மின்சாரம்

தந்தை பெரியார் பார்ப்பனர்களை அனாவசியமாக திட்டுகிறார் - வீரமணி அவர் வழியைப் பின்பற்றி சதா பிராமணர் களைக் குறை கூறிக் கொண்டே இருக்கிறார்.

கிருஷ்ணனைப் பற்றிப் பேசி ஹிந்துக் களின் மனதைப் புண்படுத்துகிறார். கருணா நிதி இந்துக்களைத் திருடன் என்று சொல்லி விட்டார், மு.க.ஸ்டாலின் புரோகிதக் கல்யா ணத்தை அதில் கூறும் மந்திரங்களைக் கொச்சைப் படுத்திப் பேசி வருகிறார்.

ஊருக்கு இளைச்சவன் ஹிந்துக்கள் தானா? இவர்களை  முஸ்லீம்கள் பற்றி பேசச் சொல்லுங்கள் பார்ப்போம், கிறித்தவர்கள் பக்கம் கை நீட்டச் சொல்லுங்கள் பார்ப்போம் என்று மூக்கைச் சொரிந்துவிடும் வேலையில் ஒரு கூட்டம் சதா ஈடுபட்டுக் கொண்டிருக்கி றது!

பக்திப் பற்றி பேசுகையில் பார்ப்பனரல் லாத மக்களுக்கே பார்ப்பனரின் நோக்கம் என்ன? உள்ளார்ந்தம் என்ன? உண்மையி லேயே அவர்களின் வேதங்களும், ஸ்மிருதி களும், உப நிஷத்துக்களும், இதிகாசங்களும், புராணங்களும் என்னதான் கூறுகின்றன என்பது பற்றி கடுகு மூக்கு அளவுக்குக்கூடத் தெரிந்து கொள்ளாமலும், பக்திக்கும் பகுத்தறி வுக்கும் ஏதோ சண்டை போலும். ஆத்திகத் துக்கும் நாத்திகத்துக்கும் நடக்கும் போர் போலும் என்று நினைத்துக் கொண்டு, நான் கடவுள் பக்தன், ஆகவே நானும் அவாளும் பக்தர்தான் என்று பம்மிக் கிடக்கும் பார்ப் பனர் அல்லாத மக்கள்தான் அந்த ஆதிக்கக் கூட்டத்தின் மிகப்பெரும் பலம்.

அடியாட்கள் தேவைப்பட்டால் ஹிந் துக்களே ஒன்று சேருங்கள்!! என்று இராம. கோபாலன்கள் குரல் கொடுப்பார்கள்.

மற்றபடி சங்கர மடத்தில் ஒரு பியூன் வேலைக்கு கூட அவர்கள் நெருங்கவே முடியாது. அனைத்து ஜாதியினருக்கும் அர்ச்சகர் உரிமைக்கான சட்டத்தை ஒரு அரசு நிறைவேற்றினால், அவர்களும் இந்துக்கள் தானே என்ற உணர்வு அறவே வராது. உச்ச நீதிமன்றத்துக்கே செல்லவில் லையா?

13 பார்ப்பனர்கள் உச்சநீதிமன்றம் சென்றார்களே! சங்கராச்சாரியார் அதன் பின்னணியில் இருந்தாரே! பல்கி வாலா என்ற பிரபல வழக்குரைஞருக்கு ராஜாஜி சிபாரிசு செய்யவில்லையா?

வைகானாச ஆகமம் என்ற ஒன்றை எடுத்துக்காட்டிச் சூத்திரர்கள் கோயிலில் அர்ச்சகர் ஆக முடியாது என்று வாதாடவில்லையா?

அஷ்டோத்ர சதாய்ஹி சூத்ரைஹி சமஸ்புர்சே ஸ்னாபயேத் தடோ

மகாசாந்திம் ததா ஹுத்வா பிராமணாளி போஜயேத்

ஸ்புர்வைஹி அனுலோனயஹி சூத் ரோத பிராயஸ், சமாச்சரேத்.

விக்கிரகம் சூத்திரர்களால் (நாலாவதான உழைக்கும் சமுகம்) தொடப்பட்டு விட்ட தானால் சாமி தீட்டுப்பட்டு, பின்னர் நூற்றி யெட்டுக் கலசங்களை வைத்து, முறைப்படி வணங்கிய பின், பிம்பங்களுக்குச் சம்ப் ரோட்சணம் செய்யப்பட வேண்டும். அதைத் தொடர்ந்து மகாசாந்தி ஹோமமும், பிராமண போஜனமும் செய்யப்பட வேண் டும். அனுலோமர்களால் தொடப்பட்டு விட்டதானால், பின்னர் பிராயச்சித்தம், சூத்திர ஸ்பர்சத்துக்கு விதிக்கப்பட்டிருப்பது போல் செய்யப்பட வேண்டும் என்று அவர்களின் ஆகமம் சொல்லுவதாக உச்சநீதிமன்றத்தில் சொல்லவில்லையா?

சூத்திரன் பக்தன் இல்லையா? ஆகமங் களைத் தெரிந்திருந்தாலும் அவன் அர்ச்ச கப் பயிற்சிப் பெற்று இருந்தாலும் அவன் தொட்டால் சாமி தீட்டாகிவிடுமாம்! அதற் காக 108 கலசங்களை புதிதாக செய்து வைக்க வேண்டுமாம்! பிராமணப் போஜ னம் செய்யப்பட வேண்டுமாம் - அது என்ன பிராமண போஜனம்?

சூத்திர இழிவும், பிராமண உயர்வும் கட வுளின் கோயிலின், பக்தியின், வழிபாட்டின் பெயரால் நிலை நிறுத்தப்படவில்லையா?

ஏதோ இவர்களின் ஹிந்து மதத்தில் எந்தவித வேற்றுமையும், துவேஷமும் இல்லாதது போலவும், பெரியாரும் வீரமணி யும், கலைஞரும், ஸ்டாலினும் இட்டுக் கட்டிச் சொல்லுவது போலவும் ஒரு பம்மாத்தை, ஒரு பிம்பத்தை அவர்களுக்கு இருக்கிற பார்ப்பன ஊடகப் பலத்தால் ஊதிப் பெரிதாக்கிக் காட்டுவதும், அதனை நமது மக்களின் பாமரத்தனமான பக்திப் போதை யேறிய கண்கள் பூத்துப்போய் பார்ப்பனீ யத்துக்குச் சரணம் பாடும் நிலைதானே ஏற்பட்டுள்ளது!

எச்சரிக்கை!

பாதிக்கப்பட்டவர்கள் நாம் - பாதிப்புக்கு காரணமானவர்கள் பார்ப்பனர்கள். ஆனால் பாதிப்புக்குக் காரணமானவர்களின் அலறல் சத்தம் அதிகமாக கேட்கிறது - பாதிக்கப்பட்டவர்களாகிய நாம் அடக்கி வாசிக்க வேண்டுமாம்! இதுதான் இன்றைய நிலை!

திருப்பி அடிக்காவிட்டால் நியாயம் அநியாயமாகவும், அநியாயம் நியாயமாகவும் கருதப்படும் நிலை ஏற்பட்டு விடும் - எச்சரிக்கை!

இந்த நிலை நீடிக்கப்பட வேண்டும், கட்டிக் காக்கப் பட வேண்டும், அப்போதுதான் பார்ப் பான் பிராமணனாக, பிர்மாவின் நெற்றியில் பிறந்தவனாக சூத்திரன் பிர்மாவின் காலில் பிறந்ததால் வேசி மக்களாக (மனுதர்மம் அத்தியாயம் 8, சுலோகம் 4, 5) இருக்க முடியும்.

இதைச் சுட்டிக் காட்டினால், எடுத்துக்காட் டினால் அய்யோ ஹிந்து மதத்தை எதிர்க் கிறார்களே, தூஷிக்கிறார்களே! என்று சத்தம் போட்டால் அடங்கி விடுவோமா? அஞ்சி விடுவோமா?

சூத்திரன் ஒருவன் தவமிருந்தான் - அதனால் பிராமணக் குழந்தை ஒன்று இறந்துவிட்டது என்று கூறி பார்ப்பான் ஒருவன் வந்து புலம்பிட, உடனே தவமிருந்த சூத்திர சம்புகனை ராமன் வாளால் வெட்டிக் கொல்ல, செத்துப் போன பார்ப்பனக் குழந்தை உயிர்ப் பிழைத்து விட்டது என்று கூறும் இராமாய ணத்தை இன்றைக்கும் நாங்கள் ஏற்றுக் கொள்ள வேண்டுமாம்!

அந்த இராமனுக்கு அயோத்தியில் கோயில் கட்டுவோம் என்று ஒரு கட்சி தேர்தல் அறிக்கையில் குறிப்பிடுகிறது என்றால், இவர்கள் இந்த 2019லும் எந்த எண்ணத்தோடு இருக்கிறார்கள் என்பதை திராவிடர் கழகமோ, அதன் தலைவர் மானமிகு வீரமணி அவர் களோ எடுத்துப் பேசினால் வீரமணி ஹிந்து மதத் துவேஷி என்ற முத்திரையா?

அந்த ராமராஜ்ஜியத்தை உருவாக்குவார் களாம்! பக்திப் போதையில் இடுப்பு வேட்டி அவிழ்வது கூடத் தெரியாமல் மயங்கிக் கிடக்கும் மக்களை விழிப்புணர்வு பெறச் செய்யும் திராவிடர் கழகத்தின் பணியை திசைமாற்றிப் பேசி திரிபுவாதம் செய்து மடை மாற்றம் செய்து விட முடியாது.

தந்தை பெரியார் எழுதிய இராமயணப் பாத்திரங்கள் என்ற தமிழில் வெளிவந்த “ramayana  A true reading” என்ற ஆங்கில நூலுக்கு - சச்சு ராமாயண் எனும் இந்தியில் வெளிவந்த நூலுக்கு எந்த ஜீயர், எந்த கொம்பர் இதுவரை ஒரே ஒரு வரியை மறுத்து எழுதினார்? சொல்லுங்கள் பார்க்கலாம்.

பெண்களும், வைஸ்யர்களும், சூத்திரர் களும் பாவ யோனியிலிருந்து பிறந்தவர்கள் என்று பகவான் (?) கிருஷ்ணன் கீதையில் (அத்தியாயம் 9, சுலோகம் 32) கூறுகிறான்.

மாம் ஹி பார்தசு வ்யபாஸ்சுரித்ய யே2பி ஸ்யு: பாபயோநய: | ஸ்த்ரியோ வைஸ்சுயாஸ்ததாசு ஸூசுத்ஞுராஸ்தே2பி யாந்தி பராம் கஞுதிம் || 9- 32||

இப்படிக் குறிப்பிட்டுள்ளதற்கு இஞ்சிக் குடிகளும், வேளுக் குடிகளும், மடி சஞ்சி களும் என்ன பதிலை வைத்துள்ளார்கள்?

