மாட்டுக் கறி என்றாலே சர்ச்சைதான். சில ஆண்டு களாக, மாட்டிறைச்சியின் செல்களை ஆய்வகத்தில் வைத்து வளர்க்கும் சோதனைகள் வெற்றி கண்டுள்ளன. அத்தகைய ஆய்வக இறைச்சிக்கும், அசல் மாட்டிறைச்சிக்கும் சுவையில் அதிக வித்தியாசம் இல்லை. எனவே, விரைவில் அத்தகைய இறைச்சியை பெருமளவில் தயாரிக்கும் முயற்சி, அமெரிக்காவில் துவங்கியிருக்கிறது.

உடனே அந்நாட்டின் கால்நடை வளர்ப்போர் சங்கம், போர்க்கொடியை உயர்த்தியிருக்கிறது. பண்ணை அல்லது புல்வெளிகளில் மேய்த்து வளர்த்து, வெட்டி விற்கப்படும் இறைச்சிதான் மாட்டிறைச்சி என்பது அவர்கள் வாதம். எனவே, ‘பீப்’ எனப்படும் ‘மாட்டுக் கறி’ மற்றும், ‘மீட்’ எனப்படும், ‘இறைச்சி’ ஆகிய இரு சொற்களையும், ஆய்வுக்கூட இறைச்சியை தயாரித்து விற்பனைக்கு விடவிருக்கும் நிறுவனங்கள் பயன்படுத்தவே கூடாது என, கால்நடை சங்கத்தினர் வழக்குத் தொடர்ந்திருக்கின்றனர்.

‘மெம்பிஸ் மீட்ஸ்’ என்ற ஆய்வக இறைச்சி நிறுவனம், 2021இல் தங்கள் ஆய்வக மாட்டுக்கறி விற்பனைக்கு வரும் என்று அறிவித்திருக்கிறது. ஆனால், ‘ஜஸ்ட்’ என்ற இன்னொரு ஆய்வகக் கறி நிறுவனம், 2018 டிசம்பருக்குள் தங்கள் மாட்டு செல்லில் விளைந்த மாட்டுக்கறியை, பெட்டிகளில் அடைத்து விற்கப்போவதாக அறிவித்திருக்கிறது.

தோற்றத்திலும், சுவையிலும் இயற்கை மாட்டுக் கறியைப் போலவே ஆய்வகத்தில் வளர்ந்த கறி இருப்பதோடு, மேய்சலால் ஏற்படும் சுற்றுச்சூழல் பாதிப்புகள் எதுவும் தங்கள் கறியால் ஏற்படாது என, அந்நிறுவனங்கள் மார்தட்டிக்கொள்கின்றன.

முக்கியமாக, இனி ஒரு மாட்டையும் இறைச்சிக்காக கொல்லவேண்டியிருக்காது என்றும் அவை தெரிவித்துள்ளன. பல சமையல் கலை பிரபலங்களிடம் தந்து சமைக்கச் சொல்லி, ‘ஆஹா, பேஷ், பேஷ்’ என்று பாராட்டுக்களையும் வாங்கியிருக்கின்றன மெம்பிஸ் மற்றும் ஜஸ்ட் போன்ற நிறுவனங்கள்.

வண்ணங்களை பிரதிபலிக்கும் பாக்டீரியா

காலனி, காலனியாக உயிர்களின் உடலில் குடியேறி, நோய்களை பரப்பி, கொல்பவைதான் பாக்டீரியா என்று எல்லோருக்கும் தெரியும், ஆனால், அதே பாக்டீரியாவின் மரபணுக்களை திருத்தினால், நமக்கு பயனுள்ள வேலைகளையும் அவை செய்யும். கேம்பிரிட்ஜ் பல்கலைக் கழகமும், ஹோகோமைன் பி.வி., என்ற நிறுவனமும் இணைந்து, வண்ணங்களையும், சாயங்களையும் தயாரிக்க உதவும் பாக்டீரியாவை படைத்திருக்கின்றனர்.

‘பிளாவோ பாக்டீரியா’ என்ற ஒரு வகை பாக்டீரியாக்கள் வண்ணங்களை உமிழ்பவை. அவை குறிப்பிட்ட நிறமிகளை சுரப்பவை அல்ல. அவற்றின் உடலமைப்பு, ஒளியை பிரதிபலிக்கும்போது, நுண்ணோக்கி வழியே பார்க்கும் மனித கண்களுக்கு, குறிப்பிட்ட நிறங்களில் தெரிகின்றன என்பதை விஞ்ஞானி கள் கண்டறிந்தனர்.

மயிலின் தோகை, பட்டாம்பூச்சியின் இறக்கை போன்றவற்றிலும் இதே போன்ற ஒளிப் பிரதிபலிப்புதான் நம் கண்களுக்கு வண்ணங்களை காட்டுகின்றன. எனவே, அடுத்த கட்ட ஆராய்ச்சியில், பாக்டீரியாக்களின் மரபணுவில் மாற்றங்களை செய்து, குறிப்பிட்ட வண்ணங்களை, வண்ணக் கலவைகளை, அல்லது வண்ணமே இல்லாத வகையிலும் பாக்டீரியாக்களை உருவாக்கியுள்ளனர் விஞ்ஞானிகள்.

