எழுத்துரு அளவு Larger Font Smaller Font

 

கலி.பூங்குன்றன்
துணைத் தலைவர்,
திராவிடர் கழகம்

24 வயது நிறைந்த ஒரு பெண் சுதந்திரமாக தன் வாழ்க்கைத் துணை வரைத் தேர்ந்தெடுத்துக் கொள்ள சட்டப்படி உரிமை கிடையாதா?

24 வயது நிறைந்த ஒரு பெண் தன் விருப்பப்படி மத மாற்றம் செய்து கொள்ள உரிமை கிடையாதா?

சட்டப்படி அந்தப் பெண்ணுக்கு அத்தகு உரிமைகள் உண்டு தான். ஆனாலும் குடும் பம் உருட்டல், மிரட்டல் செய்கிறது. உயர் நீதிமன்றமும், உச்சநீதிமன்றமும் கூட சட்டத்தின் நிலையைத் தாண்டி உத்தரவு களைப் பிறப்பிக்கின்றன!

இவ்வளவுக்கும் முசுலிம் மதத்தில் தன்னை இணைத்துக் கொண்டு அகிலா என்ற தன் பெயரை ஹாதியா என்று மாற்றிக் கொண்ட அந்தப் பெண் +2 தேர்ச்சி பெற்று அதன்பின் சேலம் ஹோமியோபதி மருத்துவக் கல்லூரியில் பி.எச்., எம்.எஸ் படித்துக் கொண்டிருக்கிறார். தன் விருப்பப் படி ஷபின்ஜகான் என்பவரைத் திருமணம் செய்து கொண்டுள்ளார். மதம் மாறி ஓராண் டுக்குப் பிறகுதான் திருமணமும் நடந்திருக் கிறது.

சட்டப்படியான வயதில் திருமணம் செய்து கொண்டார்களா? கட்டாய மத மாற்றம் நடந்ததா? என்கிற அளவில் முடித் துக் கொள்ளப்பட வேண்டிய ஒன்று - அவ் வளவே! ஆனால் என்ன நடக்கிறது?

பிரச்சினையே அந்தப் பெண் முசுலிம் மதத்திற்கு மாறியதுதானா? ஆனாலும் அந்தப் பெண் மூளைச் சலவை செய்யப் பட்டார், மனோநிலை சரியில்லை என்று குறுக்கு வழியில் மூளை வேலை செய்கிறது. பெண்ணின் பெற்றோருக்கு ஏனிந்த புத்தி? ஆனால் அனைத்தும் அறிந்த, அனைத்து அதிகாரங்களையும் பெற்ற மெத்த படித்த நீதிபதிகளுக்கு இதெல்லாம் தெரியாமல் போயிற்றா என்ற கேள்வி எழத்தான் செய்கிறது.

உச்சநீதிமன்ற நீதிபதிகள் முன்னிலை யில் இவற்றையெல்லாம் டக் டக் என்று  தயக்கமின்றிக் கூறவே செய்தார் ஹாதியா.

பிரச்சினை முடிந்ததே - இதில் நீதி மன்றமோ, தேசிய புலனாய்வுத் துறையோ (என்.அய்.ஏ) தலையிடுவதற்கு என்ன இருக்கிறது? மனநிலை சரியில்லாத பெண் என்று சந்தேகப்பட்டால் மருத்துவரிடம் அனுப்பிட வேண்டியதுதானே!

“எனக்கு அரசு உதவி தேவையில்லை, இப்பொழுது நான் படித்துக்கொண்டிருக்கும் சேலம் சிவராஜ் ஹோமியோபதி மருத்துவக் கல்லூரியில் என் படிப்பை நான் தொடரத் தயார் - பண உதவியையெல்லாம் என் துணைவரே பார்த்துக் கொள்வார் - அவரே எனக்குப் பாதுகாப்பாகவும் இருப்பார்” என்று உச்சநீதிமன்ற நீதிபதிகளுக்கு முன்பாகவே 24 வயது நிறைந்த ஹாதியா சொன்ன பிறகும் கூட “உம் கணவன் உமக் குப் பாதுகாவலன் அல்ல - கல்லூரி முதல் வரே பாதுகாவலர்” என்றெல்லாம் நீதி மன்றம் சொல்லுவது எந்த அடிப்படையில்?

அப்படியென்றால் பெண்ணுக்குக் கண வனோ கணவனுக்குப் பெண்ணோ பாது காப்பு இல்லை என்பதுதான் இருப்பதி லேயே உச்ச அதிகாரம் படைத்த உச்சநீதி மன்றத்தின் மனநிலையா? தீர்ப்பா?

விசாரணையின் போக்கைப் புரிந்து கொண்ட மூத்த வழக்குரைஞர் இந்திரா ஜெயசிங் பொறுத்துப் பொறுத்துப் பார்த்து  குறுக்கிட்டு ஒரு கேள்வியை நறுக்கென்று கேட்டார். ‘ஹாதியா ஒரு ஆணாக இருந் திருந்தால் அவன் மூளைச் சலவை செய் யப்பட்டானா? அவன் மனநிலை எப்படிப் பட்டது? என்றெல்லாம் இந்த நீதிமன்றம் கேள்விக் கேட்டுத் துளைக்குமா?’ என்பது தான் அந்த நறுக்கான நாணயமான கேள்வி!

அத்தோடு அவர் நிறுத்திக் கொள்ள வில்லை. “ஹாதியா ஒரு டாக்டர், வயது 24, அவருக்கு உணர்வுகள் உண்டு, அவரிடம் நீங்கள் பேசுங்கள், இங்கே என்ன நடக் கிறது என்பது அவருக்கு நன்றாகவே தெரி யும்” என்று மூத்த வழக்குரைஞர் மூளும் நெருப்புச் சொற்களால் சுடச்சுட சொன்ன பிறகே கனம் நீதிபதி வாயைத் திறக்க வில்லை.

நாட்டில் நடக்கும் மதவாத அரசியல் அங்கு இங்கு எனாதபடி எங்கெங்கும் தாக் கத்தின் சூட்டை விநியோகம் செய்திருக் கிறது.

‘லவ்ஜிகாத்’ என்ற புது மொழியை உண் டாக்கி ஒரு உலுக்கு உலுக்கப் பார்க்கிறார் கள்.

நீதிமன்றமே தடுமாறுமேயானால் எங்கே போய் முட்டிக் கொள்வது?

எவ்வளவு சீக்கிரம் மதவாத தலைக் கனத்தை சமுதாயத்தின் மண்டையிலிருந்து நீக்கி இறக்க முடியுமோ, அந்த வினாடிதான் நாட்டுக்கு நல்லது. 24 வயது நிறைந்த மருத்துவம் படிக்கும் ஒரு பெண்ணுக்கே இப்படி ஒரு நெருக்கடி என்றால் யாரை நம்பி, எதை நம்பி மக்கள் நடமாடுவது?



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner