ஆசிரியர் அறிக்கை

2 ஜி வழக்கு:

நெருப்பாற்றில் நீந்தி தி.மு.க. வெற்றி!

திராவிடர் கழகத் தலைவரின் கருத்து

2ஜி வழக்கின் தீர்ப்பு குறித்து திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

2ஜி அலைக்கற்றை வழக்கில், சி.பி.அய். தனி நீதிமன்றத்தில் - தனி நீதிபதி ஷைனி அவர்கள் இன்று (21.12.2017) காலை அளித்துள்ள தீர்ப்பு வரலாற்றுச் சிறப்புமிக்கத் தீர்ப்பு.

உண்மைகளை உலகத்தாருக்கு அறி விக்கும் - பொய்மையின் திரையை சுக்கு நூறாகக் கிழித்தெறிந்த தீர்ப்பு! வரவேற்கிறோம்; பாராட்டி மகிழ்கிறோம்.

யாம் கொண்ட மகிழ்ச்சிக்கு எல்லையே இல்லை. காரணம், பெரியார் நுண்ணாடியில் முதலில் பார்த்து, இவ்வுண்மைகளை - எதிர் நீச்சலாக நாடு முழுவதும் எடுத்துச் சென்று பிரச்சாரம் செய்தது தாய்க் கழகமாம் தந்தை பெரியார் கண்ட இந்த சமூகப் புரட்சி இயக்கமான திராவிடர்கழகமே!

இனிமேலாவது ‘‘கோயபல்சுகளும்‘’, அவர் களைத் தாங்கிப் பிடிக்கும் ‘ஊடக ஊதிகளும்‘ பாடம் கற்று, பொய்மைக்கு முடிசூட்டி துரோக ராகத்தை வாசிக்காமல், உண்மைகளை மறுக்கத் துணியாது எழுதட்டும்!

நமது வாழ்த்துகள்

வாய்மை வென்றிருக்கிறது. தி.மு.க. நெருப் பாற்றில் நீந்தி வெளிவந்துள்ள முழு விடுதலை பெற்ற நமது சகோதரர் ஆ.இராசா, கவிஞர் கனிமொழி, தயாளு அம்மாள், சரத்குமார் முதலிய அனைவருக்கும் நமது வாழ்த்துகள்!

‘காரிருளால் சூரியன்தான் மறைவ துண்டோ!’


கி.வீரமணி,

தலைவர்   ,    திராவிடர் கழகம்.

சென்னை
21.12.2017

நடந்து முடிந்தகுஜராத் - இமாச் சலப் பிரதேச தேர்தல் முடிவுகள் குறித்து திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

குஜராத்தில் பா.ஜ.க. ஆட்சி மீண்டும் அமைகிறது இத்தேர்தல் முடிவுகள்மூலம்  என்றாலும், அது முந்தைய பலத்தைப் பெற முடியவில்லை என்பது மறைக்கப்பட முடியாத உண்மை. மூச்சுத் திணறித்தான் வெற்றியின் முனையைத் தொட்டிருக் கிறது.

எதிர்க்கட்சியான காங்கிரசு பெருமளவில் இடங்களை கணிசமாகப் பெற்றிருக்கிறது. இந்த வெற்றிக்காக பா.ஜ.க.வும், பிரதமர் மோடியும், பா.ஜ.க. தலைவர் அமித்ஷாவும் சாம, பேத, தான, தண்ட முயற்சிகள் சகலத்தையும் செய்துதான் இந்த அளவுக்கு இடங்களைப் பிடிக்க முடிந்தது!

மோடி பிரதமர் ஆகும்போது வாங்கிய வாக்கு சதவிகித எண்ணிக்கை அதன் பிறகு அவரது கட்சி வெற்றி பெற்ற ஒவ்வொரு மாநிலத்திலும் குறைந்து கொண்டே போவதை சுவர் எழுத்துகள் போல படிக்கத் தவறக்கூடாது. உ.பி.யில் 23 சதவிகித வாக்குகளைப் பெற்று, எதிர்க்கட்சிகளின் பிளவினால்தான் ஆட்சியைப் பிடிக்க முடிந்தது.

தோல்விக்குச் சமமான வெற்றி!

குஜராத் வெற்றி ஒரு ‘தோல்விக்குச் சமமான வெற்றி’ (Pyrrhic Victory) என்ற ஆங்கிலச் சொற்றொடர்தான் சரியான விளக்கமாகும். மண்ணின் மைந்தரான மோடி அவர்கள் அலையோ அலை யென்று அலைந்தார். பாகிஸ்தான் எதிர்ப்பு உள்பட பல்வேறு அஸ்திரங்களையும் கையாண்டும் பழைய எண்ணிக்கையைப் பெறாததே தோல்விக்குச் சமமான வெற்றி என்பதன் பொருளாகும்.

