செவ்வாய் கிரகத்தில் வீசும் காற்றின் ஓசையைக் கேட்டது நாசாவின் ஆய்வுக் கலத்தில் ஓர் அங்கமாக உள்ள பிரிட்டன் சாதனம்.

செவ்வாய் கிரகத்தை ஆராய்வதற்கு நாசா அனுப்பிய ‘இன்சைட் லேண்டர்’ ஆய்வுக் கலத்தில் இணைத்து அனுப்பப்பட்ட பிரிட்டிஷ் பூகம்ப ஆய்வுக் கருவியான சீஸ்மோமீட்டர், ஆய்வு வாகனத்தின் சோலார் பேனல்களை கடந்து சென்று செவ்வாய் கோளின் காற்றின் ஓசையைப் பதிவு செய்துள்ளது.

ஆய்வுக் கலத்தின் பக்கவாட்டுகளில் அமைந்துள்ள சோலார் பேனல்கள் சிறப்பான ஒலி வாங்கிகள் என்கிறார் பேராசிரியர் டாம் பைக். இவர் லண்டன் இம்பீரியல் கல்லூரியில் இருந்து இந்த பூகம்ப ஆய்வுக் கருவி சோதனையை வழிநடத்துகிறார்.

“இன்சைட் ஆய்வுக் கலம் தமது காதுகளைக் கூர்மையாக வைத்துக் கேட்பதைப் போன்றது இது”. இந்த காற்றால் ஏற்பட்ட அதிர்வை கொடிக் கம்பத்தில் உள்ள கொடி காற்றில் அசைவதுடன் ஒப்பிடுகிறார்.

காற்றை இடைமறித்து கொடி அசையும்போது அலைவரிசையில் ஏற்ற இறக்கங்கள் ஏற்பட்டு அதனை மனிதக் காதுகளால் கேட்க முடிகிறது. இதையே கொடி படபடக்கிறது என்கிறோம் என்கிறார் அவர்.

இன்சைட் ஆய்வுக் கலத்தில் உள்ள அழுத்தத்தை உணரும் கருவியும் காற்று கடந்து போனதைப் பதிவு செய்துள்ளது.

வடமேற்கு திசையில் இருந்து தென்கிழக்கு திசையை நோக்கி இந்த காற்று வீசும் வேகம், விநாடிக்கு 5 முதல் 7 மீட்டர் வேகத்தில் இருக்கலாம் என்று விஞ்ஞானிகள் மதிப்பிடுகின்றனர்.

இந்த திசையில் காற்றுவீசும்போது விட்டுச் சென்ற தூசுப் படிமங்கள் இருப்பதைக் காட்டும் படங்கள் சொல்லும் செய்தியுடன் இந்தக் கண்டுபிடிப்பும் ஒத்துப் போகிறது.

ஆறுமாத காலம் பயணித்து செவ்வாய்க்கு சென்ற இந்த ஆய்வு வாகனம் நவம்பர் 26ஆம் தேதி செவ்வாயில் தரையிறங்கியது. அத் துடன் இது செவ்வாயின் சுற்றுப்புறங்களையும் ஆராய்ந்துவருகிறது.

உலகெங்கும் பழைய அணு உலைகளை நிர்வகிப்போர், அதை நிறுத்திவிட்டு பத்திரமாக பிரித்தெடுப்பது எப்படி என்று சிந்திக்க ஆரம்பித்துள்ளனர்.

தானியங்கி ரோபோக்கள் திணறுகின்றன. தொலைவியக்க ரோபோக்களை பயன்படுத்து வதிலும் சிக்கல். காற்று நிரப்பிய பிளாஸ்டிக் உடை கதிரியக்கத்தை தடுக்கும். என்றாலும், அதை வெகுநேரம் அணிந்தால் பணியாளரின் உடல் வெந்து விடும்.

எனவே படக்கதை நாயகன் டோனி ஸ்டார்க் வடிவமைத்த, அயர்ன் மேன் கவசம் போல ‘எக்சோஸ்கெலட்டன்’ உடையை வடிவமைக்க, இங்கிலாந்திலுள்ள பிரிஸ்டால் பல்கலைக்கழக விஞ்ஞானிகள் திட்டமிட்டுள்ளனர்.

