குடிநீர் பாட்டிலின்றி அமையாது உலகு என்ற நிலைமை வந்து விட்டது. எங்கு பார்த்தாலும் காலி பிளாஸ்டிக் குடிநீர் பாட்டில்கள், தட்டுப்பட ஆரம்பித்துள்ளன.

பல ஆண்டுகளுக்கு மட்கிப் போகாமல், மண்ணுக்கும், நீர் நிலைகளுக்கும் பெரும் கேடுகளை விளைவிக்கக்கூடிய இந்த பிளாஸ்டிக் குடிநீர் பாட்டில்களுக்கு மாற்றே கிடையாதா? உண்டு என்கிறது சூஸ் வாட்டர். சூஸ் வாட்டர் வடிவமைத்துள்ள குடிநீர் பாட்டில்கள் முழுவதும் காகிதத்தால் ஆனவை.

குடிநீரை இதில் அடைத்து வினியோகித்தாலும், நீரின் தன்மை கெடாது. இதை காலி செய்து குப்பையில் போட்டால், சில மாதங்களில் மட்கி மண்ணாகிவிடும். குப்பை மேடுகளில் சூஸ் வாட்டரின் பாட்டில்கள் சேர்ந்தால், அந்த குப்பைகளில் உள்ள நச்சுத் தன்மையை குறைக்கவும் செய்கிறது என்கின்றனர். இதை வடிவமைத்தவர்கள். கடலில் இந்த பாட்டில்கள் சேர்ந்தாலும் கூட கடல் உயிரிகளுக்கு சத்துள்ளதாக இருக்கும்.

மறுசுழற்சி செய்த காகிதத்தில் தயாராகும் இந்த பாட்டில்களின் உட்பகுதியில், சில தாவரங்களிலிருந்து தயாரிக்கப்பட்ட பொருள் பூசப்பட்டிருக்கும். எனவே நீரில் காகிதம் ஊறி, பாட்டில் பிய்ந்துவிடாது.

சூஸ் வாட்டர் பாட்டில்களின் விற்பனையில் கிடைக்கும் லாபம் அனைத்தும் வாட்டர் பார் ஆப்ரிக்கா என்ற அமைப்புக்கு நன்கொடையாக அனுப்பப்படும். இன்று குடிநீர் தட்டுப்பாடுள்ள குடிசைப் பகுதிகளுக்கு, பிளாஸ்டிக் பாட்டில்கள் மூலமே அதிகம் தண்ணீர் வினியோகிக்கப் படுகிறது. அப்பகுதிகளில் ஏற்படும் சுற்றுச் சூழல் கேடுகளை தடுக்க சூஸ் வாட்டரின் காகித பாட்டில்கள் உதவும்.

முப்பரிமாண பிளாஸ்திரி!

முப்பரிமாண அச்சு இயந்திர தொழில் நுட்பத்தை மருத்துவ உலகமும் அரவணைத்துக் கொண்டுள்ளது. ஒரு அண்மை எடுத்துக் காட்டு, பிளாஸ்திரிகள்.

காயம் எந்த வடிவில் இருந் தாலும் சதுரமாகவோ, வட்டமாக வோ, செவ்வக மாகவோ தான் பிளாஸ்திரிகளை போட வேண்டியிருக்கிறது. காயத்தின் வடிவத்திற்கு ஏற்றபடி ஒரு பிளாஸ்திரியை செய்ய முடிந்தால் எப்படியிருக்கும் என்று அமெரிக்காவிலுள்ள டெம்பிள் பல்கலைக் கழக உயிரிப் பொறியியல் விஞ்ஞானிகள் சிந்தித்தனர். இதன் விளைவாக, வளைந்து கொடுக்கக் கூடிய, இலகுவான பிளாஸ்திரிகளை, நோயாளிக்கு புண் உள்ள இடத்திலேயே அச்சிட்டுத் தரும் முப்பரிமாண அச்சு இயந்திரத்தை விஞ்ஞானிகள் உருவாக்கியுள்ளனர். இந்த முப்பரிமாண பிளாஸ்திரி இயந்திரத்தை இரண்டு அளவுகளில் விஞ்ஞானிகள் வடிவமைத் துள்ளனர்.  ஒன்று பெரியது. இன்னொன்று, கையில் எடுத்தாளும் அளவுக்கு சிறியது.

