எழுத்துரு அளவு Larger Font Smaller Font

தர்பூசணி உடம்பிற்கு மிகுந்த குளிர்ச்சியை ஊட்டக்கூடிய பழ மாகும். உடல் சூட்டை தணித்து கோடை  வெம்மையிலிருந்து நம்மைக் காக்கும். இப்பழத்தை யார் வேண்டுமானாலும் சாப்பிட லாம். பழம் இனிப்பாக இருப்பதால்  நீரிழிவு நோய் உடையவர்கள் சாப்பிடலாமா என்ற அச்சம் ஏற்படலாம். ஆனால் இப்பழத்தை நீரிழிவு நோய் உள்ளவர்கள்,  இதய நோய் உள்ளவர்கள் தாராளமாக உண்ணலாம். ரத்தக்கொதிப்பு உடையவர்கள், குண்டானவர்கள் உண்ணலாம்.  இப்பழத்தில் இரும்புச்சத்து அதிகமாக உள்ளது. குறைந்த அளவில் நார்ச்சத்து உள்ளது.

மருத்துவப் பயன்கள்

* தர்பூசணி பழச்சாறுடன், இளநீர் கலந்து அருந்த வெயிலால் ஏற்படும் வெம்மை, உடல் சூடு தணியும்.

* பழத்துண்டுகளை பதநீரில் போட்டு, ஒரு துண்டு அய்ஸ்கட்டி சேர்த்து சாப்பிட மிகவும் சுவையாக இருப்பது மட்டுமின்றி  உடலை குளிர்விக்கும் பானமாகவும், வயிற்றுவலியை நீக்கும் மருந்தாகவும் செயல்படுகிறது.

* பழச்சாறு பசியை தீர்க்கும், காய்ச்சலை குணப்படுத்தும்.

* பழச்சாறுடன் சிட்டிகை அளவு சீரகப் பொடி, சீனி கலந்து அருந்த சிறுநீரக கோளாறுகள் நீங்கும். சிறுநீர்த்தாரை  எரிச்சல் மாறும்.

* கோடையில் ஏற்படும் நீர்ச்சுருக்கை குணப்படுத்தும்.

* பழச்சாறுடன் பால் கலந்து அருந்த தொண்டை வலி மாறும். கண்கள் குளிர்ச்சி பெறும்.

* பழச்சதையை கண் இமைகளை மூடியபின் மேலே வைத்து ஒற்றி எடுக்க கண்வலி, கண் சூடு குறையும்.

* தர்பூசணி பழச்சாறு புத்துணர்ச்சியை ஊட்டும்.

* பழச்சதையை உடம்பில் தேய்க்க அரிப்பு மாறும்.

* பழச்சதையை பிசைந்து சிறிதளவு பால், தேன் கலந்து முகத்தில் பூசி ஊறியபின் கழுவி வர முகம் பளபளக்கும்.

* பழச்சாறுடன் எலுமிச்சை சாறு கலந்து அருந்த வயிற்றுக்கடுப்பு மாறும்.

* பசியின்மை, அஜீரணம் போன்றவற்றை குணப்படுத்தும்.

* பழச்சாறுடன் மோர் கலந்து அருந்த சிறுநீர் எரிச்சல் மாறும்.

* தர்பூசணிப் பழம் செரிமானத்தை சீர்படுத்தும்.

* பழச்சதை நீங்கலாக இருக்கும் வெள்ளை பகுதியை கூட்டு, குழம்பு தயாரிக்க பயன்படுத்தலாம். இக்கூட்டு குடல்  நோய்களை குணப்படுத்தும்.

* தர்பூசணி பழம் பசியைத் தீர்க்கும். செரிமானத்தைக் கூட்டும். அஜீரணத்தை நீக்கும். உடம்பை குளிர்வித்து  சுறுசுறுப்பூட்டும். மொத்தத்தில் இப்பழம் கோடையை தணிக்கும் சிறந்த ஒரு பழமாகும்.

