எழுத்துரு அளவு Larger Font Smaller Font

பணமதிப்பு நீக்க நடவடிக்கையின்போது பா.ஜ.க. தலைவர்

அமித்ஷா இயக்குநராக உள்ள வங்கியில் ரூ.745.59 கோடி டெபாசிட்

18.2.2017 அன்று அமிஷத் ஊழல் குறித்து

விடுதலை'யில் வெளியான செய்தி

புதுடில்லி, ஜூன் 22 கடந்த 2016- ஆம் ஆண்டு நவம்பரில் கொண்டுவரப்பட்ட பணமதிப்பு நீக்கத்தின் போது, பாஜக தலைவர் அமித் ஷா இயக்குநராக இருக்கும் கூட்டுறவு வங்கியில், செல்லாத ரூ.500, ரூ.1000 நோட்டுகள் 5 நாட்களில் ரூ. 745.59 கோடி டெபாசிட் செய்யப்பட்ட தாகத் தகவல் அறியும் உரிமைச் சட்டத்தின் (ஆர்டிஅய்) மூலம் தெரியவந்துள்ளது.

பணமதிப்பு நீக்க நடவடிக்கைக்குப் பின் முதல் முறையாக குஜராத்தில் உள்ள கூட்டுறவு வங்கிகள் பெற்ற டெபாசிட் விவரங்கள் 2 ஆண்டுகளுக்குப் பின் வெளியாகி இருக்கிறது.கடந்த 2016-ஆம் ஆண்டு, நவம்பர் 8-ஆம் தேதி கொண்டுவரப்பட்ட பணமதிப்பு நீக்கத்தின் போது முதல் 5 நாட்கள் மட்டுமே கூட்டுறவு வங்கிகள் செல்லாத ரூபாய் நோட்டுகளை பெற்றுக் கொள்ள அனுமதிக்கப்பட்டு, அதன்பின் ரிசர்வ் வங்கி தடை செய்தது. இந்த 5 நாட்களில் குஜராத்திலுள்ள அகமதாபாத் மாவட்ட கூட்டுறவு வங்கியில் (ஏடிசிபி) ரூ.745.59 கோடி டெபாசிட் செய்யப்பட்டுள்ளது குறிப்பிடத்தக்கது. மும்பையைச் சேர்ந்த சமூக ஆர்வலர் மனோரஞ்சன் ராய் என்பவர் தகவல் அறியும் உரிமைச் சட்டத்தின் கீழ், பணமதிப்பு நீக்கத்தின் போது, வங்கிகளில் பெறப்பட்ட ரூபாய் விவரங்கள் குறித்து கேட்டிருந்தார். அவருக்கு நபார்டு வங்கியின் தலைமை பொதுமேலாளர் எஸ்.சரவணவேல் பதில் அளித்துள்ளார். அது தொடர் பான விபரம் வருமாறு:

ரிசர்வ் வங்கியின் அறிவிப்பு

அகமதாபாத் மாவட்ட கூட்டுறவு வங்கியின் இயக்குநர்களில் ஒருவராக பாஜக தலைவர் அமித் ஷா இருந்து வருகிறார். கடந்த 2000-ஆம் ஆண்டு இந்த வங்கியின் தலைவராக இருந்த நிலையில், இப்போது இயக்குநர்களில் ஒருவராகவே இருந்து வருகிறார்.இந்த அகமதாபாத் மாவட்ட கூட்டுறவு வங்கியில் கடந்த 2016, நவம்பர் 9- ஆம் தேதி முதல் 14-ஆம் தேதி வரை செல்லாத ரூ.500, ரூ.1000 நோட்டுகள் மட்டும் ரூ.745.59 கோடிக்கு டெபாசிட் செய்யப்பட்டுள்ளன என்று  அந்த பதிலில் கூறியுள்ளார். ஆனால், 14- ஆம் தேதிக்குப் பின் கூட்டுறவு வங்கியில் யாரும் பணம் கொடுத்து மாற்றக் கூடாது என்று ரிசர்வ் வங்கி அறிவித்தது குறிப்பிடத் தக்கது.

