வெள்ளி, 18 மே 2012 15:53

0 Comments

புதுடெல்லி, மே. 18- சர்வதேச சந்தையில் கச்சா எண்ணெய் விலை தொடர்ந்து உயர்ந்து வருவதால் இந்தியாவில் பெட்ரோல், டீசல், சமை யல் எரிவாயு போன் றவற்றின் விலையை உயர்த்த வேண்டிய நிர்ப் பந்தம் ஏற்பட்டுள்ளது.

ஏற்கெனவே அத்தியா வசியப் பொருட்கள் விலை பல மடங்கு உயர்ந்து விட்டதால் பெட்ரோல், டீசல் விலையை உயர்த்த மத்திய அரசு தயங்கிய படி உள்ளது.

விலையை உயர்த்தாத காரணத்தால் இந்திய எண்ணெய் நிறுவனங் கள் கடும் வருவாய் இழப்பை சந்தித்து வரு கின்றன. இனியும் இந்த இழப்பை தாங்க முடி யாது என்பதால், தாங் களே பெட்ரோலிய பொருட்கள் விலையை உயர்த்தப் போவதாக எண்ணெய் நிறுவனங் கள் எச்சரித்தன.

இதைத் தொடர்ந்து பெட்ரோல், டீசல் விலையை உயர்த்த மத்திய அரசு ஆலோ சித்து வருகிறது. தற் போது நாடாளுமன்ற கூட்டத் தொடர் நடந்து வருவதால், 22-ஆம் தேதி கூட்டத்தொடர் முடிந்த பிறகே இது தொடர் பான முடிவுகளை மத் திய அரசு வெளியிடும் என்று தெரியவந்துள் ளது.

எனவே அடுத்த வார இறுதியில் பெட்ரோல் விலை உயர வாய்ப்புள் ளது. பெட்ரோல் விலையை லிட்டருக்கு ரூ.9 வரை உயர்த்த வேண்டும் என்று இந்திய எண்ணெய் நிறுவனங் கள் வலியுறுத்தி வரு கின்றன. ஆனால் அந்த அளவுக்கு விலையை உயர்த்த மத்திய அரசு விரும்பவில்லை.

ஏழை மற்றும் நடுத் தர மக்கள் கடுமையாக பாதிக்கப்படுவார்கள் என்பதால் பெட்ரோல், டீசல் விலையை குறைந்த அளவே உயர்த்த அரசு நினைக்கிறது. ஆனால் குறைந்தபட்சம் ரூ.6 அல்லது ரூ.7 என்ற அளவுக்காவது உயர்த்த வேண்டும் என்று எண் ணெய் நிறுவனங்கள் கூறிவருகின்றன.

எனவே பெட்ரோல் விலையை லிட்டருக்கு ரூ.4 அல்லது ரூ.5ஆக மத்திய அரசு உயர்த்தும் என்று தகவல்கள் வெளி யாகியுள்ளது. டீசல் விற் பனையில் எண்ணெய் நிறுவனங்களுக்கு லிட்டருக்கு ரூ.3 வரை இழப்பு ஏற்படுகிறது. எனவே டீசல் விலை லிட்டருக்கு ரூ.2 உயரக் கூடும்.

வெள்ளி, 18 மே 2012 09:42

0 Comments

புதுடில்லி, மே 18- பெட்ரோல் விலை லிட்டருக்கு ரூ.5 உயருகிறது. டீசல், சமையல் எரிவாயு ஆகியவற்றின் விலையும் ஏறுகிறது. இது தொடர்பான அதிகாரப்பூர்வ அறிவிப்பு அடுத்த வாரம் வெளியாகும் என எதிர்பார்க்கப்படுகிறது.

பன்னாட்டுச் சந்தையில் கச்சா எண்ணெய்யின் விலை தொடர்ந்து உயர்ந்து வருகிறது. இந்த நிலவரத்துக்கு ஏற்றபடி, இந்தியாவில் பெட்ரோலிய பொருள்களின் விலையை பொதுத்துறை எண்ணெய் நிறுவனங்களால் உயர்த்த முடியாது.

பெட்ரோல் விலையை மட்டும் பொதுத்துறை எண்ணெய் நிறுவனங்கள் நிர்ணயித்துக்கொள்ள மத்திய அரசு கடந்த 2010 ஆம் ஆண்டு ஜூன் மாதம் அதிகாரம் வழங்கியது. ஆனாலும் விலை உயர்த்தும்போது எண்ணெய் கம்பெனிகள், மத்திய அரசின் அனுமதியைப் பெற வேண்டிய நிலை உள்ளது.

அரசியல் நிர்ப்பந்தம், பணவீக்கம், அமெரிக்க டாலர் விலையுடன் ஒப்பிடுகையில் ரூபாயின் மதிப்பு வீழ்ச்சி என பல்வேறு காரணங்களால் நினைத்தபடி பெட்ரோலின் விலையைக்கூட உயர்த்த முடியாத நிலையில் எண்ணெய் கம்பெனிகள் உள்ளன.

