மருத்துவம்

செர்விகல் ஸ்பாண்டி லைட்டிஸ்  என்று அழைக்கப் படும் கழுத்து வலி  கால் நூற்றாண்டுக்கு முன்புவரை  வயதானவர்களுக்கு மட் டுமே வருகிற நோயாக இருந்தது. இப்போதோ இது வளரிளம் பருவத்தினருக்கும்கூட வந்துவிடுகிறது.

கழுத்து வலிக்கு முக்கியக் காரணம், கழுத்துப் பகுதியில் உள்ள தசைகள் சோர்ந்துபோவதுதான். அப்போது கழுத்தை அவற்றால் தாங்கிப் பிடிக்க முடிவதில்லை. அதன் வெளிப்பாடுதான் கழுத்து வலி. அதிக சுமையைத் தலையில் தாங்குவது, நீண்ட நேரம் கழுத்தை அசைக்காமல் ஒரே நிலையில் வைத்துக்கொண்டிருப்பது போன்றவை இந்த மாதிரியான கழுத்து வலிக்கு அடித்தளம் அமைக்கும்.

கழுத்து எலும்புகளில் தேய்வு, இடைச்சவ்வு விலகுவது அல்லது அது வீங்கி அருகிலுள்ள நரம்பை அழுத்துவது போன்ற காரணங்களால் கழுத்து வலி ஏற்படலாம். பொதுவாக 40 வயதில் இந்த சவ்வு தேயத் தொடங்கும். ஆனால், இப்போதோ இளம் வயதிலேயே இது தேயத் தொடங்கிவிடுகிறது. காரணம், பலரும் உட்கார்ந்துகொண்டே வேலை செய்வது இப்போது அதிமாகிவிட்டதுதான். கணினி முன்னால் அதிக நேரம் தொடர்ந்து வேலை செய்வதை இதற்கு உதாரணமாகச் சொல்லலாம். இதுபோல் தொடர்ந்து பல மணி நேரத்துக்குத் தொலைக்காட்சி பார்ப்பது, படுத்துக்கொண்டே படிப்பது, படுத்துக்கொண்டே தொலைக்காட்சி பார்ப்பது, கழுத்தைக் கோணலாக வைத்துக்கொண்டு உறங்குவது. தலையணைகளைத் தலைக்கு அடுக்கிவைத்து உறங்குவது, வேலைக்குச் செல்லப் பல மணிநேரம் பயணிப்பது, பயணங்களில் உட்கார்ந்துகொண்டே உறங்குவது போன்றவையும் கழுத்து வலிக்குப் பாதை அமைப்பவைதான்.

இப்போதெல்லாம் பலரும் இரு சக்கர வாகனங்களை ஓட்டிச் செல்லும்போதும் செல்போனில் பேசுகிறார்கள். அப்போது கழுத்தை ஒரு பக்கமாக சாய்த்துக்கொண்டு பேசுகிறார்கள். இந்தத் தவறான பழக்கம் நாளடைவில் கழுத்து வலியை ஏற்படுத்துகிறது. குண்டும் குழியுமாக உள்ள சாலைகளில் அடிக்கடி பயணிப்பதும் கழுத்து வலியைச் சீக்கிரத்தில் கொண்டுவந்துவிடும். கழுத்தை எக்ஸ்ரே, சிடி ஸ்கேன் அல்லது எம்.ஆர்.அய் ஸ்கேன் எடுத்துப் பார்த்து நோயைப் புரிந்துகொள்ளலாம். ஆரம்ப நிலையில் உள்ள கழுத்து வலியைச் சாதாரண வலி மாத்திரைகள், களிம்புகளால் குணப்படுத்திவிடலாம். நோய் நீடிக்கிறது என்றால் மருத்துவரின் ஆலோசனைப்படி கழுத்தில் பட்டை அணிந்துகொள்வது, கழுத் துக்கு டிராக்சன் போட்டுக்கொள்வது, பிசியோதெரபி சிகிச்சை போன் றவை பலன் தரும். நோயின் தன்மையைப் பொறுத்து சிலருக்கு அறுவைசிகிச்சையும் தேவைப்படலாம். நீங்கள் எலும்பு நலச் சிறப்பு மருத்துவரையோ, நரம்பு நலச் சிறப்பு மருத்துவரையோ நேரில் பார்த்து ஆலோசிக்க வேண்டும்.

மீண்டு வந்தாலும் மீண்டும் வரும் டெங்கு!

பொதுவாக, அம்மை போன்ற வைரஸ் நோய்கள் தாக்கும்போது, ஏதாவது ஒரு வகைக் கிருமி மூலம் மட்டுமே நோய் வரும். அதனால், ஒருமுறை அந்த நோய் வந்தவருக்கு வாழ்நாள் முழுவதும் எதிர்ப்பாற்றல் கிடைத்துவிடுவதால், மறுபடியும் அதே நோய் ஏற்படுவதில்லை. ஆனால், டெங்கு அப்படியில்லை.

டெங்குக் கிருமிகள் மொத்தம் நான்கு வகை. இவற்றில் பல துணை வகைகளும் உண்டு. எந்த வகையினாலும் டெங்கு வரலாம். முதலில் எந்த வகை டெங்குக் கிருமியால் நோய் ஏற்பட்டதோ அந்த வகைக் கிருமிக்கு மட்டுமே டெங்கு சரியானதும், நோய் எதிர்ப்பாற்றல் கிடைக்கும். மற்ற மூன்று வகைக் கிருமிகளுக்கு அந்த எதிர்ப்பாற்றல் கிடைக்காது. ஆகவே, அடுத்தமுறை அதே நபருக்கு மற்ற மூன்று வகைக் கிருமிகளால் டெங்கு வரும் சாத்தியம் உள்ளது. எனவே, ஒருமுறை டெங்கு வந்தவர்களும் மற்றவர்களைப் போல், கொசுக் கடியிலிருத்து தப்பிக்கத் தகுந்த பாதுகாப்பு ஏற்பாடுகளைச் செய்துகொண்டால் மீண்டும் டெங்கு வராமல் தப்பிக்கலாம்.

