவ்விதத்திலும் ஒப்புக் கொள்ள முடியாது. இதனால் தான் நன்னெறிப் பயில்வதற்கு இந்தக் கதை உதவாது என்று நம் முடைய பெரியோர் இந்தக் கட்டத்தைப் பிர யோகத்தினின்றும் தள்ளிவிட்டார்கள். ஆழ்வார் களும் இதை எடுத்துப் பாடாமல் நீக்கி விட்டார்கள்.

இம்மாதிரியான ஒரு பெரும் அநீதியை சிறீராமச்சந்தின் தன் தேவிக்குச் செய்ததாக எப்படியோ ஒரு கதை கர்ண பரம்பரையாகச் சொல்லிவிட்டு, அந்தக் காலத்திலும் கூட வால்மீகி முனிவரையும் தடுமாறச் செய்தி ருக்க வேண்டும். புண்ணிய கதையாகிய ராமாயணத்தைப் பாட உட்கார்ந்த போதே இந்தப் பொல்லாத அய்தீகத்தை என்ன செய்வது என்று அவர் யோசித்திருக்க வேண்டும்.

அதற்காகவே முனிவர் யுத்த காண்டத் தின் முடிவில், வேண்டாத ஓர் அக்கினிப் பரிட்சையை அமைத்து, அத்துடன் அந்த ஆபத்தும் ஒழியும் என்று எண்ணினார் போல் தோன்றுகிறது. ஆனாலும் அவர் எண் ணம் முடிவு பெறவில்லை. உத்தரகாண்டம் யாரோ எழுதி ராமாயணத்துடன் சேர்ந்தே போயிற்று, ஊர் வம்புக்குப் பயந்து ராமன் சீதையை காட்டுக்கு அனுப்பியது ராவணன் செய்த செயலை விடப் பெரும் பாவச்செயல்.

ராவணன் அபாயங்களைப் பொருட்படுத் தாமல் இந்த கெட்ட காரியத்தில் இறங்கி ஜடாயுவோடு போர் புரிந்து அவனை வென்று சீதையை இலங்கைக்குத் தூக்கிப் போனான். துஷ்டத்தனமானாலும் தைரியம் கலந்த செயல். ராவணன் காமவெறி கொண்டவ னானாலும் இலங்கையில் தேவியை பலாத் காரம் செய்ய எண்ணம் கொள்ளவில்லை. அசோக வனத்தில் வைத்து அவள் அன்பைப் பெற முயன்று, பலநாட்கள் தன் வெறியை அடக்கியே வந்தான்; அதற்காக உயிரையும் நீத்தான்.

ஆனால் இந்த உத்தர ராம சரித்திரத்தில் வெறும் ஊர் வம்பைக் கேட்டு ராமன் சீதையை, நீதி உண்மை எதையும் கருதாமல் காட்டுக்கு அனுப்பி விட்டான் என்று சொல் லப்படுகிறது. உண்மையில் இது நடந்திருந் தால் இறந்த ஜடாயு மீண்டும் உயிர் கொண்டு எழுந்து ராமனுக்கு நல்ல புத்தி புகட்டியிருப் பான். மகனே இது தகாது. இது பயங் கொள்ளித்தனம். இது தர்மத்தைக் கொன்ற தாகும் என்று சொல்லி தடுத்திருப்பான்... உத்திர காண்டத்தை விட்டு விட இஷ்டமில் லாமற் போனால், ராமாயண மாலையில் ரத்னங்களாக ஜொலிக்கும் வீர புருஷர் களையும் அவர்கள் பண்புகளையும் வெறுங் கதையன்று தள்ளிவிட வேண்டியதாகும்.

