டோக்கியோ பல்கலைக்கழகத்தின் ரோபோ வியல் ஆய்வாளர்கள், புதிய வகை ரோபோவை வடிவமைத்து பரிசோதித்து வருகின்றனர். இந்த ரோபோவுக்கு இரண்டு கால்கள் உண்டு. இருந்தாலும், தன் எடையை சுமந்து நடப்பதற்கு, அது தன் கால்களை மட்டும் நம்பவில்லை.

கூடுதலாக அதன் தலையில், ‘ட்ரோன்’ எனப்படும் குட்டி விமானங் களை பொருத்தியுள்ளனர். எனவே ரோபோவின் எடையில் முக்கால்வாசியை, ட்ரோன் சுமக்க, ரோபோ மிதந்த படியே இரு கால்களால் நடக்கிறது. தங்கள் கண்டுபிடிப்பிற்கு, ‘ஏரியல் பைபெட்’ என, டோக்கியோ பல்கலைக்கழக விஞ்ஞானிகள் பெயரிட்டுள்ளனர்.

இரண்டு கால்களைக் கொண்ட ரோபோக்களை நடக்க வைப்பது மிகவும் சிரமமான காரியம். எடை காரணமாக அவை அடிக்கடி கீழே விழுகின்றன.

இதனால் தான், ட்ரோன்களை, கிடங்கு களில் பொருட்களை எடுத்துக் கொடுப்பது, பார்சல்கள் கொண்டு போய் போடுவது போன்ற வேலைகளுக்கு பயன்படுத்த லாம் என, தொழில்நுட்ப வல்லுநர்கள் பரிசோதித்து வருகின்றனர்.

ஆனால், ஏரியல் பைபெட் ரோபோ, 2 கால்களையும், இறக்கைகளையும் கொண்டிருப்பதால், தடுமாறி விழுவது போன்றவை தவிர்க்கப்படும்.

எனவே இதை, பொருட்களை எடுத்து வரும் எடுபிடி வேலைகளைச் செய்ய வைப்பது முதல் பொழுதுபோக்கு மய்யங்களில் வேடிக்கை காட்டுவது வரை, பயன்படுத்தலாம் என, அதன் கண்டுபிடிப் பாளர்கள் கருதுகின்றனர்.


ஓட்டுநரில்லா காரில் வீடு வரும் மளிகை!

உயர் தொழில்நுட்பத்துடன் மளிகை பொருட் களின் தேவையை சேர்த்தால் ஒரு புதிய தொழில் தான்!

இன்னமும் பரிசோதனையில் இருக்கும் ஓட்டுநரில்லா கார்களை வைத்து, வாடிக்கையாளரின் வீட்டுக்கே பொருட்களைக் கொண்டு வந்து தரும் சேவையை, அமெரிக்காவிலுள்ள கலிபோர்னியா மாகாணத்தில், ‘ஆட்டோ எக்ஸ்’ சோதித்து

வருகிறது.

வீட்டில் இருக்கும் வாடிக்கையாளர், ஒரு மொபைல் செயலி மூலம் வேண்டிய மளிகை பொருட்களை, ‘ஆர்டர்’ செய்தால், அவர் கேட்கும் நேரத்தில் வீட்டு வாசலுக்கே கொண்டு வந்து சேர்க்கிறது, ஓட்டுநரில்லா வாகனம்.

மொபைலில் ஆர்டர் செய்தவரின் வீட்டு முகவரியை, ஜி.பி.எஸ்., தொழில்நுட்பம் உறுதி செய்ய, செயற்கை நுண்ணறிவும், ஓட்டுனரில்லா வாகன தொழில்நுட்பமும் சேர்ந்து, காரை பத்திரமாக ஓட்டி வந்துவிடும்.

மொபைல் செயலியில் ஒரு பொத்தானை அழுத்தினால், ஓட்டுநரில்லா காரின் கதவு திறக்கும்; மளிகை பொருட்களை எடுத்துக் கொள்ளலாம்.

தவிர, காரின் ஜன்னலில் அடுக்கப்பட்டுள்ள குளிர்பானம், சாக்லேட் போன்ற வற்றையும் விரும்பினால் வாங்கிக் கொள்ளலாம்.