கடந்த 2017-ஆம் ஆண்டு மார்ச் 31-ஆம் தேதி வரை அகமதாபாத் மாவட்ட கூட்டுறவு வங்கியில் செய்யப் பட்ட ஒட்டுமொத்த டெபாசிட் ரூ.5 ஆயிரத்து 50 கோடி யாகும். வங்கியின் நிகர லாபம் ரூ.14.31 கோடியாகும். இது தவிர்த்து, ராஜ்கோட் மாவட்ட கூட்டுறவு வங்கி யின் தலைவராக ஜெயேஷ்பாய் விதால்பாய் ராதாதய்யா இருந்தார். இவர் குஜராத் மாநில முதல்வரும், பாஜக வைச் சேர்ந்தவருமான விஜய் ரூபானி அமைச்சரவை யில் கேபினட் அமைச் சரவையில் இடம் பெற்று இருந் தார். இந்த ராஜ்கோட் மாவட்ட கூட்டுறவு வங்கியில் ரூ.693.19 கோடி செல்லாத ரூ.500, ரூ.1000 நோட்டுகள் டெபாசிட்செய்யப்பட்டுள்ளன.

7 பொதுத்துறை வங்கிகள், 32 மாநில கூட்டுறவு வங்கிகள், 370 மாவட்ட கூட்டுறவு வங்கிகள், நாடு முழுவதும் 36-க்கும் அதிகமான அஞ்சல் நிலையங்களில் ரூ.7.91 லட்சம் கோடி ரூ.500, ரூ.1000 நோட்டுகள் டெபாசிட் செய்யப்பட்டுள்ளன. இது ரிசர்வ் வங்கி கூறிய ஒட்டுமொத்த டெபாசிட் தொகையான ரூ.15.28 லட்சம் கோடியில் 52 சதவீதமாகும்.இதில் நாடு முழு வதும் உள்ள மாவட்ட மற்றும் மாநில கூட்டுறவு வங்கிகள் பெற்ற டெ பாசிட் விவரங்கள் வந்துள்ளன. ஆனால், பொதுத்துறை வங்கிகளில் 7 வங்கிகள் மட் டுமே தங்களுக்கு வந்த டெபாசிட் விவரங்களைத் தெரிவித்துள்ளன. மீதமுள்ள 14 அரசு வங்கிகள் விவரங் களைத் தெரிவிக்க மறுத்துவிட்டன.இதில் 7 பொதுத் துறை வங்கிகளில் ரூ.7.57 லட்சம் கோடியும், 32 மாநில கூட்டுறவு வங்கிகளில் ரூ.6,407 கோடியும், 370 மாவட்ட கூட்டுறவு வங்கிகளில் 22 ஆயிரத்து 271 கோடியும், 39 அஞ்சல் நிலையங்களில் ரூ.4,408 கோடியும் செல்லாத ரூபாய் நோட்டுகள் டெபாசிட் செய்யப்பட்டுள்ளன.

பணமதிப்பு நீக்க நடவடிக்கை முடிந்தபின், 15 மாதங்களுக்குப் பின்பு ரிசர்வ் வங்கி தங்களிடம் 99 சதவீதம் அல்லது ரூ.15.28 லட்சம் கோடி செல்லாத ரூபாய் நோட்டுகள் திரும்பி வந்துவிட்டதாகத் தெரிவித்தது.இதுகுறித்து மனோரஞ்சன் ராய் கூறுகையில், பணமதிப்பு நீக்க நடவடிக்கையின்போது, மிகச் சில பொதுத்துறை வங்கிகளும் மிகச்சில மாவட்ட, மாநில கூட்டுறவு வங்கிகளுமே ஒட்டுமொத்த செல்லாத ரூபாய் நோட்டுகளில் பாதிக்கும் மேல் பெற்று இருக்கிறது என்ற தகவல் மிகவும் ஆபத்தானதாகும். இந்த விகிதத்தைப் பார்க்கும் போது, மற்ற 14 பொதுத் துறை வங்கிகள், கிராமத்தில் நகரத்தில் செயல்படும் வங்கிகள், தனியார் வங்கிகள், உள்ளூர் கூட்டுறவு வங்கிகள், ஜன்கல்யான் வங்கிகள், கடன் கூட்டுறவு வங்கிகள் உள்ளிட்ட மற்றவைகள் போன்றவை பெற்ற டெபாசிட் விவரங்கள் கிடைக்கவில்லை. இதில், மாநில கூட்டுறவு வங்கிகளில் செல்லாத ரூபாய் நோட்டுகளைக் கொடுத்து 2016, டிசம்பர் 30-வரை மாற்றிக் கொள்ள அனுமதிக்கப்பட்டது, ஆனால், மாவட்ட கூட் டுறவு வங்கிகளில் 5 நாள்கள் மட்டுமே அனுமதிக்கப் பட்டது என்பது முரண்பாடாக இருக்கிறது என்றார்.