ஆசிரியர் அறிக்கை


சேலம் வேலூர் - பொத்தனூரில் பிறந்து பாண்டமங்கலத்தில் குடியேறி வாழ்ந்தவரும், நமது இயக்க ஆதரவாளரும், இயக்கத் தோழர்கள் மறைந்த கு. சண்முகம், டாக்டர் ஆறுமுகம், வாழும் ஓய்வு பெற்ற நீதிபதி நல்லேந்திரன் ஆகியோரின் தமக்கையாருமான திருமதி. மங்களத்தம்மாள் பாண்டமங்கலத்தில் 10.5.2018 மாலை

4 மணியளவில் காலமானார் என்பதை பெரியார் சுயமரியாதைப் பிரச்சார நிறுவனத் தலைவர் பொத்தனூர் க. சண்முகம் அவர்கள் மூலம் அறிந்து, மிகவும் வருந்துகிறோம்.
அவரை இழந்து வாடும் குடும்பத்தாருக்கும், உறவினர்களுக்கும் நமது ஆழ்ந்த இரங்கலைத் தெரிவித்துக் கொள்கிறோம்.

தலைவர்,

திராவிடர் கழகம்

 

சென்னை   
11.5.2018                             

 

ம.தி.மு.க. பொதுச்செயலாளர் அருமைச்  சகோதரர் வைகோ அவர்கள் ஸ்டெர்லைட் ஆலையை மூடுமாறு தொடர்ந்து குரல் கொடுத்து வருகிறார். இது தொடர்பாக அவர் வாகன சுற்றுப் பயணத்தை மேற்கொண்டுள்ள நிலையில், குளத்தூரில் நேற்று (ஏப்.17) அவர் பேசிக் கொண்டிருந்த போது, அவரை நோக்கி சோடாபாட்டில்கள் வீசப்பட்டுள்ளன. சில நாள்களுக்கு முன் பும், தமிழ்த் தேசியவாதிகள்னி என்று தங் களைச் சொல்லிக் கொள்பவர்கள் மதுரை யருகே அவரைத் தாக்க முயன்றுள்ளனர்.

தொடர்ந்து அவர்மீது குறி வைப்ப வர்கள் யார்? இதன் பின்னணி என்ன? தமிழ்நாடு காவல்துறை என்ன செய்து கொண்டிருக்கிறது? இவற்றுக்கு யார் காரணமானாலும், இந்தக் கோழைத்தன மான வன்முறையைக் கண்டிக்கிறோம்.

கழகக் கூட்டத்தில் வன்முறை

கடந்த 15 ஆம் தேதி புதுக்கோட்டை மாவட்டம், கட்டுமாவடியில் தந்தை பெரியார் பிறந்த நாள் விழா காவல்துறை அனுமதி பெற்று திராவிடர் கழகத்தின் சார்பில் பொதுக்கூட்டம் நடைபெற்றபோது, 20 ஆர்.எஸ்.எஸ். காலிகள் கூட்டத்தில் புகுந்து, நாற்காலிகளை உடைத்துக் கூட் டத்தை நடத்தவிடாமல் தடுத்துள்ளனர். காவல்துறையினர் மவுன சாட்சியாக இருந்திருக்கின்றனர்.

அனுமதி கொடுத்த காவல்துறையினருக்குக் கூட்டத்திற்குப் பாதுகாப்புக் கொடுக்கும் கடமை கிடையாதா?

செய்தியைக் கேள்விப்பட்டு, அந்தப் பகுதிக்கு வந்த விடுதலை சிறுத்தைகள் கட்சித் தோழர்களும், பொதுமக்களும் காலித்தனத்தில் ஈடுபட்டவர்களைக் கைது செய்யவேண்டும் என்று குரல் கொடுத் துள்ளனர். இதில் என்ன கொடுமை என்றால், காலித்தனத்தில் ஈடுபட்ட இரு வரையும், தட்டிக் கேட்ட விடுதலை சிறுத்தைகள் தோழர்கள் இருவரையும் காவல்துறை கைது செய்துள்ளது.

அ.தி.மு.க. ஆட்சியின் - காவல்துறை யின் இலட்சணம் இதுதானா?