‘சூப்பர் மார்க்கெட்’டுக்குப் போய் பொருட்களை வாங்கி வர நேரத்தைச் செலவிடுவதற்குப் பதிலாக, அதை வீட்டில் இருப்பவர்களுடன் செலவிடலாமே என்கிறது, ஆட்டோ எக்ஸ்! அதுவும் சரிதான்.

உருளை வடிவ சிறு குழாய் போன்ற வித்தியாசமான வடிவத்தில் இருக்கும் அலைபேசி, கண்ணிமைக்கும் நேரத்தில் 7.5 அங்குல திரையுள்ள டேப்லெட்டாக மாறி னால் எப்படி இருக்கும்? இதுவரைக்கும் கனவாக, எதிர்கால தொழில்நுட்ப வருகை யாக பார்க்கப்பட்ட இதுபோன்ற தொழில் நுட்ப கருவியை உருவாக்கியுள்ளனர் கனடாவின் ஒண்டாரியோ மாகாணத்திலுள்ள குயின்ஸ் பல்கலைக்கழக விஞ்ஞானிகள் உருவாக்கியுள்ளனர்.

காலங்காலமாக மக்களின் தகவல் மூலமாக இருந்துவரும் செய்தித்தாளை படித்து முடித்துவிட்டு, சுருட்டி வைத்துக் கொண்டு நகர முடியும். ஆனால், ஏன் அதுபோன்ற தொழில்நுட்ப கருவியை உரு வாக்க கூடாது என்று எழுந்த கேள்வியின் பதிலாகத்தான், மடித்து, சுருட்டி வைத்துக் கொள்ளக் கூடிய மேஜிக்ஸ்க்ரோல் என்னும் இந்த கருவியை உருவாக்கியுள்ளதாக கூறுகிறார் இந்த ஆராய்ச்சியின் தலைமை விஞ்ஞானியான வெர்டேகால்.

7.5 அங்குல திரையும், 2 ரெசல்யூஷனும் கொண்ட இந்த உருளை வடிவ கருவியை மடித்து வைத்துக்கொண்டே அதன் இரு முனைகளிலுள்ள சக்கரம் போன்ற அமைப்பை திருகுவதன் மூலமும், திரையை தொடுவதன் மூலமும் வழக்கம்போல் போன் செய்யலாம், செயலிகளை பயன்படுத்தலாம்.

அதேசமயத்தில், பயன்பாட்டாளர்கள் தங்களுக்கு வேண்டும்போது, அந்த திரையை வெளியே இழுத்து, கையடக்க கணினி (டேப்லெட்) போன்று பயன்படுத்தி கொள்ளும் வகையில் இது உருவாக்கப் பட்டுள்ளது. இதன் செயற்பாட்டுக்கு தேவையான அனைத்து அமைப்புகளும் உருளையின் உட்புறத்தில் வைக்கப்பட்டுள்ள தாக விஞ்ஞானிகள் தெரிவித்துள்ளனர்.

சாம்சங், ஆப்பிள் போன்ற பல்வேறு நிறுவனங்கள் மடித்து, விரிக்கும் வகையிலான அலைபேசி உருவாக்கும் முயற்சி யில் பல்வேறு ஆண்டுகளாக ஈடுபட்டு வருவதாக கூறப்பட்டு வரும் சூழ்நிலையில் அவர்களுக்கு முன்னதாகவே உருவாக்கப் பட்டுள்ள இந்த கருவி இதுசார்ந்த ஆராய்ச்சிகளுக்கு புத்துணர்ச்சி அளிக்கும் என்று கருதப்படுகிறது.

 


 

மூளையை பாதிக்கும் காற்று மாசு

சீனாவில், 20 ஆயிரம் பேரிடம் நடத்தப்பட்ட ஒரு ஆய்வின் முடிவுகள் திடுக்கிட வைக்கின்றன.

அதிக காற்று மாசு உள்ள இடங்களில் வசிப்பவர்களுக்கு, அவர்கள் சுவாசிக்கும் நச்சுக்களால் மூளைத் திறன் பாதிக்கப்படுவதாக, அந்த பன்னாட்டு ஆய்வாளர்கள் செய்த ஆய்வு தெரிவிக்கிறது.