அடுத்த சில ஆண்டுகளில், முப்பரிமாண பிளாஸ்திரி அச்சியந்திரம் முதலுதவிப் பெட்டிகளில் இடம் பிடிக்கக்கூடும்.

உறுப்புகளுக்கு இனி அழிவில்லை!

ஒவ்வொரு ஆண்டும் உடல் உறுப்புகளுக்காகக் காத்திருப்போரின் எண்ணிக்கை அதிகரித்துக் கொண்டே வருகிறது. உடல் உறுப்புகள் கிடைக் காததால் ஏற்படும் மரணங்களின் எண்ணிக்கையும் அதிகரிக்கிறது. உடல் உறுப்பு கொடை பற்றிய விழிப்பு உணர்வு பெருகிவந்தாலும்கூட,  சரியான நேரத்தில் பொருத்தமான  நபரிடமிருந்து உறுப்பு தானம் பெற முடியாமல் போவதுதான் இத்தகைய மரணங்களுக்கு காரணம். இந்தப் பிரச்சினைக்கு என்னதான் தீர்வு?

இப்போதைக்கு `க்ரையோபிரிசர்வேஷன்  முறை மட்டுமே இதற்குத் தீர்வு என்கிறது மருத்துவ உலகம். நம் வீட்டில் குளிர்சாதனப் பெட்டியில் வைக்கப்படும் பொருள் எப்படிக் குறிப்பிட்ட சில நாள்களுக்குக் கெட்டுப்போகாமல் பாதுகாக்கப்படு கிறதோ, அதே போன்றுதான் இம்முறையும் செயல்படுகிறது. உயிரிப்பொருள்களை மைனஸ் 70 முதல் மைனஸ் 196 டிகிரி செல்சியஸ் வெப்ப நிலைக்குக் குளிர்விப்பதன் மூலம் அந்தப் பொருள்களில் உள்ள வேதிப்பொருள்களின் செயல்பாடும், செல்களின் செயல்பாடும் கட்டுக்குள் வைக்கப்படுகின்றன. இதனால் எவ்வித மாற்றத் துக்கும் உள்ளாகாத இந்த உயிரிப்பொருள்களைத் தேவைப்படும் நேரத்தில் தேவையான இடத்தில் பயன்படுத்திக் கொள்ள முடியும். உடலின் செல்கள், உறுப்புகள் மட்டுமல்லாமல் முழு மனிதனையேகூட இந்த முறையில் எவ்வித மாற்றத்துக்கும் உட்படாமல் பாதுகாக்க முடியும் என்கிறது மருத்துவம்.

இது எப்படி சாத்தியம்? உறைய வைத்தல் மட்டுமே ஒரு பொருளைக் கெடாமல் பாதுகாக்குமா? செல்களை உறையவைக்கும்போது அதற்குள் இருக்கும் தண்ணீர் முதலில் உறைய ஆரம்பிக்கும். இதனால் செல்களுக்குள் இருக்கும் திரவத்தின் அடர்த்தியும் அளவும் குறைவதால் செல்லுக்குள் அழுத்தம் ஏற்பட ஆரம்பிக்கும். செல்லினுள் மூன்றில் இரண்டு பங்கு நீர் முழுவதும் உறைந்த பிறகு ஏற்படும் வெற்றிடத்தால் செல்லின் வடிவம் முழுவதும் உருக்குலையும் அபாயம் உள்ளதே? ஆம் உறையவைக்கப்பட்ட உயிரிப்பொருள்  வேறெந்த பாதிப்புக்கும் உள்ளாகக் கூடாது என்பதற் காகத்தான்   பாதுகாப்பான்கள் உதவுகின்றன. சுக் ரோஸ், ஆல்கஹால், கிளைகால், சில அமினோ அமிலங்கள் போன்றவை பாதுகாப்பான்களாக உபயோகப்படுத்தபடுகின்றன. இப்படிப் பதப் படுத்தப்பட்ட உயிரிப்பொருள்கள் திரவ நைட்ர ஜனில் பாதுகாக்கப்படுவதன் மூலம் நீண்ட நாள் களுக்கு சேமித்து வைக்கப்படுகின்றன. இப்படிப் பாதுகாக்கப்பட்ட பொருளை மீண்டும் உருகச் செய்வதன் மூலம் இயல்பு நிலைக்குக் கொண்டு வரமுடியும். ஆனால், இப்படிச் செய்யும்போது செல்லுக்குள் வெற்றிடம் ஏற்படுவதால் செல்கள் பாதிக்கப்படுவதற்கான சாத்தியங்களும் உண்டு.