காவல்துறையை நம்பிப் பயன் இல்லை என்ற எண்ணம் ஏற்படுவது நாட்டுக்கு நல்லதல்ல!

 

கி.வீரமணி
தலைவர்
திராவிடர் கழகம்.


பெரியார் பன்னாட்டு அமைப்பின் நிறுவன இயக்குநர்களில் ஒருவரான மானமிகு டாக்டர் இலக்குவன் தமிழ் அவர்களின் அன்னையார் திருமதி சரஸ்வதி (வயது 77) அவர்கள் காரைக்குடி புதிய பேருந்து நிலையம் அருகில் உள்ள அவரது இல்லத்தில் காலமானார் என்ற செய்தி கேட்டு மிகவும் துயருறுகிறோம். (13.4.2018 அன்று மறைந்தார்).

அம்மையார் அவர்களுக்கு ஆறு பிள்ளைகள்; (மூன்று ஆண்கள், மூன்று பெண்கள்) டாக்டர் இலக்குவன் அவர்கள் மூத்தவர். எல்லோரும் நன்றாக வளர்க்கப் பட்டு, கல்வி அறிவும் கொடுக்கப்பட்டு, நல்ல நிலையில் இன்று உள்நாட்டிலும், வெளிநாட்டிலும் பணிபுரிகின்றனர் என்றால் அதற்கு முழு முதற் காரணம் இந்த தாயின் பாசமிகு தொண்டும், கண்காணிப்பும்தான்.

அவர்கள் சில காலம் உடல் நலிவுற்ற நிலையில்கூட தோழர் இலக்குவன் தமிழ் உட்பட மற்ற அனைவரும் அவரை நன்கு கவனித்து வந்தது நல்ல செய்தியாகும்.

அவரது மறைவால் துன்பப்படும் அவரது பிள்ளைகள், உற்றார், உறவினர்கள் அனைவருக்கும் நமது இயக்கத்தின் சார்பில் ஆறுதலைக் கூறுவதோடு ஆழ்ந்த இரங்கலையும் தெரிவித்துக் கொள்கிறேன்.
சிவகங்கை மண்டலத் தலைவர் தோழர் காரைக்குடி சாமி. திராவிடமணியும், கழகப் பொறுப்பாளர்களும் இறுதி நிகழ்ச்சியில் கலந்து கொள்வர்.

செய்தி அறிந்தவுடனே அமெரிக்காவிலிருந்த டாக்டர் இலக்குவன் தமிழ் அவர்களுடன் தொலைப்பேசியில் தொடர்பு கொண்டு இயக்கம், குடும்பம் சார்பாக ஆழ்ந்த இரங்கலை, ஆறுதலைத் தெரிவித்துக் கொண்டார் கழகத் தலைவர்.

தலைவர்,

திராவிடர் கழகம்

சென்னை

14.4.2018






























மாணவப் பருவம் தொட்டு திராவிடர் கழகத்தில் பங்கு கொண்டு, பிறகு திமுகவில் இணைந்து, இறுதி மூச்சு அடங்கும் வரை சீரிய சுயமரியாதை வீரராக வாழ்ந்த "சா.க." என்று அனைவராலும் குறிப்பிடப்படும் மானமிகு சா. கணேசன் (வயது 88) அவர்கள் சிறிது காலம் உடல் நலமின்றி இருந்த நிலையில் நேற்றிரவு (13.4.2018) 10.45 மணி அளவில் மறைவுற்றார் என்பதை அறிவிக்க வருந்துகிறோம்.

சென்னை மாநகர மேயராக இருந்து அரும்பணியாற்றினார். சென்னை - தியாகராயர் நகர் சட்டப் பேரவைத் தொகுதி உறுப்பினராகவும் இருந்தவர்.

திமுகவின் செய்தித் தொடர்புச் செயலாளராகவும் பணி யாற்றியவர். திமுக  நடத்திய போராட்டங்களில் எல்லாம் பங்கு கொண்டவர்.

எளிமை, அடக்கம், பொது நலம், அப்பழுக்கற்ற பொதுத் தொண்டு இவற்றின் இலக்கணம் இவர்.