எண்டோதீலியம் பற்றிய விழிப்புணர்வு தேவை

நுரையீரல் நோய்கள், இதயநோய்கள், மாரடைப்பு, சிறுநீரக செயலிழப்பு என தற்போது அதிகரித்துவரும் உயிர்கொல்லி நோய்களுக்கு மருத்துவரீதியாக பல்வேறு காரணங்கள் இருக்கின்றன. ஆனால், இவற்றின் மூல காரணம் மாசடைந்த சுற்றுச்சூழல் என்பதைப் பலரும் கவனிக்கத் தவறிவிடுகிறோம். ஏனெனில் ரசாயன கழிவுகள் காரணமாகவும், மாசடைந்த காற்றை சுவா சிக்கும் காரணமாகவும் நம் உடலில் உள்ள  என்னும் மெல்லிய படலம் சேதமடைவதாலேயே இத்தகைய நோய்கள் வருகின்றன. பொதுமக்களிடம் எண்டோ தீலியம் பற்றிய விழிப்புணர்வு ஏற்பட வேண்டும் என்கிறார் இதய சிகிச்சை சிறப்பு மருத்துவரான ஜாய் தாமஸ்.

மேலும் அவர் கூறுகையில்,  மனித உடலில் தமனிகள், நரம்புகள் மற்றும் மயிரிழை போன்ற நுண்குழாய்கள் என சுமார் 60 ஆயிரம் மைல் நீளத்துக்கு ரத்த நாளங்கள் உள்ளன. இந்த மிகப்பெரிய நெட்வொர்க்கை  என சொல்லப்படும் செல்கள்தான் பராமரிக்கின்றன. ஆயிரக்கணக்கான  செல்களைக் கொண்ட கட்டமைப்பு  என்று குறிப்பிடப்படுகிறது.

நரம்புகள், ரத்தநாளங்கள் என உடல் முழுவதும் உள்ள குழாய்களில் இந்த எண்டோதீலியம் மெல்லிய படலமாக மூடப்பட்டிருக்கும். இதுதான் உடலில் ரத்த ஓட்டத்தை சீராக வைத்திருக்கிறது.

எண்டோதீலியத்தின் வேலைகள்:  ரத்தக்குழாய் சுவற்றை பாதுகாப்பதும், ரத்த ஓட்டத்தை சீராக வைத்தி ருப்பதும் எண்டோதீலியத்தின் முக்கியமான வேலை. ரத்தத்தில் உள்ள ரசாயனங்கள் மற்றும் வெள்ளை, சிவப்பு அணுக்கள் மற்றும் ரத்த தட்டுக்கள். உடல் திசுக் களுக்குள் செல்லாமலும், திசுக்களிலுள்ள தேவையற்ற கழிவுகள் மற்றும் கார்பன் டை ஆக்ஸைடு ரத்தத்தில் கலக்காமலும் பாதுகாக்கும் அரணாக இந்த எண்டோ தீலியம் செயல்படுகிறது.

உடலில் அடிபடும்போது ரத்தம் அதிகமாக வெளியேற விடாமல் ரத்தத்தை உறைய வைக்கும் அதே நேரத்தில், ரத்த குழாய்களுக்குள் ரத்தத்தை உறைய விடாமல் சீராக ஓட வைக்கும் வேலையையும் இந்த எண்டோதீலியல் செல்கள் செய்கின்றன.

எண்டோதீலியம் பழுதடைந்தால்

உடலில் ஏற்படும் விளைவுகள்

ரத்த அழுத்த மாறுபாடுகள், ரத்தநாளங்கள் சுருக்கம் மற்றும் விரிவடைதல், அழற்சி நிகழ்வுகள், ரத்தத்தில் ஆக்சிஜன் சுழற்சி மற்றும் ரத்த உறைதல் போன்றவற்றில் எண்டோதீலியம் மிக இன்றியமையாததாக இருக்கிறது. இதயத்தைப் பாதுகாக்கும் எண்டோதீலியத்தின் ரோக்கியத் துக்கு நைட்ரிக் ஆக்ஸைடு சமநிலையில் இருக்க வேண்டும். நைட்ரிக் ஆக்ஸைடு சமநிலை தவறினால் எண்டோதீலியம் சேதமடைந்து ரத்தத்தில் இருக்கும் உயிரணுக்கள் ரத்த நாளங்கள் வழியாக அருகில் உள்ள திசுக்களுக்குள் கலந்துவிடலாம்.

