இன்று துவைக்கும் இயந்திரம், துணிகளை துவைத்து, பிழிந்து, முக்கால்வாசி காய வைத்து தந்து விடுகிறது. ஆனால், துவைக்கும் இயந்திரங்களால், இஸ்திரி போட முடியாது. இப்போது, துவைக்கும் இயந்திரம் தரும் கால்வாசி ஈரத்துணியை கொடுத்தால், மிகச்சிறந்த முறையில், இஸ்திரி போட்டுத் தர, ஓர் இயந்திரம் வந்துவிட்டது. பிரிட்டனில் விற்பனைக்கு வரவுள்ள, ‘எப்பி’  என்ற இஸ்திரி போடும் ரோபோ, சட்டை, கால்சட்டை, காலுறை, போர்வை என, சகல துணி களையும் கையாளும் திறன் கொண்டது.

அதுமட்டுமல்ல, பாலியஸ்டர், பருத்தி, பட்டு, விஸ்கோஸ், டெனிம் என, பல ரகத் துணிகளையும் உலர்த்தி, இஸ்திரி போடும் திறன் கொண்டது, ‘எப்பி’ ரோபோ. நெஞ்சளவுக்கு உயரமும், தட்டையான பெட்டி போலவும் உள்ள, இந்த இஸ்திரி ரோபோவின் ஒரு புறம், 12 துணிகளை தொங்கவிட்டால், மறுபுறம், மொடமொடப்புடன், இஸ்திரி போட்ட துணிகள் வந்து நிற்கின்றன. ஒரு துணியை இஸ்திரி செய்ய, மூன்று நிமிடங்களே ஆகிறது.

துணியின் சுருக்கங்களை நீக்க உதவும் நீராவிக்காக, இந்த இயந்திரத்திலுள்ள சிறு பெட்டியில், நீரை ஊற்ற வேண்டும். அவ்வளவு தான். வரும், 2018 மார்ச்சில், சந்தைக்கு வரவிருக்கிறது.

வேகமாக காயத்தை ஆற்றும் களிம்பு!



அடிபடுவதாலோ, அறுவை சிகிச்சை செய்வதாலோ ஏற்படும் புண்களை, உடனடியாக, ஆறச் செய்யும் களிம்பு ஒன்றை, ஆஸ்திரேலிய மற்றும் அமெரிக்க மருத்துவர்கள் உருவாக்கி உள்ளனர்.

‘மீட்ரோ’ என்ற அந்த களிம்பை, புண்கள் மீது தடவிய, 60 வினாடி களுக்குள், சற்று திடமாக ஆகி மூடிக் கொள்கிறது. இதனால், தொற் றுக்கள் ஏற்படுவதை தடுப்பதோடு, காயத்தை வேகமாக ஆற்றவும் முடியும் என்கின்றனர், இதை உருவாக்கிய விஞ்ஞானிகள்.

விபத்து நடந்த இடங்களிலும், போர்க்களங்களிலும், ‘மீட்ரோ’ களிம்பு உதவிகரமாக இருக்கும். இந்த களிம்பு, சற்றே இறுகினாலும், வளைந்து கொடுக்கும் தன்மை உள்ளது என்பதால், இதை சுருங்கி விரியும் இதயம், நுரையீரல் போன்ற பாகங்களில் ஏற்படும் காயங்கள் மீதும், நேரடியாக, மருத்துவரால் பயன்படுத்த முடியும் என்பது குறிப்பிடத்தக்கது.

பன்றிகளின் மீது, விரிவான ஆராய்ச்சிகள் செய்ததில், ‘மீட்ரோ’ களிம்பு, நல்ல பலன்களை தந்துள்ளது. விரைவில், மனிதர்கள் மீதும், இதை பரிசோதிக்க உள்ளதாக, விஞ்ஞானிகள் தெரிவித்து உள்ளனர்.

பூமியைப்  போன்று மாறிவரும் செவ்வாய்க் கிரகத்தின் மேற்பரப்பு 



கன மழையின் காரணமாக பூமியின் மேற்பரப்பை போன்று செவ்வாயின் மேற்பரப்பு கடின தன்மையுடன் மாறியுள்ளது என விஞ்ஞானிகள் கண்டறிந்துள்ளனர்.