ஆயினும் பவபூதி என்ற பேராசிரியர் பொருத்தமற்ற இந்தக் கதையை அழகிய நாடகமாக சமஸ்கிருதத்தில் இயற்றினான்; அது மிகவும் புகழ் பெற்ற நூல், நண்பர் சந்தானம் என்னுடன் சிறையிலிருந்த காலத்தில் அதைத் தமிழில் எழுதி முடித்தார். மிகவும் சாமர்த்தியமாக வட மொழி நூலின் அழகு குறையாதபடி மொழி பெயர்த்தி ருக்கிறார்.

இவ்வாறு ராஜாஜி எழுதி இருக்கிறாரே - இவற்றுக்கு என்ன பதில்?

தந்தைப் பெரியாரோ, திராவிடர் கழகத் தலைவரோ இராமனை குறை கூறினால் கொந்தளிக்கும் பார்ப்பன சங்கபரிவார் வட்டாரம். சக்ரவர்த்தி திருமகன் என்று இரா மனைப் பற்றி சக்ரவர்த்தி ராஜகோபாலாச் சாரியர் (ராஜாஜி) எழுதிய இவற்றிற்கு என்ன சமாதானம் சொல்லப் போகிறார்கள்?

அம்பேத்கர் கூறுகிறார்

அண்ணன் தங்கை உறவுடைய இராமனும் சீதையும் திருமணம் செய்து கொண்டதும் ஆரிய திருமண வழக்கத் திற்கு மாறானதுமல்ல. (ஆரியர்களிடையே அண்ணன் தங்கையை மணந்து கொள்ளும் வழக்கமிருந்தது). ஆயின் இந்தக் கதை உண்மையானால் இராமன், சீதை திருமணம் பிறர் பின்பற்றுவதற்கு தக்கது அல்ல எனலாம். இராமன் ஏக பத்தினி விரதன் என்பது ஒரு சிறப்பாக கூறப்படுகின்றது. இத்தகையதொரு அபிப்ராயம் எவ்வாறு பரவியது என்பது புரிந்துகொள்ள முடியாத தாகவே உள்ளது. வால்மீகியே கூட தன் இராமாயணத்தில் இராமன் அநேக மனைவி யரை மணந்து கொண்டதை குறிப்பிடுகிறார் (அயோத்தியா காண்டம், சருக்கம் 8, சுலோகம் 12). மனைவியர் மட்டுமல்ல வைப்பாட்டியர் பலரையும் இராமன் வைத்திருந்தான்.

இராவணனை நல்லடக்கம் செய்த பின் இராமன் செய்திருக்க வேண்டிய முதற் காரியம் ஓடோடிச் சென்று தன் மனைவி சீதையை சந்தித்திருக்க வேண்டும். அவன் அப்படிச் செய்யவில்லை. சீதையை சந்திப்பதைக் காட்டிலும் விபீஷணனை அரியணையிலேற்றுவதிலேயே அவன் அதிக ஆர்வம் காட்டுகிறான். விபீஷணனை ஆட்சியிலமர்த்திய பிறகும் கூட சீதையைக் காண அவனே போகவில்லை. அனு மானைத்தான் அனுப்புகிறான். அனுமன் மூலம் அவன் அனுப்பும் சேதிகள் தான் என்ன? சீதையை அழைத்து வா என்று அனுமனிடம் சொல்லவில்லை. தாமும் தம் தோழர்களும் சகல நலத்தோடிருப்பதாக சீதைக்கு சொல் என்றுதான் சேதி அனுப்புகிறான். இராமனை சந்திக்க வேண்டுமென்ற பேராவலை சீதைதான் அனுமன் மூலம் சொல்லியனுப்பு கிறாள். தன்னுடைய சொந்த மனைவி சீதை. இராவணன் அவளைக் கடத்திக் கொண்டு போய் சிறைப்படுத்தி பத்து மாதங்களுக்கு மேலாகிறது. இருந்தும் தனிமையிலிருந்த சீதையைக் காண இராமன் போகவில்லை.

சீதையை இராமன் முன் கொண்டு வருகிறார்கள். அவளைப் பார்த்த போதா வது இராமன் சொன்னதென்ன?

