எழுத்துரு அளவு Larger Font Smaller Font

பொய்யான வாக்குறுதிகள், போலி யான விளம்பரங்கள். தேர்தலுக்குத் தேர்தல் ஏமாற்றுவதே தொழில். எதற்கெடுத்தாலும் சப்பைக்கட்டுகள் - ஜால்ரா தட்ட இங்கு தயாரிக்கப்பட்ட ஒரு கூட்டம். முன்பெல் லாம் பம்மிக்கொண்டு இருந்தவர்கள் - பயமின்றிக் கூச்சமின்றிச் சிறிதும் வெட்கமு மின்றிப் பசப்பு கிறார்கள். இப்படியே காலம் ஓடிவிடும் என்று கனவு காண்கிறார்கள். இந்துத்துவா துருப்புச்சீட்டு கை கொடுக்கும் எனும் கனவில் மிதந்துகொண்டு இருக் கிறார்கள். மோடி அரசு வந்தால் முகம் மலர்ந்து, மாற்றம் வரும் என்று தாமரைக்கு வாக்களித்த நடுநிலை வாக்காளர் என்பவர் முகமெல்லாம் மெல்ல மெல்லக் கூம்பி வருகிறது. கூம்பியது கூம்பியதுதான், அதை மாற்றவே முடியாது என்பதை ஆட்சியாளர் உணரவேண்டும். ஏன்?

தொடக்கத்தில் இருந்தே காவிக்கட்சி அரசு என்பது நாட்டு நலனுக்கு, சமூக ஒற்றுமைக்கு, இட ஒதுக்கீட்டுக்கு, இந்த மண்ணின் பண்பாட்டுக்கு, விரோதமான நஞ்சான அரசு என்று சொல்லிச்சொல்லி வலியுறுத்திவருவது திராவிடர் கழகம் மட்டும்தான், தமிழர் தலைவர் ஒருவர் தான்! அந்த அளவிற்குத் தொலை நோக்கான சமூக சீர்த்திருத்த இயக்கம் திராவிடர் கழகம்.  அவ்வப்போது மோடி அரசின் முக மூடியைக் கிழித்து, உட்பொதிந்த வஞ்சகத்தை, மைபொதி விளக்கேயன்ன அவர்கள் மனத்தில் புதைந்த கடுப்பினை வெளிச்சம் போட்டு விளக்கியே வந்தது திராவிடர் கழகம்.

ஓர் ஆட்சி என்றால் ஒன்று, இரண்டு நல்லது கூடவா இல்லாமல் போய்விடும். பா.ஜ.க.விற்கு வால் பிடிக்கும் கூட்டம் பாவம் மூன்றாண்டு ஆட்சி நிறைவுச் சாதனைப்பட்டியல் பாரீர், பாரீர் என்று பாராட்டி எழுத ஏதுமில்லாமல் தவிக்கும் பாட்டைப் பார்க்கையில் நமக்குச் சிரிப் பாக இருந்தாலும் அவர்களின் பச்சைத் துரோகம் நம் மனதைக் குடைகிறது.

சரி! அவர்கள் சொல்லும் அசட்டுப் பிசட்டுச் சாதனைகள் என்பவை வெறும் வாய்வார்த்தை, வாய்ஜாலம் தான்.

தூய்மை இந்தியா, மேக் இன் இந்தியா, டிஜிட்டல் இந்தியா அண்டு ஸ்மார்ட் சிட்டி என்று பேசியதை நன் றாகக் கவனிக்க வேண்டும். பேசியதை, வெறும் பேச்சைக் கூட நியாயப்படுத்த முடியவில்லை. ஏதாவது நடந்து இருந் தால்தானே. "பேரு பெத்த பேரு, தாக நீளு லேது" கதை தான்.

நம்மைக் கேட்கட்டும். நாம் அந்த ஓட்டைச் சல்லடைத் திட்டங்களை உரி, உரி என்று உரித்துப்போட ஆதாரங்கள், ஆவணங்கள் நம்மிடம் ஏராளம், ஏராளம்!

பா.ஜ.அரசின் ஆட்சியில் மக்கள் பட்ட வேதனைகள் அவதிகளை நம்மால் பட்டியல் இட முடிகிறது. அண்ணா அன்று முழங்கினாரே "கும்பி எரியுது, குடல் கருகுது - உங்களுக்கு ஆட்சி ஒரு கேடா? மக்கள் அவதிப்பட்டு மாண்டது போதாதா? நீங்கள் ஆண்டது போதாதா?" என்று கேட்க வேண்டும். 450 உழவர் பெருமக்கள் மாண்ட பின்னும் இங்கி ருக்கும் ஆட்சியின் கையாலாகாத தனத் தால் கையைப்பிசைந்து கொண்டிருக் கிறோம்.

