தஞ்சை தேவஸ்தான கமிட்டியார் நாடார் களை தேவஸ்தான கமிட்டி அங்கத்தவர்களாய் நியமிக்கக் கூடாது என்றும் அவர்களுக்குக் கோவிலுக்குள் நுழைய அருகதை இல்லை யென்றும் ஒரு தீர்மானம் செய்து அரசாங்கத்துக்கு அனுப்பியிருக்கின்றார்களாம். இதை என்ன மாதிரி அயோக்கியத்தனம் என்று சொல்வது என்பது நமக்கு விளங்கவில்லை.

இதைப் பற்றி எந்த தேசிய பத்திரிக்கையும் எழுதாமல் சைமனே திரும்பிப்போ எல்லாம் நாங்களே சாதித்து விடுகின்றோம் என்கின்றன. சைமனைத் திரும்பி போக சொல்லும் சில நாடார் வாலிபர்கள் நாளைக்கு யாரிடம் இதைப் பற்றி சொல்வார்களோ தெரியவில்லை.

ஒரு கூட்டத்தார் தங்கள் வயிற்றுப் பிழைப்புக் கும் கூலிக்கும் சைமனைப் பகிஷ்கரிப்பதால் மற்றொரு கூட்டத்தார் தங்கள் அறியாமையால் பகிஷ்கார போலிகளுடைய மாய்கையில் சிக்கிவிடுகின்றார்கள்,  அய்யோ பாவம்!

பொய்ப் பெருமை

சென்னையில் சைமன் கமிஷன் வந்து இறங்கிய தினத்தில் வேறு யாருடையப் பிரயத்தனமும் இல்லாமல் பொது ஜனங்களாகவே வேலை நிறுத்தம் செய்ததாக, சொந்தத்தில் பெருமை சம்பாதிக்க யோக்கியதை இல்லா தவர்கள் தங்களது பொய்ப் பிரச்சாரத்தால் பெருமை அடைகிறார்கள். இது அமாவாசை அன்றைய தினம் சந்திரனுக்கு வெளிக்கிளம் பாமல் இருக்கும்படி உத்திரவு போட்ட வீரனின் பெருமைக்கே ஒக்கும். ஏனெனில் யார் சொன்னாலும் சொல்லாவிட்டாலும், பிராட்வே, சைனா பஜார் முதலிய முக்கிய வியாபார ஸ்தலங்களில் ஞாயிற்றுக்கிழமை தினம் பெரும் பான்மையான கடைகளை மூடிவிடுகின்ற வழக்கம் உண்டு என்பது, தெருப்பொறுக்கிக் கூட தெரிந்த விஷயம்.

அத்தோடு போலீசையும் தடபுடலையும், சென்ற மாதம் 3ஆம் தேதி காங்கிரஸ் காலித்தனத்தையும், கண்ட ஆசாமிகள் யாராவது இரண்டொருவர் அன்று வேறு வேலைக்குப் போயிருக்கவும் கூடும். உதாரணமாக, அனேக வக்கீல்களும் பார்ப்பன உத்தியோகஸ்தர்களும் கூட மூன்றாந்தேதி பயத்தினால் 26ஆம் தேதி தங்கள் பெண்டு பிள்ளை களை வேறு ஊருக்கு அனுப்பி விட்டதாகவும் கேள்வி. இதுவும் தேசியவீரர்களின் பிரச்சாரம் தான் போலும். இம்மாதிரி பொய்ப் பெருமையால் அரசியல் புரட்டர்கள் எத்தனை நாளைக்கு வாழ முடி யுமோ தெரியவில்லை.
இன்னும் அடி

சைமன் கமிஷன் அர்த்தாலின் போது பார்ப்பனர்களை அடிக்க ஆரம்பித்தது இன்னும் நிற்கவில்லை என்று தெரிகிறது. அதாவது சென்ற வாரத்தில் ஒரு உத்தியோகப் பார்ப்பனரை யாரோ சில காலிகள் வழிமறித்து நன்றாய்ப் புடைத்தார்களாம்! ரிக்ஷா வண்டிக்காரன் பயந்து ஓடினதற்கு ஓடாதே! ஓடாதே! உன்னை நாங்கள் அடிக்க வரவில்லை, இந்தப் பார்ப்பனனைத் தான் அடிக்க வந்தோம் என்று காலிகள் சொன் னார்களாம்! ஆனால் சிலர் அந்தப் பார்ப்பனரை அடிப்பதற்குக் காரணம் வேறு விதமாகவும் சொல்லிக் கொள்ளுகிறார்களாம்! அதாவது ஆபீசில் உத்தியோக தோரணையில் அவர் செய்யும் கொடுமையால் இம்மாதிரி ஏற்பட்ட தென்கிறார்களாம். எப்படி இருந்தாலும் இது மிகவும் ஆட்சேபிக்கத்தக்கது. எனவே இதை அடக்காமல் இருப்பது யோக்கியமல்ல.

சைமனுக்கு பாப்பனர்களின் விருந்து

சிறீமான் சர்.சி.பி.ராமசாமி அய்யர் என்கின்ற பார்ப்பனர் சைமன் கமிஷனுக்கு ஒரு விருந்து வைத்து பார்ப்பனர்களுக்கும் அழைப்பு அனுப்பி எல்லாப் பார்ப்பனர்களையும் அறிமுகம் செய்து வைத்ததோடு அவரிடம் பார்ப்பனப் பிரச்சாரமும் செய்யப்பட்டு விட்டது. இதைப்பற்றி பேசுவோர் யாருமில்லை. தேசிய வீரர்களும், தேசியப் பத்திரிக்கைகளும் தங்களை மறைத்துக் கொண் டன. பார்ப்பனரல்லாதார் யாராவது பகிஷ்காரப் புரட்டில் கலவா விட்டால் அல்லது பகிஷ்கார புரட்டர்களின் யோக்கியதையை வெளியாக்கி னால் அதற்கு பெயர் பக்தர்கள் பரவசமாம், அல்லது சர்க்கார் தாசர்களாம். என்னே அரசியல் அயோக்கியத்தனம்!

சைமனுக்கு சட்டசபை பகிஷ்காரம்

சைமன் சென்னையில் இருக்கும் தினத் தன்றே நமது தேசிய வீரப்புலிகள் சட்ட சபைக்குப்போய் தங்கள் பெயர்களைப் பதிவு செய்து பிரயாணப்படி வாங்கி வந்துவிட்டார்கள். காங்கிரஸ் சட்டசபைக் கட்சிக்காரர்களின் சட்ட சபை பகிஷ்காரக் கூச்சலுக்கு இதைவிட வேறு என்ன யோக்கியதை வேண்டும். இவர்களை நம்பி எத்தனையோ சோணகிரிகள் இன்னமும் ஏமாந்து போகிறார்கள் என்றால் இவர்களுக்கு என்ன மாதிரி சுயராஜ்யம் கொடுப்பது என்பது நமக்குப் புரியவில்லை.

அதிசய விருந்து

ஈரோட்டிற்கு சென்ற வாரம் முதல் மந்திரி வந்திருந்த சமயம் ஒரு விசேஷம் நடந்தது. அதாவது கோவை ஜில்லாவில் உள்ள கொங்கு வேளாள கனவான் களுக்குள்ளாகவே சிலர், அதாவது பட்டக்காரர்கள் என்கின்ற கன வான்கள் அந்தச் சமுகத்தார் பந்தியில்கூட உட்கார்ந்து உணவருந்தும் வழக்கம் இதுவரை நடந்ததில்லை. ஆனால் முதல் மந்திரிக்கு அளித்த விருந்தின்போது பட்டக்காரர்களில் மிக செல்வாக்குப் பெற்றுவரும் ஈரோடு தாலுகா போர்டு பிரசிடெண்டுமான பழைய கோட்டை பட்டக்காரர் சிறீராவ்பஹதூர் நல்ல தம்பிச் சர்க்கரை மன்றாடியார் அவர்கள் தாராளமாக இந்து முஸ்லீம் கிறிஸ்தவர்கள் ஆகிய கன வான்கள் அடங்கிய கூட்டத்தில் கலந்து சமமாய் இருந்து விருந்துண் டார்கள். இது மிகவும் முற்போக்கான காரியமாகும்.

இதைப் பின்பற்றியாவது அச்சமுகத்தில் மற்ற சாதாரண கனவான்கள் நடந்து கொள்ளக் கூடாதா? என்று ஆசைப்படுவதுடன் சிறீ பட்டக்காரர் அவர் களையும் அவர்களது தாராள நோக்கத்தை பாராட்டி மனதார வாழ்த்து கின்றோம்.

கல்யாணத்தின்போது பார்ப்பான் மந்திரம் கூறுகிறானே - என்ன பொருள் தெரியுமா? சீதை, திரவுபதை, மற்ற பத்தினிகள், இவர்கள் போல் நீங்களும் இருக்க வேண்டும் என்கிறான்.

சீதை யார்? ஒழுக்கங்கெட்டவள். இராவணனால் கர்ப்பமுற்றவள். திரவுபதை 5 பேருக்குப் பெண்டாட்டியாயிருந்தாள். அய்ந்தும் போதாமல் ஆறாவதாகக் கர்ணன் மேலும் ஆசைப்பட்டவள்.

- தந்தை பெரியார்-

பள்ளிக்கூடத்தில் புராண பாடம்
- சித்திரபுத்திரன் -

08.04.1928 - குடிஅரசிலிருந்து...

உபாத்தியாயர் : அடே பையா! இந்த உலகம் யார் தலைமேல் இருக்கின்றது சொல் பார்ப்போம்.
பையன் : எனக்கு தெரியவில்லையே சார்.

உபாத்தியாயர் : ஆதிசேஷன் என்கின்ற ஆயிரம் தலையுடைய பாம்பின் தலைமேல் இருக்கின்றது. பூமியை ஆதிசேஷன் தாங்கு கிறான் என்கின்ற பழமொழி கூட நீ கேட்ட தில்லையா மடையா?

பையன் : நான் கேட்டதில்லை சார். ஆனால் ஆதிசேஷன் என்கின்ற பெயர் மாத்திரம் ஒரு நாள் எங்கள் வீட்டில் ராமாயணம் படிக்கும் போது ஒரு சாஸ்திரியார் சொல்லக் கேட்டி ருக்கிறேன். அதாவது ஆதிசேஷன் விஷ்ணு வின் படுக்கை என்றும், அந்த விஷ்ணு இராம அவதாரம் எடுத்தபோது இந்த ஆதிசேஷன் லட்சுமணனாக அவதாரம் செய்தார் என்றும் கேட்டதாக ஞாபகமிருக்கின்றது.

உபாத்தியாயர் : ஆமாம் அந்த ஆதிசேஷன் தான் பூமியைத் தாங்கிக் கொண்டிருக்கிறான் தெரியுமா?

பையன் : இப்போது தெரிந்து கொண்டேன். ஆனால் ஒரு சந்தேகம் சார்...

உபாத்தியாயர் : என்ன சந்தேகம்? சீக்கிரம் சொல்.

பையன் : பூமியைத் தாங்கிக் கொண்டிருக் கின்ற, ஆதிசேஷன் விஷ்ணு வுக்கு படுக்கை யாய் வந்துவிட்டால் அப்போது பூமியை யார் தாங்குவார்கள்? தவிர லட்சுமணனாக உலகத்திற்கு வந்து விட்டபோது பூமியை ஆதிசேஷன் யார் தலையில் வைத்துவிட்டு வந்தார்? தயவு செய்து சொல்லுங்க சார்.

உபாத்தியார் : நீ என்ன குடிஅரசு படிக்கிறாயோ! அது தான் அதிகப் பிரசங்கமான கேள்விகளை கேட்கின்றாய். பொறு! உனக்கு இந்த பரீட் சையில் சைபர் போடுகின்றேன்.

பையன் : இல்லவே இல்ல சார், நான் சத்தியமாய் குடி அரசைப் படிப்பதே இல்லை சார். ராமாயணம்தான் சார் கேட்டேன். தாங்கள் சொல்வதிலிருந்தே எனக்கு இந்த சந்தேகம் தோன்றிற்று சார்.

உபாத்தியார் : ஆதிசேஷன் தெய்வத் தன்மை பொருந்தியவன்.  ஒரே காலத்தில் பல வேலை செய்யக்கூடிய சக்தி அவனுக்கு உண்டு. அவன் பூமியையும் தாங்குவான். விஷ்ணுவுக்கு படுக்கையாகவுமிருப்பான். விஷ்ணு ராமனாக உலகத்திற்குப் போகும் போது லட்சுமணனாக கூடவும் போவான். தெரியுமா?

பையன் : இப்ப தெரிந்தது சார். ஆனால் ஒரு சின்ன சந்தேகம் சார். அது மாத்திரம் சொல்லிப் போங்கள் இனி நான் ஒன்றும் கேட்பதில்லை.

உபாத்தியார் : என்ன சொல் பார்ப்போம்.

பையன் : பூமியை ஆதிசேஷன் தாங்கு கிறான் சரி, அதை நான் ஒப்புக் கொள்ளு கின்றேன். அப்புறம் தாங்கள் கோபித்துக் கொள்ளக் கூடாது சார். எனக்கு நிஜமாலும் தெரியவில்லை சார்.

உபாத்தியார் : என்ன சங்கதி சொல்லு; நான் கோபிக்கிறதில்லை.

பையன் மறுபடியும் : பூமியை ஆதிசேஷன் தாங்குகின்றான் சார் (தலையை சொரிந்து கொண்டு) ஆதிசேஷனை யார் தாங்கறாங்க சார்? அவர் எதன் மேலிருந்து கொண்டு தாங்கறாங்க சார். அதை மாத்திரம் சொல்லிக் கொடுத்தால் போதும் சார். அப்புறம் ஒரு சந்தேகமும் இப்போதைக்கு இல்லை சார்.

உபாத்தியார் : போக்கிரிப்பயலே நீ குடிஅரசு படிக்கிறாய் என்பது இப்போது எனக்கு உறுதியாச்சுது. பொறு, பொறு, பேசிக் கொள்கிறேன். வாயை மூடிக்கொண்டு போய் உட்கார், அதிகப்பிரசிங்கிப் பயலே!

பையன் பேசாமல் உட்கார்ந்து கொண்டான். உபாத்தியாயரும் எஸ்.எஸ்.எல்.சி பரீட்சைக்கு அவனை அனுப்பவில்லை. இதைப் பற்றி  கேள்வி கேட்பாரும் இல்லை. பள்ளிக்கூட மேனேஜரையும் வாத்தியார் சரிப்படுத்திக் கொண்டார்.


முதல் முறையாக மனித கரு முட்டைகள் பரிசோதனை மய்யத்தில் உருவாக்கப்பட்டுள்ள தாக இங்கிலாந் திலுள்ள எடின்பர்க் பல்கலைக் கழக விஞ்ஞானிகள் தெரிவித்துள்ளனர்.

இந்த புதிய வழிமுறையானது புற்றுநோய்க்கு சிகிச்சை பெறுபவர்களின் கருவுறுதலை பாது காப்பதற்கான முறையாக இருக்குமென்று இந்த ஆராய்ச்சியை செய்த விஞ்ஞானிகள் குழு தெரிவித்துள்ளது.

இதுவரை அறிவியலுலகம் விடைகாண முடியாத கேள்வியாக இருக்கும், மனித கரு முட்டை வளர்ச்சி குறித்து அறிவதற்கும் இதன் மூலம் வாய்ப்பு கிட்டியுள்ளதாக அவர்கள் தெரிவித்துள்ளனர்.

இந்த கண்டுபிடிப்பை மிகப் பெரிய உற்சாக மளிக்கக்கூடிய முன்னேற்றமாக பாராட்டும் வல் லுநர்கள், இம்முறை மருத்துவரீதியாக பயன் பாட்டுக்கு வருவதற்கு முன்னர் இன்னும் பலகட்ட ஆராய்ச்சிகளை கடக்க வேண்டியுள்ள தாக கூறியுள்ளனர்.

பெண்கள் பிறக்கும்போதே அவர்களின் கருப்பையில் முதிர்ச்சியடையாத கருமுட்டை களுடன் பிறந்தாலும் அவர்கள் பூப்படைந்த பின்னரே அவை வளர்ச்சியுற ஆரம்பிக்கும்.

இந்த முயற்சியில் முற்றிலும் வெற்றியடை வதற்கு பல பத்தாண்டுகள் ஆகுமென்றாலும், இப்போது கருப்பைக்கு வெளியே கருமுட் டையை வளர்ச்சியுற செய்வதற்கான வாய்ப்புகள் உருவாகியுள்ளன.

இதை செய்வதற்கு ஆக்சிஜன் அளவுகள், ஹார்மோன்கள் மற்றும் வளர்ச்சியைத் தூண்டும் புரதங்களுடன் கருமுட்டைகளை வளர்ச்சியுறச் செய்யும் செயல்பாட்டை நிர்வகிப்பதற்கும், கட்டுப்படுத்துவதற்கும் சிறந்த ஆய்வக கட்டுமானம் தேவைப்படுகிறது.
இந்த ஆராய்ச்சிமுறை பயன்பாட்டளவில் சாத்தியமென்பதை விஞ்ஞானிகள் நிரூபித்து காட்டியிருந்தாலும், “மாலிகுலர் ஹியூமன் ரீபுருடக்சன்” என்ற சஞ்சிகையில் வெளியாகி யுள்ள கட்டுரையின் அணுகுமுறையை செம் மைப்படுத்தவேண்டிய தேவை இருக்கிறது.

வெறும் பத்து சதவீத முட்டைகளே வளர்ச்சி யுறுதல் என்ற நிலையை எட்டுவது என்பது மிகவும் திறனற்ற விடயமாக பார்க்கப்படுகிறது.

அந்த முட்டைகள் கருவுற்றிருக்கவில்லை என்பதால் அவை எவ்வளவு காலம் பயன் படுத்தத்தக்கதாக இருக்கும் என்பது நிச்சயமற்றது.

“மனிதர்களின் திசுக்களில் இதுபோன்ற நிலையை எட்டுவது சாத்தியமானது”  என்ற கொள்கைக்கான ஆதாரத்தை அடைந்தது மிகவும் உற்சாகமூட்டுவதாக இந்த ஆராய்ச்சி குழுவில் இடம்பெற்றிருந்த விஞ்ஞானிகளில் ஒருவரான எவ்லின் டெல்பர் தெரிவித்தார்.

“இதை மென்மேலும் மேம்படுத்துவதற்கு இன்னும் பல கட்ட ஆராய்ச்சிகள் தேவைப் படுகிறது என்றாலும், மனித கருமுட்டை வளர்ச்சி குறித்த புரிதலை ஏற்படுத்திக்கொள்வதில் இந்த ஆராய்ச்சி ஒரு மிகப் பெரிய மைல்கல்” என்று அவர் மேலும் கூறியுள்ளார்.

உருளைக்கிழங்கில் செய்யப்பட்ட பிரென்சு பிரை சாப்பிடுவதால் முடி உதிர்வு பிரச்சினை தீருமா?

மாறுபட்ட வாழ்க்கைச்சூழலில் இளைஞர் களுக்கும் நரைமுடி மற்றும் முடி உதிருதல் போன்றவை மிகபெரிய பிரச்சினையாக உள்ளது. இதற்கு மாற்றாக பல மருந்துகள், இயற்கை மூலிகை எண்ணெய்கள் என்று சந்தையில் விற்பனைக்கு வந்துள்ளது.

ஜப்பானில் உள்ள யோக்கோகாமா பல்கலைக் கழகத்தில் ஆய்வகத்தில் வளர்க்கப்படும் ஆய்வக எலிகளுக்கு டை-மெத்தில்-பாலிசில்-ஆக்சேன் என்ற வேதிப்பொருளை பூசிய போது அதன் ரோமங்கள் உதிர்ந்த பாகங்களில் மீண்டும் ரோமங்கள் முளைப்பதைக் கண்டுபிடித்தனர்.

இந்த கண்டுபிடிப்பை ஜப்பானின் மருத்துவ இதழிலும் வெளிவந்தது.

இந்த வேதிப்பொருள் உருளைக்கிழங்கை பிரெஞ்சு பிரை, சிப்ஸ் மற்றும் இதர வறுத்து உண்ணும் பொருளாக மாற்றும் போது சேர்க்கப் படுகிறது.   இந்த மருத்துவ இதழ் வெளிவந்த பிறகு ஜப்பானில் முடி உதிரும் பிரச்சினை உள்ளவர்களும், நரைமுடிக்காரர்களும் அதிக அளவு உருளைக்கிழங்கில் செய்யப்பட்ட பிரென்சு பிரை, சிப்ஸ், டீப் பிரை ஸ்பைசி பொட்டட்டொஸ் போன்றவற்றை சாப்பிட ஆரம் பித்துவிட்டனர். சில நாட்களிலேயே இவ்வகை உணவு விற்பனை அதிகரித்துள்ளது.

இது குறித்து எலியை ஆய்வுக்கு உட்படுத்திய அறிவியல் ஆய்வாளர்கள் அதிர்ச்சி அடைந்துள் ளனர். இதனை அடுத்து அவர்கள் வெளியிட் டுள்ள அறிக்கையில் ஆய்வகத்தில் பயன் படுத்தப்படும் வேதிப்பொருளான டை-மெத்தில்-பாலிசில்-ஆக்சேன் என்பது அடர்த்தி மிகுந்ததும் காரத்தன்மை உடையதுமாகும், உணவிற்கு பயன்படுத்தப்படும் டை-மெத்தில்-பாலிசில்-ஆக்சேன் உருளைக்கிழங்கில் காரத்தன்மையை ஏற்படுத்துவதற்காக மிகவும் குறைந்த அளவு அடர்த்தி குறைந்த வேதிப்பொருள் பயன் படுத்தப்படுகிறது,

முடி வளர்வதற்காக டை- மெத்தில்-பாலிசில்-ஆக்சேனை நேரடியாக பயன்படுத்துவது ஆபத்தை விளைவிக்கும்,.

அதே நேரத்தில் உருளைக்கிழங்கு பொறித்த உணவு வகைகளை அதிக அளவு உண்பதால் முடி உதிர்வது, நரை முடி இன்மை போன்ற பிரச்சினைகள் தீராது. ஆகவே யாரும் இது போன்ற செய்திகள் மற்றும் விளம்பரங்களை நம்பவேண்டாம் என்று தாங்கள் வெளியிட்ட அறிக்கையில் கூறியுள்ளனர்.

விண்ணில் மிதக்கும் மின்சார கார்!

உலகின் மிகச் சக்தி வாய்ந்த, ‘பால்கன் ஹெவி’ ராக்கெட்டை கடந்த, 6ஆம் தேதி அன்று ஏவி, வெள்ளோட்டம் பார்த்திருக்கிறது, ‘ஸ்பேஸ் எக்ஸ்!’ அமெரிக்க தனியார் விண் வெளி அமைப்பான இதன் அதிபர் எலான் மஸ்க், ஒரு குறும்புச் சோதனையாக, அந்த ராக்கெட்டில், தன் டெஸ்லா நிறுவனம் தயாரித்த, ‘ரோட்ஸ்டர்’ என்ற செர்ரி பழ சிவப்பு நிற மின்சார காரை, ராக்கெட்டில் வைத்து அனுப் பினார். ஒரு புதிய ராக்கெட்டை வெள்ளோட்டம் பார்க்கும்போது, அதில் சிமென்ட் பலகைகள் அல்லது கனமான உலோகங்களை மட்டுமே வைத்து அனுப்புவர்.

ஆனால், மஸ்க் தன் ரோட்ஸ்டர் காரையும், அதில், ‘ஸ்டார் மேன்’ என்ற பொம்மை விண் வெளி வீரரையும் வைத்து அனுப்பி இருக்கிறார். அது இனி பூமி, செவ்வாய் கோள்களைப் போலவே, சூரியனை பல்லாயிரம் ஆண்டு களுக்கு வலம் வந்து கொண்டிருக்கும்! அது மட்டுமல்ல, ரோட்ஸ்டரைப் போலவை ஒரு கையடக்க மாதிரி பொம்மையை செய்து, அதிலும் ஒரு மினி ஸ்டார் மேன் பொம்மையை வைத்து, அனுப்பியிருக்கிறார் மஸ்க். காரின் பொருட்களை வைக்கும் இடத்தில், எழுத்தாளர் அய்சக் அசிமோவ் எழுதிய, ‘தி பவுண்டேஷன் டிரைலாஜி’ என்ற தலைப்பிலான அறிவியல் புனைகதைகளைப் பதிந்த குறுவட்டையும் வைத்து அனுப்பியுள்ளார் மஸ்க். இந்த காரில், ஒரு ஒளிப்படக் கருவி, பூமிக்கு தான் காணும் காட்சிகளை நேரலை செய்தபடியே இருக்கும். அதாவது, அதன் மின்கலன் தீரும் வரை.

எல்லாம் சரி, அமெரிக்க அரசு அமைப்பான நாசா, விண்வெளியில் மிதக்கும் இந்த கார் மீது கண் வைத்திருக்கப் போகிறது. ஏன்? விண் வெளியில் மிதக்கும், 7.55 லட்சம் விண் கற்கள், 3,500 வால் நட்சத்திரங்கள் உட்பட, பல விண் பொருட்களை பெயரிட்டு, வகைப்படுத்தி கண் காணித்து வருகிறது. ஸ்பேஸ் எக்ஸ் அனுப்பிய ரோட்ஸ்டரின் தற்போதைய இருப்பிடத்தை கண்காணிக்காவிட்டால், பூமியில் பொழுது போக்கு வானியல் ஆர்வலர்கள் யாராவது அதை, புதிய விண் கல் என, தவறாகச் சொல்லக் கூடும். அதைத் தடுக்கத் தான் இந்த கண்காணிப்பு.

கடல் நீரை குடிநீராக்கும் வடிகட்டி!

கடல் நீரை குடிநீராக்க, பல தொழில் நுட்பங்கள் ஆய்வில் இருக்கின்றன. ஆனால், இவற்றில் பெரும்பாலானவை மின்சாரம், வெப்பம் போன்ற ஏதாவது சக்தி மூலம் இயங் குபவையாக இருப்பதால் செலவு பிடித்தவை.

அண்மையில், ஆஸ்திரேலியா மற்றும் அமெரிக்காவைச் சேர்ந்த விஞ்ஞானிகள், எந்தவித எரிசக்தியும் தேவைப்படாத, எளிய வடிகட்டியை உருவாக்கி உள்ளனர்.

உலோக -கரிமப் படிமங்களைக் கொண்டு உருவாக்கப்பட்டுள்ள இந்த வடிகட்டியில், ஒரு பக்கம் கடல் நீரை ஊற்றினால், மறு பக்கம் குடிநீர் வெளிவரும். அது மட்டுமல்ல, மின் வாகனம், சூரிய மின் தேக்கிகளில் அதிகம் பயன்படும் லித்தியத் தையும் கடல் நீரிலிருந்து பிரித்தெடுக்க, இந்த புதுமை வடிகட்டி உதவும் என்கின்றனர் ஆஸ்திரேலிய அமெரிக்க விஞ்ஞானிகள்.

உலோக-கரிமப் பொருட்கள், பல பக்கங் களைக் கொண்ட நேனோ படிகங்கள். இவற்றில், 1 கிராம் எடையளவுள்ள படிகங்களின் பக்கங் களைச் சேர்த்து விரித்துப் பார்க்க முடிந்தால், ஒரு கால்பந்து மைதானத்தின் பரப் பளவுக்கு இருக்கும்.

இந்தப் பரப்பளவின் வழியே கடல் நீர் செல்லும் போது, அதிலுள்ள சில உலோகங்கள், வேதிப் பொருட்களை மட்டும் பிரித்தெடுத்து நிறுத்த முடியும் என்கின்றனர் விஞ்ஞானிகள், இந்த வகையில், லித்தியம் அயனிகளை இந்த புதிய வடிகட்டி நிறுத்தும் திறன் கொண்டது.


கட்டடத்துக்கு வெளியே உள்ள வெப்பமும் குளிரும், உள்ளே வராமல் தடுக்க, ‘ஏரோஜெல்’ என்ற விந்தைப் பொருளை பயன்படுத்தலாம் என சுவிட்சர்லாந்து விஞ்ஞானிகள் கண்டறிந்து உள்ளனர்.

உலகிலேயே மிகவும் எடை குறைந்த பொருளான ஏரோ ஜெல்லை, ‘இன்சுலேஷன்’ எனப்படும் தட்பவெப்ப தடுப்பானாக சுவர்களில் பயன்படுத்தினால், 30 சதவீத அளவுக்கு குறைக்கலாம் என சுவிட்சர்லாந்தின் ‘எம்பா’ ஆய்வக விஞ்ஞானிகள் தெரிவித்துள்ளனர்.

இன்று சுவர்களுக்கு, நடுவில் காலி இடம் உள்ள செங்கற்களை பயன்படுத்துவது பரவலாகியிருக்கிறது. இந்த காலி இடத்தில் செயற்கை கம்பளி போன்ற பொருட்களை நிரப்பி, பின் சிமென்டை பூசி சுவர்களை எழுப்புகின்றனர். இதனால் வெளி தட்பவெப்பம் கட்டடத்திற்குள் வருவதை வெகுவாக குறைக்க முடியும்.

நுண்ணிய ஏரோஜெல் குளிகைகளை கலந்த கலவையை செங்கல்லுக்கு நடுவே நிரப்பினால், வெப்பக் கடத்தலை மேலும் குறைக்க முடியும்.

இதனால் வெயில் காலத்தில் குளிர் சாதனம் மற்றும் குளிர் காலத்தில் வெப்பமேற்றும் சாதனங்களை பயன்படுத்துவதை வெகுவாக குறைக்கலாம். இருந்தாலும், உலக சந்தையில் ஏரொஜெல்லின் உற்பத்தி குறைவாகவும், விலை அதிகமாகவும் இருப்பதுதான் இடிக்கிறது.

ஆனால், ஏரொஜெல்லுக்கு கட்டுமானத் துறையில் கிராக்கி அதிகரித்தால், உற்பத்தி அதிகரித்து விலை சரியும் என்கின்றனர் விஞ்ஞானிகள்.

தங்கத்தை சுரக்கும் பாக்டீரியா!


பொன் சுரக்கும் பேக்டீரியா வகை ஒன்று இருப்பது பல ஆண்டுகளாக விஞ்ஞானிகளுக்குத் தெரியும். ஆனால் ‘சி.மெடாலிடியூரன்ஸ்’ எனும் அந்த பாக்டீரியா எப்படி நேனோ அளவு தங்கத்தை உற்பத்தி செய்து தள்ளுகிறது என்பதுதான் பெரிய புதிராக இருந்தது.

தற்போது ஜெர்மனி மற்றும் ஆஸ்திரேலிய விஞ்ஞானிகள் அந்த ரசவாதம் என்ன என்பதை ஓரளவு தெரிந்து தெளிந்திருக்கின்றனர்.

‘அப்ளைடு என்விரோன்மென்டல் மைக்ரோபயாலஜி’ இதழில் இரு நாட்டு விஞ்ஞானிகளும் தங்கள் ஆய்வினை பகிர்ந்துள்ளனர்.

அதன்படி, பல உயிரிகளால் தாங்க முடியாத நச்சுத் தன்மை உள்ள மண்ணில்தான் சி.மெடாலிடியூரன்ஸ், வளர்கிறது. அதற்கு செம்பு உலோக தாதுக்கள் தான் உணவு.

ஆனால், செம்பினை அளவுக்கு அதிகமாக உண்ண முடியாத அந்த பாக்டீரியா, தங்கத் தாதுக்களையும் உட்கொள்கின்றன.

அவற்றை ஜீரணிக்க வினோதமான வேதிவினையை நிகழ்த்தி சிறிதளவு செம்பை செறிமானம் செய்து, தங்கத் தாதுவை உலோகமாக மாற்றி வெளியேற்றிவிடுகின்றன.

தற்போது, தங்கத் தாதுவிலிருந்து தங்கத்தை பிரித்தெடுக்க, நச்சு மிக்க பாதரசத்தைத்தான் பயன்படுத்த வேண்டியிருக்கிறது.

சி.மெடாலிடியூரன் நிகழ்த்தும் இந்த வேதிவினையை மேலும் ஆராய்ந்தால், அவற்றை பயன்படுத்தி, தங்கத் தாதுக்களிலிருந்து தங்கத்தை பிரித்தெடுக்க, அவற்றையே பயன்படுத்தலாம் என விஞ்ஞானிகள் தெரிவித்துள்ளனர்.

கடுகு எண்ணெயில் பறந்த போயிங் விமானம்!

உலகிலேயே முதல் முறையாக, உயிரி எரி பொருளை பயன்படுத்தி பெரிய விமானம் ஒன்று பயணத்தை வெற்றிகரமாக நிறைவேற்றியிருக்கிறது.

கடந்த வாரம், அமெரிக்காவிலிருந்து ஆஸ்திரேலி யாவுக்கு புறப்பட்ட குவான்டாஸ் விமான சேவையின் போயிங் டிரீம்லைனர் 787-9 விமானம்தான் இந்த சாதனையை செய்திருக்கிறது.