திராவிடர் கழகத் தலைவர் ஆசிரியர் மானமிகு கி.வீரமணி அவர்களால் எழுதப் பட்ட கீதையின் மறுபக்கம் எனும் நூல் 1998இல் வெளியிடப்பட்டு இதுவரை பல பதிப்புகளாக பல லட்சம் நூல்கள் மக்கள் மத்தியில் போய்ச் சேர்ந்துள்ளனவே. ஆங்கிலத்தில் BHAGAVAD GITA MITH OR MIRAGLE என்ற பெயரில் வெளி வந்துள்ளனவே - குருமூர்த்திக ளுக்குத் தெரியுமா?

ஹிந்துத்துவாவையும் சாஸ்திரங்களை யும் கரைத்துக் குடித்ததாகத் தம்பட்டம் அடிக்கும் ஒரே ஒரு சாஸ்திரி, திராவிடர் கழகத் தலைவரின் ஆய்வு நூலின் ஒற்றை வரிக்காவது மறுப்பு சொன்னதுண்டா? முடியுமா?

இதற்கு மட்டுமல்ல. விடுதலை இவர் களை நோக்கி விடுத்த கணைகளுக்கு எப்பொழுது பதில் அளித்தார்கள்? புறமுது கிட்டு அவர்கள் ஓடியதுதானே மிச்சம்.

கண்ணாடிப் பரம்பரையாச்சே! மத்தி யிலும் மாநிலத்திலும் அவாளின் அதிகாரம் இருக்கும் காரணத்தால் பூணூலை உருவி விட்டுக் காட்டலாம் என்று மனப்பால் குடிக்க வேண்டாம்.

திருச்சி - கருஞ்சட்டைப் பேரணியைப் பார்த்த ஞாபகம் இருக்கட்டும்!

இளைஞர்கள் எழுச்சி கொண்டு விட்டார்கள், மறுபடியும் ஆரிய திராவிட இனப் போரை நடத்துவதற்கு ஆரியம் முன்வந்தால் அதை வரவேற்பது எங்கள் கடமைதானே!

துக்ளக்கும், விஜயபாரதமும், தினமல ரும் சுற்றிச் சுற்றி பார்ப்பனர் அல்லாதார் இயக்கத்தையும் அதன் தலைவர்களையும் கொச்சைப்படுத்தி வருகின்றன. அது அவர் களின் பாஷை - நாம் அறிவாயுதத்தால் சந்திப்போம். கன்னியாகுமரி கடைக்கோடி இளைஞ னையும் திரட்டுவோம் ... துள்ளாதே ஆரியமே!

என்ன கொடுமையென்றால் இழிவுபடுத் துவது அவர்கள் - அதை எதிர்ப்பது பாதிக் கப்பட்ட நாங்கள் - ஆனால் கூச்சல் என்ன தெரியுமா? அவர்கள் பாதிக்கப்பட்டது போல! இந்த எத்து வேலையெல்லாம் பெரியார் காலத்துக்கு முன் எடுபட்டு இருக்கலாம் - அண்ணாவும், கலைஞரும், வீரமணியும் எழுதியதற்கு முன்பு எடுப்பட்டு இருக்கலாம். இது பெரியார் சகாப்தம் - எச்சரிக்கை!

ஆரியர்களுக்கு, ஆர்.எஸ்.எஸ். கும்பலுக்கு அஸ்தியில் ஜூரம் கண்டு விட்டது. தேர்தல் முடிவு - தங்களை முகவரியற்ற முண்டங்களாக ஆக்கி விடும் என்ற அச்சம் அவர்கள் நாடி நரம்புகளை யெல்லாம் குடைய ஆரம்பித்துவிட்டது. குருதி கொழுப்பு எடுத்து கோமா நிலைக்கு ஆளாகி விட்டார்கள்.

அதன் விளைவுதான் தந்தை பெரியார் சிலை உடைப்பு - இந்த மனிதன் அல்லவா, நம் ஆதிக்கத்தின் ஆணிவேரில் ”வெடி குண்டை” வைத்தவர்,

“சூத்திரன் என்றால் ஆத்திரம் கொள்” என்ற சுலோகத்தை சொல்லிக் கொடுத்தவர்,

பக்தி என்னும் பெயரால் கண்மூடித் தனமாக ஆரியத்தின் அடிமையாகக் கிடந்த மக்களைக் கிளர்ந்தெழச்செய்த கிழவன் அல்லவா!

செத்தொழிந்தார் என்று நினைத்து, நிலை கொள்ளாமல் குதியாட்டம் போட்டிடலாம் என்ற நமது கனவு எல்லாம் கானல் நீராகி விட்டதே!

அவர் செத்தாலும் அவரின் சிந்த னைகள் எரிமலையாகச் சீறிக் கொண்டி ருக்கின்றனவே!

அவர் வகுத்துத் தந்த கொள்கைகளும், கோட்பாடுகளும் இன்றளவும் நின்று, நிலை பெற்று நம்மை நிலை குலையச் செய்கின்ற னவே!

சிலையாக நின்று நம் தூக்கத்தைக் கலைத்து கொண்டு இருக்கிறாரே, கடவுள் நம்பிக்கையாளர்களும் கூட பொங்கிச் சமுக நீதி என்ற கைத்தடியைத் தூக்கிக் கொண்டு கண்டன ஊர்வலங்களை நடத்துகிறார்களே!

இந்தக் கடவுளும், பக்தியும் மதச்சடங்கு களும் பார்ப்பனீயத்தின் அடிப்படை என்பதையல்லவா பாடம் சொல்லிக் கொடுத்து, பயிற்சியையும் பக்குவத்தையும் சொல்லிக் கொடுத்துப் போயிருக்கிறார்!

ஒரு வீரத் தலைவரையும் அடையாளம் காட்டிச் சென்று இருக்கிறார்.

ஆத்திரமும், ஆவேசமும் கரைபுரள இந்தப் பார்ப்பன சக்திகள்,  அதன் தொங்கு சதைகள் இரவோடு இரவாக, கோழைத் தனம் பெற்றெடுத்த இந்த குல்லூகப்பட்டர் பரம்பரையினர் தந்தை பெரியார் சிலையை சிதைக்கின்றனர். அறந் தாங்கியில் தந்தை பெரியார் சிலையை சிதைத்துள்ளனர்.  மண்டைச் சுரப்பை உலகு தொழும் என்று புரட்சிக் கவிஞர் பாடினாரே; அந்த மண்டைப் பகுதியை அடித்துத் தாக்கியுள்ளனர்.

அட மாங்காய் மடையர்களே! அது கற்சிலைதான் - அதற்கு மகத்துவம் இருக்கிறது என்று நம்பக் கூடியவர்கள் அல்லர் நாங்கள்.

ஆனால் நீங்கள் செய்ததன் எதிர் வினை என்ன தெரியுமா? கட்சிகளைக் கடந்து ஒட்டுமொத்தமான பார்ப்பனர் அல்லாதாரையும் வீட்டுக்குள்ளிலிருந்து வீதிக்கு அழைத்து வந்து விட்டீர்களே. தலைவர்கள் எல்லாம்  கண்டனக் கணைகளை எழுப்புகின்றனரே!

1971ஆம் ஆண்டில் அப்படித்தான் இராமனா, (பெரியார்) இராமசாமியா? என்று நீங்களே தேவையில்லாமல் பேசி - தேர்தலின் திசையையே மடை மாற்றம்  செய்தீர்கள்!

விளைவு என்ன? 1967இல் தி.மு.க. சட்டப்பேரவை உறுப்பினர்கள் 138 என்றால், 1971இல் 184 என்று எகிறியது. அமைச்சர் களின் பதவிப் பிரமாணம் தந்தை பெரியார் திருமுன்னே நடந்தது என்பது வரலாறு. பட்டும் புத்திக் கொள்முதல் பெறவில்லையே, இந்தத் தேர்தலையும், அந்தத் திசைக்கு இழுத்துச் சென்று விட்டீர்கள். செய்யுங்கள்! செய்யுங்கள்!!

முட்டாளுக்கு ஓரிடம், புத்திசாலிக்கு மூன்று இடம் என்பது இதுதானா? பார்ப்பனர்கள் படித்தவர்களே தவிர புத்திசாலிகள் அல்லர் என்பார் அண்ணல் அம்பேத்கர்.

வினை விதைத்து விட்டீர்கள் - அதன் அறுவடையைக் காணப் போகிறீர்கள்!

பெரியாருக்கு எதிரான நடவடிக்கைகள் எல்லாம் பெரியார் கொள்கைப் பயிருக்கு எருவாயின என்பதுதான் கடந்த கால வரலாறு.

இப்பொழுதும் அப்படித்தான்; பிஜேபி என்னும் மதவாத சக்தியின் அய்ந்தாண்டு கால ஆட்சி என்பது!

வெகு மக்களுக்கு விரோதமான பார்ப்பனர்கள் ஆதி பத்தியத்தை மீண்டும் மகுடம் சூட்டிய மனு தர்ம ஆட்சி.

சமுக நீதிக்குச் சம்மட்டி அடி கொடுக்கும் ஆட்சி - தாழ்த்தப்பட்டவர் களுக்கும்; சிறுபான்மையினருக்கும் எதிரான எரியீட்டி ஆட்சி - பெண் ணுரிமையை ஏற்காத ஆட்சி  - இதனை எந்த விலை கொடுத்தேனும் வீழ்த்த வேண்டும் என்று வெகு மக்கள் திரளும் போது அவர்களின் கண்களுக்கு, சிந்தனைகளுக்குப் பேருருவாக எழுந்து மிரட்டி நிற்பவர் தந்தை பெரியார்தான்.

அதனுடைய வீச்சுதான் திருச்சியில் திரண்டெழுந்த இலட்சோப லட்ச கருஞ்சட்டை இளைஞர்களின் பேரலை - பெரு முழக்கம்!

என்னவோ நினைத்தோமே - இந்த இராட்சதர் கூட்டம் எங்கிருந்து வந்தது? - தப்புக் கணக்குப் போட்டு விட்டோமே என்று ஒழுங்காக சிந்தித்து இருந்தால் , புது யூகங்களை வளர்த்திருக்கலாமே!

ஆத்திரக்காரனுக்குப் புத்தி மட்டு என்று ஆரியம் அன்றாடம் நிரூபித்து கொண்டு தானே இருக்கிறது.

