எழுத்துரு அளவு Larger Font Smaller Font


பெங்களூரு, மார்ச் 5 கருநாடக மாநிலம் பெங்க ளூருவில் விசன் - 2025 என்ற நூலை கருநாடக மாநில அரசு வெளியிட்டது. இதில் கலந்து கொண்டு முதல்வர் சித் தராமையா சிறப்புரையாற் றினார்.

அப்போது பேசிய அவர், எதிர்கால திட்டங்களை வகுக்காமல் மாநிலத்தை வளர்ச்சி பாதையில் கொண்டு செல்ல முடியாது. அதற்காகவே தொலைநோக்குப் பார்வை -2025 என்ற புத்தகம் வெளியிடப்பட்டுள்ளது.

அனைத்து தரப்பு மக்களையும் உள்ளடக்கிய வளர்ச்சி, விரைவான வளர்ச்சி மற்றும் நிலையான வளர்ச்சி என்ற நோக்கத்தில் காங்கிரசு அரசு செயல்பட்டு வருகிறது. கடந்த சட்டமன்ற தேர்தலின் போது, மக்களுக்கு அளித்த 165 வாக்குறுதிகளில் 155 நிறைவேற்றப்பட்டுள்ளன.

அன்ன பாக்யா திட்டத்தின் கீழ் ஏழை குடும்பங்களுக்கு இலவச அரிசி வழங்கப்படுகிறது. இதன்மூலம் 4 கோடி பேர் பயன்பெறுகின்றனர். நாங்கள் ஏற்கெனவே ஆரம்பித்துள்ள பொது சுகாதார காப்பீட்டுத் திட்டம் மூலம், 1.43 லட்சம் குடும்பங்கள் பயன்பெற்றுள்ளனர். பெண் குழந்தைகளுக்கு தொடக்கப்பள்ளி முதல் கல்லூரி வரை இலவசக் கல்வி வழங்க மாநில அரசு முடிவு செய்துள்ளது. அவர்கள் இனி ஒரு பைசா கூட கல்விக் கட்டணம் செலுத்த தேவையில்லை.

கருநாடகாவில் அமைக்கப்பட்டுள்ள 2 ஆயிரம் மெகாவாட் சூரியசக்தி மின்னுற்பத்தித் திட்டம், ஏராளமான பலன்களை அளிக்கப் போகிறது என்று முதல்வர் சித்தராமையா கூறியுள்ளார்.

காவலர் வேலைக்கு
மார்ச் 11இல் எழுத்து தேர்வு

சென்னை, மார்ச் 5  இரண்டாம் நிலை காவலராக பணியில் சேர, வரும், 11ஆம் தேதி, 232 மய்யங்களில், எழுத்து தேர்வு நடக்க உள்ளது.

தமிழக காவல் துறை, சிறைத்துறை மற்றும் தீயணைப்பு துறைக்கு, இரண்டாம் நிலை காவலர்கள், 6,140 பேரை தேர்வு செய்ய, தமிழக சீருடை பணியாளர் தேர்வு வாரியம், 2017 டிசம்பரில் அறிவிப்பு வெளியிட்டது. ஆண்கள், பெண்கள் மற்றும் திருநங்கை என, 3.26 லட்சம் பேர் விண்ணப்பித்து உள்ளனர்.

அவர்களுக்கு, மார்ச், 11ஆம் தேதி, 32 மாவட்ட தலைநகரங் களில், 232 மய்யங்களில் எழுத்து தேர்வு நடக்க இருப்பதாக, அந்த வாரியம், அறிவித்து உள்ளது.  மேலும், எழுத்து தேர்வில் பங்கேற்க,  என்ற, இணையதளத்தில், விண்ணப்பத்தாரர்கள், தங்களுக்கு தரப்பட்டுள்ள, ரகசிய குறியீட்டு எண்ணை பயன்படுத்தி, ‘ஹால் டிக்கெட்’ பதிவிறக்கம் செய்து கொள்ளலாம். ‘ஹால் டிக்கெட்’ பதிவிறக்கம் செய்ய முடியாத வர் கள், 044 - 40016200 என்ற, உதவி மய்ய தொலைபேசிக்கும், 9789035725 என்ற, மொபைல் போன் மற்றும், This e-mail address is being protected from spambots. You need JavaScript enabled to view it
என்ற மின்னஞ்சலிலும் தொடர்பு கொள்ளலாம் என, அறிவிக்கப்பட்டு உள்ளது.

தமிழில் கருத்துக்களை தெரிவிக்க -  


Security code
Refresh

Banner
Banner