பத்து வயதுக்கு மேற்பட்டவர்கள் பங்கேற்ற அந்த நீண்ட கால ஆய்வு, ஆண்டுக்கு ஒரு முறை என, நான்கு ஆண்டுகளுக்கு நடத்தப்பட்டது. ஆய்வில் பங்கேற்றோருக்கு, எளிய கணிதப் புதிர்கள் மற்றும் சொல் விளையாட்டுகள் தரப்பட்டன.

அவர்களில் யாரெல்லாம், நைட்ரஜன் டையாக்சைடு மற்றும் சல்பர் டையாக்சைடு போன்ற நச்சுக்களை அதிக காலம் சுவாசித்தனரோ, அவர்களுக்கு மூளைத் திறன் கவனிக்கத்தக்க அளவு பாதிக்கப்பட்டிருந்தது.

குறிப்பாக, ஆய்வில் பங்கேற்றோரில் அதிக வயது உள்ளோருக்கு சொல் ஆற்றல் பாதிக்கப்பட்டிருந்தது.

இந்த ஆய்வு சீனாவில் நடத்தப்பட்டது தான். என்றாலும், இன்று உலகின், 90 சதவீத மக்கள் வசிக்கும் பகுதிகளில், அய்.நா., நிர்ணயித்துள்ள குறைந்தபட்ச தரத்தை விட மிக குறைவாகவே காற்றின் தன்மை இருப்பதால், இந்த ஆய்வு, உலகின் பல நாடுகளுக்குப் பொருந்தும் என்கின்றனர் வல்லுநர்கள்.


இருண்ட குகைகளில், ‘ஆன்டிபயாடிக்’

நோய் கிருமிகள், ‘ஆன்டிபயாடிக்‘ மருந்துகளை எதிர்க்கத் துவங்கிவிட்டன. செய்வதறியாமல் மருத் துவர்கள் திகைக்கின்றனர்.

பல ஆன்டிபயாடிக்குகள், சேற்றிலுள்ள கிருமிகள் சுரக்கும் வேதிப் பொருட்களை வைத்தே உருவாக்கப் படுகின்றன.  எனவே, மனிதக் காலடி படாத, இருண்ட குகைகளுக்குள் வசிக்கும் நுண்ணுயிரிகளை வைத்து, புதிய வகை ஆன்டிபயாடிக் தயாரிக்க முடியுமா என, சில விஞ்ஞானிகள் ஆராய்ந்து வருகின்றனர்.

கனடாவில், காடுகள் அடர்ந்த மலைச் சரிவுகளில் உள்ள குகைகளுக்குள் நிலவும் மாறுபட்ட தட்ப வெப்பநிலையை தாக்குபிடித்து வாழும் பாக்டீரியாக்கள் உள்ளன. அவை, கடும் சூழலிலும் உயிர் வாழக்கூடிய, ‘எக்ஸ்ட்ரீமோபைல்ஸ்’ வகையைச் சேர்ந்தவை.

அவற்றை, கனடாவின் தாம்சன் ரிவர்ஸ் பல்கலைக் கழகத்தைச் சேர்ந்த, நவோவரத் சீப்தம் மற்றும் சில ஆராய்ச்சியாளர்கள் ஆராய்ந்து, 2016இல், ‘டைவர்சிட்டி’ இதழில், 100 பாக்டீரியாக்களை பட்டியலிட்டுள்ளனர்.

 

பூமிக்கு மேலே சுற்றி வரும் சர்வதேச விண்வெளி ஆய்வு நிலையத்தில், கடந்த வாரம் ஒரு சிறப்பு ஆன்டனாவை, ரஷ்ய விண்வெளி வீரர்கள் பொருத்தியுள்ளனர்.

இந்த ஆன்டனா, பூமியிலுள்ள பறவைகள், விலங்குகளின் இடப்பெயர்ச்சி முதல் இனப் பெருக்கம் வரை கண்காணிக்க உதவும் என, அமெரிக்கா மற்றும் இசுரேல் விஞ்ஞானிகள்

தெரிவித் துள்ளனர்.

‘அய்காரஸ்’ எனப்படும், விண்ணில் இருந்து விலங்குகளை ஆராய உதவும் சர்வதேச கூட்டமைப்பைச் சேர்ந்த இந்த விஞ்ஞானிகள், தற்போது அந்த ஆன்டனாவை பயன்படுத்தும் பணிகளை துவங்கி உள்ளனர்.