பெரியாரை செருப்பால் அடிப்போம் என்று ஒரு காரைக்குடி காவி கத்தியது. அதன்மீது வழக்குப் போட்டால் - வழக்குப் போட முகாந்திரம் இல்லை என்கிறது ஆரியத்துக்கு அடிபணிந்து விட்ட அண்ணா திமுக ஆட்சி! (அண்ணாவின் ஆரிய மாயை நூலை - ஒரே ஒரு பக்கம் புரட்டியிருந்தால் கூட அவர்களின் புத்தியில் கொஞ்சம் உறைத்திருக்கும்)

திரிபுராவில் மார்க்சிஸ்ட் கம்யூனிஸ்ட் கட்சி தோல்வியுற்று பிஜேபி ஆட்சிக் கட்டிலில் அமர்ந்ததுதான் தருணம். தமிழ்நாட்டில் இருக்கக்கூடிய ஓர் உஞ்ச விருத்தி (பிஜேபியின் தேசிய செயலாள ராம் இந்த லட்சணத்தில்) எப்படியெல்லாம் ஆட்டம் போட்டது - ஆர்ப்பாட்டக் கச்சேரி நடத்தியது, திரிபுராவில் லெனின் சிலை உடைக்கப்பட்டது - என்று ஆனந்தக்கூத்தாடி, உடைக்கப்பட்ட லெனின் சிலையை வீடியோவாக வெளியிடுவோம் (தனது முகநூலில்) என்று பதிவிட்டது என்பது நினைவில் இருக்கிறதா?

லெனின் யார்? அவருக்கும், இந்தியா வுக்கும் என்ன தொடர்பு? கம்யூனிசத் துக்கும் இந்தியாவுக்கும் என்ன  தொடர்பு? லெனின் சிலை உடைக்கப்பட்டது திரிபுராவில்; இன்று திரிபுராவில் லெனின் சிலை, நாளை  தமிழகத்தில் ஜாதி வெறியர் ஈ.வெ.இராமசாமி சிலை என்று கூறவில் லையா? (7.3.2018)

இன்றைக்குப் பா.ஜ.க.வுக்காக வக்காலத்து வாங்கி   தந்தை பெரியாரையும் திராவிட இயக்கத்தையும் காட்டிக் கொடுத்துப் பேட்டி கொடுக்கும் அமைச்சர் ஜெயக்குமாரின் அ.இ.அ.தி.மு.க. ஆட்சி எடுத்த நடவடிக்கை என்ன?

இந்த வெட்கக் கேட்டில் பெரியார், அண்ணா உருவங்களை பதாகைகளிலும், சுவரொட்டிகளிலும் பொறிப்பது அறிவு நாணயமா?

இதற்கெல்லாம் அண்ணா தி.மு.க. பதில் சொல்ல வேண்டிய, விலை கொடுக்க வேண்டிய தருணம் வரும் - தந்தை பெரியார் தலையை உடைத்த தருணத்தில் கூட எதிரிகளுக்கு வக்காலத்துத் தோள் போட்டு நிற்கும் இவர்களின் தலைகள் வெட்கத்தால் தொங்கும் நிலை ஏற்படத்தான் போகிறது.

எந்தத் தேதியில் பிஜேபியின் தேசிய செயலாளர் எச்.ராஜா என்ற இனவெறியன் பெரியார் சிலையை உடைப்போம் என்று சொன்னாரோ, அதே நாள் இரவில் (7.3.2018) வேலூர் திருப்பத்தூரில் தந்தை பெரியார் சிலையை திருப்பத்தூர் பிஜேபியின் முத்துராமன்  என்பவர் சேதப்படுத்தினாரே!

அந்த வழக்கு என்னவாயிற்று? தண்டனை அளிக்கப்பட்டதா? தூண்டிய எச்.ராஜா அ.இ.அ.தி.மு.க. ஆட்சியில் ராஜநடைப் போட்டு திரிவது எப்படி?

இதே புதுக்கோட்டை மாவட்டம்  ஆலங்குடி அருகில் தமிழர் தலைவர் மானமிகு வீரமணி அவர்களால் 2003இல் திறந்து வைக்கப்பட்ட புதுக்கோட்டை விடுதியில் உள்ள தந்தை பெரியார் சிலை தாக்கப்பட்டதே! (20.3.2018)

தாராபுரம் தீவுத்திடல் பூங்காவில் உள்ள தந்தை பெரியார் சிலை தந்தை பெரியார் பிறந்தநாளில் (17.9.2018)  அவமானப்படுத்தப்பட்டதே! இரவோடு இரவாக தந்தை பெரியார் தலையின் மீது செருப்பை வைத்துவிட்டு ஓடி மறைந்த அந்தப் பிஜேபி பேர் வழி சென்னை உயர்நீதிமன்றத்தில்  அவர் ஒரு பைத் தியக்காரன் என்று மருத்துவச்சான்று பெற்று விடுதலை பெறவில் லையா?

அட கோழைகளே! செய்ததற்குப் பொறுப்பேற்கும் திராணியில்லாமல் ஏனிந்த இழி செயலில் இறங்கிட வேண்டும்? செய்ததையும் செய்துவிட்டு என் அட்மின் செய்து விட்டார் என்று சொல்லுபவர்தானே பிஜேபியின் தேசியச் செயலாளர்.

அதே தேதியில் - தந்தை பெரியார் பிறந்தநாளான (17.9.2018) சென்னை அண்ணாசாலை சிம்சன் அருகே உள்ள பெரியார் சிலையின் மீது செருப்பை வீசிய ஒரு சிறு நரி ஜகதீசன் (வழக் குரைஞராம் இந்த லட்சணத்தில்) பிஜேபி அல்லவா? (பிறகு கம்பி எண்ணினார்)

மத்தியில் பிஜேபி ஆட்சி, மாநிலத்தில் அதன் கொத்தடிமை ஆட்சி இருக்கிறதே என்று அசட்டு தைரியத்தில் இவையெல்லாம் நடந்திருக்கிறது. இந்த நேரத்தில் பார்ப்பனர் அல்லாதாரே, அல்லாதாரே! நாம் செய்ய வேண்டியது என்ன? பதிலுக்குப் பதில் வன்முறையில் இறங்குவதா? அல்ல அல்ல - அது செல்லுபடியாகாத ஆரியத்தின் சிட்டா அடங்கல்!

தேர்தலைத் திசை திருப்பத்தானே இந்த இழிவில் இறங்கி விட்டார்கள்? அப்படியென்றால் நாம் என்ன செய்ய வேண்டும்? இந்த தேர்தலில் கட்டிய பணத்தைக் கூட திரும்பப் பெறமுடியாது பிஜேபி தலைமையிலான இந்த அணி என்பதைச் செயலில் காட்ட வேண்டுமா? பெரியார் மீது கை வைத்தால் அதன் கண்டு முதல் 1971 பாடம் தான் என்று மீண்டும் வரலாற்றில் நிலைநாட்ட கிடைத்ததோர் அரிய சந்தர்ப்பம் அல்லவா!

உங்கள் வாக்கு மட்டுமல்ல - உங்கள் முயற்சியும் - மக்களுக்கு எடுத்துரைக் கும் அறிவுத்திறனும் இணைந்து கை கோத்து, முதலில் உங்கள் பகுதியில் ஒவ்வொரு  வாக்காளரையும் பண்போடு அணுகி, பகுத்தறிவோடு எடுத்துரைத்து திமுக அணியை வெற்றி பெறச் செய்வீர்!.

அந்த நாள்தான் ஆரியத்தின் ஆதிக்க சவப் பெட்டிக்கு ஆணி அடிக்கப்படும் அரும்பெரும் நாள், அரும்பெரும்நாள்!

'எங்கள் கடவுள் கிருஷ்ணன் செய்ததைத்தான் நானும் செய்கிறேன்!" - சாமியார் ஆசாராம்

எங்களது கடவுள் கிருஷ்ணன் பல பெண்களு டன் ஒரே நேரத்தில் கூடியிருந்தார், அதை இந்துக்கள் தெய்வச்செயலாக பார்க்கிறோம். அதே போல் தான் நாங்களும் -- பிரம்மசொரூபமான சாதுக்களாகிய நாங்கள் பெண்களுடன் சேருவது தெய்வீகச் செயலுக்கு ஒப்பானதாகும். மக்கள் என்னை தெய்வமாக பார்க்கின்றனர். நான் மக் களுக்கான பல நல்லசெயல்களைச் செய்துள்ளேன், எனது இந்த செயலுக்கு என்னுடைய ஒவ்வொரு கூட்டத்திலும் கூடும் லட்சக்கணக்கான மக்களே சாட்சிகளாக இருக்கின்றனர். என்மீது பாலியல் கொடுமை குற்றச்சாட்டு என்பது உண்மையோ அல்லது புனையப்பட்டதோ என்பது குறித்து எனக்குக் கவலையில்லை, நாங்கள் தெய்வீக சக்திபெற்றவர்கள். எங்கள் மீது குற்றம் சுமத்துவதே அவசியமற்றது, மதநூல்களின் படி என்னைப்போன்ற சாதுக்கள் மீது விசாரணை நடத்துவதும், சிறையில் வைப்பதும் இந்துமதத் தின் மீது நடத்தப்படும் தாக்குதலே ஆகும், இதை மக்கள் ஏற்றுக்கொள்ளமாட்டார்கள்.

அதற்கு நீதிபதி இங்கு மதம் தொடர்பான சொற்பொழிவுகள் கேட்க யாரும் வரவில்லை, அரசமைப்புச்சட்டத்தின் படி விசாரணை நடந்து வருகிறது, குற்றம் செய்தவர் யாராக இருந்தாலும் அரசமைப்பு சட்டத்தின் முன்பு சமமே! ஆகவே இது போன்ற கருத்துக்களைக் கூறி நீதிமன்ற நேரத்தை வீனடிக்கவேண்டாம் என்று கூறினார். இந்த சாமியார் ஆசாராம் செய்த குற்றமென்ன? சிறுமிகளைப் பாலியல் வன்கொடுமை செய்தார் என்பது தான். இவரைக் கைது செய்ய காவல்துறை வந்தபோது அவர்கள் மீது இவரும் இவரின் சீடர்களும் தாக்குதல் நடத்தினர். 780 கோடி ரூபாய் வரி ஏய்ப்பு செய்த குற்றமும் உண்டு. ஆயுள் தண்டனைக் கைதியாக சிறையில் உள்ள னர் ஆசாராமும் - அவரது மகனும். குருமூர்த்திகளே - இந்தக் கும்பல் யாரைப் பார்த்துக் கெட்டுப்போனது? உங்கள் இந்து கடவுளைப் பார்த்துதானே!

 

பொள்ளாச்சியில் பொல்லாத மனித மிருகங்கள் நடந்து கொண்ட கேவலத்தைப் பற்றிப் பேச துக்ளக் கூட்டத்துக்குத் துப்பு இல்லை.

உடனே கலாச்சார சீரழிவுக்கான காரணங்கள் என்று  தந்தை பெரியாரையும், திராவிடர் கழகத் தலைவர் ஆசிரியர் வீரமணி அவர்களையும் இழுத்துக் குளிர் காய்கிறது.

தப்பு செய்ததாகக் கூறப்படும் பையன்கள் அந்தோ பாவம்!

அவர்கள் மீது குறை சொல்லாதீர்கள். அவர்களைக் கெடுத்தது பெண்கள்தான் என்று ஒரு கூட்டம் சொல்லு கிறது என்றால், இந்தக் கூட்டம் அந்தக் கொடியவர்களின் பாதுகாவலர்கள் என்றுதான் அர்த்தம்.

