எழுத்துரு அளவு Larger Font Smaller Font


புதுச்சேரி, மார்ச் 4- காவிரி மேலாண்மை வாரியம் அமைக் காவிடில், உச்ச நீதிமன்ற அவ மதிப்பு வழக்கை மத்திய அரசு சந்திக்க நேரிடும் என்று புதுவை முதல்வர் வே.நாராயணசாமி எச்சரித்தார்.

இதுகுறித்து புதுவை சட் டப்பேரவை வளாகத்தில் சனிக் கிழமை செய்தியாளர்களுக்கு அவர் அளித்த பேட்டி வரு மாறு: புதுச்சேரிக்கு வருகை தந்த பிரதமர் நரேந்திர மோடியை நானும், அமைச்சர்களும் சந்தித்து புதுவையின் நிதி நிலைமை குறித்து எடுத்துக் கூறினோம். மாநில நிதி நிலைமைகளைச் சரி செய்ய மத்திய அரசு உதவ வேண்டும் என்றும் கோரிக்கை விடுத்தோம். அரசு நிறுவனங் களில் ரங்கசாமி தலைமையி லான முந்தைய அரசு அதிகப் படியான ஆள்களை நியமித்து உள்ளது.

இதனால், ஊதியம் வழங்க முடியாத சூழல் உள்ளது. இதைச் சரிசெய்ய ஓய்வு பெற்ற தலைமைச் செயலர் விஜயன் தலைமையில் குழு அமைத்து, நடவடிக்கை எடுத்து வருகி றோம். உச்ச நீதிமன்றத் தீர்ப் பின்படி, காவிரி மேலாண்மை வாரியத்தை 6 வாரங்களுக்குள் அமைக்கவும், ரோடியர் மில், சுதேசி, பாரதி மில்லை புனர மைக்க ரூ. 527 கோடி நிதி தர வும் பிரதமரிடம் வலியுறுத்தி னோம். புதுச்சேரி விமான நிலையத்தை விரிவாக்கம் செய்ய 202 ஏக்கர் நிலத்தைக் கையகப்படுத்த நிதி கோரி னோம். இந்தக் கோரிக்கை களைக் கேட்ட பிரதமர் மோடி, ஆவன செய்வதாக உறுதியளித் தார்.

ஆனாலும், பாஜக பொதுக் கூட்டத்தில் பேசிய பிரதமர் மோடி, மத்திய அரசு ஏற்கெ னவே அறிவித்த பொலிவுறு நகரத் திட்டம், குடிநீர் திட்டம், பிரதமரின் வீடு கட்டும் திட் டம் ஆகியற்றையே மீண்டும் பட்டியலிட்டார். எங்கள் கோரிக்கை எதையும் அவர் அறிவிக்கவில்லை. பாஜக ஆளும் மாநிலங்கள், எதிர்க் கட்சிகள் ஆளும் மாநிலங்கள் என பாரபட்சம் காட்டுவது வருத்தமளிக்கிறது.

உச்ச நீதிமன்ற உத்தரவின் படி, காவிரி மேலாண்மை வாரியம் அமைக்காவிட்டால் மத்திய அரசு நீதிமன்ற அவ மதிப்பு வழக்கைச் சந்திக்க நேரிடும். புதுச்சேரி பயணத்தின் போது, மாநில அரசுக்குச் செய்ய வேண்டிய கடமைகளை பிரதமர் மோடி செய்யத் தவறிவிட்டார் என்றார் முதல்வர் வே.நாராயணசாமி.

மின்வாரிய ஊழியர்களுக்கு இம்மாத இறுதியில் நிலுவைத் தொகை


சென்னை, மார்ச் 4- தமிழக மின் வாரிய ஊழியர்களுக்கு 11ஆ-வது ஊதிய உயர்வு ஒப்பந்தம் நிறைவேற்றப்பட்டுள்ள நிலை யில், அவர்களுக்கான நிலுவைத் தொகைகள் இம்மாத இறுதி யில் அவரவர் வங்கிக் கணக் கில் நேரடியாகச் செலுத்தப்பட வுள்ளது. இது தொடர்பாக மின் வாரிய அதிகாரிகள் கூறியதாவது:
தமிழக மின்வாரியத்தில் சுமார் 80,000 ஊழியர்கள் பணிபுரி கின்றனர். பலகட்டப் பேச்சுவார்த்தைக்குப் பிறகு மின்வாரியத் தின் அனைத்து ஊழியர்களுக்கும் 2.57 காரணி ஊதிய உயர்வு வழங்க கடந்த பிப்ரவரி 22-ஆம் தேதி அமைச்சர் முன்னிலையில் ஒப்பந்தம் கையெழுத்தானது.

