மின்சாரம்



‘பெரியார் நாடு’ என்று தமிழர் தலைவர் ஆசிரியர் அவர்களால் பாராட்டப்பட்ட உரத்தநாடு - அதன் சாதனைத் திசையில் மேலும் ஒரு மைல்கல்லைப் பதிக்க இருக்கிறது.

வரும் 19ஆம் தேதி சனி மாலையில்தான் அந்த மகத்தான நிகழ்ச்சிக்கு மாலை சூட்டப்படுகிறது.

ஆம். ஆயிரம் ‘விடுதலை’ சந்தாக்களை 55ஆண்டு ‘விடுதலை’ ஆசிரியரிடம் அளித்து மகிழ இருக்கிறது.

அவர்கள் மட்டுமா? அந்த நிகழ்ச்சிக்கு நேரில் வருபவர்கள் மட்டுமா. இனவுணர்வுள்ள சுயமரியாதையுள்ள தமிழர்கள், எங்கு வாழ்ந்தாலும் இந்தச் செய்தியை கேட்டு இறும்பூதெய்துவார்கள் என்பதிலும் அய்யமுண்டா?

நமது இனத்துக்கு அப்பாற்பட்ட பகுத்தறிவாளர் களும் பலபட மகிழ்வார்கள் என்பதில் அய்யமில்லை.

27.11.1999 தொடங்கி ஆறு மாதங்களுக்கு ஒரு முறை தமிழர்களின் ‘விடுதலைக்காக’ தனது ஒவ்வொரு மூச்சையும் விட்டுக் கொண்டிருக்கும் ‘விடுதலை’க்கான சந்தாக்களை அளித்துக் கொண்டே இருக்கின்றனர். முதன்முறையாக 525 சந்தாக்களை அளித்தனர். 17ஆண்டுகளாக இந்த அரும்பெரும் சாதனைகளை சலிக்காமல் நிகழ்த்திக் கொண்டே இருக்கின்றனர். தவணை முறை கணக்குச் சொன்னால் இப்பொழுது அவர்கள் அளிக்கப் போகும் தவணையின் எண்ணிக்கை 32 ஆகும்.

இந்தச் சாதனைகளை மற்றக் கழக மாவட்டங்கள் நிகழ்த்தியது இல்லை என்பதை விட எந்த அரசியல், சமூகக் கட்சிகளும் கூட நிகழ்த்தியதில்லை.

‘விடுதலை’யால் நீக்கப்படாத கெடுதலைகள் இல்லை - மட்டம் தட்டப்படாத தறுதலைகளும் கிடையாது.

இனமானமும், பகுத்தறிவும் ‘விடுதலையின் இரு விழிகள், மானமும், அறிவும் மனிதனுக்கழகு என்று - குறளைவிட குறுகிய சொற்களால் உலகளந்த உலகத் தலைவர் தந்தை பெரியார் அவர்களின் உயரிய எண்ணங்களை உலகெங்கும் எடுத்துச் சொல்லும் தூதுவன் அன்றோ ‘விடுதலை’.

தந்தை பெரியாரின் போர்வாள் - தவத்திரு குன்றக்குடி அடிகளார் மொழியில் கூறவேண்டும் என்றால் - தமிழரின் இல்லம் என்பதற்கு அடையாளம் தானே ‘விடுதலை’.

‘விடுதலை’ வாழ்ந்தால், வளர்ந்தால் தமிழர்கள் வாழ்வார்கள், ஒடுக்கப்பட்ட மக்கள் தலை நிமிர்வார்கள். பெண்கள்  பீடு நடை போடுவார்கள். சமூக நீதிக்கு உத்தரவாதம் கிடைக்கும். ஜாதிக்குச் சாவு மணி அடிக்கப்படும். மூட நம்பிக்கைக்கு முடிவுக் கொள்ளி வைக்கப்படும். பகுத்தறிவுக் கொடி பட்டொளி வீசும்.

பிற்போக்குத்தனங்கள் குதிகால் பிடறியில் அடிபட ஓட்டம் பிடிக்கும்! முற்போக்குத் தத்துவங்கள் முதல் வரிசையில் கொடி பிடித்து அணி வகுக்கும்.

சமதர்மமும் - சமத்துவமும் கைகோர்த்து சரி நிகர் சமாதானத்தை சரித்திரத்தில் நிலை நாட்டும்.

கழகத் தோழர்களே! தஞ்சாவூர் மாவட்டத் தோழர்களால், உரத்தநாடு வட்டார தோழர்களால் முடியக் கூடியது உங்களால் முடியாதா, ஏன் முடியாது? கண்டிப்பாக முடியும். தேவை முயற்சியும், தன்னம்பிக்கையும், சரியான திட்டமிடலுமே!

‘விடுதலை’ யால் பலன் பெறாத பயன் துய்க்காத ஒரே ஒரு தமிழன் உண்டா? தமிழ்நாட்டில் நன்றி உணர்வு வற்றிடவில்லையே! அதனை பயன்படுத்திக் கொள்வோம். பாடுபடுவோம்!

பகுத்தறிவுப் பெரு நதியை நாடெங்கும் பாய்ச்சுவோம்! உரத்தநாடு வழிகாட்டி விட்டது - ஒன்று பட்டால் உண்டு வாழ்வு - ஓங்கிப்  பணி முடிக்க எழுவீர்! எழுவீர்!!  எதையும் கேட்டிராத நம் தலைவர் ‘விடுதலை’ சந்தாவைத் தானே வாய்விட்டுக் கேட்கிறார். உயிரையும் தருவது ஒரு புறம் இருக்கட்டும். முதலில் விடுதலை சந்தாக்களைத் தருவோம் - வாரி வாரி வழங்குவோம்.

வாழ்க பெரியார்! வெல்க விடுதலை!
- மின்சாரம்

- கவிஞர் கலி.பூங்குன்றன்

உத்திரப்பிரதேச மாநிலம் ஜாமியத் உலாமா இ ஹிந்த் என்னும் இசுலாமியர் களின் அமைப்பு மூன்று நாள் மாநாட்டினை டியோ பாண்ட் எனும் இடத்தில் நடத்தி, ‘வந்தே மாதரம்’ பாடலை எதிர்த்து தீர்மானம் நிறைவேற்றியது. அப்பாடல் இசுலாத்துக்கு எதிரானது என்றும் தீர்மானம் கூறியது. அம்மாநாட்டில் இந்தியாவின் உள்துறை அமைச்சர் ப.சிதம்பரம், மார்க் ஸிஸ்ட் கம்யூனிஸ்ட் கட்சியின் பொலிட் பீரோ உறுப்பினர் சீதாராம்யெச்சூரி போன்றவர்கள் பங்கு கொண்டனர்.

‘வந்தே மாதரம்’ பாடல் தேசபக்திப் பாடல் என்றும், தாய்நாட்டை வணங்குகி றோம் என்பது பொருள் என்றும், அதனை எதிர்த்துத் தீர்மானம் போட்ட மாநாட்டில் எப்படி உள்துறை அமைச்சர் சிதம்பரம் பங்கேற்கலாம் என்றும் பாரதீய ஜனதா உள்ளிட்ட சங்பரிவார்க் கூடாரம் கூச்சல் போடுகிறது.

1) “வந்தே மாதரம்” பாடல் என்பது என்ன?

ஒரு தேச பக்திப் பாடலை இசுலாமி யர்கள் ஏன் எதிர்க்கிறார்கள்? அப்படி யென்றால் இசுலாமியர்களுக்குத் தேசபக்தி இல்லையா? சங்பரிவார் வகையறாக்கள் கூறி வருவது மெய்தானோ என்ற அய்யப் பாடு மக்கள் மத்தியில் நிலவுதல் இயற் கையே!

அந்தப் பாடல் எங்கிருந்து வந்தது? அதனை எழுதியவர் யார்?அதன் உள்ள டக்கம் என்ன?  என்பதுதான் முக்கியமாகும். வங்காளத்தில் கண்டபுரத்தில் 1838  ஆம் ஆண்டில் பிறந்து  1894-இல் மரணமுற்ற பங்கிம் சந்திர சட்டர்ஜி என்னும் பார்ப் பனரால் வங்கமொழியில் எழுதப்பட்ட ‘ஆனந்தமடம்’ எனும் நாவலில் இடம் பெற்ற பாடலே இந்த “வந்தே மாதரம்”

2) இசுலாமியர்களுக்கு இந்தப் பாடலின் மீது என்ன வெறுப்பு?