பெரிய ரத்தநாளங்களில் சுவர் இருப்பதுபோல் நுண்ணிய ரத்த நாளங்களில் சுவர் இருக்காது. வெறும் எண்டோதீலியப் படலம் மட்டுமே இருக்கும். இந்த நுண் ணிய ரத்தக்குழாய்களில்தான் ஆக்சிஜன் உள்ளேற்றம், கார்பன்டை ஆக்சைடு வெளியேற்றம் மற்றும் உணவி லிருந்து ஆற்றல் மாற்றம் போன்றவை நடைபெறும். ரத்த ஓட்டத்தை சீராக்குவதன் மூலம் ரத்த அழுத்தத்தை ஒழுங்காகப் பராமரிப்பதிலும் எண்டோதீலியம் தீவிரமாக  செயலாற்றுகிறது.  ரத்த ஓட்டம் வழியாக ரத்த அழுத்தத்தை உண்டாக்குவதற்கும், ஓட்டத்தை ஏற்படுத்துவதற்கும் ரத்தநாள எதிர்ப்பு தேவைப்படுகிறது. இந்த முறையான ரத்த சுழற்சி எதிர்ப்பு அமைப்பை    என்று சொல்கிறோம். இது அதிகமாகும்போது ரத்த அழுத்த அதிகரிப்பும், குறையும்போது ரத்த அழுத்த குறைவும் ஏற்படுகிறது. இதிலிருந்தே இதயம் காப்பதில் எண்டோதிலியத்தின் முக்கியத்தை நாம் உணர முடியும்.

எண்டோதீலியம் எதனால் சேதம் அடைகிறது

மாசடைந்த காற்று, புகை, மதுப்பழக்கம், ரசாயன ஆலைகளிலிருந்து வெளிப்படும் காற்றை சுவாசிப்பதால் மூச்சுக்குழாய், உணவுக்குழாய் மற்றும் ரத்தநாளங்களில் உள்ள இந்த மெல்லியபடலமான எண்டோதீலியம் சேத மடைகிறது. மேலும் நம் உடல்சார்ந்த உயர் ரத்த அழுத்தம், உயர் ரத்த கொழுப்பு, அதிக ரத்த சர்க்கரை போன்ற வற்றாலும் எண்டோதீலியம் சேதமடைகிறது.

எண்டோதீலியம் சேதமடைவது, நீரிழிவு, இதயநோய், மாரடைப்பு, பார்க்கின்ஸன், ஆர்த்தரைடிஸ், குளுக்கோமா, சிறுநீரக செயலிழப்பு, ரத்த உறைதல், உடல்பருமன் மற்றும் தூக்கக்குறைபாடு போன்ற பலநோய்களுக்கு காரண மாகிறது. சுற்றுச்சூழல் மாசிலிருந்து நம்மை பாதுகாத்துக் கொள்வதும், புகைப்பழக்கத்தை கைவிடுவதும் இதில் முக்கியம். வெளியில் செல்லும்போதும், தொழிற்சாலை களில் வேலை செய்யும்போதும் மாஸ்க் அணிந்து கொள் வது எவ்வளவு முக்கியமோ அதேபோல் வீட்டுக்குள் ளேயும் ரசாயன வெளிப்பாடுகளிலிருந்து நம்மை பாது காத்துக் கொள்வதும் அவசியம்.