இதற்கென, அதி நவீன அய்காரஸ், ‘டிரான்ஸ் மீட்டர்’ கருவிகளை விஞ்ஞானிகள் உருவாக்கி யுள்ளனர்.

முன், வலசைப் பறவைகளை கண்காணிக்க, ரேடியோ சமிக்ஞையை அனுப்பும் நுண் கருவிகளே பயன்படுத்தப்பட்டன.

ஆனால் அய்காரஸ் கருவிகள், எடை குறைவாக, சிறிதாக இருந்தாலும், அதில் காட்டுயிர்களின் இருப்பிடம் அறியும், ஜி.பி.எஸ்., வெப்பம், வேகம், ஈரப்பதத்தை பதிவு செய்யும் உணரிகளும், சமிக்ஞை அனுப்பும் சிறிய கம்பியும் உண்டு.

இந்த உணரிகள் சேகரிக்கும் தகவல்கள், விண்வெளி ஆய்வு நிலையத்திற்கு அனுப்பப்படும். ஆய்வு நிலையம், தினமும் பூமியை, நான்கு முறை வலம் வரும். எனவே ஆன்டனாவின் எல்லைக்குள் வரும் விலங்குகளின் உடலில் கட்டப்பட்டுள்ள கருவிகளில் இருந்து தகவல்களை பெற்று, மீண்டும் பூமியில் உள்ள விஞ்ஞானிகளுக்கு தகவல்கள் திருப்பி அனுப்பப்படும்.

வரும், 2019க்குள், 1,000 விலங்குகள் மீது அய் காரஸ் டிரான்ஸ்மிட்டர்கள் பொருத்தப்படும்.

அடுத்த சில ஆண்டுகளில், ஒரு லட்சம் விலங் குகள் மீது பொருத்த விஞ்ஞானிகள் திட்டமிட் டுள்ளனர்.

அழியும் ஆபத்தில் இருப்பவை தவிர்த்து, மற்ற விலங்குகள், பறவைகள் பற்றி சேகரித்த தகவல்களை, ‘மூவ் பேங்க்‘ என்ற தகவல் களஞ்சியத்தில் போட்டு வைத்து, அதை எவரும் பயன்படுத்த அனுமதிக்கப் போவதாக, அய்காரஸ் அமைப்பு தெரிவித்துள்ளது. .

நிலாவில் தண்ணீர் இருப்பது உறுதி!

சந்திரனின் இரு துருவப் பகுதிகளிலும் தண்ணீர் இருப்பதற்கு நேரடி ஆதாரங்கள் கிடைத்திருப்பதாக, அமெரிக்க விண்வெளி ஆய்வு அமைப்பான, ‘நாசா’ அறிவித்துள்ளது.

பத்து ஆண்டுகளுக்கு முன் இந்திய விண்வெளி அமைப்பான, ‘இஸ்ரோ’ அனுப்பிய சந்திரயான் - 1 விண்கலன் பல ஆய்வுக் கருவிகளை சுமந்து சென்று, நிலாவை வலம் வந்தது.

அதில், நிலாவில் உள்ள தாதுக்களின் வரைபடம் தயாரிப்பதற்காக, ‘நாசா’ வடிவமைத்த ஒரு கருவியும் ஒன்று.

‘எம் - 3’ எனப்படும் அந்தக் கருவி, நிலவின் மேற்பரப்பில் ஒளியைச் செலுத்தி, அது பிரதிபலிக்கும் விதத்தை வைத்து, அங்கு உள்ள தாதுக்கள் பற்றிய தகவல்களை சேகரித்தது.

அந்த தகவல்களை ஆராய்ந்த, ‘நாசா’ விஞ்ஞானிகள், பூமியில் இருப்பவர்களின் கண்களுக்குத் தெரியாத, நிலாவின் இரண்டு துருவப் பகுதிகளிலும், பனிக் கட்டி வடிவில் நீர் இருக்கிறது என்பதை அண்மையில் உறுதி செய்துள்ளனர்.

நிலாவில் போதிய நீர்வளம் இருப்பதை உறுதி செய்யப்பட்டால், மனிதர்கள் நிலாவில் அதிக காலம் தங்கி ஆராய்ச்சி செய்ய முடியும் என்றும், மனிதக் குடியிருப்புகளை அமைக்க முடியும் என்றும், நாசா விஞ்ஞானிகள் அண்மையில் அறிக்கை வெளியிட் டுள்ளனர்.

