வியாழன், 17 மே 2012 09:30

0 Comments

சென்னை, மே 17-தமிழ்நாட்டில் உள்ள மொத்த அய்.ஏ.எஸ். அதிகாரிகள் 355 பேர்களில் தமிழகத்தை சேர்ந்தவர்கள் 170 பேர்தான் உள்ளனர். இதேபோல், 259 அய்.பி.எஸ். அதிகாரிகளில் 108 பேர்தான் தமிழ்நாட்டை சேர்ந்தவர்கள் உள்ளனர் என்ற தகவல்கள் வெளியாகியுள்ளன.

அரசின் நிருவாக சக்கரத்தை சுழற்றுவதில் பெரும் பங்கு அய்.ஏ.எஸ். அதிகாரிகளுக்கு உள்ளது. ஆண்டுதோறும் சிவில் சர்வீசஸ் தேர்வை மத்திய தேர்வாணையம் நடத்துகிறது. இதில் உயர் மதிப்பெண் பெறுபவர்கள் அய்.ஏ.எஸ். அதிகாரிகளாகவும், அடுத்த மதிப்பெண் பெறுபவர்கள் அய்.பி.எஸ். அதிகாரிகளாகவும் நியமனம் செய்யப்படுகின்றனர்.

மொத்தமாக தேர்வு செய்யப்படுபவர்களில் 3-ல் ஒரு பகுதி அய்.ஏ.எஸ். அதிகாரிகள் சொந்த மாநிலத்தை சேர்ந்தவர்கள் இடம் பெறுகின்றனர். 3-இல் 2 பகுதியினர் அந்தந்த மண்டலம், அதாவது அண்டை மாநிலங்களில் விருப்ப தேர்வு அடிப்படையில் பணி ஒதுக்கீடு செய்யப்படுகின்றனர்.

சமீபத்தில் அகில இந்திய பணிகளுக்கான தேர்வு பெற்றோர் பட்டியலை மத்திய தேர்வாணையம் வெளியிட்டது. இதில், அய்.ஏ.எஸ்., அய்.பி.எஸ். போன்ற பணிகள் அடங்கும். 715 ஆண்களும், 195 பெண்களும் சேர்த்து மொத்தம் 910 பேர் தேர்வு பெற்றனர். தமிழ்நாட்டில் இருந்து 68 பேர்கள் மட்டுமே தேர்வில் வெற்றி பெற்றிருப்பது பெரிய மனக்குறையாக உள்ளது.

இந்த ஆண்டு 8 அய்.ஏ.எஸ். அதிகாரிகள் தமிழ்நாட்டு பணிக்கு ஒதுக்கப்பட்டு, பயிற்சிக்காக சேர உள்ளனர். அதில், கோவை மாவட்ட உதவி ஆட்சியர் பயிற்சிக்கு சேர உள்ள எஸ்.திவ்யதர்ஷினி, மதுரை மாவட்ட உதவி ஆட்சியர் பயிற்சிக்கு சேர உள்ள எம்.அரவிந்த், ஈரோடு மாவட்ட உதவி ஆட்சியர் பயிற்சிக்கு சேர உள்ள கே.விஜய கார்த்திகேயன் ஆகியோர் மட்டுமே தமிழ்நாட்டை சேர்ந்தவர்கள்.

நெல்லை மாவட்டத்தில் பயிற்சிக்கு சேர உள்ள சந்திரசேகர் சக்முரி, கடலூர் மாவட்டத்தில் பயிற்சிக்கு சேர உள்ள வி.ஜெயசந்திர பானு ரெட்டி, திருச்சி மாவட்டத்தில் பயிற்சிக்கு சேர உள்ள மந்திரி கோவிந்தராவ், வேலூர் மாவட்டத்தில் பயிற்சிக்கு சேர உள்ள பி.மதுசூதன் ரெட்டி ஆகியோர் ஆந்திர மாநிலத்தை சேர்ந்தவர்கள்.