சில ஆண்டுகளில் நச்சுத் தன்மை இல்லாத, இயற்கையான வண்ணப் பூச்சுக்களை உருவாக்க இந்த ஆய்வு உதவும் என்கின்றனர், கேம்பிரிட்ஜ் விஞ்ஞானிகள்.
பலப்படுத்தப்படும் உலக விதைக் காப்பகம்!

இயற்கைப் பேரிடராலோ அல்லது மனிதர்களின் அழிவுச் செயலாலோ உணவுப் பயிர்கள் பூண்டோடு அழிந்துபோனால் என்ன செய்வது? அப்படி அசம்பாவிதம் நிகழ்ந்தால், அதிலிருந்து தப்பிக்கத் தான், ‘ஸ்வால்பார்டு உலக விதைக் காப்பகம்‘, 2008ல் உருவாக்கப்பட்டது.

நார்வேயிற்கும், வட துருவத்திற்கும் இடைப் பட்ட ஒரு பகுதியில் அந்த விதைக் காப்பகம் கட்டப்பட்டு, அதில் உலக நாடுகளிடமிருந்து சேமிக்கப்பட்ட 8.90 லட்சம் வகை பயிர்கள், தாவரங்களின் விதைகள் பத்திரப்படுத்தப் பட்டுள் ளன. ஆனால் பாருங்கள், கடந்த ஆண்டு நார் வேயின் உறைபனிப் பகுதியில் பருவநிலை மாற்றத்தால் பனி உருக ஆரம்பித்தது. இதனால், பூமிக்கடியில் சுரங்கம் போலக் கட்டப்பட்டுள்ள விதைக் காப்பகத்தின் ஒரு பகுதிக்குள் நீர் புகுந்துவிட்டது.

பத்து ஆண்டுகள் ஆகிவிட்டதால், சுரங்கக் கட்டடத்தை புதுப்பிக்கவும், மாற்று பாதுகாப்பு ஏற்பாடுகள் செய்யவும், நார்வே அரசு, 83 கோடி ரூபாய் நிதியை ஒதுக்கி உடனடியாக வேலையை துவங்கி,விட்டது.

சுவர்களை பலப்படுத்துவது, காப்பகத்தினுள், விதைகள் கெட்டுப்போகாமல் இருக்க, தட்ப வெப்பத்தை சீராக வைப்பது, மின்சாரம் தொடர்ந்து கிடைக்கும்படி செய்வது ஆகியவற்றுக்கு இந்த நிதி செலவிடப்படும்.

சில ஆண்டுகளுக்கு முன் சிரியாவில் யுத்தத்தால் பயிர்கள் நாசமானதால், ஸ்வால்பார்டிடம் கொடுத்து வைத்திருந்த விதைகளை வாங்கிச் சென்றது. பிறகு, 2015இல் எடுத்த விளைச்சலில் கிடைத்த விதைகளை மீண்டும் ஸ்வால்பார்டிடமே ‘டிபாசிட்’ செய்தது. எதிர்கால உலக உணவு வினியோகத்தில், ஸ்வால்பார்டுக்கு நிச்சயம் ஒரு இடம் இருக்கும்.

குளு குளு தலைக்கவசம்!

மோட்டார் சைக்கிளில் செல்பவர்கள் தலைக்கவசம் அணிய வேண்டும் என்று கடுமையான சட்டங்கள் கொண்டு வந்தாலும், அதை மீறுபவர்கள்தான் அதிகம். ஹெல்மெட் அணிவதால் தலையில் ஏற்படும் கடும் புழுக்கமே இதற்கு காரணம்.

அபராதம் விதிக்கும் போக்குவரத்து காவல்துறையினரிடம் வாகன ஓட்டிகள் இதைக் கூற முடியாது. இந்தப் பிரச்சினைக்குத் தீர்வு காணும் வகையில், தலையை குளு குளுவென வைத்துக் கொள்ளவும், வியர்க் காமல் தவிர்க் கவும் “ஏசி’ தலைகவசத்தை அய்தராபாத்தைச் சேர்ந்த இளைஞர்கள் கவுஸ்துப் கவுன்டின்யா, சிறீகாந்த் கொமுல்லா, ஆனந்த் குமார் ஆகி யோர் தயாரித்துள்ளனர்.

கல்லூரியில் பயில தினந்தோறும் 60 கி.மீ. தூரம் மோட்டார் சைக்கிளில் சென்று வந்த போதுதான் ஏசி தலைக்கவசத்தைத் தயாரிக்க வேண்டும் என்ற எண்ணம் ஏற்பட்டதாகவும், 2016-இல் படிப்பை முடித்தவுடன் ஏசி தலைக் கவசத்துக்கான ஆய்வுகளில் இறங்கி விட்ட தாகவும் கவுஸ்துப் தெரிவித்தார்.