இதன் காரணமாக இந்திய எண்ணெய்க்கழகம், இந்துஸ்தான் பெட்ரோலியம், பாரத் பெட்ரோலியம் ஆகிய 3 பொதுத்துறை நிறுவனங்கள் கூட்டாக நாள்தோறும் பெட்ரோல் விற்பனை மூலம் சுமார் ரூ.50 கோடி இழப்பினை சந்தித்து வருவதாக தகவல்கள் கூறுகின்றன.

இது தவிர, மத்திய அரசே விலை நிர்ணயம் செய்து வருகிற டீசல், மண்எண்ணெய், சமையல் எரிவாயு ஆகியவற்றையும் குறைந்த விலைக்கே எண்ணெய் நிறுவனங்கள் விற்பனை செய்து வருகின்றன. இதன்மூலம் தினந்தோறும் சுமார் ரூ.575 கோடி இழப்பை எண்ணெய் நிறுவனங்கள் சந்தித்து வருகின்றன.

பெட்ரோல் விலையை குறைந்தபட்சம் லிட்டர் ஒன்றுக்கு ரூ.8 அளவுக்கு உயர்த்த அனுமதி வழங்க வேண்டும் என்று மத்திய அரசை பொதுத்துறை எண்ணெய் நிறுவனங்கள் வலியுறுத்தி வருகின்றன.

அப்படி பெட்ரோல் விலை உயர்வுக்கு அனுமதி தராவிட்டால், மத்திய அரசு மானியம் வழங்க வேண்டும் என்று பொதுத்துறை எண்ணெய் நிறுவனங்கள் அரசை வலியுறுத்தி வருகின்றன.

ஏற்கெனவே பிற பெட்ரோலிய பொருள்களுக்கான மானியங்களை படிப்படியாக குறைத்து, அறவே நீக்கி விட முடிவு செய்து அதற்கான நடவடிக்கைகளில் மத்திய அரசு இறங்கியுள்ள போது, பெட்ரோல் விற்பனை இழப்பினை ஈடுகட்டும் வகையில் எண்ணெய் கம்பெனிகளுக்கு இழப்பீடு வழங்காது என்பது உறுதி.

இந்த நிலையில் நேற்று முன்தினம் டெல்லி மேல்-சபையில் நிதி மசோதா மீதான விவாதத்துக்கு பதில் அளித்து மத்திய நிதி அமைச்சர் பிரணாப் முகர்ஜி பேசினார். அப்போது அவர் கூறியதாவது:-

கச்சா எண்ணெய் விலை அதிரடியாக உயர்ந்து கொண்டிருக்கிறது. விலை உயர்வை மறைத்து வைத்துவிட முடியாது. நாம் சரியான நடவடிக்கைகளை எடுக்காவிட்டால், நாம் பயங்கரமான விளைவுகளை சந்திக்க தயாராகி விட வேண்டும்.

அதே நேரத்தில் ஒட்டுமொத்த சுமையையும் பொதுமக்கள் மீது திணிக்க மாட்டோம். தனிப்பட்ட முறையில் மக்கள் இந்த விலையேற்றத்தை சந்திக்கிறபோது, இது பணவீக்கத்திலும் தாக்கத்தை ஏற்படுத்தும். எனவே இதையும் நாம் கவனிக்க வேண்டி உள்ளது.

இவ்வாறு அவர் கூறினார்.

எனவே பெட்ரோலிய பொருள்களின் விலை உயர்வு தவிர்க்க முடியாத ஒன்றாக அமைந்துள்ளது. அதே நேரத்தில் பொதுத்துறை நிறுவனங்கள் கேட்கிறபடி லிட்டருக்கு ரூ.8 அளவுக்கு உயர்த்தாமல் ரூ.5 என்கிற அளவுக்கு விலை உயர்த்த அரசு அனுமதி வழங்கி விடும் என எதிர்பார்க்கப்படுகிறது.

மேலும் டீசல் விலையையும் அரசு லிட்டர் ஒன்றுக்கு ரூ.3 அளவுக்கு உயர்த்தும். இதேபோன்று வீட்டு உபயோக சமையல் எரிவாயு சிலிண்டர் ஒன்றின் விலை ரூ.50 அளவுக்கு உயர்த்தப்படலாம் எனவும் எதிர்பார்க்கப்படுகிறது.

தற்போது நடந்து வரும் நாடாளுமன்ற பட்ஜெட் கூட்டத்தொடர் வரும் செவ்வாய்க்கிழமை முடிகிறது. அதன்பின்னர் பொருளாதார விவகாரங்களுக்கான மத்திய அமைச்சர்கள் குழு கூடி, பெட்ரோல், டீசல், மண்எண்ணெய், சமையல் கியாஸ் ஆகியவற்றின் விலையை உயர்த்த முடிவு எடுக்கும். எனவே அதைத் தொடர்ந்து விலை உயர்வு பற்றிய அதிகாரப்பூர்வ அறிவிப்பு வெளியாகும்.