ஆனந்த மடம் நாவலில் காணப்படும் கதையம்சமும், உரையாடலும் இசுலாமியர் களுக்கு விரோதமானவை என்கிற அள வில் மட்டுமல்ல; அவர்களை நாட்டை விட்டே துரத்தியடிக்க வேண்டும் என்கிற உணர்வுதான் இந்த நாவலின் அடி நாதமாகும்.

நாவலின் கதை நாயகன் பவாநந்தன் வங்காள முசுலிம் அரசனின் ஆட்சியைக் கவிழ்க்கப் படை திரட்டுகிறான்.

மகேந்திரன் என்ற ஒருவனைச் சந்தித்து தமது படையில் சேருமாறு அழைக்கின்றான். தாய்நாட்டை முசுலிம்களிடமிருந்து காப் பாற்ற வேண்டும் என்று கூறுகிறான். ஏன் முசுலிம் மன்னனின் ஆட்சியைக் கவிழ்க்க வேண்டும்?  மகேந்திரனின் கேள்வி இது.

நமது மதம் போச்சு, நமது வருணாசிரம தருமம் போச்சு. ஏன், இப்பொழுது நமது உயிரக்குக்கூட ஆபத்து வந்து விட்டது. இந்த முசுலிம்களை விரட்டாவிட்டால் நமது இந்து மதத்தைக் காப்பாற்றவே முடியாது!  என்றெல்லாம் வீராவேசம் பேசுகிறான்.

உன் ஒருவனால் இதனை சாதிக்க முடியுமா?  மீண்டும் மகேந்திரனின் வினா இது. பவாநந்தன் பேசுகிறான். “வந்தே மாதரம்” பாடலிலிருந்து சில வரிகளை மட்டும் கம்பீரமாகப் பாடுகிறான். அதற்கு விளக்கமும் கூறுகிறான். “ஏழு கோடி தொண்டைகள் முழங்கும்போது, 14 கோடி கைகள் கூரிய வாளேந்தி நிற்கும்போது, பாரத மாதா பலவீனமானவள் என்று நீ நினைக்கிறாயா?” என்பதுதான் அந்தப் பாடல் வரிகளின் பொருள்.

மகேந்திரன் மசியவில்லை. முசுலிம் களின் வீரத்தையும், படைபலத்தையும் எடுத்துக் கூறுகிறான். விடவில்லை பவா நந்தன்.

“முசுலிம்களா? அவர்கள் பயங்காளிகள், கடைந்தெடுத்த கோழைகள். உயிருக்கு ஆபத்து நேரும்போது, ஆங்கிலேயர்கள் போர்க்களத்திலிருந்து ஓடிவிட மாட்டார் கள். வியர்வை வடியத் தொடங்கும்போது முசுலிம்கள் பயந்து ஓடி விடுவார்கள். எங்காவது ஒரு மூலையில் வெடிகுண்டு விழுந்தால் போதும், முசுலிம்கள் எல்லாம் விழுந்தடித்துக் கொண்டு ஓடி விடுவார்கள்!  என்கிறான் கதை நாயகன் பவாநந்தன். ஆனாலும் மகேந்திரன் அவன் விரித்த வலையில் வீழ்ந்தான் இல்லை.

முயற்சியைக் கைவிடவில்லை - அந்த முசுலிம் எதிரி. மறுநாள் என்ன செய்கி றான்? ஆனந்த மட ஆலயத்துக்கு அழைத் துச் செல்லுகிறான். ஒரு விஷ்ணுவின் விக்கிரகம், அந்த விக்கிரகத்தின் மடியில் ஒரு தேவியின் உருவம்!

“யார் அந்தத் தேவி” கேட்கிறான் மகேந் திரன். “ஆ! அவள்தான் நம் பாரத மாதா. நாமெல்லோரும் அந்த பாரத மாதாவின் புத்திரர்கள்”  என்கிறான் கோயில் பூசாரி.

அடுத்து ஒரு காட்சி “ஜெகத்தாத்ரி” ஒளிமயமாகக் காட்சி அளிக்கும் ஒரு சிலை காட்டப்படுகிறது.

ஆதியிலே நமது பாரத மாதா இப்படித் தான் ‘ஜெகஜோதி’யாகக் காணப்பட்டாள். இப்பொழுது எப்படியிருக்கிறாள் தெரி யுமா? இதோ ஒரு காட்சி! நிர்வாணமாகக் காட்சியளிக்கும் ஒரு கருங்காளி. யார் இவள்?  கேட்கிறான் மகேந்திரன்.

“அன்று ஜெகஜோதியாகக் காட்சிய ளித்த நமது பாரத மாதா இப்போழுது இந்த அலங்கோலத்திற்கு ஆளானாள்” என்று கூறுகிறான்.

மூன்றாவது ஒரு காட்சி: பத்து கரங் களுடைய துர்க்காதேவி! “நமது எதிரிகள் முசுலிம்கள் முற்றாக ஒழிக்கப்பட்டால் நமது அன்னை பாரததேவி இந்தக் கண் கொள்ளாக் காட்சியைத் தருவாள்” என்றான் ஆனந்தமட பூசாரி.

அதோடு விடவில்லை. மூளையில் காவி சாயத்தை ஏற்ற வேண்டுமே! லட்சுமி, சரஸ்வதி விக்கிரகங்களையும் மகேந்தி ரனுக்குக்காட்டி, “பத்துக் கரங்களையுடைய துர்க்காவே” தாமரைமலர்மேல் வீற்றிருக் கும் லட்சுமிதேவியே! கல்வித் தாயான சரஸ்வதியே! போற்றி! போற்றி!!” என்கிற பூசாரி புளகாங்கிதமாகப் பாடி ஆனந்த தாண்டவமே ஆடுகிறான்.

இவ்வளவு வரைதான் தாக்குப்பிடிக்க முடிந்தது மகேந்திரனால். ஆம்! தடுமாறி விடுகிறான்  பவாநந்தன் விரித்த வலை யிலே முற்றிலுமாக சரணாகதி அடைந்து விடுகிறான்.

படைக்கு ஆட்கள் திரட்டப்படுகிறார் கள். திரட்டப்படுபவர்கள் ஒவ்வொருவரும் சனாதன தருமத்தைக் காப்பாற்றுவதற்காக உற்றார் உறவினரை மறந்து, உயிர்த்தியாகம் செய்யக்கூடத்தயார் என்று சபதம் எடுத்துக் கொள்கிறார்கள். ஒவ்வொரு பகுதிக்கும் அவர்கள் அனுப்பி வைக்கப்படுகிறார்கள்.

அந்தப் ‘புரட்சிக்காரர்கள்’ அனுப்பப் பட்ட கிராமப் பகுதிகளில் எப்படியெல்லாம் நடந்து கொண்டார்களாம்?

பங்கிம் சந்திர சட்டர்ஜி, ஆனந்தமடம் நாவலில் இப்படி வருணிக்கிறார்:

“சகோதரரே! விஷ்ணுவை வணங்க வருகிறாயா?  என இளைஞர்களைத் திரட் டிச் சென்று முசுலிம் கிராமங்களுக்குச் சென்று தீயிடுவார்கள். முசுலிம்கள் நாலா திசைகளிலும் ஓடி உயிரைக் காப்பாற்றிக் கொள்கிறார்கள். முசுலிம்களின் சொத்துக் கள் சூறையாடப்படுகின்றன. கொள்ளை யடிக்கப்படும் பொருள்கள் விஷ்ணு பக் தர்களுக்குக் காணிக்கையாக்கப்படுகின் றன. பொருள்கள் கிடைக்கக் கிடைக்க இந்தப் படையில் தாங்களும் சேர்ந்து கொள்வதாக பலரும் முன் வருகிறார்கள்.

ஆனந்த மடம் நாவல், எட்டாம் அத்தி யாயத்தில் ஒரு கிராமக் கொள்ளையைப் பற்றி சொல்கிறது.

“திடீரென ஒரு முழக்கம். முஸ்லிம் களைக் கொல்லு!  கொல்லு! என ஒரே ஆர்ப்பரிப்பு! வந்தே மாதரம்”  என்ற பாடல் பீறிட்டுக் கிளம்புகிறது.