எப்பொழுதுமே துக்ளக்கின் பார்வை என்பது பெண்கள் மீது சேற்றை வாரி இறைப்பதும், குற்றப் பத்திரிகைப் படிப்பதும்தானே! கிராமத்திலே ஒரு பழமொழி சொல்லுவார்கள் - எங்கள் பையன் பொல்லா தவன், உங்கள் பெண்களைக் கொஞ்சம் அடக்கி வையுங்கள் என்று.

இந்த ஒரு தலைநியாயத்தைத்தான் எப்பொழுதுமே துக்ளக் தன் கையில் வைத்திருக்கிறது.

இந்தப் பொள்ளாச்சி அவலத்தில்கூட குருமூர்த்தி கூட்டம் யார்மீது சீறிப் பாய்கிறது?

குற்றவாளிகள் பெண்கள் தங்கள் வலையில் விழத் தயாராக, இருந்தார்கள் என்பது உண்மை. 'தற்காத்து என்று துவங்கும் பெண்மை பற்றிய குறளில், தற்காப்பு ஒரு பெண்ணின் முதல் கடமை என்று விளக்குகிறார் திருவள்ளுவர். தன்னைக் காத்துக் கொள்ளும் முதல் கடமையை மறந்த பெண்களை யாராலும், எந்தப் போலீஸாலும், சட்டத்தாலும், ஏன் காப்பாற்றவோ கூட முடியாது. தங்களை உயர்வாக நினைக்காமல், தங்களையே மரியாதைக் குறைவுக்கு ஆட்படுத்திக் கொள்ளும் பெண்களைக் கடவுளால் கூடக் காப்பாற்ற முடியாது.

உயர்ந்த பொருளுக்கான தங்கத்துக்குத்தான் பாதுகாப்பு தேவை - இரும்புக்கு அல்ல. தெரிந்தால், முன்பின் தெரியாத ஆண்களுடன் தனியாகப் போகத் துணிந்த பெண்கள், வருவதை மறந்து, தங்களது தற்காப்பைத் துறந்தவர்கள் என்றுதான் அர்த்தம். அதன் விளைவுகளை அவர்களும், அவர்கள் குடும்பங்களும் பொள்ளாச்சியில் அனுபவித்துக் கொண்டிருக்கிறார்கள்.

இப்படியாக திருவாளர் குருமூர்த்தி அய்யர்வாள் ஆய்வுரை, அறிவுரை, அடக்கவுரை எல்லாம் எல்லாம் பெண்களுக்கே! பெண்களுக்கே!!

அவன் ஆம்பிளை அப்படித்தான், நீ பொட்டைக் கழுதை நீயல்லவா ஜாக்கிரதையாக இருக்க வேண்டும்? என்று சொல்லும் ஆண் எஜமானத்துவ ஆணவம் கலந்த மூர்க்கத்தனமானது இதில் துருத்திக் கொண்டு எழுகிறது என்பது புரியவில்லையா?

அவன் முரடன், நீ அடங்கிப் போ!, அவன் பெரும் பணக்காரன் - நீ ஓட்டையாண்டி ஒதுங்கிப் போ!, அவன் மிட்டாமிராசு - நீ அவனை அண்டிப் பிழைக்க வேண்டியவன் உனக்கு என்ன வேண்டிக் கிடக்குது உரிமை?

ஜான் பிள்ளையானாலும் அவன் ஆண் பிள்ளை, நீ கேவலம் பொட்டச்சிக் கழுதை! என்று கூறும் பெண்கள் மீதான ஆரியப் பார்ப்பனர்களின் ஆதிக்கவாதிகளின் கொடும் பாம்பின் விஷம் துக்ளக்கின் வரிகளில் ததும்புகிறேத!

குருமூர்த்தியின் குருநாதரான திருவாளர் சோ ராமசாமி காலத்திலும் சரி, பெண்கள் என்றால் ஒரு வகை இளக்காரம் கேலி, கிண்டல், மட்டந்தட்டும் மமதை இவைதான், மின்னித் தெறிக்கும்! பல நேரங்களில் விடுதலை அவற்றையெல்லாம் எடுத்துக் காட்டி துக்ளக்கின் துர்ப்புத்தியை அம்பலப்படுத்தியதுண்டு. இதோ சில எடுத்துக்காட்டுகள்:

கேள்வி: பெண்களைப் பற்றி உங்களின் உண்மையான அபிப்பிராயம் தான் என்ன?

பதில்: உயர்ந்தவர்கள். அப்படி இருக்க விருப்பம் இல்லாதவர்கள். (18.3.2009)

கேள்வி: பெண்களுக்கு சமஉரிமை என்றால் உங்களுக்கு ஏன் கசக்கிறது?

பதில்: யார் இப்படியெல்லாம் என்னைப் பற்றி புரளி கிளப்பி விடுகிறார்களோ, தெரியவில்லையே! பெண்களுக்குச் சம உரிமை தேவைதான். மாமியார், மருமகள் ஆகியோருக்குச் சம உரிமை வந்தால், அது வரவேற்கத் தக்கதுதான். (22.4.2009)

கேள்வி: பெண்களிடம் எதைக் கற்றுக் கொள்ள வேண்டும்?

பதில்: என்ன தவறு செய்தாலும், அந்தத் தவறை தான் செய்யாதது போலவும், மற்றவர்கள்தான் அதற்குக் காரணம் என்பது போலவும் நடந்து கொள்கிற திறமை, அதைக் கற்றுக் கொண்டால் ஆண்களும் கூட நிம்மதியாக இருக்கலாமே? (20.5.2009)

கேள்வி: மத்திய அமைச்சரவையில் பெண் அமைச்சராக தமிழகத்திலிருந்து ஒருவர் கூட நியமிக்கப்படவில்லையே?

பதில்: தப்பித் தவறி ஏதாவது நல்லது நடக்கிற மாதிரி தெரிந்தால் போதும் - உங்களைப் போல் பலருக்கு ஆட்சேபம் வந்துவிடுகிறது. யார் கண்டது? உங்கள் குறை தீராது என்று சொல்லிவிட முடியுமா என்ன? குடும்பத்தில் சமநீதி காண்பதற்கு வழி பிறந்தால், உங்கள் குறை நீங்கிவிடலாமே! (17.6.2009)

கேள்வி: மக்களவையில் மகளிருக்காக இட ஒதுக் கீடு மசோதா நூறு நாள்களுக்குள் நிறைவேற்றப்படும் என்று குடியரசுத் தலைவர் தனது உரையில் கூறியுள்ளாரே?

பதில்: சில தண்டனைகள் சொன்னபடி நடப்ப தில்லை. அஃப்ஸல் தூக்குத் தண்டனை அப்படியே பெண்டிங் ஆக இருக்கிறதே? அந்த மாதிரி இதுவும் தொங்கலில் விடப்பட்டால்தான் உண்டு. (24.6.2009)

கேள்வி: மக்களவை சபாநாயகர் பெண் என்றால் இனி அமளியின்றி சபை நடைபெறுமா?

பதில்: ஒரு வீட்டில் பெண்கள் அதிகாரம் ஓங்கி இருந்தால், அந்த வீட்டில் அமளி, துமளி இல்லாமல் போய்விடுமா? அந்த மாதிரிதான் இதுவும். (1.7.2009)

கேள்வி: கருநாடகாவில், ஷோபாவின் அமைச்சர் பதவி தியாகத்தாலும், பா.ஜ.க. மூத்த தலைவர் சுஷ்மா ஸ்வராஜ் செய்து வைத்த சமரசத்தாலும் கருநாடக பா.ஜ.க. அமைச்சரவையின் சிக்கல் தீர்ந்துள்ளதே? பெண்களின் பெருமை இப்போதாவது தங்களுக்குப் புரிந்திருக்குமே?

பதில்: புரிகிறதே! ஒரு பெண்மணி தன் பதவியை விட்டு விலகுவதாலும், மற்றொரு பெண்மணி தனக்கு எந்தப் பதவியையும் நாடாமல் சமரசம் தேடியதாலும் பிரச்சினை தீர்ந்திருக்கிறது. அதாவது பெண்களில் பதவியை நாடாமல் இருக்கிற வரை பிரச்சினைகள் தீர வழியுண்டு. இதைத்தானே நீங்கள் சுட்டிக் காட்டுகிறீர்கள். புரிகிறது. (21.2.2009)

துக்ளக்கில் வெளிவந்த இந்தக் கேள்வி பதில் களுக்கு விளக்கமும் வேண்டுமோ! கைப் புண்ணுக்குக் கண்ணாடி எதற்கு?

ஃ பெண்கள் யார்? உயர்ந்தவர்களாக இருக்க விரும்பாதவர்கள்.

ஃ பெண்களுக்கு சம உரிமை என்றால் என்ன?

மாமியார் மருமகளிடத்தில் எங்காவது சம உரிமை இருக்குமா?

ஃ பெண்கள் எத்தகையவர்கள்?

என்ன தவறு செய்தாலும் அந்தத் தவறை தான் செய்யாதது போல மற்றவர்கள்தான் காரணம் என்று சொல்லக் கூடியவர்கள்.

ஃ மக்களவையில் மகளிர் இட ஒதுக்கீடு மசோதா தள்ளிப் போகிறதே?

சில தண்டனைகள் சொன்னபடி நடப்பதில்லை.

ஃ மக்களவையில் சபாநாயகர் பெண் என்றால் இனி அமளி துமளி நடைபெறாது அல்லவா?

ஒரு வீட்டில் பெண்கள் அதிகாரம் ஓங்கி இருந்தால், அந்த வீட்டில் அமளி துமளி இல்லாமல் போய்விடுமா?

பெண்களைப் பற்றி இப்படி அடிமட்டமான சிந்தனைச் சீழ்பிடித்த கூட்டம்தான் கலாச்சாரச் சீரழி வுக்குக் காரணம் என்று தந்தை பெரியாரையும், ஆசிரியர் வீரமணி பற்றியும் பழி தூற்றுகிறது!

இந்த இந்துத்துவா சிந்தனைக் கேடர்கள் இந்து மதத்தில் இருக்கும் பெண் கடவுள்களையும் இப்படித்தான் தரம் தாழ்த்தி கூட்டிப் பெருக்கிக் குப்பை மேட்டில் தள்ளுவார்களோ!

இவர்களின் முழு முதற்கடவுளான டான்ஸ் மாஸ் டர் நடராஜன் பார்வதியுடன் நடனத்தில் போட்டிப் போட்டுக் கொண்டு ஆடி, வெற்றி கிட்டாத நிலையில், ஒரு காலைத் தூக்கிக் காட்டினானே - அதன் பொருள் என்ன? பெண்ணான பார்வதியால் அவ்வாறு காலைத் தூக்கிக் காட்ட முடியாது என்ற ஆபாச கெட்ட புத்தியால்தானே!

இவர்கள் நம்பும், மதிக்கும் கடவுளுக்கே இந்த துர்ப்புத்தியும், ஆபாச சாக்கடைத்தனமான வக்கிரப் புத்தியும் இருக்கும்போது இவர்களின் காமக்கோடி சங்கராச்சாரியிலிருந்து குருமூர்த்திகள் வரை இந்தத் தரத்தில் இருப்பதில் ஆச்சரியம் இருக்க முடியாதுதான்.

படுக்கை, ஆசனம், அலங்காரம், கோபம், பொய், துரோகசிந்தை இவற்றினை மாதர் பொருட்டே மனுவானவர் கற்பித்தார் (மனுதர்மம், அத்தியாம் 9, சுலோகம் 17).

இந்த மனுதர்மத்தை சட்டப் புத்தகமாகக் கொண்டு வர வேண்டும் என்று கூறும் ஆர்.எஸ்.எஸின் தத்து புத்திரர்களான குருமூர்த்திகள் பொள்ளாச்சியில் பெண்கள் வேட்டையாடப்பட்டது பற்றிக் கிஞ்சித்தும் கவலைப்படுவார்களா?

பாதிக்கப்பட்ட பெண்கள் பக்கம் நில்லாமல் அவர் கள் அடக்க ஒடுக்கமாக நடந்திருந்தால், இப்படி யெல்லாம் நடந்திருக்குமா என்று அந்த இடத்திலும் மனுதர்மப் புத்தியோடு பெண்கள் மீதே சேற்றை வாரி இறைக்கிறார்கள் என்றால், பெண்கள் இந்தக் கூட் டத்தை எந்த இடத்தில் வைப்பது என்பதைப் பற்றிச் சிந்திக்க வேண்டாமா?.

பதினாறாயிரம் கோபிகா ஸ்திரிகளுடன் கும்மாளம் அடித்தவன் என்னும் கிருஷ்ணன்தானே அவர்க ளுக்கு பரமாத்துமா?

இவாள் ஆத்து திருஞானசம்பந்தன் பதினாறு வயதிலேயே செத்துப் போனான் - இவ்வளவுக்கும் பார்வதி தேவியிடம் ஞானப்பால் குடித்தவன்!.

அந்த வயதிலேயே கூட புத்தர், சமணர் வீட்டு அழகிய பெண்களைக் கற்பழிக்க மதுரை வாழ் சிவனி டத்திலே அருள் புரிய வேண்டும் என்று விண்ணப்பம் போட்டவன் தானே.

மண்ணகத்திலும் வானிலும் எங்குமாய்த்

திண்ணகத் திரு ஆலவாயருள்

பெண் அகத்து எழில் சாக்கியப்பேய், அமண்-

பெண்ணர் கற்பு அழிக்கத் திரு உள்ளமே!

கற்பழிப்பதற்கே கடவுளிடம் வரம் கேட்ட கும் பலை எங்காவது கேட்டதுண்டா? அதுவும் பதினாறு வயதுக்கு முன்னதாகவே!

குருமூர்த்திக் கும்பலுக்கு மாடல் புருஷனே இத்தகு திருஞானசம்பந்தன் போன்றவர்கள்தானே!

அப்படி இருக்கும்போது பொள்ளாச்சிப் புல்லர் களைக் கண்டித்திட எப்படி மனம் வரும் இந்தக் கும்பலுக்கு?

'துக்ளக்' ஏட்டை எப்படியோ அபகரித்துக் கொண்ட திருவாளர் குருமூர்த்தி அய்யருக்கு திராவிடர் கழகத் தலைவர் ஆசிரியர் மானமிகு கி.வீரமணி அவர்களின் ஃபோபியா (PHOBIA) பிடித்து ஆட்டிக் கொண்டு இருக்கிறது.

அரண்டவன் கண்களுக்கு இருண்டதெல்லாம் 'பேய்' என்பார்களே - அந்த நிலைதான் அவருக்கு. பொள்ளாச்சி நகரத்தில் நடைபெற்ற பெண்கள் மீதான வன்கொடுமைமீது நாடே கோபத்தில் எரிமலையாய்த் தகித்துக் கொண்டிருக்கிறது.

இதன் பின்னணியில் இருப்பவர்கள் யாராக இருந் தாலும் கண்டிப்பாகத் தண்டிக்கப்பட்டே ஆக வேண்டும் என்ற குரல் உரத்த குரலில் ஒலித்துக் கொண்டிருக்கிறது.

ஆனால் அந்தக் கயவர்களைக் காப்பாற்றுவதற்காக, திசை திருப்பும் திரிநூல் வேலையில் இந்தக் கோயங்கா வீட்டு மாஜிக் கணக்கப்பிள்ளை இறங்கி இருக்கிறார்.

பொள்ளாச்சி கலாச்சாரக் சீரழிவிற்கு விதைப் போட்டது ஈ.வெ.ரா. காலத்தில்தான் என்கிறார்.

காரணம் அவர்தான் பெண்களுக்குக் கற்புத் தேவை யில்லை என்று சொன்னார். அவருக்குப் பின் அவர் காட்டிய வழியில் பண்பாட்டைக் கெடுப்பதையே அடிப்படையாகக் கொண்டு கட்சி நடத்தி வருபவர் திராவிடர் கழகத் தலைவர் கி.வீரமணி-  அவ்வப்போது, 'பெண்களுக்குத் தாலி எதற்கு?' என்று கூறி பெண்கள் தாலியைக் கழற்றி வீசுவதன் மூலம் கணவனிடமிருந்து பெண்களுக்கு விடுதலை கிடைத்து விடுகிறது என்பது அவர் கண்டுபிடிப்பு (துக்ளக், 27.3.2019 பக். 6) என்று எழுதித் தள்ளி இருக்கிறார்.

இவர் சொல்லுவதைப் பார்த்தால் காஞ்சிபுரம் மச்சேஸ் வரர் கோயில் குருக்கள் பார்ப்பான் தேவநாதன் கோயில் கர்ப்பக் கிரகத்தைப் பள்ளியறையாக மாற்றி, கர்ப்பக் கிரகம் என்ற பெயருக்குப் பொருத்தமாக கர்ப்பத்தை உண்டாக்கும் லீலையில் ஈடுபட்டானே - அவன், பெரியாரின் பேச்சையும் வீரமணியின் எழுத்தையும் அறிந்தபின்தான் நடந்து கொண்டான் என்று சொன்னாலும் சொல்லுவார்.

கற்பைப் பற்றி பெரியார் சொல்வது என்ன?

கட்டுப்பாட்டிற்காகவும், நிர்ப்பந்தத்திற்காகவும் கற்பு ஒரு காலமும் கூடாது - கூடவே கூடாது. வாழ்க்கை ஒப்பந்தத்திற்காகவும், காதல் அன்பிற் காகவும் இருவரையும் கற்பு என்னும் சங்கிலி எவ்வளவு வேண்டுமானாலும் இறுக்கிக் கட்டட்டும். அதைப்பற்றி எனக்குக் கவலையில்லை. ஆனால் ஒரு பிறவிக்கு ஒரு நீதி என்ற கற்பு மடத்தனம். அடிமைப்படுத்துவதில் - ஆசை மூர்க்கத்தனமே அல்லாமல், அதில் கடுகளவு யோக்கியமும், நாணயமும், பொறுப்பும் இல்வே இல்லை.

(நூல்: வாழ்க்கைத் துணை நலம்' 13ஆம் பதிப்பு, பக்கம் 35)

கற்பைப்பற்றி பெரியார் சொல்லும் கருத்து இதுதான். பெண்களுக்குதான் கற்பு - ஆணுக்கு அல்ல என்று சொல்லுவது என்ன யோக்கியதை?  ஆண் சம்பந்தமின்றி பெண்ணின் கற்பு கெடுகிறதா?

உண்மை இவ்வாறு இருக்க குருமூர்த்தி தந்தை பெரியார் கருத்தைத் திரித்துக் கூறுவது அசல் பித்தலாட்டமே!

உண்மையைச் சொல்லப்போனால் அந்தக் காஞ்சிபுரத்துக் காரன் காஞ்சி மடாதிபதி - அவர்களின் ஜெகத் குரு ஜெயேந்திர சரஸ்வதியின் அருள்வாக்குப் பெற்று தான் அப்படி நடந்து கொண்டிருப்பான் என்பதைவிட அவரைப் பார்த்துத்தான் - அவர் வழியில் இந்த லீலையில் ஈடுபட்டிருப்பான்.

பொள்ளாச்சியில் தங்கள் காம வெறிக்குப் பலியாகிய அந்தப் பெண்களின் நிர்வாணத்தைப் படம் எடுத்து எடுத்து, அதனைக் காட்டிக் காட்டி மீண்டும் மீண்டும் அந்தப் பெண்களை வேட்டையாடினார்களே கயவர்கள், அவர்கள் கூட இந்த காஞ்சிக் கயவன் தேவநாதனிடமிருந்து தான் கற்றிருக்க வேண்டும்.

காஞ்சிபுரம்தான் அப்படி என்றால் ஜீயர் குடியிருக்கிறாரே சிறீவில்லிபுத்தூரில் - அந்த ஆண்டாள் குடி கொண்ட அந்த ஊரில் பத்ரிநாத் என்ற பார்ப்பான் கோயில் கருவறைக்குள் காமரசம் குடித்தானே - அவன் யார் வழியில் நின்று அந்த லீலையை நடத்தினான்?

குஜராத் மாநிலம் தபோய் - வட்தால் சுவாமி நாரா யணன் கோயில் அர்ச்சகப் பார்ப்பனன் சந்த், தேங்வல்லம் ஆகிய பார்ப்பனர்கள் அக்கோயிலுக்கு வரும் பக்தை களைக் கோயிலுக்குள்ளிருக்கும் அர்ச்சகப் பார்ப்பனர் களின் குடியிருப்பில் வைத்துச் சூறையாடினார்களே - அதனை சந்தேஷ் எனும் இணையதளமும் வெளியிட்டு சிரிப்பாய்ச் சிரித்ததே அந்த அர்ச்சகப் பார்ப்பனக் கயவர்கள் கற்றுக் கொண்ட இடம் 'காம'கோடிகளிடத்திலா?

சோவுக்கு'ப் பதில் சொல்வாரா குருமூர்த்தி?

கேள்வி: அரசியல்வாதி ஆவதற்கு என்ன தகுதி வேண்டும்? ஆன்மிகவாதி ஆவதற்கு என்ன தகுதி வேண்டும்? நடிகராவதற்கு என்ன தகுதி வேண்டும்?

பதில்: அரசியல்வாதி ஆவதற்குப் பொய் சொல்லத் தெரிய வேண்டும். ஆன்மிகவாதியா வதற்குப் பொய்யை அருள் வாக்காக மாற்றத் தெரிந்திருக்க வேண்டும். நடிகராவதற்கு உண்மை யாகவே நடிக்கத் தெரிந்திருக்க வேண்டும்.

