பிர்மாவுக்குக் கல்தா!

படைப்புக் கடவுள் பிரம்மனுக்கு வேலை இல்லை

மனித உயிர் உருவாக்கத்தில் ஆண், பெண் சேர்க்கையில்லாமல் ஆய்வகத் திலேயே கருவை உருவாக்கிட முடியும் என்று 76ஆண்டுகளுக்கு முன்னால் (1942) தந்தை பெரியார் அவர்கள் தொலைநோக்குடன் இனி வரும் உலகம் நூலில் அறிவியலில் வளர்ச்சி ஏற்படும் என்று குறிப்பிட்டார். அதன்படி அறிவியலில் வளர்ச்சி ஏற்பட்டு, சோதனைக் குழாய் குழந்தை உருவானது.

1968ஆம் ஆண்டுகளில் பன்னாட்டளவில் சோதனைக் குழாய் குழந்தை பரிசோதனை செய்யப்பட்டு வந்த நிலையில், 25.07.1978ஆம் ஆண்டில் உலகின் முதல் சோதனைக் குழாய் குழந்தை வெற்றிகரமாக பிறந்தது.

மருத்துவர்கள் ராபர்ட் எட்வர்ட்ஸ், பேட்ரிக் ஸ்டெப்டோ ஆகியோரின் தொடர் ஆராய்ச்சியின் பயனாய் உலகின் முதல் சோதனைக் குழாய் குழந்தை பிறந்தது. இங்கிலாந்து ஓல்டுஹாம் நகரில் பொதுமருத் துவமனையில் லூயிஸ் ஜாய் பிரவுன் எனும் சோதனைக் குழாய் குழந்தையை லெஸ்லி பிரவுன் எனும் பெண்மணி ஈன்றெடுத்தார். மருத்துவரின் ஒன்பது ஆண்டுகால தொடர் முயற்சியின் பயனாய் அவர் 38 வாரங்களில் கருவை சுமந்து சோதனைக் குழாய் குழந்தையை ஈன்றெடுத்தார்.

கடந்த 2017ஆம் ஆண்டு வரை பன்னாட் டளவில்  சுமார் 65 லட்சம் சோதனைக் குழாய் குழந்தைகளில் லூயிஸ் ஜாய் பிரவுன் முதலாமவர் ஆவார்.

கருமுட்டை, விந்தணு இல்லாமல்...

அறிவியல் வளர்ச்சியில் அடுத்த கட்ட நகர்வாக, கருமுட்டை, விந்தணுக்கள் இல்லாமல், ஸ்டெம் செல் எனப்படும் குருத்தணுக்களைக் கொண்டே உயிர் உருவாக்கம் செய்வதற்கான ஆராய்ச்சி அறிக்கை வெற்றிகரமாக அறிவியலாளர் களால் பன்னாட்டு சமூகத்தின் முன்பாக அளிக்கப்பட்டுள்ளது.

இன்று (2018ஆம் ஆண்டில்)   கருமுட்டை, விந்தணுக்கள் இல்லாமல் ஸ்டெம் செல்களைக்கொண்டே, உயிரை உருவாக்க முடியும் என்பதுதான் அறிவியலில்  வளர்ச்சி பெற்றுள்ள தகவலாகும். வேறுபட்ட இரண்டு வகையிலான குருத் தணுக்களைப் பயன்படுத்தி, ஆய்வுக்குழு ஆராய்ந்து வந்தது. ஆய்வில் மனிதக் கருவின் வளர்ச்சிக்கான தொடக்க நிலையை வெளிப்படுத்தியது.  இந்த குறிப்பிட்ட ஆய்வின்மூலமாக, புதிய கண்டுபிடிப்புக்கான வழி ஏற்பட்டது. வரையறை இல்லாத அளவுக்கு அதிகப்படியான குருத்தணுக் களைக் கொண்டு புதிதாக திறன்மிகுந்த கருக்களை உண்டாக்க முடியும் என்று தெரியவந்தது.  கருப்பையில் உள்ள கரு வளர்ச்சியில் உள்ள குறைபாடுகளைக் களைந்திடவும் இந்த ஸ்டெம் செல்கள் எனப்படும் குருத்தணுக்கள் மூலமாக சிகிச்சை மேற்கொள்ளமுடியும் என்பதும் கண்டறியப்பட்டது.

