ஆசிரியர் அறிக்கை

சமூக நீதியாளர்கள் ஒன்றிணைந்து போராட உறுதி ஏற்போம்! கழகத் தலைவர் அறிக்கை



பச்சைத் தமிழர், கல்வி வள்ளல் காமராசர் பிறந்த நாளில் சமூகநீதி, மதச் சார்பின்மைக்கு எதிரான சக்திகளை முறியடிக்க ஒன்றிணைவோம் என்று திராவிடர் கழகத் தலைவர் ஆசிரியர் கி. வீரமணி அவர்கள் விடுத்துள்ள அறிக்கை வருமாறு:

'பச்சைத் தமிழர் - கல்வி வள்ளல் - தமிழ்நாட்டின் ரட்சகர்' என்றெல்லாம் நம் தந்தை பெரியார் அவர்களால் பாராட்டப் பெற்ற, மேனாள் தமிழ்நாடு முதல் அமைச்சரும், மேனாள் அனைத்திந்திய காங்கிரஸ் கட்சியின் தலைவராகவும் இருந்த - எளிமையும், இனிமையும் இணைந்து பதவிக்குப் பெருமை சேர்த்த பெம்மான் காமராசரின் 115ஆம் பிறந்த நாள் இன்று!


குலக் கல்வியைக் குழி தோண்டிப் புதைத்து, 'தகுதி, திறமை' என்ற பொய்த் திரையைக் கிழித்து ஏழை, எளிய ஒடுக்கப்பட்ட மக்கள் அனைவருக்கும் கல்வி நீரோடை நாடெல்லாம் பாயும் வரலாற்றுத் திருப்பத்தை ஏற்படுத்தினார் காமராசர்!

பார்ப்பனர்கள் 'அய்யோ கதர்ச் சட்டைக்குள் ஓர் கறுப்புச் சட்டையா?'  என்று ஓலமிட்டு, ஓங்காரமாக ஒப்பாரி வைத்தழுதனர்!
காமராசர் ஆட்சியின் சிறப்பு சமூகநீதி, மதச் சார்பின்மை, சோஷியலிசம், சுயமரியாதை - இவைகளின் காவல் அரணாக அவர் ஆட்சியும், தலைமையும் இருந்தது!

இன்று ஒரு விசித்திரம் என்ன தெரியுமா? எப்படி காலங்காலமாக டாக்டர் அம்பேத்கரை வெறுத்து ஒதுக்கி, பிறகு இப்போது அம்பேத்கரை தங்கள் முகமூடியாக்கிக் கொள்கிறார்களோ, அதே போல் காமராசரை புதுடில்லியில் பட்டப் பகலில் அவரது  வீட்டிற்குத் தீவைத்துக் கொல்ல முயன்ற அதே ஆர்.எஸ்.எஸ். பாரதீய ஜனதா என்ற பார்ப்பனியப் பாதுகாப்பு அமைப்பு - காமராசர் முகமூடியையும் அணிந்து வரத் துவங்கி விட்டது. (ஸிஷிஷி). ஏடுகளில் காமராசரை சிலாகித்து எழுதி, தங்கள் வயப்படுத்திட 'அணைத்து அழிக்கும்' அபார வேலையில் ஈடுபட்டுள்ளனர்!

டாக்டர் அம்பேத்கரைப் பின்பற்றுவோர் இந்தக் கண்ணி வெடியை அடையாளம் காணுவதும், அதைத் தோண்டி எடுத்துத் தூக்கி எறிவதும் மிகவும் முக்கியமான கட்சிப் பாதுகாப்பு பணியாகும்!

காமராசரையும் வயப்படுத்த முயற்சி!

காமராசரையும் ஏதோ தங்கள் அமைப்பைச் சார்ந்தவர்போல இளைய தலைமுறையை ஏமாற்றிட, வாக்கு வங்கி சூழ்ச்சிப் பொறியினைப் பயன்படுத்துகின்றனர்!

திருவள்ளுவர் முகமூடி, ராஜேந்திர சோழன் முகமூடி - இப்படியெல்லாம் கூட அடுக்கடுக்காக வைத்து, மோடி வித்தைகளைக் காட்டுகின்றனர்.

ராஜாஜி ஆட்சியை அமைப்போம் என்று ஏன் சொல்ல முடியவில்லை?

