மின்சாரம்

பா.ஜ.க. ஆட்சியில் தலித்களுக்கு எதிராக அராஜகம் தொடர்வதால் உ.பி.யில் சுமார் ஒரு லட்சம் பேர் புத்த மதத்திற்கு மாற முடிவு செய்துள்ளனர்.

உ.பி.யில் ஒரு லட்சம் தலித் மக்களை ஒரே சமயத்தில் புத்த மதத்திற்கு மதமாற்றம் செய்யும் நிகழ்வு வரும் 14 ஆம் தேதி நடக்கிறது. இதற்கான ஏற்பாடுகள் நடந்து வருகின்றன. முசாபர்நகர் மாவட்டதில் சஹ ரான்பூர் அருகே உள்ள சாபிர்பூர் கிராமத்தைச் சேர்ந்த தலித் மக்கள் தங்களுக்கு எதிராக தொடர்ந்து மேற்கொள்ளப்படும் அராஜக போக்கிற்கு முடிவு கட்டும் விதமாக இந்த முடிவை எடுத்துள்ளனர்.

ஜெய் சிந்து சங் என்ற புத்த மத அமைப்பு இதற்கான ஏற்பாடுகளை செய்து வருகிறது. புத்த மதத்தினரின் எண்ணிக்கையை அதிகரிக்கும் வகையில் சமூக வலை தளம் உள்ளிட்ட பல வகைகளில் அந்த அமைப்பு பிரச்சாரம் மேற்கொண்டு வருகிறது. வரும் 14 ஆம் தேதி நடத்தும் நிகழ்வில் ஒரு லட்சம் பேரை மதமாற்ற திட்டமிட்டு அந்த அமைப்பு செயல்பட்டு வருகிறது.

இது குறித்து அந்த அமைப்பின் மாவட்ட செயலாளர் சிங் போத் கூறுகையில், ‘‘அனைத்து ஏற்பாடுகளும் முடிந்துவிட்டன’’ என்றார்.

டியோ பேண்ட் பிம் ஆர்மி தலைவர் தீபக்குமார் கூறுகையில், ‘‘இந்த நிகழ்வில் புத்த மதத்திற்கு மாற தலித்கள் மத்தியில் அதிக ஆர்வம் உள்ளது. இந்த நிகழ்வுக்கு மாவட்ட நிர்வாகம் அனுமதி வழங்க மறுக்கிறது. ஏற்கெனவே முசாபர்நகரில் தடை உத்தரவு பிறப்பிக்கப்பட்டுள்ளது’’ என்றார். இந்த நிகழ்வு தொடர்பான துண்டறிக்கைகள் மாவட்டம் முழுவதும் பரவலாக விநியோகம் செய்யப்பட்டு வருகிறது.

இது குறித்து மாவட்ட ஆட்சியர் கவுரி சங்கர் பிரியதர்சி கூறுகையில், ‘‘தலித்கள் மதமாற்றம் தொடர் பான துண்டு பிரசுரங்களை நான் படித்துப் பார்த்தேன். ஆனால் இது தொடர்பாக யாரும் எங்களை அணுக வில்லை. எனினும் மத ரீதியிலான நிகழ்வுகளுக்கு தடை உத்தரவு அமலில் உள்ளது. அதனால் இதுபோன்ற நிகழ்வுகளுக்கு எந்த சூழ்நிலையிலும் அனுமதி வழங்கப்படமாட்டாது’’ என்றார்.

புரன் சிங் என்பவர் கூறுகையில், ‘‘மத்தியிலும், மாநிலத்திலும் புதிய அரசு பொறுப்பேற்றது முதல் தலித்கள் மீதான மனித உரிமை மீறல்கள் அதிகரித்து வருகின்றன. நாடு முழுவதும் இந்த நிலை தான் உள்ளது. சமீபகாலமாக தாக்குதலும், அராஜகமும் அதிகரித்துள்ளன. காவல்துறையினர், தலித்கள்மீது தான் நடவடிக்கை எடுக்கின்றனர். அவர்கள் ஒரு தலைபட்சமாக நடந்து கொள்கின்றனர். இந்த நிகழ்வுகளுக்கு எதிர்ப்புத் தெரிவிக்கும் வகையில் வரும் 14 ஆம் தேதி ராத்தெடி கிராமத்தில் ஒரு லட்சம் தலித்கள் கூடி புத்த மதத்தை தழுவ முடிவு செய்துள்ளோம்’’ என்றார்.

அந்தத் துண்டறிக்கையில் தீபக்குமார் உள்ளிட்ட மூன்று பேர் கைப்பேசி எண்கள் குறிப்பிடப்பட்டுள்ளன. இது குறித்து தீபக்குமார் கூறுகையில், ‘‘துண்டறிக்கைகள் விநியோகம் செய்தது முதல் எனது கைப்பேசிக்கு தொடர்ந்து அழைப்புகள் வந்த கொண்டே இருக் கின்றன. எனது கைப்பேசி ஓய்வின்றி ஒலித்துக் கொண்டே தான் இருக்கிறது. பஞ்சாப் முதல் தமிழ் நாட்டில் இருந்தும் அழைப்புகள் வருகின்றன. தென் னிந்தியாவைச் சேர்ந்த ஒரு தலித் குழுவினர் 100 பேருடன் இந்த நிகழ்வில் கலந்துகொள்வதாக தெரிவித்துள்ளனர்’’ என்றார். முசாபர்நகர் மாவட்டம் சையோனி ஆற்றங்கரையில் உள்ள சுக்ரத்தான் முகாமில்  துண்டறிக்கைகள் விநியோகம் செய்யும் நிகழ்வு நடந் துள்ளது. மேலும், அங்கு சகாரன்பூரில் பாதிக்கப்பட்டவர்களுக்கு நன்கொடை வழங்கவேண்டும் என்ற பதாகைகள் வைக்கப்பட்டுள்ளன.

1956 அக்டோபர் 14 அன்று ஆறு லட்சம் தாழ்த்தப்பட்ட மக்களுடன் நாக்பூரில் அண்ணல் அம்பேத்கர் இந்து மதத்துக்கு முழுக்குப் போட்டு பவுத்தம் தழுவினார்.

50 ஆண்டுகளுக்குப் பிறகு பெரிய எண்ணிக்கையில் இந்து மதத்துக்கு முழுக்குப் போடுவது (ஒரு லட்சம் பேர்) இப்பொழுதுதான் நடக்கிறது.

அதுவும் பி.ஜே.பி. உத்தரப்பிரதேசத் தில் ஆட்சி அதிகாரத்திற்கு வந்த பின் இது நடக்கிறது என்பது கவனிக்கத் தக்கது.

இந்துக் கலாச்சாரம்பற்றி இரைச்சல் போடுகிறார்கள் - இந்தியா என்பது இந்து நாடு என்கிறார்கள். ஏக இந்தியா என்று ஏ அப்பா - எப்படியெல்லாம் பேசுகிறார்கள்!

இந்துக்களே ஒன்று சேருங்கள்! நாம் எண்ணிக்கையில் குறைந்து கொண்டே வருகிறோம். முசுலிம்களும், கிறித்தவர் களும் எண்ணிக்கையில் அதிகரித்துக் கொண்டே வருகின்றனர் என்று பீதி யைக் கிளப்புகின்றனர்.

சிறுபான்மையினர் பக்கம் ‘சூ’ காட் டும் இந்தக் குள்ளநரிகள் இந்துக்கள் என்று சொல்லப்படுகிற பெரும் பான்மை மக்களான தாழ்த்தப்பட்டவர் களை எப்படி நடத்துகிறார்கள்? பிற்படுத்தப்பட்டவர்கள்பற்றி இவர்களின் மதிப்பீடு என்ன?

பஞ்சமர்கள், சூத்திரர்கள் என்ற இழி பட்டங்கள்தானே! உத்தரப்பிர தேசத்தில் தன்னைச் சந்திக்க வரும் தாழ்த்தப்பட்டவர்கள் சோப்புப் போட்டுக் குளித்து விட்டு வரவேண்டும் என்று ஒரு முதலமைச்சர் சொல்லு கிறார். சோப்புகள் அரசு சார்பிலும் வழங்கப்படுகின்றன என்றால், அதன் பொருள் என்ன?

பாபா சாகேப் அண்ணல் அம்பேத் கர் விழாவை நடத்தக் கூடாது என்று கூறி விழா மேடையைத் தகர்த்தவர்கள் யார்? தாழ்த்தப்பட்ட மக்களின் வீடு களைத் தீக்கிரையாக்கியவர்கள் யார்?

பி.ஜே.பி.தானே - சங் பரிவார்களைச் சேர்ந்தவர்கள்தானே! இந்து மதத்தில் உயர்ந்த ஜாதியினர் - என்ற நிலையில் உள்ளவர்கள் அதே இந்து மதத் தினைச்சேர்ந்த தாழ்த்தப்பட்டவர் களை ஒடுக்குவது, அவர்களின் வீடு களைக் கொளுத்துவது எதைக் காட்டுகிறது?

இந்த நிலையில், ஒடுக்கப்பட்ட மக்கள் ஏன் இந்து மதத்தில் இருந்தாகவேண்டும்? என்னை வேசி மகன் என்று கூறும் இந்து மதத்தில் நான் ஏன் இருந்து தொலையவேண்டும் என்று சூத்திர மக்கள் நெஞ்சில் நெருப்புக் கனல் எரிய ஆரம்பித்து விட்டது.

இந்துவாகிய தாழ்த்தப்பட்டவர் களுக்கு எதிரி இந்த உயர்ஜாதி இந்துதானே தவிர - முசுலிம் அல்ல - கிறித்தவன் அல்ல.

ஆனால், இந்துத்துவாவாதிகள் இதை எப்படி திசை திருப்புகிறார்கள்?

முசுலிம்கள் எண்ணிக்கை பெருகி வருகிறது- கிறித்தவர்கள் எண்ணிக்கை யில் அதிகரித்து வருகிறார்கள் என்று கூறி அவர்கள் பக்கம் நம்மை ஏவி விடுகிறார்கள். இது அசல் திசை திருப்பும் எத்து வேலை!

ஒடுக்கப்பட்ட மக்கள் ‘எகிறிப் பாயவேண்டியது’ - இந்த இந்து உயர்ஜாதி கூட்டத்தை நோக்கியே தவிர -  அதன் தத்துவத்தை நோக்கி தானே தவிர - சிறுபான்மை மதத்தைச் சேர்ந்தவர்களை நோக்கியல்ல!

நம்மை இழிவுபடுத்துபவர்கள் நம்மை சகோதரர்களாகப் பாவிக்கும் சிறுபான்மையினர்மீது ஏவிவிடுகிறார் கள். ஒடுக்கப்பட்ட மக்களே உஷார்! உஷார்!!