சுமார் 360 கோடி ஆண்டுகளுக்கு முன்பு செவ்வாய் கிரகம் இன்றைய பூமியைப் போல உயிரினங்கள் வாழ எல்லாத் தகுதி யுடன் மிகவும் செழிப்பாக இருந்துள்ளது, உயிரினங்களும் வாழ்ந்துள்ளன. அதன்பின் செவ்வாய்கிரகத்தில் மிகப்பெரிய விண்கல் ஒன்று மோதிய காரணத்தினால் அங்கு வாழ்ந்த அனைத்து உயிரினங்களும் அழிந்திருக்கலாம் என நம்பப்பட்டு வருகின்றது. இதற்கான சான்றாக இன்றும் செவ்வாய் கிரகத்தில் விண்கல் மோதிய சுவடு காணப்படுகின்றது. இவ்வாறான மோதலினால் சிதறிய விண்கற்களில் 7.5 சதவிகிதம் பூமியை வந்தடைந்தன கூறப்படுகிறது.

அமெரிக்க விஞ்ஞானிகள் 1984இல் அண்டார்டிக்காவில் ஆல்லன் ஹில்ஸ் 84001 என்ற 1.95 கி.கி எடை கொண்ட விண் கல்லை கண்டெடுத்தார்கள். இது செவ்வாயில் ஏற்பட்ட மோதலினால் சிதறி பூமிக்கு வந்த கற்களில் ஒன்றாக இருக்கலாம் என யூகித்தனர். 1996இல் நாசா விஞ்ஞானி டேவிட் மெக்கி  என்பவர் இதில் நானோ பாக்டீரியாவின் எச்சம் இருப்பதை கண்டறிந்தார்.

இதைத் தொடர்ந்து செவ்வாய்கிரக ஆராய்ச்சி முக்கியத்துவம் வாய்ந்ததாக மாறியது. செவ்வாய் கிரகத்தில் உயிரினங்கள் வாழ்வது குறித்து ஆராய நாசா சார்பில் கியூரியாசிட்டி ரோவர் விண்கலம் அனுப்பி வைக்கப்பட்டிருக்கிறது. இன்றளவும் நாசாவின் ஆளில்லா விண்கலங்கள் செவ்வாயில் தேடிக் கொண் டிருப்பது தண்ணீரையும் தாதுப்பொருட்களையும் மட்டுமல்ல. அங்கு வாழ்ந்த உயிரினங்களின் எச்சங்கள் மற்றும் ஆதாரங் களையும் தான். இந்நிலையில், சமீபத்தில் விஞ்ஞானிகள் செவ் வாய் கிரகத்தில் பெய்த கடுமையான மழை காரணமாக சிவப்பு கிரகமான செவ்வாய் கிரகத்தின் தாக்கத்தை மாற்றியமைத்தி ருக்கலாம் என ஆய்வு செய்து கண்டறிந்து உள்ளனர்.

அவர்கள் செவ்வாய் கிரகத்தின் மேற்பரப்பில் பல பில்லியன் ஆண்டுகளுக்கு முன்னர் இருந்த ஆறுகளை போல் உள்ள சேனல்களை கண்டறிந்து உள்ளனர். பூமியின் மேற்பரப்பை போன்று செவ்வாயின் மேற்பரப்பு  கடின தன்மையுடன் மாறியுள்ளது என விஞ்ஞானிகள் கண்டறிந்துள்ளனர்.

அமெரிக்காவின் ஜான்ஸ் ஹாப்கின்ஸ் பல்கலைக்கழகத்தை சேர்ந்த ராபர்ட் க்ராட்காக் மற்றும் ரால்ப் லாரன்ஸ் விஞ்ஞானிகள் செவ்வாய் கிரகத்தில் கடந்த காலங்களில் பெய்த மழையே அதன் மேற்பரப்பை மற்றக் காரணம் என கூறுகின்றனர்.   

பாய் போல வளையும் சூரிய மின் கருவி!

சூரிய மின் தகடுகளில், ஏதாவது ஒரு புதுமை, மாதத்திற்கு ஒன்று வந்து கொண்டே இருக்கிறது. சமீபத்தில், பிரிட்டனைச் சேர்ந்த, ‘ரெனோவாஜென்’ என்ற நிறுவனம், பாய் போல விரிக்கக்கூடிய, சூரிய ஒளி மின் கருவியை உருவாக்கி உள்ளது. ‘ரேப்பிட் ரோல் சோலார் பி.வி.,’ என்றழைக்கப்படும், இந்த சூரிய மின் பாயை, பிரிட்டனின், சிறிய தீவான, பிளாட் ஹோம் ஐலண்டில் நிறுவி உள்ளது, ரெனோவாஜென். சுற்றுலா பயணியர் வந்து போகும் இந்தத் தீவிற்கான மின்சாரத்தை, இரு டீசல் ஜெனரேட்டர்களை வைத்தே உற்பத்தி செய்தனர்.