திடீரென பிரதமர் மோடி 'தமிழ் சிறந்த மொழி' என்று புகழ்வார். அடுத்து தமிழ் செம்மொழி என்று கலைஞரால் அரும் பாடுபட்டு உருவான அய்க்கிய முற்போக்கு கூட்டணி (ஹிறிகி) அரசின் சாதனையை அறவே ஒழித்து, பத்தோடு பதினொன்றாக்கி, அதன் தனித் தன்மையை, வளர்ச்சியை அழிக்க ஆழமாகக் குழிபறிக்கப் பார்க்கின்றனர். இவை எல்லாம் வித்தைகள்! இதே வரிசையில் காமராசரையும் 'கபளீகரம் செய்ய'த் திட்டமிட்டு புகழ்ந்து எழுதுவது ஆழ்ந்த உள்நோக்கத்துடன் கூடியது என்பதை பெரியார் மண் புரிந்தே இருக்கும். அவ்வளவு எளிதில் தமிழன் ஏமாற மாட்டான் - காமராசரின் தொண்டர்களும்கூட!

நியாயமாக இவர்கள் ராஜாஜியின் ஆட்சி அமைப்போம் என்று தானே சொல்ல வேண்டும்? ஏன் அவர்களால் அப்படி சொல்ல முடியவில்லை? காரணம் இது தந்தை பெரியார் மண் - காமராசர் ஆண்ட மண் - அண்ணா ஆண்ட மண் - கலைஞர் ஆண்ட மண்! புரிகிறதா?

'தகுதி', 'திறமை' மோசடியை விளக்கிய காமராசர் எங்கே, நீட் தேர்வு, சமஸ்கிருதம் திணிப்பு செய்யும் இவர்கள் எங்கே?
சமூக நீதியாளர்கள் ஒன்றிணைய வேண்டும்

பலிக்காது -  இவர்கள் சூழ்ச்சிகள்! இந்நாளில் சூளுரையை ஏற்று,  அத்துணை சமூக நீதியாளர்களும், மதச் சார்பின்மையில் மகத்தான நம்பிக்கை வைத்திருக்கும் மக்களாட்சி மாண்பினர்  அனைவரும் அணி திரள வேண்டிய அரிய தருணம் இது என்று கூறி  உறுதி ஏற்போம்!

சென்னை      தலைவர்
15-7-2017       திராவிடர் கழகம்

12 ஊர்களில் பெரியாரியப் பயிற்சிப் பட்டறை ஒத்துழைப்புக் கொடுத்றீதவர்கள் அனைவருக்கும் பாராட்டு நன்றி!

பிப்ரவரி தொடங்கி ஜூலை வரை 12 ஊர்களில் சிறப்பாக நடைபெற்ற பெரியாரியப் பயிற்சிப் பட்டறையின் வெற்றிக்குப் பெரிதும் காரணமாக இருந்த அனைவருக்கும் பாராட்டும் நன்றியும் தெரிவித்து திராவிடர் கழகத் தலைவர் ஆசிரியர் கி. வீரமணி அவர்கள் விடுத்துள்ள அறிக்கை வருமாறு:

இந்த ஆண்டு பிப்ரவரியில் தொடங்கி, ஜூலை 9 வரையில், பல வார விடுமுறை நாட்களில், பெரிதும் சனி, ஞாயிறு ஆகிய கிழமைகளில், தமிழ்நாடு முழுவதிலும் பல மாவட்டங்களில் நமது இளைஞர்கள், மாணவர்களுக்குப் "பெரியாரியப்" பயிற்சிப் பட்டறையை  நடத்துவது என்று தலைமைச் செயற்குழு முடிவின்படி -

நெய்வேலி, ஏலகிரி, சென்னை (பெரியார் திடல்), நெமிலி, லால்குடி, திண்டிவனம், திருத்துறைப்பூண்டி, மருங்குளம், சுருளி (தேனி மாவட்டம்), காரைக்குடி, குன்னூர், குற்றாலம் ஆகிய 12 ஊர்களில் நடத்தினோம். (நாமக்கல் மட்டும்தான் பாக்கி).

1200 இளைஞர்கள்

இதுவரை அருமையான இருபால் இளைஞர்கள், மாணவமணிகள் - பட்டதாரிகள், பட்டயதாரர்கள், பல வகை படிப்பாளிகள் உட்பட சுமார் 1200 பேர் கலந்து கொண்டு பயன் பெற்றனர்!

