பகுத்தறிவு

சென்னை, டிச.7 மாற்றுத்திற னாளிகளுக்கான வசதிகளை மேம்படுத்தக் கோரி தாக்கல் செய்யப்பட்ட வழக்கில், தமிழக அரசு தரப்பில் தாக்கல் செய் யப்பட்ட அறிக்கைக்கு அதிருப்தி தெரிவித்த உயர்நீதிமன்றம், திருத் தப்பட்ட அறிக்கையைத் தாக்கல் செய்ய உத்தரவிட்டு விசார ணையை ஒத்திவைத்துள்ளது.

சென்னை உயர்நீதிமன்றத்தில் கடலூரைச் சேர்ந்த முருகானந்தன் தாக்கல் செய்த மனுவில், தமிழகத்தில் மாற்றுத்திறனாளி களுக்காக வழங்கப்படும் வசதி களை மேம்படுத்த வேண்டும். அவர்களுக்கு சட்ட ரீதியாக வழங்கப்பட வேண்டிய உரிமை களை வழங்க வேண்டும் என கோரியிருந்தார்.

இந்த மனு நீதிபதிகள் வினீத் கோத்தாரி மற்றும் அனிதா சுமந்த் ஆகியோர் அடங்கிய அமர்வு முன் விசாரணைக்கு வந்தது. அப்போது தமிழக அரசு சார்பில் அறிக்கை தாக்கல் செய்யப்பட்டது. அந்த அறிக் கையில், மாற்றுத் திறனாளிகள் மேம்பாட்டுக்கான திட்டங்களுக்காக ரூ.545 கோடி நிதி ஒதுக்கப்பட்டுள்ளது. தமி ழகம் முழுவதும் கடந்த 2011-ஆம் ஆண்டு மக்கள் தொகைக் கணக்கெடுப்பின்படி 11 லட்சத்து 79 ஆயிரம் மாற்றுத்திறனாளிகள் உள்ளனர். இவர்களில் 12 லட்சத்து 86 ஆயிரம் பேருக்கு அடையாள அட்டை வழங்கப்பட்டுள்ளதாக அந்த அறிக்கையில் குறிப்பிடப் பட்டிருந்தது.

அந்த அறிக்கையைப் பார்த்த நீதிபதிகள், மக்கள் தொகை கணக் கெடுப்பின்படி குறிப்பிடப்பட் டுள்ள மாற்றுத்திறனாளிகளின் எண்ணிக்கையை விட, அவர் களுக்கு வழங்கப்பட்டதாக குறிப் பிடப்பட்டுள்ள அடையாள அட் டைகளின் எண்ணிக்கை அதிக மாக உள்ளதாகக்கூறி அதிருப்தி தெரிவித்தனர். தாக்கல் செய்யப் பட்டுள்ள அறிக்கையை அதி காரிகள் முறையாக தயாரிக்க வில்லை என்றும் திருத்திய அறிக் கையை தாக்கல் செய்யுமாறும் நீதிபதிகள் உத்தரவிட்டு, விசா ரணையை ஒத்திவைத்தனர்.

புதுடில்லி, டிச.7 நாடு முழுவதும் சிறைச்சாலைகளில் அடைக்கப்பட்டுள்ள விசாரணைக் கைதிகளின் எண்ணிக்கை 67 சதவீதமாக அதிகரித்திருப்பதற்கு உச்சநீதி மன்றம்  வேதனை தெரிவித்துள்ளது.

விசாரணைக் கைதிகளின் எண் ணிக்கையை குறைக்கவும், அதற்குரிய தீர்வு காணவும் உச்சநீதிமன்றம் அறிவுறுத்தி யுள்ளது.

சிறை சீர்திருத்தங்களை மேற்கொள்வ தற்காக உச்சநீதிமன்றம் கடந்த செப்டம்பர் 25ஆம் தேதி உச்சநீதிமன்ற நீதிபதி மதன் பி.லோகுர் தலைமையில், நீதிபதிகள் தீபக் குப்தா, ஹேமந்த் குப்தா ஆகியோர் கொண்ட குழுவை அமைத்தது.