அடுத்து ஒரு குரல் “சகோதரர்களே! மசூதிகளையெல்லாம் தரை மட்டமாக்கி, அந்த இடத்திலே ராதா மாதவர் ஆலயத் தைக் கட்டும் நாள் விரைவில் வரும்!”  என்று பிரசங்கம்.

“வந்தே மாதரம்” பாடலின் தாத்பரியமும் பின்புலமும் இதுதான்.

ஆனந்த மடம் நாவலின் நடுநாயகமான வந்தே மாதரம் பாடலினை முசுலிம்கள் கடுமையாக எதிர்ப்பதன் நியாயம் இப் போழுது புரிந்திருக்க வேண்டுமே!

ஒரு கால கட்டத்தில் இந்த வந்தே மாதரத்தைத் தூக்கிப் பிடித்தது காங்கிரசு! அப்பொழுது காங்கிரசு என்றாலே, பார்ப் பன தர்பார்தானே! - அன்றைய பா.ஜ.க. சங்பரிவார் என்றுகூட அதனைச் சொல்ல முடியும்.

பாரதியார் கூட வந்தே மாதரத்துக்கு வக்காலத்து வாங்கியவர்தான்!

நொந்தே போயினும்

வெந்தே மாயினும்

நந்தேசத்தவர்

உவந்து சொல்வது

வந்தே மாதரம்

பாரதியைத் தொற்றிப் பிடித்த பார்ப்பன வாடைக்கு இந்த ஒருசோறு பதம்போதும்.

3) சட்டமன்றங்களில் என்ன நடந்தது?

1937-இல், ஒரிசா சட்டப் பேரவையில், “வந்தே மாதரம்” தேசியகீதமாகப் பாடப்பட் டது. சில அதிகாரிகள் எழுந்து நிற்கவில்லை. அமர்ந்தேயிருந்தனர். இது சட்டப் பேர வைத்தலைவரிடமும் முறையிடப்பட்டது. தேசிய கீதம் பாடும்போது உட்கார்ந்திருப் பதும் எழுந்திருப்பதும் அவரவர்களின் விருப்பம் என்று கூறிக் கழன்று கொண்டு விட்டார் சபாநாயகர்.

ஒரிசாவில் மட்டுமல்ல அதே காலகட்டத் தில் (1938-இல்)சென்னை மாநிலத்தில் என்ன நடந்தது? சக்ரவர்த்தி ராஜகோபாலாச் சாரியார் (ராஜாஜி) அப்பொழுது பிரதமர். (அப்பொழுது பிரதமர் என்றுதான் பெயர்)

சட்டப் பேரவைத் தலைவராக இருந் தவர் ஆந்திரப் பகுதி  - கிழக்கு கோதாவரி யைச் சேர்ந்த புலுசுசாம்பமூர்த்தி  வழக்கு ரைஞர்  சுதந்திரப் போராட்டத்துக்காக அத்தொழிலை உதறி எறிந்தவர் - மேல் சட்டை கூட அணியாதவர்.

வந்தே மாதரம் பாடலை சட்டமன்றம் தொடங்கப்படும் போது பாடச் செய்ய வேண்டும் என்பது அவரின் ஆசை! ஆசை நிறைவேற்றப்பட்டது. முசுலிம் லீக் உறுப் பினர்கள் கடுமையாக எதிர்த்துக் குரல் கொடுத்தார்கள்.

வறட்டுத்தனமாகக் கூச்சல் போட வில்லை அவர்கள்; வளமான காரணத்தை யும் எடுத்துக் கூறினார்கள். இந்துக் கடவுள் களைப் போற்றித் துதிக்கும் ஒரு பாடலை நாங்கள் எப்படி ஏற்றுக் கொள்ள முடியும் என்று எதிர்க் கேள்வி வைத்தார்கள்.

பார்வதி, இலட்சுமி, சரஸ்வதி ஆகிய இந்து மத முத்தேவிகளும் அப்பாடலில் துதிக்கப்படுகிறார்கள். எனவேதான் இந்த எதிர்ப்பு. குல்லுகப்பட்டர் ஆச்சாரியார் (ராஜாஜி) பிரதம அமைச்சர்ஆயிற்றே! இதற்கு ஏதாவது ஓரு வழி செய்ய வேண் டாமா? அப்படி செய்யாவிட்டால் அவர் எப்படி ராஜாதந்திரி யாவார்?

சபை அலுவல் தொடங்கும் நேரம் காலை 11.00 மணி; இதற்குமுன்னதாக “வந்தே மாதரம்” பாடிவிடலாம்; மற்றவர்கள் இதற்குப் பின் சபைக்கு வரலாம்  என்பது தான் அந்த சமாதான நடவடிக்கை.

இன்னொன்றையும் கூட அவர் சேர்த் துக் கூறினார்: வேண்டுமானால் வந்தே மாதரத்துடன் மற்ற மதத்துப்பாடல்களையும் கூடச் சேர்த்துக் கொள்ளலாம்!  என்று நரியை நனையாமல் குளிப்பாட்டப் பார்த்தார்.

ஆனால் முசுலிம்களிடம் அந்தப் பருப்பு வேகவில்லை. சட்டமன்றத்தில் குறிப்பிட்ட மதத்தின் கடவுள்கள் பெயரில் பாடல் இடம் பெறக் கூடாது என்பதிலே மிக உறுதியாக இருந்தார்கள்.

வேறுவழியில்லை, வந்தே மாதரம், கைவிடப்பட்டது. கெஞ்சினால் மிஞ்சுவா ர்கள். மிஞ்சினால் கெஞ்சக் கூடியவர்களா யிற்றே பார்ப்பனர்கள்.

72 ஆண்டுகளுக்குப் பிறகு மீண்டும் இந்தப் பிரச்சினை தலைதூக்கி நிற்கிறது.

சவுத்துப்போய்க் கிடக்கும் சங்பரிவார்க் கூடாரம் இதனைக் தூக்கிப்பிடித்து உயிர் தப்பித்துக் கொள்ளலாமா என்று முண்டிப் பார்க்கிறது. இது ஏதோ குறிப்பிட்ட முசுலிம்களின் பிரச்சினை மட்டுமல்ல.

மதச்சார்பற்ற சக்திகளின் மகத்தான பிரச்சினையாகும். இந்திய அரசமைப்புச் சட்டத்திலே உறுதி செய்யப்பட்டுள்ள மதச் சார்பின்மையைக் காப்பாற்றித் தீர வேண் டிய பிரச்சினையும் கூட!

4) பார்ப்பனியத்தின் நிலைப்பாடு என்ன?

சங்பரிவார் என்பது ஒரு முகமூடி; அதனுள் உறைந்திருப்பது பங்கிம் சந்திர சட்டர்ஜி என்னும் பார்ப்பனியம். அதற்குள் பதுங்கிக் கிடப்பது ‘ஆனந்த மடங்கள்’ என்பதை மறந்துவிடக்கூடாது.

முசுலிம் மசூதிகளை இடியுங்கள்! அந்த இடத்திலே ராதா மாதவரின் ஆலயத்தைக் கட்டுங்கள்!  என்று ‘ஆனந்தமடம்’ நாவலில் கேட்ட அதே சூளுரை தானே 1992 டிசம்ப ரில் அயோத்தியில் பாபர் மசூதி இடிப்பின் போது கேட்டோம்.

அன்றைக்கு “வந்தே மாதரம்” பாட வேண்டும் என்று வலியுறுத்திய அதே குரலைத்தான் பாரதிய ஜனதா ஆட்சியின் போது. கல்வி அமைச்சர்கள் மாநாட்டில் ‘சரஸ்வதி வந்தனா’ பாடவேண்டும் என்ற குரலாக ஒலித்தது.

காலம் மாறலாம்; ஆனால் காவிகளின் பார்ப்பனியத்தின் கபடநெஞ்சம் மட்டும் மாறுவதில்லை; மாறுவதேயில்லை!

 

திருவாரூர் மண்டல திராவிடர் கழகக் கலந்துரை யாடல் கூட்டம் கழகத் தலைவர் ஆசிரியர் மானமிகு கி.வீரமணி அவர்களின் தலைமையில் நேற்று (16.7.2017) 6 மணிக்கு திருவாரூர் வி.பி.மகாலில் நடைபெற்றது.