நம்பிக்கை

நல்ல கொள்கையாளர்களாக அவர்களில் பலரும் 'செதுக்கப்பட்டு'ள்ளனர் என்பது மகிழ்ச்சிக்குரிய ஒன்று. (கட்டுப்பாடு காத்தவர்கள் அனைவரும்) ஒரு சிலர் தவிர மற்ற அனைவரும் இயக்கத்தில் ஈடுபாடு கொண்ட எதிர்கால நம்பிக்கை நட்சத்திரங்கள் ஆவார்கள்.
40 ஆண்டு குற்றாலப் பயிற்சிப் பட்டறையும் பாடுபட்டவர்களும்

குற்றாலத்தில்  தொடர்ந்து (இடையில் ஓரிரு ஆண்டுகள் தவிர) நடைபெற்று வந்து இப்பெரியாரியப் பயிற்சி பட்டறை 40ஆவது ஆண்டு ஆகும்!
இதனைத் துவக்கக் காரணமான  பெரியார் பெரும் தொண்டர்கள் தி.ஆர். தியாகஅரசன், சிவனணைந்த பெருமாள், கீழப்பாவூர் வழக்குரைஞர் பாண்டிவளவன், பேராசிரியர் அறிவரசன், டேவிட் செல்லதுரை, டாக்டர் கவுதமன், டாக்டர் பிறைநுதல் செல்வி, பொறியாளர் சி. மனோகரன், மதுரை பே. தேவசகாயம், கோவில்பட்டி செல்லதுரை, தூத்துக்குடி தோழர்கள் காளிமுத்து, பெரியாரடியான்,  பால். ராசேந்திரம், சாமி. திராவிடமணி, நெல்லை திருமலை, நெல்லை சங்கரலிங்கம் என்று எண்ணற்றோர் உண்டு. சிலர் விடுபட்டிருக்கவும் கூடும்! (மன்னிக்க).

வரலாறான பேராசிரியர்கள்

வகுப்பெடுத்து இன்று வரலாறாகியுள்ள நமது முதுபெரும் பெரியார் பெருந்தொண்டர்கள் பெரும் புலவர் பேராசிரியர் ந. இராமநாதன், கு.வெ.கி. ஆசான், பெரியார் பேருரையாளர் இறையன், மு.நீ. சிவராசன், வழக்குரைஞர் கோ. சாமிதுரை போன்றோரை மறக்கவே முடியாது.

துவக்கத்திலிருந்து உதவிய திராவிட முன்னேற்றக் கழக குற்றாலம் பிரமுகர் பண்பாளர் திரு. இராஜராஜம் உட்பட பலரின் உதவியோடு தொடர்ந்து நடைபெற்று வந்துள்ளது.

வள்ளல் வீகேயென் அவர்களை மறக்க முடியுமா?

வள்ளல் 'வீகேயென்' கண்ணப்பனாரின் அளப்பரிய கொடை - இடம், உணவு, உபசரிப்பு எல்லாம் வாழ்நாள் முழுதும் மறக்க இயலாத பேருதவிகள்!

இவ்வாண்டு அவரை படமாகப் பார்த்த நிலையில் நம் கண்கள் குளமாகின! என்ன செய்வது இயற்கையின் இயல்பை ஏற்பதுதானே பகுத்தறிவாளர் கடமை.

இவ்வாண்டு அவரது படத்திறப்பை - அவரது மூத்த மகன் கேப்டன் 'வீகேயென்' ராஜா அவர்கள் அனுப்பி வைத்த படத்தை - திறந்து வீர வணக்கம் 'வீகேயெனு'க்குத் தெரிவித்து நான் எனது நிகழ்ச்சியைத் துவக்கினேன்.

இவ்வாண்டு கேப்டன் 'வீகேயென்' இராஜா அவர்கள் தந்தையைப் போல தனது கடமையைச் செய்தார். அவருக்கு நமது இயக்கச் சார்பில் நன்றியைத் தெரிவித்துக் கொள்கிறோம்.

அனைவருக்கும் நன்றி

மற்றும் நமக்கு எல்லா வகையிலும் இந்த பெரியாரியப் பயிற்சி (Training on Periyarism) வெற்றிகரமாகக் கடுமையாக உழைத்த நமது அமைப்புச் செயலாளர் மதுரை வே. செல்வம், பால். இராசேந்திரம், த. திருப்பதி மற்றும் தோழர்கள் அனைவருக்கும் நமது பாராட்டுகளையும், நன்றியும் தெரிவித்து மகிழ்கிறோம். (பட்டியல் 3ஆம் பக்கம் காண்க)
பயணங்கள் முடிவதில்லை!