உயிர் உருவாக்கம், படைப்பு என்பது கடவுளின் செயல் என்று கூறப்பட்டு வரும் கருத்தை முறியடிப்பதாக இந்த அறிவியல் வளர்ச்சி உள்ளது.

உயிர்களை படைக்கின்ற பணியை கடவுள் தான் செய்துவருவதாக கூறப்பட்ட தற்கு மரண அடியாக இன்றைய அறிவியல் வளர்ச்சி காணப்படுகிறது.

மாஸ்டிரிட்ச் பல்கலைக்கழகத்தில் மெர்ல்ன் (MERLN) இன்ஸ்டிடியூட் மற்றும் நெதர்லாந்தில் உள்ள ஹப்ரெக்ட் இன்ஸ்டி டியூட்  (KNAW) ஆய்வுகள் நடத்தப்பட்டன.

டாக்டர் நிக்கோலஸ் ரிவ்ரான்

அறிவியலாளர் குழுவின் தலைவர் டாக்டர் நிக்கோலஸ் ரிவ்ரான் கூறியதாவது:

கரு உற்பத்தியில் ஆரோக்கியமான வளர்ச்சியை எட்டிடவும்,  சரியான பாதையை புரிந்துகொள்ளவும் எங்களின் ஆய்வு உதவியுள்ளது என்றார்.

கிளெமென்ஸ் வான் பிலிட்டர்ஸ்விஜிக்

மாஸ்டிரிட்ச் பல்கலைக்கழகத்தில் மெர்ல்ன் (MERLN) இன்ஸ்டிடியூட் கரு மருத்துவயியல் துறைத் தலைவர் பேராசிரியர் கிளெமென்ஸ் வான் பிலிட்டர்ஸ்விஜிக் கூறியதாவது:

உயிர் மருத்துவத்துறையில் புதிய நகர்வுக் கான பாதையை இந்த ஆய்வு திறந்து வைத்துள்ளது. பெரிய அளவிலான எண் ணிக்கையில் மாதிரி கருக்களை எங்களால் உருவாக்க முடியும். புதிய கருத்தாக்கங்களை உருவாக்க முடியும். புதிய மருத்துவ தொழில் நுட்பங்கள், சிறந்த மருந்துகளை உருவாக்க முடியும். விலங்குகளிடம் மேற்கொள்ளப் படுகின்ற ஆய்வுச் சோதனை களை  வியக்கத்தக்க அளவில் இந்த ஆய்வு முடிவுகள் குறைத்துவிடும் என்றார்.

அய்ரோப்பிய நாடாளுமன்றத்தில் 1997ஆம் ஆண்டு மனித குளோனிங் என்பது சட்ட விரோதமானது என்று கூறப்பட்ட நிலையில், அறிவியல் வளர்ச்சியில் எந்த ஓர் ஆபத்தும் கிடையாது என்று நிரூபணமாகி யுள்ளது. மருந்துகள் ஆய்வு, மலட்டுத்தன்மை குறித்த ஆராய்ச்சி களுக்கு மாறாக, இந்தத் துறையில் முன்னேற்றங்கள் ஏற்பட்டு வருகின்றன. ஸ்டெம் செல்கள் எனப்படும் குருத் தணுக்கள் மூலமாக மரபணு சிகிச்சை முறைகள் மருத்துவத்துறையில் நடை பெற்று வருகின்றன. குருதி வங்கி இருப்பதைப் போன்று, ஸ்டெம் செல் வங்கித்திட்டம் அண்மைக்காலமாக பெருகி வருகிறது. மரபியல் ரீதியில் உள்ள நோய்களான சிறுநீரக நோய், நீரிழிவு, புற்றுநோய் உள்ளிட்ட நோய்களை முற்றிலும் குணப் படுத்த ஸ்டெம் செல் சிகிச்சை முறை அளிக்கப்பட்டு வருகிறது.

அரசு மற்றும் தனியார் நிறுவனங்கள் குருத்தணுக்கள் சேமிப்புத்திட்டத்தை செயல்படுத்தி வருகின்றன. மகப்பேறின் போது துண்டித்து ஒதுக்கப்படுகின்ற தொப்புள் கொடியை துண்டித்து வீணாக் காமல், முன்னதாகவே உரிய மருத்துவ நிறுவனங்களிடம் பதிவு செய்துகொண்டால், முறையாக தொடர்ந்து பயன்படுத்தும் வகையில் தொப்புள் கொடியை அகற்றி சேமித்துக்கொள்ளும் பணிகளை மருத்துவ நிறுவனங்கள் ஸ்டெம் செல் சிகிச்சைக்காக ஸ்டெம் செல் வங்கித் திட்டம் செயல்படுத்தப் பட்டு வருகிறது.

