எழுத்துரு அளவு Larger Font Smaller Font

திருநெல்வேலியில் கந்து வட்டிக் கொடுமையினால் பலியான குடும்பத்தினர்பற்றி, கேலிச் சித்திரம் (கார்ட்டூன்) வரைந்த கார்ட்டூனிஸ்ட்டு பாலாவை (பாலகிருஷ்ணன்) தமிழக அரசு கைது செய்து சிறையில் அடைத்துள்ளது மிகவும் வன்மையானக் கண்டனத் திற்குரியதாகும்.

நமது அரசமைப்புச் சட்டத்தின் பறிக்கப்பட முடியாத, ஏன் மாற்றப்பட முடியாத அடிக் கட்டுமானத்தின் பகுதி - பேச்சுரிமை, எழுத்துரிமை, கருத்துரிமை என்பவையாகும்.

இப்போது இங்கே - தமிழ்நாட்டில் நடைபெறும் ஆட்சி ஜனநாயக முறையில் நடைபெறுவது உண்மையானால், இத்தகைய கருத்துரிமைப் பறிப்பு நடவடிக்கைகள் ஏற்கத்தகாதன மட்டுமல்ல; வெறுக்கத் தகுந்தவையுமாகும்.

'இம்' என்றால் சிறைவாசம்; ஏனென்றால் வனவாசம் - இது சர்வாதிகாரத்தின் வெளிப்பாடு.

எனவே அதிகாரப் போதையினால் தள்ளாடுவோர் - இதனை மறுபரிசீலனை செய்து, கைது செய்யப்பட்ட கார்ட்டூனிஸ்ட்டு பாலாவை விடுதலை செய்வதோடு, வழக்கினையும் திரும்பப் பெற வேண்டும்.

அதிகாரிகள் ராஜாவை மிஞ்சிய ராஜ விசுவாசிகளாகவோ, தங்களை விமர்சனங்களுக்கு அப்பாற்பட்டவர்களாகவோ கருதாது ஏதேச்சாதிகரமான அணுகுமுறையைக் கைவிட வேண்டும்.

 

கி.வீரமணி
ஆசிரியர், 'விடுதலை'

தலைவர், திராவிடர் கழகம்

சென்னை
6-11-2017

குறிப்பு: நேற்று புதுச்சேரியிலும், கார்ட்டூனிஸ்ட்டு பாலாவை விடுதலை செய்ய வேண்டும் என்று செய்தியாளர்கள் மூலம் வேண்டுகோள் விடுத்திருந்தேன். இப்பொழுது வந்துள்ள தகவல் கார்ட்டூனிஸ்ட்டு பாலா பிணையில் 'விடுதலை' செய்யப்பட்டுள்ளார் என்பதாகும். வழக்கை முழுமையாக விலக்கிக் கொள்ள வேண்டும் என்பதுதான் நமது அழுத்தமான வேண்டுகோளாகும்.



.
 

இப்பிரிவில் அண்மைச் செய்திகள்:
இப்பிரிவில் முந்தையச் செய்திகள்:

தமிழில் கருத்துக்களை தெரிவிக்க -  


Security code
Refresh

Banner
Banner