சென்னை குடிநீர்ப்பஞ்சம் என்பது குறிப்பாகப் பத்து ஆண்டுகள் வீராணம் திட்டத்தால் இல்லாமல் இருந்தது. ஆனால் சந்துபொந்துகளில் எல்லாம் தண்ணீர் லாரிகள் நிற்கின்றன. காலிக் குடத்தோடு காத்திருந்த மக்களிடையே தாயாய்ப் - பிள் ளையாய்ப் பழகிய வர்களிடையே சண்டை.

இதற்கெல்லாம் காரணம் மத்தியில் ஆளும் மோடி அரசு என்பதைப் பட்ட வர்த்தனமாகக் கூறாமல், வானம் பொய்த்து விட்டது என்று இங்குள்ள அடிமை அமைச்சர் திருக்கூட்டம் பசப்புகிறது. வானம் இந்த ஆண்டுதான் பொய்த்துப் போனதா? கடந்த பத்துப் பதினைந்து ஆண்டுகளில் பொய்த்துப் போகவில் லையா? அல்லது பெய்து கெடுத்து விட்டுப் போகவில்லையா?

காவிரியில் வந்து கொண்டிருந்த நீர்வரத்தைக் கன்னடத்தான் அடைத் தான். திட்டமிட்டுத் தண்ணீர் வரும் வழி அடைக் கப்பட்டது. திருச்சி, தஞ்சை மாவட்டங்கள் மட்டுமின்றிச் சென்னை வரை குடிக்கக் கூடத் தண்ணீர்ப் பஞ்சம். இங்கிருக்கும் நதிகளை இணைத்துக் கொடுத்திருந்தாலே இவ்வளவு பஞ்சம் ஏற்பட்டிராது.

அண்டை மாநிலம் ஆந்திரா ஓராண் டுகளில் நதிநீர் இணைப்பை உருப் படியாக நிறைவேற்றியது என்று ‘வாட்ஸ் அப்பில்' படித்ததோடு சரி. முதலமைச்சர் என்று டில்லியின் சூத்திரக்கயிற்றுக்கு ஆடும் பொம்மை. விளைவு காவி வாடை தமிழ் மண்ணில் மணக்க வைக்க மட்டும் காத்திருக்கிறது கழுகுபோல மய்ய அரசு.

ஆனால் ஒரு நிம்மதி. மக்களிடம் பேசினால் சாமானிய மக்கள் கூட இந்த விஷயத்தில் இது பெரியார் மண்! கரகாட் டக்காரி என்ன ஆட்டம் போட்டாலும் காவியின் ஆட்டம் எடுபடாது என்றே கூறக் கேட்கிறோம்.

விலைகள் உயர்ந்து கிடக்கின்றனவே. ரேஷனில் கொடுத்துவந்த உளுத்தம் பருப்பு இல்லாமல் போயிற்றே. இதற்கு அடிப்படை பெட்ரோல், டீசல் ஆகிய வற்றின் வரி உயர்வு. எவ்வளவு உயர்வு தெரியுமா? 200 விழுக்காடு போக்கு வரத்துச் செலவு உயர்ந்தால் பொருள் விலை கூடும் சாமானியனுக்கும் தெரியும் பொருளாதாரம்.

மருந்து பொருள் விலை உயர்ந் திருக்கிறது.

ரயில் கட்டண உயர்வு ஆண்டுக்கு ஆண்டு அதிகம். 200 ரூபாய் பயணச் சீட்டில் பயணிக்க வேண்டிய பயணி களுக்கு 800 ரூபாய் கட்டணத்தில் சிறப்பு ரயில் என்று அதே ஓட்டை உடைசல் ரயில் வண்டி. ரயில்வேயில் செய்த எந்தச் சீர் திருத்த மாவது மக்களுக்கு பயனளித் திருக்கிறதா? தமிழ் மண்ணுக்கு என்று புதிய ரயில், புதியபாதை, புது வசதிகள் ஏதும் கிடையாது.  வாரத்தில் திங்கள், புதன் என இரண்டு நாட்கள் ஓடிய துரந்தோ, மேலும் ஒரு நாள் வெள் ளியன்று அதே பாதையில் ஓடுகிறது. கேட்டால் புதிய ரயிலாம். முன்பதிவு செய்யும் விண்ணப்பப் படிவத்தைத் தமிழிலும் ஆங்கிலத்திலும் கொடுத்த நிலை மாறி ஆங்கிலத்திலும், மலையாளத்திலும் கொடுக்கும் துணிவு கண்டதுதான் மிச்சம்.