இக்குழு முன்னிலையில் தேசிய சட்ட சேவை ஆணையம் உச்சநீதிமன்றத்திற்கு தெரிவித்துள்ள புள்ளிவிவரங்களின் படி, நாடு முழுவதும் உள்ள சிறைச்சாலைகளில் 4.19 லட்சம் பேரை அடைக்க முடியும். இவர்களில் விசாரணைக் கைதிகளாக உள்ளவர்கள் மட்டும் 3.78 லட்சம் பேர் எனத் தெரிய வந்துள்ளது. சிறையில் அடைக்கப்பட்டவர்களில் இது சுமார் 67 சதவீதமாகும்.

இவர்களின் எண்ணிக்கையை குறைக்க விசாரணைக்கைதிகள் ஆய்வுக்குழுக்கள் ஏற்படுத்தப்பட்டு வரும் 2019ஆம் ஆண்டு முதல் 6 மாதங்களுக்குள் ஒவ்வொரு மாதமும் சிறையில் வாடும் விசாரணைக் கைதிகளின் முழு தகவல்களையும் சேகரித்து அந்தந்த மாநிலங்களில் இயங்கி வரும் சட்ட சேவை மய்யங்களின் மூலம் விசாரணை நடத்துவதற்கான நடவடிக்கை எடுக்க வேண்டும்.

பின்னர், மாவட்ட வாரியாக சிறைச் சாலைகளில் அடைக்கப்பட்டுள்ள விசா ரணைக் கைதிகளை ஆய்வுக்குழு மூலமாக கணக்கெடுத்து, அவர்கள் சார்ந்துள்ள வழக்குகளின் தன்மைக் குறித்தும், அவர்கள் விடுதலை செய்யத் தகுதியான வர்களா அல்லது பிணையில் விடுவிக்க தகுதியானவர்களா அல்லது மன்னிப்பு வழங்கத் தகுதியானவர்களா என்பதையும் ஆய்வு செய்து அறிக்கை சமர்ப்பிக்க வேண்டும் என்றும் உச்சநீதிமன்ற அமர்வு அரசுக்கும், சிறைத்துறைக்கும் உத்தரவிட் டுள்ளது.

அதேபோல, நாட்டிலுள்ள 1,382 சிறைச்சாலைகள் மனிதர்கள் இருக்க தகுதியற்றவையாக அறியப்பட்டுள்ளன. இவற்றையும் சரி செய்து, அங்குள்ள விசாரணைக் கைதிகளின் எண்ணிக்கையின் வழக்குகளையும் வேகப்படுத்த வேண்டும்.

மேலும், ஆணையத்தின் அறிக்கைப் படி உத்தரப் பிரதேசம், மகாராட்டிரம், சத்தீஸ்கர், உத்தரகண்ட் மாநிலங்களில் உள்ள பல சிறைச்சாலைகளில் நிர்ணயிக் கப்பட்ட அளவை விடவும் கூடுதலான கைதிகள் அடைக்கப்பட்டுள்ளனர்.

அத்துடன், சரியான நடைமுறைகளைப் பின்பற்றி விசாரணைக்கைதிகளின் எண் ணிக்கையை குறைக்கும் நடவடிக்கைகளில் ஆணையமும், ஆய்வுக்குழுவும் ஈடுபட வேண்டும். இது தொடர்பாக சிறைத்துறைத் தலைவருக்கும், அந்தந்த மாநில சட்டச் சேவை ஆணையத்துக்கும் அறிக்கை அனுப்பி அந்த ஆலோசனையை பின்பற்ற அறிவுறுத்த வேண்டும்.

இவ்வாறு நீதிபதிகள் குழு வெளியிட்டுள்ள உத்தரவில் தெரிவிக்கப்பட் டுள்ளது.

சென்னை, டிச.7 சென்னை அய்அய்டி-யில் நடைபெற்று வரும் வளாகத் தேர்வின் முதல் கட்ட முகாமில், கடந்த ஆண் டைக் காட்டிலும் 30 சதவீதம் கூடுதல் வேலைவாய்ப்பு களை மாணவர்கள் பெற்றுள்ளனர்.

வளாகத் தேர்வில் பங்கேற்ற 133 நிறுவனங்கள் மொத்தம் 680 வேலைவாய்ப்புகளை மாணவர் களுக்கு அளித்துள்ளன.

