எழுத்துரு அளவு Larger Font Smaller Font

 

 

மத்தூரில் (தருமபுரி) நேற்று நடைபெற்ற தருமபுரி மண்டல திராவிடர் கழக இளைஞரணி மண்டல மாநாட்டுக்கு வருகை தந்த திராவிடர் கழகத் தலைவர் தமிழர் தலைவர் ஆசிரியர் மானமிகு கி.வீரமணி அவர்களுக்கு 250 கருஞ்சட்டை இளைஞர்கள் அணிவகுத்து அளித்த தீப்பந்த வரவேற்பு, எழுச்சிமிகு ஓர் உணர்ச்சிக் காவியமாகும். இரவு 7 மணியளவில் தருமபுரியிலிருந்து வருகை தந்த தமிழர் தலைவருக்கு தீப்பந்த வரவேற்பு அளிக்கப்பட்டது. தந்தை பெரியார் சிலை அருகே சாலையின் இரு புறங்களிலும் தீப்பந்தத்துடன் போர்ப்பாட்டு ஒலி முழக்கங்களை எழுப்பி வரவேற்றனர்.

தந்தை பெரியார் வாழ்க!  அன்னை மணியம்மையார் வாழ்க!  தமிழர் தலைவர் வீரமணி வாழ்க! பணி முடிப்போம் பணி முடிப்போம்! தந்தை பெரியார் பணி முடிப்போம்! என்ற ஒலி முழக்கங்களை மண்ணும் விண்ணும் அதிர முழக்கமிட்டு வரவேற்றனர். பல்வேறு கட்சிகள், இயக்கங்களைச் சேர்ந்த முன்னணியினரும், பொதுமக்களும் கூடி நின்று, கருஞ்சட்டைத் தோழர்கள் தமிழர் தலைவருக்கு இலட்சிய முழக்கமிட்டு வரவேற்ற காட்சியைக் கண்டு களித்தனர்.

இதுபற்றி மாநாட்டில் திராவிடர் கழகத் தலைவர் குறிப்பிட்டதாவது: மாநாட்டுக்கு இங்கே நான் வந்தபோது கழக இளைஞரணியினர் எழுச்சிமிகு தீப்பந்த வரவேற்பை அளித்தனர். எரித்து முடிக்கப்பட வேண்டிய பிற்போக்கு மதவாதக் கருத்துகள், மூடநம்பிக்கைகள், ஆதிக்கப் பழைமைச் சித்தாந்தங்கள், சமூக அநீதி போக்குகள் ஏராளமாக உள்ளன. அவை எதிர்த்து முறியடிக்கப்பட வேண்டும் என்பதற்கான அடையாளமாகத்தான் கழக இளைஞரணியினர் இந்த தீப்பந்த வரவேற்பினை அளித்தனர். அழிக்கப்பட வேண்டியவற்றை அழித்து முடிக்க அரிமாக்களாகிய நாங்கள் தயார் தயார் என்ற அறிவிப்பின் அடையாளம்தான் இந்தத் தீப்பந்த வரவேற்பு - அதற்குத் தயாராகி விட்ட இளைஞர்களின் சூளுரைதான் - அறிவிப்புதான் இந்தத் தீப்பந்த வரவேற்பு - அதனை ஏற்றுக் கொள்வதில் மகிழ்ச்சி அடைகிறேன் என்று குறிப்பிட்டார்.

 

தமிழில் கருத்துக்களை தெரிவிக்க -  


Security code
Refresh

Banner
Banner