இரண்டாம் முறை டெங்கு வந்தால் ஆபத்தும் அதிகம். உடனடியாக, மருத்துவ சிகிச்சைகளை மேற்கொண்டால் மட்டுமே உயிர் பிழைக்க முடியும். ஒருவருக்கு டெங்கு வந்திருப்பது, முதல் முறையா, இரண்டாம் முறையா எனத் தெரிந்துகொள்ளவும் ரத்தப் பரிசோதனை உள்ளது.

ரத்தத்தில் அய்.அய்.எம். மற்றும் அய்.ஜி.ஜி. எதிர் அணுக்கள்  இருக்கின்றனவா எனப் பரிசோதித்துப் பார்த்தால் அது தெரிந்துவிடும். காய்ச்சல் ஏற்பட்ட அய்ந்தாம் நாளில்    பரிசோதனையை மேற்கொள்ள வேண்டும். பயனாளிக்கு டெங்கு பாதிப்பு முதல் முறையாக இருந்தால், அய்.ஜி.எம். அளவு அதிகமாக இருக்கும். அய்.ஜி.ஜி. அளவு குறைவாக இருக்கும். டெங்கு பாதிப்பு இரண் டாவது முறையாக இருந்தால், அய்.ஜி.எம். அளவு குறைவாக இருக்கும். அய்.ஜி.ஜி. அளவு அதிகமாக இருக்கும்.

பொருளாதாரம் மேம்பட்ட அயல் நாடுகளில் டெங்கு அவ்வளவாக இல்லை என்பது உண்மை. இதற்கு முக்கியக் காரணம் அங்கு நிலவும் குளிர்ச்சியான தட்பவெப்ப நிலை, கொசு உற்பத்திக்கு அவ்வளவாக உதவுவதில்லை. அடுத்த காரணம் அங்குள்ள மக்கள் தங்கள் சுற்றுப்புறத்தைத் தூய்மையாகப் பராமரிக்கின்றனர். திடக்கழிவு மேலாண்மையிலும் கழிவுநீரை அகற்றுவதிலும் சிறந்து விளங்குகின்றனர். கொசு வளர்வதைத் தடுக்கப் பெரும்பாலான நகரங்களில் பாதாளச் சாக்கடை உதவுகிறது. அதை நன்றாகப் பராமரிக்கின்றனர் என்பதும் மிக முக்கியமானது.

வீடு, அலுவலகம், ஆலைகள், உணவு விடுதிகள் போன்ற வற்றிலிருந்து வெளியேறும் கழிவுநீரைச் சுற்றுச்சூழல் பாதிப்பின்றி வெளியேற்றுவதற்கும், அதை மறுசுழற்சி செய்து பயன்படுத்துவதற்கும் முறையான அமைப்புகளை வைத்துள்ளனர்.

இதன் பலனால் கொசு உற்பத்தி குறைந்துவிடுகிறது. அயல் நாடுகளில் கொசு ஒழிப்புக்கு நிரந்தரத் திட்டங்களை வகுத்துள்ளனர்.

இந்தியாவிலோ கொசுக்கள் வளர இடம் கொடுத்துவிட்டு, அதை ஒழிப்பதற்கு மருந்து தெளித்துக்கொண்டிருக்கிறோம். ஆனால், அமெரிக்கா, ஆஸ்திரேலியா, ஜப்பான் போன்ற நாடுகளில் குளம், குட்டை, பிற நீர்நிலைகளில் கம்பூசியா அஃபினிஸ்  எனும் மீன்களை வளர்க்கின்றனர். இவை கொசுக் களின் லார்வாக்களைத் தின்றுவிடும். இதனால் கொசுக்கள் வளர்வதற்கு வாய்ப்பே இல்லாமல் போகும்.

வயிற்றுக் கோளாறுகளை போக்கும் மிளகு

நமக்கு அருகில், எளிதில் கிடைக்க கூடிய மூலிகைகள், இல்லத்தில் உள்ள உணவுப் பொருட்களை கொண்டு பயனுள்ள பக்கவிளைவில்லாத மருத்துவத்தை பார்த்து வருகிறோம். அந்தவகையில், வயிற்று கோளாறுகளை சரிசெய்ய கூடியதும், தோல்நோய்களை போக்கவல்லதும், மூலநோயை குணப்படுத்தும் தன்மை கொண்டதுமான  மிளகின் மருத்துவ குணங்கள் குறித்து பார்க்கலாம்.

10 மிளகு இருந்தால் பகைவன் வீட்டு பந்தியிலும் அமரலாம் என்று கூறும் அளவுக்கு மிளகு பல்வேறு நன்மைகளை உள்ளிடக்கியது. மிளகு காரச் சுவை கொண்டது. இது, பசியின்மை, குமட்டல், வாந்தி, உடல் வலி, காய்ச்சல், மாதவிலக்கு போன்ற பிரச்சினைகளுக்கு மருந்தாகிறது. ரத்தத்தை சுத்தப்படுத்துகிறது.

மிளகை பயன்படுத்தி செரிமான கோளாறு, வயிறுமாந்த பிரச்சினைக்கான மருந்து தயாரிக்கலாம். ஒரு பாத்திரத்தில் சிறிது மிளகுப் பொடி, பெருங்காயப் பொடி, சுக்கு பொடி, திப்பிலி பொடி, சோம்புதூள், சமையல் உப்பு ஆகியவற்றை சேர்த்து ஒரு டம்ளர் நீர்விட்டு கொதிக்க வைக்க வேண்டும். இதை வடிகட்டி வெறும் வயிற்றில் குடித்துவர வயிற்று கோளாறுகள் சரியாகும். பசியை தூண்டும். இது பித்த சமனியாக விளங்குகிறது. மாந்தத்தால் எற்படும் கழிச்சலை குணமாக்குகிறது. மிளகு பூஞ்சை காளான்களை போக்கும் தன்மை உடையது. நுண்கிருமிகளை அளிக்கும். வயிற்றில் இருக்கும் வாயுவை வெளித்தள்ளக் கூடியது. வலியை போக்க கூடியது. வயிற்று வலி, சிறுநீரக பாதையில் ஏற்படும் வலி, மார்பு வலி போன்றவற்றை குணப்படுத்தும். சுக்கு, மிளகு, திப்பிலி ஆகியவை சேர்ந்தது திரிகடுகம் என்று அழைக்கப்படுகிறது. இது, மருத்துவத்தில் மிக முக்கிய பங்கு வகிக்கிறது. இதயத்துக்கு சுக்கு பலம் கொடுக்கிறது. செரிமானத்தை சீர் செய்கிறது. தலைபாரத்தை குறைக்கிறது.