சென்னை      தலைவர்
14-7-2017       திராவிடர் கழகம்

 

சென்னைப் பெரியார் திடலில் நேற்று நடைபெற்ற ஜனநாயக உரிமைப் பாதுகாப்பு கூட்டமைப்புக் கூட்டம் - நீட் தேர்விலிருந்து தமிழ்நாட்டுக்கு விலக்குக்கோரும் தமிழ்நாடு சட்டமன்றம் நிறைவேற்றிய இரு மசோதாக்களுக்கும் குடியரசு தலைவர் ஒப்புதல் தர வேண்டும் என்பதை வலியுறுத்தி ஜூலை 12ஆம் தேதி பெருந்திரள் ஆர்ப்பாட்டத்திற்கான அழைப்பினைக் கொடுத்துள்ளது.

முக்கியமாக மாணவர்கள், இளைஞர்கள், பெற்றோர்கள் பெருந்திரளாகக் கூட வேண்டும்.

இதற்கான முயற்சிகளில் கழகப் பொறுப் பாளர்கள், தோழர்கள் உடனடியாக ஈடுபடுமாறு கேட்டுக் கொள்ளப்படுகிறார்கள்.

கூட்டத்தில் பங்கேற்ற கட்சிகளின், இயக் கங்களின் மாணவர், இளைஞர் அமைப்புகளின் பொறுப்பாளர்களை  மற்றும் அக்கட்சிகளின் முக்கிய நிர்வாகிகளை ஒருங்கிணைத்து அவர்கள் மூலம் சம்பந்தப்பட்ட அமைப்புகளைச் சேர்ந்தவர்கள் பெருந்திரளாகப் பங்கேற்க அதிக முக்கியம் கொடுத்து ஆவன செய்யுமாறு கேட்டுக் கொள்கிறோம். இன்று முதல் அதற்கான பணிகளில் ஈடுபடுவீர்! ஈடுபடுவீர்!!

 

கி.வீரமணி

தலைவர், திராவிடர் கழகம்

ஒருங்கிணைப்பாளர்,

ஜனநாயக உரிமைப் பாதுகாப்புக் கூட்டமைப்பு

சென்னை
5.7.2017

குறிப்பு:            காவல் நிலையத்துக்கு

உடனே விண்ணப்பிக்கவும்

முதுநிலைப் பட்டம் படிக்க தேர்வு செய்யப்பட்ட அரசு மருத்துவர்களின் பட்டியலை சென்னை உயர்நீதிமன்றம் ரத்து செய்துள்ளது குறித்து திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

அரசு துறையில் பணியாற்றும் டாக்டர் கள் முதுநிலைப் பட்டப் படிப்புப் பெற தமிழ்நாட்டில் இட ஒதுக்கீடு இருந்து வந்தது. மருத்துவக் கவுன்சிலின் தேவையற்ற தலையீட்டால் அது ரத்து செய்யப்பட்ட நிலையில், தமிழ்நாடு முழுவதும் மருத்து வர்கள் தொடர் போராட்டத்தில் ஈடுபட்டனர்.

கிராமப்புறங்களில் பணியாற்றும் அரசு மருத்துவர்களுக்கு 10 முதல் 30 சதவிகித மதிப்பெண்கள் வழங்கும் ஆணை ஒன்றினை  தமிழ்நாடு அரசு வெளியிட்டது.

‘நீட்’ தேர்வில் பெற்ற மதிப்பெண்ணோடு இந்தக் கூடுதல் மதிப்பெண்ணும் சேர்க்கப் பட்டு, முதுகலைப் படிப்புக்கான முடிவுகள் அறிவிக்கப்பட்டன. அதன் அடிப்படையில் 1000 அரசு மருத்துவர்கள் முதுநிலைப் படிப்பில் சேர்ந்த நிலையில், சென்னை உயர்நீதிமன்றம் இந்தப் பட்டியலை ரத்து செய்துவிட்டது. இது ஒரு பேரிடி போன்ற நிலையாகும்.

ஏற்கெனவே அரசு பணியிலிருந்து விடுவிக்கப்பட்டு, முதுநிலைப் படிப்பில் சேர்ந்த பிறகு நீதிமன்றத்திலிருந்து இப்படி ஒரு உத்தரவா?

