எழுத்துரு அளவு Larger Font Smaller Font

சென்னை, ஆக.22 ஆண்டுதோறும் ஆகஸ்ட் 22ஆம் நாளை சென்னை தினமாக கடைப்பிடிக்கிறார்கள். பிரிட்டிஷாரின் கிழக்கிந்திய கம்பெனி, சென்னை செயின்ட் ஜார்ஜ் கோட்டை இடம் தொடர்பாக 1639 ஆகஸ்ட் 22இல் ஒப்பந்தம் செய்து கொண்டதன் நினைவாக இந்த தினம் கடைப்பிடிக்கப்படுகிறது.

சென்னை என்பது பிரிட்டிஷார் இங்கு வருவதற்கு  முன்பே சிறந்து விளங்கிய நெய்தல் நிலம். மீனவர்கள் உள்ளிட்ட உழைக்கும் மக்களுக்கு வாழ்வுரிமை அளித்த மண். இத்தகைய பெருமை மிகுந்த சென்னையை  தலைநகராக்கினார்கள் ஆங்கிலேயர்கள். 1920ஆம் ஆண்டில் நீதிக் கட்சி ஆட்சியிலேயே சென்னையின் வளர்ச்சிக்குத் தேவையான திட்டங்கள் தீட்டப்பட்டு, கட்டமைப்புகள் உருவாக்கப் பட்டன. தியாகராய நகர் என்கிற புதிய பகுதி நீதிக் கட்சி ஆட்சியில் உருவாக் கப்பட்டது. ஆயிரம் விளக்கு மாநகராட்சிப் பள்ளியில் இலவச மதிய உணவுத் திட்டம் முதன்முதலாக அறிமுகப்படுத்தப்பட்டது. காங்கிரஸ் ஆட்சியிலும், மொழிவாரி மாநி லங்கள் பிரிக்கப்பட்ட போது,  தமிழ் நாட்டின் பகுதியாக சென்னை மீட்கப்பட்டு, தலைநகராக நீடிக்கச் செய்தனர்.

தமிழ்நாடு என்று பெயர் சூட்டல்

எல்லாவற்றுக்கும் மேலாக, சென்னை மாகாணம் (மெட்ராஸ் ஸ்டேட்) என்பதை  தமிழ்நாடு என்று மாற்றிப் பெயர் சூட்டிப் பெருமை சேர்த்தார். தி.மு.கழகத்தின் முதல் முதல்வரான அறிஞர் அண்ணா அவர்கள். தலைநகர் சென்னையில் இரண் டாம் உலகத் தமிழ் மாநாட்டை நடத்தி, மெரினா கடற்கரையில் தமிழ்ச் சான்றோர் களுக்கு சிலை அமைத்து தமிழ்-தமிழர் களின் பெருமையை சென்னை வாயிலாக உலகம் முழுவதும் அறியச் செய்தார் அண்ணா.

அண்ணா அவர்களைத் தொடர்ந்து, முதல்வர் பொறுப்பை ஏற்று, தமிழ்நாட்டில் 5 முறை முதல்வராகி அதிக காலமான 19 ஆண்டுகள்  ஆட்சி செய்தவரான தலைவர் கலைஞர் அவர்கள், சென்னை என தமிழிலும், மெட்ராஸ் என ஆங்கிலம் உள்ளிட்ட பிற மொழிகளிலும் அழைக்கப் பட்டு வந்த நிலையை மாற்றி, சென்னை என அனைத்து மொழிகளும் ஏற்றுப் பயன்படுத்திடும் வகையில்,பெயர் மாற் றம் செய்து வரலாறு படைத்தார்.

திராவிடர் சங்கம் - நீதிக்கட்சி

திராவிட இயக்க வரலாற்றில் சென்னை மாநகரம் மிகுந்த முக்கியத்துவம் வாய்ந் தது. திராவிடர் சங்கம், நீதிக்கட்சி ஆகி யவை தொடங்கப்பட்ட மாநகரம் இது. முதல் இந்தி எதிர்ப்புப்  போரில் (1938) சென்னையில் பெரும் ஆர்ப்பாட்டங்கள் நடந்தன. நடராசன், தாளமுத்து ஆகியோர் சிறைப்பட்டு உயிரிழந்தது சென்னையில்தான்! அறிஞர் அண்ணா அவர்கள் முதன்முதலில் சிறை கண்டதும் சென்னையில்தான்! திராவிட அரசியல் பேரியக்க மான தி.மு.கழகத்தை அவர் தொடங்கியதும் இதே சென்னையில்தான்.

சிறப்புமிக்க அடையாளங்கள்

அவர் வழியில் வந்த தலைவர் கலைஞர் அவர்களால் அண்ணா நகர், அண்ணா சதுக்கம், வள்ளுவர் கோட்டம், அண்ணா நூற்றாண்டு நூலகம், அண்ணா மேம்பாலம், டைடல் பூங்கா, செம்மொழிப் பூங்கா, தமிழ் இணையப் பல்கலைக்கழகம் என காலத்திற்கேற்ற நவீனமான  வளர்ச்சி யுடன் கூடிய வரலாற்றுச் சிறப்புமிக்க அடையாளங்கள் உருவாக்கப்பட்டன.

