ஆசிரியர் அறிக்கை

கோவை அரசு அச்சகத்தை லக்னோவுக்கு மாற்றுவதா?

அக்டோபர் 10ஆம் தேதி

கோவையில் கண்டன ஆர்ப்பாட்டம்

தமிழர் தலைவர் அறிக்கை

உலகப் புகழ்பெற்ற ஏழு அதிசயங்களில் ஒன்றான தாஜ்மகாலை அகற்றுவதா?

கோவையில் உள்ள மத்திய அரசு அச்சகத்தை மூடி விட்டு, அதனுடைய மூலப் பொருள்களையெல்லாம் லக்னோவுக்கு (உ.பி.க்கு) கொண்டு போவதற்கான முயற்சிகள்  செய்யப்படுகின்றன என்று வரும் செய்தி வேதனைக்கும், கண்டனத்திற்கும் உரியது!

தமிழ்நாடு அரசு இதற்கு ஒரு போதும் இசைவு தெரிவிக்கக் கூடாது; மேலும், மத்திய அரசுக்கு உடனடியாக இத்தகு முயற்சியை எதிர்த்து டில்லிக்கு எழுதித் தடுத்து நிறுத்திட ஆவன செய்ய அனைத்து நடவடிக்கைகளையும் சுணக்கமின்றி உடனடியாக எடுக்க முன் வர வேண்டும்.

தொடர்ந்து கொள்ளைப் போவதா?

தமிழ்நாட்டில் ஏற்கெனவே இருந்த நீலகிரி ஹிந்துஸ் தான் போட்டோ புகைப்படச் சுருள் உற்பத்தித் தொழிற் சாலைக்குப் பட்டை நாமம் போட்டு மூடப்பட்டு விட்டது.

அதைத் தொடர்ந்து இப்போது இது!

நெய்வேலி சீர்காழியின் அனல் மின் திட்டமும், வடக்கே கொண்டு போகும் அக்கிரமச் செய்திகள்.

இப்படியே தொடர்ந்தால் தமிழ்நாட்டின் வளம், வேலை வாய்ப்புகள் என்னாவது? வடக்கின் சுரண்டல் பூமியா தமிழ்நாடு?

இதனைக் கண்டித்து கோவை மண்டல கழகப் பொறுப்பாளர்கள், மண்டல தலைவர் உ. கருணாகரன்  தலைமையிலும், மண்டல செயலாளர் சந்திரசேகரன், கோவை மாநகர தலைவர் உக்கடம் மோகன் ஆகியோர் முன்னிலையிலும்   கண்டன ஆர்ப்பாட்டம் 10.10.2017 செவ்வாய் காலை 10.30 மணிக்கு கோவையில்  தெற்கு வட்டாட்சியர் அலுவலகம் அருகில்  நடைபெறும். தோழர்கள் பெருந்திரளாகக் கண்டன ஆர்ப்பாட்டத்தில் பங்கேற்று தமிழ்நாட்டின் உரிமைக் குரலை உயர்த்திப் பிடிக்குமாறு கேட்டுக் கொள்கிறோம்.

 

கி.வீரமணி
தலைவர்,     திராவிடர் கழகம்

 

சென்னை     
5-10-2017

ஒரு முசுலிம் மன்னர் கட்டினார் என்பதற்காக சுற்றுலா பட்டியலிலிருந்து

உலகப் புகழ்பெற்ற ஏழு அதிசயங்களில் ஒன்றான தாஜ்மகாலை அகற்றுவதா?

மோடி அரசு இதனைத் தடுத்து நிறுத்தாவிடின்

மக்களின் மலை போன்ற எதிர்ப்பை சந்திக்க நேரிடும் - எச்சரிக்கை!

தமிழர் தலைவர் ஆசிரியர் விடுத்துள்ள அறிக்கை

இந்தியக் கம்யூனிஸ்ட் கட்சியின் போராட்டத்துக்கு அனுமதி மறுப்பா?  தமிழர் தலைவர் கண்டனம்!