உத்தரப்பிரதேசம் வழிகாட்டுகிறது- பார்ப்பனீய நோய்க்கு மாமருந்து பவுத்தம்தான் - ஆம்! அன்று ஆரிய வருணாசிரம வைதீக மார்க்கத்தை எதிர்த்து எழுந்த யுகத் தலைவன்தான் கவுதமப் புத்தன்.

இடையில் சூழ்ச்சியால், வஞ்சகத் தால், பவுத்தத்திற்குச் சவக்குழி வெட் டியது இந்த சாணக்கியப் பார்ப்பனக் கூட்டம். இப்பொழுது அரசியல் அதி காரத்தைப் பற்றிக்கொண்டு மறுபடியும் மனுதர்மத்தைக் கோலோச்ச வைக்கக் குடுமியை அவிழ்த்துக் கொண்டு நிர்வாண ஆட்டம் போடுகிறது.

எனவே, மீண்டும் புத்தர் தேவைப் படுகிறார். புத்த மார்க்கம் தேவைப் படுகிறது.

உ.பி. வழிகாட்டுகிறது - ஒடுக்கப் பட்ட மக்களே புத்த மார்க்கத்தைப் புதுப்பிக்க இதுவே தருணம்! தருணம்!!

அச்சம், மடம், நாணம், பயிர்ப்பு ஆகியவை வெறும் பசப்பு


உழவர் சந்தை அன்று (27.5.2017) ஒரு கலகலப்பாகத்தான் இருந்தது. மகளிரே முழுக்க முழுக்க ஆக்கிரமித்திருந்த காட்சி அது. மேட்டூர் வசந்தி, தன் பாடலைத் தொடங்குமுன் இவ்வளவு எண்ணிக்கையில் கருப்புடை தரித்த மகளிரைப் பார்க்கும் பொழுது பெருமையாக இருக்கிறது - எழுச்சியாகவும் இருக்கிறது என்று சொன்னாரே - அது நூற்றுக்கு நூறு உண்மையாகும்.

சகோதரி இரண்டு பாடல்களைத் தான் பாடினார். இன்னும் செவியில் ரீங்காரம் செய்து கொண்டுதான் இருக்கிறது இசையின்பம் மட்டுமல்ல பொருள் பொதிந்த சுருதியாகவும் இருந்தது.

அச்சம், மடம், நாணம், பயிர்ப்பு ஆகிய சொத்து வெறும் பசப்பு எனும் தொடங்கும் பாடல்

"இச்சைப் பொருளாய், போகப் பொருளாய்
இருப்பது தானா பெண் பொறுப்பு?
என்பதுதான் அந்தப் பாடல்
தேவதையும் இல்லை, தெய்வமும் இல்லை
மனுஷிதானே அம்மா நீயும்?
பிள்ளைப் பெறவே பெண்ணென்றால்
கர்ப்பப்பையை அறுத்தெறி!!

என்று தொடங்கும் இன்னொரு பாடல் ஆவேசத்தின் உச்சம்! இன்னும் பாட மாட்டாரா என்ற எதிர்ப்பார்ப்பு ஒரு பக்கம் எதிரே வந்து நிற்க - மறுபக்கம் மேடையை விட்டுச் சென்றபோது ஏமாற்றமாகவே இருந்தது.

சிவகங்கை கங்கைக்கருங்குயில் குழுவினரின் பறையாட்டம் சும்மா தூள் கிளப்பியது. பெண்கள் முழக்கம் சற்று தூக்கலாகவே இருந்தது. பறை என்றால் குறிப்பிட்ட ஜாதிக்குச் சொந்தம் -  சாவுக்குரியது என்றிருந்த நிலைப்பாட்டைத் தகர்த்ததில் திராவிடர் கழகத்திற்கு பங்கு உண்டு.

கழகத் தோழர்கள் வீட்டில் நடக்கும் திருமணம்,  புதுமனைப் புகு விழாக்களில் எல்லாம் சும்மா புகுந்து விளையாட ஆரம்பித்து விட்டனர் எம் தோழர்கள். எதிலும் புரட்சி என்பது தானே கருஞ்சட்டைச் சேனையின் தனி நடை உடைப் பாவனைகள்!

பறையாட்டத்தோடு முடிந்து விடவில்லை; கங்கைக் கருங்குயில் குழுவில் இடம் பெற்ற பெண்களில் சிலம்பாட்டம் சீறியது - ஆணுக்கென்று தனி உடைமை ஏதும் இல்லை என்று நிறுவுவதுதானே பெண்களின் போர்க் குணமாக இருக்க வேண்டும் என்பதற்கான அடையாளம்தான் அது.

சிறுமி யாழினியின் தூங்கும் புலியை என்று தொடங்கும் புரட்சிக் கவிஞர் பாடலுக்கான நடனம் எல்லோர் கவனத்தையும் ஈர்த்தது. திருச்சி மாவட்ட திராவிடர் கழகத் தலைவர் மானமிகு கணேசன் அவர்களின் மகள்தான் அவர்.

(சில நாட்களுக்கு முன்தான் கழகத் தலைவர் முன்னிலையில் அரங்கேற்றம் நடந்தது என்பது குறிப்பிடத்தக்கது).

சின்ன உடல் அதில் அன்ன நடையில்லை புலியின் பாய்ச்சல் காணப்பட்டது. (பாராட்டுகள் - வாழ்த்துகள்)

ஈரோடு சிறுவர்கள் ச. இராவணன் - ச. எழிலன் ஆகியோரின் கேள்வி பதில் உரையாடல்களை இரசிக்காதவர்கள் யாருமே இருக்க முடியாது எல்லாமே நறுக்குகள்தான் நச்சென்றசொல்லாடல்கள்தாம்!

அவ்வையார் வந்தார்

மறைந்த இலட்சியக் கவிஞர் இன்குலாப் எழுதிய அவ்வையார் நாடகம் (பேராசிரியர் மங்கை அவர்களின் இயக்கம்) புதுமையாகவே இருந்தது. அவ்வையாரை நோக்கிப் பல கேள்விக் கணைகள் சுருக்சுருக்கென்று இருந்தன. உண்டிச் சுருங்குதல் பெண்டிர்க்கழகு என்று பாடியிருக்கிறார் அவ்வைப் பாட்டி, ஏன் ஆணுக்கு அது அழகில்லையா? என்பது போன்ற இடக்கு முடக்கான கேள்விகள்.
நாடகத்தில் பங்கு பெற்றவர்கள் எல்லாம் சென்னையைச் சேர்ந்த கழகக் கண்மணிகள்தான். அதிலும் பெரியார் திடலைச் சேர்ந்தவர்கள்தான்.

பா. மணியம்மை, பவானி, யாழினி, அஞ்சு, உடுமலை வடிவேல், ஓவியச் செல்வன், பொழிசை, கண்ணன், சீர்த்தி, இனநலம், தொண்டறம், நதியா, வேலவன் ஆகியோரின் நடிப்பும் நகைச்சுவையும் தொழில் ரீதியான நடிகர்களே பிச்சை வாங்க வேண்டும் போங்க!. ஒப்பனை: தென் சென்னை மகளிர் அணி தலைவர் கனகா (ஒட்டு மொத்தத்தில் சபாஷ்! சபாஷ்!!)

தொடர்ந்து பத்தாம் வகுப்பிலும், +2 தேர்விலும் வெற்றி பெற்ற கழகக் குடும்பத்தைச் சேர்ந்த இருபால் மாணவர்களுக்கும் பாராட்டுச் சான்றிதழை கழகப் பொதுச் செயலாளர்கள் வீ. அன்புராஜ், தஞ்சை இரா. ஜெயக்குமார் வழங்கினார்.

உயர்ந்தது கழகக் கொடி!

கழகக் கொடியினை "பெரியார் களம்" அமைப்பின் தலைவர் இறைவி உயர்த்தினார்.

கழக மகளிர்ப் பாசறை மாநில செயலாளர் கோ. செந்தமிழ்ச் செல்வி வரவேற்புரையாற்றிட பகுத்தறிவாளர் கழக செயல் தலைவர் தகடூர் தமிழ்ச்செல்வி மாநாட்டினைத் திறந்து வைத்து உரையாற்றினார்.

உரை வீச்சு

போர்த்தொடுப்போம்! வேரறுப்போம்!! எனும்  பொதுத் தலைப்பின்கீழ் மூடநம்பிக்கைகள் என்னும் பொருளில் சென்னை மண்டல மாணவரணிச் செயலாளர் பா. மணியம்மை பாலியல் வன்கொடுமைகளை எனும் பொருளில் சே.மெ. மதிவதனி ஜாதி வெறிக் கொடுமைகளை என்றும் எனும் பொருளில் தேன்மொழி, தாராளமயமாக்குதல் எனும் பொருளில் வழக்குரைஞர் பானுமதி ஆகியோர் சிறப்பாக உரை மழை பொழிந்தனர்.

மணிமணியான 36 தீர்மானங்கள்

பெண்களின்  உரிமை குறித்த வகையிலும், மீட்சிப் பெற வேண்டிய உணர்வின் அடிப்படையிலும் பல்துறைகளையும் திசைகளையும் உள்ளடக்கிய 36 தீர்மானங்கள் நிறைவேற்றப்பட்டு அவை மாநாட்டின் மகுடமாக ஒளி வீசின. தோழர்கள் செந்தமிழ்ச்செல்வி, பொறியாளர் இ.சா. இன்பக்கனி, க. தேன்மொழி, கோவை ப. கலைச்செல்வி சேலம் கமலம், வேண்டா தீனதயாளன், வசந்தி கிருஷ்ணன் ஆகியோர் தீர்மானங்களை முன்மொழிந்தனர். பலத்த கரஒலிக்கிடையே 36 தீர்மானங்களும் நிறைவேற்றப்பட்டன.

மாநாட்டுத் தலைவர் டாக்டர் பிறைநுதல்செல்வி

மாநாட்டுத் தலைவரும் கழகப் பொருளாளருமான டாக்டர் பிறைநுதல் செல்வி அவர்கள் சுருக்கமாக பெண்கள் உரிமையில்தான் மண் உரிமை இருக்கிறது.  பெண்கள் விளம்பரப் பொருளாக, நுகர்வுப்பொருளாகச் சித்தரிக்கப்படுகின்றனர். அழகுப் போட்டி  நடத்துகின்றனர். இவை ஒழிக்கப்பட வேண்டும். மூடநம்பிக்கை காரணமாக சாமியார்களின் பின்னால் பெண்கள் ஒடுவது தடுக்கப்பட்டாக வேண்டும். ஜாதி ஆவணக் கொலைகளை எதிர்த்துப் பெண்களே முன் வந்து போராடவும் வேண்டும் என்றும் குறிப்பிட்டார்.

