எழுத்துரு அளவு Larger Font Smaller Font

திருச்சி, ஜன. 11- அதிமுக ஆட்சியில் மக்கள் நிம்மதியாக இல்லை. திமுக ஆட்சிக்கு வந்ததும் உள்ளாட்சி தேர்தல் நடத்தப்படும்’ என்று மு.க.ஸ்டாலின் தெரிவித்துள்ளார்.

`மக்களிடம் செல்வோம்... மக்களி டம் சொல்வோம்... மக்களின் மனங் களை வெல்வோம்...’ என்ற முழக் கத்தை முன்வைத்து தி.மு.க. சார்பில் 12,671 ஊராட்சிகளிலும் ஊராட்சி சபை கூட்டம் நேற்று முன்தினம் தொடங்கி யது. திருவாரூர் மாவட்டம் புலிவலம் ஊராட்சி வில்வனம்படுகையில் தி.மு.க. தலைவர் மு.க.ஸ்டாலின் பங்கேற்றார். அதைத்தொடரந்து, தஞ்சாவூர் மாவட் டம் நாஞ்சிக்கோட்டை, மாதாக்கோட்டை உள்ளிட்ட ஊராட்சி சபை கூட்டங்கில் கலந்து கொண்டார். இதையடுத்து, 2ஆம் நாளான நேற்று (10.1.2019), திருச்சி மாவட்டம் மணப்பாறை ஒன்றியம் சீகம்பட்டியில் ஊராட்சி சபை கூட்டம் நடந்தது.

கூட்டத்தை தொடங்கிவைத்து மு.க. ஸ்டாலின் பேசியதாவது: ஆரவாரத் தோடு, எழுச்சியோடு பெண்கள் அதி களவில் வந்திருப்பது எங்கள் மீதுள்ள நம்பிக்கையை காட்டுகிறது. தமிழகத் தில் நடக்கும் அடிமை, அக்கிரம, அரா ஜக ஆட்சிக்கு முற்றுப்புள்ளி வைக்க வேண்டும். அதன் தொடக்கப்புள்ளியாக தி.மு.க. ஆட்சி அமையும் வகையில் இந்த நிகழ்ச்சி இருக்க வேண்டும் என்று ஏற்பாடு செய்யப்பட்டுள்ளது. அதிமுக ஆட்சிக்கு வந்து 7 வருடங்கள் ஆகிறது. உள்ளாட்சி தேர்தல் நடத்தப் பட்டிருக்க வேண்டும்.

ஆனால் திட்டமிட்டு தேர்தலை நடத்தவில்லை. ஊராட்சி தலைவர்கள், உறுப்பினர்கள் இருந்திருந்தால், உங்கள் பிரச்சினைகள் தீர்க்கப்பட்டிருக்கும். உள்ளாட்சி தேர்தலை நடத்தினால், தி.மு.க. வெற்றி பெற்று விடும் என நினைத்து தேர்தலை நடத்தாமல் உள்ள னர். நீதிமன்றம் உத்தரவிட்டும் பெண் களுக்கான இடஒதுக்கீட்டை காரணம் காட்டி, குளறுபடி ஏற்படுத்தி தேர்தலை நடத்தாமல் உள்ளனர். தமிழகம் முழு வதும் பல்வேறு பிரச்சினைகள் உள் ளது. ஆனால், ஜெயலலிதாவால் உரு வாக்கப்பட்ட ஆட்சியை நடத்துபவர்கள் கொள்ளையடித்துக் கொண்டிருக்கிறார் கள். இனி ஆட்சிக்கு வர முடியாது என நினைத்து இருக்கும் வரை சுருட்டிக் கொள்ள திட்டமிட்டு கொள்ளையடித்து வருகின்றனர். இந்த ஆட்சியில் மக்கள் நிம்மதியாக இல்லை. திமுக ஆட்சிக்கு வந்தால்தான் உள்ளாட்சி தேர்தல் நடத் தப்படும். தமிழகத்தில் தாமரை மலரும் என்று கூறுகிறார்கள். சுட்டுப்போட் டாலும் தாமரை மலர வாய்ப்பில்லை. இவ் வாறு மு.க.ஸ்டாலின் பேசினார்.

பெண்கள் சொந்தக்காலில் நிற்க நடவடிக்கை எடுப்பேன்..

சீகம்பட்டி ஊராட்சி சபை கூட் டத்தை முடித்துக்கொண்டு பகல் 12 மணிக்கு மணிகண்டம் ஒன்றியம் நவ லூர்குட்டப்பட்டு ஊராட்சி சபை கூட் டத்தில் மு.க.ஸ்டாலின் கலந்து கொண் டார். கூட்டத்தில் ஆயிரக்கணக்கில் திரண்டிருந்த மக்கள் மத்தியில் மு.க. ஸ்டாலின் பேசியதாவது:தமிழகத்தில் மாற்றம் வரும் என்ற நம்பிக்கையுடன் வந்துள்ளீர்கள். பெண்கள் சலசலப்பின்றி அமர்ந்திருப்பதுதான் நமக்கு வெற்றி. 5 மாதத்தில் எம்.பி. தேர்தல் வருகிறது. அதனுடன் சட்டமன்ற தேர்தலும் வந்தால் நாடு உருப்படும். தி.மு.க. ஆட்சிக்கு வந்ததும் மீண்டும் மகளிர் சுயஉதவிக்குழுக்கள் மேம்படுத்தப் படும்.

அந்த பொறுப்பை நானே வைத்துக் கொண்டு பெண்கள் தங்கள் சொந்தக் காலில் நிற்க நடவடிக்கை எடுப்பேன். இவ்வாறு அவர் பேசினார்.

தமிழில் கருத்துக்களை தெரிவிக்க -  


Security code
Refresh

Banner
Banner