இனி வரும் உலகம் நூலில் தந்தை பெரியார்

1942ஆம் ஆண்டில் செய்யாறு திருவத்திபுரத்தில் நடைபெற்ற திருமண விழாவில் தந்தை பெரியார் கலந்துகொண்டு உரையாற்றினார். அந்நிகழ்வில் தந்தை பெரியார் ஆற்றிய உரையை அண்ணா குறிப்பெடுத்து, தம்முடைய திராவிட நாடு இதழில் (21.1.1943, 28.1.1943) வெளியிட்டார். தந்தை பெரியார் ஆற்றிய திருமண விழா உரை, இனி வரும் உலகம் எனும் தலைப்பில் சிறு நூலாக திராவிடர் கழக வெளியீடாக வெளியிடப்பட்டது. சோதனைக் குழாயில் குழந்தை வளர்கின்ற படம் நூலின் அட்டையில் வெளியிடப்பட்டது.

இனி வரும் உலகம் நூலின் மறுபதிப்பில் பின் அட்டையில், அய்யாவின் (பெரியாரின்) கணிப்பு வென்றது என்று குறிப்பிடப்பட்டு, ஒரு தகவல் இடம் வெளியிடப்பட்டது. ஆண்-பெண் உடல் உறவு இல்லாமலே விஞ்ஞானிகள் செயற்கை முறையில் குழந்தைகளை உற்பத்தி செய்துள்ளனர். விஞ்ஞானிகளின் இந்தச் சோதனை வெற்றி அடைந்து விட்டது. இதுகுறித்து இங்கிலாந்து லீட்ஸ் பல்கலைக்கழக மகப்பேறு இயல் பேரா சிரியர் டாக்டர் டக்டஸ் ஈவிஸ் கூறியதாவது: சோதனைக் குழாய்களில் விந்துக்களைச் செலுத்தி, கருத்தறிப்பு நிகழ்ந்த பிறகு பெண் ணின் கர்ப்பப் பையில் அக்கரு செலுத்தப்படு கிறது. அப்படிச் செலுத்தப்பட்டு, மூன்று செயற்கைக் குழந்தைகள் உருவாக்கப்பட் டுள்ளன. அம் மூன்று குழந்தைகளில் ஒன்று பிரிட்டனில் பிறந்துள்ளது. ஒரு குழந்தை பிறந்து 18 மாதமாகின்றது. மூன்று குழந்தை களும்  நலமுடன் வளர்ந்து வருகிறது.

-16.7.1974 பத்திரிகைச் செய்தி

தந்தை பெரியார் ஆற்றிய உரையில் குறிப்பிடுகையில்,

...பிள்ளைப்பேறுக்கு ஆண் - பெண் சேர்க்கை என்பதுகூட நீக்கப்படலாம். நல்ல திரேகத்துடனும், புதிய நுட்பமும், அழகும், திடகாத்திரமும் உள்ள பிரஜைகள் ஏற்படும் படியாக பொலிகாளைகள்போல் தெரிந் தெடுத்து மணி போன்ற பொலிமக்கள் வளர்க்கப்பட்டு, அவர்களது வீரியத்தை இன்ஜெக்ஷன்மூலம் பெண்கள் கருப் பைகளுக்குள் செலுத்தி நல்ல குழந்தை களைப் பிறக்கச் செய்யப்படும். ஆண் - பெண் சேர்க்கைக்கும், குழந்தை பெறுவ தற்கும் சம்பந்தமில்லாமல் செய்யப்பட்டு விடும். மக்கள் பிறப்பு கட்டுப்படுத்தப்பட்டு ஓர் அளவுக்குள் கொண்டுவந்துவிடக் கூடும்... இனி வரும் உலகம் நூலில் மேலும் பல்வேறு கருத்துகளைத் தெரிவித்துள்ளார். அன்று தந்தை பெரியார் குறிப்பிட்ட சிந்தனைகள் இன்று செயல்வடிவில் உள்ளன.