அம்மோனியாவிலிருந்து ஹைட்ரஜன் எரிபொருள்!

மாசில்லாத ஹைட்ரஜன் எரி பொருளை வாகனங்களுக்குப் பயன்படுத்த, உலகெங்கும் ஆராய்ச்சிகள் நடந்து வருகின்றன.

அண்மையில் ஆஸ்திரேலிய விஞ்ஞானி கள் அம்மோனியாவிலிருந்து ஹைட்ரஜன் எரிபொருளை தயாரித்து ஓடும் இரண்டு கார்களை வெற்றிகரமாக வெள்ளோட்டம் பார்த்து உள்ளனர்.

ஹைட்ரஜனை வாகனங்களுக்குப் பயன் படுத்தும்போது, புகை ஏதும் வராது, நீர் துளிகள் மட்டுமே வெளியேறும் என்பதால், ஹைட்ரஜன் எதிர்காலத்தில் மாற்று எரிபொருளாகிவிடும் என, விஞ்ஞானிகள் கணித்து வருகின்றனர்.

ஆனால், அடர்த்தி குறைவான ஹைட் ரஜன் திரவம், எளிதில் தீப்பிடிக்கக்கூடியது. அதை பெட்ரோலைப் போல சாலையோரங் களில் வினியோகிப்பதும் சவாலாக உள்ளது.

பிரிஸ்பேன் நகரில் உள்ள காமன்வெல்த் அறிவியல் மற்றும் தொழில் ஆராய்ச்சிக் கழகம் எனப்படும் சி.எஸ்.அய்.ஆர்.ஓ., அண் மையில் காற்றிலிருந்து நைட்ரஜனை எடுத்து அம்மோனியாவை உருவாக்கி, பிறகு, அம்மோனியாவிலிருந்து ஹைட்ரஜனை ஒரு உலோக சவ்வு மூலம் பிரித்தெடுக்கும் முறையை உருவாக்கியுள்ளது.

அம்மோனியாவை பல இடங்களுக்கு எடுத்துச் செல்வது எளிது என்பதாலும், உலோக சவ்வு முறையில் வேண்டிய இடத்தில் வைத்து ஹைட்ரஜனை தயாரித்து வினி யோகிக்க முடியும் என்பதாலும் இந்தத் தொழில்நுட்பம் ஹைட்ரஜன் எரிபொருள் பரவலை எளிதாக்கும் என, சி.எஸ்.அய்.ஆர்.ஓ விஞ்ஞானிகள் கருதுகின்றனர்.

இந்த முறையில் தயாரிக்கப்படும் ஹைட் ரஜன், மிகவும் துய்மையானதாக இருப்ப தாகவும், விஞ்ஞானிகள் தெரிவித்து

உள்ளனர்.

இந்த முறையில் தயாரித்த ஹைட்ரஜனை வைத்துத்தான் அண்மையில் இரண்டு கார் களை ஆஸ்திரேலியர்கள் ஓட்டிப் பார்த் துள்ளனர்.

அடுத்த இரண்டு ஆண்டுகளில் ஹைட்ர ஜனில் ஓடும் கார்களை ஆஸ்திரேலிய நகர்களில் பார்க்க முடியும் என்றும், ஆசிய நாடுகளில் இதே தொழில்நுட்பத்தை பரப்ப திட்டமிட்டுள்ளதாகவும் விஞ்ஞானிகள்

தெரிவித்து உள்ளனர்.

அம்மோனியாவிலிருந்து ஹைட்ரஜன் எரிபொருளை தயாரிக்க அதிக செலவோ, மாசுபாடோ ஏற்படாது என்பது குறிப்பிடத் தக்கது.

மணிக்கட்டில் ஒரு ஆய்வுக்கூடம்!

கையில் அணிந்துகொள்ளும் உடல் நல கண்காணிப்புக் கருவியை, ரட்கெர்ஸ் பல்கலைக்கழக விஞ்ஞானிகள் உருவாக்கியுள்ளனர். பல புதிய தொழில்நுட்பங்களை தொகுத்து உருவாக்கப்பட்டுள்ள இந்த, ‘ஸ்மார்ட் பேண்ட்’ அணிந்திருப்பவரின் ரத்தத்திலுள்ள செல்களை அளப்பது முதல், அணிந்துள்ளவரைச் சுற்றியுள்ள காற்றில் மாசுக்கள், நச்சுக்களையும் அளக்கும் திறன் கொண்டது.