ஒரு கலந்துரையாடலா? கழகத் தோழர்கள், மகளிர் அணியினரின் எழுச்சி மிக்கப் பாசறைக் கூட்டமா? என்று வியக்கும் அளவில் அக்கலந்துரையாடல் இருந்தது என்பது மிகுந்த மகிழ்ச்சியையும், எழுச்சியையும் கூடத் தந்தது!

எப்பாழுதும் திருவாரூர், நாகை மாவட்டங்கள் என்பவை கருஞ்சட்டைத் தோழர்களின் பாடி வீடாகவே இருந்து வந்திருக்கின்றன. 1957 இல் தந்தை பெரியார் அறிவித்த ஜாதி ஒழிப்புப் போராட்டமான - ஜாதியைப் பாதுகாக்கும் இந்திய அரசமைப்புச் சட்டத்தின் பிரிவைக் கொளுத்தும் போராட்டத்தில் இந்தப் பகுதிகளைச் சேர்ந்த கருஞ்சட்டைத் தோழர்கள் ஆயிரக்கணக்கில் ஆண்களும், பெண்களுமாக குடும்பம் குடும்பமாகப் பங்கேற்றனர் என்பது சாதாரணமா?

திராவிடர் கழக விவசாய சங்கம் என்று சொன் னாலும், அவை வெறும் தொழிற்சங்கமல்ல - கழகக் கோட்பாடுகளை, தந்தை பெரியார் அவர்களின் கொள்கைகளை அணுவும் பிறழாது கடைப்பிடிக்கும் கருத்தோட்டமிக்கக் குடும்பங்கள் அவை.

கழகப் போராட்டம் என்றால், ஆண்களைவிட பெண்கள் முன்வரிசையில் நிற்கக் கூடியவர்கள்.

சில ஆண்டுகளுக்கு முன் காவிரி நீர் உரிமைப் போராட்டம் திருவாரூரில் நடைபெற்றபோது ஆயிரக்கணக்கில் கலந்துகொண்டனர்.

அவ்வளவுப் பேர்களையும் கைது செய்து வாகனங்களில் அழைத்துச் செல்ல இயலாத கையறு நிலைக்குக் காவல்துறை ஆளானபோது - பகுதிப் பேர்களை மட்டும் கைது செய்கிறோம் - மற்றவர்களை ஊர் திரும்பச் சொல்லுங்கள் என்று காவல்துறையினரே கேட்டுக் கொண்ட நிலையில், பெண்கள் திரும்பிச் செல்லத் தயாராக இல்லை என்பது இந்த இடத்தில் சுட்டிக்காட்டப்பட வேண்டிய செய்தியாகும்.

அரசியல் கட்சிகள் அப்பகுதிகளில் காலூன்ற எடுத்துக் கொள்ள மேற்கொள்ளப்பட்ட முயற்சிகள் எல்லாம் முறியடிக்கப்பட்டதும் உண்டு!
ஒரு குறிப்பிட்ட இடைவெளிக்குப் பிறகு ஒரு கலந்துரையாடலில் கழகத் தலைவர் சந்திக்கிறார் என்றவுடன் குடும்பம் குடும்பமாக திருவாரூரில் கூடிவிட்டனர்.

மாலையில்தான் கலந்துரையாடல் என்றாலும், காலைமுதலே கழகக் குடும்பத்தினர் திரள ஆரம்பித்துவிட்டனர் கழகத் தலைவர் தங்கியிருந்த இடத்திற்கு வந்து சந்தித்த வண்ணமாகவே இருந்தனர்.

பழங்களை அளித்தும், மாலைக்குப் பதில் ரூபாய் அளித்தும், பிள்ளைகளுக்குப் பெயர் சூட்டக் கோரியும், ஒளிப்படங்களை எடுத்துக்கொண்டும் தங்கள் அன்பைப் பரிமாறிக் கொண்டனர்.

அந்த ஒவ்வொரு குடும்பத்தினரையும் நேரடியாகவே அறிந்தவர் தமிழர் தலைவர் என்பது குறிப்பிடத்தக்கதாகும். குடும்பத்தில் உள்ள மூத்தவர்கள், பிள்ளைகள்பற்றி எல்லாம் பெயர் சொல்லி விசாரித்தார்.

கழகக் குடும்பத்தினர் மட்டுமன்றி, பல கட்சித் தலைவர்களும், பிரமுகர்களும் கழகத் தலைவரைச் சந்தித்த வண்ணம் இருந்தனர்.

நேற்று காலை 10 மணியளவில் நீடாமங்கலத்தில் நடைபெற்ற சுயமரியாதைச் சுடரொளிகள் ஆ.சுப்பிரமணியம், மேனாள் மாநில விவசாய தொழிலாளரணி செயலாளர் முதுபெரும் பெரியார் பெருந்தொண்டர் கா.கணபதி (மூலங்குடியில்) ஆகியோரின் நினைவேந்தல் நிகழ்ச்சிகளில் பங்கேற்று அந்தச் சுயமரியாதைச் சுடரொளிகளின் படங்களைத் திறந்து வைத்து நினைவேந்தல் உரை நிகழ்த்தினார் கழகத் தலைவர்.

அவ்விரு நிகழ்ச்சிகளிலும் கழகத்திற்கு அப்பாற்பட்ட தோழர்களும், கட்சிப் பிரமுகர்களும் கலந்துகொண்டு கழகத் தோழர்களின் கொள்கைப்பற்று பற்றியும், திராவிடர் கழகத்தில் மட்டுமேதான் வாழையடி வாழையாக குடும்பம் குடும்பமாகக் கொள்கை வழுவாமல் வாழ்ந்து காட்டும் வெற்றியையும் மனந்திறந்து பாராட்டினார்கள்.

மறைந்து கழகத் தோழர்கள் அந்தப் பகுதி மக்களால் கட்சிகளைக் கடந்து எந்த அளவு மதிக்கப்பட்டனர் - மதிக்கும் அளவுக்கு வாழ்ந்து காட்டினார்கள் என்பதை எண்ணும்பொழுது கழகத்திற்கு மிகவும் பெருமையானதாகவும், பெருமிதமாகவும் இருப்பதை உணர முடிந்தது.
எங்கள் தோழர்கள் துறவிகளுக்கும் மேலானவர்கள். துறவிக்குக்கூட அடுத்த ஜென்மத்தில் மோட்சத்திற்குப் போகவேண்டும் என்ற ஆசை உண்டு; எங்கள் தோழர்களுக்கு அந்த மூடத்தனமான மோட்சத்திலும் நம்பிக்கை கிடையாது.

தங்கள் வீட்டுச் சோற்றைத் தின்றுவிட்டு ஊருக்கு உழைக்கக் கூடியவர்கள். எந்தப் பலனையும் கைமாறாக எதிர்பாராமல் இலட்சியத்தை ஈடேற்ற பாடுபடக் கூடியவர்கள்; இலட்சியத்திற்காக இன்னுயிரையும் இழக்கத் தயாராக உள்ளவர்கள் என்று குறிப்பிடுவார் தந்தை பெரியார் அவர்கள்.

ஜாதி ஒழிப்புப் போராட்டத்தில் நிறைமாதக் கர்ப்பிணியாக இருந்த நிலையிலும் போராட்டத்தில் கைதாகி சிறைச்சாலையில் பிறந்த அந்தக் குழந்தைக்குச் ‘‘சிறைப் பறவை'' என்று பெயர் சூட்டப்பட்ட வரலாறு எந்த நாட்டில் உண்டு - எந்தக் கட்சியில்தான் உண்டு?
கலந்துரையாடல் கூட்டத்தில் இயக்கத்தின் செயல்பாடுகள், கால வளர்ச்சிக்கு ஏற்ப செயல்பாடுகள் முன்னெடுப்பது குறித்துக் கருத்துகள் முன்வைக்கப்பட்டன.

தந்தை பெரியார் பிறந்த நாளையொட்டி விருந்துடன் கூடிய குடும்பங்களின் சங்கமம், சோழங்கநல்லூர் பெரியார் மருத்துவமனை வளாகத்தில் மகளிர் பயிலரங்கம், மருத்துவப் பரிசோதனைகள் - மாலை மகளிர் விவசாய மாநாடு - விவசாயக் குடும்பங்களைச் சேர்ந்த அடுத்த வாரிசுகளுக்கான பயிற்சிப் பட்டறை - கழகப் பொறுப்புகளுக்கு அடுத்த தலைமுறையினரை வழிகூட்டுதல், புதிய பொறுப்பாளர்கள் நியமனம் உள்ளிட்ட ஆக்கப்பூர்வமான முடிவுகள் மேற்கொள்ளப்பட்டன.