முதல்கட்டமாக, தொழிற்சாலைகளில் பயன்படுத்தப்படும் ஏசி ஹெல்மெட்டுகளை இவர்கள் தயாரித்து வெற்றி கண்டுள்ளனர்.

2 மணி நேரம் பேட்டரி சேமிப்புத் திறன் கொண்ட தொழிற்சாலை ஏசி ஹெல்மெட்டை ரூ. 5,000 விலையிலும், 8-மணி நேரம் பேட்டரி திறன் கொண்ட ஏசி தலைக் கவசத்தை ரூ. 5,500 விலையிலும் இவர்கள் விற்பனை செய்து வருகின்றனர்.

சாதாரண தலைக்கவசங்களை விட 250 கிராம் கூடுதல் எடை கொண்ட இந்த குளு  குளு தொழிற்சாலை ஏசி தலைகவசங்களை மொபைல் போன் பேட்டரிகளைச் சார்ஜ் செய்து போல சார்ஜ் கொள்ளலாம்.

இந்திய கடற்படை கப்பல்களில் அடித் தளத்தில் பணியாற்றும் தொழிலாளர்களுக்கும், டாட்டா மோட்டார் நிறுவனம் தனது தொழிற் சாலையில் பணியாற்றும் தொழிலாளர் களுக்கும் இந்த தலைக்கவசங்களை வாங்க முன்வந்துள்ளன.

மாதம்தோறும் 1000 ஏசி தலைக்கவசங் களைத் தயாரிக்கும் வகையில், தொழிற்சாலை அமைக்க இந்த இளைஞர்களுக்கு தெலங் கானா அரசும் உதவிக்கரம் நீட்டியுள்ளது. இருசக்கர வாகன ஓட்டிகளுக்கான ஏசி தலைக்கவசங்களை உருவாக்கும் பணியில் இவர்கள் மும்முரமாக ஈடுபட்டுள்ளனர்.

உள்ளூர் சந்தைகளிலேயே கிடைக்கும் 85 சதவீத பொருள்களைக் கொண்டே இவர்கள் ஏசி தலைக்கவசங்களை தயாரிக்கின்றனர் என்பது இதன் சிறப்பு அம்சமாகும்.


26.08.1928 - குடிஅரசிலிருந்து...

பார்ப்பனரல்லாதார் தலைவர்களாகிய திருவா ளர்கள் கோவை சட்டசபை அங்கத்தினரான ராவ்பகதூர், சி.எஸ். இரத்தின சபாபதி முதலியார் அவர்களும், மதுரை சட்டசபை அங்கத்தினர் திருவாளர் பி.டி. இராஜன் அவர்களும், சென்னை திருவாளர் ஏ. ராமசாமி முதலியார் அவர்களும், தென் இந்திய ரயில்வே தொழிலாளர்கள் நெருக்கடி விஷயமாக சென்னை கவர்னர் துரை அவர் களைப் பேட்டி கண்டு பேச வேண்டுமென்று தெரியப்படுத்திக் கொண்டதற்கேற்ப கவர்னர் துரையவர்களும் சம்மதித்து பேட்டி கொடுத்துப் பேசினார்கள்.

தூது சென்ற கனவான்கள் மூவரும், தொழிலா ளர்களை ரயில்வேக் காரர்கள் கொடுமைப் படுத்திய விஷயங் களையும் சர்க்கார் அதிகாரிகள் அடக்கு முறை மூலம் தொழிலாளர்களுக்கு செய்த அநீதிகளையும் பற்றி விரிவாய் எடுத்துச் சொன்ன தின் பேரில் கவர்னர் துரைய வர்கள் யாவற்றையும் பொறுமையாய் வெகு அனுதாபத் துடன் கேட்டு இதுவிஷயத்தில் தம்மால் கூடியதைச் செய்வதாக வாக்களித்ததாகத் தெரிய வருகிறது.

பொதுவாக தொழிலாளர் தலைவர்களில் சிலர் மீதும் தொழிலாளர்களின் அனுதாபமும் பலர் மீதும் ஸ்தல அதிகாரிகள் 144 உத்திரவு பிரயோகித்து அடக்கினதைப் பற்றியும் இது விஷயமாய் சில இடங்களில் வழக்குத் தொடுத்ததைப் பற்றியும் கவர்னர் துரையும் மற்றும் அவரது நிர்வாக சகாக்களும் மனவருத்தமடைந்ததாகவும் தெரிய வருகின்றது. பலாத்காரமான செய்கைகளில் சம் பந்தப்பட்டதாக போதுமான ருஜு கிடைக்கப்பெற்று நடவடிக்கை எடுத்துக் கொள்ளப்பட்டவர்கள் விஷயங்கள் தவிர, மற்றபடி தொழிலாளர்கள் விஷயத்திலும் பிரச் சாரகர்கள் விஷயத்திலும் அனுதாபிகள் விஷயத்திலும் ஸ்தல அதிகாரிகள் எடுத்துக் கொண்ட முறைகளைப் பற்றியும் வழக்குகளைப் பற்றியும் தங்கள் முழுக் கவனத் தைச் செலுத்தி அவைகளுக்குப் பரிகாரம் தேடு வதாக வாக்களித்திருப்பதாகவும் தெரிய வரு கின்றது. சட்ட மெம்பரின் நிர்ப்பந்தத்தின் மீதிலேயே பல இடங்களில் ஸ்தல அதிகாரிகள் பிரயோகித்த 144 பாணங்களை திருப்பி வாங்கிக் கொள்ள நேர்ந்ததாகவும் தெரிகின்றது.