- துக்ளக்' 26.10.2016, பக்கம் 23

ஆன்மிகத்தின் யோக்கியதை இந்தத் தரத்தில் இருக்கிறது -குருமூர்த்திகளின் வழிகாட்டி சோ' ராமசாமி இதை துக்ளக்கில்' எழுதியிருக்கிறாரே, குருமூர்த்திகளே! உங்கள் முகத்தை எங்கே கொண்டு போய்ப் புதைத்துக்கொள்ளப் போகிறீர்கள்?

அட, அது கிடக்கட்டும் இவர்களின் வாத்தியாரான 'லோகக் குரு' காஞ்சி சங்கராச்சாரியார் ஜெயேந்திர சரஸ்வதி காஞ்சி சங்கரமடத்தை பள்ளியறையாக்கி 'பலான' வேலையில் ஈடுபட்டாரே அவரும் பெரியார், வீரமணி ஆகியோரின் பேச்சுகளைக் கேட்டு கெட்டுப் போனவர் தானா?

பிரபல எழுத்தாளரான அக்கிரகாரத்துப் பெண்மணி அனுராதா ரமணன் சொன்னது நினைவிருக்கிறதா - குருமூர்த்தி வாளே!

காஞ்சிமடத்தில் பேசிக் கொண்டிருக்கும்போதே, தன் கையைப் பிடித்து இழுத்தார் சங்கராச்சாரியார் என்று கண்ணீரும் கம்பலையுமாக தொலைக்காட்சியில் பேட்டி கொடுத்தாரே - அதற்குப் பிறகாவது அந்தக் காஞ்சி சங்கரனை மடத்திலிருந்து 'வெளியே போ' என்று எந்த அக்கிரகாரராத்திலிருந்து ஒரு குரலாவது கொடுத்த துண்டா?

இதில் என்ன வெட்கக்கேடு என்றால், அய்யயோ... ஒழுக்கம் கெட்டு போகிறதே என்று மூக்கால் அழும் இந்தக் குருமூர்த்தி அய்யர்தான் இந்த விடயத்தில் சங்கராச்சாரி யாருக்கு வக்காலத்து வாங்கி பாதிக்கப்பட்ட பெண்ணான அனுராதா ரமணனைப் பற்றிப் பொய்யும் புனை சுருட்டுமாக அபாண்டச் சேற்றை வாரி இறைத்து இதே 'துக்ளக்'கில் எழுதவில்லையா?

குருமூர்த்தியாருக்கு பதிலடி கொடுத்து அனுராதா ரமணன் சீறி எழவில்லையா? அதற்கு ஒரு வரி பதில் சொல்ல முடியாமல் ஓடி ஒளிந்த இந்த வெட்கம் கெட்டது களுக்குப் பேனா ஒரு கேடா?

பொள்ளாச்சிக்கு முந்தியது காஞ்சி மடத்தின் பொல்லா சம்பவமாயிற்றே!

பட்டப்பகலில் காஞ்சி வரதராஜ பெருமாள் கோயிலில் அதன் மேலாளர் சங்கரராமன் படுகொலை செய்யப் பட்டாரே, அந்த சங்கரராமன் உயிரோடு இருந்தபோது சோம சேகர கனபாடிகள் என்ற பெயரில் எழுதி "ஜெயேந்திரரின்  ஆன்மீகமும் அரசியலும்" - எம்.ஆர்.ரகுநாதன் என்று ஒரு நூல் வெளிவந்துள்ளதே - அதில் காஞ்சி ஜெகத் குரு ஜெயேந்திர சரஸ்வதியின் கும் மாளமும், லீலைகளும் வண்டி வண்டியாகக் கப்பலேற்றப் பட்டுள்ளதே - அந்த ஜெயேந்திரர் கற்றுக் கொண்டது எல்லாம் தாருகாவனத்து ரிஷிப் பெண்களின் கற்பைச் சூறையாடிய சிவனிடத்திலிருந்தா? அல்லது பெற்ற மகள் சரஸ்வதியையே பெண்டாண்ட பிர்மாவிடமிருந்தா?

அல்லது தந்தையைக் கொன்று தாயைப் புணர்ந்த பக்தனுக்கு மோட்சம் அளித்தானே சிவன் - அந்தத் திருவிளையாடல் புராணத்து மாபாதகம் தீர்ந்த படலத்தின் பாடத்தைப் பிடித்து மோட்சம் போக இத்தகைய வேலைகளில் ஈடுபட்டாரா காஞ்சி சங்கராச்சாரியார்?

அய்வருக்கும் தேவியாக இருந்ததோடு ஆறாவது,  கர்ணனையும் கண்ணடித்த ஒரு பெண்தானே ஆரியக் கண்ணோட்டத்தில் அழியாத பத்தினி?

உடம்பில் நெய்யைத் தேய்த்துக் கொண்டு குழந்தை பெறுவதற்காக யாருடனும் உடலுறவு கொள்ளலாம் என்பது தானே இந்து சாஸ்திரம்!

சிவன் - பார்வதி கல்யாணத்தில் புரோகித வேலை பார்த்த பிர்மா, பார்வதியின் சேலை விலகிய நிலையில் நிலை தடுமாறி என்ன செய்தான்? எழுதவே கை கூசுகிறதே!

உண்மையைச் சொல்லப்போனால்  கேடு கெட்டு இத்தகைய கேவலத்தில் ஈடுபடுவதற்கே காரணம் இந்த இந்து மதம் தான். அதன் ஒவ்வொரு செதிலுமே ஆபாசத்தின் முடைநாற்ற மெடுக்கும் சாக்கடைக் குட்டைதானே - மறுக்க முடியுமா?

இந்து மதத்தை ஏற்றுக் கொண்டு, இந்துக் கடவுள்களையும்  ஏற்றுக் கொண்டவன் ஒழுக்கம் உள்ளவனாக இருக்க வேண்டிய அவசியமில்லையே! - 12 வருடங்கள் பாவம் செய்து விட்டு, 12 வருடத்துக்கு ஒரு முறை கும்பகோணத்தில் வரும் மகா மகத்தில் மகாமகக் குளத்தில் ஒரு முழுக்குப் போட்டுவிட்டால், பாவங்கள் அந்தச் க்ஷணமே ஓட்டம் பிடித்து விடும் என்று சொல்லுகிற மதத்தில் ஒழுக்கத்தோடு வாழ்பவன் தானே பைத்தியக் காரனாக இருக்க முடியும்!

தந்தை பெரியார் யார் தெரியுமா?

"ஒழுக்கம் பொதுச் சொத்து - பக்தி தனிச் சொத்து" என்று சென்னைப் பச்சையப்பன் கல்லூரியில் (24.11.1964) பேராசிரியர்கள், மாணவர்கள் மத்தியில் சொன்னது மட்டுமல்ல - வாழ்நாள் முழுவதும் வாழ்ந்து காட்டியவர்! புரட்சிக்கவிஞர் மொழியில் சொல்ல வேண்டுமானால் "மிக்க பண்பின் குடியிருப்பு" - அவர்தாம் பெரியார்!

ராஜாஜிக்கே பொறுக்க முடியவில்லையே!

"வியாசர் விருந்து!" என்ற தலைப்பிலும், "சக்கரவர்த்தித் திருமகன்" என்ற தலைப்பிலும் மகாபாரதத்தையும், இராமாயணத்தையும் கல்கி'யில் தொடராக ராஜாஜி எழுதி வந்தது அன்பர்களுக்குத் தெரியும். அதன் பின்னர் பாகவதத்தை எளிய தமிழில் எழுதலாமே என்று சதாசிவம் தமது யோசனையை ராஜாஜியிடம் வெளியிட்டார். அதற்கு ராஜாஜி கூறிய பதில் சிந்திக்க வைப்பதாகும்.

"சதாசிவம்! எனக்கு பாகவதத்தை எழுதுவதில் நாட்டமில்லை. அதில் பகவானின் லீலைகளும், அற்புதங்களும் மிகுதியாக உள்ளன" என்று குறிப்பிட்டுள்ளார்.

(கல்கி' 4.10.2009, பக்கம் 72)

இதன் பொருள் என்ன?

பாகவதம் என்ற பகவான் நூலே ஒழுக்கக் கேடானது - ஆபாசமானது - கடவுள் லீலைகள் எல்லை கடந்தது என்றால், இவற்றை நம்பும், மதிக்கும், துதிக்கும் மக்களின் ஒழுக்கத்தின் நிலை என்னாவது?

நினைவிருக்கட்டும், சொல்லுபவர் ராஜாஜி!

ஆனால் இவர்களின் சீனியர் சங்கராச்சாரியார் மறைந்த சந்திரசேகரேந்திர சரஸ்வதி என்ன சொல்லுகிறார்?

"நல்ல ஒழுக்கம் இருந்தால் போதுமென்றும், கடவுள் அவசியம் இல்லை என்றும் சிலர் கூறுகின்றனர். இது தவறான கருத்து. கடவுள் அருள் இல்லையானால் ஒரு நபருக்கோ நாட்டுக்கோ விமோசனம் ஏற்பட முடியாது" ('கல்கி', 8.4.1958).

ஒழுக்கம் முக்கியம் என்கிற பெரியார் எங்கே? ஒழுக்கம் முக்கியமல்ல. கடவுள்தான் முக்கியம் என்கிற 'பெரிய வாள்' எங்கே?

அப்படியாக இவர்கள் சொல்லும் அந்தக் கடவுளே ஒழுக்கம் உடையதாக இல்லையே.

பெற்ற மகளையே பெண்டாண்டவன் இவர்தானே படைப்புக் கடவுள்.

சலந்திரன் மனைவி விருந்தை மீது மோகம் கொண்டு சலந்திரனை சூதால் கொன்று, அவனைப் போல வேடம் கொண்டு விருந்தையைச் சூறையாடிய மகா விஷ்ணு தானே இந்து மதத்தின் காத்தல் கடவுள்! தாருகாவனத்து ரிஷிப் பத்தினிகளின் கற்பை அழித்த சிவன்தானே இவர்களின் அழிக்கும் கடவுள்!

ஹிந்து மதத்தில் மும்மூர்த்தி கடவுள்களும் இந்த யோக்கிய தையில் இருக்க, இந்தக் கடவுள்கள் மீது பக்தி இருப்பது தான் முக்கியம் என்று பார்ப்பனர்களின் லோகக்குரு கூறுகிறார் என்றால் அப்படிக் கூறுகிறவர்களின் ஒழுக்கத்தைத்தான் எடை போட்டுப் பார்க்க வேண்டும்.

இதுவரை துக்ளக் எடுத்துக் கொடுத்து 'விடுதலை' திருப்பி யடித்த ஒன்றுக்காவது 'துக்ளக்' பதில் அளித்ததுண்டா? திராணி இருந்தால் இந்தக் கட்டுரைக்குப் பதில் சொல்லட்டும் பார்க்கலாம்!

ஏனென்றால் இன்னும் அவிழ்த்துக் கொட்ட எம்மிடம் டன் கணக்கில் ஆதாரங்கள் உண்டே!