எலும்பிற்கு வலு சேர்க்கும்  சாத்துக்குடி சாறு

சாத்துக்குடி பழத்தில் அபரிமிதமான விட்டமின்-சி சத்து நிறைந்துள்ளது. உடலில் தேங்கும் நச்சுக்களை வெளியேற்ற உதவுகிறது. உடலின் நோய் எதிர்ப்பு சக்தியை அதிகரித்து புத்துணர்வுடன் இருக்க உதவுகிறது. சாத்துக்குடியில், நார்சத்து  நிறைந்துள்ளது.

சிறந்த செரிமானம் மற்றும் வயிற்று கோளாறு களை நீக்க உதவுகிறது. எலும்புகளுக்கு வலுவூட் டுவதுடன், வயதான தோற்றம் ஏற்படுவதையும் தடுக்கிறது. சாத்துக்குடியில் பொட்டாசியம், பாஸ் பரஸ், மினரல்கள் உள்ளன. குழந்தைகள் முதல் பெரியவர்கள் வரை தினமும் சாத்துக்குடி சாறு குடிப்பதன் மூலம் ஏராளமான நன்மைகளை பெறமுடியும். உடலில் புதிய ரத்தம் விருத்தியாக தினம் இரண்டு சாத்துக்குடி பழச்சாறு அருந்த வேண்டும். உடல் அசதி பறந்துவிடும். அதனால் தான், நோயுற்றவர்களுக்கு சாத்துக்குடி சாறு அருந்த தரப்படுகிறது. மேலும், ரத்தத்தில் உள்ள சிவப்பணுக்களின் எண்ணிக்கையை அதிகரிக்கும். ரத்த சோகை உள்ளவர்கள் தினசரி சாத்துக்குடி சாறு அருந்தலாம். குழந்தைகளின் வளர்ச்சிக்கும், பெரியவர்களின் எலும்புகளின் வலுவிற்கும் இன்றி யமையாதது கால்சியம் சத்து. எனவே குழந்தைகள் தினசரி சாத்துக்குடி சாறு அருந்த நல்ல வளர்ச்சி பெறுவர். பெரியவர்கள் மற்றும் பெண்களின் எலும்பு தேய்மானம் மற்றும் வலுவற்ற எலும்பிற்கு வலு சேர்க்க சாத்துக்குடி சாறு சிறந்த பலனை தரும். பெரியவர்களுக்கு ஞாபகமறதி என்பது பெரிய தொந்தரவாக உள்ளது. ஞாபக திறனை மேம்படுத்தி நினைவாற்றலுடன் செயல்பட சாத்துக்குடி பழம் சாப்பிடுவது மிகவும் நல்லது.


நாம் தினமும் உண்ணும் உணவில், காய் மற்றும் கனிகளுக்கு பிரதான பங்கு இருக்கிறது. அதிலும் அன்றாடம் காய்கறி சேர்க்காமல் நாம் உணவு சமைப்பதில்லை. அந்த வகையில் காய்களுக்கு, தனி பெருமை உண்டு என்றே சொல்லலாம். ஒவ்வொரு காயிலும் ஒவ்வொரு விதமான சத்து உண்டு.

பொதுவாக ஆரஞ்சு போன்ற புளிப்பான பழங்களில் தான் வைட்டமின் சி அதிகமாக இருக்கும் என்று நாம் நினைத்துக் கொண்டிருக்கிறோம். ஆனால், குறைந்த அளவே விரும்பப்படும் முட்டைக்கோசில், ஆரஞ்சு பழங்களை விட வைட்டமின் சி சத்து அதிகமாக உள்ளது . முட்டைக்கோசில்,  தொற்று நோயை எதிர்த்துப் போராடும் சல்ஃபர் அதிக அளவில் இருப்பதால், தினமும் சிறிதளவு முட்டைக்கோசை உணவில் சேர்த்துக் கொண்டால் நோய் எதிர்ப்பு சக்தியை அதிகரித்து எந்த வியாதியும் நம்மை அணுகாமல் பார்த்துக்கொள்ளும்.
இதில் நார்ச்சத்தும் நிறைந்திருப்பதால், உடலில் நீர்ச்சத்து குறையாமல் பாதுகாக்கிறது. மேலும் செரிமானம் சம்பந்தப்பட்ட கோளாறுகளை சரி செய்து, அதனால் மலச்சிக்கல் ஏற்படுவதையும் தடுக்கிறது. உடலின் உட்பாகத்தில் சிறு கட்டிகள் தோன்றி, அதை நாம் கவனிக்காமல் போனால் அதுவே புற்று நோயாக மாறிவிடும் என்று கூறப்படுகிறது. முட்டைக்கோசை சாப்பிட்டால் அம் மாதிரியான கட்டிகள் கூடக் கரைத்து விடக்கூடும்.

உடலுக்குத் தேவையான ஊட்டச்சத்து, தாதுகள், வைட்டமின்கள் போன்ற எல்லாமே இதில் அடங்கியிருக்கிறதாம். ஒரு கப் சமைக்கப்பட்ட முட்டைக்கோசில், முப்பத்து மூன்று கலோரிகள் மட்டுமே இருப்பதால் உடல் எடையும் கூடாது. இந்தக் காயில் பொட்டாசியம் நிறைந்திருப்பதால் ரத்தக் கொதிப்பை கட்டுப்பாட்டில் வைக்கக் கூடியது. ரத்த நாளங்களை விரிவடையச் செய்து, ரத்த ஓட்டத்தையும் சீராக்குகிறது. அதனால் ஸ்ட்ரோக், ஹார்ட் அட்டாக் பாதிப்புகள் தடுக்கப்படுகின்றன.

