எழுத்துரு அளவு Larger Font Smaller Font

 

சென்னை, பிப். 20- தமிழ்நாட்டின் முதலமைச் சராக 16.2.2017 அன்று பதவியேற்ற எடப் பாடி  பழனிசாமி அவர்கள் முன்னாள் முதல்வர் ஜெ.ஜெயலலிதா அவர்களின் வழியில் தமிழ்நாட்டை முன்னேற்றப் பாதையில் கொண்டு செல்லும் முனைப் போடு, சென்னை புனித ஜார்ஜ் கோட்டை யில் அமைந்துள்ள தலைமைச் செயலகத் தில் தமது பணிகளை இன்று (20.2.2017) துவக்கினார்கள்.

2016-ஆம் ஆண்டு மே மாதம் நடைபெற்ற சட்டப்பேரவை தேர்தலுக்கான அனைத் திந்திய அண்ணா திராவிட முன்னேற்றக் கழகத்தின் தேர்தல் அறிக்கையில் அறிவிக் கப்பட்ட வாக்குறுதிகளை நிறைவேற்றும் வகையில் தமிழ்நாடு முதலமைச்சர் அவர் கள் 5 திட்டங்களுக்கான கோப்புகளில் இன்று (20.2.2017) கையெழுத்திட்டு அத் திட்டங்களைச் செயல்படுத்திட ஆணையிட்டார். அய்ந்து கோப்புகளின் விவரம் பின்வருமாறு: -

அம்மா இரு சக்கர

வாகனம் திட்டம்

1) மகளிர், பணியிடங்களுக்கும், பிற வேலைகளுக்கும் எளிதில் செல்லும் வகையில் இரு சக்கர வாகனங்கள் வாங்க அய்ம்பது சதவீத மானியம் வழங்கப்படும் என்ற தேர்தல் அறிக்கையில் கொடுத்த வாக்குறுதியை நிறைவேற்றும் வகையில், ஆண்டொன்றுக்கு ஒரு லட்சம் உழைக்கும் மகளிருக்கு இரு சக்கர வாகனம் வாங்க அய்ம்பது சதவீத மானியம் அல்லது அதிக பட்சமாக ரூபாய் இருபதாயிரம் வழங்கப் படும். மகளிரின் முன்னேற்றத்தில் அதிக அக்கறை வைத்திருந்த முன்னாள் முதல்வர் ஜெ.ஜெயலலிதா அவர்களின் நினைவாக இத்திட்டம் “அம்மா இரு சக்கர வாகனம் திட்டம்“ என அழைக்கப்படும். ஆண் டொன்றுக்கு சுமார் 200 கோடி ரூபாய் செல வில் இத்திட்டத்தினை தமிழ்நாடு அரசு செயல்படுத்தும்.

முத்துலட்சுமி ரெட்டி மகப்பேறு நிதியுதவி ரூ.18 ஆயிரமாக உயர்வு

2) ஏழை கர்ப்பிணித் தாய்மார்களுக்கு வழங்கப்பட்டு வந்த டாக்டர் முத்துலட்சுமி ரெட்டி மகப்பேறு நிதியுதவி, 1.6.2011 முதல் 12 ஆயிரம் ரூபாயாக உயர்த்தி வழங்க முன்னாள் முதல்வர் ஜெ.ஜெய லலிதா அவர்கள் ஆணையிட்டார்கள். உலக நாடுகளின் நிலையையொத்த பேறு கால குறியீடுகளை தமிழ்நாடு அடையும் பொருட்டும், பேறு கால தாய் சேய் இறப்பு விகிதத்தினை மேலும் குறைக்கும் பொருட்டும், 2016ஆம் ஆண்டு சட்டமன்ற தேர்தலுக்கான தேர்தல் அறிக்கையில் ஏழை கர்ப்பிணிப் பெண்களுக்கு வழங்கப் படும் டாக்டர் முத்துலட்சுமி ரெட்டி மகப் பேறு நிதி உதவியினை 12 ஆயிரம் ரூபாயிலிருந்து 18 ஆயிரம் ரூபாயாக உயர்த்தப் படும் என அறிவிக்கப்பட்டிருந்தது.

அதனை நிறைவேற்றும் வகையில் டாக்டர் முத்துலட்சுமி ரெட்டி மகப்பேறு நிதி உதவியினை 12ஆயிரம் ரூபாயிலிருந்து 18 ஆயிரம் ரூபாயாக உயர்த்தி வழங்க ஆணையிட்டு அதற்கான கோப்பில் தமிழ் நாடு முதலமைச்சர் அவர்கள் கையொப்ப மிட் டார்கள்.

இத்திட்டத்தின் மூலம் ஆண்டொன் றுக்கு சுமார் 6 லட்சம் தாய்மார்கள் பயன டைவர். ஆண்டொன்றுக்கு 360 கோடி ரூபாய் கூடுதல் செலவில் இத்திட்டத் தினை தமிழ்நாடு அரசு செயல்படுத்தும்.