அன்னை மணியம்மையார் நூற்றாண்டு விழாவையொட்டி வந்த அவரது 41ஆம் ஆண்டு நினைவு நாளும் இவ்வாண்டு எழுச்சியுடன் நடைபெற்றது.

அய்யா, அம்மா சிலைகளுக்கும், நினைவிடங்களுக்கும் மலர் வளையம், மரக்கன்றுகள் நடுதல் இவற்றோடு முக்கியமாகக் குறிப்பிடத்தக்கது.

அன்னை மணியம்மையார் பவுண்டேஷன்  சார்பாக லால்குடியையடுத்த தச்சன்குறிச்சி என்னும் கிராமத்தில் ஈ.வெ.ரா. மணியம்மையார் நூற்றாண்டு மெட்ரிக் பள்ளிக்கான அடிக்கல் நாட்டுவிழா. நேற்று சென்னைப் பெரியார் திடலில் நடைபெற்றது.

நமது நிதி ஆலோசகர் ச. இராசரத்தினம் அவர்கள் தலைமையில் காணொலி காட்சி மூலம் அடிக்கல் நாட்டு நிகழ்ச்சியை நடத்திக் கொடுத்தார் தமிழர்தலைவர் ஆசிரியர் கி. வீரமணி அவர்கள்.

பெரியாருக்குப்பின் இயக்கத்தையும், அறக்கட்டளையை யும் காப்பாற்றிக் கொடுத்த மணியம்மையார் அவர்களுக்குச் செய்ய வேண்டிய சிறப்புகளை எல்லாம் நமது ஆசிரியர் செய்து வருவதைச் சிறப்பாகச் சுட்டிக் காட்டினார் வரியியல் அறிஞர் இராசரத்தினம் அவர்கள்.

அன்னை மணியம்மையார் நூற்றாண்டையொட்டி  'ஈ.வெ.ரா. மணியம்மை பவுண்டேஷன்'  அமைக்கப்பட்டதன் நோக்கம் குறித்தும் அதற்கு ஆதரவு பெருகி வரும் வகையில்  நன்கொடைகளைக் கழகத் தோழர்களும், ஆதரவாளர்களும் அளித்து வருவது குறித்தும், லால்குடி அருகே தச்சன்குறிச்சியில் ஈ.வெ.ரா. மணியம்மை நூற்றாண்டு மெட்ரிக் பள்ளி தொடங்கப்படுவதற்கு இன்று அவர் நினைவு நாளில் பள்ளிக்கான அடிக்கல் நாட்டு விழா நடைபெற்றுக் கொண்டிருப்பது குறித்தும் உணர்வு பொங்க கருத்துக்களை வெளியிட்டார் தமிழர் தலைவர்.

கருத்தரங்கம்

தொடர்ந்து நடிகவேள் எம்.ஆர். இராதா மன்றத்தில் அன்னையாரின் நினைவு நாள் கருத்தரங்கம் திராவிடர் கழக துணைப் பொதுச் செயலாளர் பொறியாளர் ச. இன்பக்கனி தலைமையில் தொடங்கியது.

பெரியார் பெருந்தொண்டர் க. பார்வதி வரவேற்புரையாற் றினார். கழகப் பிரச்சார செயலாளர் வழக்குரைஞர் அருள் மொழி தொடக்கவுரை  - அறிமுகவுரையாற்றினார்.

அன்னை மணியம்மையார் பற்றி குறிப்பிடும் பொழு தெல்லாம் தந்தை பெரியார் நீண்ட காலம் வாழ்வதற்குத் தன்னை அர்ப்பணித்துக் கொண்டவர், பெரியாருக்குப் பின் இயக்கத்தையும், அறக்கட்டளையையும் காப்பாற்றியவர் என்று சொல்லப்படுவது வழக்கமாகும். மணியம்மையார் அவர்கள் வயது 25 இருக்கும் பொழுது பொதுத் தொண்டாற்ற முன் வந்தார் என்பது குறிப்பிடத் தக்கதாகும். அந்த வயதில் எளிதாக யாருக்கும் அத்தகு தொண்டுள்ளம் வருவது இயல்பான ஒன்றல்ல. அதைவிட பெரியாரின் நம்பிக்கைக்கு உரியவராக அவர் இருந்தார் என்பதுதான் தலையானது. பெரியார் ஒருவரை நம்பினார் - கணித்தார்  என்றால் அது சாதாரணமானதல்ல என்று பிரச்சார செயலாளர் குறிப்பிட்டது கவனிக்கத்தக்க ஒன்றாகும்.

அன்னையார் மீது ஏவப்பட்ட பழிச் சொற்களும், வசவுகளும் ஏராளமானவை. பெரியாரிடம் ஏராளமான சொத்துக்கள் இருந்தன. அவற்றை அனுபவிக்க ஒருவர் வந்ததில் என்ன ஆச்சரியம் இருக்க முடியும் என்றுகூட சிலர் நினைக்கலாம். அந்த நினைப்பு அப்பட்டமாய் தவறானது என்பதற்கு என்ன அடையாளம் என்றால், அந்தச் சொத்துக் களின் பலனை - பயனை எந்த வகையிலும் மணியம்மையார் அனுபவித்தவர் இல்லை.

தலையைக்கூட சீவாமல் இயக்கத்திற்குத் தலைமை வகித்தவர் அன்னை மணியம்மையார் என்று அழகாகக் குறிப்பிட்டார் அருள்மொழி.

பொள்ளாச்சி வன்கொடுமையைப் பற்றிச் சொல்லும் பொழுது, பெண்கள் தாங்கள் பாதிக்கப்பட்டதைக் கூட சொல்லுவதற்குத் துணிவு இல்லை, தயக்கம் இருக்கிறது, வெளியில் தெரிந்தால் நம் எதிர்காலம் என்னாவது என்ற எண்ணம் நிலவி வரும் ஒரு கால கட்டத்தில், தங்களுக்கு ஏற்பட்ட அநீதிகளை எடுத்துச் சொல்லவும், பரிகாரம் தேடவும் ஒரு இடம் இருக்கிறது - அது பெரியார் திடல் என்ற நம்பிக்கை வளர்ந்து வருகிறது - டாக்டரிடம் பரிசோதனைக்காக செல்லும் ஒரு பெண்தன் உடலைக் காட்டும் மனநிலையை ஒப்பிட்டு இதனைக் கூறினார் பிரச்சார செயலாளர்.

ஊடக இயலாளர் இரா. உமா

கலைஞர் தொலைக்காட்சி ஊடக இயலாளர் உமா தன் உரையில் குறிப்பிட்டதாவது: தன் வாழ்வை எவர்  தீர்மானித்துக் கொள்கிறார்களோ அவர்தான் தலைவர் ஆகும் தகுதி உடையவராக இருக்க முடியும். அதற்கு எடுத்துக்காட்டானவர்தான் நமது அன்னை மணியம்மையார்.

சிறு வயது முதற் கொண்டே தன்னைச் சுற்றி நிகழும் உரையாடல்கள் அவரிடத்தில் தந்தை பெரியார் மீதான தாக்கத்தை ஏற்படுத்தியிருக்க வேண்டும். சிறு வயதிலேயே பெரியாருக்கு எந்தவகையிலாவது உதவிட வேண்டும் என்ற எண்ணம் அவரை உந்தித் தள்ளியது.

அன்னை மணியம்மையார் அவர்களின் கொடியேற்று விழா உரையை நான் படித்திருக்கிறேன் தேசியக் கொடியில் தொடக்கத்தில் முதலில் வெள்ளை, இரண்டாவது பச்சை, மூன்றாவது சிவப்பு இருந்தது; அதற்குப் பிறகு பச்சை, வெள்ளை மூன்றாவது சிகப்பு என்பது காவி வண்ணமாக மாறியதை எல்லாம் அம்மா அவர்கள் தன் உரையில் குறிப்பிட்டுப் பேசியிருக்கிறார்கள். அந்தக் காவியின் அபாயம் நமக்கு இப்பொழுது நன்றாகவே புரிகிறது.

இன்றைய தினம் இணைய தளங்களின் போக்கினைக் குறித்தும் உமா கருத்துத் தெரிவித்தார். நாம் செய்யும் பதிவுகளுக்கு, விடைகளுக்குப் பதில் கூற முடியாதவர்கள் கீழ்த்தரமான விமர்சனங்களில் இறங்குகிறார்கள். நாங்கள் அஞ்சுவதில்லை. அவற்றையெல்லாம் புறந்தள்ளி பதிலடி கொடுத்து வருகிறோம். அன்னை மணியம்மையார் சந்திக்காத ஏச்சுகளா - அவதூறுகளா - பழிச் சொற்களா? அந்த வகையில் அன்னையார் தான் எங்களுக்கு வழிகாட்டி என்று மிகப் பொருத்தமாக சொன்னார் உமா.

சட்ட எரிப்புப் போராட்டத்தில் சிறையில் மரணமடைந்த இரு கருஞ்சட்டைத் தோழர்கள் சிறைக்குள்ளேயே புதைக் கப்பட்டனர். அன்னை மணியம்மை அவர்கள் முதல்அமைச்சர் காமராசர் வரை சந்தித்து, புதைக்கப்பட்ட பிணங்களைத் தோண்டி எடுக்கச் செய்து அந்த ஜாதி ஒழிப்பு வீரர்களின் பிணங்களை திருச்சி மாநகரில் கம்பீரமாக ஊர்வலமாக எடுத்துச் சென்றாரே - அந்தச் செயல் அன்னையாரின் போராட்டப் பெருங் குணத்துக்கோர் எடுத்துக்காட்டு என்றும் குறிப்பிட்டார்.

நான் எப்பொழுதும் உரிமையுடன் நினைப்பது  - நமக்கு என்று ஒரு இடம் இருக்கிறது அது பெரியார் திடல் - நமது உரிமைக்குரலை ஒலிப்பதற்கென்று - ஓரிடம் பெரியார் திடலே என்று சொன்ன உமா இறுதியாக அன்னை மணியம்மையாரின் பிறந்த நாளான மார்ச்சு 10ஆம் தேதியை தமிழகப் பெண்கள் உரிமை நாளாக தமிழ்நாடு அரசு அறிவிக்க வேண்டும் என்று முத்தாய்ப்பாக கூறினார்.

பேராசிரியர் முனைவர் திராவிட ராணி

தஞ்சை குந்தவை நாச்சியார் அரசுக் கல்லூரியின் தமிழ்த் துறைப் பேராசிரியர் முனைவர் திராவிடராணி அவர்கள் தன்னுரையில் குறிப்பிட்டதாவது:

திராவிடர் கழக மாநாட்டுப் பந்தலில் தொட்டில் கட்டி அதில்  வளர்ந்தவள் தான் இந்தத் திராவிடராணி  என் தந்தை காவல்துறையில் பணியாற்றியவர். தந்தை பெரியார் கொள்கைகளை, திராவிடர் கழகக் கொள்கைகளை, எனக்குச் சிறு வயது முதற் கொண்டே ஊட்டி வளர்த்தவர் என்  தந்தையார் என்று பெருமிதமாகக் குறிப்பிட்டு தன் பேச்சைத் தொடங்கினார்.

