ஆசிரியர் அறிக்கை

தி.மு.க. செயல் தலைவர்

தளபதி மு.க.ஸ்டாலினுக்கு தாய்க்கழகம் வாழ்த்து!

தி.மு.க.வின் பொருளாளராகப் பணியாற்றி வந்த தளபதி மு.க.ஸ்டாலின் அவர்கள், தி.மு.க. பொதுச்செயலாளர் இனமானப் பேராசிரியர் க.அன்பழகன் அவர்களால் முன்மொழியப்பட்டு, இன்று (4.1.2017) நடை பெற்ற தி.மு.க. பொதுக்குழுவில் கட்சியின் செயல் தலைவராக ஒரு மனதாகத் தேர்வு செய்யப்பட்டுள்ளார் என்பது மகிழ்ச்சிக் குரியதாகும்.

தி.மு.க. தலைவர் முத்தமிழ் அறிஞர் கலைஞர் அவர்களின் உடல்நலம் கருதியும், ஓய்வு கருதியும் சிறப்பான பணிகள் தொடரவும், இந்த அருமையான முடிவு எடுக்கப்பட்டுள்ளது.

தமிழ்நாட்டின் அரசியலில் இது ஒரு முக்கியமான திருப்பமாக அமையும் வகையில், அவர்தம் செயல்பாடுகள் அமையும் - அமைய வேண்டும் என்ற எதிர்பார்ப்போடு தாய்க்கழகம் உரிமையோடு பாராட்டுகிறது - வாழ்த்துகிறது!

கழகப்பொருளாளராகஇருந்துஅரும் பணியாற்றியுள்ளார். இப்பொழுது அதிகாரப் பூர்வமான இந்த அறிவிப்பின்மூலம் செயல் தலைவராகியுள்ள நிலையில், மேலும் அவருக்கு இது வலிமையைக் கொடுக்கும் - சேர்க்கும் என்பதில் அய்யமில்லை.

தமிழ்நாட்டில் ஆரோக்கியமான அரசியல் வளர இது பயன்படும்.

திராவிடர்இயக்கக்கொள்கைகள்,சித் தாந்தங்கள்இவர்பொறுப்பேற்றுள்ள இந்தக் காலகட்டத்தில் மேலும் மிளிரட்டும் - வாழ்த்து கள்!

தி.மு.க. தலைவர் கலைஞர் அவர்கள் முழு நலம் பெற்று, தனது தொண்டினைத் தொடரவேண்டும் என்றும் தாய்க்கழகம் விழை கிறது.

- கி.வீரமணி

தலைவர்,  திராவிடர் கழகம்.

சென்னை 
4.1.2017

 

கடந்த ஆண்டு எத்தனையோ சோகங்களையும், துயரங்களையும் மக்களில் பலருக்கும் அளித்த ஆண்டாக அமைந்தது - வேதனைக்குரியது.

பிறக்கும் ஆண்டு, துன்பங்களை விரட்டி, துயர் துடைத்து, பகுத்தறிவால் சுயமரியாதையால் சோதனைகள் சாதனைகளாக மாற்றப்படும் ஆண்டாக மலரட்டும்!

அனைவருக்கும் புத்தாண்டு வாழ்த்துகள்!


கி.வீரமணி   
தலைவர்,    திராவிடர் கழகம்


சென்னை  1-1-2017

Banner
Banner