வெள்ளி, 18 மே 2012 16:00

0 Comments

அய்தராபாத், மே.18- பல கோடி ரூபாய் சொத்துக் குவிப்பு புகாரில் சிக்கியுள்ள ஜெகன்மோகன் ரெட்டி யின் நிறுவனங்களின் சொத்துக் களைப் பறிமுதல் செய்ய சி.பி.அய். நடவடிக்கை எடுத்துள்ளது.

ஆந்திராவில் ஹெலிகாப்டர் விபத்தில் உயிரிழந்த மருத்துவர் ஒய்.எஸ்.ராஜசேகர ரெட்டி முதல் அமைச்சர் பதவி வகித்தபோது, அதைப் பயன்படுத்தி அவரது மகன் ஒய்.எஸ். ஜெகன்மோகன் ரெட்டி வருமானத்துக்கு மீறி பல கோடி ரூபாய் சொத்துக்களை குவித் துள்ளதாக புகார் எழுந்துள்ளது. இது தொடர்பாக சி.பி.அய். விசாரணை நடத்தி வருகிறது.

இதற்கிடையே ஜெகன்மோகன் ரெட்டிக்கு சொந்தமான டெலிவிஷன் சானல், பத்திரிகை மற்றும் ஒரு நிறுவனத்தின் வங்கிக்கணக்குகளை சி.பி.அய். கடந்த 10 நாட்களுக்கு முன்பு முடக்கி நடவடிக்கை எடுத்துள்ளது.

இது குறித்து கருத்து தெரிவித்த ஜெகன்மோகன் ரெட்டி, ``எனது ஊடகங்களைக் குறிவைத்து எடுக்கப்பட்டுள்ள இந்த நடவடிக்கை பட்டப்பகலில் நடந்த ஜனநாயகப் படுகொலை. அரசியல் ரீதியாக என்னை சந்திக்க முடியாமல் தோற் றுப்போனவர்கள், எனக்கு எதிராக சதித்திட்டம் தீட்டி உள்ளனர்'' என்றார்.

இந்த நிலையில், இதுவரை நடத் தியுள்ள விசாரணையின் அடிப்படை யில் ஜெகன்மோகன் ரெட்டிக்கு சொந்தமான டெலிவிஷன் சானல், பத்திரிகை மற்றும் ஒரு நிறுவனத்தின் சொத்துக்களை பறிமுதல் செய்ய சி.பி.அய். நடவடிக்கை எடுத்து வரு கிறது.

இது தொடர்பாக அனுமதி கோரி அரசுக்கு சி.பி.அய். கடிதம் எழுதி உள் ளது. அரசு அனுமதி கிடைத்தவுடன் இந்த 3 நிறுவனங்களின் சொத்துக் களும் பறிமுதல் செய்யப்படும் என சி.பி.அய். வட்டாரங்கள் கூறுகின்றன.

இந்த நடவடிக்கை, ஜெகன் மோகன் ரெட்டிக்கு பெருத்த பின்ன டைவை ஏற்படுத்தும் என அரசியல் விமர்சகர்கள் கருதுகின்றனர்.

வெள்ளி, 18 மே 2012 10:08

புதுடில்லி, மே 18- விவாகரத்து ஆன பெண்களுக்குக் கணவரின் அசையா சொத்தில் பங்கு அளிப்பதற்கான சட்ட திருத்தத்துக்கு மத்திய அமைச்சரவை ஒப்புதல் அளித்துள்ளது.

டில்லி மேலவையில் கடந்த 2 ஆம் தேதி, திருமண சட்டங்களில் திருத்தம் செய்வதற்கான மசோதா தாக்கல் செய்யப்பட்டது. மத்திய சட்ட அமைச்சர் சல்மான் குர்ஷித், அம்மசோதாவை தாக்கல் செய்தார்.

பரஸ்பர விருப்பத்துடன் விவாகரத்து கேட்டு மனு செய்யும் தம்பதிகளுக்கு, அவர்களின் முடிவை மறுபரிசீலனை செய்ய 6 மாத கால அவகாசம் அளிக்கப்படுகிறது. அந்த கால அவகாசத்தை ரத்து செய்யும் வகையில், இந்த மசோதா கொண்டுவரப்பட்டது.

ஆனால், அந்த மசோதா, பெண்களின் நலன்களுக்கு எதிராக இருப்பதாகவும், விவாகரத்து பெறுவது எளிதாகி விட்டால், பெண்கள் தங்களது உரிமைகளை இழக்க நேரிடும் என்றும் டெல்லி மேலவையில் அனைத்துக் கட்சி உறுப்பினர்களும் அச்சம் தெரிவித்தனர்.

மசோதா அவசர கதியில் கொண்டு வரப்பட்டு இருப்பதாகவும் அவர்கள் எதிர்ப்பு தெரிவித்தனர். இதனால், சல்மான் குர்ஷித், மசோதா மீதான விவாதத்துக்கு பதில் அளிப்பதை ஒத்தி வைத்தார்.

இந்நிலையில், டில்லி மேலவையில் நிலுவையில் உள்ள இந்த திருத்த மசோதாவில் மேலும் திருத்தங்கள் கொண்டு வர மத்திய அமைச்சரவை ஒப்புதல் அளித்துள்ளது. பிரதமர் மன்மோகன் சிங் தலைமையில் நேற்று நடைபெற்ற அமைச்சரவை கூட்டத்தில் இந்த ஒப்புதல் அளிக்கப்பட்டது.

விவாகரத்து என்பது பெண்களுக்கு சாதகமானதாக இருக்க வேண்டும் என்ற அனைத்துக் கட்சி எம்.பி.க்களின் வேண்டுகோளுக்கு இணங்க இந்த புதிய திருத்தம் கொண்டு வரப்படுகிறது.

இதன்படி, பரஸ்பர விருப்பத்துடன் விவாகரத்து கேட்டாலும், 6 மாத காலம் பொறுத்திருக்க வேண்டும் என்ற விதிமுறையை தொடர்ந்து கடைப்பிடிக்க அமைச்சரவை முடிவு செய்துள்ளது.

ஒருவேளை, இந்த 6 மாத கால அவகாசத்தை ரத்து செய்யவோ அல்லது குறைக்கவோ விரும்பினால், கணவன்-மனைவி இருவருமே சேர்ந்து விண்ணப்பிக்க வேண்டும் என்று புதிய திருத்தங்களில் கூறப்பட்டுள்ளது. ஒரு தரப்பு மட்டும் விண்ணப்பிக்க முடியாது.

மேலும், விவாகரத்து ஆன பெண்களுக்கும், அவருடைய குழந்தைகளுக்கும் கணவரின் அசையா குடியிருப்பு சொத்துகளில் தெளிவாக வரையறுக்கப்பட்ட பங்கு உண்டு என்றும் இந்த புதிய திருத்தங்களில் கூறப்பட்டுள்ளது.

இந்த பங்கைப் பெற, விவாகரத்து பெற்ற பிறகு, மனைவி தனியாக மனுதாக்கல் செய்ய வேண்டும் என்று கூறப்பட்டுள்ளது.