அண்டார்டிகா பகுதியில் காணப்படும் அண் டார்டிகா பூச்சி ஒன்று மேற்கூறிய பிரச்சினைகள் எல்லாவற்றையும் எதிர்கொள்ளக் கூடியதாக இருப்பது அறியப்பட்டிருக்கிறது. தனது வாழ்க்கைச் சுழற்சியில் இந்தப் பூச்சி பல நாள்களை இப்படி உறைநிலையிலே கழிக்கிறது, எவ்வித பாதிப்பும் இல்லாமல்!  இந்தப் பூச்சிக்கு மட்டும் இது எப்படி சாத்தியம்? யோசித்தபோதுதான் பாதுகாப்பான்கள், அதாவது கிளிசராலும், குளுகோசும் இயல்பாகவே சுரப்பது கண்டறியப்பட்டது. இந்தப் புரதங்கள் பெரும்பான்மையான நீரை உடலிலிருந்து வெளி யேற்றும் சவ்வாகச் செயல்படுவதுடன், அழுத்தத் தைச் சமம் செய்வதும் கண்டறியப் பட்டிருக்கிறது. நீரின் அளவும், அழுத்தத்தின் அளவும் சமன் செய்யப்படுவதால் மேற்கூறிய பிரச்சினைகள் எதுவும் இல்லாமல் இந்தப் பூச்சிகளால் சமாளிக்க முடிவதை ஆராய்ச்சியாளர்கள் கண்டறிந்துள்ளனர். ஆனால், இது நீரைப் பெருமளவில் வெளி யேற்று வதால் மனிதர்களில் இந்த நடைமுறை சாத்தியப்பட வில்லை. பூச்சியின் உடலில் 70 சதவிகித அளவு நீரை வெளியேற்றினாலும் அதனால் உயிர் வாழ முடியும். மனித செல்களிலிருந்து 15 சதவிகிதத்துக்கும் அதிகமான நீரை வெளியேற்றமுடியாது என்னும் நிலைதான் மேற்கூறிய பிரச்சினைகளைத் தீர்க்க முடியாததாக மாற்றியுள்ளது.

இருப்பினும், க்ரையோபிரிசர்வேஷன்  முறை சில குறிப்பிட்ட வகை செல்களைத் தவிர மற்ற செல்களில் பாதிப்பில்லாமல் செயல்படுத்தக் கூடி யதுதான். இந்த நம்பிக்கையே இம்முறையை நடை முறைச் சாத்தியமாக்கியுள்ளது. மேற்கூறிய பிரச் சினைகளுக்கான தீர்வு எதிர்காலத்தில் கண்டறியப் படும் பட்சத்தில், டைனோசர் அழிந்தது போல எந்த இனமும் எதிர்காலத்தில் அழியாது. ஏனெனில் எல்லா செல்களையும் இந்த க்ரையோபிரிசர்வே ஷன் மூலம் பாதுகாத்து விடலாம்.

செயற்கை மழை

மனிதனுக்குத் தேவையான அடிப்படைத் தேவைகளிலும் அடிப் படையானது தண்ணீர். அன்றாடத் தேவைகளுக்கான உணவுகளை விளைவிக்கவும் அப்படி உணவில்லாமல் இருக்கும்போது பசியைக் கட்டுப்படுத்தவும் கூடத் தண்ணீர்தான் முக்கியத் தேவையாக இருக்கிறது. இப்படி அன்றாட வாழ்க்கையில் பெரிதும் தேவையாக இருக்கும் தண்ணீர் நம்மிடம் போதுமானதாக இருக்கிறதா? நம்முடைய உரிமையான காவிரிக்காக கருநாடகாவிடமும் முல்லைப் பெரியாற்றுக் காக கேரளாவிடமும் முட்டி மோதிக் கொண்டிருக்கிறோம். தண்ணீரும் கிடைத்தபாடில்லை. கேப்டவுனில் இருந்து உலக நாடுகள் பலவற்றுக்கும் இந்தத் தண்ணீர் பற்றாக்குறை பெரும்பிரச்சினையாகவே இருக்கிறது. அதனைத் தீர்க்க அறிவியல்ரீதியாகப் பல்வேறு முயற்சிகளை எடுத்துக்கொண்டிருக்கிறார்கள்.

கடல் நீரை குடிநீராக்குதல், அண்டார்டிகாவின் பனிக்கட்டிகளை உருக்குவது, மேக விதையூட்டல் மூலமாகச் செயற்கை மழையினைப் பெறுவது எனப் பல முறைகள் சோதனை முயற்சியிலேயே உள்ளன. சில முயற்சிகள் வெற்றிகரமாகச் செயல்படுத்தவும் படுகின்றன. அப்படி ஒரு முயற்சியைச் சீனா மிகப்பெரிய அளவில் செயல்படுத்த முனைந்துள்ளது.  உலகிலேயே மிக அதிக பரப்பளவில் செயற்கை மழையினை உருவாக்கும் முயற்சியில் சீனா நாலுகால் பாய்ச்சலில் முன்னேறி வருகிறது. இதற்கான அடிப்படை கட்டமைப்பை பெரியளவில் திபெத் பீடபூமியில் அமைத்துள்ளது. திபெத் பீடபூமி உலகிலேயே மிகப்பெரிய பீடபூமி. பத்தாயிரக்கணக்கான எரி உலைகள் திபெத்திய மலைப் பகுதிகளில் அமைக்கப்பட்டுள்ளன. இவ்வளவு பெரிய பரப்பளவில் செயற்கை மழையினை உருவாக்குவதன் மூலம் அந்தப் பகுதியின் சராசரி மழைபொழிவை விட 10 பில்லியன் க்யூபிக் மீட்டர் வரை அதிக மழைப்பொழிவைப் பெற முடியும் என்கின்றனர் ஆய்வாளர்கள். இந்தத் திட்டம் 1.6 மில்லியன் சதுர கிலோ மீட்டர் எனும் பரந்த பரப்பில் மேற்கொள்ளப்படுகிறது. இது ஸ்பெயின் நாட்டினை விட மூன்று மடங்கு அதிகம்.

2016 ஆம் ஆண்டு சீனாவின் சிங்குவா பல்கலைக்கழகத்தைச் சேர்ந்த ஆய்வாளர்கள் உருவாக்கிய தியான்ஹே திட்டத்தின் விரிவாக்கமே இவ்வளவு பெரிய முயற்சி. சீனாவில் தியான்ஹே என்பதற்கு வான் நதி என்று பொருள். அதே பெயரிலேயே இந்தத் திட்டத்தை பெரிய அளவில் செயல்படுத்தி வருகின்றனர். இந்தத் திட்டம் முழு வெற்றி பெற்றால் சீனாவின் ஒரு ஆண்டிற்கான குடிநீர்த் தேவையில் 7% இதன் மூலம் பூர்த்தியாகிவிடும் என்கின்றனர். அவர்கள் எந்த முறையில் செயற்கை மழையினை உருவாக்கப் போகிறார்கள்? அது எப்படி சாத்தியம் என பலருக்குள்ளும் கேள்விகள் இருக்கும். மேக விதையூட்டல்   எனும் முறையின் மூலம் வானிலையில் மாற்றம்  செய்து மழையைப் பெறுவதுதான் செயற்கை மழை.