சென்னை அய்அய்டி-யில் ஒவ்வொரு ஆண்டும் வளாகத் தேர்வுகள் பல்வேறு கட்டங்களாக நடத்தப்படுகின்றன. இதில் பல்வேறு உள்நாட்டு, வெளி நாட்டு நிறுவனங்கள் பங்கேற்று வேலைவாய்ப்புக்காக மாணவர் களைத் தேர்வு செய்து வருகின் றன. அதுபோல 2018 ஆம் ஆண் டுக்கான முதல்கட்ட வளாகத் தேர்வு டிசம்பர் 1 ஆம் தேதி தொடங்கியது.

திங்கள்கிழமையுடன் மூன்று நாள்கள் முடிவடைந்த நிலையில், வெளிநாடு மற்றும் உள்நாடு களைச் சேர்ந்த 133 நிறுவனங்கள் 680 வாய்ப்புகளை மாணவர் களுக்கு அளித்துள்ளன.

இதுகுறித்து சென்னை அய் அய்டி ஆலோசகர் (வேலை வாய்ப்பு) பேராசிரியர் சந்தானம் கூறியதாவது: வளாகத் தேர்வு தொடங்கி மூன்று நாள்கள் முடிவடைந்துள்ள நிலையில் மாணவர்கள் 680 வேலைவாய்ப்பு களைப் பெற்றிருக்கின்றனர். இது கடந்த ஆண்டுடன் ஒப்பிடும் போது 30 சதவீதம் கூடுதலாகும்.

குறிப்பாக மைக்ரான் தொழில் நுட்ப நிறுவனம் 26 வாய்ப்புகள், இந்திய இன்டெல் தொழில்நுட்ப நிறுவனம் 26 வாய்ப்புகள், மைக்ரோசாப்ட் 25 , சிட்டிபேங்க் 22, குவால்கம் 21, இ.வொய். நிறுவனம் 17, எக்ஸல் அனல் டிகல்ஸ் 17, பிளிப்கார்ட் 16, ஜி.இ. 14, மகிந்திரா அண்டு மகிந்திரா 14 வாய்ப்புகள் அளித்துள்ளன. இது தவிர மேலும் சில நிறு வனங்களும் அதிக வேலை வாய்ப்புகளை அளித்துள்ளன.

இவற்றில் 13 சர்வதேச நிறு வனங்களின் வேலைவாய்ப்பு களையும் மாணவர்கள் பெற்றிருக் கின்றனர். முதல் கட்ட வளாகத் தேர்வு முடிவடைய இன்னும் 3 நாள்கள் இருப்பதால், மாண வர்கள் பெறும் வேலை வாய்ப்பு களின் எண்ணிக்கை மேலும் அதிகரிக்கும் என எதிர்பார்க்கப் படுகிறது என்றார்.

20-10-1929 - குடிஅரசிலிருந்து...

பண்டிகைகளையும் உற்சவம் முதலியவை களையும் ஏற்படுத்தியவர்கள் எல்லோரும் அறிவில் லாதவர்களா என்கின்ற கேள்வி பிறக்கலாம். நான் அவர்களை அறிவில்லாதவர் என்று சொல்ல இஷ்டப்படமாட்டேன். மற்றபடியோ, என்றால் பெரும்பாலும் அவர்களைச் சுயநலக்காரர்களும், தந்திரக்காரர்களும் அதிகார ஆசை உடையவர்களு மாயிருக்க வேண்டுமென்றே சொல்வேன்.  என் புத்திக்குட்பட்ட வரையில் இந்த பண்டிகை உற்சவம் முதலியவைகள் எல்லாம் புரோகிதர்களான பார்ப்ப னர்களும் ஆட்சிக்காரர்களான அரசர்களும் கலந்து கண்டுபிடித்து செய்த தந்திரமென்பதே எனது அபிப்பிராயம். உலகத்தில் மக்களுக்கு ஏற்பட்டி ருக்கும் அறியாமைக்கும் கொடுமைக்கும் புரோகிதர் களும் அரசர்களுமே சேர்ந்து கூட்டுப் பொறுப்பா ளர்களாவார்கள். சாதாரணமாக உலக சரித்திரத்தில் கொடுமைக்காரர்களும் சூழ்ச்சிகாரர்களாய் இருந்த வர்களே புரோகிதர்கள் என்கின்ற உயர்ந்த ஜாதிக் காரர்களாகவும் கொள்ளைக்காரர்களும் மூர்க்கர் களுமாயிருந்தவர்களே அரசர் களாகவும் ஏற்பட்டு இருக்கிறார்கள்.