திராவிடர் கழகத் துணைத் தலைவர் கலி. பூங்குன்றன் தமதுரையில் பெண்ணுரிமைக்குத் தடையாக இருப்பது இந்துத்துவாவே! பெண்கள் வீட்டு வேலைக்குத் தான் லாயக்கு என்று உச்சநீதிமன்ற தலைமை நீதிபதியாக இருந்த ரெங்கநாத் மிஸ்ரா சொன்ன நிலையில், அவர் காஞ்சிபுரம் சங்கராச்சாரியாரைச் சந்திக்க வருகிறார் என்பதை அறிந்து கருப்புக் கொடி காட்டிட கழக மகளிர் அணியினர் கிளர்ந்தெழுந்ததால் உச்சநீதிமன்ற தலைமை நீதிபதி பயணத்தை ரத்து செய்து திரும்பியதை நினைவுபடுத்தினார்.

ஆர்.எஸ்.எஸ். தலைவர் மோகன் பகவத், ஆண்களுக்கு நிகராக படிப்பதாலும் கை நிறைய பணம் சம்பாதிப்பதாலும் பெண்கள் ஆண்களுக்குக் கட்டுப்பட மறுக்கிறார்கள்;  ஒரு வகை ஈகோ ஏற்படுகிறது. அந்த நிலையில் ஆண்கள் விவாகரத்து செய்ய முன் வர வேண்டும் என்று கூறியதை எடுத்துக்காட்டி, இந்துத்துவா பார்வையில் பெண் என்பவர் எந்த இடத்தில் வைக்கப்படுகிறார் என்பதை எடுத்துக்காட்டினார்.

பெண்களுக்கு தேவையான நாப்கினுக்கு 12 சதவீத வரியும், இந்து மதச் சின்னமான குங்குமம், பொட்டு முதலியவைகளுக்கு வரி விலக்கும் ஜி.எஸ்.டி. வரியில் அளிக்கப்பட்டு இருப்பதை எடுத்துக்காட்டி, மத்தியில் உள்ள பிஜேபி ஆட்சி எதிலும் இந்துத்துவா கண்ணோட்டத்தோடு செயல்படுவதை எடுத்துக் காட்டினார்.

மாநாட்டு வரவேற்புக் குழுவின் சார்பில் சால்வைக்குப் பதில் கழகத் தலைவருக்கு வேலூர் மாவட்ட மகளிரணி தலைவர் ச. ஈஸ்வரி விடுதலை சந்தாவை வழங்கினார்.

கழகப் பொதுக் குழு உறுப்பினர் சே. கிரேசி நன்றி கூறினார்.

தமிழர் தலைவரின் கருத்துரை

கழகத் தலைவர் ஆசிரியர் கி. வீரமணி அவர்கள் மாநாட்டு நிறைவுரையை இரவு 9 மணிக்குத் தொடங்கினார். மாநாடு தொடங்கப்படுவதற்கு முன் சிறப்பான வகையில் கலை நிகழ்ச்சிகள் நடைபெற்றன. மாநாட்டில் மட்டுமல்ல - நாம் நடத்தும் கழகக் கூட்டங்களில்கூட இடையிடையே கலை நிகழ்ச் சிகள் பாடல்கள் இடம் பெற வேண்டும் சோவியத்து ஒன்றியத்திற்கு நான் சென் றிருந்தபோது இந்த நிலையை நேரில் பார்த்தேன்.

நமது வீதி நாடக வித்தகர் சித்தார்த்தன், செந் தமிழ்ச்செல்வி ஆகியோர் இதில் கவனம் கொள்ள வேண்டும் என்றும் கேட்டுக் கொள்கிறேன்.

மாநாட்டில் நிறைவேற்றப் பட்ட 36 தீர்மானங்களும் மற்றவர்களால் எளிதில் சீரணிக்கப்பட முடியாதவை ஊடகத்தைச் சேர்ந்தவர்கள் கூட எந்த அளவுக்கு வெளியிடுவார்கள் என்று சொல்ல முடியாது. நீதிக்கட்சி, சுயமரியாதை இயக்கம், காலந்தொட்டு நமது மாநாடுகளில் நிறைவேற்றப்பட்டுள்ள தீர்மானம் ஒவ்வொன்றும் பிற்காலத்தில் அரசின் சட்டங்களாக ஆக்கப்பட்டுள்ளன (பெண்களுக்கு சொத்துரிமை, கல்வி உரிமை, விதவைப் பெண்களுக்கு மறுமணம், விவாகரத்துரிமை போன்றவை நம் மாநாட்டுத் தீர்மானங்கள் இப்பொழுது சட்டங்களாக வடிவம் பெற்று மக்கள் அனுபவித்தும் வருகிறார்களே!)

பெண்களைப் பாலியல் பண்டமாகப் பார்க்கிறார்களே தவிர, உரிமைப் படைத்தவர்களாக பார்ப்பதில்லை என்பதை இடித்துச் சொன்ன கழகத் தலைவர் அவர்கள் நாட்டில் அறிவுப் போட்டிதான் தேவையே தவிர, அழகுப் போட்டியல்ல.

இரு கைகள் பலமாக இருக்க வேண்டும், இரு கால்கள் பலமாக இருக்க வேண்டும், இரண்டு கண்களின் பார்வையும் சம அளவில் இருக்க வேண்டும். அதேபோலத்தான் ஆண் பெண் இரு பாலரும் சமத்துவம் உள்ளவராக இருந்தால் தான் சமுதாயமும் வலிமையோடு இருக்க முடியும்.

பெண்களுக்கு வாய்ப்பு கொடுத்தால், சாதித்துக் காட்டுவார்கள், பத்தாம், வகுப்பு, பன்னிரெண்டாம் வகுப்புத் தேர்வுகளில்கூட மாணவர்களைவிட மாணவிகளின் தேர்ச்சி விகிதம்தான் அதிகம்.

நம் நாட்டில் வளர்ப்பில் கூட ஆண் பிள்ளைகளுக்கு ஒரு மாதிரி, பெண் பிள்ளைகளுக்கு இன்னொரு அளவுகோல்தான்; பொம்மை வாங்கி கொடுப்பதிலிருந்து, உணவு கொடுப்பது வரை பாரபட்சம் உண்டு.

தந்தை பெரியார் சகாப்தம் பெண்ணுரிமை சகாப்தம்! தந்தை பெரியாரை அடையாளம் கண்டு பெரியார் என்று பட்டம் கொடுத்தவர்களே பெண்கள்தானே!

பெண்களைப் பற்றி தந்தை பெரியார் சிந்தித்த அளவுக்கு வேறு யாரும் சிந்தித்ததேயில்லை. தந்தை பெரியாரின் "பெண் ஏன் அடிமையானாள்" எனும் ஒப்பரிய நூலை கழக மகளிர் அணியினர், பாசறையினர் வீட்டுக்கு கொண்டு போய் சேர்க்க வேண்டும். ஒவ்வொரு வீட்டிலும் தந்தை பெரியார் படம் பெற வேண்டும். பெண்களுக்கு இலக்கணம் என்று எதை வைத்தார்கள். அச்சம், மடம், நாணம், பயிர்ப்பு என்று சொல்லி வைத்தனர். மற்ற மூன்றிற்கும் பொருள் சுலபமாக விளங்கும் கடைசியாக சொன்ன பயிர்ப்பு என்பதற்கு என்ன பொருள் என்று யாருக்குத் தெரியும்?

அகராதி என்ன சொல்லுகிறது? அதன் பொருளை தந்தை பெரியார்  அவர்கள் எடுத்துச் சொன்ன போது அதிர்ந்தே போனார்கள். பயிர்ப்பு என்ற சொல்லுக்கு என்ன பொருள் தெரியுமா? அசிங்கம், அருவருப்பு என்று பொருளாகும்?

பதிவிரதை என்று வைத்துள்ளார்களே தவிர பதிவிரதன் என்ற சொல் வழக்கில் உண்டா? கற்பில்கூட தலைக் கற்பு, இடைக் கற்பு, கடைக் கற்பு என்று பிரித்து வைத்துள்ளார்களே.

திருவள்ளுவரைக்கூட விட்டு வைக்கவில்லை தந்தை பெரியார்.

தெய்வம் தொழாஅள் கொழுநன் தெழுதெழுவாள்

பெய்யெனப் பெய்யும் மழை என்ற குறளில்

பெண்ணானவள் கணவனைத் தொழுது எழ வேண்டும், என்று திருவள்ளுவர் சொன்னதில் தந்தை பெரியாருக்கு உடன்பாடு இல்லை அதை வெளிப்படையாகவும் கூறி வந்திருக்கிறார்.

கணவன் இறந்து விட்டால் மனைவியை அவளோடு தீயில் வைத்து எரிக்க வேண்டும் என்ற சதி, உடன்கட்டை ஏறுதல் வழக்கத்தில் இருந்ததற்குக் காரணமே - கணவன் மரணம் அடைந்த பிறகு, மனைவி வேறு ஜாதியில் மறுமணம் செய்து கொண்டால் வர்ணம் கெட்டுப் போய் விடும் அல்லவா அதனால்தான்; கீதையும் அதைத்தான் கூறுகிறது என்று விரிவாக எடுத்துரைத்தார் கழகத் தலைவர். சரியாக ஒரு மணிநேரம் அவரின் நிறைவுரை  அமைந்திருந்தது.

இம்மாநாட்டு வெற்றிக்கு வீறு கொண்டு  உழைத்த மகளிர் அணி, மகளிர்ப் பாசறை பொறுப்பாளர்கள் திருச்சி மண்டல மாவட்ட, நகரக் கழகப் பொறுப்பாளர்களைப் பாராட்டுகிறோம்! பாராட்டுகிறோம்!!



இருவருக்கு விருதுகள்

பெண்ணுரிமைப் பாதுகாப்பு மாநாட்டில் இரு பெண்மணிகளுக்குப் பாராட்டும் விருதும் வழங்கப்பட்டது. அதில் ஒருவர் திருநங்கை, மங்கை பானு ஆவார். திருநங்கையரில் முதல் பட்டதாரி இவர் ஆவார். அடக்குமுறை, ஒடுக்குமுறைகளுக்கு ஆளாக்கப்படும் திரு நங்கைகளுக்கு குரல் கொடுக்கும் போராளியாவார். திருநங்கைகளுக்கு இடஒதுக்கீடு வேண்டும் என்பதற்காகவும் போராடி வரக் கூடியவர் ஆவார். அவருக்கு சால்வை போர்த்தி விருது வழங்கிச் சிறப்பித்தார் தமிழர் தலைவர்.