இன்னும் விரிவாகச் சொல்லப் போனால் பூமியில் இருக்கும் நீர் ஆவியாகி மேகங்களில் சேமிக்கப்படுகிறது. குறிப்பிட்ட பருவக் காலங்களில் மேகங்களில் நீர்கக்கூறுகள் சேமிக்கப்பட்டு குளிர்ந்த காற்றின் மூலமோ அல்லது புற விசையின் மூலம் மழையாகப் பொழி கிறது. இந்த இயற்கையான முறையில் செயற்கையாக சில இரசாயன பொருட்களை மேகங்களில் கலந்து மழை பெய்யும் வாய்ப்பை அதிகப்படுத்துகிறார்கள்.

 

 

 

சென்னை போன்ற பெரு நகரங்களில் மட்டுமல்ல; தமிழகத்தின் பல்வேறு பகுதிகளிலும் தண்ணீர்ப் பஞ்சம் தலைவிரித்தாடுகிறது. அதுவும் கோடை வந்துவிட்டால் தண்ணீரைத் தேடி பெண்கள் அலையும் நிலை துயரமானது. ஆனால், புதுக்கோட்டை மாவட்டம் வேள்வரை கிராமத்தைச் சேர்ந்த பெண்கள், தண்ணீர்த் தட்டுப் பாட்டுக்குத் தீர்வு கண்டிருப்பதோடு அது தொடர்வதற்கான ஏற்பாட்டையும் செய்திருக்கின்றனர்.

கடலோரப் பகுதியான மீமிசலிலிருந்து கரூர் செல்லும் வழியில் உள்ளது வேள்வரை கிராமம். நிலம், நீர், காற்று என எல்லாமே உப்பாகிப்போன அந்தக் கிராமத்தில் சுவையான குடிநீரைப் பெறுவதற் காகத் தொழுவனாற்றில் உள்ள ஒரு மணல் திட்டை அப்பகுதி மக்கள் பாதுகாத்து வருகின்றனர். அந்த ஆறு குறித்துக் கேட்டால் மணல் கொள்ளையர்களா நீங்கள் எனக் கேட்டு எச்சரிக்கிறார்கள் பெண்கள்.

ஆயிரக்கணக்கான ஏக்கரில் நெல் விளையக் காரணமாக இருந்த தொழுவனாற்றை ஒட்டியுள்ள குளங்களில் மழை நீர் தேக்கிவைக்கப் பட்டிருந்தது. இதனால் அந்தப் பகுதியில் அரசு மூலம் விநியோகிக்கப் பட்ட குடிநீரும் உப்புத் தன்மையின்றி இருந்தது. சில ஆண்டுகளுக்கு முன் ஆற்றில் மணல் சூறையாடப்பட்டதால் விவசாயம் பொய்த்தது. பிறகு குடிநீருக்கும் தட்டுப்பாடு ஏற்பட்டது. தற்போது ஆற்றில் மணல் இல்லாததால் முன்புபோல ஊற்று தோண்டவும் வழியில்லை. இதைச் சமாளிக்க அங்கே கொண்டுவரப்பட்ட காவிரி குடிநீர்த் திட்டமும் பயனளிக்கவில்லை. விவசாயக் கூலித் தொழிலாளர்களாக இருப்பதால் விலை கொடுத்துக் குடிநீர் வாங்கும் சக்தியும் இப்பகுதி மக்களிடம் இல்லை.