அறிவியல் வளர்ச்சி அடைந்துகொண்டே இருக்கிறது. மனிதனின் பகுத்தறிவால் அறிவியலில் முன்னேற்றம் பெற்று வருகிறான். இது பன்னாட்டளவில் இருந்து வருகிறது. ஆனால், இந்துத்துவா ஆட்சி நடத்திவரும் ஆர்.எஸ்.எஸ். பாஜகவின் ஆட்சியில் எல்லா நிலைகளிலும் பிற்போக்கு நிலை தொடர்ந்து கொண்டிருக்கிறது.

-ந.கதிரவன்

நாகர்கோவில், மே 14 மிகப் பெரிய செயற்கைக் கோளான ஜி சாட் 29, ஜி சாட் 7 மற்றும் அதிநவீன தொழில்நுட்பத்துடன் கூடிய செயற்கைக் கோள்கள் மிக விரைவில் விண்ணில் செலுத்தப் படும் என்று இஸ்ரோ தலைவர் சிவன் தெரிவித்தார்.

இதுகுறித்து நாகர்கோவில், சரக்கல்விளையில் அவர்  அளித்த பேட்டி: நிகழாண்டு இஸ்ரோ அதிக அளவில் செயற்கைக் கோள்களை விண்ணில் செலுத்த திட்டமிட்டு உள்ளது. குறிப்பாக 5 டேட்டா ரேட் கொண்ட மிகப்பெரிய செயற்கைக் கோளான ஜி சாட் 29 விண்ணில் செலுத்தப்பட உள் ளது. அதனைத் தொடர்ந்து ஜி சாட் 7 விண்ணில் செலுத்தப்பட உள்ளது.

மேலும் பல செயற்கைக் கோள்கள் செலுத்த இருக்கிறோம். 10 க்கும் மேற்பட்ட செயற்கைக் கோள்களை உருவாக்க முயற்சி நடைபெறுகிறது. நிச்சயம் நிகழாண்டு முடி வுக்குள் குறைந்தது 8 செயற்கைக் கோள்களை விண்ணில் ஏவ திட்டமிட்டு உள்ளோம்.

அடுத்த ஆண்டு (2019) 13 செயற்கைக் கோள்களை தயார் செய்ய திட்டமிட்டு உள்ளோம். இஸ்ரோ சார்பில் செலுத்தப்படும் செயற்கைக் கோள்களின் பயன்கள் பாமர மக்களையும் சென்றடைய வேண்டும் என்பதே இஸ்ரோவின் விருப்பம். குறிப்பாக நாவிக் கருவிகள் தயாரிக்கும் பணிகள் முழு வீச்சில் நடைபெறுகிறது. அந்த பணிகள் முடிவடைந்ததும் தயாரிக்கப்பட்ட கருவிகள் மீன வர்களுக்கு வழங்கப்படும். அது அவர்களுக்கு பயனுள்ளதாக அமையும்.

இதே போன்று விவசாயிகள் உள்பட அனைவருக்கும் பயன் படும் வகையில் புதிய கருவிகள் உருவாக்கப்படும். சந்திரயான் 2 செயற்கைக்கோள் உருவாக்கும் பணி நிறைவு பெறும் நிலையில் உள்ளது. தொழில்நுட்ப சோதனை முடிந்த பின்னர் நிகழாண்டின் இறுதியில் விண்ணில் செலுத்தப் படும். சூரியனை ஆராய சன் மிஷன் செயற்கைக் கோள் மிக விரைவில் செலுத்தப்பட உள்ளது.


பிரிட்டனின் தொழிலதிபர் ரிச்சர்ட் பிரான்சன் துவக்கியுள்ள, ‘வர்ஜின் ஹைப்பர்லுப்’ என்ற நிலத்தடி அதிவேக ரயில் சேவை, பயணியருக்கானது மட்டுமே.

ஆனால், அது மூன்று ஆண்டுகளில் இயங்கவிருக்கும் அபுதாபி, மும்பை நகர்களில் உள்ள துறைமுகங்களிலிருந்து, உள்நாட்டுக்கு சரக்குகளை மணிக்கு, 1,000 கி.மீ., வேகத்தில் எடுத்துச் செல்ல முடியும் என்கிறது. இதற்கான ‘வர்ஜின் கார்கோ ஸ்பீட்’ மூலம். ‘சரக்கு லாரியின் கட்டணத்திற்கு, விமான வேகத்தில்’ சரக்குகளை சிந்தாமல், சிதறாமல், கெடாமல் பொருட்களை கொண்டு சேர்க்க முடியும் என்று பேச்சுவார்த்தை நடத்தி வருகிறது வர்ஜின் ஹைப்பர்லுப்.