தாஜ்மகால் என்ற உலகப் புகழ் பெற்ற நினைவுச் சின்னத்தை மதவாதக் கண் ணோட்டத்தோடு சுற்றுலா பட்டியலிலிருந்து உ.பி. பி.ஜே.பி. அரசு அகற்றியிருப்பது - மக்களின் மலைபோன்ற எதிர்ப்பை சந்திக்கவேவழிவகுக்கும்;பிரதமர்மோடி இந்தமதவாதப்போக்கைத்தடுத்து நிறுத்தவேண்டும்என்றுதிராவிடர்கழகத் தலைவர் ஆசிரியர் கி.வீரமணி அவர்கள் விடுத்துள்ள எச்சரிக்கை அறிக்கை வருமாறு:

உலகத்தின் ஏழு அதிசயங்களில் ஒன்று - உலக நாட்டவர் பெரிதும் வியக்கின்ற ஒன்று, ஆக்ராவில் வெள்ளை பளிங்கு சலவைக் கற் களால் கட்டப்பட்ட தாஜ்மகால் கட்டடம் ஆகும்!

தாஜ்மகால் -பி.ஜே.பி. பார்வையில்...!

அதனை ஆண்டுதோறும் சுமார் ஒன்றரைக் கோடி மக்கள் அங்கு சென்று பார்த்து மகிழ்ந்து திரும்புகின்றனர்!

அது முகலாய (முசுலிம்) மன்னர் ஒருவரால் கட்டப்பட்டது என்பதற்காகவே அதனை அலட்சியப்படுத்தி, இருட்டடித்து ஏன் வாய்ப்புக் கிடைத்தால் ‘பாபர் மசூதி’போல இடித்தும் தள்ளிவிடக் கூடத் திட்டமிடுபவர்கள்தான் - மத்தியிலும், உ.பி. மாநிலத்திலும் ஆளும் காவி களான ஆர்.எஸ்.எஸ். இந்துத்துவா ஆசாமிகள்!

உ.பி.யில் சுற்றுலாபற்றிய இவ்வாண்டு அறி விப்புக் கையேட்டில் சுற்றுலாவில் அதிக பட்சம் உ.பி. அரசுக்கு வருவாய்க் கொண்டுவரும் தாஜ்மகால் பெயரையே நீக்கியுள்ளார்கள்.

உ.பி. சாமியார் ஆட்சியில்

100 குழந்தைகள் பலி!

உ.பி.யில் நடைபெற்ற சட்டமன்றத் தேர்த லில் வெற்றி பெற்று அமைந்துள்ள சாமியார் ஆட்சியில், நிர்வாகச் சீர்கேடுகள் நாளும் மலிந்த வண்ணம் உள்ளன. சுமார் 100 குழந்தை கள் மருத்துவமனைகளில் ஆக்சிஜன் - உயிர்க் காற்று கிட்டாமல் இறந்துபட்ட கொடுமை, (ஏற்கெனவே சப்ளை செய்தவர்களுக்குப் பணப் பட்டுவாடாவை சரிவர செய்யாததால்) இன்னும் மறவாத - மறையாத நிலை!

ஆட்சியில் உள்ள சீர்கேடுகளை - அவலங் களைச் சரி செய்யவேண்டிய உ.பி. பா.ஜ.க. - ஆர்.எஸ்.எஸ். அரசு பசு பாதுகாப்பு என்ற பெயரில் இசுலாமியர்களைக் கொல்லும் நிகழ்வு களைத் தடுக்கத் தவறியது!

தாழ்த்தப்பட்ட சமுதாய மக்கள் சர்வ சாதா ரணமாகக் கொல்லப்படுகின்றனர். நேற்றுகூட ஒரு பகுஜன் சமாஜ் கட்சித் (பி.எஸ்.பி.) தலைவர் ஒருவரை சுட்டுக் கொன்றுள்ளார்கள்!

சட்டம் - ஒழுங்கு சீர்கேடுகள் நாளொரு மேனியும், பொழுதொரு வண்ணமும் கீழிறக் கத்திற்குச் சென்று கொண்டுள்ளது.

வரலாற்றுச் சாதனைகளை

மறைக்க முயற்சி!