வழக்கமான எரிபொருளை, 90 சதவீதமும், உயிரி எரிபொருளை, 10 சதவீதமும் கலந்து பயன்படுத்தி அந்த விமானம் பறந்தது.

கடுகு வகையை சேர்ந்த, பிராசிக்கா கறிநாடா என்ற விதையிலிருந்து தயாரிக்கப்பட்டது அந்த உயிரி எரிபொருள். குவான்டாஸ் வெளியிட்ட தகவல்படி, கடுகு எண்ணெய் எரிபொருளை பயன்படுத்தினால், விமானம் வெளியேற்றும் புகை மாசில், 80 சதவீதம் வரை குறையும். அதன்படி, இந்த கலவை எரிபொருள், 7 சதவீத கரியமில மாசினை குறைத்துள்ளது.

அதாவது, 18,000 கிலோ கார்பன் மாசின் காற்றில் கலக்காமல் அது தடுத்துள்ளது.

கனடாவை சேர்ந்த ‘அக்ரிசோமா பயோசயன்சஸ்’ தயாரித்துள்ள, இந்த உயிரி எரிபொருளுக்கு பயன் படும் கடுகு வகைப் பயிர் தரிசு நிலங்களிலும், ஊடு பயிராகவும் வளர்க்கலாம். எனவே, விவசாயி களுக்கும் லாபம் தரும் என்கிறது அக்ரிசோமா.

மின்சார பைக்!

இருசக்கர வாகன உலகில் சிறந்ததாக  கருதப்படுவது ஹார்லி டேவிட்சன் வண்டிகள் தான்.

அது, 2019இல் மின்சார பைக் ஒன்றை விற் பனைக்கு விட இருக்கிறது. ஏற்கனவே, 2014ல் ‘லைவ் வயர்’ என்ற மாதிரி மின்சார பைக் ஒன்றை வாகனக் காட்சிகளில் தன் வாடிக்கை யாளர்களிடம் காட்சி கருத்துக் கேட்டது.

ஹார்லியை கொண்டாடுபவர்கள் அதன் வண்டிகளில் வரும் லயமான இயந்திர ஒலியை ரசிப்பர். ஆனால் மின் பைக்கில் ஓசையே வராது.

எனவே லைவ் வயரில், ஆக்சிலேட்டரை முறுக்கும்போது, வண்டியின் வேகத்திற்கேற்ப, ஓட்டு நருக்கு கேட்கும்படி ஒரு ஒலியை சேர்த்திருந்தது ஹார்லி. தவிர, மின் வண்டிகளில் ‘கியர்’ இருக்காது. இந்த குறையை இட்டு நிரப்பினால் ஹார்லியால் சரியும் விற்பனையை தடுத்து நிறுத்த முடியும் என்று இரு சக்கர வாகன இதழாளர்கள் கருதுகின்றனர்.

இயற்கைப் பிரியர்களான ஹார்லி ரசிகர்கள், புகையால் காற்றை நச்சாக்காத மின்சார ஹார்லியை வெற்றிபெறச் செய்வரா?


நகரங்களை வடிவமைத்துத் தரும், ‘கூகுள்!’  

கூகுளின் தாய் நிறுவனமான ஆல்பபெட், 2017 அக்டோபரில், ‘சைட்வாக் லேப்ஸ்’ என்ற தனி நிறுவனத்தை துவங்கியது.

நவீன தொழில்நுட்பங்கள் மூலம் நகரங்களை வடிவமைத்து, அவை வசிப்பதற்கும், பயணிப்பதற்கும் இனிமையானவை யாக ஆக்குவதுதான் சைட்வாக் லேப்சின் நோக்கம்.

கனடாவின் டொரன் டோ நகரம், சைட்வாக் வடிவமைத்துத் தந்த மாதிரியே புதிய விரிவாக்கப் பகுதியை கட்டி வருகிறது. குப்பை குவிவது, புகை மாசு, நீர் மாசு, போக்குவரத்து நெரிசல், சைக்கிள் பயணி மற்றும் பாதசாரிகளுக்கு இடைஞ்சல் போன் றவை இல்லாத பகுதியாக புதிய விரிவாக்கம் இருக்கும்படி வடிவமைக்கப்பட்டிருப்பதாக சைட் வாக் அறிவித்துள்ளது.

விரைவில் மற்ற நாடுகளின் நகரங்களுக்கும், ஆலோசனை தரத் தயார் என சைட்வாக் அறிவித்திருக்கிறது. இந்தியா உள்ளிட்ட பல நாடுகளில், ‘ஸ்மார்ட் சிட்டி’ திட்டங்கள் போடப்பட்டு வருவதால், கூகுள் மட்டுமல்ல, அய்.பி.எம்., போர்டு, சீமென்ஸ், அமேசான் போன்ற பிற தொழில்நுட்ப நிறுவனங் களும் செம்மை நகரங்களை உருவாக்கித் தருவதில் போட்டியிடத் துவங்கியுள்ளன.


Banner
Banner