கடந்த தேர்தலில் 61 இடங்களில் வெற்றி பெற்ற காங்கிரசு, இந்த முறை 16 இடங்களைக் கூடுதலாகப் பெற்றுள்ளது. 25 தொகுதிகளில் குறைந்த வாக்குகள் வித்தியாசத்தில் தோல்வியைத் தழுவியுள் ளது. கடந்த தேர்தலில் 115 இடங்களைப் பிடித்த பா.ஜ.க. இம்முறை 99   ஆக வீழ்ச்சியடைந்துள்ளது.

பிரதமர் மோடியின் சொந்த தொகுதியிலேயே பா.ஜ.க. தோல்வியடைந்துள்ளது குறிப்பிடத்தக்கது.

இமாச்சலப் பிரதேசத்தில் பி.ஜே.பி. வெற்றி பெற்றுள்ளது. இம்மாநிலத்தைப் பொருத்தவரை காங்கிரசும், பி.ஜே.பி.யும் மாறி மாறி ஆட்சியைப் பிடித்து வருகின்றன. பி.ஜே.பி.யின் முதலமைச்சர் வேட் பாளர் தோல்வி அடைந்திருக்கிறார். முதல மைச்சராக இருந்து காங்கிரசு சார்பில் போட்டியிட்டவர் வெற்றி பெற்றுள்ளார்.

கடந்த மக்களவைத் தேர்தலுக்குப் பின் நடைபெற்ற அனைத்துத் தேர்தல்களிலும் பி.ஜே.பி.யின் வாக்கு சதவிகிதம் குறைந்து கொண்டே வருகிறது.

குஜராத் மாநிலத்தைப் பொருத்தவரை கடந்த மக்களவைத் தேர்தலில் பி.ஜே.பி. பெற்ற வாக்கு சதவிகிதம் 59.1

வெற்றி பெற்ற குஜராத் தேர்தலில்கூட, பல முக்கிய பதவிகளில் இருந்த சபாநாயகர், அமைச்சர்கள் தோல்வியுற்றுள்ளனர் என்பது எதைக் காட்டுகிறது?

இப்பொழுது நடந்த சட்டமன்றத் தேர்தலில் பெற்றதோ 54.4 சதவிகிதம்.

காங்கிரசைப் பொருத்தவரை முறையே 32.9 சதவிகிதம்; 42.3 சதவிகிதமாகும்.

யாருக்கு வளர்ச்சி? யாருக்கு வீழ்ச்சி? என்பதைக் கவனிக்கவேண்டும்.

பிரதமர் மோடியின் செல்வாக்கு சரிந்து வருகிறது; பா.ஜ.க.வின் ஆபத்தை வாக்காளர்கள் மெல்ல மெல்ல, ஆனால் உறுதியாக உணரத் தொடங்கியுள்ளனர் என்பதை நாட்டோருக்கு அறிவிக்கும் முடிவுகளே இவை.

ஒடுக்கப்பட்ட மக்களின் உணர்வு

அ.இ.காங்கிரசு கமிட்டித் தலைவர் ராகுல் காந்தியின் கடும் உழைப்பு - பிரச்சாரம் பலன் அளித்துள்ளது. ஒடுக்கப்பட்ட மக்களின் உணர்வு அய்க்கியப்படத் தொடங்கி, பலன் அளித்து வருகிறது என் பதையும் இது வெகுவாகவே காட்டுகிறது!


கி.வீரமணி
தலைவர்,    திராவிடர் கழகம்.

சென்னை
19.12.2017


சென்னையை அடுத்த மதுரவாயல் காவல் நிலை யத்தில் ஆய்வாளராகப் பணியாற்றிய பெரிய பாண்டியன்  வடநாட்டுக் கொள்ளைக்காரனைக் கைது செய்ய ராஜஸ்தான் சென்றபோது, கொள்ளைய ரால் சுட்டுக் கொல்லப்பட்டார் என்பது திடுக்கிட வைக்கும் துயரச் செய்தியாகும். போதிய பாதுகாப்போடும் கூடுதலான எண்ணிக்கை பலத்தோடும் ஒருங்கிணைந்து நடந்து கொள்ளத் தவறியதால் ஏற்பட்ட இழப்பு இது. இனி மேலாவது புதிய அணுகுமுறை மேற்கொள்ளப்படட்டும்.  அண்மைக் காலமாக தமிழ்நாட்டில் வடநாட்டுக்காரர்களின் கை வரிசை தொடர் கதையாகவே இருக்கிறது. அரசு இதில் கவனம் செலுத்த வேண்டும்.

சுட்டுக் கொல்லப்பட்ட ஆய்வாளர் பெரியபாண்டியனுக்கு வீர வணக்கம் செலுத்துவோம். குடும்பத்தாருக்கு இரங்கலையும், ஆறுதலையும் தெரிவித்துக் கொள்கிறோம்.

- கி. வீரமணி
தலைவர், திராவிடர் கழகம்

Banner
Banner