திருவள்ளூர் மாவட்டத்தில் பயிற்சிக்கு சேர உள்ள எஸ்.அனீஷ்சேகர் கேரளாவை சேர்ந்தவர். ஆக, தமிழ்நாட்டில் இருந்து 3 பேர்தான் தமிழக அய்.ஏ.எஸ். பணிக்கு வருகிறார்கள். ஆனால், ஆந்திராவில் இருந்து 4 பேர் வருகின்றனர்.

இப்போதுள்ள சூழ்நிலையில் தமிழகத்தில் பணிபுரியும் 355 அய்.ஏ.எஸ். அதிகாரிகளில் 170 பேர் மட்டுமே தமிழ்நாட்டை சேர்ந்தவர்கள். அதிலும் நேரடியாக அய்.ஏ.எஸ். தேர்வு பெற்றவர்கள் 71 பேர்தான். மீதமுள்ள 99 பேர் தமிழக அரசு பணியில் இருந்து அகில இந்திய ஆட்சிப் பணிக்கு (அய்.ஏ.எஸ்.) உயர்வு பெற்றவர்கள்.

இதேபோல், தமிழகத்தில் மொத்தம் உள்ள 259 அய்.பி.எஸ். அதிகாரிகளில் நேரடியாக பணிக்கு வந்தவர்கள் 179 பேர். இதில், தமிழ்நாட்டை சேர்ந்தவர்கள் 108 பேர். அதிலும், மாநில காவல்துறை பணியில் சேர்ந்து அய்.பி.எஸ். அதிகாரிகளாக பதவி உயர்வு பெற்றவர்கள் 80 பேர். அப்படிஎன்றால் தமிழ்நாட்டில் இருந்து நேரடியாக அய்.பி.எஸ். அதிகாரியாக வந்தவர்கள் 28 பேர்தான்.

ஆக, இனி அதிக அளவில் தமிழகத்தை சேர்ந்தவர்கள் அய்ஏ.எஸ்., அய்.பி.எஸ். தேர்வில் வெற்றி பெறுவதற்கு பல்கலைக்கழகங்கள் அதிக முயற்சி எடுக்க வேண்டும். மத்திய அரசும் 3 இல் ஒரு பங்கு அய்.ஏ.எஸ். அதிகாரிகளை சொந்த மாநிலத்திற்கும், 2 பங்கு அதிகாரிகள் அண்டை மாநிலங்களுக்கும் நியமிப்பதை மாற்றி, 50 சதவிகிதம் பேர்களை சொந்த மாநிலங்களில் நியமிக்க வேண்டும். மீதமுள்ள 50 சதவிகிதம் பேர்களை அண்டை மாநிலங்களில் நியமிக்க வேண்டும் என்ற முடிவை எடுக்க வேண்டும்.

பல ஆண்டுகளுக்கு முன்பு இந்த விகிதாச்சார அடிப்படையில்தான் அய்.ஏ.எஸ். அதிகாரிகள் நியமனங்கள் இருந்தன. பிறகுதான் நிலைமை மாறியது. ஆக, மாநில அரசுகளும், நாடாளுமன்ற உறுப்பினர்களும் இந்த கோரிக்கையை வலியுறுத்தி குரல் கொடுக்க வேண்டும் என்பதே பொதுமக்களின் கோரிக்கையாக உள்ளது.

புதன், 16 மே 2012 16:13

0 Comments

சுப. வீரபாண்டியன் எழுதிய திராவிடத்தால் எழுந்தோம், குறள் வானம், கவிதா, வந்ததும் வாழ்வதும், பெரியாரின் இடதுசாரித் தமிழ்த் தேசியம் ஆகிய அய்ந்து நூல்களை தமிழர் தலைவர் கி. வீரமணி  முன்னிலையில், தி.மு.க. தலைவர் கலைஞர் வெளியிட, மத்திய இணை அமைச்சர் சா. ஜெகத்ரட்சகன் பெற்றுக்கொண்டார். (சென்னை, 15.5.2012).