இந்நிலையில், கிடைத்த ஆட்சி வாய்ப்பைப் பயன்படுத்தி, அயோத்தியில் ராமர் கோவில் கட்டுவதற்கு அவசரம் காட்டுவதும், தாஜ்மகால் போன்ற உலகப் புகழ் வாய்ந்த அதிசய வர லாற்றுச் சாதனைகளை மறைக்க முயலுகிற முயற்சியும் அசல் அற்பத்தனம் அல்லவா?

உ.பி. முதல்வரான யோகி ஆதித்தியநாத் என்ற சாமியார் கூறுகிறார் வெளிப்படையாக,

‘‘இராமாயணமும், பகவத் கீதையும்தான் நமது கலாச்சாரத்தைப் பரப்புவன; தாஜ்மகால் அல்ல’’ என்று; அதனை இப்படி செயல்படுத்திக் காட்டவே தாஜ்மகாலை இருட்டடிக்கும் கேவல மான முயற்சி போலும்!

அக்கட்டடத்தை ஒரு முசுலிம் மன்னர் கட்டியதற்காகவே இவ்வளவு வெறுப்பை உமிழ வேண்டுமா? உலகம் நம் நாட்டின் இழிநிலை கண்டு பாராட்டுமா? கண்டிக்குமா?

அரசியல் சட்டத்தின் பிரமாணத்தில் மதச்சார் பின்மையைக் காப்பாற்ற எடுத்துக்கொண்ட உறுதிமொழியை இப்படியா காலில் போட்டு மிதிப்பது? வெட்கம்! வேதனை!

ஆட்சியல்ல - காட்சி!

பா.ஜ.க. ஆட்சிகள் மத்தியிலும் சரி, மாநிலங்களிலும் சரி காட்சிகளாக நடை பெறுகின்றனவே தவிர, ஆட்சிகளாக - ஆளுமைத் திறன் வெளியாகும் வண்ணம் எங்கும் நடைபெறவில்லையே!

காஷ்மீரில் உள்ள மக்களின் நல்லெண் ணத்தை மத்திய அரசு பெறுவதற்கு முட்டுக் கட்டை போடும் வண்ணம் ஆர்.எஸ்.எஸ். தலைவர் ஒரு Extra - Constitutional Authority
போல காஷ்மீருக்குத் தனி அந்தஸ்தை வழங்கும் 370 - 35கி ஆகியவற்றை நீக்கிட வேண்டும் என்று கர்ஜிக்கிறாரே, அது எதன் பின்னணியில்?

மோடி அரசு செய்யவேண்டியது என்ன?

கேரள அரசும், மேற்கு வங்க அரசும் தேச விரோத ஆட்சிகள் என்கிறாரே இது நியாயமா? இவர் கூறுகிறபடி ஆட்சி சக்கரம்  சுழலவேண்டும் என்ற நிலை என்றால் அதைவிட ஜனநாயகத்தைக் கேலிக் கூத்தாக் கும் கொடுமை வேறு உண்டா? மத்தியில் உள்ள பிரதமர் மோடி அரசு இதனைத் தடுத்து நிறுத்திடாவிட்டால் கெட்ட பெயரும், மக்களின் மலைபோன்ற எதிர்ப்பும் நாளும் பெருகிடவே செய்யும்!

 

கி.வீரமணி
தலைவர்,      திராவிடர் கழகம்.

சென்னை
4.10.2017

 

‘‘ஜனநாயகத்தைக் காப்போம் - தமிழ்நாட்டை மீட்போம்!’’ என்ற முழக்கத்தோடு தமிழ்நாட்டின் ஜனநாயக சக்திகள் ஒன்றிணையட்டும்!

எடப்பாடி திரு. பழனிச்சாமி அவர்களின் தலைமையிலான தமிழ்நாடு அரசு பதவி விலக வலியுறுத்தி தமிழ்நாடு முழுவதும் இந்தியக் கம்யூனிஸ்ட் கட்சியின் சார்பில் இன்று அறிவிக்கப்பட்டிருந்த ஆர்ப்பாட்டத்திற்கு காவல்துறை அனுமதி மறுத்திருப்பது கண்டிக்கத்தக்கது.