போலீஸ் இலாகா மெம்பரின் நிர்ப்பந்தம் காரண மாகவே ஸ்தல போலீஸ் அதிகாரிகளின் அக்கிரம அடக்குமுறை வழக்குகளைப் பின் வாங்கிக் கொள்ளச் செய்ய வேண்டிய நிலைமை யேற்படும் போலவும் தெரிகின்றது. பொதுவாக இந்தத் தூதுக் கூட்டம் கவர்னர் துரை அவர்களை பேட்டி கண்டதின் பயனாக அவசர மானதும் அனாவசியமானதுமான அடக்கு முறைகள் ஸ்தல அதிகாரி களின் அதிகார துஷ்பிரயோகத்தாலேயே ஏற்பட்டதாக அதிகாரிகள் உணர்வ தாகத் தெரியவருகிறது.

ஆனாலும் ஒரு தடவை தங்கள் அவசரப்புத்தி யாலும் அறியாமையாலும் செய்த காரியங்களைப் பற்றி பிடிவாத மாயிராமல் தங்கள் குற்றங்களை உணர்ந்து அவற்றிற்கு பரிகாரம் செய்து கொள்ள ஸ்தல அதிகாரிகளுக்கு சந்தர்ப்பம் அளிக்கப்பட்டி ருப்பதாகவும் தெரியவருகின்றது.

ஆனபோதிலும் இம்மாதிரியான காரியங்களினா லெல்லாம் தொழிலாள சகோதரர்களுக்கு எவ்வித நன்மையாவது ஏற்பட்டுவிடக் கூடும் என்று நாம் நினைப்பதற்கில்லை ஏனெனில் இதெல்லாம் கண்ணைத் துடைக்கும் காரியமே யொழிய காரியத்தில் எவ்வித அனுகூலத்திற்கும் ஏற்றதாகாது. மற்றபடி தொழிலாளர்கள் வேலை நிறுத்தத்திற்குக் காரணமாயிருந்த குறைகள் ஏதாவது கவனித்து பரிகாரம் செய்யப்படுமானால் அதைப் பற்றி மாத்திரம் நாம் திருப்தி யடைய இடமுண்டாகும். ஆனால் அது மாத்திரம் கவர்னர் துரை அவர் களாலோ அல்லது வைசிராய் துரையவர்களாலோ கூடச் செய்யக் கூடிய காரியமல்ல வென்பதும் நமக்குத் தெரியும்.

ஏனெனில் வைசிராய் துரைகளும், கவர்னர் துரைகளும், ரயில்வே துரைகளும் பிரிட்டிஷ் என்பதான ஒரு தாய் வயிற்றுப் பிள்ளைகள். இப்படியிருக்க, ஒருவர் செய்யும் மோசத்தை மற்றொருவர் காட்டிக் கொடுக்க முன்வரு வார் களா? அன்றியும் அதற்குத் தக்கபடி அவர்களை நிர்ப்பந்திக்கவாவது நம்மிடம் ஏதாவது மார்க்கமி ருக்கிறதா?
தேசிய இயக்கங்கள் என்பதும் தேசியத்தலை வர்கள் என்பவர்களும் ரயில்வேக்காரர் களுடை யவும், சர்க்காரு டையவும் சிப்பந்திகளாகவும் உள் உளவுக்காரர்களாகவும் இருக்கத் தக்கவர்களாகி விட்டார்கள்.

எனவே என்றைக் காவது தொழிலாளர்களும் கூலிக் காரர்களும் இந்த நாட்டில் சுயமரியாதை யோடும், சுதந்திரத்தோடும் பிழைக்க வேண்டுமானால் இம்மாதிரி போலி இயக்கங் களையும் போலித்தலைவர்களையும் நம்மால் அவர்கள் காலிலே அவர்கள் நிற்கும்படியான நிலைமை ஏற்பட வேண்டும். அம்மாதிரி நிலைமை பெறுவதில் சில தடவை நழுவிவிழுந்தாலும் குற்றமில்லை. மற்றபடி சுய மரியாதை யில் மாத்திரம் கவனம் இருந்து கொண்டு வந்தால் போதுமானது என்றே சொல்லுவோம்.