இங்கு, ரேப்பிட் ரோல் சூரிய மின் பாயை, இரண்டே நிமிடத்தில், ஒரு மைதானத்தில் விரித்துப் போட்டு, 11 கிலோவாட் மின்சாரத்தை, ரெனோவாஜென் உற்பத்தி செய்து காட்டி இருக்கிறது. தேவைப்பட்டால், சற்று பெரிய அளவில், சூரிய மின் பாயை நிறுவி, 300 கி.வா., மின்சாரத்தையும் உற்பத்தி செய்ய முடியும் என, ரெனோவாஜென் அதிகாரிகள் தெரிவித்தனர்.

காலி இடங்களில், வீட்டுக் கூரைகளில், ரேப்பிட் ரோலை, விரைவில் ஆணியடித்து நிறுவ முடியும். வழக்கமான, சூரிய மின் பலகைகள் விரைப்பானவை. அவற்றை நிறுவ, தனி மேடைகளை நட வேண்டியிருக்கும். எனவே, ரேப்பிட் ரோலை நிறுவுவதற்கு ஆகும் செலவு, குறைவு என, ரெனோவாஜென் அதிகாரிகள் தெரிவித்து உள்ளனர்.  

செவ்வாய் மீது மட்டும் ஏன் இத்தனை ஆர்வம்?

நமது சூரியமண்டலத்தில் மனிதன் காலடி பதிக்கக்கூடிய வாய்ப்புள்ள கிரகம் ஒன்று இருக்கிறது என்றால் அது செவ் வாயாகத்தான் இருக்கும்.
மனிதன் சந்திரனுக்கு போய்விட்டு வந்தாலும் சந்திரன் என்பது கோள் அல்ல. அது பூமியை சுற்றிவரும் ஒரு துணைக் கோள் மட்டுமே.
புதன், வெள்ளி (சுக்கிரன்) ஆகியவை மனிதன் போகமுடியாத இடங்கள். சூரிய னுக்கு மிக அருகாமையில் உள்ளதால் புதன் கிரகம் வெப்பம் பூமியில் உள்ள தைபோல 11 மடங்கு அதிகமாக இருக்கும்.

மேலும் பகல் என்பது சுமார் 3 மாதத் திற்கு இருக்கும். வெள்ளிக்கு செல்லலாம் என்றால் அது அதைவிட மோசமான பருவநிலையை கொண்டுள்ளது. அங்கு காற்றழுத்தம் மிக அதிகம். ஆளில்லாத விண்கலம் வெள்ளியில் போய் இறங் கினாலும் கடும் அழுத்தத்தால் விண்கலம் தூளாக நொறுங்கிவிடும்.

சரி... வெப்பம், காற்றழுத்தம் குறைவான கிரகத்திற்கு செல்லலாம் என்று செவ் வாய்க்கு அப்பால் உள்ள வியாழன், சனியை ஆராய்ந்தால் அங்கு வேறு மாதிரியான சூழ்நிலை. அதாவது பனிக் கட்டி உருண்டைகளாக அவை இருக் கின்றன.

ஆளில்லா விண்கலம் அங்கு போய் இறங்கினால் அவை புதை சேற்றுக்குள் சிக்கியது போல புதைந்து விடும்.


அதனால் தான் சூரியமண்டல கிரகங் களில் செவ்வாய் மீது மட்டுமே  நமக்கு ஆர்வம் வருகிறது.

அதனால்தான் விஞ்ஞானிகள் கடந்த பல ஆண்டுகளாக செவ்வாயை நோக்கி அவ்வப்போது ஆளில்லா விண் கலன் களை அனுப்பி மனிதன் வாழ்வதற் கான சூழ்நிலைகளை ஆராய்ச்சி செய்து வரு கின்றனர்.

போக்குவரத்து காரணமாக காற்று மாசுபாடு உள்ள இடங்களில் குழந்தைகள் மற்றும் இளைஞர்களின் டிஎன்ஏ சேதம் ஏற்படலாம் என்று உலக சுகாதார நிறுவனம் அதிர்ச்சி தரும் தகவல்களை வெளியிட்டுள்ளது.