கண் பார்வையை கூர்மையாக இருக்க வைப்பதோடு, காட்டராக்ட் எனப்படும் கண்புரை வருவதையும் தவிர்க்கிறது. சிலருக்கு இளம் வயதிலேயே முதுமையின் சாயல் தெரியத் தொடங்கும். தோலில் சுருக்கங்கள், கரும் புள்ளிகள், தோலின் நிற மாற்றம் ஆகியவைத் தோன்றத் தொடங்கும். அவை உண்டாகாமல் இருக்க முட்டைக்கோஸ் நல்ல ஒரு மருந்தாகும்.

மிக மிக முக்கியமாக அல்சைமர் என்னும் ஞாபக மறதி நோய் உள்ளவர்கள் முட்டைக்கோசை தினமும் உணவில் சேர்த்துவந்தால், மறதி நோயிலிருந்து முழுமையாக இல்லாவிட்டாலும் ஓரளவு நிவாரணம் பெறலாம் என்று மருத்துவர்களே கூறுகிறார்கள்.

சல்ஃபர், வைட்டமின் சி இரண்டுமே முட்டைக்கோசில் நிறைந் திருப்பதால், இதை உண்பதன் மூலம், சிறுநீரகம் சம்பந்தப்பட்ட நோய்கள், தோல் சம்பந்தப்பட்ட வியாதிகள், முடக்கு வாதம் இவற்றிலிருந்தும் தப்பித்துக்கொள்ளலாம்.

அதுமட்டுமல்ல,  பொட்டாசியம், கால்சியம், மக்னீசியம் சத்துக் களை, இந்தக் காய் உள்ளடக்கி இருப்பதால், எலும்புகள் வலு வூட்டப்படுகின்றன.

ஒரு சாதாரண கோசில், இவ்வளவு மருத்துவத் தன்மைகள் இருக்கின்றன. அதனால் அதை பொரியலாகவோ, கூட்டாகவோ, சாலட் ஆகவோ தினசரி உணவில் எந்த வகையிலாவது சேர்த்துக் கொள்வது நல்லது.

முக்கியமாகச் சிறு வயது முதலே குழந்தைகளுக்கு முட்டை கோசை உண்ணும் பழக்கத்தை ஏற்படுத்துவது எதிர்காலத்தில் மிகுந்த நன்மையைத் தரும்.


டெங்கு - சில தகவல்கள்

1) ஏடிஸ் எகிப்தி என்ற ரக கொசுவே டெங்கு வைரசை மனிதர்களிடையே பரப்புகிறது.

2) ஏடிஸ் கொசு கறுப்பு நிறத்தில், சிறகுகள் மற்றும் கால்களில் வெள்ளை புள்ளிகளுடன் இருக்கும்.

3) பெண் கொசு மூலம்தான் டெங்கு நோய் பரவும்.

4) காலை மற்றும் மதிய நேரத்தில் மட்டுமே ஏடிஸ் கொசு கடிக்கும்.

5) டெங்கு பாதித்தவரை கடித்த கொசு, பாதிப் பில்லாதவரை கடிக்கும்போது காய்ச்சல் பரவும்.

6) தண்ணீர், காற்று மூலம் பரவாது.

7) டெங்கு பாதித்தவரின் இருமல், தும்மல், எச்சில் போன்றவற்றால் பரவுவதில்லை.

8) காய்ச்சல் ஏற்பட்டால் உடலின் வெப்பம் 104 டிகிரி பாரன் ஹீட் வரை உயரும்.

9) தலைவலி, தசைவலி, கண்வலி, வாந்தி உடலில் அரிப்பு, மூட்டுவலி போன்றவை இதன் அறிகுறி களாகும்.

10) பெரும்பாலானோருக்கு நோய் பாதிப்பு ஏற் பட்ட ஏழு நாட்களுக்குள் சரியாகும்.

11) சிலருக்கு மட்டும் டெங்கு வைரஸ் மிக மோச மான பாதிப்பை ஏற்படுத்தும்.

12) குழந்தைகள், பெண்கள், முதியவர்களுக்கு டெங்கு காய்ச்சல் பாதிப்பு அதிகமாக இருக்கும்.

13) டெங்கு வைரஸ் ரத்தத்தில் உள்ள தட்ட ணுக்களை அழித்துவிடும்.

14) தட்டணுக்களின் எண்ணிக்கை சுமார் 3,00,000 வரை இருக்க வேண்டும்.

15) டெங்கு காய்ச்சல் வந்தால் தட்டணுக்களின் எண்ணிக்கை  20 ஆயிரத்துக்கும் கீழே குறைந்து விடும்.

16) நுரையீரல், வயிறு, பல் ஈறு, சிறுநீர்ப் பாதை யிலும் ரத்தக் கசிவு ஏற்படும்.

17) உரிய சிகிச்சை எடுக்காவிட்டால் மரணம் நேரிடும்.

18) காய்ச்சல் ஏற்பட்டவுடன் டெங்குவை உறுதி செய்ய இயலாது.

19) மூன்று நாட்களுக்குமேல் காய்ச்சல் நீடித்தால் பரிசோதனை செய்ய வேண்டும்.

20) ரத்தப் பரிசோதனை மூலம் டெங்கு இருப்பதை கண்டு பிடிக்க முடியும்.  


டெங்குவுக்கு நிலவேம்புக் குடிநீர்: தெரிந்ததும் தெரியாததும்!

டெங்குவால் நிரம்பி வழிகின்றன தமிழக மருத்துவ மனைகள். இதற்கு சரியான தீர்வு நிலவேம்புக் குடிநீர் - சிறந்த மருந்துதான். அதேநேரம், நிலவேம்புக் குடிநீரை எடுத்துக்கொள்வதிலும் நிறைய சந்தேகங்கள் இருக்கின்றன. அது குறித்த கேள்வி களுக்கு சித்த மருத்துவர் குழுவின் பதில்கள் இவை:

நிலவேம்புக் குடிநீரை எப்போது எடுத்துக்கொள்ள வேண்டும்?