மக்களின் கருத்துரிமை, போராட்டம் நடத்தும் உரிமை என்பது இந்திய அரசமைப்புச் சட்டத்தால் அங்கீகரிக்கப்பட்ட ஒன்று. இன்றைய தமிழ்நாடு அரசின் இந்தப் போக்கு இதற்கு உகந்ததாக இருப்பதாகத் தெரியவில்லை.

உரிய காலத்தில் காவல்துறையினரிடம் அனுமதி கேட்டு விண்ணப்பித்தாலும், காவல்துறை என்ன செய்கிறது என்றால் உரிய நேரத்தில் அனுமதி கொடுக்காமல், கடைசி வரை இழுத்தடிப்பதும், அனுமதி மறுப்பு என்பதும் அலுவலக நடைமுறைக்கு ஏற்புடையது அல்ல - இது ஒரு, தான் தோன்றித்தனமான தர்பார் ஆகும்.

இந்தப் போக்கினால் சமூக அமைப்புகளும், அரசியல் கட்சிகளும் பெரும் இடர்ப்பாடுகளுக்கு ஆளாகின்றன. இது குறித்து காவல்துறைக்குப் புகார் அளித்திருந்தும், நீதிமன்றங்கள் பல நேரங்களில் வழிகாட்டும் ஆணைகளைப் பிறப்பித்திருந்தும்கூட, அவற்றை எல்லாம் கிஞ்சிற்றும் பொருட்படுத்தாமல் காவல்துறை என்றால் எல்லா அதிகார மும் படைத்தது - எப்படியும் நடந்து கொள்ளலாம் என்பது ஒரு ஜனநாயக நாட்டிற்கு பொருந்தக்கூடியது தானா?

பல நாட்களுக்கு முன் இந்திய கம்யூனிஸ்ட் கட்சி இந்த ஆர்ப்பாட்டத்திற்காக விண்ணப்பித்திருந்தாலும் கடைசி நேரத்தில் அனுமதி மறுக்கப்பட்டது வன்மையான கண்டனத்துக்குரியது.

இந்த அனுபவம் திராவிடர் கழகத்திற்கும் மற்ற கட்சி களுக்கும்கூட பற்பல நேரங்களில் ஏற்பட்ட கொடுமை உண்டு.

இந்த ஆட்சி பதவி விலக வேண்டும் என்பதற்கான ஆர்ப்பாட்டத்தை நடத்துவதற்கு அனுமதி மறுப்பதன் மூலம் இந்தப் போராட்டத்திற்கான நியாயத்தின் நோக்கத்தை வலுப்படுத்தியிருக்கிறது என்றுதான் கருத வேண்டும்.

இந்த ஜனநாயக விரோத போக்கை தமிழக அரசு கைவிட வேண்டும். இல்லையெனில் இதற்காகவேகூட அனைத்துக் கட்சிகளும் கைகோத்துப் போராட வேண்டிய நிலை ஏற்படும் என எச்சரிக்கிறோம்.

 

கி. வீரமணி
தலைவர்,      திராவிடர் கழகம்

சென்னை
3-10-2017

அரசு வசமான பிறகு அண்ணாமலைப் பல்கலைக் கழகத்தில்  தனியார் கல்லூரிபோல அதிகக் கட்டணம் வசூல் செய்யலாமா?

 

காந்தியார் பிறந்த குஜராத் மண்ணிலேயே தாழ்த்தப்பட்டோர் மீசை வைத்துக் கொள்ளக் கூடாது என்றும், நெய்ப் போட்டு சாப்பிடக் கூடாது என்றும் கூறி அவர்களைத் தாக்கும் கொடுமை நடக்கிறதே, - இதுதான் 70 ஆண்டு சுதந்திரத்தின் இலட்சணமா? சிந்திக்க வேண்டாமா? என்று சிந்தனைப் பொறி பறக்கும் வினாவை எழுப்பியுள்ளார் திராவிடர் கழகத் தலைவர் ஆசிரியர் கி. வீரமணி அவர்கள். அதுவும் காந்தியார் பிறந்த நாள், காமராசர் நினைவு நாளில் இது குறித்து சிந்திக்க வேண்டாமா? என்றும் கேட்டுள்ளார். அறிக்கை வருமாறு:

 

தேசபிதா என்று அழைக்கப்பட்ட காந்தியாரின் பிறந்த நாளில் அவர் பிறந்த மண்ணான குஜராத் - மாநிலத்திலிருந்துதான் பிரதமரும் வந்து நாட்டை ஆண்டு கொண்டுள்ளார் - கடந்த 3 ஆண்டுகளாக!

காந்தியார் பிறந்த மண்ணில் கொடூரமா?

தீண்டாமையை மட்டுமே ஒழிக்கச் சொல்லி, ஜாதி வர்ணாஸ்ரமம் மிக நல்லது என்று டாக்டர் அம்பேத்கரிடமும்,  பெரியாரிடமும் வாதாடிய அவர் பிறந்த குஜராத்தில் "சுதந்திரம்" "சுயராஜ்ஜியம்" "ஜனநாயகம்" உள்ள மண்ணில் உழைக்கும் வர்க்கமான "தலித்"துகள் என்று அழைக்கப்படும் தாழ்த்தப்பட்ட சகோதரர்களின் நிலை - 70 ஆண்டு கால

(சு)தந்திரத்திற்குப் பின்னரும் என்ன நிலைமை?

இன்றைய "டைம்ஸ் ஆப் இந்தியா" ஆங்கில நாளேட்டில்   11ஆம் பக்கத்தில் வந்துள்ள அருவருக்கத் தக்க, ஒரு செய்தி.

தாழ்த்தப்பட்டவர் மீசை வைத்துக்

கொள்ளக் கூடாதாம்!

குஜராத்தின் ஆனந்த் மாவட்டத்தில் போர்சத் தாலுகா பதரனியா கிராமப் பகுதிகளில் இன்னமும் தாழ்த்தப்பட்ட - தலித் இளைஞர்கள் மீசை வைத்துக் கொள்ளக் கூடாதாம்!

மீசை வைத்த இளைஞர்களுக்குத் தண்டனை! அவர்களுக்கு முகச் சவரம் செய்த முடி திருத்தும் பார்பர்களுக்கும் தண்டனை, அடி, உதை, கொலையிலும் முடிந்துள்ளது.

அது மட்டுமல்ல; ஒரு ஹிந்து மதத் திருவிழா "கர்ப்பா" (நிணீக்ஷீதீணீ) என்பது; அதை அருகில் இருந்து பார்த்தமைக்காக, தாழ்த்தப்பட்ட - "தலித்" இளை ஞர்களுக்கு அடி, உதை - தலையைச் சுவரில் முட்டிய தால் மருத்துவமனையில் இறந்துள்ளார் அவ்விளைஞர்!

என்னே காட்டுமிராண்டிதனமான கொடுமை!

டாக்டர் அம்பேத்கரின் தொலைநோக்கு!

"தீண்டாமை ஒழிக்கப்பட்டு விட்டது" என்று 70 ஆண்டுகளாக இந்திய அரசமைப்பு சட்டம் கூறுகிறது என்றாலும் "100 ஆண்டுகள் ஆனாலும் இந்து மதம் உள்ள இந்த நாட்டில் தீண்டாமை ஒழிக்கப்படவே முடியாது! முடியவே முடியாது", என்று டாக்டர் அம்பேத்கர் கூறினார்! - எத்தகைய தொலைநோக்கு, அனுபவப் பூர்வமான அறிவிப்பு!

எந்த காந்தியாரை மதவெறி, பார்ப்பனீயம் - ஆரியம் கொன்றதோ, அதே மதவெறிப் பாம்பு இன்று மகுடம் சூட்டிக் கொண்டு படமெடுத்தாடுகிறதே! இதுதான் சுயராஜ்யமா?

காமராசரைப் படுகொலை செய்ய முயற்சிக்கவில்லையா?

இந்திரா காந்தி மதவெறிக்குப் பலியானார்!