உலக சுகாதார அமைப்பின் புதிய அறிக்கை யானது, உலகளாவிய மக்கள் தொகையில் 92 சதவிகிதம் மக்கள்,   உலக சுகாதார அமைப்பின் வரம்புகளைவிட அதிகமான இடங்களில் வாழ்ந்து வருகின்றனர் என்பதை உறுதிப்படுத்தியுள்ளது.

அதாவது, வெளிப்புற காற்று மாசுபாடு குறிப்பாக போக்குவரத்து தொடர்பான மாசுபாடு உலகெங்கிலும் ஆபத்தான விகிதத்தில் உயர்ந்து வருகிறது. இந்த காற்று மாசுபாடு உடல்நலத்தில் மிகப்பெரிய பாதிப்பை ஏற்படுத்துகிறது.

போக்குவரத்து தொடர்பான காற்று மாசுபாட்டின் அதிக அளவு வெளிப்பாடு என்பது குழந்தைகள் மற்றும் இளைஞர்களின் டெலேமிரோ குறைப்பு என்ற குறிப்பிட்ட வகை டி.என்.ஏவை சேதம் ஏற்படுத்தும் என்று சுற்றுச்சூழல் மருத்துவம் எச்சரிக்கிறது.

அமெரிக்காவில், இரண்டாவது மாசுபட்ட நகரமான கலிஃபோர் னியாவின் ஃபிரஸ்னே பகுதியில் உள்ள இளம் பருவத்தினர் மற்றும் குழந்தைகளை ஆராய்ச்சியாளர்கள் ஆய்வு செய்து பார்த்தனர். அந்த ஆய்வில் காற்று மாசுபாட்டின் அதிக அளவு வெளிப்பாடு உள்ளதால் குழந்தைகள் மற்றும் இளைஞர்களின் டெலேமிரோ குறைவு ஏற் பட்டுள்ளது என்று கண்டறிந்துள்ளனர்.

இதன் காரணமாக குழந்தைகள் மற்றும் இளைஞர்களிடம் ஆஸ்துமா போன்ற நோய்களை ஏற்படுத்தும். மேலும் டி.என்.ஏ. மட்டுமல்லாமல் கொழுப்புக்கள், புரதங்கள் ஆகியவற்றில் சேதத்தை ஏற்படுத்தும் அபாயமும் உள்ளதாக ஆராய்ச்சியாளர்கள் கூறி யுள்ளனர். இந்த அபாயத்தில் இருந்து தற்காத்துக் கொள்ள காற்று மாசுபாடு பகுதியில் உள்ள வீடுகளை சுத்தமாக வைத்துக் கொள்ள வேண்டும். ஆண்டி ஆக்ஸிடண்ட் அதிகமுள்ள உணவுகளை தினமும் உட்கொள்ள வேண்டும்.

மேலும் வைட்டமின் ஏ மற்றும் வைட்டமின் சி அதிகமுள்ள பழங்கள் மற்றும் காய்கறிகளை உணவில் சேர்த்துக் கொள்ள வேண்டும் என்று மருத்துவ ஊட்டச்சத்து நிபுணர் அறிவுறுத்தியுள்ளனர்.


ஈர்ப்பு விசை என்ன செய்யும்?

பூமியில் நிலையாக நாம் நிற்க காரணமே ஈர்ப்புவிசைதான். பேனாவில் எழுத, சாப்பிட, குளிக்க என அனைத்துக்கும் ஈர்ப்புவிசை தேவை. ஈர்ப்பு விசை தினசரி வாழ்வில் கண்ணுக்கு புலப் படாமல் இருந்தாலும் நமது உடலில் ஈர்ப்புவிசையின் தாக்கம் உண்டு.

விண்வெளிக்கு மனிதர்களை அனுப்பும் முயற்சியில் ஈடுபட்ட பின், ஈர்ப்பு விசை நமது உடலில் ஏற்படுத்தும் சிறிய மாற்றங்களையும் ஆராய்ச்சியாளர்கள் கவனிக்கத் தொடங்கி விட் டனர். ஏனெனில் ஈர்ப்புவிசையற்ற விண்வெளியில் உடல் தத்தளிக்கத் தொடங்குமே!

விண்வெளியில் சில காலம் பணி செய்த விண்வெளி வீரர்களுக்கு, உயரம் அதிகரித்தும், எலும்பின் அடர்த்தி குறைந்திருப்பதையும் கண் டறிந்த அறிவியலாளர்கள்  விண்வெளி பயண மாற்றங்களை பதிவு செய்ய முயற்சித்தனர். பூமியில் ஈர்ப்பு விசையற்ற அறையை உருவாக்கி, அதில் வீரர்களை தங்க வைத்து உடல்நலனைக் கண்காணித்து பல்வேறு உண்மை களைக் கண்டறிந்தனர்.