ஒரு காலத்தில் மக்கள் பயன்படுத்த அஞ்சி இப்போது குடிசை மக்களும் பயன்படுத்தும் எரிவாயு உற்பத்தியில் செலவு ஏதும் கூடுவதில்லை. ஆனால் இன்று எரிவாயு விலை உயர்வு. உயர்வு என்றால் ஒரு மடங்கு இரு மடங்கு அல்ல - அய்ந்து மடங்குகள். பெண்கள் கண்ணீர் வடிக்கும் மோடி அரசின் சாதனை இது. ஆம்! எரிவாயு விலையை ஏற்றிக் கொண்டே போவது.

விவசாயி வீட்டுக் கடனுக்கு வாசல் கதவைத் தட்டுகிறான். வீட்டுப் பொருட் களை ஜப்தி என்ற பெயரில் வாரிக் கொண்டு போகிறான். ஆனால் பெரு முதலைகளின் வாராக்கடன், உயர்ந்து கொண்டே போகிறது.

கருப்புப் பணத்தைக் கண்டு பிடிப் போம். கண்டுபிடித்த காசை ஒவ்வொ ருவர் கணக்கிலும் அய்ந்து லட்சம் போடுவோம் என்று வாய்ப்பந்தல் போட் டவர்கள் வெளிநாட்டு கருப்புப்பண முதலீட்டாளர் பெயரை வெளியிட மறுத்தது ஏன்? மோடி அரசுக்குத்தான் வெளிச்சம்.

500, 1000 நோட்டுக்கள் செல்லாது என்று அறிவித்ததே மோசடி. ஓர் அரசு முறையாகச் செய்ய வேண்டிய முறையில் செய்யாமல் மோடியே முன்வந்து ‘பாயி யோங், பேகனோங்' என்று அறிவித்த போதே இது மோசடி என்பது தெரிந்தது. அவனவன் உழைத்துச் சேர்த்து வைத்த பணத்தை வங்கியிலிருந்து எடுக்கப்பட்ட பாடு - கொடுமை. தன் பணத்தை வங்கியில் சேமித்து வைத்தவனெல்லாம் குற்றவாளி ஆகின்ற நிலை. ஆனால் பிஜேபிக்காரன் தடபுடல் கல்யாணம். 200 கோடி செலவு. இதெல்லாம் கேட்பாரற்றுப் போயிற்று. கள்ளப்பணம், கருப்புப்பணம் பதுக்கல் பணம் என்று பெரிதாக வந்து விடவில்லை.

மாறாக இடைத்தேர்தலில் ஒரு ஓட் டுக்கு 500, 1000 என்று இருந்தது. இரண்டு புது 2000. நோட்டாகக் கை மாறியதே எப்படி? எல்லாம்மோடி என்பதை விட மோசடிதான், மோசடித்தான்! மோடியின் வெளிநாட்டுப் பயணங்கள் உலக வரை படத்தில் கால் வைக்காத நாடு, ஊர் இருக் கக் கூடாது என்பதாகத்தான் இருந்ததே தவிர என்ன பயன் விளைந்திருக்கிறது? எத்தனை கோடி அந்நிய முதலீடு வந்து குவிந்திருக்கிறது. நாணயம் இருந்தால் இது குறித்து நாவசையட்டும், வெளி யுறவுக் கொள்கை எவ்விதப் பயனும் அளிக்க வில்லை.

ராணுவ வீரர் ஓய்வூதியத் திட்ட தாமத மாம், உதய்மின் திட்டம் எல்லாம் தோல்வி.

யானைப் பசிக்குச் சோளப்பொரி என்பதுபோல் வறட்சி நிவாரணத்திற்குக் கேட்டதில் பத்து சதவீதம்தான் கிடைத் தது; தமிழகம் வறட்சியில் வாடுகிறது.

ஏற்கெனவே மாசுபட்டுக் கிடக்கிறது கங்கை நீர். அதில் வாயில் நுழையாத பெய ருடைய கிருமிகள் என்றெல்லாம் தகவல் வருகிறது. அந்த நீரைத் தபால் துறை வழி இந்தியா முழுவதும் அனுப்பி இந்தியா முழுமைக்கும் மாசு பட்ட நீரால் நோய்க் கிருமி பரப்பிய புண்ணியவான் அரசு மோடி அரசு என்று பெயரெடுத்து விட்டது.