மகளிரணி, மகளிர்ப் பாசறைகளின் செயல்பாடுகளைப் பாராட்டிய கழகத் தலைவர் அவர்கள், மாணவர், இளைஞரணியினரியின் செயல்பாடுகள் பக்கம் கவனம் செலுத்தி மேலும் வேகமாக எழுச்சியுடன் செயல்படுவதற்கான அவசியத்தை வலியுறுத்தினார்.
நாகையில் கோட்டவாசலில் நகரின் நுழைவு வாயிலில் திராவிடர் கழகம் வரவேற்பு அளிப்பதுபோல, அமைந்துள்ள பெரியார் கோட்டப் புதுப்பிப்புப் பணிகள் விரைந்து முடிக்கப்படவேண்டும் என்று கழகப் பொறுப்பாளர்களுக்கு அறிவுறுத்தினார்.

கழகம் மேலும் வலுவுடன் தீவிரமாக செயல்படுவதற்கு ஏற்ற வகையில் மண்டல, மாவட்ட, ஒன்றிய பகுதிகளுக்குப் புதிய பொறுப்பாளர்களைக் கழகத் தோழர் அறிவித்தார்.

ஆர்வப் பெருக்குடன் மண்டலக் கலந்துரையாடலில் பங்கேற்க வந்த கழகக் குடும்பத்தினர் புதிய முறுக்குடன், உத்வேகத்துடன் பிரியா விடை பெற்றுச் சென்றனர். கழகத் தலைவரோ கடுஞ் சுற்றுப் பயணத்திலும் இளைப்பாறக் கிடைத்த குளிர் நிழலாய், தருநிழலாய் இந்நிகழ்வு அமைந்திருந்தது குறிப்பிடத்தக்கதாகும்.

சுருக்கமாகச் சொல்லவேண்டுமானால் திருவாரூரில் நடைபெற்றது ஒரு கலந்துரையாடல் அல்ல- ஒரு காவியம்!
குறிப்பு: இந்நிகழ்ச்சிகளில் எல்லாம் கழகத் தலைவருடன் கழக துணைத் தலைவர் கலி.பூங்குன்றன், பொதுச்செயலாளர் தஞ்சை இரா.ஜெயக்குமார் ஆகியோர் உடன் சென்றனர்.





தோழர்களே, உங்களுக்காகத்தான் பேசுகின்றோம். உங்களுக்காகப் பேசுகின்ற நாங்கள், எங்களுக்கு ஓட்டுப் போடுங்கள் என்று உங்களிடம் கேட்காதவர்கள்!

ஆனால், யார் ஆட்சிக்கு வரவேண்டும் என்பதைவிட யார் வரக்கூடாது என்பதிலே கவனம் எங்களுக்கு எப்போதும் நிரம்ப உண்டு.

காங்கிரசை எதிர்த்த நாங்கள் காமராசரை ஆதரித்தோம். அவர் ஆட்சியில் இருக்கவேண்டும் என்று விரும்பினோம். எதற்காக? சூத்திரனுக்கு எதைக் கொடுத்தாலும் கல்வியைக் கொடுக்காதே என்று  ஆக்கப்பட்ட சூத்திர மக்களின் பஞ்சம மக்களின் கல்விக் கண்களைத் திறந்ததற்காக கல்விக் கூடங்களைப் பட்டிதொட்டிகளில் எல்லாம் திறந்ததற்காக, தகுதி திறமை பேசி சமூகநீதியைக் கொச்சைப்படுத்தியவர்களை நோக்கி சரமாரியான சவுக்கடிகளைக் கொடுத்ததற்காக!

‘பறையனை'ப் படிக்க வைத்தோம் டாக்டர் ஆனான்; அவன் ஊசி போட்டதால் எந்த நோயாளி செத்தான் என்று சொல்!

‘பறையனை'ப் படிக்க வைத்தோம், என்ஜினியர் ஆனான்; அவன் கட்டிய எந்தப் பாலம் இடிந்தது என்று சொல்!

உன் தகுதியும் தெரியும். உனக்குச் சொல்லிக் கொடுத்தவன் தகுதியும் எனக்குத் தெரியும். என்னை ஒழிக்க நினைத்தால் உன் அஸ்திவாரத்தையே கலைத்திடுவேன் என்று கர்ச்சித்தாரே - அந்தக் காமராசரைத்தான் ஆதரித்தோம் - தந்தை பெரியார் ஆதரித்தார்.

பசுவதை பெயரால் பச்சைத் தமிழர் காமராசரைப் புதுடில்லியில் ஒரு பட்டப் பகலில் தீ வைத்துக் கொளுத்திய அதே நிர்வாண சாமியார்க் கூட்டம், ஆர்.எஸ்.எஸ். கூட்டம், ஜன சங்கக் கூட்டம்தான் (இன்றைய பாரதீய ஜனதா) இன்று பசு பாதுகாப்பு என்ற பெயரால் மனிதர்களைப் படுகொலை செய்கிறது.

நம் வீட்டில் என்ன குழம்பு வைப்பது என்பதை அடுத்த வீட்டுக்காரனா முடிவு செய்வது?

மத்திய பி.ஜே.பி. அரசு ‘நீட்' தேர்வைக் கொண்டு வந்துள்ளது. யாருக்காக இந்தத் தேர்வு - எதற்காக இந்தத் தேர்வு? எங்கள் மாநிலத்தில் நுழைவுத் தேர்வை ஒழித்து பத்தாண்டுகள் ஆகிவிட்டனவே! மாநில அரசின் ஆலோசனையைக் கேட்டதுண்டா? பொதுப் பட்டியல் என்றால் என்ன பொருள்? ‘கன்கரண்ட்' என்ற சொல்லுக்கு என்ன பொருள்?

அடுத்தவர் கருத்தையும் கேட்கவேண்டும் என்ற பொருளை உதாசீனப்படுத்தியது ஏன்?

மத்திய சுகாதாரத் துறைக்கான நாடாளுமன்ற நிலைக்குழு என்ன சொன்னது? ‘நீட்' தேர்வு வேண்டாம் என்று எந்த மாநிலமாவது கூறினால், விலக்கு அளிக்கப்படவேண்டும் என்று கூறியிருக்கிறதே - அதனை மதிக்காதது ஏன்? உச்சநீதிமன்றம் கூட இதனைப் பொருட்படுத்தாதது ஏன்?
‘நீட்' தேர்வு நடத்தியதிலாவது நேர்மை உண்டா? தகுதியைத் தேர்வு செய்ய வேண்டுமானால், அதற்கான அளவுகோல் ஒரே மாதிரியாக இருக்கவேண்டாமா?

பீகாருக்கு ஒரு கேள்வித்தாள் - தமிழ்நாட்டுக்கு வேறொரு கேள்வித்தாளா? குஜராத்துக்கு ஒரு மாதிரியான வினாத்தாள், கேரளாவிற்கு வேறு மாதிரியான கேள்வித்தாளா? இதுதான் சமப்போட்டியா?

வடமாநிலங்களில் எளிதான கேள்விகள், தென்மாநிலங்களில் கடினமான கேள்விகள் என்பது மோசடியல்லவா?

5 சதவிகித மாணவர்கள் சி.பி.எஸ்.இ. பாடத் திட்டத்தில் படிக்கிறார்கள்  நீட் தேர்வு இந்த சி.பி.எஸ்.இ. பாடத் திட்டத்தின் அடிப்படையில் நடத்தப்படுகிறது என்றால், இது யாருடைய நலனுக்காக - பயனுக்காக இந்த ‘நீட்' தேர்வு நடத்தப்படுகிறது?

5 சதவிகித மாணவர்களின் நலனுக்காக 95 சதவிகித மாணவர்கள் பாதிக்கப்பட வேண்டுமா? இதை உச்சநீதிமன்றம் கணக்கில் எடுத்துக்கொள்ளாதது ஏன்? ஏன்?