ஈர்ப்புவிசை பரப்பில் நமது உடலில் காயம் ஏற்பட்டு ரத்தம் வெளியேறும்போது, உடலின் மெக்கானோ ரிசெப்டர் மூலம் இது குறித்த தகவல்கள் உடனே மூளைக்கு கடத்தப்பட்டு ரத்தம் உறைதல் செயல்பாடு தொடங்குகிறது.

இதுவே ஈர்ப்பு விசையற்ற சூழலில், செல்களின் இயக்கத்தில் அயனிகளின் செயல்பாடு அதீதமாகி, செல்களின் வளர்சிதைமாற்றம் முடக்கப்படுகிறது.

எலும்புகள் மெலியும்,
நோய்கள் பெருகும்!

1980களிலிருந்து செய்யப்படும் ஆராய்ச்சியிலிருந்து ஈர்ப்புவிசையற்ற இடத்தில் உடலின் மேற்பகுதியிலுள்ள மூளைக்கு செல்லும் ரத்தத்தின் அளவு அதிகரிக்கும்போது, உடலின் நிலையைப் பற்றி மூளைக்கு அறிவிக்கும் நியூட்ரான் ட்ரான்ஸ் மிட்டர்கள், மூலக்கூறுகளின் செயல்பாடுகள் தடைபடுகின்றன.

விண்வெளி வீரர்களுக்கு உணர்வுரீதியான தடுமாற்றங்களும், புரிந்து கொள்வதில் தடையும் உருவாவது இதனால்தான். விண்வெளியில் ஒரு மாதத்திற்கு 1% எலும்பு அடர்த்தி குறையும். ஈர்ப்புவிசையற்ற நிலையில் புரதம் மற்றும் டிஎன்ஏ செயல்பாடு வளர்சிதைமாற்றம் தடைபடுவதால், புதிய எலும்பு திசுக்கள் உருவாவ தில்லை. எனவே விண்வெளியில் உள்ள வீரர்களின் உடலில் எலும்புகளின் அடர்த்தி குறைகிறது.
விண்கலத்தில் முதலிலேயே நுண்ணுயிரி நீக்கம் செய்யப்படுகிறது. நாசாவின் அப்பல்லோ 13 விண்கலத்தில் பயணித்த வீரர், ஃப்ரெட் ஹைஸுக்கு     என்ற பாக்டீரியா தாக்குதல் இருப்பது கண்டறியப் பட்டது.

நோயெதிர்ப்பு சக்தி குறைவானவர்களைத் தாக்கும் இந்நோயை, ஈர்ப்புவிசையற்ற சூழலே உடலில் உண்டாக்குகிறது என்பது ஆய்வு  உண்மை.

பாதிப்பை குறைப்பது எப்படி?

விண்வெளி வீரர்கள் செல்களுக்கு பாதுகாப்பு தர தினமும் 2 மணி நேரம்  உடற்பயிற்சி (பளு தூக்குதல், நடைப்பயிற்சி) செய்கிறார்கள். எலும்பு சேதாரத்தை இவை பெருமளவில் தடுப்பதில்லை.

செல்களின் வளர்சிதை மாற்றத்தை  கட்டுப் படுத்தி இயக்கும் நியூட்ரோட்ரான்ஸ்மிட்டரான வைப் பயன்படுத்திய போதும் விஞ்ஞானிகளால் இதன் இயக்கம்  ஏற்படுத்தும் உடலின் மாற்றங்களை தெளிவாக அறிய முடியவில்லை.

எளிதாக செரிமானம் ஆகும் நோயெதிர்ப்பு சக்தி தரும் உணவு வகைகள் மூலம் ஈர்ப்பு விசையற்ற பாதிப்புகளைக் குறைக்க முயற்சிக்கிறார்கள்.

முன்பு பூமியின் ஈர்ப்பு விசையைத் தாண்டி ராக்கெட்டுகளை விண்வெளிக்கு அனுப்புவது பெரிய சவால்தான்.

ஆனால் அதனை நாம் கடந்துவந்திருப்பது நம் முயற்சிகளால்தான்.  

செவ்வாயில் 2024இல்
மனிதர்கள் காலடி வைப்பார்களா?