டெங்குக் காய்ச்சல் வேகமாகப் பரவிவரும் இந்தச் சூழலில், டெங்குவாக இருந்தாலும் சரி அல்லது சாதாரணக் காய்ச்சலாக இருந்தாலும் சரி, முதல் நடவடிக்கையாக நிலவேம்புக் குடிநீரை எடுத்துக் கொள்ளலாம்.

ஒரு வயதுக்குக் கீழ் உள்ள குழந்தைகளுக்கு நிலவேம்புக் குடிநீர் கொடுக்கக் கூடாது. 3 முதல் 12 வயதுவரை உள்ள குழந்தைகளுக்கு 15 மி.லி. முதல் 30 மி.லி.வரை மருத்துவர் அறிவுரையின்படி கொடுக் கலாம். பெரியவர்கள் 60 மி.லி. வரை எடுத்துக் கொள்ளலாம். காலை மாலை என இரு வேளையும், தொடர்ந்து 5 நாட்களுக்கு எடுத்துக்கொள்ள வேண்டும். இது பக்கவிளைவுகள் அற்றது.

நிலவேம்புக் குடிநீர் எடுத்துக்கொண்ட முதல் மூன்று நாட்களுக்குப் பிறகும் காய்ச்சல், உடல் சோர்வு, உடல் வலி போன்றவை இருந்தால், உடனடியாக அருகிலுள்ள அரசு, தனியார் மருத்துவமனைக்குச் சென்று பரிசோதிக்கவும். அதை விடுத்து, சுய மருத்துவமாக நிலவேம்புக் குடிநீரை மட்டுமே எடுத்துக்கொண்டிருக்கக் கூடாது.

கர்ப்பிணிகள், பாலூட்டும் அம்மாக்கள் என எல் லோரும் நிலவேம்புக் குடிநீரை எடுத்துக்கொள்ளலாம். நீரிழிவு, புற்றுநோய் போன்ற இதர நோய் பாதிப்புகள் உடையவர்கள், மருத்துவர் பரிந்துரையுடன் நிலவேம்புக் குடிநீரை எடுத்துக்கொள்ளலாம். மாத விடாய் காலத்தில் டெங்கு ஏற்பட்டால், வழக்கத்தை விட அதிக உதிரப் போக்கு இருக்கும். எனவே, அந்தக் காலத்தில் உடல் வலி, காய்ச்சல் ஆகியவையும் இருந்தால் அலட்சியமாக இருந்துவிடாமல், உடனடியாக மருத்துவமனைக்குச் செல் லவும்.

நிலவேம்புக் குடிநீரை எந்த அளவில் எடுத்துக்கொள்ள வேண்டும்?

கடைகளில் நிலவேம்புக் குடிநீர் பொடி என்கிற பெயரில் பல்வேறு நிறுவனங்களின் தயாரிப்பு விற்கப் படுகிறது. அவற்றுக்கு பதிலாக நிலவேம்புக் குடிநீர் சூரணமே சிறந்தது. இது இம்ப்காப்ஸ் மருந்துகள் விற்பனை செய்யப்படும் அனைத்துக் கடைகளிலும் கிடைக்கும்.

அந்தச் சூரணத்தை இரண்டு கரண்டி எடுத்துக் கொள்ள வேண்டும். அதை இரண்டு டம்ளர் தண்ணீரில் கலக்க வேண்டும். பிறகு அடுப்பை சிம்மில் வைத்துச் சூடுபடுத்தி, அரை டம்ளராக வற்ற வைத்த பிறகே குடிக்க வேண்டும். சுமார் மூன்று அல்லது நான்கு மணி நேரம் மட்டுமே இந்த மருந்தின் தாக்கம் இருக்கும் என்பதால், உடனே குடித்துவிடுவது நல்லது. காலையில் தயாரித்துவிட்டு, மாலையில் குடிக்கலாம் என்கிற மெத்தனம் வேண்டாம்.

அரிப்பு என்பது நம் உடல் இயந்திரத்தில் இயங்கும் ஒரு அலாரம். உடம்புக்குள் வேண்டாத பொருள் ஒன்று நுழைந்துவிட்டால் நம்மை எச்சரிக்கை மணி அடிக்கும் அறிகுறிதான் அரிப்பு. 

இது சில நேரம் இதமாகவும், இன்பமாகவும் இருக்கும். அதுவே பல நேரம் எரிச்சலையும் வெறுப்பையும் ஏற்படுத்துவதாக மாறிவிடும். உடலியல்ரீதியில் சொன் னால் அரிப்பு என்பது ஒவ்வாமையின் வெளிப்பாடு. இதைச் செயல்படுத்துவது நம் தோலில் உள்ள மாஸ்ட் செல்கள்.
அரிப்பு ஏற்படுவதற்கு அடிப்படைக் காரணம், பிடிக்காத பொருளுக்கு ரத்தத்தில் உருவாகும் எதிர்ப்பாற்றல் புரதம்தான். இதை இம்யூனோகுளோபுலின்  ஈ  என்பார்கள். இந்தப் புரதத்தை ரத்த செல்கள் உருவாக்குகின்றன. பிடிக்காத பொருள் முதல்முறையாக உடம்புக்குள் நுழையும்போது, இந்தப் புரதம் உருவாகி ரத்தத்தில் காத்திருக்கும்.

மீண்டும் அதே ஒவ்வாத பொருள் உடலுக்குள் நுழையும்போது, இந்தப் புரதம் ஒவ்வாமைப் பொரு ளுடன் சேர்ந்து மாஸ்ட் செல்களைத் தூண்டும். இதன் காரணமாக மாஸ்ட் செல்கள் ஹிஸ்டமின், லுயூக் கோட்ரின்  எனும் வேதிப்பொருட்களை வெளியேற்றும். இவை ரத்தக் குழாய்களை விரிவடையச் செய்து அங்குள்ள நரம்பு முனைகளைத் தாக்கும். அதன் விளைவால்தான் அரிப்பு, தடிப்பு, தோல் சிவப்பது போன்றவை ஏற்படுகின்றன.

இதுபோல், அரிக்க வேண்டும் என்ற தகவலை மூளைக்கு எடுத்துச் செல்வதும், மூளையிலிருந்து சொறிய வேண்டும் என்ற கட்டளையை விரல்களுக்கு எடுத்து வருவதும் ஒரே நரம்பு கேபிள்தான். 

