பெரும் நிலநடுக்கம் ஏற்படும் வாய்ப்பு இருப் பதை முன்கூட்டிய உணர முடிந்தால், பல்லாயிரம் உயிர்களை காப்பாற்ற முடியும்.

ஆனால், தற்போது உள்ள நிலநடுக்க கணிப்பு கருவிகளை பூமிக்கடியில் நிறுவுவதற்கு பெரும் செலவு பிடிக்கிறது.

ஆனால், அமெரிக்காவிலுள்ள ஸ்டான்போர்டு பல்கலைக்கழக விஞ்ஞானிகள், புதிதாக எந்த கருவியையும் நிறுவ அவசியமில்லை என்கின்றனர். ஏன்?

ஏற்கெனவே தொலைதொடர்பு மற்றும் இணைய வசதிகளுக்காக, பூமிக்கடியில் புதைக்கப்பட்டி ருக்கும் பைபர் ஆப்டிக் கேபிள் எனப்படும் ஒளி இழை வடங்களே இதற்குப் போதும் என்கின்றனர் ஸ்டான்போர்டு விஞ்ஞானிகள்.

ஸ்டான்போர்டு பல்கலைக்கழக வளாகத்திற்கு அடியில் பதிக்கப்பட்டுள்ள, 4.8 கி.மீ., நீள ஒளி இழை வட அமைப்பை வைத்தே அந்த விஞ்ஞானிகள் கடந்த ஒரு ஆண்டில், 800 பூகம்ப நிகழ்வுகளை அளந்திருக்கிறார்கள்.

இதில், 3,220 கி.மீ., தொலைவிலுள்ள மெக்சி கோவில் இந்தாண்டு செப்டம்பரில் நிகழந்த பூகம் பமும் அடக்கம்.

கண்ணாடி ஒளி இழைகளில் ஒளி மூலமே தகவல்கள் பரிமாறப்படுகின்றன. பூகம்பங்கள் நேரும்போது, இழைகளின் ஊடாகப் பயணிக்கும் ஒளியில் லேசான பிசிறுகள் ஏற்படும். இந்த பிசிறு களை வைத்தே பூகம்பம் எவ்வளவு தொலைவில், எவ்வளவு தீவிரமாக ஏற்படுகிறது என்பதை அளக்க முடியும் என்கின்றனர் ஸ்டான்போர்டு விஞ்ஞானிகள்.

இனி பூகம்ப கணிப்பு துல்லியமாகவும், முன் கூடியேயும் கிடைக்கும் என நம்பலாம்.



கடினமாக உழைப்பதற்கு அடையாளமாக எறும்புகளைச் சொல்வர். அதை, ஜெர்மனி யின் ரெகென்ஸ்பர்க் பல்கலைக்கழகத்தைச் சேர்ந்த விஞ்ஞானிகள் உறுதி செய்துள்ளனர்.

மிகவும் இனிப்பான உணவை சற்று தொலைவிலும், சற்றே இனிப்பும் தரமும் குறைவான உணவை அருகாமையில் வைத்தும் விஞ்ஞானிகள் சோதித்தனர்.

எறும்புகள் இரண்டு உணவையும் ருசித் துப் பார்த்தன. அருகே உள்ளது தரக்குறை வானது என்று தெரிந்ததும், சற்று தொலைவில் உள்ள உணவையே எல்லா எறும்புகளும் தேடிப்போய் உண்டு வந்தன. எனவே, எறும் புகள் தரமானதை சிரமப்பட்டாவது உண்ண வேண்டும் என்ற எண்ணம் கொண்டவை என்று விஞ்ஞானிகள் முடிவுக்கு வந்தனர்.

விலங்குகளின் உடலமைப்பை அடிப் படையாக வைத்து ‘ரோபோ’க்களை உருவாக்க பல ஆராய்ச்சிகள் நடக்கின்றன.

சீனாவில் நுகர்வோருக்கான ரோபோக் களை தயாரிக்கும், ‘வின்கிராஸ்’ என்ற நிறுவனத்தின் விஞ்ஞானிகள் ‘ஹெக்சா’ என்ற சிலந்தி வடிவ ரோபோவை வடிவ மைத்துள்ளனர்.

தன்னை சுற்றியுள்ளவற்றை உணர ஹெக்சாவுக்குள் பல உணரிகளும், ஒரு கேமராவும் உள்ளன. கேமரா வழியே தெரியும் காட்சி உட்பட, ரோபோ சிலந் தியை கட்டுப்படுத்த ஒரு திறன்பேசி செயலியும் உருவாக்கப்பட்டுள்ளது.

லினக்ஸ் மென்பொருளை வைத்து ஹெக்சாவுக்கென, ‘மைண்ட்’ என்ற இயங்கு தளத்தையும் வின்கிராஸ் விஞ்ஞானிகள் படைத்துள்ளனர்.

சமதளம், கரடு முரடான தரை, படிக்கட்டு என்று எந்தப் பரப்பிலும் தானே ஏறி முன்னேறும் திறன் படைத்தது இந்த சிலந்தி ரோபோ.
இதன் ஆறு கால்களை தனித்தனியே கட்டுப்படுத்தாமல், பொது வாக போகும் திசையை மட்டும் திறன் பேசி மூலம் கட்டுப்படுத்தினால் போதும்.

ஹெக்சாவை வாங்கி பயன்படுத்துபவர் களில் கணினி மென்பொருளை எழுதும் திறன் உள்ளவர்கள், ஹெக்சாவை இயக்கும் மென்பொருளை எழுதி, அதை மற்ற பய னாளிகளுடன் பயன்படுத்திக் கொள்ளவும் இணையத்தில் வசதிகளை செய்து கொடுத் துள்ளது வின்கிராஸ்.

Banner
Banner