கருப்புடை தரித்த பெரியார் இயக்கத்தைச் சேர்ந் தவர்கள் சமத்துவத்துக்காகப் பேராடக் கூடியவர்கள் அந்த இயக்கத்தின் சார்பில் அதன் தலைவர் கையால் விருது பெறுவதைப் பெரும் பேறாகக் கருதுகிறேன் என்று தன் ஏற்புரையில் இரத்தினச் சுருக்கமாகச் சொன்னார்.

ஆர். தங்காத்தாள்

இரண்டாவதாக பாராட்டும் விருதும் அளிக்கப் பட்டவர். திருச்சி பெரியார் கல்வி நிறுவனங்களின் ஒருங்கிணைப்பாளர் ஆர். தங்காத்தாள் ஆவார். திராவிடர் கழகத் துணைத் தலைவர் கலி. பூங்குன்றன் அவரை அறிமுகப்படுத்தினார்.

சிறுவயதில் அவரின் பெற்றோர்களால் திருச்சி நாகம்மையார் இல்லத்தில் கொண்டு வந்து விடப்பட்டவர் அந்த இல்லத்திலேயே வளர்க்கப்பட்டு, படித்து, கல்வி முடிந்த பின்னர் பெரியார் ஆசிரியர் பயிற்சிப் பள்ளியிலேயே எழுத்தராகப் பணியாற்றினர். எந்த நாகம்மையார் குழந்தைகள் இல்லத்தில் வளர்ந்தாரோ, அந்த இல்லத்திற்கே தாளாளராகவும் வந்தார் என்றால், அதன் சிறப்பை தெரிந்து கொள்ளலாம்.

ஓய்வுக்குப் பிறகு திருச்சி பெரியார் கல்வி நிறுவனங்களின் ஒருங்கிணைப்பாளராகப் பொறுப்பில் அமர்த்தப்பட்டுள்ளார். அர்ப்பணிப்பும் உழைப்பும், நாணயமும் நிறுவனத்திற்கும், தலைமைக்கும் உண்மையான விசுவாசமும், கொண்டு பணியாற்றும் ஒருவருக்குத்தான் இந்தப் பாராட்டும், விருதும் கிடைக்கும் என்று கூறினார். கழகத் தலைவர் அவர்கள் தோழர் தங்காத்தாள் அவர்களுக்குச் சால்வை அணிவித்து விருதும் வழங்கினார்.

விருது பெற்ற இருவரையும் கழகத் தலைவர் பாராட்டினார். திருநங்கை என்றால் ஒதுக்கப்பட்டவர்கள் என்ற நிலை மாறி வருகிறது. அதிலும் படித்தவர்கள் வர ஆரம்பித்து விட்டனர். தான் மட்டும் வாய்ப்புப் பெற்றதோடு நில்லாமல் அந்தத் திருநங்கைகளின் உரிமைக்காகவும், வளர்ச்சிக்காகவும்,மங்கை பானு அவர்கள் பாடுபடுவது பாரட்டுக்குரியது. முதன் முதலாக ஒரு திருநங்கைக்கு டாக்டர் பட்டம் கொடுத்தது பெரியார் மணியம்மைப் பல்கலைக் கழகம்தான்.

தங்காத்தாளுக்கு விருது வழங்குவதில் மகிழ்ச்சி அடைகிறேன். இந்த நேரத்தில் தந்தை பெரியார் அவர்களுக்கு உதவியாளராக, தன் வாழ்வை ஒப்படைத்துக் கொண்டு நாகம்மையார் இல்லத்துப் பிள்ளைகளுக்கு உடன் பிறவா அண்ணனாக விளங்கிய புலவர் இமயவரம்பன் அவர்களை நினைத்துப் பார்க்கிறேன்.

அந்த இல்லத்தில் வளர்ந்த 32 பெண்களுக்குத் திருமணம் செய்து வைத்துள்ளோம். வேறு எந்த இல்லத்திலும் இதனைக் கேள்விப்பட்டிருக்க முடியாது.

மதுரை உயர்நீதிமன்றத்தில் ஒரு நீதிபதி சொன்னது நினைவிற்கு வருகிறது. குறிப்பிட்ட சில பிள்ளைகளை எங்கு சேர்ப்பது என்ற பிரச்சினை வந்தபோது திருச்சியில் உள்ள நாகம்மையார் குழந்தைகள் இல்லத்தில் சேருங்கள் என்று ஒரு உயர்நீதிமன்ற நீதிபதி சொல்லும் அளவுக்கு அன்னை நாகம்மையார் இல்லம் சிறப்பாகச் செயல்பட்டு வருகிறது.

அந்த இல்லத்தின் வளர்ச்சிக்கும் சிறப்பிற்கும் காரணமாக இருப்பவர் தங்காத்தாள் ஆவார். தந்தை பெரியார், அன்னை மணியம்மையார் ஆகியோரால் அடையாளம் காணப்பட்ட எவரும் சோடை போனது கிடையாது.

இதுவரை செய்த பணிக்கும், இனி செய்ய வேண்டிய பணிக்கும் சேர்த்துதான் இந்தப் பாராட்டு என்று குறிப்பிட்டார் கழகத் தலைவர்.

 

தென்னாட்டைப் பிரிக்கப் போகிறார்களா?

 

மண்ணின் மைந்தர்கள் குரலை எழுப்பிய மல்லிகார்ஜுன் கார்கே, நிறவெறிப் பேச்சிற்கு எதிராக மீண்டும் தன்னுடைய போர்க்குணத்தை காட்டினார். தொடர்ந்து நிறவெறிப் பேதத்தை எங்கள்மீது காட்டி வந்தால் தென்னகம் தனியாக பிரிந்து செல்லும் என்று எச்சரிக்கை செய்துள்ளார்.

தென் மாநிலங்கள் தனிநாடாகப் பிரிய நேரிடும் என்று மக்களவை காங்கிரஸ் குழுத் தலைவர் மல்லி கார்ஜூன கார்கே எச்சரிக்கை விடுத்துள்ளார். தென் இந்தியர்களை கறுப்பர்கள் என பாஜக முன்னாள் எம்.பி. தருண் விஜய் குறிப்பிட்டதற்கு அவர் இவ்வாறு கூறியுள்ளார். டில்லியில் அண்மையில் ஆப்பிரிக்கா மாணவர்கள் தாக்கப்பட்டது சம்பவம் பெரும் சர்ச்சையை ஏற்படுத்தியது.

இது தொடர்பாக தொலைக்காட்சி நிறுவனத்துக்கு பாஜக முன்னாள் எம்.பி. தருண் விஜய் அளித்த பேட்டியில்,

‘‘இந்தியர்கள் இனவெறியர்கள் இல்லை. நாங்கள் இனவெறியர்களாக இருந்தால் எப்படி தென்னிந்திய மக்களுடன் இணைந்து வாழ முடியும்? இந்தியாவிலும் கறுப்பர்கள் உள்ளனர். எங்களைச் சுற்றியும் கறுப்பின மக்கள் உள்ளனர்’’ என்று இனவெறியைத் தூண்டும் வகையில் அவர் கூறியிருந்தார்.

இந்த விவகாரம் மக்களவையிலும் எதிரொலித்தது. இதுகுறித்து  எதிர்க்கட்சி குழு தலைவர் மல்லிகார்ஜுன கார்கே பேசுகையில்,

தென்னிந்திய மாநிலங்களை சேர்ந்தவர்கள் இந்தி யர்களா? இல்லையா? என அரசு விளக்கமளிக்க வேண்டும் என காட்டமாகக் கேள்வி எழுப்பினார்.

மேலும் தென் மாநிலங்களை பற்றி தவறாக பேசிய தருண் விஜய்மீது நடவடிக்கை எடுக்கவேண்டும் எனவும் இது போன்ற பேச்சுக்களை அனுமதித்தால் தென் மாநிலங்கள் தனி நாடாக பிரிந்து செல்ல முற்படும் என்றும் எச்சரிக்கை விடுத்தார் மல்லி கார்ஜூன கார்கே.

கார்கே பேச்சுக்கு எதிர்கட்சிகளின் மற்ற எம்பிக் களும் ஆதரவாக குரல் கொடுத்தனர். இதனால் அவையில் பெரும் பரபரப்பு ஏற்பட்டது.

ஆரியர்கள் எந்த ஒரு காலத்திலும் தங்களை மண்ணின் மைந்தர்களோடு ஒப்பிட்டுப் பேசுவதே கிடையாது, அவர்களைப் பொறுத்தவரை திராவிடர்கள் அவர்களுக்கு இன்றளவும் பகையாளிகள்தான்; சூத்திரர்கள் தான் இதை அண்ணல் அம்பேத்கர் மற்றும் தந்தை பெரியார் 70 ஆண்டுகளுக்கு முன்பே சுட்டிக்காட்டியுள்ளனர்.

ஒரு ஜெர்மானியருக்கு ஒரு பிரஞ்சுக்காரன் எப்படி அன்னியனோ, ஒரு வெள்ளைக்காரனுக்கு ஒரு நீக்ரோ எப்படி அன்னியனோ, அதுபோலவே பார்ப்பான் - அடிமை வகுப்பினர்களான சூத்திரர்களுக்கும், தீண்டத்தகாதவர்களுக்கும் அன்னியனாவான். இவர்களுக்கு அன்னியர்கள் மட்டுமல்ல. அவர்களுக்கு விரோதியாகவும் இருக்கிறான் என்று கூறுகிறார், பாபா சாகேப் அண்ணல் அம்பேத்கர். (ஆதாரம்: காந்தியும் காங்கிரசும் தீண்டப்படாதவர்களுக்குச் செய்ததென்ன எனும் நூல்).

இதே கருத்தைத் தந்தை பெரியார் அவர்கள் வேறு சொற்களில் தத்துவார்த்தமாகச் சொல்லியுள்ளார்.

என்னை அடிமை என்பவனும், வைப்பாட்டி மகன் என்பவனும், கிட்ட வர வேண்டாம், தொட வேண்டாம் என்பவனும் - கிட்ட வந்தாலே, கண்ணில் பட்டாலே தோஷம் என்பவனும் நான் தொட்டதைச் சாப்பிட்டால் - என் எதிரில் சாப்பிட்டால் நரகன் என்பவனும் அந்நியனா? அல்லது உனக்கும், எனக்கும் வித்தியாசம் இல்லை, தொட்டாலும் பரவாயில்லை நாம் எல்லோரும் சமம்தான் என்று சொல்லுகிறவன் அந்நியானா? என்பதை யோசித்துப் பாருங்கள் என்றார் பகுத்தறிவுப் பகலவன் தந்தை பெரியார் (‘குடிஅரசு’,6.9.1931)

மறக்க முடியாத நவம்பர் 25 2015

மதச்சார்பின்மை தொடர்பான விவாதத்தின் போது உள்துறை அமைச்சருக்கு பதிலளித்த மல்லிக்கார்ஜுன கார்கே கூறியதாவது (25.11.2015).

