செடிகள் பச்சையம் தயாரிக்க சூரிய ஒளியை பயன்படுத்தும் விதத்தில், ஒரு குறையை கண்டுபிடித்துள்ளது சர்வதேச விஞ்ஞானிகள் குழு.

அது என்ன குறை? தாவரங்களில், ‘ரூபிஸ்கோ’ என்ற என்சைம் உள்ளது. இந்த என்சைம், ஒளிச்சேர்க்கை நிகழும் போது, கார்பன்டையாக்சைடு மூலக்கூறுகளை ஈர்த்து, பச்சையம் தயாரிக்கிறது.

ஆனால், அவ்வப்போது ஆக்சிஜன் மூலக்கூறுகளையும் ரூபிஸ்கோ ஈர்த்து விடுகிறது. இதனால், தாவரங்களின் உடலில் நச்சுகள் சேர்ந்து விடுகின்றன.

இந்த நச்சை, ஒளி சுவாசம் - போட்டோ ரெஸ்பைரேஷன் என்ற வேதிவினை மூலம், தாவரங்கள் அகற்ற வேண்டியிருக்கிறது.

இந்த வேதிவினைக்காக, ஒரு தாவரம் சேகரிக்கும் ஆற்றலில், கணிசமான ஆற்றல் வீணாகிறது என்கின்றனர் விஞ்ஞானிகள். இந்த ஆற்றல் செடியின் வளர்ச்சிக்கு மடை மாற்றப்பட்டால், செடியின் வளர்ச்சியும், அதன் காய், கனி, பூக்கள் போன்ற விளைச் சலும் கணிசமாக அதிகரிக்கும்.

‘சயின்ஸ்’ இதழில் வெளியாகியுள்ள கட்டு ரையின்படி, விஞ்ஞானிகள், தாவரங்களின் மரபணுவில் எளிய மாற்றத்தை செய்ததன் மூலம், செடிகளின் வளர்ச்சியும், மகசூலும், 40 சதவீதம் வரை அதிகரிக்க முடியும்.

கார்பன் டை ஆக்சைடை மட்டும் ஈர்க்கும் வகையில், மரபணு மாற்றம் செய்யப்பட்ட புகையிலை செடி, மற்றும் சாதாரண புகை யிலை செடிகளை வைத்து, ஆய்வகத்தில் இரண்டு ஆண்டுகள் சோதித்ததில், மரபணு மாற்றப்பட்ட செடி அதிவேகமாக, அதிக இலைகளுடன் வளர்ந்திருப்பதை உறுதி செய்தது, விஞ்ஞானிகள் குழு.

அது மட்டுமல்ல, தாங்கள் உருவாக்கிய செடிக்கு, 25 சதவீதம் குறைவான தண்ணீரே தேவைப்பட்டது எனவும், அவர்கள் கண்டறிந்துள்ளனர்.

விலையுயர்ந்த உரங்களைக் கொட்டாமல், ஒளிச்சேர்க்கை முறையில் மட்டும் திருத்தம் செய்து இந்த வெற்றி கிடைத்துள்ளதால், அடுத்த சில ஆண்டுகளில், வளரும் நாடுகளி லுள்ள சிறு விவசாயிகளுக்கு, இந்த தொழில் நுட்பத்தை கொண்டு சேர்க்க வேண்டும் என, விஞ்ஞானிகள் தீர்மானித்து உள்ளனர்.

பிளாஸ்டிக் கடலில் கலப்பது பெரும் சிக்கல். அதே கடலில் உள்ள உயிரியைக் கொண்டு, இயற்கையான பிளாஸ்டிக்கை உற்பத்தி செய்ய வழி இருந்தால் எப்படி இருக்கும்?

காலப்போக்கில் சிதையும், ‘பயோ பிளாஸ்டிக்‘ எனப்படும் உயிரி பிளாஸ்டிக்கை தயாரிக்கும் தொழிற் சாலைகள் ஏற்கெனவே வந்துவிட்டன. ஆனால், உயிரி பிளாஸ்டிக்குகளை தயாரிக்க அதிக நீரும், நிலமும் தேவைப்படுகின்றன.