விஸ்வ நேசன்
- 02.09.1928,- குடிஅரசிலிருந்து... -

திருவாளர்கள் கா. சுப்பண்ண ஆச்சாரியார் அவர்களும், ந. நல்லய்ய ஆச்சாரியார் அவர்களும் ஈரோட்டிலிருந்து விஸ்வ நேசன் என்பதாக ஒரு புதிய வாராந்திர பத்திரிகை நடத்துவதாக ஏற்பாடு செய்து வருவதாகத் தெரிகின்றது. அது சீக்கிரத்தில் வெளியாகலாமென்றும் நினைக்கின்றோம். அப்பத்திரிகையானது ஏனைய சில சமுகப் பத்திரிகைகள் போலவும் அரசியல் புரட்டுப் பத்திரிகைகள் போலவும் வயிற்றுப் பிழைப்புப் பத்திரிகைகள் போலவும் அரைத்த மாவை அரைத்துக் கொண்டே இருக்கின்றது என்பது போல் ஒவ்வொரு விஷயத்திலும் பார்ப்பனர்களையும் அவர்களது சமய பழக்க வழக்கங்களையும் பின்பற்றிக் கொண்டு கண்மூடித்தனமாய் நடப்பதாக இல்லாமல் சுதந்திரத்துடன் தனது சொந்த அறிவுக்கு மரியாதை கொடுத்து தற்காலம் நமது மக்களுக்கு வேண்டியதான வழிகளில் செல்லும் என்பதாக உறுதிகொண்டு அதை வரவேற்கின்றோம். அன்றியும் அதன் அதன் பத்திராதி பராக இருக்கப் போகும் திரு. கா. சுப்பண்ண ஆச்சாரியார்வர்கள் ஒத்துழையாமை காலத்தில் ஈரோட்டில் சர்க்காரின் அக்கிரம உத்திரவை மீறி சிறை சென்றவர். இப்போதும் தொழிலாளர் விஷயமாகவும் ஈரோட்டில் சர்க்காரால் போடப்பட்ட அநியாய உத்தரவை மீறினதாக கைது செய்யப்பட்டு, திரு. ஈ.வெ. ராமசாமி நாயக்கர் முதலியவர்களுடன் விசாரணையிலிருப்பவர். எனவே இப்பேர்ப்பட்ட அவரது ஆதிக்கத்தில் அப்பத்திரிகை நடைபெறும் வரையில் அது பெரிதும் சுயமரியாதைக் கொள்கைகளையே ஆதாரமாய்க் கொண்டு நடைபெறும் என்பதும் நமது உறுதி. ஆதலால் இத்தகைய பத்திரிகையைப் பொதுமக்கள் ஆதரிக்க வேண்டுகின்றோம்.

இதைவிட வேறு சாட்சி வேண்டுமா?
26.08.1928 - குடிஅரசிலிருந்து...

தென்னாட்டு பார்ப்பனர்கள் ஒத்துழையா மையை ஒழித்து திரு. காந்தியையும் மூலை யில் உட்கார வைத்துவிட்டு ஒத்துழை யாமையில் ஜெயிலுக்குப் போனவர்களுடை யவும் திரு. காந்தியவர்களுடையவும் செல் வாக்கையும் உபயோகப்படுத்திக் கொண்டும், அவர்களுடைய பெயர்களைச் சொல்லிக் கொண்டும் ஒன்று இரண்டு வருஷம் சட்டசபைத் தேர்தல்களிலும ஜில்லா, தாலுகா முனிசிபாலிட்டி முதலிய ஸ்தலஸ்தாபனத் தேர்தல்களிலும் பார்பபனரல்லாதாருக்கு விரோதமாகவும் தங்கள் ஆதிக்கத்திற்கு அனுகூல மாகவும் எவ்வளவு தூரம் தலைக் கொழுப்புடன் காரியங்கள் செய்யலாமோ அவ்வளவும் செய்தார்கள். இதற்குச் சில பார்ப்பனரல்லாத வயிற்றுச் சோற்றுக் கூலிகளும் தங்கள் சுயநலத்தை உத்தேசித்து தங்கள் மானத்தை விற்று பார்ப் பனருக்கு எவ்வளவு தூரம் அடிமையாய் இருந்து கொண்டு பார்ப்பனரால்லா தாருக்கு எவ்வளவு இடையூறு செய்யக் கூடுமோ அவ்வளவும் செய்தார்கள். அந்தச் சமயத்தில் குடி அரசு ஒன்றுதான் தைரியமாய் தனி வீரனாக நின்று இந்தப் புரட்டுகளை எவ்வளவு தூரம் வெளியாக்கி அதனால் ஏற்பட்ட கெடுதிகளை எவ்வளவு தூரம் ஒழிக்கலாமோ அவ்வளவு தூரம் ஒழிக்க முன் வந்தது. இந்தக் காரணத்தால் குடி அரசும் அதன் ஆசிரியரும் திரு. ராமசாமி நாயக்கரும் பெரிய தேசத் துரோகிகளானதும் வாசகர்கள் உணர்ந்ததே யாகும்.

