எழுத்துரு அளவு Larger Font Smaller Font

புற்று நோய் கண்டறியும் மருத்துவ முகாம்

திருக்கானூர்பட்டி, ஜூன் 29- பெரியார் மணியம்மை அறிவியல் மற்றும் தொழில்நுட்ப நிறுவனம் ஊரக வளர்ச்சிமய்யத்தின் பெரியார் புராதிட்டத்தின் கீழ் பெரியார் மருத்துவ குழுமம், திருச்சி பெரியார் மருந்தியல் கல்லூரி, திருச்சி ஹர்சமித்ரா புற்றுநோய் மருத் துவமனையும் இணைந்து பெரியார் புராகிராமம் திருக் கானூர்பட்டி தூய மரியன்னை உயர்நிலை பள்ளியில் 24.6.2018 ஞாயிறு காலை 9.00 மணி முதல் மதியம் 2.00 மணிவரை இலவச பொது மருத்துவம் மற்றும் புற்று நோய் கண்டறியும் மருத்துவ முகாம் நடைபெற்றது.

பெரியார் மணியம்மை மருத்துவமனை மருத்துவ குழுவுடன் மருத்துவ முகா மிற்கு 40க்கும் மேற்பட்ட மருத்துவர்கள், செவிலியர்கள் மருத்துவ சேவை வழங்கினர். இந்த ஆண்டு நடைபெற்ற அய்ந்தாவது பெரிய மருத்துவ முகாம் ஆகும்.

இந்த மருத்துவ முகாம் அனைத்து பெரியார் புரா கிராமங்களிலும் தொடர்ந்து நடைபெறும். இந்த மருத்துவ முகாமில் பெண்கள் குழந்தைகள் பெரியவர்கள் மற்றும் இளைஞர்கள் என 190 பேர் கலந்து கொண்டு பயனடைந்தனர். இதில் மார்பக புற்றுநோய் கண்டறியும் சோதனையில் 40 பேர் கலந்துகொண்டு பரிசோதனை செய்துகொண்டனர்.

இந்த மருத்துவக்குழுவில் பெரியார் மருத்துவ குழுமத் தின் இயக்குநர் மருத்துவர் ஆர்.கவுதமன் மருத்துவர் எஸ்.பிறைநுதல் செல்வி, (பொருளாளர் திராவிடர் கழ கம்) மருத்துவர் வீ.பஞ்சாட் சரம் (பெரியார் மருத்துவ மனை சோழங்கநல்லூர்), மருத்துவர் சி.தியாகராஜன் (பெரியார் மருத்துவமனை திருவெறும்பூர்), மருத்துவர் ஜி.எஸ்.குமார் (கள்ளக்குறிச்சி), பி.மஞ்சுளாவாணி  (பெரியார் மருத்துவமனை திருச்சி), முனைவர் ஆர்.செந்தாமரை (முதல்வர் பெரியார் மருந்தியல் கல்லூரி), மருத்துவர் அய்.ரோகின்பானு சடாய் (திருச்சி), ஹர்சமித்ரா புற்று நோய் மருத்துவமனை பெரியார் மருந்தியல் கல்லூரி மாணவ, மாணவிள் பணியாளர்கள் மற்றும் ஹர்சமித்ரா மருத்துவமனை செவிலியர்கள், பணியாளர்கள் ஆகியோர் கலந்துகொண்டு சிறப்பான மருத்துவ சேவை வழங்கினர். ஊரக வளர்ச்சி மய்ய இயக்குநர் பேராசிரியர் முனைவர் த.ஜானகி, இந்த மருத்துவ முகாம் சிறப்பாக நடைபெற பெரும் பங்காற் றிய பங்கு தந்தை ட.பபி யான், இருதயராஜ், மார்டின் ரெக்ஸ் மற்றும் பெரியார் மணியம்மை அறிவியல் மற்றும் தொழில்நுட்ப நிறுவனத் தின் தேசிய மாணவர் படை மாணவிகளுக்கு நன்றியை தெரிவித்துக்கொண்டார். மேலும் இந்த மருத்துவ முகா மிற்கான அனைத்து ஏற்பாடு களையும் பெரியார் புரா திட்ட ஒருங்கிணைப்பாளர் க.முருகேசன் ஒருங்கிணைத்தார்.