செவ்வாய் கிரகத்திற்கு மனிதர்களை அனுப்பும் திட்டத்தில் ஒரு பெரிய மாற்றத்தையும், சில புதுமைகளையும் அறிவித்திருக்கிறார் எலான் மஸ்க். அவரது, ‘ஸ்பேஸ் எக்ஸ்’ நிறுவனம், 2014ஆம் ஆண்டுக்குள், 100 மனிதர்களை செவ்வாய்க்கு அனுப்பும் என்று அவர் அறிவித்துள்ளார்.

இந்த திட்டத்திற்கு ஆகும் செலவை சமாளிக்க, புதிய திட்டத்தை அவர் அண்மையில் விளக்கினார். ‘ஸ்பேஸ் எக்ஸ்’ தற்போது, பால்கன் 9, பால்கன் ஹெவி போன்ற ராக்கெட்டுகளை தயாரித்து வருகிறது. இவை அனைத்தையும் நீக்கிவிட்டு, பி.எப்.ஆர்., என்ற ஒரே வகை ராக்கெட்டை தயாரிக்கப் போவதாக மஸ்க் அறிவித்துள்ளார்.

இதன் மூலம் உற்பத்தி செலவுகளை குறைக்க முடியும் என்றும், பி.எப்.ஆர்., ராக்கெட்டே, 100 மனிதர்களை செவ்வாய்க்கு அழைத்துச் செல்லும் திறன் கொண்டது என்றும் அவர் விளக்கினார்.

அதுமட்டுமல்ல, நிலாவில் ஒரு விண்வெளி நிலையத்தை அமைப் பது, பூமியில் விமானத்திற்கு பதிலாக, பி.எப்.ஆர்., ரக ராக்கெட்டை பயணியர் போக்குவரத்திற்கு பயன்படுத்துவது போன்ற திட்டங்களால், கிடைக்கும் வருவாயை செவ்வாய் திட்டத்திற்கு பயன்படுத்த முடியும் என்கிறார் மஸ்க்.

2024இல், மனிதர்கள் செவ்வாய்க்கு வெற்றிகரமாக அனுப்பப்படுவர் என்று நம்பப்படுகிறது.

மின்சார கார்கள்

உலகின் மிகப் பெரிய கார் தயாரிப்பா ளரான ஜெனரல் மோட்டார்ஸ், விரை வில் மின்சார கார் களை மட்டுமே தயா ரிக்கப் போவதாக அறி வித்துள்ளது.

இந்த அமெரிக்க நிறுவனம், கடந்த, 100 ஆண்டுகளாக, பெட்ரோலிய வாகனங்களை மட்டுமே தயாரித்து வந்தது. 2016இல் மட்டும், உலகெங்கும் ஒரு கோடி பெட்ரோலிய வாகனங்களை அது விற்பனை செய்துள்ளது.  இந்த வகையில், காற்று மாசுபாட்டிற்கு முக்கிய காரணமாக இருப்பதாக ஜெனரல் மோட்டார்ஸ் மீது குற்றச் சாட்டுக்கள் எழுந்தது.

எனவே, 2023க்குள் எல்லா பெட்ரோலிய வாகன உற்பத்திகளையும் நிறுத்திவிடப் போவதாக அந்நிறுவனம் அறிவித் துள்ளது.  முதல் கட்டமாக, 2018இல் இரண்டு முழு மின்சார கார்களை அது அறிமுகப் படுத்தும். 2023க்குள் மேலும், 18 முழு மின் கார்களை சந்தைக்குக் கொண்டு வரும்.


உலகின், மிகப்பெரிய சூரிய ஒளி மின் பூங்கா இருப்பது, துபாயில் தான். அங்குள்ள, ‘முகமது பின் ரசீத் அல் மக்தோவும் சூரிய பூங்கா’வின் மின் உற்பத்தித் திறன், 2030 வாக்கில் 5,000 மெகாவாட்டாக உயர்த்த, துபாய் அரசு திட்டமிட்டு உள்ளது.

இதற்கென, சமீபத்தில், 700 மெகாவாட் மின் உற்பத்தித் திறனைக் கூட்டவும், 853 அடி உயர, சூரிய ஒளி வாங்கி கோபுரத்தை கட்டவும், துபாய் அரசு அனுமதி வழங்கி உள்ளது.

ஏற்கெனவே அங்கு 23 லட்சம் சூரிய ஒளித் தகடுகள் பொருத்தப்பட்டு, 200 மெகாவாட் மின்சாரம் உற்பத்தி செய்யப்படுகிறது. புதிய திட்டத்தின்படி சூரிய ஒளியை குவியங்கள் (லென்சுகள்) மூலம் பிரதிபலித்து, ஒரு கோபுரத்தின் மீது குவியப்படுத்த உள்ளனர். கோபுரத்தில் படும் அதிக வெப்பத்தைக் கொண்டு ஒரு திரவத்தை ஆவியாக்குவர். அந்த ஆவியின் உந்து விசையில் டர்பன்களை இயக்கி மின்சாரம் உற்பத்தி செய்வர். வரும் ஆண்டுகளில், மின் உற்பத்திக்கு பெட்ரோலிய பொருட்களின் பயனை வெகுவாகக் குறைக்க துபாய் அரசு திட்டமிட்டுள்ளது. இதற்கு இந்த சூரிய மின் ஒளி தொழில்நுட்ப முயற்சிகள் வெகுவாக உதவும்.

கட்டுப்படும் காகித விமானம்!

காகிதத்தில் விமானம் செய்து காற்றில் வீசுவது எல்லா சிறு வயதினருக்கும் பிடித்த விளையாட்டு. ஆனால், கையைவிட்டு கிளம்பியதும் விமானம் சிறுவர்களின் கட்டுப்பாட்டில் இருக்காது. விடுவித்த வேகம், வீசும் காற்றைப் பொறுத்து காகித விமானம் தரையைத் தொடலாம் அல்லது சில வினாடிகள் பறந்து மெல்லத் தரையிறங்கலாம்.

இந்த காகித விமானத்திற்குள் ஒரு சிறிய இயந்திரத்தை பொருத்தி, அதை கட்டுப்படுத்தும் திறனை சிறுவர்களுக்குத் தந்தால்? அதைத்தான் செய்திருக்கிறது, ‘பவர் அப் டார்ட்.’

லித்தியம்-பாலிமர் மின்கலன், ஒரு மின் விசிறி மற்றும் மோட் டாரைக் கொண்ட பவர் அப் டார்ட்டை மொபைல் செயலி மூலம் கட்டுப்படுத்தலாம்.

எனவே, காகித விமானத்தை சிறுவர்கள் தங்கள் விருப்பப்படி வெகு நேரம் காற்றில் பறக்கவிட முடியும். தவிர சிறிய கேமரா ஒன்றும் இந்த விமானத்தில் பொருத்த முடியும்!


மின்சார ‘மினி’ பம்பு!

உலகெங்கும் இருக்கும் மிதிவண்டி பிரியர்களுக்கு, சக்கரத்தில் காற்று குறைந்து விட்டால், பெரிய தலைவலி தான். கை பம்பு அல்லது காற்றடைத்த டப்பா போன்றவற்றுடன் அலைய முடியாது.

இதற்கு தீர்வாக, கையடக்க பம்பு ஒன்றை உருவாக்கியிருக்கிறது, ‘பும்பா’ என்ற இந்த பம்பு, மின்சாரத்தால் இயங்குகிறது. இதன் எடை வெறும், 190 கிராம் தான். ஒரு மணி நேரம் மின்னேற்றம் செய்து வைத்துக்கொண்டால் போதும். இரண்டு மிதிவண்டி சக்கரங்களுக்கும், போதிய காற்றழுத்தத்தை பெற்றுக் கொள்ளலாம். ஒரு சக்கரத்திற்கு 50 நொடிகளில் காற்றை அடித்துத் தந்துவிடும் திறன் கொண்டது இந்த மினி பம்ப்.

மேலும், வீட்டில் வைத்து காற்றடித்துக்கொள்வதற்காக, சற்றே பெரிய பம்பையும் வெளியிட்டிருக்கிறது பும்பா. அண்மையில், அமெரிக்காவிலுள்ள லாஸ்வேகாஸ் நகரில் நடந்த, ‘இன்டெர்பைக்‘ கண்காட்சியில் இந்த புதுமையான பம்பிற்கு நல்ல வரவேற்பு கிடைத்தது.

காலணி தைக்கும் ரோபோ!

 

டோக்கியோவில், காலணி தைக்கும் ரோபோ ஒன்றை, ‘யுனீக்’ காலணி தயாரிப்பாளர்கள் அறிமுகம் செய்துள்ளனர்.

‘உலகின் மிகச் சிறிய காலணி தொழிற்சாலை’ என்று விளம்பரப்படுத்தப்பட்ட அந்த ரோபோ, 15 அடிக்கு 5 அடி இடத்திற்குள் அடங்கிவிடுகிறது.