ஆனால் கெட்டிக்காரன் புளுகு எட்டு நாளையில் வெளியாய்விடும் என்பதுபோல் அடுத்து தேர்தல்கள் வருவதற்குள்ளாகவே பார்ப்பனர்களு டையதும் அவர்களது வால்களாகிய வயிற்றுச் சோற்று தேசபக்தர் களுடையவும் புரட்டுகள் வெளியாகி இப் போது இந்தக் கூட்டம் வெளியில் தலை காட்டுவதற்குக் கூட யோக்கியதை யில்லாமல் முக்காடிட்டு மூலையில் உட்கார்ந்து கொள்ள நேரிட்டது.

உதாரணமாக சென்னை கார்ப்பரேஷன் கவுன்சிலர் தேர்தல்களிலும் வெளி முனிசிபல் கவுன்சிலர்கள் தேர்தல்களிலும் சுயராஜ்யக் கட்சிக்கு வெற்றி காங்கிரசுக்கு வெற்றி என்று மொச்சைக் கொட்டை பருமனுள்ள எழுத்துக்களில் விளம்பரம் செய்துகொண்டு வந்த தேசிய பத்திரிகைகளும் தேசிய தலைவர்களும் இப்போது இருக்குமிடம் கூட தெரியவில்லை. ஒரு தேர்தலி லாவது சுயராஜ்யக் கட்சி சார்பாகவோ காங்கிரஸ் சார்பாகவோ ஆட்களை நிறுத்தியதாகவும் தெரியவில்லை.

தேசத்துரோக கட்சியென்று பார்ப்பனர் களாலும் அவர்களது கூலிகளாலும் சொல்லப் பட்ட ஜஸ்டிஸ் கட்சித் தலைவர்களும் மற்ற வர்களும் நின்றவிட மெல்லாம் வெற்றி பெற்று வருவதோடு அவர்களுக்கு போட்டி யாக ஆட்களை நிறுத்துவதற்குக் கூட காங்கிரசுக்காரருக்கு தைரியமில்லாமல் போய் விட்டது.

இந்த வருடத்திய சென்னைத் தேர்தலில் திரு. ஏ.ராமசாமி முதலியார் அவர்கள் சென்னை கார்ப்பரேஷனில் இரண்டு இடங்களில் ஏக காலத்தில் அபேட்சகராய் நின்றதில் மேல் கண்ட இரண்டு ஸ்தானங் களிலும் போட்டியில் லாமலே வெற்றி பெற்றார் என்றால் மற்றபடி வேறு என்ன உதாரணம் வேண்டும்.

நிற்க, காங்கிரஸ் பேரால் ஒரே ஒரு தொழிலாளர் நிறுத்தப்பட்டதில் அவர் மிகப் பெறுமித ஓட்டுகளால் நன்றாய் தோல்விய டைந்தார். சென்ற வருஷம் தொழிலாளர் சார்பாய் நின்ற கனவான் தனியாக தொழிலாளர் என்ற முறையில் நின்றதால் காங்கிரஸ்காரர்கள் பல ஆயிரம் ரூபாய் செலவு செய்து அவரை எதிர்த்தும் கூட அத் தொழிலாளர் வெற்றி பெற்றார். இவ்வருஷம் காங்கிரஸ் பெயரைச் சொல்லிக் கொண்டு நின்றதன் பயனாகவும், காங்கிரஸ் தலைவர் களாகி யவர்கள், காங்கிரஸ் வரவேற்புக் கமிட்டித் தலைவர், திரு. முத்துரங்க முதலியார், திரு. கல்யாண சுந்தர முதலியார் முதலியவர்களும் மற்றும் பல தேசிய வீரர்களும் பாடுபட்டும் தெருத்தெருவாய் பிரசங்கித்தும் தலையில் கையை வைத்துக் கொள்ள நேர்ந்து விட்டது. எனவே காங்கிரஸ் புரட்டும் தேசியப் புரட்டும் மக்களுக்கு நன் றாய் வெளியாய்விட்டதற்கு இதைவிட வேறு சாட்சி வேண்டுமா என்று கேட்கின்றோம்.


அதிக உறுதி கொண்ட அலுமினிய அலோகம் ஒன்று, அமெரிக்க மற்றும் சீன விஞ்ஞானிகளின் கூட்டு முயற்சியால் உருவா கியிருக்கிறது.

உருக்கு இரும்புடன் ஒப்பீட்டால், அலுமினியம் எளிதில் தோற்றுவிடும். ஏனெனில், அலுமினியம் மென்மையான, பலம் குறைவான உலோகம். இதனால் தான், வேறு உறுதி யான உலோகங்களைக் கலந்து, அலுமினியத்தை பயன்படுத்துகின்றனர்.