யார் சொன்னாலும், சொல்லாவிட்டாலும் இது திராவிட இயக்க மண்தான் - பெரியார் பூமிதான். அதன் காரணமாகத்தான் திராவிட இயக்கத்தைத் தவிர வேறு யாராலும் ஆட்சிக்கு வர முடியவில்லை.

தந்தை பெரியாரைப் பாராட்டப் பலரும் இருக்கிறார்கள் - அதனால் அவர்கள் பெருமையும் கொள்கிறார்கள். ஆனால் பெரியார் கொள்கையைக் கடைப்பிடிக்கின்றவர்கள்தான் திராவிடர் கழகத் தோழர்கள் - பாராட்டுவது என்பது வேறு, கொள்கையைக் கடைப்பிடிப்பது என்பது வேறு.

நாம் அணிந்திருக்கும் கருப்பு உடையின் அடையாளம் இன்னும் நாம்  அடிமைத்தளத்தில்,  உழலுகிறோம் என்பதற்கான அடையாளம்!

அன்னை மணியம்மையார்பற்றி நாட்டு மக்களுக்கு குறிப்பாகக் கிராமப் பகுதிகளுக்கு எடுத்துச் சொல்ல வேண்டும். பள்ளிப் பாடங்களில் அவர்கள் பற்றிய பாடங்கள் சொல்லிக் கொடுக்கப்பட வேண்டும்.

இராமாயணம், மகாபாரதம் கற்பனைக் கதைகள் - உண்மையில் நடந்தவையல்ல; அவற்றை எல்லாம் சொல்லிக் கொடுத்துக் கொண்டிருக்கிறோம். ஆனால் உண்மையில் வாழ்ந்த வரலாறு படைத்த மாந்தர்களைப் பாடத் திட்டத்தில் வைக்கத் தயங்குவது சரியல்ல.

பெரியாருக்குப் பிறகு நிறுவனப்படுத்தியது - நூல்கள் வெளியீடு என்பவற்றை முறைப்படுத்தியவர் அன்னை மணியம்மையார் என்று புகழாரம் சூட்டினார் பேராசிரியர் திராவிட ராணி அவர்கள்.

என்னைப் பொறுத்தவரை போதிய படிப்பறிவு இல்லாத குடும்பத்தில் பிறந்தவள், ஜாக்கெட் போடக் கூடாது என்று ஆக்கப்பட்ட குடும்பத்தில் இருந்து வந்தவள், செருப்புப் போடக் கூடாது என்று உரிமை மறுக்கப்பட்ட குடும்பத்திலிருந்து வந்தவள் - இன்று இவற்றையெல்லாம் அணியும், அனுபவிக்கும் நிலைக்கு உயர்ந்ததற்குக் காரணம் தந்தை பெரியாரே என்று முத்திரை பதித்தார் முனைவர் திராவிடராணி (அவருக்கு "அன்னை மணியம்மையார் களஞ்சியம்" எனும்  நூலை பரிசளித்தார் தமிழர் தலைவர்).

தமிழர் தலைவர் தெரிவித்த பல்வேறு தகவல்கள்

திராவிடர் கழகத் தலைவர் ஆசிரியர் கி. வீரமணி அவர்கள் தம் உரையில் முக்கியமாகக் குறிப்பிட்டதாவது:

அன்னை மணியம்மையார் அவர்கள் நெருக்கடிக் காலம் என்னும் நெருப்பாற்றைத் தாண்டி வந்தவர். 'விடுதலை' ஏட்டுக்குத் தணிக்கை என்ற பெயரால் தொல்லை, இன்னொரு பக்கம் வருமான வரித் துறையின் தொல்லை, இயக்கத்திற்கு வரும் வாடகை உள்ளிட்ட வருவாய்களை வருமான வரித் துறைக்குத் திருப்ப வேண்டும் என்று உத்தரவு போட்டனர். இந்த சவால்களை எல்லாம் சந்தித்தவர் அம்மா அவர்கள்.

மிசா சிறையிலிருந்து நாங்கள் விடுதலை செய்யப்பட்டோம். வருமான வரித்துறை அதிகாரியைச் சந்தித்து நியாயம் கேட்டேன்.

வருமான வரித்துறைக்கு நாங்கள் செலுத்த வேண்டிய வரி பாக்கியை தவணை முறையில் செலுத்தத் தயார் - நாங்கள் கல்வி நிறுவனங்களை நடத்துகிறோம், இயக்க ஏடுகளை நடத்துகிறோம், அதற்குப் பணம் தேவைப்படுகிறது என்று சொன்னபோது வருமானவரித்துறையின் அந்த அதிகாரி என்னிடம் சொன்னார், உங்கள் இயக்கத்தைச் சேர்ந்தவர்கள் கையொப்பமிட்டு இந்தக் கடிதத்தை எங்களுக்கு அனுப்பியுள்ளார்கள்' என்று சொல்லி, அந்தக் கடிதத்தை என்னிடம் காட்டினார்.

அடுத்து அவர் சொன்னதுதான் அதிர்ச்சிக்குரியது. வருமான வரித் தொடர்பானதாவாவைத் தீர்த்துக் கொள்வதற்கு சுலமபான ஒரே வழி - 'விடுதலை' ஏட்டை நிறுத்தினால் போதும் என்றார்.

ஒரு பக்கத்தில் எனக்கு அதிர்ச்சி! அப்பொழுது அந்த அதிகாரியிடம் சொன்னேன். 'விடுதலை'  ஏட்டை நிறுத்த ஒப்புக் கொண்டு விட்டால் எங்கள் தோழர்களை எங்களால் சந்திக்க முடியாது. இரண்டாவது எங்கள் தோழர்கள் பல்லாயிரக்கணக்கில் திரண்டு, நேராக உங்கள் வருமான வரித்துறை அலுவலகத்துக்கு வந்துதான் முற்றுகையிட நேரும் என்று நான் சொன்னபொழுது, "என்ன இப்படிசொல்லுகிறீர்கள்" என்று என்னைத் திருப்பிக் கேட்டார். உண்மையைத் தான் சொல்லுகிறேன் என்றேன். அதற்குமேல் மேல் முறையீடு சென்று அதில் வெற்றி பெற்றோம் என்று ஆசிரியர் கூறிய தகவல்கள் எல்லாம் பலருக்குப் புதியதாகவே இருந்தன.

நெருக்கடி நிலை காலத்தில் அம்மா என்ன செய்தார்கள்? தம் கையில் இருந்த எல்லாப் பணத்தையும் போட்டு பெரியார் திடல் முகப்பில் இருக்கும் ஏழு மாடி கட்டடத்தைக் கட்டி முடித்தார்.

இன்னொரு முக்கிய தகவலைத் தெரிவித்தார் ஆசிரியர். இந்தப் பெரியார் திடலை நமக்கு முன்னின்று வாங்கிக் கொடுத்தவர் கோவை ஜி.டி. நாயுடு அவர்கள்  - அப்பொழுது ஒரு லட்ச ரூபாய்.

பக்கத்தில் இருக்கும் 'தினத்தந்தி' பகுதியை ஆதித்தனார் வாங்கினார். இந்த இடத்தையும் வாங்கிட வேண்டும் என்று விரும்பினார்.

அய்யாவையும் சந்தித்தார் ஒரு லட்ச ரூபாய்க் கொடுத்து இந்த இடத்தை வாங்கியுள்ளீர்கள். நான்கு லட்ச ரூபாய்த் தருகிறேன், இந்த இடத்தை எனக்குக் கொடுங்கள் என்று கேட்டபோது, நாம் வாங்கிய ஒரு லட்ச ரூபாய்க்கு நான்கு மடங்கு ரூபாய்த் தருவதாக சொல்லுகிறாரே ஆதித்தனார் - கொடுத்து விடலாமாம் என்ற எண்ணம் தந்தை பெரியாருக்கு; ஆனாலும் அம்மாவின் கருத்தைக் கேட்டுச் சொல்லுகிறேன் என்று ஆதித்தனாரிடம் கூறினார் அய்யா.

அம்மாவிடம் அய்யா சொன்னபோது, அம்மாவுக்கு வந்ததே கோபம் - 'அது எப்படி?'  இது சாதாரணமான இடம் இல்லை. இயக்கத்துக்குத் தலைமையிடம். நான்கு லட்சம் இல்லை, நான்கு கோடி ரூபாய் கொடுத்தாலும் கொடுக்கக் கூடாது' என்று பிடிவாதமாக இருந்தார் அம்மா. "ஆதித்தனாரிடம் கொடுக்கிற மாதிரி சொல்லி விட்டேனே" என்று அய்யா தயங்கியபோது அம்மா அவர்கள் 'நானே ஆதித்தனாரிடம் பேசுகிறேன்' என்று கூறி, ஆதித்தனாரிடம் உண்மை நிலையைச் சொன்னபோது அவரும் அதனை ஏற்றுக் கொண்டார்.

இன்று இந்த இடத்தில் நாம் கம்பீரமாக  இருக்கிறோம், நிற்கிறோம், தலைமைக் கழகம் இருக்கிறது, 'விடுதலை' அலுவலகம் இயங்குகிறது என்றால் அதற்குக் காரணம் அம்மா அவர்கள்தான் என்று ஆசிரியர் சொன்னபொழுது பலத்த கரஒலி! கரஒலி!! தனக்கென இருந்த தனி வாழ்வைப் பொது வாழ்வுக்கு அர்ப்பணித்தவர் அன்னை மணியம்மையார்.  அந்தப் பொது வாழ்வில்  மான அவமானம் பார்க்கக் கூடாது என்பதற்கு இலக்கணமாக, எடுத்துக்காட்டாகத் திகழ்ந்தார் அம்மா என்று ஆசிரியர் கூறினார்.

வட சென்னை மகளிர்ப் பாசறை அமைப்பாளர் சுமதி கணேசன் நன்றி கூறினார். மாநில மாணவர் கழக இணைச் செயலாளர்  வழக்குரைஞர் பா. மணியம்மை நன்றி கூறினார்.

நிகழ்ச்சிக்குக் குடும்பம் குடும்பமாக ஏராளமான தோழர்கள் திரண்டு வந்தனர். மதிய உணவுக்குப் பிறகு சென்னை மாவட்ட  ஆட்சியர் அலுவலகம் அருகில் , சென்னை மண்டல மகளிரணி, மகளிர்ப் பாசறை சார்பில்  நடைபெற்ற  - பொள்ளாச்சி பெண்கள் மீதான பாலியல் வன்கொடுமையை எதிர்த்து நடத்தப் பெற்ற கண்டனப் போராட்டத்தில் கழக மகளிர் அணியினர் -  பாசறையினர் பங்கேற்றனர்.

Banner
Banner