எழுத்துரு அளவு Larger Font Smaller Font

புனே திரைப்படம் மற்றும் தொலைக்காட்சி பயிற்சி நிறுவனத்தில் மாணவரின் படத்தையே திரையிட அனுமதி மறுக்கும் அவலம்

புனே, செப்.11 மத்திய அரசின் நிறுவனமாகிய திரைப் படம் மற்றும் தொலைக்காட்சி பயிற்சி நிறுவனத்தின் மாண வரும், அந்நிறுவன மாணவர் சங்கத்தின் மேனாள் தலைவரு மாகிய அரிசங்கர் நாச்சிமுத்து, ‘ஹோரா’   23 நிமிட நேரம் ஓடக் கூடிய ஆவண குறும் படத்தை இயக்கியுள்ளார்.

அரிசங்கர் நாச்சிமுத்து இயக்கிய ஆவணப்படத்துக்கு எதிராக ஆர்.எஸ்.எஸ். மாண வர் அமைப்பாகிய அகிலபார திய வித்யார்த்தி பரிசத் அச் சுறுத்தத் தொடங்கிவிட்டது.

அதனையடுத்து, புனே திரைப்படம் மற்றும் தொலைக் காட்சி பயிற்சி நிறுவனக் கல்லூரியில் ஹோரா ஆவண குறும்படத்தை திரையிடுவ தற்கு வழங் கப்பட்ட அனுமதி விலக்கிக் கொள்ளப் பட்டுள் ளது. அதற்கு காரணமாக கூறப் பட்டுள்ளது என்னவெனில், ‘பாதுகாப்பு காரணம்’ என்பது தான்.

சமூக பொருளாதாரப் பிரச்சினை களை முன்னிறுத்தி தயாரிக்கப்பட்டுள்ள ஆவண, குறும்படத்தில், கபீர் காலா மஞ்ச் (கேகேஎம்) எனும்  அமைப்பின் சார்பில் தாழ்த்தப் பட்ட மற்றும் உழைக் கும் வகுப்பினரின் போராட்டத்தை முன்னெடுக்கும்வகையில் உணர்ச்சிப் பூர்வமாக நடத்தப் படுகின்ற பறையிசை கலை நிகழ்ச்சி இடம்பெற்றுள்ளது.

ஹோரா ஆவண குறும் படம் திரை யிடும் வகையில்  முன்னதாக புனே திரைப்படம் மற்றும் தொலைக்காட்சி  பயிற்சி நிறுவனத்தின் பேராசிரி யர்கள் பார்த்து ஆய்வு செய்து பின்னரே திரையிடலாம் என்று ஒப்புதல் அளித்தார்கள்.

இந்நிலையில், ஆர்.எஸ்.எஸ்-. மாணவர் அமைப்பாகிய ஏபிவிபியின் அழுத்தத்தால், படம் திரையிட வழங் கப்பட்ட அனுமதி விலக்கிக் கொள்ளப் பட்டுள்ளது.

இதுகுறித்து நாச்சிமுத்து கூறிய தாவது:

“திரையிடப்படுவதற்கு முதல் நாள் வரை எவ்வித பிரச்சினையும் எழ வில்லை. திரையிட்டால் பிரச்சினை எழும் என்று காவல்துறையின் அலுவ லர்கள் கூறியதாலேயே  நிகழ்ச்சிக்கு பயிற்சி நிறுவன நிர்வாகம் அனுமதியை விலக் கிக்கொண்டது’’ என்றார்.

திரைப்படம் மற்றும் தொலைக் காட்சி பயிற்சி நிறு வன மாணவர் சங்கம் சார்பில் இதுகுறித்து அறிக்கை வெளியிடப்பட்டுள்ளது.

அவ்வறிக்கையில், ஆர். எஸ்.எஸ். ஏபிவிபியின் அச்சுறுத் தலைத் தொடர்ந்தே, படம் திரையிடுவதற்கான அனுமதியை நிர்வாகம் விலக்கிக் கொண்டுள் ளது. கருத்துச்சுதந்திரத்தை முடக்குவதையே வரலாறாகக் கொண்டுள்ளது ஏபிவிபி. எங்கள் நிறுவனத்துக்குள் எங்க ளின் படம் எப்படி இருக்க வேண்டும் என்பதை ஏபிவிபி அமைப்பு கூறுகின்ற நிலை ஏற்பட்டுள்ளது. ஒரு கலைப்பயிற்சிக்கூடத்தில்கூட சுதந்திர மாக இயங்க முடியதா? அறிக் கையில் கண்ட னம் வெளியிடப்பட்டுள்ளது. கேகேஎம் அமைப்பு தடை செய்யப்பட்ட அமைப்பு அல்ல. அவ்வமைப் பின் பாடல் காட்சிகளில் அம்பேத்கர் கொள் கைகளை விவரிக்கின்ற பாடல் காட் சிகளே படத்தில் இடம் பெற்றுள்ளன.

அண்ணல் அம்பேத்கர் கொள்கை களையே ஏபிவிபி அமைப்பினர் மாவோயிஸ்ட்டு களின் கருத்து என்று கூறு கிறார்கள்.

தமிழக மாணவரான நாச்சி முத்து கூறுகையில், “புனே திரைப்படம் மற்றும் தொலைக் காட்சி பயிற்சி நிறு வனத்துக் குள் எந்த மாணவரின் படத் தையும் திரையிடுவதற்கு, நிறு வனத்துக்கு வெளியே உள்ள எந்த ஓர் அமைப்பின் பெயரா லும் மாவோயிஸ்ட்டுகள் என்று கூறிக்கொண்டு அனும தியை மறுக்கும் சூழல் உரு வாகியுள்ளது. இதன்மூலம், கல்லூரி நிர்வாகம் மாணவர்க ளுக்கு கற்பிக்க விரும்புவதெல் லாம் சிந்தனையற்ற பொழுது போக்கை மட்டும்தானா? இன்று எங்களுடைய படங் களைத் திரையிட விரும்பாமல் இருக்கலாம். நாளையே நாங் கள் தேர்வு எழுதுவதை யும் அனுமதிக்காத சூழல் ஏற்பட லாம். அதன்பிறகு சிந்திக்கவே கூடாது என் றும் கூறலாம்’’ என்றார்.