அப்படியும்கூட அலுமினிய உலோகம் அதிக வலுகொண்டதாக இருப்பதில்லை. ஆனால், அமெரிக்காவின் பர்டியூ பல்கலைக் கழகம், சீனாவின் ஷாங்காய் பல்கலைக்கழகம், உள்ளிட்ட இரு நாட்டு விஞ்ஞானிகள், அலுமினி யத்தின் மூலக்கூறு கட்டமைப்பில் மாறுதல்களை செய்து, வலுவான அலுமினியத்தை உருவாக்கு வதில் வெற்றி கண்டுள்ளனர்.

ஆய்வுக்கூடத்தில் சோதித்துப் பார்த்தபோது, இரும்பு உருக்கை விட, அவர்கள் கண்டுபிடித்த புதிய வகை அலுமினியம் வலுவானதாக இருப் பது தெரியவந்தது. அதே சமயம் இரும்பைவிட இலகுவானதாகவும் அது இருக்கிறது.

இதனால், கட்டடங்களிலும், கன ரக உலோகம் தேவைப்படும் தொழில்துறைகளிலும், சைக்கிள் மற்றும் விமான தயாரிப்பு தொழில்களிலும், இந்த புதியவகை அலுமினியம் பயன்படும், என ஆராய்ச்சியாளர்கள் தெரிவித்துள்ளனர். இவர் களது ஆய்வு, ‘அட்வான்ஸ்டு மெட்டீரியல்ஸ்’ இதழில் அண்மையில் பதிப்பிக்கப்பட்டுள்ளது.

விவசாயப் பணிகளில் ஈடுபடும் ரோபோ!

ஜெர்மனியில் பெருமளவில் விளையும் வெள்ளரிக் காய்களை பறிக்க, ரோபோ ஒன்றை வடிவமைத்திருக்கிறது, பிரான்ஹோபர் என்ற நிறுவனம். வெள்ளரிக்காய்களை மனிதர்கள் நிமிடத்திற்கு, 13 என்கிற வீதம் பறிப்பர்.
ஆனால், அவர்களுக்கு அதிக சம்பளம் தரவேண்டியிருப்பதால், வெள்ளரி விவசாயம் கட்டுப்படியாகாமல் போனது.

எனவே அய்ரோப்பிய யூனியனின் விவசாயத் துறையும், சில ரோபோ ஆய்வு நிறுவனங்களும் சேர்ந்து, ‘கேட்ச்‘ என்ற, வெள்ளரி பறிக்கும் ரோபோவை தயாரித்து உள்ளனர்.

பச்சை இலைகளுக்கு நடுவே, பச்சையாக இருக்கும் வெள்ளரிகளில், நன்கு விளைந்தவைகளை பறிக்க வேண்டும். வெளிச்சம் போதாத, இண்டு இடுக்குகளில், காய்த்தவைகளை எட்டிப் பறிக்கும்போது, செடி வேரோடு வந்துவிடக்கூடாது. பிஞ்சுகளை பறித்து விடக்கூடாது.

இத்தனை சிக்கல்கள் இருந்தாலும், அத்தனை வேலைகளையும், ‘கேட்ச்‘ ரோபோ சோதனை அறுவடையின்போது செய்து காட்டியிருக்கிறது.

ரோபோவுடன் இருக்கும் சிறப்பு ஒளிப்படக் கருவி, வெள்ளரிகளின் இருப்பிடம், அளவு போன்றவற்றை துல்லியமாக காட்டித்தர, இரு கரம் கொண்ட ரோபோ, நயமாக அதை மட்டும் பறித்து கூடையில் போடுகிறது.

சோதனைகளில் வெள்ளரி ரோபோ அசத்தி இருப்பதால், அடுத்த அறுவடைக்கு, கேட்ச் ரோபோ களமிறங்கப் போகிறது.

நான்கு கால்கள் கொண்ட ‘ரோபோ!’

‘ரோபோ’ உலகில் முன்னோடி யான பாஸ்டன் டைனமிக்ஸ், நான்கு கால்கள் கொண்ட, ‘ஸ்பாட் மினி’ ரோபோவை, 2016இல் அறிமுகப்படுத்தியது.

ஜப்பானின், ‘சாப்ட் பேங்க்‘ கூகுளிடமிருந்து விலைக்கு வாங் கிய அமெரிக்க ரோபோ நிறுவன மான பாஸ்டன் டைனமிக்ஸ், தற்போது, தன் ஸ்பாட் மினியின் அடுத்த பதிப்பை வெளியிட்டுள்ளது.

புதிய வடிவமைப்பு சற்று அழகாகவே இருக்கிறது. இதன் அறிமுகக் காணொளியில், ஒரு ஸ்பாட் மினி நான்கு காலில், ‘சலிங் சலிங்’ என்று நடந்து வருகிறது.

கதவு மூடியிருப்பதைப் பார்த்துவிட்டு, திரும்பச் செல்கிறது. உடனே, தலைக்கு மேல் ரோபோ கரம் கொண்ட இன்னொரு ஸ்பாட் மினி, நான்கு காலில் நடந்து வந்து, கதவை திறந்து பிடித்துக் கொள்கிறது. தயங்கி நின்ற ரோபோ, நடந்து, கதவு வழியே வெளியேறுகிறது. பின்னாலேயே கதவை சாத்திவிட்டு அந்த ஸ்பாட் மினியும் வெளியேறுகிறது.