அம்பேத்கர் அரசமைப்புச் சட்டத்தில்

மதச் சார்பின்மை என்ற வார்த்தையைச் சேர்க்க எவ் வளவோ முயற்சி செய்தார். ஆனால், நாடாளு மன்றத்தில் இருந்த பார்ப்பனர்கள் அதற்கு கடுமையான எதிர்ப்பைத் தெரிவித்தார்கள்.

‘‘அம்பேத்கரும், நாங்களும் இந்த நாட்டின் பூர்வீகக் குடிமக்கள் - மண்ணின் மைந்தர்கள்! ஆரியக் கூட் டமே ஆடு மாடுகளை ஓட்டிக் கொண்டு இங்கு வந்தது. எங்களுக்குத்தான் இந்த மண்ணின் உரிமை உள்ளது. ஆயிரம் ஆண்டு காலமாக ஆரியர்களின் கொடுமைகளைச் சகித்து வந்தோம்!’’ என்று ஆர்ப்பரித்தார்.

தந்தை பெரியாரின் குரல் நாடாளு மன்றத்திலும் ஒலிக்கத் தொடங்கி விட்டது.

நம்மைப் பார்த்து பிரிவினைவாதி என்றவர்கள் இப்பொழுது மக்களவை எதிர்க்கட்சித் தலைவர் (காங்கிரசு) மல்லிகார்ஜூன கார்கே தென்னாடு பிரியும் என நாடாளுமன்றத்திலேயே அறிவித்துள்ளாரே, என்ன பதில்?

நம்மைப் பார்த்து இனவாதம் பேசு வதாகச் சொல்லுகிறார்களே - ஆரியர் கள் இங்கு வந்து குடியேறியவர்கள் - நாங்கள்தான் இந்நாட்டு மண்ணின் மைந்தர்கள் என்று சிங்கநாதம் செய்துள்ளாரே நாடாளுமன்றத்தில் - எண்ணிப் பார்த்தீர்களா?

தந்தை பெரியார் மறைந்திருக்கலாம் - அவர்கள் ஊட்டிய திராவிட சித்தாந்தக் குரல் நாடாளுமன்றத்திலேயே எதிரொ லிக்கிறதே - பார்த்தீர்களா - பார்த்தீர் களா?

வடநாடு - தென்னாடு

ஆரியர் - திராவிடர்

இது வரலாறு - மாற்றியமைக்க முடியாது - இது கல்வெட்டு!

இந்தியா ஒரே நாடு - ஒரே கலாச் சாரம் - ஒரே மொழி என்ற சப்பைக் கட்டுகள் எல்லாம் செல்லுபடியாகாது!

தந்தை பெரியாரின் திராவிட சித் தாந்தம் நாடாளுமன்றம்வரை சென்று விட்டதே!

மகிழ்ச்சி! மகிழ்ச்சி!!

- மின்சாரம்

கர்ப்பக்கிரகம் என்றால் சாதாரணமா? கடவுள் உறையும் இடமாயிற்றே! கண்டவன் எல்லாம் உள்ளே நுழைய முடியுமா? அதற்கென்று ஆஷ்டானங்கள் தேவையில்லையா? ஆகமங்கள் அங்கீகரிக்க வேண்டாமா? என்று ஆலா பரணம் செய்யும் அய்யன்மார்கள் உண்டு; ஆமாம் சாமி போடும் ஆசாமிகள் உண்டு. அதிகாரபீடத்தின் உச்சிக்கிளையில் ஆசனம் போட்டு அமர்ந்திருக்கும் உச்சநீதிமன்ற உச்சிக்குடுமி நீதிபதிகளுக்கும் குறைச்சல் இல்லை.

ஆனால், எத்தனை எத்தனை அசிங்க மனிதர்கள் அக்கிரகாரத்தில் பிறந்த ஒரே காரணத்தால், அர்ச்சகர்களாகி ஆபாசக் கும்பியில் நாளும் குளித்து வருகின்றனர் என்பதை அரசு அமைத்த அய்யர் கமிஷன் (சர்.சி.பி.ராமசாமி அய்யர்) அக்கக்காக ஆணிவேர் வரை சென்று பிடுங்கி எறியவில்லையா?

வெகுதூரம் போகவேண்டாம் - காஞ்சிபுரம் மச்சேந்திரநாதன் கோவில் அர்ச்சகப் பார்ப்பான் தேவநாதன் அடித்த காமக் களியாட்டம் கொஞ்சமா நஞ்சமா?

கர்ப்பக்கிரகத்தை கர்ப்பத்தை உண்டு பண்ணும் அறையாக மாற்றிய அயோக்கியப் பதர் அல்லவா!

பக்தைகளைக் கசக்கி சாறு பிழிந்து குடித்த காமுகன் அல்லவா! அந்தக் கண்ணராவிக் காட்சியைக் கைப்பேசியில் படம் எடுத்து, அந்தப் பக்தைகளிடம் அதனைக் காட்டிக் காட்டி மிரட்டி மீண்டும் மீண்டும் வேட்டையாடிய வீணன் அல்லவா!

அதைப்பற்றி எந்தத் ‘துக்ளக்’ எழுதியது? எந்தத் ‘தினமணி’ சாடியது? எந்த ‘இந்து’ கண்டித்தது? எந்தத் ‘தினமலர்’ திட்டித் தீர்த்தது? குருமூர்த்திகளின் குடுமிகள் கூண்டுக்குள் அடைபட்டதேன்? சோ ராமசாமிகள் பேனாவைத் தூக்காதது ஏன்?

‘பிராமணன்’ அல்லவா - பிரம்மாவின் நெற்றியில் பிறந்தவன் அல்லவா! விட்டுக் கொடுத்துவிடுவார்களா?

இதோ இப்பொழுது வெளிவந்த ஒரு செய்தி. பூரி ஜெகந்நாதக் கோவிலிலிருந்து வெளிவந்த ஒரு செய்தி.

11 வயது மாற்றுத் திறனாளி சிறுமியைச் சீரழித்து இருக்கிறான் ஒரு சிண்டுப் பார்ப்பான். அவன் யாரோ அனாமதேயம் அல்ல - பிரபல பூரி ஜெகந்நாதர் கோவில் அர்ச்சகப் பார்பபான். அவன் பெயர் குருசரண்பெக்ரா என்ற 28 வயது தடியன் (31.3.2017).

கதறக் கதற எப்படி சீரழித்து இருக்கிறான் - சாக் லெட்டைக் கையில் கொடுத்து, கோவில் தீர்த்தத் தொட்டிக்குக் கொண்டு சென்றல்லவா கொலை பாதகன் வேட்டையாடியிருக்கிறான்.

குற்றுயிரும் கொலை உயிருமாகக் கிடந்த அந்த மாற்றுத் திறனாளி சிறுமி மருத்துவமனையில் சேர்க்கப் பட்டுள்ளார்.

பொதுமக்களின் கைகளில் சிக்கிய அந்தச் சிண்டன் சரமாரியாக அடித்து உதைக்கப்பட்டுள்ளான். கடைசி யில் காவல்துறை அந்தக் கயவனைக் காபபாற்றி வழக்குப் பதிவு செய்து சிறைக்குள் தள்ளியுள்ளது. கடுமையான தண்டனையை அந்தக் காமவெறிப் பார்ப்பான் அர்ச்சகனுக்குக் கொடுக்கவேண்டும் என்று பொதுமக்கள் -பக்தர்கள் ஆர்ப்பாட்டம் நடத்தியுள் ளனர்.

கோவில் விபச்சார விடுதி என்று காந்தியார் சும்மாவா சொன்னார்.

***

கேள்வி: தீண்டாமைபற்றி ஸ்ரீ ராமானுஜர் கருத்தென்ன?

பதில்: ஸ்ரீ ராமானுஜர் காவிரியில் குளிக்கச் செல்லும்முன் பிராமண சீடர்களின் தோளில் கைபோட்டுச் செல்வார். குளித்து திரும்பி கோவிலுக்கு வரும்போது பின் தங்கிய சமுதாயத்தைச் சேர்ந்த உறங்காவில்லிதாசர் தோளில் கைபோட்டு வருவார். அவருக்கு ஜாதி வேறுபாட்டில் துளியும் நம்பிக்கை கிடையாது. தீண்டாமையைத் தகர்த்தெறிந்தார். இன்றைக்குத் தலித் என்கிறார்களே அவர்களுக்கு ராமானுஜர் கொடுத்த பெயர் திருக்குளத்தார்.

(ஆர்.எஸ்.எஸ். வார ஏடான ‘விஜயபாரதம்’, 7.4.2017, பக்கம் 35).

அப்படியா சேதி! (அப்படி சொன்னதற்காகவும், நடந்துகொண்டதற்காகவும் அவரைக் கொன்றவர்களே பார்ப்பனர்கள் என்பது ஒருபுறம் இருக்கட்டும்).

சரி, ராமானுஜர் தீண்டாமையை ஏற்றுக் கொள்ளா ததைப் பாராட்டவேண்டும். ஜாதி வேறுபாடு அவ ருக்குக் கிடையாது - அது உண்மையென்றால், ராமானுஜரால் திருக்குளத்தார் என்று பட்டை தீட்டப்பட்ட அந்தத் திருக்குளத்தார் ஆகமம் படித்து, அர்ச்சர்களுக்கான பயிற்சியும் பெற்று ரெங்கநாதன் கோவில் பட்டராக, அர்ச்சகராக நியமிப்பதை ‘விஜயபாரதங்கள்’ ஏற்றுக்கொள்கின்றனவா?

தந்தை பெரியார் குரல் கொடுத்து, தி.மு.க. ஆட்சியில் மானமிகு சுயமரியாதைக்காரரான கலைஞர் அவர்கள் முதலமைச்சராக இருந்தபோது, அனைத்து ஜாதியின ருக்கும் அர்ச்சகருக்கான சட்டம் இயற்றி, அர்ச்சகர் பயிற்சியும் அளித்து, அர்ச்சகராக கோவில்களில் நியமனம் செய்யவிருந்த காலகட்டத்தில், உச்சநீதிமன் றத்திற்குப் படையெடுத்தார்களே பார்ப்பனர்கள் - அப்பொழுது இந்த ‘விஜயபாரதக்’ கும்பல் எங்கே போயினவாம்? குரங்குக் குட்டிக்குப் பேன் பார்த்துக் கொண்டிருந்தனவா?

சரி, ராமானுஜர் தீண்டாமையை அனுசரிக்காதவர், ஜாதி வேறுபாடு பார்க்காதவர் என்கிற ‘விஜய பாரத’த்தை நோக்கி ஒரு வினா!