மனித மனம் படைத்த பாமர மனிதன் கூட துயரம் கவ்விய நிலையிலுள்ள மனைவியிடம் இராமன் சீதையிடம் நடந்து கொண்டதைப் போல நடந்து கொண்டி ருப்பானா என்பது நினைத்துக் கூடப் பார்க்க முடியாத நிகழ்ச்சியாய்த் தோன்றுகிறது. இலங்கையில் சிறைப்பட்டிருந்த சீதையை இராமன் நடத்திய முறைமைக்கு வால்மீகி நேரடியாக ஏதும் ஆதாரம் அளிக்க வில்லை எனினும் அடியிற் காணும் பகுதி யில் இராமன் தன் மனைவி சீதையிடம் சொல்கிறான் : (யுத்த காண்டம், சருக்கம் 115, சுலோகம் 1-23) உன்னை சிறைப் பிடித்தானே அந்த எதிரியைக் கடும் போரில் தோற்கடித்து பணயப் பரிசாய் உன்னை மீட்டு வந்துள் ளேன். என் எதிரியை வீழ்த்தி தன் மதிப் பைக் காப்பாற்றியுள்ளேன். என் போர்த் திறத்தை மக்கள் கண்டு மெச்சினர். என்னுடைய உழைப்பு பலனளித்திருப்பது எனக்குப் பெருமகிழ்ச்சி அளிக்கிறது. இராவணனைக் கொன்றிடவும் அவனால் ஏற்பட்ட அவமானத்தைத் துடைத்திடவுந் தான் நான் இங்கு வந்தேனே ஒழிய உனக்காக நான் இப்பெருந் தொல்லையை மேற்கொள்ளவில்லை.

இராமன் சீதையிடம் இதைவிடக் கொடுஞ்செயல் வேறு என்ன செய்திருக்க முடியும்? இராமன் அதோடு நிற்கவில்லை, சீதையை நோக்கி மேலும் கூறுகிறான்: உன் நடத்தையை நான் சந்தேகிக்கிறேன். இராவணன் உன்னைக் களங்கப்படுத்தி இருக்க வேண்டும். உன்னைப் பார்க்க எனக்கு பெரும் எரிச்சலூட்டுகிறது. ஓ, ஜனகனின் மகளே! உனக்கு விருப்பமுள்ள இடத்திற்கெங்காவது நீ போய்ச் சேரலாம். உன்னோடு எனக்கு எந்தத் தொடர்பு மில்லை. போரிட்டு உன்னை மீண்டும் மீட்டு வந்தேன். என்னுடைய நோக்கம் அவ்வளவே! உன்னைப் போன்ற அழகிய பெண்ணொருத்தியை இராவணன் சும்மா விட்டிருப்பானா என்பதை என்னால் நினைத்துக் கூடப் பார்க்க முடியவில்லை.

இப்படிப்பட்ட இராமனை சீதை அற்பத்தனமானவன் என இகழ்ந்திடுவது இயல்பே. தான் கவர்ந்து சென்ற சீதையை இராவணன் களங்கப்படுத்தியிருப்பான் என்ற எண்ணத்தை-சிறைப்பட்டிருந்த வேளையில் தன்னை சந்திக்க வந்த அனுமன் மூலம் சொல்லியனுப்பி-அதன் அடிப்படையில் சீதையைக் கை கழுவி விடுகிறேன்-என்று இராமன் புலப்படுத்தி இருந்தால் இவ்வளவு சிரமத்திற்கு இடமிருந் திருக்காது- நானே தற்கொலை செய்து என்னை மாய்த்துக் கொண்டிருப்பேனே-என்று சீதை வெளிப் படையாக சொல் கிறாள். இப்படிப்பட்ட இராமனை சீதை அற்பத்தனமானவன் என இகழ்ந்திடுவது இயல்பே.

அம்பேத்கர் எழுதிய இராமன் - கிருஷ்ணன் ஒரு புதிர் நூலிலிருந்து

Banner
Banner