காமராசரை மதவெறி (பசுவதைத் தடுப்பு என்ற பெயரால்) ஆர்.எஸ்.எஸ். சாமியார்கள் நிர்வாணமாகப் பட்டப் பகலில் 1966 நவம்பரில் அகில இந்திய காங்கிரசு கட்சியின் தலைவரான அவரது வீட்டுக்குத் தீவைத்து, அவரை கொலை செய்ய முயற்சிக்கவில்லையா?

இன்று அவர்களது சிலைகளுக்கு மாலை.

ஆனால் அவரது சீலங்களுக்கு (கொள்கைகளுக்கு) வேட்டு - அதுவும் அவர் பிறந்த மண்ணான குஜராத்  - இதைவிட தலை குனிவு வெட்கக் கேடு வேறு உண்டா?

நெய்ப் போட்டுச் சாப்பிடக் கூடாதாம்!

"மனித உரிமை ஆணையம் என்ன செய்கிறது?" அதே குஜராத்தில் நடப்பதைப் பார்த்துக் கொண்டு இருப்பது ஏன்?

அது மட்டுமல்ல, தங்கள் வீட்டுத் திருமண விருந்தில் நெய் போட்டுச் சாப்பிட்டதற்காக உயர் ஜாதித் திமிர் பிடித்தவர்கள், அவர்களைக் கட்டி வைத்து அடித்துக் கொன்றுள்ளனர்!

பசுப் பாதுகாப்பு என்ற பெயரில் உனா கிராம தலித் இளைஞர்கள் நிர்வாணமாக்கிய பிறகு படுகொலை  - என்னே அநாகரிகம்! இது! (ஆதாரம்: 2.9.2017 - The Economic & Political Weekly) 70 ஆண்டுகால "சுயராஜ்யத்தில்" செவ்வாய்க்கிரகம் கூடப் போக முடிகிறது; ஆனால் அவன் கட்டிய கோயிலில் அவன் அடித்து வைத்த கடவுள் சிலை அருகில் - கர்ப்பகிரகத்திற்குள் -கால் வைக்க முடியவில்லை; அவன் ஆகமங்களை முறையே படித்து "தகுதி" பெற்ற பின்பும் கூட இந்நிலை என்பது எதைக் காட்டுகிறது?

துக்க நாள் என்று தந்தை பெரியார் சொன்னாரே!

இச்சுதந்திரம் உண்மை சுதந்திரமா?

மனிதத்தை மதிக்காத சமூகம் ஜாதியை - தீண்டாமையை - பெண்ணடிமையை உள்ளடக்கிய பிறவி பேதத்தைப் பாதுகாக்கும் சமூகத்தை எத்தனை ஆண்டு காலம் சகிப்பது?

இளைஞர்களே, சிந்தியுங்கள்! தலைவர்களைப் படங்களாகப் பார்த்து மாலை அணிவிப்பதை சடங்குகளாக்கும் நிலை எவ்வளவு காலம் தொடருவது? வெட்கப்பட வேண்டாமா?

தந்தை பெரியார் கூறியது "துக்க நாள்" என்பது எத்தகைய தொலைநோக்கு - புரிந்து கொள்க!

 

 

கி. வீரமணி
தலைவர்,  திராவிடர் கழகம்

சென்னை
2-10-2017

அரசு வசமான பிறகு அண்ணாமலைப் பல்கலைக் கழகத்தில்

தனியார் கல்லூரிபோல அதிகக் கட்டணம் வசூல் செய்யலாமா?

மாணவர் போராட்டத்தை முடிவுக்குக் கொண்டு வருக!

தமிழக அரசுக்குத் தமிழர் தலைவர் வேண்டுகோள்

‘‘ஜனநாயகத்தைக் காப்போம் - தமிழ்நாட்டை மீட்போம்!’’ என்ற முழக்கத்தோடு தமிழ்நாட்டின் ஜனநாயக சக்திகள் ஒன்றிணையட்டும்!