சமூகநீதியின்மீதுசரமாரியான தாக்கு தலை மத்திய அரசு தொடுத்துக் கொண்டுள்ளது - நீதிமன்றங்களும் அதற்குத் துணை போவது பெரும் வேதனையாகும்.

இந்தநிலைகண்டிக்கத்தக்கது! மறுபடியும் டாக்டர்கள் வீதிக்கு வந்து போராடும் நிலையை உருவாக்குவது விரும்பத்தக்கதல்ல. சமூகநீதிதான் நீதிகளில் உயர்ந்தது என்பது மட்டுமல்ல; அரசியல் சட்டத்தின் பீடிகையில் முன்னுரிமை  ஆகும்!

தமிழ்நாடு அரசு மேல்முறையீடு செய்து தமிழ்நாட்டில் கட்டிக் காக்கப்பட்டு வந்த சமூகநீதியைக் காப்பதில் கவனம் செலுத்துமாறுகேட்டுக்கொள்கிறோம்.சட்ட மன்றம் நடந்துகொண்டுள்ளதால், இதில் முக்கிய அறிவிப்பையும், எதிர்பார்க்கிறோம்!

கி.வீரமணி
தலைவர்,  திராவிடர் கழகம்.

 

17.6.2017
சென்னை

ம.தி.மு.க. பொதுச் செயலாளர்  சகோதரர் வைகோ அவர்கள் முறைப்படி விசா பெற்று, மலேசியாவில் நடைபெறும் ஒரு திருமண நிகழ்ச்சியில் பங்கேற்கச் சென்றபோது, கோலாலம்பூர் விமான நிலையத்தில் அதிகாரிகளால் தடுக்கப்பட்டார் என்ற செய்தி அதிர்ச்சிக்குரியது. விடுதலைப்புலிகளின் ஆதரவாளர் என்றும், மலேசிய அரசுக்கு ஆபத்தாளர் பட்டியலில் அவர் பெயர் இருக்கிறது என்றும் காரணம் சொல்லப்பட்டுள்ளது. மேலும்  வைகோ அவர்கள் அங்கு நடத்தப்பட்ட விதம் கண்ணியமற்றது, கண்டிக்கத்தக்கது!  இவ்வளவுக்கும் வைகோ அவர்கள் பங்கேற்கச் சென்றது பினாங்கு மாநிலத் துணை முதல்வர் வீட்டுத் திருமண நிகழ்ச்சி; அரசியல் சம்பந்தப்பட்ட எந்த நிகழ்ச்சியிலும் பங்கேற்கச் செல்லவில்லை. பினாங்கு துணை முதல்வர் தலையிட்டும், அதிகாரிகள் இசைந்து கொடுக்கவில்லை. வைகோமீது சுமத்தப்பட்ட குற்றச்சாட்டுகள் திடீரென்று 'ஞானோதயமாகப்' புலப்பட்டதா? 'விசா' கொடுக்கும்போது - அந்நாட்டின் தூதரகம் இங்கு என்ன செய்து கொண்டு இருந்தது?

வைகோ அவர்கள் பயங்கரவாதப் பட்டியலில் இடம் பெற்று இருக்கிறாரா? அது உண்மை என்றால் அதற்கான காரணம் தெரிவிக்கப்பட வேண்டாமா? விடுதலைப்புலிகளை ஆதரிப்பவர்கள் எல்லாம் பயங்கரவாதிகளா? அப்படியென்றால் தமிழ்நாட்டையே அந்தப் பட்டியலில் சேர்க்கப் போகிறார்களா!

எந்த வகையில் பார்த்தாலும் மலேசிய அரசு வைகோ பிரச்சினையில் நடந்து கொண்டது கண்டிக்கத்தக்கதே!

ஓர் இந்தியக் குடி மகனுக்கு இழைக்கப்பட்ட அநீதிக்கும், அவமானத்துக்கும் பொறுப்பேற்று இந்திய அரசாங்கம் துரிதமாக மலேசிய அரசுடன் தொடர்பு கொண்டு, இதற்கான தீர்வு எட்டப்பட வேண்டும்.  தனிப்பட்ட வைகோ அவர்களுக்கு ஏற்பட்டது என்று இதனைக் கருதக் கூடாது; கட்சிமாச்சரியங்களுக்கு அப்பாற்பட்டு இந்தப் பிரச்சினையை அணுக வேண்டும்.

 

கி.வீரமணி
தலைவர், திராவிடர் கழகம்

Banner
Banner