மீனவர்களுக்கு 5000 வீடுகள்

3) தேர்தல் அறிக்கையில், முன்னாள் முதல்வர் ஜெ.ஜெயலலிதா அவர்கள் மீனவர்களுக்கென தனியே வீடு கட்டும் திட்டம் செயல்படுத்தப்படும் என்று அறிவித்தார்கள். மீனவர்களின் பாதுகாப்பை உறுதி செய்வதிலும், அவர்களின் வாழ்க் கைத் தரத்தை உயர்த்துவதிலும் தமிழ்நாடு அரசு தொடர்ந்து முனைப்பாக செயல்பட்டு வருகிறது.

இதன் தொடர்ச்சியாக, தமிழ்நாட்டில் மீனவர்களுக்கான தனி வீட்டு வசதி திட் டத்தைச் செயல்படுத்த ஆணையிட்டு அதற் கான கோப்பில் முதலமைச்சர் அவர்கள் கையொப்பமிட்டார்கள். இத்திட்டத்தின் கீழ் 5000 வீடுகள் கட்டப்படும். ஒரு வீட்டின் மதிப்பு 1 இலட்சத்து 70 ஆயிரம் ரூபாய் ஆகும். 85 கோடி ரூபாய் செலவினத்தில் இத்திட்டம் செயல்படுத்தப்படும்.

வேலை வாய்ப்பற்ற இளைஞர்களுக்கு

4) வேலைவாய்ப்பற்ற இளைஞர்களுக்கு தற்போது வழங்கப்பட்டு வரும் மாதாந்திர உதவித் தொகை இரு மடங்காக அதிகரிக் கப்படும் என முன்னாள் முதல்வர் ஜெ.ஜெயலலிதா அவர்கள் தேர்தல் அறிக்கை யில் அறிவித்திருந்தார்கள்.

மேற்கண்ட தேர்தல் வாக்குறுதியை நடைமுறைப்படுத்தும் விதமாக தமிழ்நாடு அரசு 10ஆம் வகுப்பு தேர்ச்சிபெறாத இளைஞர்களுக்கு வழங்கி வரும் மாதாந் திர உதவித் தொகையை ரூபாய் 100லிருந்து ரூபாய் 200 ஆக உயர்த்தியும், 10ஆம் வகுப்பு தேர்ச்சி பெற்ற இளைஞர்களுக்கு வழங்கி வரும் மாதாந்திர உதவித் தொகையை ரூபாய் 150லிருந்து ரூபாய் 300ஆக உயர்த்தியும், 12ஆம் வகுப்பு தேர்ச்சி பெறாத இளைஞர்களுக்கு வழங்கி வரும் மாதாந்திர உதவித் தொகையை ரூபாய் 200லிருந்து ரூபாய் 400 ஆக உயர்த்தியும், பட்டப்படிப்பு மற்றும் முது நிலை பட்டப்படிப்பு முடித்த இளைஞர் களுக்கு வழங்கி வரும் மாதாந்திர உதவித் தொகையை ரூபாய் 300லிருந்து ரூபாய் 600 ஆகவும் உயர்த்தியும் ஆணையிட்டு அதற்குரிய கோப்பில் முதலமைச்சர் அவர் கள் கையெழுத்திட்டார்கள். இத்திட்டத்தின் மூலம் தற்போது உதவித்தொகை பெற்று வரும் 55.228 இளைஞர்கள் உயர்த்தப்பட்ட உதவித் தொகை பெற்று பயன் பெறுவர். இத்திட்டத்தை செயல்படுத்துவதனால் தமிழ் நாடு அரசுக்கு ஆண்டொன்றுக்கு 31 கோடி ரூபாய் செலவினம் ஏற்படும்.

மேலும் 500 மதுபானக் கடைகள் மூடல்

5. மதுவிலக்கு படிப்படியாக அமல் படுத்தப்பட்டு பூரண மதுவிலக்கு என்ற நிலை எய்தப்படும் என்ற தேர்தல் வாக்குறு தியை நிறைவேற்றும் வகையில் முன்னாள் முதல்வர் ஜெ.ஜெயலலிதா அவர்கள் 500 மதுபானக் கடைகளை மூடியும், மதுபானக் கடைகள் திறந்திருக்கும் நேரத்தை குறைத் தும் 24.5.2016 அன்று ஆணையிட்டார்கள்.

மேற்கண்ட கொள்கையினை முன்னெ டுத்து செல்லும் வகையில், தமிழ்நாட்டில் மேலும் 500 மதுபானக் கடைகள் மூடுவதற் கான ஆணையிட்டு, அதைச் செயல்படுத் தும் வகையில் அக்கோப்பில் முதலமைச்சர் எடப்பாடி பழனிசாமி அவர்கள் இன்று (20.2.2017) கையொப்பமிட்டார்.

தமிழில் கருத்துக்களை தெரிவிக்க -  


Security code
Refresh

Banner
Banner