உங்கள் ஜெகத்குரு சங்கராச்சாரியார்கள் ராமானுஜர் கடைப்பிடித்ததாகக் கூறுகிறீர்களே - அந்த வழியை ஏற்றுக் கொள்கிறார்களா?

செத்துப் போன மேனாள் காஞ்சி சங்கராச்சாரியார் சந்திரசேகரேந்திர சரசுவதி ‘‘தீண்டாமை க்ஷேமகர மானது’’ என்று கூறியிருக்கிறாரே - ஜாதி வித்தியாசம் அவசியம் என்று அடித்துக் கூறுகிறாரே - இதற்கு என்ன பதில்?

உலகத்தில் உயர்ந்த சோப்புகளைப் போட்டுக் குளிப்பாட்டினாலும், தீண்டாதவர்கள்மீது படிந்த தீட்டினைப் போக்கவே முடியாது - முடியவே முடியாது என்கிறாரே சிருங்கேரி சங்கராச்சாரியார். ரத்தத்தில் நான்கு பிரிவுகள் இருப்பதுபோன்றதுதான் ஜாதிப் பிரிவு என்கிறாரே பூரி சங்கராச்சாரியார் - இவர்களை குப்பைத் தொட்டியில் தூக்கி எறிவார்களா?

அவ்வளவு தூரம் கூடப் போகவேண்டாம். ஆர்.எஸ்.எஸ். வார ஏடான ‘விஜயபாரதம்’ ஆர்.எஸ். எஸின் குருநாதரான எம்.எஸ்.கோல்வால்கர் ஜாதியின் பெருமையைத் தூக்கிப் பிடித்து எழுதி இருக்கிறாரே - அவர் எழுதிய ‘ஞானகங்கை’ (Bunch of Thoughts)  நூலை பகிரங்கமாக பட்டப்பகலில் தீ வைத்துக் கொளுத்தத் தயார்தானா? சவால்! சவால்!!

----------------

இதற்குப் பதில் என்ன விஜயபாரதமே?

ஜாதிபற்றி கோல்வால்கர்

‘‘சிலர் நீண்ட காலமாக ஜாதி அமைப்பு முறையை எதிர்த்துக் கொண்டே வருகிறார்கள். பழங்காலத்தில் ஜாதி அமைப்பு முறை இருந்தது. நாம் அதன் உச்சியில் இருந்தோம். ஆனால், இந்த ஜாதி அமைப்பு முறை நமது முன்னேற்றத்திற்கு முட்டுக்கட்டையாக இருந்தது என்பதற்கு எந்த ஆதாரமும் கிடையாது. உண்மையில் இந்த ஜாதி அமைப்பு சமூகத்தில் ஒற்றுமையை காப்பதற்கே உதவி செய்திருக்கிறது.

(‘‘There is nothing to prove that the caste system ever hindered our social development. Actually the caste system has helped to preserve the unity to our society.)’’

ராமானுஜரைக் காப்பாற்றப் போகிறதா? அல்லது அவர்களின் குருநாதரான கோல்வால்கரைக் காப்பாற்றப் போகிறதா ஆர்.எஸ்.எஸ், விஜயபாரதம்?

----------------

ஜாதிபற்றி சங்கராச்சாரியார்

‘‘இவன் (பிராமணன்) ஸ்தூலமாக அவனோடு (பிராமணரல்லாதான்) ரொம்பவும் ஒட்டி வாழ்ந்தால், அவனுடனேயே உட்கார்ந்து கொண்டு இவனும் சாப்பிட்டால், அவனுடைய ஆகாராதிகளை நாமும்தான் ருசிபார்ப்போமே என்ற சபலம் உண்டாகத்தான் செய்யும். அந்தச் சபலம் இவனை இழுத்துக்கொண்டு போய்க் கடைசியில் இவன் தர்மத்துக்கே ஹானி விளைவிக்கிற அளவுக்கு ஆகிவிடும். அந்தந்தச் சமுதாயத்துக்கு அந்தந்தக் குலதர்மம், பழக்கவழக்கம், ஆகார முறைகள் உகந்தவை. ஆனால், சமத்துவம் என்ற எண்ணத்தில் ஸ்தூலமாக (Physical) எல்லோரும் பழகி, இந்தத் தனித்தனி ஏற்பாடுகளையெல்லாம பலப் பட்டறையாகக் குழப்ப ஆரம்பித்தால், அத்தனை காரியமும் கெட்டு, மொத்தத்தில் பொதுக்காரியமே சீர் குலைகிறது. இதனால்தான் அக்ரஹாரம், வேளாளர் தெரு, சேரி என்று கிராமங்களில் பிரித்து வைத்தார்கள்.’’

(‘தெய்வத்தின் குரல்’ பாகம் 1, பக்கம் 192)

காஞ்சி சங்கராச்சாரியார் (மறைந்த) சந்திரசேகரேந்திர சரசுவதி

ஆழ்வார் பட்டம் விபீஷணனோடு முடியட்டும்!

கவிஞர் கலி. பூங்குன்றன்

துணைத் தலைவர், திராவிடர் கழகம்

"இந்திய அரசியல் அரங்கில் இன்று திராவிடக் கட்சிகளுக்கான தேவை எங்கே இருக்கிறது என்றால், சமூக நீதிக்கும், நல்லிணக்கத்துக்குமான முன்னுதாரன மாநிலமாகத் தமிழகத்தை நீடிக்கச் செய்வதிலும், மாநில சுயாட்சிக்கான முன்னுதாரன மாநிலமாகத் தமிழகத்தை நீடிக்கச் செய்வதிலும், மாநிலக் குரலுக்கான தேசியக் குரலின் வலுவான மய்யமாகத் தமிழகத்தை வளர்த்தெடுப்பதிலுமே இருக்கிறது; அதற்குத் தென்னிந்தியாவில் தொடர்ந்து காஷ்மீர் வரை மாநிலக் கட்சிகளை ஒருங்கிணைக்கும் புள்ளியாக அவை மாற வேண்டும் என்றால் வெளித் தோற்றத்தில் இனப்பாகுபாட்டை வெளிப்படுத்துவதாக அமைந்திருக்கும் பெயர் சுமையிலிருந்து அவை விடுபட வேண்டும்" என்று திருப்பித் திருப்பி இந்தத் திராவிடத்தின்மீதுதான் தம் கண்களைக் குத்திக் குத்திப் பார்க்கிறார்.

திராவிடத்துக்கு இனிமேல் தமிழ்நாட்டில் என்ன வேலை இருக்கிறது என்று எழுதிய தோழர் சமஸ், இங்கு என்ன சொல்லுகிறார்? சமூகநீதிக்கும், நல்லிணக்கத்துக்குமான முன்னுதாரன மாநிலமாக தமிழகத்தை நீடிக்கச் செய்ய வேண்டும் என்று இந்த இடத்தில் கூறுகிறார். இதன் மூலம் திராவிட இயக்கத்தின் தேவையை இங்கு வலி யுறுத்துவதைக் கவனிக்க வேண்டும்.

இதற்காக இந்தியா முழுவதையும் ஒருங்கிணைக்க திராவிடம்  என்ற பெயர் எப்படி தடையாக இருக்கிறது என்பதை விளக்காமலேயே அதை ஒரு குற்றச்சாட்டாக வைப்பது - அவரிடம் அதற்கான சரக்கு இல்லை  என்ற வெறுமையைத் தான் வெளிப்படுத்துகிறது.

மண்டல் குழுப் பரிந்துரைகளைச் செயல்படுத்துவதற் காக இந்திய அளவில் அனைத்து மாநில சமூக நீதியாளர்களையும் ஒருங்கிணைத்து 42 மாநாடுகளையும், 16 போராட்டங்களையும்  நடத்திடவில்லையா? (டில்லி நாடாளுமன்றம் முன்பாகவும், பிரதமர் இந்திரா காந்தி வீட்டு முன்பாகவும், திராவிடர் கழகம் - இந்தப் பெயரிலேயே நடத்தி வெற்றி காணவில்லையா?) அந்தக் கால கட்டத்தில் திராவிடர் கழகத் தலைவர் மேற்கொண்ட சுற்றுப் பயணத்தை ஒரு முறை தெரிந்து கொள்ள முயற் சிக்கட்டும். இந்தியாவின் பல மாநிலங்களிலும் திராவிடர் கழகம் தன் பெயரை மாற்றிக் கொண்டா மாநாடுகளை நடத்திட ஒருங்கிணைத்தது?

இந்த நேரத்தில் ஒன்றைக் குறிப்பிட்டாக வேண்டும் சமஸ் தன் கட்டுரையில் எந்தப் பார்ப்பனர்களுக்காக இனாம்  வக்கீலாக வாதிடுகிறாரோ  அந்தப் பார்ப்பனர் களின் ஆதிக்கத்தை எதிர்த்து திராவிடர் கழகத் தலைவர் மானமிகு கி. வீரமணி அவர்களையும் தாண்டி வடபுலத்துத் தலைவர்கள் சண்டமாருதம் பொழிந்தனரே!

ராம்விலாஸ் பஸ்வானாகட்டும் (இன்றைய மத்திய அமைச்சர்), சந்திர ஜித்தாகட்டும், டி.பி. யாதவாகட்டும் - பிரம்பிரகாஷாகட்டும், மவுரியாவாகட்டும்,  (திராவிடர் கழகக் கொடியையே தமது அமைப்புக்காகப் பெற்றுச் சென்றார்) கர்ப்பூரி தாகூராகட்டும் ஒரு நீண்ட பட்டியலே உண்டு. அவர்கள் உரைகள் எல்லாம் பார்ப்பனர்களின் சமூகநீதிக்கு எதிரான நடவடிக்கைகளை, எதிர்க் குரலை எதிர்த்து அனல் புயலாக அல்லவா வீசினர்!

ஆம், சமூக நீதி என்று எடுத்துக் கொண்டால் அது பார்ப்பனர் எதிர்ப்பில் தான் கொண்டு போய் விடும் என்பதை தமிழ்நாட்டில் வாசம் செய்யும் சமஸ் எப்படி மறந்தார் அல்லது அறியாமை இருட்டில் முடங்கினார்? ஒருகால் பார்ப்பனர் மீதான பாசத்தால் கண்கள் இருண்டு விட்டனவா?

அரசமைப்புச் சட்டம் 1950 சனவரி 26இல் அமலுக்கு வந்தாலும் பிற்படுத்தப்பட்டவர்களுக்கு இடஒதுக்கீடு அறவேயில்லை;  அதற்காக மண்டல் குழுப் பரிந்துரைகளை செயல்படுத்தக் கோரி பிற்படுத்தப்பட்டோர் போராடும் நிலையில், மண்டல் குழுப் பரிந்துரைகளை அமல்படுத்தக் கூடாது என்று தமிழ்நாடு முழுவதும் பார்ப்பன சங்கத்தின் அழைப்பை ஏற்று பார்ப்பனர்கள் உண்ணாவிரதம் இருந்ததை (1.10.1990) சமஸ் அறிவாரா? அதனை எதிர்த்து திராவிடர் கழகம் உண்ணும் விரதம் நடத்தியதுதான் தெரியுமா?

