வியாழன், 17 மே 2012 18:20

0 Comments

திருவனந்தபுரம், மே 17- கேரள மாநில கடல் பகுதியில் வருகிற ஜூன் 15ஆம் தேதி முதல் ஜூலை 31ஆம் தேதி வரை மீன் பிடிக்க தடை விதிப்பது என அமைச்சர் கே.பாபு தலைமையில் நடந்த கூட்டத்தில் தீர்மானிக்கப் பட்டது.
கேரள மாநில கடல் பகுதிகளில் மீன்களின் இனப் பெருக்கத்தை கருத் தில் கொண்டு, மீன் பிடிக்க தடை விதிப்பது சம்பந்தமான ஆலோ சனை கூட்டம் திருவனந் தபுரத்தில் நடந்தது. கூட் டத்துக்கு துறைமுக வளர்ச் சித் துறை அமைச்சர் கே. பாபு தலைமை வகித்தார்.
கூட்டத்துக்கு பிறகு அமைச்சர் பாபு செய்தி யாளர்களிடம் கூறியதா வது:-
கேரள மாநில கடல் பகுதியில், மீன்களின் இனப் பெருக்கத்தை கருத் தில் கொண்டு, வருகிற ஜூன் மாதம் 15ஆம் தேதி முதல் ஜூலை 31ஆம் தேதி வரை மீன்பிடிக்க தடை விதிக்க கூட்டத்தில் முடிவு செய்யப்பட்டுள்ளது. இந்த தடை அமலுக்கு வருவதற்கு முன்னதாக, வெளி மாநில மீன்பிடி படகுகள் கேரள கடல் பகுதியில் இருந்து சென்று விட வேண்டும்.
அனைத்து மாவட்டங் களிலும் ஆட்சியர்கள் தலைமையில் மீன்பிடி தொழிலாளர் சங்க பிரதி நிதிகளுடன் ஆலோச னைக் கூட்டங்கள் நடத் தப்படும். கடலோர பாது காப்பு படையினருடன் மாவட்ட ஆட்சியர்கள் தொடர்பு கொண்டு இதற் கான நடவடிக்கைகளை மேற் கொள்வார்கள்.
மீன்பிடிக்கும் தொழில் தடை செய்யப்படுவதால் மீன்கள் கிடைப்பது குறையும். தற்போதைய மீன்பிடி தொழில் பற்றி ஆராய்ச்சி செய்வதற்கு நிபுணர்கள் குழுவினர் நியமிக்கப்படுவர்.
மீன்பிடி படகுகளுக் கான மண்ணெண்ணெய் வழங்குவது தொடர்பாக ஜூன் 17ஆம் தேதி ஆய்வு நடத்தி முடிவு செய்யப் படும். - இவ்வாறு அவர் கூறினார்.

வியாழன், 17 மே 2012 17:17

0 Comments

திருமலை, மே 17-திருப்பதி ஏழுமலையான் கோவிலில் பணக் காரர்களுக்கும், நடிகை, நடிகர் களுக்கும் தான் தேவஸ்தானம் முக்கியத்துவம் அளிக்கிறது என பக்தர்கள் குற்றம்சாட்டியுள்ளனர்.

திருமலை ஏழுமலையானை தரிசனம் செய்ய ரிலையன்ஸ் நிறுவன அதிபர் முகேஷ் அம்பானியின் மகன் ஆனந்த் அம்பானி கடந்த வாரம் வந்தார். அங்குள்ள சிறீகிருஷ்ணா விடுதி யில் தங்கினார். இவரை

ஏழு மலையான் கோயில் பிரதான அர்ச்சகராக உள்ள ரமண தீட்சிதர் நேரில் சென்று பிரசாதம் வழங்கி வாழ்த்தினாராம்.
இதுகுறித்து தகவல் அறிந்த பக்தர்கள் அதிர்ச்சியடைந்தனர். அவர்கள் கூறுகையில், சாதாரண ஏழை மக்களை தேவஸ்தானம் கண்டுகொள்ளவில்லை. ஆனால் கோடீஸ்வரரான ஆனந்த் அம் பானியை நேரில் சென்று சந்தித்து பிரதான அர்ச்சகர் பிரசாதம் வழங்கி உள்ளார். தொழில் அதி பர்களுக்கும், நடிகை, நடிகர் களுக்கும் தான் தேவஸ்தானம் மரியாதை கொடுக்கிறது. சாதா ரண மக்களை கண்டுகொள்வ தில்லை என குற்றம் சாட்டினர்.

இதுகுறித்து தலைமைச் செயல் அலுவலர் எல்.வி. சுப்பிரமணி கூறியதாவது:
தேவஸ்தானப் பணியாளர்கள், கீழ்மட்டம் முதல் பிரதான அர்ச்சகர் வரை கோவிலின் புனித தன்மையை காப்பாற்றுவதில் அக்கறையுடனும், கவனத்துட னும் இருக்க வேண்டும். பிரதான அர்ச்சகரின் இதுபோன்ற நட வடிக்கை தவறானது.

மேலும் தேவஸ்தானம் அவரை அர்ச்சகராக நியமிக்க வில்லை. அவர் பரம்பரையான மிராசு முறைப் படி அர்ச்சகராக இருந்து வருகிறார். மிராசு முறை நியமனம் ஏற்கெனவே ரத்து செய் யப்பட்டது. ஆனால் ஒய்எஸ்ஆர் முதல்வராக இருந்தபோது மீண்டும் மிராசு முறை கொண்டு வரப்பட்டது. அதன்படி ரமண தீட்சிதர் பணி செய்து வருகிறார். பரம்பரை நியமனம் குறித்து உச்சநீதிமன்றத்தில் வழக்கு உள் ளது. இதனால் அவர் மீது நாங்கள் எந்தவித நடவடிக்கையும் எடுக்க முடியாது.

இனிமேல் இதுபோன்ற சம்பவம் நடைபெறாமலிருக்க ஆலோசனை நடத்தப்பட்டு வருகிறது. ஏற்கெனவே 2009ஆம் ஆண்டு ஏப்ரல் மாதம் ரமண தீட்சிதர் அம்பானி குடும்பத் தினரை நேரில் சந்தித்து ஆசி வழங்கியுள்ளார். அப்போது இருந்த தலைமை செயல் அலு வலர் கிருஷ்ணாராவ், ரமண தீட்சி தருக்கு நோட்டீஸ் வழங்கி உள் ளார் என்பது குறிப்பிடத்தக்கது.
இவ்வாறு அவர் கூறினார்.
இப்பிரச்சினை குறித்து ரமண தீட்சிதர் கூறுகையில், எனது தந்தை காலத்தில் இருந்தே அம்பானி குடும்பத்தினருடன் நட்பு உள்ளதால், நான் நேரில் சென்று பார்த்து நலம் விசாரித்து வாழ்த்தி வந்தேன் என்றார்.