இன்னும் ஒரு பெரு மோசடி! அதிக மதிப்பெண் பெற்ற - தாழ்த்தப்பட்டோர், பிற்படுத்தப்பட்டோர் போட்டிப் போடக்கூடிய இடம் திறந்த போட்டியாகும். ‘Open Competition' ஆனால், ‘நீட்' தேர்வில் மிகப்பெரிய மோசடி என்ன தெரியுமா? OC - Open Competition என்பதே ளிசி என்றால் ளிtலீமீக்ஷீ சிஷீனீனீuஸீவீtஹ் என்று வியாக்கியானம் செய்து தாழ்த்தப்பட்டோருக்கு 15 விழுக்காடு, மலைவாழ் மக்களுக்கு 7.5 விழுக்காடு, பிற்படுத்தப்பட்டோருக்கு 27 விழுக்காடு ஆகக் கூடுதல் 49.5 சதவிகிதம் போக, எஞ்சிய 50.5 சதவிகிதத்துக்கு உரிய மொத்த இடங்கள் அத்தனையும் ளிtலீமீக்ஷீ சிஷீனீனீuஸீவீtஹ் என்று சொல்லப்படுபவர்களுக்கும், முன்னேறிய ஜாதியினருக்கு இட ஒதுக்கீடாம்! சட்டப்படி இட ஒதுக்கீடு இல்லாதவர்களுக்கு 50.5 சதவிகித இட ஒதுக்கீடாம்.

எவ்வளவுப் பெரிய சதியும் - மோசடியும் - சூழ்ச்சியும் புனையப்பட்டுள்ளது பார்த்தீர்களா? ‘நீட்' தேர்வின் பின்னணியில் பதுங்கியிருக்கும் பார்ப்பன சூழ்ச்சியை முன்கூட்டியே எச்சரித்தோமே!

பெற்றோர்களை அழைத்தோமே! எந்த அளவுக்குப் பெற்றோர்கள் இதில் அக்கறை காட்டினார்கள்? இன்று குத்துகிறதே - குடைகிறதே என்றால், யார் பொறுப்பு?

இப்பொழுதுகூட ஒன்றும் கெட்டுப் போய்விடவில்லை. வரும் 12 ஆம் தேதி தமிழ்நாடெங்கும் மாவட்டத் தலைநகரங்களில் ஆர்ப்பாட்டம்!
எதற்காக? ‘நீட்' தேர்விலிருந்து தமிழ்நாட்டுக்கு விதிவிலக்கு அளிக்கப்படவேண்டும் என்ற தமிழ்நாடு சட்டப்பேரவையில் நிறைவேற்றப்பட்ட இரு மசோதாக்களுக்கும் குடியரசுத் தலைவரின் ஒப்புதலைப் பெற்றுத்தரவேண்டும் என்று மத்திய அரசை வலியுறுத்துவதற்காகவே!

திராவிடர் கழகம் ஒருங்கிணைக்கும் இந்த ஆர்ப்பாட்டத்தில் தி.மு.க., காங்கிரசு, விடுதலைச் சிறுத்தைகள், இந்திய கம்யூனிஸ்ட் கட்சி, இந்திய கம்யூனிஸ்ட் கட்சி (மார்க்சிஸ்டு), இந்திய யூனியன் முஸ்லிம் லீக், மனிதநேய மக்கள் கட்சி, த.மு.மு.க., எஸ்.டி.பி.அய்., திராவிட இயக்கத் தமிழர் பேரவை, கட்டடத் தொழிலாளர் சங்கம், கல்வியாளர்கள் எல்லாம் அணிவகுத்து ஆர்ப்பாட்டம் நடத்திட உள்ளனர்; அரிமா குரல் கொடுக்க உள்ளனர். சமூகநீதிக் களத்தில் நமது குரல் ஓயப் போவதில்லை.

சமூகநீதிக்கு ஆபத்து வந்தபோதெல்லாம் சமர்க்களம் கண்டது திராவிடர் கழகம் - தமிழ்நாட்டின் 69 சதவிகிதத்துக்கு ஆபத்து வந்தபோது திராவிடர் கழகம் என்ன செய்தது?

இன்றுபோல் அன்றும் அனைவரையும் அரவணைத்துச் செயல்படவில்லையா? சட்ட ரீதியாக 69 சதவிகிதத்தைப் பாதுகாக்க அதற்கான சட்ட முன்வடிவைத் தயாரித்துக் கொடுத்தது திராவிடர் கழகம்தானே!

அது இந்தியாவின் அரசமைப்புச் சட்டத்தில் ஒன்பதாவது அட்டவணையில் சேர்க்கப்பட்டு பாதுகாப்பு அரண் செய்யப்பட்டுள்ளதே!
முதலமைச்சராக இருந்த செல்வி ஜெயலலிதா ஒரு பார்ப்பனப் பெண்!

நாடாளுமன்றத்தில் சட்ட முன்வடிவு நிறைவேற்றப்பட பிரதமரின் ஒப்புதல் அவசியம் - ஆனால், பிரதமரோ நரசிம்மராவ் என்ற ஆந்திரப் பார்ப்பனர்!

சட்டம் முழுமை பெறக் கடைசிக் கையொப்பம் போடவேண்டிய குடியரசுத் தலைவர் சங்கர் தயாள்சர்மாவோ உத்தரப்பிரதேசத்துப் பார்ப்பனர்!
மூன்று பார்ப்பனர்களிடம் வேலை வாங்கியிருக்கிறதே - வெற்றி பெற்றுள்ளதே திராவிடர் கழகம்! (பலத்த கரவொலி!). இந்தியத் துணைக் கண்டத்திலேயே 69 சதவிகிதம் என்பதும், அது சட்டப்படி பாதுகாக்கப்பட்டுள்ளது என்பதும் தமிழ்நாட்டில்தானே! இது திராவிடர் இயக்க சாதனை அல்லவா!

திராவிடர் இயக்கம் என்ன செய்தது என்று நன்றி உணர்ச்சி இல்லாமல் நாகூசாது வினா எழுப்புகிறார்களே! அவர்களுக்கு ஒன்று தெரியுமா?
தோளில் துண்டு போட உரிமை வாங்கித் தந்ததுகூட திராவிட இயக்கம்தானே!

இன்றைக்கு நம்மவர்களில் ஏராளம் பேர் டாக்டர்களாக வந்திருக்கின்றனர். அவர்களுக்கு ஒரு சேதி தெரியுமா? மருத்துவக் கல்லூரியில் சேர்வதற்குச் சமஸ்கிருதம் தெரிந்திருக்கவேண்டும் என்று நிபந்தனை விதிக்கப்பட்டு இருந்ததே! தந்தை பெரியார் போர்க் குரல் கொடுத்து, அன்றைய சென்னை மாநிலப் பிரதமர் ராமராய நிங்கர் என்ற பனகல் அரசர் அந்த நிபந்தனையை நீக்காவிட்டால், நம்மவர்களில் இத்தனை டாக்டர்களை எண்ணித்தான் பார்க்க முடியுமா?

இன்றைக்கு மீண்டும் கண்ணிவெடி வைக்கிறார்கள் - நமது குப்பனும், சுப்பனும் டாக்டராவதா என்று எண்ணுகின்றனர்!

எதையும் நேரடியாக செய்ய மாட்டார்கள் - சூழ்ச்சி வலைப் பின்னியே நம்மை ஒழிக்கப் பார்ப்பார்கள். பார்ப்பனர்களின் இந்தத் திரைமறைவு சூழ்ச்சி மற்றவர்களுக்கு சுலபத்தில் தெரியாது. ஈரோட்டுக் கண்ணாடி போட்டால்தான் விளங்கும்! (பலத்த கரவொலி).

எங்கள் பணிக்காக நாங்கள் ஒன்றும் நன்றியை எதிர்ப்பார்க்கவில்லை. தந்தை பெரியார் சொல்லுவார், நாங்கள் தண்ணீர்ப் பந்தல் வைத்துள்ளோம் - தாகம் எடுத்தவன் தண்ணீர்க் குடிக்கிறான் - தண்ணீர்க் குடிக்கும் ஒவ்வொருவனும் தண்ணீர்ப் பந்தல் வைத்தவன் யார் என்று தேடிச் சென்றா நன்றி தெரிவிக்க முடியும்?