நீரிலிருந்து, ‘பசுமை’ எரிபொருள்

தண்ணீரில் ஹைட்ரஜன் ஏராளம். சுற்றுச்சூழலுக்கு மாசு ஏற்படுத்தாத எரிபொருளான ஹைட்ரஜனை, மலிவாக, விரைவாக நீரிலிருந்து பிரிக்கும் தொழில்நுட்பத்தை, இங்கி லாந்திலுள்ள எக்செட்டர் பல்கலைக் கழகத்தை சேர்ந்த, கோவிந்தர் சிங் பவார் தலைமையிலான விஞ்ஞானிகள் குழு கண்டுபிடித்துள்ளது.

லாந்தானம் இரும்பு ஆக்சைடு (3) என்ற நானோ துகள்களால் அவர்கள் உருவாக்கிய ஒரு குறைகடத்தி, சூரிய ஒளியை உள்வாங்கி நிகழ்த்தும் வேதிவினை, நீரின் மூலக்கூறுகளான ஆக்சிஜனையும், ஹைட்ரஜனையும் பிரித்தெடுக்கிறது.இந்த வேதிவினைக்கு, சூரிய ஒளியைத் தவிர வேறு எந்த கிரியா ஊக்கியும் தேவையில்லை.

இந்த தொழில்நுட்பத்தை மேலும் செம்மையாக்க, எக்செட்டர் பல்கலைக்கழக விஞ்ஞானிகள் ஆய்வு செய்து வருகின்றனர். ஹைட்ரஜனை வாகன எரிபொருளாகவும், மின்சாரம் தயாரிப்பதற்கு மூலப்பொருளாகவும் பயன்படுத்தலாம்.
ஹைட்ரஜன் எரிவதால் வெளியேறும் ஒரே கழிவுப் பொருள்  தண்ணீர்தான்!

பூமியின் காந்தசக்தி குறைகிறதா?

தென் அட்லாண்டிக் கடல் பகுதியில், சிலி நாட்டிலிருந்து, ஜிம்பாப்வே வரையிலுள்ள பகுதியில், பூமிக்கு இயற்கையிலேயே உள்ள காந்த விசை குறைவாக இருப்பதாக விஞ்ஞானிகள் கண்டறிந் துள்ளனர். இந்த குறைபாடு, 1958லேயே கண்டறியப் பட்டதுதான் என்றாலும், இந்த பகுதியின் காந்த விசை, ஆண்டுகள் செல்லச் செல்ல குறைந்த படியேதான் உள்ளது என்பதை, அண்மையில் இங்கிலாந்து, ஜெர்மனி மற்றும் அய்ஸ்லாந்து விஞ்ஞானிகள் உறுதி செய்துள்ளனர்.

அப்படியென்றால், பூமிக்கு ஏதாவது பாதிப்புகள் வருமா? முதலில் புவியீர்ப்பு விசைக்கும் இதற்கும் தொடர்பில்லை என்பதை தெரிந்துகொள்வது அவசியம். இரு பொருட்களின் எடையை வைத்து, பெரிய பொருள் சிறிய பொருளை ஈர்த்துக்கொண்டே இருக்கும் என்பது பிரபஞ்ச விதி. இதன்படி பூமி எனும் ராட்சதப் பந்து, அதன் மீதுள்ள மானிடப் பதர்கள் உட்பட அனைத்தையும், தன்னை நோக்கி ஒரே வேகத்தில் ஈர்த்தபடியே உள்ளது. இதுதான் புவியீர்ப்பு விசை.
ஆனால், பூமியின் காந்த விசை, தென், வட புலங்களைக் கொண்டு, பூமியை காக்கிறது. பிர பஞ்சம் வீசும் ஆபத்தான கதிர்கள் உள்ளே வராமல் தடுக்கக்கூடிய கவசமாகவும், திசைகளை உணர்த்தும் புலமாகவும் அது இருக்கிறது. சரி, ஏன் குறிப்பிட்ட இடத்தில் அந்த விசை குறைவாக இருக்கிறது? இதற்கு மூன்று நாட்டு விஞ்ஞானிகளும் சொல்லும் விளக்கம் என்ன தெரியுமா? பூமியின் வட, தென் துருவ காந்தப் புலம் இரண்டு அல்லது மூன்று லட்சம் ஆண்டுகளுக்கு ஒரு முறை இப்படி துருவங்கள் திருப்பிப்போடப்படுவது நடக்கிறது.