என்ன காரணம்?


அரிப்பு ஏற்படுவதற்குக் காரணங்கள் அநேகம். என்றாலும், இவற்றை இரண்டே இரண்டு பிரிவுகளில் அடக்கி வைத்திருக்கிறது, மருத்துவம். உடலின் வெளியிலிருந்து வருவது ஒரு வகை. உடலுக்குள்ளேயே இருப்பது அடுத்த வகை.

வெளியிலிருந்து வரும் எதிராளிகளில் முன்னிலை வகிப்பது செயற்கை அழகுச் சாதனப் பொருள்கள். சோப்பு, சென்ட், குங்குமம், தலைச்சாயம், உதட்டுச்சாயம், நகப்பூச்சு, முகப்பவுடர், கிரீம் போன்றவை உடலுக்கு ஒத்துக்கொள்ளாவிட்டால் அரிப்பை ஏற்படுத்தும். சிலருக்குக் கம்பளி, டெர்லின், நைலான், விலங்குத் தோல் போன்ற ஆடைகளை அணிந்தால் உடல் அரிக்க ஆரம்பித்துவிடும். 

எச்சரிக்கும் நோய்கள்

உடலில் இருக்கும் எந்தவொரு நோய்த் தொற்றும் அரிப்பை உண்டாக்க வாய்ப்புண்டு. உதாரணம்:  உடம்பெல்லாம் அரித்தால், உடலுக்குள் இருக்கும் ஏதோ ஒரு புற்றுநோயின் அறிகுறியாகவும் அது இருக்கலாம்.தவிர, நீரிழிவு நோய், ரத்தசோகை, மஞ்சள் காமாலை, சிறுநீரகக் கோளாறு, தைராய்டு பிரச்சினை, பித்தப்பைப் பிரச்சினை, மல்ட்டிபிள் ஸ்கிலிரோஸிஸ்எனும் மூளை நரம்புப் பிரச்சினை, பரம்பரை போன்றவையும் அரிப்புக்குக் காரணமாக இருக்கலாம்.

உணவும் மருந்தும்

நாம் சாப்பிட்ட உணவு ஒத்துக்கொள்ளாமல் அரிப்பை உண்டாக்கும். முக்கியமாகப் பால், தயிர், முட்டை, இறால், இறைச்சி, கடல் மீன், கருவாடு, தக்காளி, சோயாபீன்ஸ், வேர்க்கடலை, முந்திரி, செர்ரி பழங்கள் போன்றவற்றைச் சொல்லலாம். வெளிநாட்டுப் பதப் படுத்தப்பட்ட உணவு வகைகளில், அரிப்பை ஏற்படுத்தும் உட்பொருட்கள் குறித்த எச்சரிக்கை இருக்கும். உணவைப் போலவே நாம் சாப்பிடும் மருந்துகளும் அரிப்புக்கு ஒரு காரணம் ஆகலாம். குறிப்பாக, ஆஸ்பிரின், பெனிசிலின், சல்ஃபா, நிமிசுலைட், மலேரியா மருந்துகளை இதற்கு உதாரணமாகச் சொல்லலாம். இதன் காரணமாகத்தான் முதன்முதலில் ஆன்ட்டி பயாட்டிக்ஸ் ஊசி போடுவதற்கு முன் சிறியதாக மருந்தைச் செலுத்தி மருத்துவர்கள் பரிசோதிப்பது வழக்கம்.

மனப் பிரச்சினைகள்


அரிப்புக்குக் கவலை, பயம், டென்ஷன் போன்ற மனம் சார்ந்த காரணங்களும் இருக்கின்றன. 

உடம்பு அரித்தால் ஒரு அவில் போட்டுக்கோ என்று சாதாரணமாக வீடுகளில் சொல்வார்கள். அதே வேளையில் எதனால் ஏற்பட்டது என்பதைத் தெரிந்து கொண்டு சிகிச்சை பெற்றால்தான், அரிப்பு முற்றிலுமாகக் கட்டுப்படும். நாமாக மருந்து சாப்பிடுவது, ஆபத்துக்கு அழைப்பு விடுப்பதைப் போன்றதாகும்.



தமிழ்நாட்டில் மிக எளிதாக கிடைக்கக் கூடிய காய்கறிகளிலிருந்து உடலில் ஏற்படக்கூடிய பிரச்சினைகளை தீர்க்கலாம் என்ற வகையில் ஒவ்வொரு காய்க்கும் உள்ள மருத்துவ குணங்கள் பட்டியலிடப் பட்டுள்ளது. இந்த காய்கறிகளை முழுதோலுடன் மட்டுமே பயன்படுத்த வேண்டும் (தோலை நீக்க கூடாது நீக்கினால் பயன் கிடையாது, வேகவைக்கவும் கூடாது) இந்த குறிப்புகள் அனுபவ ரீதியாக பயன் அடைந்தவர்களின் கருத்தினைக் கொண்டு உரையாற்றிய விவசாய பயன்பாட்டாளரின் தொகுப்பு.

இரத்த அழுத்த நோய்க்கான காரணத்தை குறைக்கக்கூடிய காய் வகை

5 வெண்டைக்காயை சுடுநீரில் பத்து நிமிடம் ஊறவைத்து உணவுக்கு முன்பாக மூன்று நேரமும் பச்சையாக சாப்பிட வேண்டும். தொடர்ந்து சாப்பிட்டு வந்தால் ஒரு மாதத்தில் நல்ல பலன் கிடைக்கும்.

இதயநோய் உள்ளவர்களுக்காக: வாழைக்காயை தோலோடு சாறாக பிழிந்து தினசரி குடித்து வந்தால் இரத்த குழாய் அடைப்புகள் சரியாகும்.
கேன்சர்: கேன்சர் நோயால் பாதிக்கப்பட்டவர்கள் தங்களுடைய உடலில் உள்ள புளிப்புத்தன்மையை முற்றிலுமாக குறைக்க வேண்டும், அத்துடன் வெள்ளை பூசணிக்காய் சாறு எடுத்து தினசரி குடித்து வந்தால் நோய் குணமாகும். சாத்திய கூறுகள் அதிகம்.