அதி நவீன நுண்திரவ உணரி, மைக்ரோ கண்ட்ரோலர் மற்றும் புளூடூத் ஆகிய தொழில் நுட்பங்களைக் கொண்டி ருக்கும் இந்த புத்திசாலி கைப்பட்டை, அணிந்திருப்பவரின் மொபைல் செயலிக்கு, அளவுகளை அனுப்பிவிடும். அதை மருத்துவரிடம் காட்டினால், அவர் உடல் நலத்தைப் பற்றி துல்லியமாகக் கணிக்க முடியும்.

இந்தக் கருவியை பலவித நோய்களுக்கான அறிகுறிகளை அறியும் விதத்தில், அவற்றுக்குரிய உணரிகளை மாற்றிக் கொள்ள முடியும். எனவே நோயறிதலுக்காக பெரிய ஆய்வகங்கள், மற்றும் அதிக கட்டணம் போன்றவற்றை தவிர்க்க, இந்தக் கருவி உதவும். தற்போது சில மாதிரிகளையே ரட்கெர்ஸ் விஞ்ஞானிகள் உருவாக்கியிருந்தாலும், நம்பிக்கை தரும் கருவி என, ‘மைக்ரோசிஸ்டம்ஸ் அண்ட் இன்ஜினியரிங்’ இதழ் பாராட்டியுள்ளது.

கண்களைக் கெடுக்கும் திரை ஒளி

தினமும் நாம் பயன்படுத்தும், கணினி, செல்பேசி, தொலைக்காட்சி ஆகிய வற்றின் திரைகளிலிலிருந்து வெளிப்படும், நீல நிற ஒளி, நம் கண்களை நேரடியாக பாதிப்பை ஏற்படுத்துவதாக ‘சயன்டிபிக் ரிப்போர்ட்ஸ்’ இதழில் வந்துள்ள, ஒரு ஆய்வு உறுதிப்படுத்தி உள்ளது.

இரவில், ஒளிரும் திரையுள்ள கருவிகளை பயன்படுத்துவதால், ‘சர்க்காடியன் ரிதம்‘ எனப்படும் நம் உடலின் பகல் -இரவு நேர கதியை உணரும் திறன் பாதிக்கப்படுவதை, ஏற்கெனவே விஞ்ஞானிகள் கண்டறிந்துள்ளனர்.

இது தூக்கம், மூளையின் செயல்திறன், உடலியக்கம் போன்றவற்றை பாதிக்கிறது. என்றாலும் திரைக் கருவிகளிலிருந்து வெளியேறும் ஒளியில், நீல நிறம் கண்களில் உள்ள ஒளி உணர் திறனை நேரடியாக பாதிப்பதை, அந்த ஆய்வை மேற்கொண்ட அமெரிக்காவின் டொலீடோ பல்கலைக்கழக ஆய்வாளர்கள் அண்மையில் உறுதி செய்துள்ளனர். நீல நிற ஒளி, நம் விழித்திரையில் உள்ள ஒளிவாங்கிகளில் இருக்கும் ‘ரெடீனல்’ என்ற மூலக்கூறுகளை நிலைகுலையச் செய்கின்றன. ரெடீனல் மூலக் கூறுகள் தான் விழித்திரையில் படும் ஒளியை மூளை உணர்வதற்கு உதவுபவை. நீல ஒளி படுவதால் ரெடீனல் மூலக்கூறுகள் வேதி மாற்றமடைந்து, விழித்திரையில் உள்ள ஒளிவாங்கிகளை தாக்க ஆரம்பித்துவிடுவதாக ஆய்வாளர்கள் கண்டறிந்து உள்ளனர்.

வடிகட்டிகள்: சில செல்பேசி நிறுவனங்கள், நீல ஒளியை திரையிலிருந்து வெளியேறாமல் தடுக்கும் வடிகட்டிகளை அறிமுகப்படுத்தியிருப்பதை ஆய்வாளர்கள் பாராட்டியுள்ளனர்.

 

 

Banner
Banner