நன்றித் தெரிவிக்காவிட்டாலும் பரவாயில்லை. தண்ணீர்ப் பந்தலில் வைக்கப்பட்ட டம்ளரை எடுத்துச் செல்லாமல் இருந்தாலே போதாதா?
உங்களுக்காகத்தான் நாங்கள் பேசுகின்றோம்; உங்கள் வீட்டுப் பிள்ளைகளுக்காகத்தான் நாங்கள் பேசுகின்றோம். நாம் போராடிப் பெற்ற உரிமைகள் பாதுகாக்கப்படவேண்டும் என்பதற்காகத்தான் பேசுகின்றோம்.

மிஸ்டு கால் கொடுத்து ஒரு கட்சி இங்கே கால் ஊன்றப் பார்க்கிறது.

ஏமாந்துவிடாதீர்கள்; கழகம் இல்லாத ஆட்சியை இங்கே ஏற்படுத்தப் போகிறார்களாம். கவலையில்லாத ஆட்சியை உருவாக்கப் போகிறார்களாம். கழகம் இல்லாத ஆட்சியை உருவாக்கப் போகிறார்களா? முதலில் கலகம் இல்லாத ஆட்சியை உண்டாக்கச் சொல்லுங்கள் பார்க்கலாம்.

பி.ஜே.பி. ஆளும் மாநிலங்களில் அன்றாடம் கலகம்தானே! மாட்டைக் காப்பாற்ற மனிதர்களைப் படுகொலை செய்பவர்கள் - தமிழ்நாட்டில் கழகம் இல்லாத ஆட்சியை உருவாக்கப் போகிறார்களாம்!

கழகம் இல்லாத ஆட்சியை உருவாக்கப் போவதாகச் சொல்லிக் கொண்டு, கழகத்தின் ஓட்டு குடியரசுத் தலைவர் தேர்தலில் எங்களுக்கு வேண்டும் என்று கழகத்திடம் கேட்பது ஏன்?

கழகம் இல்லாத ஆட்சியை அமைக்க விரும்புபவர்கள் அந்தக் கழகம் இல்லாமலேயே குடியரசுத் தலைவர் தேர்தலில் வெற்றி பெற வேண்டியதுதானே!

ஆளும் கட்சியினருக்கும் வெட்கம் இல்லையே! ‘நீட்' தேர்வில் எங்களுக்கு விலக்கு வேண்டும் என்ற வகையில் மசோதாவை நிறைவேற்றி ஒப்புதலுக்கு அனுப்பினோமே அது என்னாயிற்று என்று மத்திய அரசைப் பார்த்து அ.தி.மு.க. ஆட்சியினர் கேட்கவேண்டாமா? ஏன் இப்படி சரணடைய வேண்டும்?

அதிமுகவினரும் சிந்திக்கவேண்டும் - அவர்கள் எந்த அணியிலாவது இருந்துவிட்டுப் போகட்டும் - நாட்டு நலன் முக்கியமல்லவா! அதுவும் தந்தை பெரியார் பிறந்த மண்ணில் சமூகநீதி முக்கியமானதல்லவா!

வாட்ஸ் அப் இளைஞர்கள் சிந்திக்கட்டும் - ஃபேஸ்புக் இளைஞர்கள் சிந்திக்கட்டும்! டுவிட்டர் இளைஞர்கள் சிந்திக்கட்டும்!
வாட்ஸ் ‘அப்.. அப்' என்று அதிலேயே உழன்று ‘டவுன்' ஆகலாமா?

மீண்டும் சொல்கிறோம் - உங்களுக்காகத்தான் பேசுகிறோம்.

செவி மடுங்கள் - செயலில் இறங்குங்கள்!

(8.7.2017 அன்று ஆலங்குளத்தில் தந்தை பெரியார் பிறந்த நாள் விழாப் பொதுக்கூட்டத்தில் தமிழர் தலைவர் ஆசிரியர் கி.வீரமணி அவர்கள் ஆற்றிய அரும்சொற்பொழிவைத் தழுவி எழுதப்பட்ட உரைநடைச் சுருக்கச் சித்திரம்)

ஆவடி அருகில் மஹந்திரா நிறுவனம் சார்பாக புதிதாக கட்டப்பட்டு வரும் happy nest என்ற அடுக்குமாடி குடி யிருப்புக்கான விளம்பரம் பெரிய பெரிய பிளெக்ஸ் போர்டுகளில் வைக்கப்பட்டுள்ளது, அதில் வீடு வாங்கிய ஒரு கணவன் மனைவி ஜோடி தங்கள் பெயர் பலகையை தாங்கள் வாங்கிய வீட்டு வாசலில் பதிப்பதாக விளம்பரம் காட்சிப்படுத்தப்பட்டிருக்கிறது. ஆனால் அந்த விளம் பரத்தில் இடம் பெற்றிருப்பது அவர்களின் பெயரல்ல. ஜாதிப்பெயர், மிஸ்டர் அண்ட் மிசஸ் அய்யர் என்று குறிப்பிடுகிறது அந்த பெயர் பலகை.

தமிழ்நாட்டுக்காரர்கள் என்றாலே அல்லது தமிழ்நாடு என்றாலே அதற்கு அடையாளமாக பார்ப்பனர்களையும், பார்ப்பன கலாச்சாரத்தையும் காட்டுவதே பல காலமாக தொடர்ந்து திட்டமிட்டு செய்யப்பட்டு வருகிறது. இந்த விளம்பரத்திலும் அப்படியே விளம்பரப்படுத்துகிறது மஹேந்திரா நிறுவனம். தமிழ்நாட்டில் ஜாதிப்பெயர்கள் சமூக தளத்தில் ஒழிக்கப்பட்டுவிட்ட நிலையில் அவற்றை மீண்டும் கொண்டுவர பல முயற்சிகள் தொடர்ந்து நடைபெற்று வருகின்றன. வேறு மாநிலங்களைச் சேர்ந்த திரைப்பட நடிகை, நடிகர்கள், இயக்குநர்கள் மூலமும் மீண்டும் மீண்டும் இந்த சதி செய்யப்பட்டு வருகிறது.

சில ஆண்டுகளுக்கு முன்பு ஹோண்டா ஸ்ப்ளெண்டர் விளம்பரத்துக்கு இதேபோல் நடந்தது. ஒவ்வொரு மாநிலத் திற்கும் அந்த மாநிலத்தின் குறிப்பிட்ட ஜாதியை நினைவு படுத்தி விளம்பரம் செய்யப்பட்டது. அப்போதும் தமிழ்நாட் டின் அடையாளமாக ஷிவ்ராம் அய்யர் என்றும், ஸ்ப் ளெண்டர் அய்யர் என்றும் விளம்பரம் செய்யப்பட்டு கடும் எதிர்ப்பைச் சந்தித்து மறுநாளே அனைத்து ஊடகங்களிலும் ஜாதிப் பெயர் நீக்கப்பட்டு, விளம்பரம் வெளியிடப்பட்டது. இதுதான் பெரியார் மண்ணின் தனித்தன்மை. அதே போன்ற ஒரு திணிப்பைத்தான் இப்போதும் இந்த நிறுவனம் செய்துள்ளது.

‘பிராமின்ஸ் ஒன்லி’ என்கிற விளம்பரம் செய்யப்படும் அடுக்ககங்களும், ‘விஜிட்டேரியன் ஒன்லி’ என்று மறைமுக மாக விளம்பரம் செய்யும் அடுக்ககங்களும் நவீன அக்கிர காரங்களாக எதிர்ப்புக்கிடையில் உருவாகிவரும் சூழலில் மஹேந்திரா நிறுவனம் அப்படியொரு அக்ரகாரத்தைத்தான் கட்டுகிறதா? மிஸ்டர் அண்ட் மிசஸ் அய்யர்கள் மட்டும் அந்த வீடுகளை வாங்கினால் போதுமா? இத்தகைய திணிப்புகளைச் செய்யும் பார்ப்பனச் சிந்தனைகள் நிரம்பிய விளம்பர நிறுவனங்களை அடையாளம் கண்டு புறக் கணிக்க வேண்டாமா?

ஸ்ப்ளெண்டர் மோட்டர் சைக்கிளை விளம்பரப்படுத் திட இப்படி ஒரு முறையைக் கையாண்டது இந்த நிறு வனம்.
ஷிவ்ராம் அய்யர் சௌம்யா அய்யர் குடும்பத் தில் இன்னொருவரும் இணைந் துள்ளார் அவர்தான் ஸ்ப் ளெண்டர் அய்யராம்.