சிறுநீர் பிரச்சினைகள்: இரண்டு கத்தரிக்காய், இரண்டு தக்காளி ஆகிய வற்றை சுடுநீரில் பத்து நிமிடங்கள் ஊறவைத்து மிக்சியில் அரைத்து அதன் சாறு எடுத்து தினசரி குடித்து வந்தால் கெட்ட நீர்கள் வெளியேற்றப்பட்டு நாளடைவில் பிரச்சினைகள் நீங்கும்.

நரம்பு பிரச்சினைகள், பீரியட் பிரச்சினை, பக்கவாதம்: இந்த நோய் பாதிக்கப்பட்டவர்கள் 10 கொத்தவரங்காய், ஒரு எலுமிச்சை பழம் (தோலுடன்) மிக்சியில் அரைத்து சாறு எடுத்து குடித்துவர பிரச்சினைகள் நீங்கும்.

மன அமைதி, தூக்கமின்மை: புடலங்காயை சாறு எடுத்து குடித்து வர நல்ல முன்னேற்றம் காணலாம்.

குடல், தசை, கர்ப்பப் பை பிரச்சினைகள்: அரசாணிக்காய் (மஞ்சள் பூசனிக்காய்) சாறு எடுத்து சாப்பிட்டு வந்தால் நல்ல முன்னேற்றம் கிடைக்கும்.

கொலஸ்ட்ரால், சோரியாசிஸ்: கோவைக்காய் அல்லது அதனுடைய இலை சாறு எடுத்து குடித்துவர பிரச்சினைகள் முற்றிலுமாக நீங்கும்.
ஆஸ்துமா, சுவாச பிரச்சினைகள்: முருங்கை இலை சாறு எடுத்து குடித்து வரவும் அல்லது நன்கு முற்றிய விதையினை சப்பி சாப்பிட்டால் பிரச்சினைகள் நீங்கும்.

பெப்டிக் அல்சர்: பீர்க்கங்காய் சாறு எடுத்து குடித்துவர வேண்டும் அல்லது மென்று சாப்பிட வேண்டும்.

மூட்டுவலி (முதியோர்), எலும்பு பிரச்சினை: கொப்பரத்தேங்காய் (நன்றாக முத்திய எண்ணெய் பசையுள்ள தேங்காய்) தினசரி மென்று சாப்பிட்டு வந்தால் பிரச்சினை நீங்கும்.

தைராய்டு, ஹார்மோன் இம்பேலன்ஸ்: எலுமிச்சை பழத்தை தோலோடு மிக்சியில் அரைத்து சாறு எடுத்து குடித்துவர பிரச்சினைகள் தீரும்.


நாள் ஒன்றுக்கு 2-2 1/2 லிட்டர் தண்ணீர் குடிப்பது நல்லது என்று அறிவுறுத்தப்படுகின்றது. 8-10 கிளாஸ் அளவு என்று எளிதாய் புரிய வைக்கின்றனர். ஏன் தண்ணீர் குடிக்க வேண்டும். இல்லாவிட்டால் என்னென்ன பிரச்சினைகள் ஏற்படும் என்பதனைப் பாருங்கள். அனைவரும் ஒழுங்காய் தண்ணீர் குடிப்பீர்கள்.

* தண்ணீர் உடலின் சக்திக்கான முக்கிய பொருள். தண்ணீர் பற்றாமை என்னஸம் செயல்பாட் டினை உடலில் குறைத்துவிடும். இதனால் சோர்வு அதிகமாய் ஏற்படும்.

* உடலில் தண்ணீர் பற்றாக்குறை ஏற்படும் பொழுது சுவாச காற்று மாற்றம் குறைபடும். காரணம் இருக்கும் நீர்சத்தினை உடலில் தக்க வைக்க உடல் எடுக்கும் முயற்சி இது. இதனால் ஆக்ஸிஜன் குறைபாடு ஏற்படக் கூடும்.

* நீர் சத்து உடலில் குறையும் போது இருக்கும் நீர் சத்தினை தக்க வைக்க அதிக கொழுப்பு சத் தினை உருவாக்கும்.

* உடலில் நீர் சத்து குறையும் பொழுது அதிக நச்சுப் பொருட்கள், ஆசிட் கழிவு இவை தேங்குவ தால் கிருமிகள் தாக்குதல் சிறுநீரகம், சிறுநீரகப்பையில் ஏற்படும். கூடவே வீக்கம், வலி ஏற்படும்.

* குடல் உடலில் நீர் சத்தினை அதிகம் இழுக்கக் கூடியது. நீர்சத்து குறையும் பொழுது கழிவுகள் காலதாமதாக பெருங்குடலுக்குச் செல்லும். அல்லது செல்லாது தேங்கி, கடினப்பட்டு இருக்கும். இதனால் மலச்சிக்கல் ஏற்படும்.

* மூட்டுகளுக்கு அதிக நீர்சத்து தேவை. நீர்சத்து குறையும் பொழுது மூட்டுகள் பலவீனப்படும், மூட்டு கடினப்படுதல், மூட்டு வலி ஆகியவை ஏற்படும்.

* நீர்சத்து குறையும் பொழுது செல்களுக்கு நீர் இல்லாததால் தாகம் எடுக்கும் பொழுது அவர்கள் அதனை உணராமல் அதிகம் உண்கின்றனர். இதனால் எடை கூடும்.

* தொடர்ந்து உடலில் நீர் குறைபாடு இருக்கும் பொழுது அனைத்து உறுப்புகளும், சருமம் உட்பட சுருங்கத் தொடங்குகின்றன. அதனால் இளவயதி லேயே முதுமை தோற்றம் பெறுவர்.

* ரத்தம் 92 சதவீதம் நீர் கொண்டது. நீர் குறையும் பொழுது ரத்தம் கடினப்படுகின்றது. இதனால் உயர் ரத்த அழுத்தம் ஏற்படுகின்றது.

