எழுத்துரு அளவு Larger Font Smaller Font

அயோடின் அவசியம்

நம்மில் பெரும்பாலானோர் அயோடின் என்றால், அது ஒரு வகையான உப்பு என நினைக் கின்றனர். அவ்வாறு நினைப் பது முற்றிலும் தவறு. ஏனென் றால், அயோடின் என்பது ஒரு வகையான ஊட்டச்சத்து ஆகும். ஆறு, நதி, ஏரி போன்ற நீர் நிலைகளை ஒட்டியுள்ள பகுதிகளில் இயற்கையாகவே அயோடின் அதிகமாக காணப்படும்.

குறிப்பாக, நீர்நிலைகளின் மணற்பரப்பிலும் அயோடின் ஏராளமாக இருக்கும். இந்த அயோடின்தான் கடல்நீரிலும் மிகுந்து காணப்படுகிறது. உப்பில் அயோடின் ஒளிந்திருக்கும் ரகசியம் இதுதான். பச்சைத் தாவரங்களிலும் அயோடின் உள்ளது.இயற்கையான நீர் நிலைகளின் மூலமாக மனிதர்களுக்குக் கிடைக்க வேண்டிய அயோடின் சத்து பல நேரங்களில் கிடைக்காமல் போய்விடுகிறது.

இதனால் அயோடின் சத்து குறைபாடு அதிகம் ஏற்படுகிறது.இதனால் பலவிதமான பாதிப்புகள் ஏற்படுகின்றன. முக்கியமாக தைராக்ஸின் ஹார்மோன் சுரப்பில் பாதிப்பு ஏற்படுவதால் தைராய்டு குறைபாட்டை உருவாக்குவது அயோடின் பற்றாக்குறைதான். கடந்த 2010ஆம் ஆண்டு எடுக்கப்பட்ட ஆய்வு ஒன்றின்படி 2.7 சதவிகிதம் பேருக்கு உலகளவில் தைராய்டு குறைபாடு உள்ளது.

அதாவது, 18 கோடியே 7 லட்சம் மக்கள் அயோடின் கிடைக்காத தைராய்டு குறைபாட்டால் அவதிப்படுகிறார்கள். இதனை வலியுறுத்தும் வகையிலும், விழிப்புணர்வு உண்டாக்கும் விதத்திலும் ஒவ்வொரு ஆண்டும் உலக நாடுகள் ஒன்றாக இணைந்து, அக்டோபர் 21ம் தேதியை அயோடின் சத்து குறைபாடு தினமாக கடைப்பிடித்து வரு கின்றன.

பெரிய பெரிய நதிகள், ஆறுகள் எந்த இடத்தில் காணப்படு கின்றவோ, அப்பகுதியில் உள்ள மணல் பகுதிகள் மற்ற பகுதிகளுக்கு நீரில் அடித்து வரப்பட்டுச் செல்லும். நமது நாட்டில், மத்திய இந்தியாவில், கங்கை, யமுனை பிரம்மபுத்திரா எனப் பல வற்றாத ஜீவ நதிகள் ஓடிக் கொண்டு இருக்கின்றன.எனவே, இப் பகுதிகளில், இயற்கையாக கிடைக்க வேண்டிய அயோடின் சத்து கிடைக்காமல் போய்விடுகிறது.

எனவே, மத்திய இந்தியாவில் அமைந்துள்ள ஹரியானா, உத்தரப் பிரதேசம், மேற்கு வங்காளம் டெல்லி ஆகிய மாநிலங்களில் அயோடின் சத்துக் குறைபாடு அதிக அளவில் இருப்பதற்கு இதுவே முக்கிய காரணமாக உள்ளது. சென்னையில், அயோடின் குறைபாட்டால் ஏற்படும் பாதிப்பின் அளவு குறைவாக உள்ளது. இதற்கு பிரம்மபுத்திரா, கங்கை போன்ற நதிகள் இங்கு இல்லாதது முக்கிய காரணமாக உள்ளது.

பொதுவாக, உப்பில் குறைவான அளவு அயோடின் சேர்த்து சாப்பிட்டு வரலாம். குழந்தைகள் முதல் பெரியவர்கள் வரை தினமும் அயோடினை உணவில் சேர்த்து கொள்ளலாம். இதன் அளவு வயது அடிப்படையில் வேறுபடும்.பிறந்தது முதல் 5 வயதுவரை உள்ள குழந்தைகளுக்கு ஒரு நாளைக்கு 0.07 மில்லி கிராமில் இருந்து 0.38 மில்லி கிராம் வரை அயோடின் தேவை. ஒரு நாளில், 6 முதல் 12 வயது வரை உள்ள குழந்தைகள் 0.1 மில்லி கிராமில் இருந்து 0.14 மில்லி கிராம் வரை அயோடின் உணவில் சேர்த்து கொள்ளலாம்.

பதினெட்டு வயதுக்கு மேற்பட்டவர்களில், ஆண், பெண் என இருவரும் தினமும் 0.11 மில்லி கிராம் முதல் 0.12 மில்லி கிராம் உணவுடன் சாப்பிட்டு வருவது அவசியம்.தாய்மை அடைந்த பெண்களுக்கு அயோடின் குறைபாடு பிரசவம் முடியும்வரை இருக்கும். அயோடின் குறைபாடு உடைய குழந்தைகளுக்கு காது கேளாமை பாதிப்பு காணப்படும். அது மட்டுமல்லாமல், தைராய்டு சுரப்பி முறையாக வேலை செய்வதும் பாதிக்கப்படும்.

முதியவர்களுக்கும் இப்பாதிப்பு வரலாம்.நம்முடைய உணவில் உப்பு சேர்வதன் மூலம் அயோடின் குறைபாடு மற்றும் அதனால் ஏற்படும் காது கேளாமை, தைராய்டு சுரப்பி பாதித்தல் போன்றவற்றை சரி செய்யலாம். அதனால்தான் அயோடின் கலந்த உப்பு என்று விளம்பரம் செய்கிறார்கள். இதுதவிர, காலிஃபிளவர், பச்சைக் காய்கறிகளைத் தொடர்ந்து சாப்பிட்டு வருவதன் மூலமாகவும் இப்பாதிப்புகளைக் குணப்படுத்தலாம்.