இவ்விருவரும் ஜனங்களை ஏய்த்து ஆதிக்கம் செலுத்த வகை கண்டு பிடிக்கவேண்டிய அவசிய முடையவர்கள்.

அந்தப்படி மக்கள் மீது ஆதிக்கம் செலுத்தி வாழ வேண்டுமானால் அந்த மக்களை அறிவினாலும் செல்வத்தினாலும் தாழ்மைப்படுத்தி வைத்திருந்தால் தான் முடியும். ஒரு மனிதன் அறிவுடையவனா யிருப்பானானால் புரோகிதர்களுக்கு ஏமாற மாட் டான். செல்வமிருக்குமானால் அரசனுக்குப் பயப்பட மாட்டான். ஆகையால் அறிவும் செல்வமும் இல் லாமல் செய்வதற்கே கோயில் உற்சவம் பண்டிகை சடங்கு ஆகியதான செலவுக்கு ஏற்ற வழிகளை ஏற்படுத்தி இருக்கிறார்கள். மக்கள் சம் பாதிக்கும் பணங்களில் கணக்குப் பார்த்தால் பெரும்பாகமும் இவைகளுக்கே செலவு செய்யும்படியாகவும் மற்றும் மேல் கொண்டு மீதி ஆவதெல்லாம் இவர்கள் சமுகத் திற்கே பயன்படும்படியாகவும் மற்றும் மேற்கொண்டு ஒவ்வொரு குடும்பமும் அதாவது நூற்றுக்குத் தொண்ணூறு குடும்பங்கள் இவைகளின் பயனாய் கடன்காரர்களாக இருக்க வுமே இருந்து வரப்படுகின்றது. எனவே, நமது நாடு என்றைக்காவது அறிவுள்ள நாடாகவும் செல்வ முள்ள நாடாகவும், சுயமரியாதை உள்ள நாடாகவும் இருக்கவேண்டு மானால் முதலில் உற்சவம், பண்டிகை, சடங்கு, கோயில் பூஜை ஆகியவைகள் ஒழிந்தாக வேண்டும்.

இவைகளை வைத்துக் கொண்டு மலைகளை எல்லாம் தங்கமும் வைரமுமாக ஆக்கினாலும் சமுத்திரங்களையெல்லாம் பாலும் நெய்யும் தேனு மாக ஆக்கினாலும் மேல்கண்ட உற்சவம், சடங்கு, கோவில் பூஜை, பண்டிகை ஆகியவைகளே சாப் பிட்டு விடும். ஆதலால் இனி மேலாவது இம்மாதிரி யான காரியங்களுக்கு அடிமையாகி வீண் செலவு செய்யக் கூடாது என்பதே எனது ஆசை.

தந்தைபெரியார் பொன்மொழிகள்

* சமுதாயத் தொண்டு செய்பவனுக்கு மற்றவர்கள் என்ன சொல்லுவார்கள், நம்மை எப்படி மதிப்பார்கள் என்கின்ற எண்ணமே இருக்கக் கூடாது என்பதோடு அந்தப்படி நினைப்பவன் மனிதச் சமுதாயத் தொண்டுக்கு அருகனாகவே மாட்டான் என்றும் தைரியமாய்ச் சொல்லுவேன்.

* மக்கள் உலகம் முழுவதும் ஒன்றுபட வேண்டும்; மற்ற சீவன்களுக்குத் தன்னால் கெடுதி இல்லாத வாழ்வு பெறவேண்டும்.  மனிதனிடத்தில் பொறாமை, வஞ்சகம், துவேசம், கவலை, துக்கம் ஏற்படுவதற்கு இடமில்லாது சாந்தி வாழ்வுக்கு வகை தேட வேண்டும்.  இது தான் எனது ஆசை

புதிய விதிமுறைகள் வெளியீடு

சென்னை, டிச.7  அய்அய்எம் போன்ற கல்வி நிறுவனங்களில் எம்.பி.ஏ., படிப்புக்கான பொது நுழைவுத் தேர்வை தாழ்த்தப்பட்ட, பழங்குடியின மாணவ-மாணவிகள் எதிர்கொள்வதற்கான பயிற்சிகளை அளிப்பதற்கு புதிய விதிமுறைகள் அறிவிக்கப் பட்டுள்ளன. இதற்கான உத்தரவை தாழ்த்தப்பட்ட மற்றும் பழங் குடியினர் நலத் துறை கூடுதல் தலைமைச் செயலாளர் ஒட்டெம் டாய் வெளியிட்டுள்ளார். அதன் விவரம்:

அய்.அய்.எம்., போன்ற கல்வி நிறுவனங்களில் எம்.பி.ஏ., போன்ற மேற்படிப்பு படிக்க பொது நுழைவுத் தேர்வு நடத்தப்படுகிறது. இந்தத் தேர்வில் தாழ்த்தப்பட்ட, பழங்குடியின மாணவ-மாணவிகள் தேர்ச்சி பெறும் வகையில் ஆண்டுக்கு 100 தகுதியுள்ள மாணவ-மாணவிகள் தேர்வு செய்யப்படுவர்.

அவர்களுக்கு பொது நுழைவுத் தேர்வு பயிற்சி அளிப்பதில் தலைசிறந்த பயிற்சி நிறுவனங்களில் பயிற்சி அளிக்கப்படும். ஒரு மாணவருக்கு ரூ.50 ஆயிரம் வீதம் 100 பேருக்கு ஆண்டுக்கு ரூ.50 லட்சம் நிதி ஒதுக்கப்படும்.

இந்த நிலையில், ஒரு பயிற்சி நிறுவனத்தைத் தேர்வு செய்து ஒரே இடத்தில் மாணவர்களுக்கு இந்தத் திட்டத்தைச் செயல் படுத்துவது நடைமுறை சாத்தியமில்லாதது என ஆதிதிராவிடர் நல இயக்குநரகம் தெரிவித்துள்ளது. இதையடுத்து, பொது நுழைவுத் தேர்வு பயிற்சி அளிக்கும் திட்டத்துக்கான விதிகளுடன், கூடுதலாக விதிமுறைகள் ஏற்படுத்தப்பட்டுள்ளன.

புதிய விதிகள் என்ன?: ஒரே நிறுவனத்தைத் தேர்வு செய்வதற்குப் பதிலாக பல்வேறு நிறுவனங்களைத் தேர்வு செய்யலாம். பயிற்சியை ஒரே நகரத்தில் மட்டும் மேற்கொள்ளாமல், திருச்சி, மதுரை, கோவை, சென்னை ஆகிய நகரங்களிலும் நடத்தலாம். ஒவ்வொரு நகரத்திலும் பல்வேறு நிறுவனங்களை அங்கீகாரம் செய்யலாம். இப்போதுள்ள சந்தை விலை விகிதங்களை அடிப்படையாகக் கொண்டு பாடத்திட்டம், பயிற்சிக்கான கட்டணங்களை நிர்ணயம் செய்யலாம்.

பொது நுழைவுத் தேர்வுக்கான பயிற்சியை அங்கீகரிக்கப்பட்ட நிறுவனங்களில் சேரும் ஆதிதிராவிடர் பயிற்சியாளர்களுக்கும் இந்தத் திட்டத்தின் கீழ் நிதியுதவி அளிக்கலாம். பயிற்சியாளர்களுக்கு முறையான பயிற்சி அளிக்கப்படுவதை உறுதி செய்வதற்காக தாட்கோவால் நிதி அளிக்கப்படும் மாணவ-மாணவிகள் பயிற்சி நிறுவனங்களின் வழக்கமான வகுப்புகளில் கலந்து கொள்ள வேண்டும். தரமான பயிற்சியை அளிக்கும் வகையிலும், பயிற்சியாளர்களின் வருகையில் குறைபாடு ஏற்படாமல் இருக்கவும் தனி வகுப்புகளுக்கு அனுமதிக்கக் கூடாது.

மாணவர்கள் வழக்கமான வகுப்புகளில் சேர்க்கப்பட வேண்டும். இணையதளம் அல்லது விரைவாக முடிக்கும் வகுப்புகளாக இருக்கக் கூடாது. பயிற்சியின் காலம் குறைந்தபட்சம் 100 மணி நேரம் இருக்க வேண்டும். பயிற்சிக்கான கட்டணம் பயிற்சி நிறுவனத்தின் கட்டணம் அல்லது ரூ.50 ஆயிரம் ஆகியவற்றில் எது குறைவோ அந்தத் தொகை அளிக்கப்பட வேண்டும் என்று ஒட்டெம் டாய் தனது உத்தரவில் தெரிவித்துள்ளார்.

Banner
Banner