சென்னை பெரியார் திடலில் நடக்கும் நிகழ்ச்சிகளுக்கு எல்லாம் தவறாமல் வருகை தந்து முன் வரிசையில் அமர்ந்திருப்பார். பெரியார் திடலுக்கு வரும் பொழுதெல்லாம் புத்துணர்வும், மகிழ்வும் பெறுவதாகக் கூறக் கூடியவர்.

உடல் நலமற்று வீட்டில் இருந்த அவரை 24.3.2018 அன்று நேரில் சென்று உடல் நலம் விசாரித்து வந்தோம்; இவ்வளவு சீக்கிரம்  இந்த முடிவு அவருக்கு ஏற்படும் என்று எதிர்பார்க்க வில்லை.
ஆனாலும் நிறை வாழ்வு வாழ்ந்தவர்; அவர் மறைவால் பெருந் துயரத்திற்கு ஆளாகியிருக்கும் அவரது மகன்கள் அண்ணாதுரை, அழகிரி ஆகியோருக்கும், குடும்பத்தினருக்கும், திமுகவுக்கும், தோழர்களுக்கும் கழகத்தின் சார்பில் ஆழ்ந்த இரங்கலையும், ஆறுதலையும் தெரிவித்துக் கொள்கிறோம். கழகத் துணைத் தலைவர் கவிஞர் கலி. பூங்குன்றன், பொதுச் செயலாளர் வீ. அன்புராஜ் மற்றும் கழகத் தோழர்கள் இறுதி  நிகழ்ச்சியில் பங்கேற்று மரியாதை செலுத்துவார்கள்.

தலைவர்,
திராவிடர் கழகம்



திராவிடர் கழக கோவை மாவட்ட  முன்னாள் செயலாளர், ப.க.முன்னாள் மாவட்ட பொருளாளர், பெரியார் பெருந் தொண்டர் தென்மொழி ஞானபண்டிதன் உடல் நலக்குறைவால்  12-4-2018 அன்று  பெங்களூருவில் உள்ள தனது மகள் இல்லத்தில், 88ஆம் வயதில்  காலமானார்.  அன்னாருக்கு அக்ரி சுப்பிரமணியம், இனியன் ஞானபண்டிதன் ஆகிய இரு மகன்களும்,  ஒரு மகளும் உள்ளனர். இவருடைய வாழ்விணையர் ராசாமணி கழகப் பொதுக்குழு உறுப்பினராக இருந்து வருகிறார். கோவை அனுப்பர் பாளையம், செல்வபுரம் ஆகிய பகுதிகளில் அரசுப் பள்ளிகளில்  தலைமையாசிரியராக பணியாற்றிய போது  ஏராளமான மாணவ, மாணவியர்களை, பெரியாரின் கொள்கையின் பக்கம் கொண்டு வந்த பெருமை ஞானபண்டிதன் அவர்களுக்கு உண்டு. தமிழறிஞர் மறைமலை அடிகளின் கொள்கையின் பால் ஈர்க்கப்பட்டு அவருடைய மகன் மறை. திருஞாவுக்கரசு அவர்களின் வேண்டுதல்படி,  தன் பெயரை தென்மொழி ஞானபண்டிதன்  என மாற்றிக் கொண்டவர்.தமது இறுதிக் காலம் வரையில் பெரியார் கொள்கையின் பற்றாளராகவும், பரப்புரையாளராகவும், எழுச்சி மிக்க கவிஞராகவும் பணியாற்றியவர்.  அவர்களின் இழப்பு திராவிடர்  கழகத்திற்கு பேரிழப்பாகும். இறுதி நிகழ்ச்சி நேற்று மாலை பெங்களூருவில்  நடைபெற்றது.

தமிழர் தலைவர் இரங்கல்

தென்மொழி ஞானபண்டிதன் அவர்கள் தலைசிறந்த பெரியாரியலாளர், சிறந்த கவிஞர், கோவை பகுதியில் நமக்குக் கிடைத்த செல்வம். அவரின் மறைவால் வருந்தும் குடும்பத் தினருக்கும், கழகத்தினருக்கும், அன்பர்களுக்கும் கழகத்தின் சார்பில் ஆழ்ந்த இரங்கலைத் தெரிவித்துக் கொள்கிறோம்.

தலைவர்,
திராவிடர் கழகம்

சென்னை

13.4.2018

Banner
Banner