இணையத்தில் வைரலாகி வரும் இந்த காணொளி, ரோபோவியலில் முக்கியமான மைல் கல் என்கின்றனர் வல்லுனர்கள்.

கண்ணை பார்த்தே இதயத்தை படிக்கும் மென்பொருள்!

ஒருவரது விழித்திரையின், ‘ஸ்கேன்’ மட்டும் இருந்தால், அதை வைத்தே, அவருக்கு இதயக் கோளாறு ஏதும் வருமா வராதா என்பதை கணிக்க முடியுமா... முடியும் என்கிறது, கூகுள் மற்றும் அதன் துணை நிறுவனமான வெரிலி லைப் சயன்சஸ் ஆகியவற்றை சேர்ந்த ஆய்வாளர்கள் செய்துள்ள ஓர் ஆய்வு.

இதய நோயால் பாதிக்கப்பட்ட மூன்று லட்சம் பேர், சில ஆண்டுகளுக்கு முன் எடுத்த விழித்திரை ஸ்கேன்களை சேகரித்தனர் , ஆராய்ச்சியாளர்கள்.

பின் அவற்றை, செயற்கை நுண்ணறிவு மென்பொருளிடம் கொடுத்து அலச கூறினர். நோயாளிகளின் பொதுவான உடல்நலத் தகவல்களுடன் அதை அலசிப் பார்த்து, இந்த நபருக்கு, அடுத்த அய்ந்து ஆண்டு களில் இதயம் தொடர்பான கோளாறு கள் வரக்கூடும் என, 70 சதவீத துல்லியத்துடன் கூகுளின் செயற்கை நுண்ணறிவு கணித்துச் சொல்லி விட்டது.

ஏற்கெனவே, இதய நோயை கணிக்க உதவும், ‘ஸ்கோர்’ என்ற சோதனை முறை, ரத்த மாதிரி களை வைத்து, 72 சதவீத துல்லியத்துடன் கணித்து வருகிறது. ஆனால், கூகுளின் சோத னைக்கு ஊசி குத்தி, ரத்தம் எடுக்க வேண்டிய தில்லை என்பது குறிப்பிடத்தக்கது.

இந்தியாவில் முதல் அதிவேக ரயில்!

இந்தியாவில், ஏன் உலகிலேயே, முதல் அதிவேக ரயில் திட்டத்தை செயல்படுத்தவி ருக்கிறது, ‘அய்ப்பர்லுப் ஒன்’.

மஹாராஷ்டிரத்தின் மும்பை - புனே நகர்களுக்கு இடையில் இத்திட்டத்திற்கான பூர்வாங்க ஆய்வுகளை அய்ப்பர்லுப் தொடங் கியுள்ளது.

பிரிட்டனை சேர்ந்த, வர்ஜின் குழுமத்தின் அதிபர் ரிச்சர்ட் பிரான்சனின் நிறுவனம்தான் அய்ப்பர்லூர் ஒன்.

காற்று குறைவான பெரிய குழாய்களில், சிறிய பெட்டிகளில் பயணியரையும், சரக்கு களையும் மணிக்கு, 1,126 கி.மீ., வேகத்தில் பயணிக்கச் செய்வதுதான், அய்ப்பர்லுப்பின் திட்டம்.

இதுவரை சில, கி.மீ., தூர சோதனை ஓட்டத்தை மட்டுமே நடத்தியிருந்தாலும், மஹாராஷ்டிர அரசு இத்திட்டத்தை தங்கள் பக்கம் ஈர்த்திருக்கிறது. இது, நடைமுறைக்கு வந்தால், மும்பையிலிருந்து புனேவுக்கு, 25 நிமிடங்களில் சென்றுவிட முடியும்.

ஆண்டுக்கு இரு நகரங்களுக்கும் இடையே, 1.5 கோடி பயணியரை கொண்டு செல்லலாம். இந்த பயணியர் கார், பஸ் போன்ற வாகனங் களை பயன்படுத்துவது தவிர்க்க முடியும். எனவே, ஆண்டுக்கு, 1.5 லட்சம் டன் கரியுமில வாயு காற்றில் கலப்பதை தடுக்கலாம் என, அய்ப்பர்லூப் ஒன் தெரிவித்துள்ளது.

பூர்வாங்க ஆய்வுகளைஅடுத்த ஆறு மாதங்களில் முடிக்கப்போவதாகவும், சோதனை தடம் ஒன்று அடுத்த மூன்று ஆண்டுகளில் தயாராகிவிடும் என்றும், ஏழு ஆண்டுகளில் முழு நீள தடம் போடப்பட்டு, அய்ப்பர்லுப் ஒன் சேவை துவங்கும் என்றும் அறிவிக்கப் பட்டுள்ளது.

Banner
Banner