இடஒதுக்கீட்டுக்கான உரிமைகளை ஈட்டிட அங்குல அங்குலமாக ஆரியப் பார்ப்பனர்களை எதிர்த்து போராட  வேண்டியிருந்தது என்பதுதான் உண்மை வரலாறு!

சமூகநீதிக் காவலர் மாண்புமிகு வி.பி. சிங்  அவர்கள் வேலை வாய்ப்பில் பிற்படுத்தப்பட்டவர்களுக்கு 27 சதவீத இடஒதுக்கீட்டை வழங்கினார் என்பதற்காக, அவரது ஆட்சியைக் கவிழ்த்த 'மகானுபவர்'கள்! தான் சமஸ் தூக்கி சுமக்கும் பா(பார்ப்பன)ஜ.க.!

அய்யோ பாவம் பார்ப்பனர்களை உள்ளிழுத்துக் கொள்ள வேண்டும் என்று திராவிட இயக்கத்தினரைக் கெஞ்சுகிறாரே .

திராவிடர் கழகத்தைத் தவிர மற்ற திராவிடக் கட்சிகளிலும் பார்ப்பனர்கள் சேர்ந்து கொள்ள இப்பொழுது கூடத் தடையில்லையே. ஒரு வி.பி. ராமன் திமுகவுக்கு வந்து செய்த காரியம் என்ன? ஆச்சாரியாரை சந்திக்க வைத்தது தானா?

ஒரு ஜெயலலிதாவை திராவிட இயக்கத்தில் சேர்த்து திராவிட இயக்கத்தின் அடையாளத்தையே அழித்து விடவில்லையா? அண்ணா பெயரையும், 'திராவிட' என்ற இனவியல் சித்தாந்தத்தையும் தலைகீழாகப் புரட்டியடிக்கவில்லையா? தொண்டர்களை மண் சோறு சாப்பிட வைக்கவில்லையா?

பார்ப்பனர்கள் புகுந்த புத்த மார்க்கம் இந்தியாவில் என்னாயிற்று?  எந்த வைதிக, சனாதன, வருணாசிரம ஆரிய கலாச்சாரத்தை வீழ்த்த புத்தம் தோன்றியதோ, அந்த புத்தம் இந்தியாவிலேயே காலூன்ற முடியாதபடி ஊடுருவி அழித்த வரலாற்றையெல்லாம் சமஸ் அறிவாரா?

பார்ப்பனர்களை நோக்கி திராவிட இயக்கத்தின் பார்வை துவேஷமல்ல  - அதை முதலில் தெரிந்து கொள்ள வேண்டும். பேதமற்ற இடம்தான் மேலான திருப்தியான இடம் என்பதுதான் தந்தை பெரியார் அவர்களின் சித்தாந்த பார்வை.

அதற்குத் தடையாக இருப்பது எதுவாக இருந்தாலும் தந்தை பெரியார் பார்வையில் தூள் தூள்தான் - அது அரசமைப்புச் சட்டமாக இருந்தாலும் சரியே!

அதற்கு எதிர் நிலை சித்தாந்தத்தை  கொண்டதுதான் பார்ப்பன ஆரியம் என்பது. நியாயமாக தோழர் சமஸ் அவர்கள் அறிவுரை கூறுவதாக இருந்தால் அதனை பார்ப்பனர்களிடமும், சங்கராச்சாரியார்களிடமும், இராம கோபாலன் வகையறாக்களிடமும் அல்லவா சொல்ல வேண்டும்.

"துவி ஜாதி - இரு பிறப்பாளன் என்று உங்களை அழுத்தமாக அடையாளம் காட்ட அல்லவா பூணூல் அணிகிறீர்கள்; ஆண்டுதோறும் எதற்காக ஆவணி அவிட்டத்தில் அதை புதுப்பித்துக் கொள்கிறீர்கள்?

பிராமணர்களே! பிர்மாவின் நெற்றியிலே பிறந்தவர்கள் என்ற இறுமாப்பிலிருந்து கீழே இறங்கி வாருங்கள். நீங்கள் பிராமணர் என்றால் நாங்கள் யார்? சூத்திரர்கள் தானே - சூத்திரர் என்றால் அடிமைகள்தானே - வேசி மக்கள் தானே - கல்வி கற்கக் கூடாதவர்கள் தானே!

ஒரு புது யுகத்துக்குள் நுழைய வேண்டாமா? (இதைச் சொல்லிதான் கட்டுரையைத் தொடங்கியுள்ளார் சமஸ்) "நீங்கள் உங்கள் பிறவி உயர்வை நிலை நிறுத்த, நிலை நிறுத்த உங்கள் மீதான வெறுப்பு மேலும் மேலும் வளரத் தானே செய்யும்?" என்று ஏன் சமஸ் பார்ப்பனர்களை வற்புறுத்தக் கூடாது? ஏன்? அந்த அடிப்படையில் எழுதக் கூடாது?

இதே பாணியில் விவேகானந்தரேகூட பார்ப்பனர் களைப் பார்த்துக் கேட்டதுண்டு.

இந்துக்களே ஒன்று சேர்வீர் என்கிறீர்கள். ஆனால் அந்த இந்துக்களில் தாழ்த்தப்பட்டோர் கோயில் கரு வறைக்குள் அர்ச்சகராகலாம் (உரிய பயிற்சி பெற்று) என்று சட்டம் வந்தால் அதனை எதிர்த்து ஏன் உச்சநீதிமன்றம் செல்கிறீர்கள்? என்று சமஸ் கேட்க வேண்டாமா?

(வழக்கைத் தொடுத்தவர்கள் 13 பார்ப்பனர்கள்; சங்கராச்சாரியார், ஆசியோடு - பிரபல வழக்குரைஞர் பல்கி வாலாவுக்கு சிபாரிசு கடிதம் கொடுத்தவர் ராஜாஜி)

பார்ப்பனர்கள் நடத்திய அமைப்பான சென்னை இராயபுரம் லட்சுமிபுரம் யுவர் சங்கத்தில் அழைப்பை ஏற்று தந்தை பெரியார் சென்று உரையாற்றினாரே (5.1.1953).

நம்மில் சிலர் அமர்ந்து பிரச்சினையைத் தீர்த்துக் கொள்வோம் - நம் பின் சந்ததிகள் அகிம்சைவாதிகளாக இருப்பார்கள் என்று சொல்ல முடியாது என்று பார்ப் பனர்கள் மத்தியிலேயே பேசியதுண்டே! யார் முன் வந்தார்கள்?

அதைவிட 55 ஆண்டுகளுக்குமுன் 'விடுதலை'யில் தம் கையொப்பமிட்டு தந்தை பெரியார் அறிக்கையொன்றை வெளியிட்டார்களே -

தலைப்பு: பார்ப்பனத் தோழர்களுக்கு!

"பார்ப்பனத் தோழர்களே! நான் மனிதத் தன்மையில் பார்ப்பனர்களுக்கு எதிரி அல்லன். தமிழ் நாட்டிலேயே அநேக பார்ப்பனப் பிரமுகர்கள் - பெரியோர்கள் ஆகியோர்களுக்கு அன்பனாகவும், மதிப்புக்குரியவனாகவும் நண்பனாகவும் கூட இருந்து வருகிறேன். சிலர் என்னிடத்தில் அதிக நம்பிக்கையும் வைத்திருக்கிறார்கள்.

சமுதாயத் துறையில் பார்ப்பனர்கள் அனுஷ்டிக்கிற உயர்வு, அவர்கள் அனுபவிக்கிற அளவுக்கு மேற்பட்ட விகிதம் - ஆகியவைகளில்தான் எனக்கு வெறுப்பு இருக்கிறது. இது பார்ப்பனர்களிடம் மாத்திரமல்ல, இந்த நிலையில் உள்ள எல்லோரிடத்திலுமே நான் வெறுப்புக் கொள்கிறேன். இந்நிலை என்னிடத்தில் ஏற்பட்டிருப்பதற்குக் காரணம், ஒரு தாய் வயிற்றில் பிறந்த எல்லா மக்களுக்கும் சம அனுபவம் இருக்க வேண்டும் என்று கருதி, ஒன்றுக்கொன்று குறைவு, அதிகம் இல்லாமல் பார்த்துக் கொள்வது எப்படி ஒரு தாய்க்கு இயற்கைக் குணமாக இருக்குமோ, அது போலத்தான் எனக்கும் தோன்றுகிறது. மற்றும், அந்தத் தாய் தனது மக்களில் உடல் நிலையில் இளைத்துப் போய், வலிவுக்குறைவாய் இருக்கிற மகனுக்கு, மற்ற குழந்தைகளுக்கு அளிக்கிற போஷணையை விட எப்படி அதிகமான போஷணையைக் கொடுத்து மற்ற குழந்தைகளோடு சரிசமானமுள்ள குழந்தையாக ஆக்க வேண்டுமென்று பாடுபடுவாளோ, அது போலத்தான் நான் மற்ற வலுக்குறைவான பின் தங்கிய மக்களிடம் அனுதாபம் காட்டுகிறேன். இந்த அளவுதான் நான் பார்ப்பனர்களிடமும், மற்ற வகுப்புகளிடமும் காட்டிக் கொள்ளும் உணர்ச்சி ஆகும்.

உண்மையிலேயே பார்ப்பனர்கள் தங்களை இந்நாட்டு மக்கள் என்றும், இந்நாட்டிலுள்ள மக்கள் யாவரும் ஒருதாய் வயிற்றுப் பிள்ளைகள் என்றும், தாயின் செல்வத்துக்கும், வளப்பத்துக்கும் தாங்கள் எல்லோரும் சரிபங்கு விகிதத்துக்கு உரிமை உடையவர்கள் என்றும் கருதுவார்களேயானால், இந்நாட்டிலே சமுதாயப் போராட் டமும், சமுதாய வெறுப்பும் ஏற்பட வாய்ப்பே இருக்காது."

('விடுதலை 1.4.1962)

இதைவிட என்ன வேண்டுகோள் விடுக்க வேண்டும் என்று சமஸ்கள் எதிர்ப்பார்க்கிறார்கள்?

கோயில் கருவறைக்குள் எங்களைத் தவிர வேறு ஜாதியினர் சென்று பூஜை செய்தால் சாமி தீட்டுப்பட்டு விடும் சாமி செத்துப் போய் விடும் என்று வைகனாக ஆகமத்தைத் தூக்கிக் கொண்டு உச்சநீதிமன்றம் செல்லுகிறார்களே.

