முதல்வர் குமாரசாமி வெளியிட்ட ஆடியோ உரையாடல் எனது குரல்தான் - எடியூரப்பா திடீர் ஒப்புதல்

எழுத்துரு அளவு

செவ்வாய், 12 பிப்ரவரி 2019 15:41

0 Comments

பெங்களூரு, பிப்.12 கரு நாடகத்தில் காங்கிரஸ்-ஜனதா தளம் (எஸ்) ஆட்சி நடக்கிறது. முதலமைச்சராக குமாரசாமி உள்ளார். பா.ஜனதாவுக்கு 104 சட்டமன்ற உறுப்பினர்கள் உள் ளனர். அத்துடன் 2 சுயேச்சை சட்டமன்ற உறுப்பினர்களின் ஆதரவும் உள்ளது. இன்னும் 7 சட்டமன்ற உறுப்பினர்களின் ஆதரவு இருந்தால் பா.ஜனதா ஆட்சி அமைத்துவிடும்.

இதற்காக கூட்டணி ஆட்சி யில் அமைச்சர் பதவி கிடைக் காமல் அதிருப்தியில் இருந்து வரும் காங்கிரஸ் மற்றும் ஜனதா தளம் (எஸ்) கட்சிகளின் சட்டமன்ற உறுப்பினர்களை இழுக்க பா.ஜனதா தீவிர முயற்சியில் இறங்கியுள்ளது. இதற்காக ஆபரேஷன் தாமரை திட்டத்தை பா.ஜனதா கையில் எடுத்துள்ளது.  இந்த நிலையில் கருநாடக சட்டசபையில் கடந்த 8-ஆம் தேதி முதல்- அமைச்சர் குமார சாமி பட்ஜெட்டை தாக்கல் செய்தார். பட்ஜெட் தாக்கல் செய்வதற்கு முன்னதாக அவர் ஜனதா தளம் (எஸ்) கட்சியை சேர்ந்த சட்டமன்ற உறுப்பினர் நாகன கவுடாவை இழுக்க அவரது மகன் ஷரண் கவுடா விடம் கருநாடக பா.ஜனதா தலைவர் எடியூ ரப்பா பேரம் பேசிய உரை யாடல் ஆடியோவை வெளி யிட்டு பரபரப்பு குற்றச்சாட்டை கூறியிருந்தார்.

ஆனால் அந்த உரையாட லில் இருப்பது தனது குரல் இல்லை என்று மறுத்த எடியூ ரப்பா, முதலமைச்சர் குமார சாமி தனது தோல்விகளை மறைக்க போலி ஆடியோவை வெளியிட்டு நாடகமாடுகிறார் எனவும் சாடியிருந்தார்.

அத்துடன், தன் மீதான குற்றச்சாட்டை நிரூபித்தால் அரசியலில் இருந்து ஓய்வு பெறுவதாகவும் எடியூரப்பா அறிவித்திருந்தார். மேலும் பா.ஜனதாவினரும், குமாரசாமி வெளியிட்ட பேர ஆடியோ போலியானது எனவும் கூறி வந்தனர்.

இந்த ஆடியோ விவகாரம் குறித்து விசாரணை நடத்தப் படும் என்று மாநில அரசு அறிவித்துள்ளது. மேலும் ஆடி யோவை குரல் பரிசோதனைக் காக அனுப்பவும் உள்துறை நடவடிக்கை எடுத்து வருகிறது. இந்த சம்பவம் கருநாடக அரசியலில் பெரும் பரபரப்பை ஏற்படுத்தியது.

இந்த நிலையில், பேரம் பேசியதாக குமாரசாமி வெளியிட்ட ஆடியோ பதிவில் இருப்பது தனது குரல்தான் என்று எடியூரப்பா திடீரென்று ஒப்புக்கொண்டுள்ளார். இது குறித்து எடியூரப்பா உப்பள்ளி யில் செய்தியாளர்களுக்கு பேட்டி அளிக்கையில் கூறியதாவது:-

நான் தங்கியிருந்த இடத் திற்கு என்னிடம் பேச குமார சாமி, குருமித்கல் தொகுதி ஜனதா தளம் (எஸ்) கட்சி சட் டமன்ற உறுப்பினரின் (நாகன கவுடா) மகனை நள்ளிரவு 12.30 மணிக்கு அனுப்பினார். அவர் என்னிடம் வந்து பேசி யது உண்மைதான். அதில் இருப்பது எனது குரல் தான்.

குமாரசாமி தரம் தாழ்ந்த, மிரட்டல் போக்கு கொண்ட அரசியலை செய்கிறார். அதில் சில உண்மைகளை மூடி மறைத்துவிட்டனர். நாங்கள் உண்மையாகவே என்ன பேசி னோம் என்பது பற்றிய விவ ரங்கள் வரும் நாட்களில் வெளியே வரும்.

அவைத் தலைவருக்கு பணம் கொடுத்திருக்கிறோம் என்று நான் சொல்லவில்லை. அதை நிரூபித்தால் நான் அரசியலை விட்டு விலக தயாராக இருக்கிறேன். இது தொடர்பாக எந்த விதமான விசாரணைக்கும் நான் தயார் என்று கூறினார்.