எனவே தான், டெல் அவிவ் பல்கலைக்கழகத்தைச் சேர்ந்த விஞ்ஞானிகள், கடலிலேயே ஒரு தீர்வை கண்டுபிடித்துள்ளனர். கடலில் வளரும் இலைக் கோசு தாவரத்தை, ஒருவகை நுண்ணுயிரிக்கு உணவாக அளித்தனர், விஞ்ஞானிகள்.

அந்த நுண்ணுயிரிகள் வெளியேற்றும் கழிவில் பி.எச்.ஏ., என்ற உயிரி பிளாஸ்டிக் பாலிமர் இருந்தது. அதைக் கொண்டு தயாரிக்கப்படும் உயிரி பிளாஸ்டிக், விரைவில் சிதைந்து மட்கிப் போகும் தன்மையுடன் இருக்கிறது. மேலும், இந்த வகை உயிரி பிளாஸ்டிக்கால் மண்ணுக்கும், சுற்றுச்சூழலுக்கும் எந்தவித நச்சுத் தன்மையும் ஏற்படுவதில்லை.

தண்ணீர் தட்டுப்பாடும், மக்கள் தொகையும் அதிக முள்ள சீனா, இந்தியா போன்ற நாடுகள், பெட்ரோலியப் பொருட்களை வைத்து பிளாஸ்டிக்கைத் தயாரிப்பதற்கு பதில், தங்களது புதிய தொழில்நுட்பத்தின் மூலம், உயிரி பிளாஸ்டிக்கை தயாரிக்கலாம் என்கின்றனர், டெல் அவிவ் விஞ்ஞானிகள். இதனால் நல்ல நீரும், சுற்றுச்சூழலும் பாதுகாக்கப்படும்.

ஏற்கெனவே உள்ளதுதான். என்றாலும் அதிலும் சில புதுமைகளைப் புகுத்தியிருக்கிறது எல்.ஜி., திரையில் லாமல், தொலைக்காட்சி நிகழ்ச்சிகளையும், திரைப் படங்களையும் பார்க்க உதவும் புரஜக்டர்கள் வீட்டுப் பயன்பாட்டுக்கு வந்து பலகாலம் ஆகிவிட்டது.

என்றாலும், புரஜக்டரில் உள்ள ஒரு சிக்கல், ஒளிக் கற்றைக்குக் குறுக்கே யாராவது நடந்துபோனால், கையைக் காட்டினால், காட்சியில் நிழல் விழும். இந்தக் குறையை போக்க, சுவருக்கு, 2 அங்குல துரத்தில் வைத்தால் முழுமையாக, துல்லியமாக படத்தைக்காட்டும், ‘சினி பீம்‘ என்ற புரஜக்டரை எல்.ஜி., விரைவில் அறிமுகப்படுத்தவிருக்கிறது.

சுவரிலிருந்து, 2 அங்குல தொலைவில் வைத்தால், 90 அங்குல அகலத்திற்கு சினி பீம் படம் காட்டுகிறது. அதிலிருந்து தொலைவை அதிகரித்தால், இன்னும் பெரிய அளவில் படம் தெரியும்.

சுவரில் அல்லது திரையில் படத்தைக் காட்டுவது லேசர் கதிர்கள் என்பதால், காட்சிகளின் விளிம்பில்கூட பிசிறு இருக்காது என்கிறது, எல்.ஜி., மேலும், தொலைக்காட்சி சேனல்களை மாற்ற மேஜிக் ரிமோட் என்ற புதுமையான ரிமோட்டையும் எல்.ஜி., வடிவமைத் துள்ளது.

அல்லது வீட்டிலிருப்பவர்களின் குரல் கட்டளை களையும் கேட்டு ஒலியை கூட்டிக் குறைக்கவும், காட்சி களை சரி செய்யவும், சேனல்களை மாற்றவும் முடியும். ஜனவரி, 2019இல் நடக்கவுள்ள உலகப் புகழ்பெற்ற சி.இ.எஸ்., கண்காட்சியில் சினி பீம் அறிமுகமாக இருக்கிறது.

Banner
Banner