அதன்படி, கடைசியாக துருவ மாற்றம் ஏழு லட்சம் ஆண்டுகளுக்கு முன் நடந்தது. ஆனால், தென் அட்லாண்டிக் பகுதியில் புவியின் காந்தம் பலவீனமாக இருப்பதை வைத்து, துருவ மாற்றம் ஏற்படும் என, சொல்லிவிட முடியாது என்று விஞ்ஞானிகள் தெரிவித்துள்ளனர்.துருவங்கள் மாறும் தருவாயில், பிரபஞ்ச கதிர்வீச்சு அதிகம் பூமியின் வளி மண்டலத்திற்குள் வரலாம் என்றாலும், பலர் அவ நம்பிக்கையாளர்கள் கணிப்பதைப் போல பேரிடர்கள் ஏதும் நிகழாது.

அதிகபட்சமாக, நாம் பழைய திசைமானிகளை விட்டுவிட்டு, புதிய திசைமானிகளை வாங்கவேண்டி யிருக்கும் என்கின்றனர், ‘நாசா’ விஞ்ஞானிகள்.

8 நிமிடத்தில் மின் காரை சார்ஜ் செய்யலாம்!

சுவிட்சர்லாந்தை சேர்ந்த, ஏ.பி.பி., நிறுவனம் அதிவேகமாக சார்ஜ் ஆகும் வாகன மின்னேற்றியை அறிமுகப்படுத்தியுள்ளது. இந்த சார்ஜர் நிலையத்தில், 8 நிமிடங்களில் செய்யும் சார்ஜை வைத்து, ஒரு மின்சார காரால், 200 கி.மீ., பயணிக்க முடியும். எனவே, மின் வாகன பிரியர்கள் மத்தியில், ஏ.பி.பி., டெர்ரா ஹை பவர் டீ.சி. சார்ஜர் வரவேற்பை பெற்றுள்ளது.

பெட்ரோலிய கார்களை பல நாடுகள் அடுத்த, 20 ஆண்டுகளில் தடை செய்ய திட்டமிட்டு வருகின்றன. இந்த நிலையில் மின்சார கார்களை வாங்க பலரும் ஆர்வம் காட்டி வருகின்றனர். இருந்தாலும், நடுவழியில் பேட்டரி தீர்ந்துவிட்டால், மணிக் கணக்கில் நின்று சார்ஜ் செய்யவேண்டி வருமே என்ற தயக்கம் அவர்களை தடுக்கிறது.

இன்று சந்தையில் உள்ள டெஸ்லா, ஜி.எம்., நிசான் போன்ற நிறுவனங்களின் மின்சார கார்கள், வீட்டில் இரவு நேரத்தில் சில மணி நேரம் மின்னேற்றம் செய்து பயன்படுத்தும் வகையில் தயாரிக்கப்படுகின்றன. டெஸ்லாவின் சூப்பர் சார்ஜர் பேட்டரி நிலையங்களில், 20 நிமிடங்கள் சார்ஜ் செய்தால், 50 சதவீத பேட்டரி நிரம்பி, 273 கி.மீ., பயணிக்கலாம்.

ஆனால், ஏ.பி.பியின் டெர்ரா ஹைபவர் டீ.சி., நிலையத்தில், 8 நிமிடத்தில் சார்ஜ் செய்து, 200 கி.மீ., தூரம் பயணிக்க முடியும் மின் வாகன பேட்டரிகள் சார்ஜ் ஆகும் வேகம் அதிகரிக்க, அதிகரிக்க, அவற்றின் பயன்பாடும் அதிகரிக்கும்.
செவ்வாயில் ஏற்படும் நில நடுக்கங்களை ஆராயப் போகும் செயற்கைக் கோள்

செவ்வாய்க் கோளின் உள் அமைப்புகளை ஆராய்வதற்காக ‘இன்சைட்’ என்ற செயற்கைக் கோளை சனிக்கிழமை ஏவியது அமெரிக்க விண்வெளி ஆய்வு நிறுவனமான நாசா.