இரண்டு ரோபோ கரங்கள், ஒரு இணை காலணிகளை ஆறு நிமிடத்திற்குள் தைத்துத் தருகின்றன. வாடிக்கையாளர் கால் அளவு களை எடுத்துத் தந்ததும், காலணிக்கான பொருட்களை எடுத்து, நூலைக் கோர்த்து, தைத்து தருகிறது யுனீக் ரோபோ.

ஆனால், காலணியின் இறுதி வடிவத்தை, ஒரு காலணி வடிவமைப்பாளர்தான் சரிபார்த்து, திருத்தித் தருகிறார். இந்த ரோபோ கரங்களை காலணி தயாரிக்கும் விதத்தில் உருவாக்க ஆறு ஆண்டுகள் பிடித்ததாக யுனீக் காலணி அதிகாரிகள் தெரிவித்தனர்.

பிரபல காலணி தயாரிப்பாளர்கள், இனி புதிய காலணிகளை வடிவமைத்து, அதற்கான மென்பொருளை மட்டும் தங்கள் கிளை களுக்கு அனுப்பினால் போதும். கிளைக் கடைகளில் உள்ள ரோபோ, அங்கு வரும் வாடிக்கையாளரின் அளவுகளை எடுத்து ஆறு நிமிடங்களில் தைத்துத் தந்துவிடும்!

உறைந்த பனியிலும் பிளாஸ்டிக் குப்பை!


ஆர்டிக் கடல் பகுதியின் உறைந்த பனிப்பாறைகள் தற் போது  உருக ஆரம்பித்துள்ளன.

இதனால் அங்கே இதுவரை மனிதன் செல்ல முடியாத பகுதி களுக்கு செல்லும் வாய்ப்பு விஞ்ஞானிகளுக்குக் கிடைத்துள்ளது.

அப்படி அங்கு சென்ற பிரிட்டனின் எக்செட்டர் பல் கலைக்கழக விஞ்ஞானிகளுக்கு ஒரு வியப்பு காத்திருந்தது. அங்கும் பிளாஸ்டிக் கழிவுகள் வந்துவிட்டிருந்தன.

உருகும் பனிப் பாறை பகுதிகளில் பிற கடல் நீர் வந்து சேர்வதால், அதன் வழியே கடலில் மிதக்கும் பிளாஸ்டிக் குப்பைகளும் வர ஆரம்பித்திருப்பதாக விஞ்ஞானிகள் கண்டறிந்தனர்.


வெகுதூரம் செல்லும் மின் பேருந்து

மின்சார பேருந்துகள், பல நாடுகளில் சத்தமில்லாமல் அறிமுகமாகி வருகின்றன. அடிக்கடி மின்னேற்றம் செய்யவேண்டும் என்பதால் மின்சார பேருந்துகளால் வெகு தூரம் பயணிக்க முடியாது என்ற கருத்து மக்களிடம் இருக்கிறது.

இதை முறியடிக்க, ‘புரோடெரா’ என்ற மின் பேருந்து தயாரிப்பு நிறுவனம், அண்மையில், ‘கேட் டலிஸ்ட் இ2’ என்ற மின் பேருந்தை அறிமுகப்படுத்தி இருக்கிறது.

இது ஒரு முறை மின்னேற்றம் செய்ததும், 1,772 கி.மீ., தூரம் பயணித்து சாதனை படைத்திருக்கிறது. இத்தனைக்கும் கேட்டலிஸ்ட் இ2 ஒன்றும் குட்டி பேருந்து அல்ல.

12 மீட்டர் நீளம் கொண்ட பெரிய பேருந்து. டீசல், பெட்ரோல் பேருந்துகளின் யுகம், முடிவுக்கு வந்து விட்டது என்றும், இனி மின் வாகனங்களுக்கே எதிர்காலம் என்றும், அமெரிக்காவைச் சேர்ந்த புரோடெரா நிறுவனம் ஊடகங்களிடம் முழக் கமிடுகிறது.

அதுமட்டுமல்ல; கேட்டலிஸ்ட் இ2 வாகனத்திற்கு தானோட்டி தொழில்நுட்பத்தையும் கொண்டு வர ஆராய்ச்சி நடப்பதாகவும், அந்நிறுவனம் அறிவித்துள்ளது.

அதாவது, ஓட்டுநர் இல்லாமல் ஆயிரம், கி.மீ., தூரம் ஓட்டிச் செல்லும் தொழில்நுட்பம்!  

Banner
Banner