இப்படிச் சொல்லிக் கொண்டு போவதை விடப் பட்டியல் போடுகிறேன்.

மோசடி செய்து மூன்று மாநிலங்களில் ஆட்சி

அருணாசலப் பிரதேச ஆட்சி கலைத்து மூக்கறுப்பு

ராணுவத்திற்கான உணவில் முறை கேடு

இடஒதுக்கீட்டில் கை வைக்க முயற்சி

பென்சன் வட்டி வீதம் குறைப்பு, விதி முறை மாற்றங்கள்

மகாத்மா காந்தி ஊரக வேலை வாய்ப்புத் திட்டத்தில் பல ஆயிரம் கோடி ஊதியம் தாமதம்.

யாராவது தலைவர்கள் இறந்தபோது கூடக் கடை அடைக்காத ஓட்டல்காரர், மருந்துக் கடைக்காரர் எல்லாம்  ஜி.டி.பி. குளறுபடியால் கடை அடைத்த அவலம் இதுவரை காணாத ஒன்று.

புதிய வங்கிக் கட்டணங்கள்

ஆதார் குளறுபடி

அந்நிய நேரடி முதலீடு

இந்தித் திணிப்பு

காவிரி நீர் மேலாண்மை வாரியம் அமைக்காத மோசடி

நீதிபதிகள் நியமன தாமதம்.

அய்.டி. ஊழியர் லட்சக்கணக்கில் பணி இழப்பு

கல்புர்கி, ரோகித்வெமுலா கொலை

ஜவகர்லால் நேரு பல்கலைக்கழகப் பிரச்சினைகள்

வருண் காந்தி ராணுவ ரகசியங்கள்

ஜல்லிக்கட்டுப் பிரச்சினை

இவ்வளவு தானா என்று இருந்து விடா தீர்கள், இன்னும் இருக்கிறது.

லலித்மோடி வியாபம், கிரண் ரிஜ்ஜூ 450 கோடி சுரங்க ஊழல்

பிரான்சு பழைய போர் விமானம் அதிக விலை

பள்ளிப் பாடப் புத்தகங்களில் இந்துத்வா வரலாறு திணிப்பு.

பல்வேறு பா.ஜ.க. உறுப்பினர்களின் வெடி தயாரிப்பு, ஓரினச்சேர்க்கை, பலாத்காரம், பெண் பற்றிய பண்பாட் டுக்கு முரணான கருத்துகள். சஹாரா பண லஞ்சம், மோடி முதலமைச்சராக இருந்தபோது தனியார் நிறுவன விளம் பரம், ஜியோ பே.டி.எம் விளம்பரம், பதில் இல்லாத தகவல் உரிமைச் சட்டம். ஜக்கி ஈஷா யோகா நிகழ்ச்சி, பாபா ராம்தேவ் நில ஒதுக்கீடு, சமஸ்கிருதம் திணிப்பு. பொதுசிவில் சட்டம், கங்கை தூய்மைப்படுத்தும் திட்டம் 20,000 கோடி வீண்!

மாட்டுக்கறி தடை, மாட்டுக்கறி கொலைகள், பசுமை தீர்ப்பாயம், ரவிசங்கர் மாநாட்டுக்கு அபராதம், அயோத்தி ராமர்கோயில், அமைச்சர் களின் வெறுப்புப் பேச்சு, கட்டாய சூரிய வணக்கம், டில்லியில் விவசா யிகள் போராடிய கொடுமை, ரேஷன் மானியம் நிறுத்தம், நீட் தேர்வு மோசடி, 470 கோடி பணம் பிடித்தது முதல் பல்வேறு வேட்டைகளின் நிலை, 500, 1000 செல்லாததில் திரும்ப வந்தது எவ்வளவு, அதானிக்கு மட்டும் 72,000 கோடி கடன், ஸ்டேட்பேங்கில் நான் போட்ட பணம் எடுக்கக்கட்டணம் குறைந்த தொகை இருப்பு 5000 என்று அவதிக்கு மேல் அவதியுறும் மக்க ளுக்கு,  ஆயிரம் ரூபாய் ஓய்வூதியம் பெறும் கிழவி வங்கியில் குறைந்த அளவு இருப்பு 5000 வைக்காததால் 350 ரூபாய் போக 650 மட்டுமே ஓய்வூதியம் பெறும் அவலம் ஆகி யவைகளுக்கு எல்லாம் எப்போது இந்த அரசிடமிருந்து விடுதலை கிடைக்கும்?

தமிழில் கருத்துக்களை தெரிவிக்க -  


Security code
Refresh

Banner
Banner