சென்னை, மே 16- பேராசிரியர் சுப. வீர பாண்டியன் எழுதிய அய்ந்து நூல்களை, தமி ழர் தலைவர் முன்னிலை யில் நடைபெற்ற விழா வில் தி.மு.க. தலைவர் கலைஞர் வெளியிட்டார்.

திராவிட இயக்கத் தமிழர் பேரவையின் பொதுச்செயலாளர் சுப. வீரபாண்டியன் எழுதி யுள்ள திராவிடத்தால் எழுந்தோம், குறள் வானம், கவிதா, வந்ததும் வாழ்வதும், பெரியாரின் இடதுசாரித் தமிழ்த் தேசியம் ஆகிய அய்ந்து நூல்களின் வெளியீட்டு விழா நேற்று (15.5.2012) மாலை சென்னை தேனாம்பேட்டையில் உள்ள காமராசர் அரங் கில் சிறப்பாக நடை பெற்றது.

கலைஞருக்கு நினைவுப் பரிசு

இந்நூல்கள் வெளி யீட்டு விழாவிற்கு வந் திருந்தவர்களை வான வில் புத்தகாலயத்தின் உரிமையாளர் சுப. புக ழேந்தி வரவேற்றுப் பேசி னார். விழாவிற்கு தலைமையேற்று நூல் வெளியிட வந்திருந்த கலைஞருக்கு திருமதி. வசந்தா சுப. வீரபாண் டியன் நினைவுப் பரிசு வழங்கினார்.

சிறப்பு விருந்தினர்கள்

விழாவில் பங்கேற்ற சிறப்பு விருந்தினர்கள் திராவிடர் கழகத் தலை வர் கி. வீரமணி, மத்திய இணை அமைச்சர் சா. ஜெகத்ரட்சகன், முன் னாள் துணைவேந்தர் அவ்வை நடராசன், பேராசிரியர் அப்துல் காதர், கவிப்பேரரசு வைர முத்து ஆகியோருக்கு பேராசிரியர் சுப. வீர பாண்டியன் சால்வை அணிவித்து புத்தகங் களை வழங்கி சிறப்பித் தார்.

நூல்கள் வெளியீடு

இதையடுத்து திராவி டர் கழகத் தலைவரும், தமிழர் தலைவருமான மானமிகு கி. வீரமணி அவர்களின் முன்னிலை யில், பேராசிரியர் சுப. வீரபாண்டியன் எழுதிய அய்ந்து நூல்களை, விழாவிற்குத் தலைமை வகித்த திராவிட முன் னேற்ற கழகத் தலை வரும், முன்னாள் முத லமைச்சருமான கலை ஞர் அவர்கள் நூல்களை வெளியிட்டார்.

கலைஞர் வெளி யிட்ட நூல்களை மத்திய செய்தி மற்றும் ஒலி- ஒளிபரப்புத் துறை இணையமைச்சர் சா. ஜெகத்ரட்சகன் பெற்றுக் கொண்டு வாழ்த்துரை வழங்கினார்.

பேராசிரியர் அப்துல் காதர், முன்னாள் துணை வேந்தர் அவ்வை நட ராசன், கவிப்பேரரசு வைரமுத்து ஆகியோர் கருத்துரை வழங்கினர்.

தமிழர் தலைவர் கி. வீரமணி

இந்நூல்கள் வெளி யீட்டு விழாவின் முன் னிலை உரையை தமிழர் தலைவர் கி. வீரமணி அவர்கள் நிகழ்த்தினார். பேராசிரியர் சுப. வீர பாண்டியன் ஏற்புரை யும், நன்றியுரையும் ஆற்றினார்.

தி.மு.க. தலைவர் கலைஞர் சிறப்புரை

நிறைவாக, விழா விற்குத் தலைமையேற்று, நூல்களை வெளியிட்ட தி.மு.க. தலைவர் கலை ஞர் அவர்கள் சிறப்புரை யாற்றினார்.