அண்ணாமலைப் பல்கலைக் கழகம் செல்வி ஜெயலலிதா முதலமைச்சராக இருந்தபோது அரசு வசம் கொண்டு வரப்பட்டது. ஆனால், கட்டணம் மட்டும் பழைய முறையிலேயே இருந்து வருகிறது. ஒரு அரசுக் கல்வி நிறுவனத்தில் அரசுக் கல்லூரிகளில், பல்கலைக் கழகத்தில் நிர்ணயிக்கப்பட்ட கட்டணத்தை வசூலிப்பதுதானே சரியானது. இந்த வகையில் மாணவர்கள், பெற்றோர்கள் போராடுவது சரியானதே - நியாய மானதே. முதலமைச்சர் இதில் தலையிட்டு அண்ணாமலைப் பல்கலைக் கழகத்தில் ஒரு மாத காலமாக நடைபெறும் மாணவர்கள், பெற்றோர்கள் போராட்டத்தை முடிவுக்குக் கொண்டுவர வேண்டும் என்று  திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

அண்ணாமலைப் பல்கலைக்கழகத்தில், முன்பு ஏற்பட்ட சீர்கேடுகள், அளவுக்கு அதிகமான திடீர் நியமனங்களால் ஏற் பட்ட கடும் நிதிச் சுமை - இவை காரணமாக சம்பளம் கூட ஊழியர்களுக்குத் தர இயலாது திணறித் திக்குமுக்காடிய நிலை யிலிருந்து அதனைக் காப்பாற்றிட, வேறு வழியின்றி தமிழ்நாடு அரசு, ஜெயலலிதா அவர்கள் முதலமைச்சராக இருந்தபோது, தமிழக அரசால் எடுத்துக் கொள்ளப்பட்டு, திரு.சிவதாஸ் மீனா அய்.ஏ.எஸ். அவர்களை தனி அதிகாரியாக நியமித்து, ஒழுங்கு படுத்திட்ட நிலை ஏற்பட்டது.

தேவைக்கு அதிகமாக நிரம்பி வழிந்த பேராசிரியர்கள், விரிவுரையாளர்களை மற்ற அரசு கல்லூரிகளுக்கு மாற்றல் செய்து, தற்போது ஓரளவுக்குக் கட்டுக்குள் கொண்டு வந்த நிலை ஏற்பட்டது.

அரசு பல்கலைக் கழகத்தில் கட்டண வசூல்

ஆனால், கட்டணம் - மாணவர்களிடையே வசூலிப்பது, முன்பு தனியார் வசமிருந்த பல்கலைக் கழக நிர்வாகத்தால் வசூலிக்கப்பட்ட கட்டணங்களையே வசூலிப்பது முற்றிலும் சட்ட விரோதம் - நியாய விரோதம் ஆகும்.

எப்போது அரசு பல்கலைக் கழகமாக மாற்றப்பட்டு விட்டதோ, அந்த வகையில், அரசு கட்டண விகித முறையில்தான் வசூலிக்கப்பட வேண்டும் என்று மருத்துவ மாணவர்கள் - பெற்றோர்கள் கோரிக்கை எழுப்பி, போராடுவது நியாயமானதே!

தமிழக அரசு ஏற்று, இந்நிறுவனம் பொலிவோடும், வலி வோடும் நடைபெற, மாணவர்கள், ஆசிரியர்கள், பெற்றோர்கள் ஒத்துழைப்பைப் பெறுவது அவசர அவசியமாகும்!

எனவே, தமிழக அரசின் மற்ற மருத்துவக் கல்வி நிறுவனக் கட்டணங்களையே வசூலிக்க உடனடியாக அறிவிப்புச் செய்தல் முக்கியமாகும்!

போராட்டத்தை முடிவுக்குக் கொண்டு வருக!

உயர் கல்வித் துறை அமைச்சர், முதலமைச்சர் இதில் முக்கிய கவனஞ் செலுத்தி, ஒரு மாத அறப்போராட்டத்தை முடிவுக்குக் கொண்டுவர வற்புறுத்துகிறோம்!

 

கி.வீரமணி
தலைவர்,        திராவிடர் கழகம்.


சென்னை 1.10.2017

Banner
Banner