இதே பாணியில் கேரளா வில் நாயர் என்றும், மும்பை மற்றும் புனேயில் படேல் என்றும், டில்லியில் சௌ கான் என்றும் கொல்கத்தா வில் மிஸ்ரா என்றும் இப்படி யாக விளம்பரம் செய்து வருகின்றனர்.

வியாபாரம் செய்வதற்கு எத்தனையோ வழிமுறைகள் உள்ளன.

ஜாதிப் பெயர்களை முன்னிறுத்தி விளம்பரங்களைச் செய்யவேண்டுமா? இதன் பின்னணி என்ன?

இன்னொரு தகவலும் இது தொடர்பாக உண்டு. சில மாதங்களுக்கு முன்பு இதே சென்னையில் தான் - தரமணி பகுதியிலே உள்ள ஓர் அமெரிக்க நிறுவனம் - அதன் பெயர் பேபால் (Paypal)

அந்த நிறுவனத்தின் ஆண்டு விழா! (நடத்தட்டும்! நடத்தட்டும்! மகிழ்ச்சிதான்!)

விளையாட்டுப் போட்டிகள் எல்லாம்கூட! திறமைகளை வெளிப்படுத்த வாய்ப்புக் கொடுக்கப்பட வேண்டாமா?
விளையாட்டுப் போட்டிகள் என்றால் குழுக்கள் (Teams) பிரிக்கப்பட வேண்டாமா?

ஆமாம்! ஆமாம்!! அதில் என்ன சந்தேகம்? நம் பள்ளிக் கூடத்திலே கூட பிரிப்பார்களே! காந்தி அவுஸ், ஜவகர் அவுஸ், நேதாஜி அவுஸ் அல்லது  வண்ணப் பெயர்கள் சிகப்பு, மஞ்சள், நீலம் என்று கூடப் பிரிப்பார்களே!
சில பள்ளிகளில் பூக்களின் பெயர்களைக்கூட

சூட்டுவதுண்டு. முல்லை, ரோஜா, சாமந்தி என்று போகும்.

போபால் நிறுவனத்தின் சார்பில் நடத்தப்பட்ட விழாவுக்கான  விளையாட்டுக் குழு எந்தெந்த பெயர்களில் பிரிக்கப்பட்டு இருந்தன? படேல் ஆஃப் குஜராத், பேனர்ஜீஸ் ஆஃப் பெங்கால், சிங்ஸ் ஆஃப் பஞ்சாப், டிசோசாஸ் ஆஃப் கோவா; - என்ன தமிழ்நாட்டைக் காணவில்லையே என்று அவசரப்படாதீர்கள். அய்யர்ஸ் ஆஃப் தமிழ்நாடு.
எப்படி இருக்கிறது? படித்தவர்கள் அல்லவா! அவர் களில் மூளை வித்தியாசமாகச் செயல்பட்டால்தானே பெருமை?
ஆமாம் அமெரிக்க கம்பெனியாயிற்றே - அவர்களுக்கு இதெல்லாம்....

சொல்லப் போவது புரிகிறது! புரிகிறது!! ஆனால் ஆங்கே பெரிய பெரிய பதவிகளில் இருப்பவர்கள் எல்லாம் யார்? அவர்கள் மொழியில் சொல்ல வேண்டுமானால் “Brahmins! Brahmins”

ஓகோ! கதை அப்படிப் போகிறதா!

பிரச்சினை வெடித்ததும் வியாக்கியானங்களை சொல்ல ஆரம்பித்தார்கள்.

அய்.பி.எல். கிரிக்கெட்டுக்குப் பெயர் வைக்கவில் லையா? இதெல்லாம் கொஞ்சம் தமாஷ்! எதையும் சீரிய ஸாகப் பார்த்தால் எப்படி? ஒவ்வொரு மாநிலத்துக்கும் ஒவ்வொரு அடையாளம் - அவ்வளவு தான்.

ஒண்ணும் இல்லாத விஷயத்தை எல்லாம் துருவித் துருவிப் பார்க்கக் கூடாது - என்று வெண்டைக்காய் விளக் கெண்ணெய் வியாக்கியானங்கள்! பிரச்சினை  பெரிதாக வெடித்ததும் ஊற்றி மூடி விட்டார்கள் - காரணம் தமிழ்நாடு அல்லவா!

இப்பொழுது ஒரு முக்கியமான இடத்துக்கு நாம் வந்தாக வேண்டும்.

இப்படி எல்லாம் யாருடைய மூளை வேலை செய்கிறது?

நுட்பமான கேள்வி இது! ஏன் அவசியமான கேள்வி யும்கூட!

தனியார் நிறுவனங்கள் எல்லாம் இப்பொழுது பெரும் பாலும் அக்கிரகாரமாகி விட்டன. அதிலும் முக்கிய பதவி களில் பணியாளர்களைத் தேர்வு செய்யும் இடத்தில் எல் லாம் பார்ப்பனர்கள் அட்டாணிக் கால் போட்டு உட்கார்ந்து கொண்டு விட்டார்கள்.

(இன்றைக்கு இந்தியாவில் தனியார்த் துறைகளில் இயக்குநர்களாக இருப்பவர்களின் எண்ணிக்கை 9052; இதில் பார்ப்பனர்கள் உள்ளிட்ட முன்னேறிய ஜாதியினர் 8367 (92.6%) பிற்படுத்தப்பட்டோர் 34.6 (3.8%) தாழ்த்தப் பட்டோர் 319 (3.5%) (ணிநீஷீஸீஷீனீவீநீ கிஸீபீ றிஷீறீவீtவீநீணீறீ கீமீமீளீறீஹ் - 11.8.2012)

இப்படிப் பார்ப்பனர்கள் தனியார் நிறுவனங்களில் படை எடுத்து, படம் எடுத்து ஆக்கிரமித்துக் கொண்டார்கள் அல்லவா!

தனியார் நிறுவனங்கள் எல்லாம் அவாளின் ஆதிக்கப் புரியாகி விட்டால் அதன் பின் கேட்க வேண்டுமா?

அந்த வேலைதான் மோட்டர் பைக் விளம்பரத்திலும் அய்யர், பானர்ஜி மிஸ்ரா - விளையாட்டுப் போட்டிகளிலும் குழுக்களுக்கும் ஜாதிப் பெயர்கள்.

பார்ப்பனர்களாவது வெங்காயமாவது! அதெல்லாம் பழைய காலம்.

இப்பொழுதெல்லாம் அந்தப் பேச்சுக்கே வேலை யில்லை என்று நமது பார்ப்பனர்  அல்லாத மக்கள் அதிலும் கொஞ்சம் படித்தவர்கள் அடுத்தவர்களின் வாய்களையும் கடன்வாங்கி இடக்கு முடக்காகப் பேசுவதுண்டு.

அத்தகைய அதிகப் பிரசங்கிகள் இந்தத் தகவல் களையும், உண்மைகளையும் கண்களை அகல விரித்தும், மூளையைக் கொஞ்சம் கசக்கிவிட்டு, வெளிச்சத்தில் குளிப்பாட்டியும் பார்த்தால் தெரியும். உண்மையான சங்கதி.
2012லும் பிராமணாள் ஓட்டல் வைக்க வந்து விட்டாளே தெரியவில்லையா?

அதிகாரப் பலமும், நம் மக்களின் அப்பாவித்தனம் என்ற பலகீனமும் பார்ப்பனர்களுக்குக் கிடைத்த தெம்பான இரண்டு கால்கள்!

நாட்டில் எவ்வளவோ நடக்கின்றன. இந்தக் கறுப்புச் சட்டைக்காரர்களுக்கு இதுதான் பிரச்சினையா? என்று மிகப் பெரிய விசால மனசுக்குச் சொந்தக்காரர்கள் போல கதைப்பார்கள்.

நாம் திருப்பிக் கேட்க வேண்டும்; நாடு எவ்வளவோ முன்னேறி விட்டது - இன்னமும் ஏன் இந்த அய்யர் பிராமணாள் விளம்பரம்?

இதற்கு மட்டும் பதில் சொல்லமாட்டார்கள். ஏனென்றால், அவர்களால் பதில் சொல்ல முடியாது.


Banner
Banner