உடலுக்கு குளிர்ச்சியை தரும் பதநீர்

இயற்கையாக கிடைக்கும் நீர்ச் சத்து நிறைந்த பழங்கள் மற்றும் பழச்சாறுகள் குடிப்பது நம் உடலுக்கு நல்லது. குறிப்பாக  வெயில் காலம் தொடங்கும் போதே இயற்கை அதற்கேற்றவாறு நீர்ச் சத்து நிறைந்த பொருட்களை நமக்கு வழங்குகிறது.  இதில் மிக முக்கியமானது பனை மரத்திலிருந்து கிடைக்கும் பதநீர். பனைமரம் எல்லா காலங் களிலும் ஊட்டச்சத்து  நிறைந்த பல்வேறு உணவுகளை நமக்கு வழங்கும் ஆற்றல் பெற்றது. அப்படி இயற்கையாக கிடைக்கும் பனைமரத்தின்  பதநீர் குறித்து விளக்குகிறார் சித்த மருத்துவ பேராசிரியர் அப்துல் காதர்.

இயற்கையாக கிடைக்கும் உடலுக்கு குளிர்ச்சியை தரும் பானங்களில் பதநீர் முக்கிய பங்கு வகிக்கிறது. பதநீரை  சரியான பதத்தில் எடுத்து காலை 7 மணி முதல் 9.30 மணிக் குள் வெயில் தொடங்கும் நேரத்திற்குள் குடிப்பது  நல்லது.  பனை மரத்திலிருந்து இறக்கப்பட்ட பதநீர் சராசரியாக  3 மணிநேரம் வரை நன்றாக இருக்கும்.பதநீர்  குடிப்பதால் உடல் குளிர்ச்சி அடையும். கண் எரிச்சல், தூக்கமின்மையால் ஏற்படும் தலை பாரம் நீங்கும். பதநீர்  மூளையை ஊக்குவிக்கும் சிறந்த தன்மை கொண்டது. அதனால் உடல் சுறுசுறுப்பாக இருக்கும். பித்தத்தால் ஏற்படும்  மயக்கம், தலைச்சுற்றல், அசதி, சோர்வு போன்ற வற்றை குறைக்கும். உடலில் இருக்கும் பித்தத்தை குறைக்கும்  தன்மையும் பதநீருக்கு உண்டு.

இதில் கால்சியம், மெக்னீசியம், சால்ட், சர்க்கரை, குளுக் கோஸ் ஆகிய சத்துகள் உள்ளன. புரோட்டீன் மிகக்குறை வாக  இருக்கிறது. சர்க்கரைச் சத்து இருப்பதால் சர்க்கரை நோயாளிகள் இதை குடிக்கலாமா என்கிற கேள்வி எழலாம்.  தாராளமாகக் குடிக்கலாம். இதனால் அவர்களுக்கு எந்த பாதிப்பும் ஏற்படாது. இயற்கையாக கிடைக்கும் சர்க்கரைச் சத்து  நிறைந்த பொருட்கள் எளிதாக உடலில் கரைந்து ரத்தத்தில் சர்க்கரை அளவை சமன்படுத்திவிடும். ஆண், பெண்,  குழந்தைகள் என அனைவரும் 150 மில்லி லிட்டரில் இருந்து 200 மில்லி லிட்டர் வரை குடிக்கலாம்.

குழந்தைகளுக்கு சுத்தமான பதநீரை எடுத்து பாகு பதம் வரும்வரை காய்ச்சி கொடுத்தால் பனங்கற்கண்டு சுவையில்  இருக்கும். குழந்தைகள் விரும்பி சாப்பிடுவார்கள். 1 வயது குழந்தைகள் முதல் அனைவருக்கும் கொடுக்கலாம். இதில்  கால்சியம் சத்து நிறைந்து இருப்பதால் எலும்புகள் நன்றாக வலுப்பெறும். பற்கள் வளர்ச்சி நன்றாக இருக்கும்.  குழந் தைகள் உற்சாகத்துடன் இருப்பார்கள். வெயில் காலத்தில் குழந்தைகளுக்கு ஏற்படும் தோல் பிரச்சினைகளை  குணப் படுத்தும் தன்மை பதநீருக்கு உண்டு.

இயற்கை மனிதர்களுக்கு கொடுத்திருக்கும் மிக அற்புத மான பானம் பதநீர். சுத்தமான பதநீர் கிடைக்கும் இடங் களுக்கு சென்று வாங்கி  குடிப்பதுதான் வெயில் காலத்தில் உடலுக்கு மிக நல்லது என்கிறார்.