புதிய ஊதிய ஒப்பந்தத்தின்படி, களப்பணி உதவியாளருக்கு குறைந்தபட்ச பணப்பலன் ரூ.3,175 ஆகவும், அதிகபட்ச பணப்பலன் ரூ.7,775 ஆகவும் இருக்கும். அலுவலர்களுக்கு குறைந்தபட்ச பணப்பலன் ரூ.5,800 ஆகவும், அதிகபட்ச பணப் பலன் ரூ.27,375 ஆகவும் இருக்கும். இதற்கான அரசாணை வெள்ளிக்கிழமை இரவு தமிழ்நாடு மின்உற்பத்தி மற்றும் பகிர்மானக் கழகத்தின் அதிகாரப்பூர்வ இணையதளத்தில் பதிவேற்றம் செய்யப்பட்டுள்ளது.

புதிய ஊதிய உயர்வின்படி அவர்களுக்கான நிலுவைத் தொகை அனைத்தும் மார்ச் மாத சம்பளத்துடன் அவரவர் வங்கிக்கணக்கில் செலுத்தப்படும். இதன்மூலம், தமிழ்நாடு மின் உற்பத்தி மற்றும் பகிர்மானக் கழகத்துக்கு ஆண்டுக்கு ரூ.1,317 கோடி கூடுதல் செலவு ஏற்படும்.

காவிரி மேலாண்மை வாரியம்

பிரதமரின் நடவடிக்கை தமிழர்களின் உணர்வுகளை அவமதிப்பதாகும்: முத்தரசன்

சென்னை, மார்ச் 4 காவிரி விவகா ரத்தில் பிரதமர் நரேந்திர மோடி தமிழக மக்களின் உணர்வுக ளைக் காயப்படுத்துகிறார் என்று இந்திய கம்யூனிஸ்ட் கட்சியின் மாநிலச் செயலாளர் இரா.முத் தரசன் குற்றம்சாட்டியுள்ளார்.

இதுதொடர்பாக சனிக் கிழமை அவர் வெளியிட்ட அறிக்கை: காவிரி மேலாண்மை வாரியத்தை 6 வாரங்களுக்குள் மத்திய அரசு அமைக்க வேண் டும் என்று உச்சநீதிமன்றம் உத் தரவிட்டுள்ளது. தமிழக அரசு கூட்டிய அனைத்துக் கட்சிகள் கூட்டத்தில், பிரதமர் நரேந்திர மோடியை நேரில் சந்தித்து காவிரி மேலாண்மை வாரியம் அமைக்க வலியுறுத்துவது என்று முடிவு செய்யப்பட்டது. ஆனால், பிரதமரோ, வேண்டு மானால் நீர்வளத்துறை அமைச்சரை சந்தியுங்கள் எனக்கூறி அலட்சியப்படுத்தியதாக செய்திகள் வெளியாகியுள்ளன. பிரத மரின் நடவடிக்கை தமிழக மக்களின் உணர்வுகளைப் புறக்கணித்து காயப்படுத்தி, அவமதிப்பதாகும். இவ்வாறு இரா.முத்தரசன் குறிப்பிட்டுள்ளார்.

இடமாற்றத்துக்கு எதிர்ப்பு: சட்டக்கல்லூரி மாணவர்கள் உள்ளிருப்புப் போராட்டம்


சென்னை, மார்ச் 4- கல்லூரி இடமாற்றத்துக்கு எதிர்ப்பு தெரிவித்து, 6-ஆவது நாளாக சட்டக்கல்லூரி மாணவர்கள் உள்ளிருப்பு போராட்டத்தில் ஈடுபட்டனர்.

சென்னை பாரிமுனையில் உள்ள அம்பேத்கர் சட்டக்கல் லூரியை வேறு இடத்துக்கு மாற்றக்கூடாது என்பதை வலியுறுத்தி கடந்த 26ஆம் தேதி முதல் கல்லூரி வளாகத் தில் சட்டக்கல்லூரி மாணவ,-மாணவிகள் உள்ளிருப்பு போராட்டத்தில் ஈடுபட்டு வருகின்றனர்.

கடந்த 1ஆம் தேதி சட்டக் கல்லூரி மாணவர்கள் கல்லூரி சுவரில் ஏறி கீழே குதிக்கப்போ வதாக கூறி பரபரப்பு ஏற்படுத் தினர். நேற்று வாயில் கருப்பு துணி கட்டியும், முகத்தில் படம் வரைந்தும் தங்களது எதிர்ப்பை வெளிப்படுத்தினர்.

சட்டத்துறை அமைச்சரோ, செயலாளரோ நேரில் வந்து பேச்சுவார்த்தை நடத்தாதவரை, தங்களது போராட்டத்தை கைவிடப்போவதில்லை என்று சட்டக்கல்லூரி மாணவர்கள் உறுதியாக உள்ளனர்.

இந்தநிலையில் 6ஆ-வது நாளாக நேற்றும் சட்டக்கல்லூரி மாணவர்கள் தங்களது உள் ளிருப்பு போராட்டத்தை தொடர்ந்தனர்.

தமிழில் கருத்துக்களை தெரிவிக்க -  


Security code
Refresh

Banner
Banner