இந்த கவசத்தை ‘அணிந்துகொள்ளக்கூடிய ரோபோ’ எனலாம்.

கதிரியக்கமுள்ள காற்றை சுவாசிப்பது, கதிரியக்க பொருட்கள் உடலில் படுவது போன்ற ஆபத்துக் களை அயர்ன் மேன் பாணி உடை தடுக்கும்.

மேலும், தலைக் கவசத்தில் உள்ள ‘மேம்பட்ட மெய்நிகர்’ திரை, பணியாளருக்கு வழிகாட்டும். விண்வெளி வீரர்களுக்கான உடைகளையே வடி வமைத்த விஞ்ஞானிகளுக்கு இது சாத்தியமே.

அய்ரோப்பிய விண்வெளி முகமை ஏவிய பெபிகொலம்போ விண்கலனின், நான்கு அயனி உந்திகளை விஞ்ஞானிகள் வெற்றி கரமாக இயக்கி சோதித்துப் பார்த்துள்ளனர்.

புதன் கிரகத்தை நோக்கி, 9 பில்லியன் கி.மீ., தொலைவுப் பயணத்தை பூமியிலிருந்து, கடந்த அக்டோபர் 20 அன்று துவங்கியது பெபிகொலம்போ.

ஏழு ஆண்டுகள் நீடிக்கவுள்ள இந்தப் பயணத்தின்போது, அது செல்லும் பாதையை சரி செய்யவும், வேகமாகச் செல்லவும் அயனி உந்திகளை அய்ரோப்பிய முகமை விஞ்ஞானிகள் பொருத்தியுள்ளனர்.

கனமான வேதி எரிபொருட்களையும், தீப் பிளம்பையும் கக்கும் உந்திகளுக்கு மாற்றாக உருவாக்கப்பட்டவை தான் இலகு ரக அயனி உந்திகள்.

தன் பயணத்திற்கு உந்துதலாக பூமி, வெள்ளி மற்றும் புதன் ஆகிய கோள்களின் ஈர்ப்பு விசைகளை லாவகமாகப் பயன்படுத்தி முன்னேறும் வகையில் தான் பெபிகொலம்போ வடிவமைக்கப்பட்டுள்ளது.

இருந்தாலும், அதன் பாதையை அவ்வப் போது, திருத்திக் கொள்வதற்காக அயனி உந்திகள் பயன்படுத்தப்படவுள்ளன.

பிரிட்டனைச் சேர்ந்த கியூனெடிக் தயாரித்துள்ள, ‘டி6’ என்ற அயனி உந்திகள், ஜெனான் வாயு அணுக்களை எரிபொருளாகப் பயன்படுத்துகின்றன. ஒவ்வொரு உந்தியும், 22 செ.மீ., விட்டம் கொண்டவை.

சூரிய ஒளி மூலம் மின்சாரத்தை உற்பத்தி செய்யும் ஒரு மின்னுட்டக் கருவி, ஜெனான் வாயு அணுக்களை அயனி மயமாக்கி வெளியேற்றும்.

அப்படி அயனிகள் உந்தியின் வழியே வெளியேறும்போது, நொடிக்கு 50 கி.மீ., வேக விசை பெபிகொலம்போவுக்கு கிடைக்கும். வேதிப் பொருள்களால் ஆன வழக்கமான உந்திகள் சில நிமிடங்கள் முதல், சில மணி நேரங்களுக்கே உந்து சக்தியைத் தரும்.

ஆனால், அயனி உந்திகளால் நாள் கணக் கில், ஏன் வாரக் கணக்கில் உந்து சக்தியை தரவல்லவை.

பெபிகொலம்போ இன்னும் பூமிக்கு அருகாமையில் தான் பயணித்துக் கொண்டி ருப்பதால், இப்போதே விஞ்ஞானிகள் அதை சோதித்துப் பார்த்துள்ளனர்.

அது வெகு தொலைவுக்குப் போன பிறகு, அக்கலனிலுள்ள கணினிகள், அயனி உந்தி களை இயக்கி பயணத்தை தொடரும்.

Banner
Banner