தீட்டுப்பட்டு விட்டதால் சம்ப்ரட்சணம் செய்ய வேண்டும்; 1008 புது கலசங்கள் செய்து வைக்க வேண்டும்; பிராமணப் போஜனம் நடத்தப்பட வேண்டும் என்று நீதிமன்ற படிக்கட்டு ஏறிச் சொல்லுகிறார்களே - இவை எல்லாம் பார்ப்பனர்களின் பெருந் தன்மையைக் காட்டுகிறது என்று சொல்லப் போகிறாரா சமஸ்?!

யாருக்கோ சொல்ல வேண்டியதை எல்லாம் இடம் மாறி இடமாறு தோற்றுப் பிழையாக எழுதலாமா?

பாதிக்கப்படுபவன் யார்? பாதிப்புக்குக் காரணமானவர் யார்? என்று அறிவதில்கூடத் தடுமாற்றமா?

வெறும் கல்வி, உத்தியோகம் என்பதைவிட பெரும் பாலான மக்களின் சுயமரியாதைக்கும், அடிப்படை உரிமை களுக்கும் சவாலானது பார்ப்பனீயம் - இழிவுபடுத்தக் கூடியது - பார்ப்பனீய - கடவுள், மதம், சாத்திரம், சம்பிரதாயங்களின் பெயரால். இதுதான் முக்கியப் பிரச்சினையே!

பார்ப்பனீயம் மற்றவர்களிடமும் இருக்கிறதே என்று சமாளிக்கிறார் சமஸ். உண்மைதான் பார்ப்பனீயத்துக்கு மூலம் பார்ப்பனர்! அதன் தாக்கம் பார்ப்பனர் அல்லா தாரிடம்; நிஜத்துக்கும், நிழலுக்கும் வித்தியாசம் உண்டு என்பது நினைவிருக்கட்டும்.

"அருந்தொண்டாற்றிய அந்தணர்கள்" எனும் நூல் வெளியீட்டு விழாவில் பங்கேற்ற காஞ்சி சங்கராச்சாரியார்  ஜெயேந்திர சரஸ்வதி (கொலைக் குற்ற வழக்கில் சிறைக்குச் சென்றவர்) என்ன பேசினார்?

"தமிழ்நாட்டில் பிராமணர் - பிராமணரல்லாதார் என பிரிவினை ஏற்படுத்தப்பட்டு, அது கடவுள் எதிர்ப்பு, நாஸ்திக உணர்வு என்ற அளவுக்கு வளர்ந்திருக்கிறது. தமிழ் நாடும், தமிழ் மொழியும் தோன்றிய நாளிலிருந்து பிராமணர் இங்கு இருக்கின்றனர். தமிழில் தோன்றிய முதல் நூலே தொல்காப்பியன் என்ற பிராமணன் எழுதியதுதான். சமஸ்கிருதம்தான் இந்தியக் கலாச்சாரத்தின் வேர். அதைக் கைவிட்டால் கலாச்சாரம் அழிந்து விடும். இதையெல்லாம் வருங்கால பிராமணர்கள் மறந்து விடக் கூடாது என்ற நோக்கத்தில்தான் இந்தப் புத்தகம் எழுதப்பட்டுள்ளது"

"எந்த ஆட்சியாக இருந்தாலும் அந்தணர் சொற்படிதான் நடந்திருக்கிறது என்பதைப் பழைய நூல்கள் கூறுகின்றன. ராமர் ஆட்சி செய்தாலும் அவர் வசிஷ்டர் சொல்படிதான் நடந்தார். மதுரையை  நாயக்கர்கள்  ஆண்ட போதும் அந்தணர்தாம் குருவாக இருந்தார். தஞ்சையை மராட்டிய மன்னர்கள் ஆண்டபோது கோவிந்த தீட்சதர் என்பவர்தான் குரு. அவர் வம்சத்தில் வந்தவர்தான் மறைந்த காஞ்சி பெரியவாள்! ஆண்டவன்கூட அப்புறம் தான் அந்தணன்தான் முதலில்.

ஈஸ்வரனைத் துவேஷித்தால் கூட மன்னிப்பு உண்டு. ஆனால் அந்தணனைத் துவேஷித்தால் மன்னிப்பு கிடையாது" என்று பேசினாரே! (9.10.2002)

பார்ப்பனர்கள் திருந்தி விட்டனர் என்பதற்கு "ஜெகத் குருவின்" இந்த ஜெகம் புகழ் அமுத வாக்குப் போதாதா என்று புகழ்ந்து எழுதினாலும் எழுதுவார் சமஸ்.

மதவாத சங்கராச்சாரியார் இப்படிப் பேசுகிறார் என்றால்  அரசியல்வாதி 'மூதறிஞர்' ராஜாஜி என்ன சொல்லுகிறார்?

In fact one occasion Rajaji proudly said that he valued his Brahminhood than his Chief Ministership (Caravan 21.4.1928 - Gandhiji's Crusade Against Casteism)

தான் முதல் அமைச்சராக இருப்பதைவிட பிராமணன் என்று சொல்லிக் கொள்வதில் தான் பெருமைப்படுகிறாராம் - மதிக்கிறாராம்.

இதற்கு மேலும் என்ன சொல்ல!

ராஜாஜியின் இந்தத் தன்மையைச் சுட்டிக் காட்டி இனி யாரை மனதில் வைத்துக் கொண்டு எல்லாப் பார்ப்பனர்களும் இப்படித்தான் இருப்பார்களா என்று நினைப்பது?! என்று சென்னை உயர்நீதிமன்றத்தில் இரு பார்ப்பன நீதிபதிகள் முன்னதாக தந்தை பெரியார் கூறியதுண்டே! ("நீதி கெட்டது யாரால்?")

தோழர் சமஸ் செல்ல வேண்டிய இடமும் வேறு - சொல்ல வேண்டிய இடமும் வேறு.

இன்னொன்று முக்கியமாக ஏதோ திராவிட இயக்கம்தான் பார்ப்பனர்களை எதிர்க்கிறது என்று எண்ண வேண்டாம் வரலாறு நெடுக எதிர்ப்பு இருக்கத்தான் செய்தது. அது சரியாக  பெரியாரிடம் அடி வாங்கி "மரணப் படுக்கையில்" கிடக்கிறது என்றாலும் அதன் திமிரும், ஆணவமும் அடங்கிய பாடில்லை.

மறைமலை அடிகள், கா.சு. பிள்ளை, நாவலர் சோமசுந்தர பாரதியார் எல்லாம் திராவிட இயக்கத்தைச் சேர்ந்தவர்கள் அல்லர் - அவர்கள் எல்லாம் பார்ப்பன எதிர்ப்பாளர்களாக மாற வேண்டிய அவசியம் ஏன் வந்தது என்பதையும் கொஞ்சம் அறிவைச் செலுத்திச் சிந்திப்பது நல்லது.

ஆழ்வார் பட்டம் விபீஷணர்களோடு முடிந்தால் நல்லது!

 

--------------------

 

கோயிலைச் சாத்தி தீட்டுக் கழித்தது எந்த உறவில்?

2002 செப்டம்பரில் கரூர் மாவட்டம் திருமுக்கூடலூர் மணிமுத்தீசுவரர் கோயிலில் தமிழில் குடமுழுக்கு செய்ததற்காக, கோயில் தீட்டுப் பட்டு விட்டது என்று மூன்று நாள்கள் கோயிலைச் சாத்தி தீட்டுக் கழித்ததும், தமிழில் குடமுழுக்குச் செய்ததை சங்கராச்சாரியார் ஜெயேந்திர சரஸ்வதி கண்டித்ததும் எதைக் காட்டுகிறது? சமஸ்கிருதம் தேவ பாஷை, தமிழ் நீஷப் பாஷை என்று கூறும் பார்ப்பனர்களுக்காக சமஸ் வாதிடுவது எந்த உறவில்?

தமிழில் அர்ச்சனை செய்தால் பொருள் இருக்கும் - அருள் இருக்காது என்று 'சோ' ராமசாமி எழுதிடவில்லையா? ('துக்ளக்' 18.11.1998).

அரசியல் விமர்சகர் என்று சொல்லிக் கொண்டாலும் ஆன்மிகத்தில் அவாளின் உணர்வு எப்படி இருக்கிறது? சோவுக்கு உள்ள உணர்வு சமஸ்களுக்கு ஏனில்லை?

 

----------------------

வரலாற்றைத் தெரிந்து கொண்டு எழுதுவது நல்லது

முசுலீம்களையும், தாழ்த்தப்பட்டவர்களையும் ஆளுமை இடத்துக்கு நகர்த்திட திராவிடக் கட்சிகள் முயல வேண்டும் என்று அறிவுரை கூறியுள்ளார் தோழர் சமஸ்.

சிறுபான்மையினர் பாதுகாப்புக்கும், தாழ்த்தப்பட்ட வர்களின் இழிவை ஒழிப்பதற்கும், அவர்களின் சமூக நீதிக்கான இலக்கு  எட்டப்படவும் தொடர்ந்து பாடுபட்டு வருவதுதான் திராவிட இயக்கம். அவர்கள் எந்த உயரத் திற்கு செல்வதற்கும் எந்த வித மன ஒதுக்கீடும் இல்லாமல் சிந்திக்கவும், செயல்படவும்  நாங்கள் தயார்தான். இதனை சமஸ் தூக்கிப்பிடிக்க நினைக்கும் பிஜேபியிடம் அல்லவா சொல்லவேண்டும்? மித்ரபேதம் செய்யும் வேலையில் பார்ப்பனத்தனமாக சமஸ்கள் ஈடுபட வேண்டாம்.

கலைஞர் பிறந்த சமூகத்தை நினைத்தோ, அண்ணாவை அதேபோல  நினைத்தோ முதலமைச்சராக திராவிட இயக்கம் கொண்டு வரவில்லை. இயக்கப்பணி, பொதுப் பணி, உழைப்பு அடிப்படையில் சிறுபான்மையினரோ, தாழ்த்தப்பட்டவர்களோ ஆட்சியில் ஆளுமை இடத்துக்கு வர திராவிட இயக்கத்தில் தாராளமாகவே வாய்ப்பும், இடமும் உண்டு என்பதை சமஸ்கள் அறியட் டும். சென்னை உயர்நீதிமன்றத்திலும், உச்ச நீதிமன்றத்திலும் முதல் தாழ்த்தப்பட்ட சமுதாய நீதிபதியாக செம்மாந்து அமரச் செய்வதற்கு குரல் கொடுத்தவர் தந்தை பெரியார். செயலாக்கம் தந்தவர் முதலமைச்சர் மானமிகு மாண்புமிகு கலைஞர் அல்லவா? வரலாற்றைத் தெரிந்து கொண்டு எழுதுவது நல்லது.

Banner
Banner