சென்னையின் முதல் மேயர்

தலைவர் கலைஞர் அவர்களால் சென்னை மாநகர மேயர் தேர்தலில் போட்டியிடும் வாய்ப்பைப் பெற்ற நான், மக்களால் தேர்ந்தெடுக்கப்பட்ட சென் னையின் முதல் மேயர் என்ற பெயரினைப் பெறும் நல்வாய்ப்பு அமைந்தது. அந்த நல்வாய்ப்பில்தான் சென்னையின் புதுயுக அடையாளங்களாக விளங்கும் மேம் பாலங்கள், கட்டமைப்புகள் உருவாக்கப் பட்டன. மாநகராட்சிப் பள்ளிகளில் கணினி வசதிகள் கொண்டு வரப்பட்டன. சென்னையின் முகமும் முகவரியும் புதுமையான வலிவும் பொலிவும் பெற் றன. வரலாற்றின் அந்தப் பொன்னேடுகளை நினைவுகூர்ந்து, சென்னை தினத்தைக் கடைப்பிடிப்போம்.

மெட்ராஸ் டே  என்று சொன்னாலும், அது சென்னை தினம்தான். அதன் பின்ன ணியில் மிளிரும் தலைவர் கலைஞரின் நினைவுகளை என்றும் போற்றி மகிழ் வோம்!

 

 

மேட்டூர் அணை மூன்றாவது முறையாக நிரம்பியது

மேட்டூர், ஆக.22 நடப்பாண் டில் செவ்வாய்க்கிழமை மேட் டூர் அணை மூன்றாவது முறை யாக நிரம்பியது.

கர்நாடக, கேரள மாநிலத்தில் பெய்த கன மழையால் கபினி, கிருஷ்ணராஜசாகர் அணை களிலிருந்து திறக்கப்பட்ட உபரிநீர் காரணமாக ஜூலை 23-ஆம் தேதி மேட்டூர் அணை நிரம்பியது. அதன் பிறகு காவிரி டெல்டா பாசனத்துக்கு தண்ணீர் திறக்கப்பட்டதால், மேட்டூர் அணையின் நீர்மட்டம் 120 அடிக்கு கீழே குறைந்தது. மீண் டும் காவிரியின் நீர்ப்பிடிப்புப் பகுதிகளில் பெய்த மழையின் காரணமாக கடந்த 11-ஆம் தேதி மேட்டூர் அணை நடப்பாண்டில் இரண்டாவது முறையாக நிரம் பியது. பின்னர் அணைக்கு வரும் நீரின் அளவு நொடிக்கு 2 லட்சம் கன அடியாக அதிகரித்ததால் மேட்டூர் அணையின் பாதுகாப்பு கருதி கூடுதல் தண்ணீர் வெளி யேற்றப்பட்டது. இதனால் மீண் டும் மேட்டூர் அணையின் நீர் மட்டம் 120 அடிக்கு கீழே சரிந்தது.

கர்நாடகம் மற்றும் கேரள மாநிலங்களில் மழை குறைந்த தால் மேட்டூர் அணைக்கு வரும் நீரின் அளவு நொடிக்கு 2 லட்சம் கன அடியிலிருந்து 80 ஆயிரம் கன அடியாகச் சரிந்தது. இதனால் மேட்டூர் அணையிலிருந்து வெளி யேற்றப்படும் நீரின் அளவு நொடிக்கு 40 ஆயிரம் கன அடி யாக குறைக்கப்பட்டது. இதனால் செவ்வாய்க்கிழமை காலை 119.25 அடியாக இருந்த மேட்டூர் அணை யின் நீர்மட்டம் இரவில் 120 அடியாக உயர்ந்து நடப்பாண்டில் மூன்றாவது முறையாக நிரம் பியது.

கடந்த 2005-ஆம் ஆண்டு ஒரே ஆண்டில் அணையின் நீர்மட்டம் 5 முறை நிரம்பியது. அதன் பிறகு, நடப்பாண்டில் செவ்வாய்க் கிழமை இரவு மூன்றாவது முறையாக நிரம்பியுள்ளது.

செவ்வாய்க்கிழமை இரவு மேட்டூர் அணையின் நீர்மட்டம் 120.20 அடியாக இருந்தது. அணைக்கு நொடிக்கு 80 ஆயிரம் கன அடி வீதம் தண்ணீர் வந்து கொண்டிருந்தது. அணையிலி ருந்து நொடிக்கு 65,800 கன அடி வீதம் தண்ணீர் திறக்கப்படுகிறது.

 

 

 

 

 

தமிழில் கருத்துக்களை தெரிவிக்க -  


Security code
Refresh

Banner
Banner