* சருமம் உடலின் நச்சுப் பொருட்களையும், கழி வுகளையும் கூட வெளியேற்றும் வேலையினைச் செய்கின்றது. நீர் சத்து உடலில் குறையும் பொழுது சருமம் பல வகையான சரும பாதிப்புகளை ஏற் படுத்தும்.

* நீர் குறைபாடு வயிற்றுப் புண், அசிடிடி ஆகிய பாதிப்புகளை ஏற்படுத்தும்.

* மனித உடலில் 75 சதவீதம் நீர்தான். 8-10 கிளாஸ் நீர் தினம் அருந்துங்கள் என்று சொன்னாலும் உடற்பயிற்சி, தட்ப வெப்பநிலை. கர்ப்பகாலம், தாய் பால் கொடுக்கும் காலம், நோய்வாய்பட்ட காலம் இவற்றில் கூடுதல் நீர் தேவைப்படும்.


கொழுப்பைக் குறைக்கும் கீரை விதைகள்

கீரைகள் மட்டுமின்றி அவற் றின் விதைகளிலும் ஏராளமான சத்துகள் உள்ளன. தண்டுக்கீரை யின் விதையில் குளூட்டன் எனப் படும் புரதம் கிடையாது. எனவே குளூட்டன் அலர்ஜி உள்ளவர்கள் இந்தக் கீரை விதையை அதிகமாக உட்கொள்ளலாம். கீரை விதைகளை மாவாக அரைத்து கோதுமை மாவுடனும் சேர்த்துச் சாப்பிடலாம்.

ஒரு கோப்பை கீரை விதையில் 26 கிராம் புரதச் சத்து உள்ளது. அத்துடன், சுண்ணாம்புச் சத்து, மக்னீசியம், பொட்டாசியம், பாஸ் பரஸ், இரும்புச்சத்து போன்றவை யும் உள்ளன. கீரை விதைகள் கெட்ட கொழுப்பைக் குறைத்து, இதயநோய் வராமல் தடுக்கின்றன என்றும் ஆய்வுகள் கூறுகின்றன.


உடல்நலம் காக்கும் மருத்துவ குறிப்புகள்

அநேகருக்கு எப்பொழுதும் ஏதாவது ஒரு மருத்துவ சந்தேகம் இருக்கும். கேட்பதற்கு சங்கடப்படவும் செய்வர். அத்தகையோருக்காகவும் மேலும் அனைவருக்காகவும் சில பொதுவாக அதிகம் கேட்கப்படும் சந்தேகங்களின் பதில்கள் கீழே வழங்கப்பட்டுள்ளன.

* நீரிழிவு நோய் பிரிவு 2 பாதிப்பு உடையோர் இன்சுலின் ஊசி போட்டுக் கொள்ளாமல் மருந்திலேயே காலம் முழுவதும் சமாளிக்க முடியுமா? நீரிழிவு நோய் வளர்ந்து கொண்டே வரக் கூடிய பாதிப்பு குணம் கொண்டது தான். இதனை உட்கொள்ளும் மருந்தின் மூலம் மட்டுமே கட்டுப்பாட்டில் வைக்க முடியுமா என்ற கேள்விக்கான பதில் பல விஷயங்களைச் சார்ந்துள்ளது.

பாதிப்புடையவர் தனது எடையினை அளவாக வைத்துக் கொள்ளுதல், தவறாது உடற்பயிற்சி செய்தல், பரம்பரை, உடலில் ஹார்மோன்களின் செயல்திறன், இன்சுலின் சுரக்கும் பீட்டா செல்கள் என பல காரணங்கள் இதனுள் அடங்கி உள்ளது. எனினும் ஆய்வுகள் கூறுவது இந்நோயின் ஆரம்ப காலத்திலிருந்தே முனைந்து கட்டுப்பாட்டில் தொடர்ந்து கொண்டு வந்தால் வருடங்கள் கூடும் பொழுது இது மிக நல்ல பலனை அளிக்கின்றது.

* தேவையான அளவு தூக்கம் தேவை என அறிவுறுத்தப்படுவதை அலட்சியமாகக் கருதாதீர்கள். 7-8 மணி நேர ஆழ்ந்த உறக்கம் மிக அவசியம். பிஸியான வாழ்க்கை, வேலை, குடும்பம் என்ற சூழலில் நம்மால் தேவையான தூக்கம் எடுத்துக் கொள்ள முடிவதில்லை. இதனை நாம் தான் மாற்றிக் கொள்ள வேண்டும். இதனை தூக்க சுகாதாரம் என்று கூறுவதுண்டு. இதனை பின்பற்றும் பொழுது சோர்வு அதிகம் நீங்கும்.

* தினமும் குறிப்பிட்ட அதே நேரத்திற்கு படுக்கச் சென்று குறிப்பிட்ட அதே நேரத்தில் விழிக்கப் பழகுங்கள். மறுநாள் விடுமுறை தானே என கண் விழித்து சினிமா பார்ப்பது போன்றவற்றினை தவிருங்கள்.

* தூங்கப் போவதற்கு 8 மணி நேரம் முன்பாக காபி, டீ போன்றவற்றினைத் தவிருங்கள். உங்களது மாலை காபி, டீயினை அடியோடு தவிர்த்து விடுங்கள். இன்னமும் வலியுறுத்திக் கூற வேண்டும் என்றால் மதியம் 12-க்குப் பிறகு இவற்றினைத் தவிர்ப்பதே முறையானது.

* ஆல்கஹாலை குறைத்துக் கொள்ளுங்கள் என்று கூறுவதில்லை. நிறுத்தி விடுங்கள். அடியோடு நிறுத்தி விடுங்கள் என்றுதான் அறிவுறுத்தப்படுகின்றது.

* தூக்கமின்றி படுக்கையில் படுக்காதீர்கள். படுக்கைக்கு சென்ற பிறகு 20 நிமிடங்கள் கழித்தும் தூக்கம் வரவில்லை என்றால் உடனடி எழுந்து விடுங்கள்.

எழுந்து அமர்ந்து ஏதாவது படியுங்கள். டி.வி. கூட பாருங்கள். ஆனால் இதனை படுத்துக் கொண்டே செய்யாதீர்கள்.


Banner
Banner