எழுத்துரு அளவு Larger Font Smaller Font

 

திருவாரூரில் 1.6.2018 அன்று நடைபெற்ற ‘கலைஞர்-95' பிறந்த நாள் விழாவின்போது, தி.மு.க. சட்டமன்ற உறுப்பினர்கள் சட்டமன்றப் புறக்கணிப்பைக் கைவிட்டு, சட்டமன்றத்திற்குச் சென்று, ஜனநாயகக் கடமையான எதிர்க்கட்சியின் பணிகளைத் தொடரவேண்டுமென தோழமைக் கட்சித் தலைவர்களான தோழர் முத்தரசன் (சி.பி.அய்.), சு.திருநாவுக்கரசர் (காங்கிரசு) ஆகியோர் கூறிய கருத்தை, தாய்க் கழகமான திராவிடர் கழகம் சார்பில், எனது உரையில், நான் வற்புறுத்தியதோடு, சட்டமன்றத்தில் பேரவைத் தலைவரோ, ஆளுங் கட்சியோ அதீதமான முறையில் கருத்துரிமை, பேச்சுரி மையைப் பறிக்கும் நிலை ஏற்பட்டால், அடுத்து அதை மக்கள் மன்றத்திற்குக் கொண்டு செல்லும் பணியைத் தொடருவதோடு, ஜனநாயக உரிமைப் பாதுகாப்பு அணியாக ஆளும் கட்சி தவிர, மற்றவர்கள் ஓரணியில் திரண்டு நிற் போம்; நிற்பார்கள் என்று கூறி, அவர்களது ஆக்கபூர்வ யோசனைகளை ஆதரித்து வழி மொழிந்தேன்.

நேற்று (2.6.2018) அண்ணா அறிவாலயத்தில் நடை பெற்ற தி.மு.க. எம்.எல்.ஏ.,க்கள், மாவட்ட செயலாளர்கள் கலந்துரையாடல் கூட்டத்தில், இந்த யோசனையைப் பற்றி பரிசீலித்து, சட்டமன்றம் செல்வது என்று முடிவு செய்தது மிகவும் வரவேற்கத்தகுந்த ஒன்று.

ஜனநாயக உரிமைகள் பாதுகாக்கப்பட ஓரணியில் அனைவரும் திரளவேண்டியது காலத்தின் கட்டாயம் ஆகும்.

கி.வீரமணி

தலைவர்

திராவிடர் கழகம்.

சென்னை

3.6.2018

தமிழில் கருத்துக்களை தெரிவிக்க -  


Security code
Refresh

Banner
Banner