இந்த செயற்கைக் கோள் வரும் நவம்பர் மாதம் செவ்வாயில்

தரையிறங்கும். பிறகு செவ்வாயின் தரைப்பரப்பில் சீஸ்மோமீட்டர் எனப்படும் நிலநடுக்க ஆய்வுக் கருவியைப் பொருத்தி, செவ்வாய் கோளின் நிலநடுக்கங்களை இக்கருவி உணர்ந்து ஆராயும்.

செவ்வாயின் தரையின் உள்ளே இருக்கும் பாறை அடுக்குகளின் தன்மையை இந்த அதிர்வுகள் மூலம் அறியமுடியும். இந்த ஆய்வின் மூலம் கிடைக்கும் தரவுகளை பூமியின் தரவுகளோடு ஒப்பிடுவதன் மூலம் 460 கோடி ஆண்டுகளுக்கு முன்பு கோள்கள் உருவான விதம் பற்றிய புதிய விளக்கங்களைப் பெற முடியும்.

“செவ்வாயின் நிலநடுக்க அதிர்வுகள் மாறுபட்டப் பாறைகளின் ஊடாகப் பரவும்போது, அந்தப் பாறைகளின் தன்மைகள் தொடர்பான தகவல்களை அதிலிருந்து பெறமுடியும்“ என்று விளக்குகிறார் இன்சைட் பயணத்தின் முதன்மை ஆய்வாளரான டாக்டர் புரூஸ் பேனர்ட்.

“சீஸ்மோமீட்டர் பதிவு செய்யும் சீஸ்மோகிராம் என்னும் அதிர்வு வரைபடத்தின் ஏற்ற இறக்கங்களில் இருந்து இந்தத் தகவல்களை எப்படித் திரட்டுவது என்று விஞ்ஞானிகளுக்குத் தெரியும். வெவ்வேறு திசைகளில் நடக்கும் பல பல செவ்வாய் நடுக்கங்களைப் பற்றிய தரவுகளைத் திரட்டிய பிறகு செவ்வாயின் உள் அமைப்பைப் பற்றிய ஒரு முப்பரிமாண சித்திரத்தை உருவாக்க முடியும்,” என்கிறார் அவர்.

கலிஃபோர்னியா மாகாணத்தில் உள்ள வேண்டன்பெர்க் விமானப்படைத் தளத்தில் இருந்து அட்லாஸ் ராக்கெட் மூலம் உள்ளூர் நேரப்படி காலை 04.05 மணிக்கு இன்சைட் செயற்கைக் கோள் ஏவப்பட்டது. அந்த நேரத்தில் வானில் அடர்த்தியான பனிப்புகை சூழ்ந்திருந்தது செயற்கைக் கோள் ஏவுவதை பாதிக்கவில்லை.

வைக்கிங் தரையிறங்கிகள் மூலம் 1970களிலேயே சீஸ்மோமீட்டர் கருவிகளை செவ்வாய்க்கு அனுப்பியது நாசா. ஆனால், தரையிறங்கிகளின் உடலிலேயே இருக்கும்படியாக வடிவமைக்கப்பட்ட அந்தக் கருவிகளால் செவ்வாய்த் தரையில் இருந்து அதிர்வுகளை உணர முடியாமல் போனது.

காற்று வீசிக்கொண்டிருக்கும் நிலையில் தரையிறங்கி அதிரும் சத்தத்தை மட்டுமே அந்தக் கருவிகளால் பதிவு செய்ய முடிந்தது. ஆனால், அதற்கு மாறாக, இன்சைட் செயற்கைக் கோள் நேரடியாக தனது சீஸ்மோமீட்டரை செவ்வாயின் தரையில் பொருத்தவுள்ளது.

பூமியில் நடந்தால் நடந்ததுகூடத் தெரியாமல் மக்கள் தூங்கக்கூடிய அளவு மிக மென்மையானவை இவை. ஆனால், இவ்வளவு மென்மையான நடுக்கங்களேகூட, செவ்வாயின் தரைக்குக் கீழே உள்ள அமைப்பு பற்றிய போதிய தகவல்களை தரக்கூடியவையாக இருக்கும். இதைக் கொண்டு செவ்வாயின் அடியாழங்களைப் பற்றியும், அமைப் பைப் பற்றியும் விஞ்ஞானிகள் ஒரு மாதிரியை உருவாக்கமுடியும் என்கின்றனர்.

Banner
Banner