மணல் அள்ளியதுதான் குடிநீர்ப் பிரச்சினைக்குக் காரணம் என்று தெரிந்தாலும் பக்கத்துக் கிராம மக்களால், அதைத் தடுத்து நிறுத்த முடியவில்லை. சுதாரித்துக்கொண்ட வேள்வரை கிராம மக்களோ ஆற்றில் பனை மரங்களுக்கிடையே சுமார் 100 மீட்டர் சுற்றளவுக்கு உள்ள மணல் திட்டைப் பாதுகாத்துவருகிறார்கள். அந்த இடத்தில் பள்ளம் தோண்டி அதில் ஊறும் தண்ணீரை வேள்வரை மட்டுமின்றி அதைச் சுற்றியுள்ள ஒன்பது கிராம மக்களும் பயன்படுத்துகின்றனர்.

மழைக் காலத்தில் இலகுவாகத் தண்ணீர் எடுத்துவிடும் மக்கள், வெயில் காலத்தில் சிரமப்படுகிறார்கள். அப்போது ஒரு குடம் எடுக்க அரை மணி நேரத்துக்கு மேல் ஆகும். அதனால்தான் குடிநீரை அவர்கள் தங்கம்போல் பாவிக்கிறார்கள்.

மணலே ஆதாரம்

இன்றும் வீட்டில் காதுகுத்து, கல்யாணம் போன்ற விசேஷ நாட் களில் ஆற்றில் பள்ளம் தோண்டித் தண்ணீர் எடுத்து மாட்டுவண்டியில் எடுத்துப் போகிறார்கள். பங்காளி வீட்டுப் பெண்களுக்கான முக்கிய வேலையே அதுதான் என்று சிரித்தபடியே சொல்கிறார்கள் அங்கு தண்ணீர் எடுத்துக்கொண்டிருந்த பெண்கள்.

இந்த மணல் திட்டிலிருந்து மணலை அள்ள பலர் முயன்றுள்ளார்கள். ஊர் மக்கள் இரவும் பகலும் காவல் காத்து அதை முறியடித்துள்ளனர். ஊருக்குள் நுழையும் அந்நியர்களை நன்கு விசாரித்த பிறகே அனுமதிக் கிறார்கள். அந்த மணல் திட்டைப் பாதுகாக்கக் கோரி ஆட்சியரிடம்கூட மனுவும் கொடுத்திருக்கிறார்கள்.

 

உழைப்பால் இணைந்த கைகள்

இரண்டு பக்கங்களிலும் உயர்ந்து நிற்கும் மரங்களின் நிழலால் போர்த்தப்பட்ட சாலையில் சென்றால் பழமையான பாணியில் கட்டப்பட்ட பிரம்மாண்ட நுழைவாயில் வரவேற் கிறது. சென்னை ரயில் பெட்டி இணைப்புத் தொழிற் சாலையின் (அய்சிஎப்) கதவுகள் பலத்த பாதுகாப்புக்கிடையே திறக்கப்படுகின்றன. நெருப்பால் உருவான ஒளி வெள்ளத்தின் நடுவே அமர்ந்து ரயில் பெட்டியின் பாகங்களைப் பற்றவைத்துக் கொண்டிருந்தனர் பாதுகாப்புக் கவசம் அணிந்த ஊழியர்கள். அந்தக் கவசங்களுக்குப் பின்னால் உழைத்துக்கொண்டிருந்தவர்களில் பெண்கள் சிலரும் இருந்தார்கள்.

நீண்ட ரயில் பெட்டிகளைத் தயாரிக்கும் பணியில் பெண்களும் ஈடுபட்டுவருவது, முன்னேற்றத்தின் குறியீ டாகவே தெரிகிறது. சென்னை அய்சிஎப்பில் மட்டும்

பத்தாயிரத்துக்கும் மேற்பட்ட ஊழியர்கள் பல்வேறு துறைகளில் பணிபுரிந்து வருகிறார்கள். இதில் ஆயிரத் துக்கும் மேற்பட்டவர்கள் பெண்கள். ரயில் பெட்டிகளைத் தயாரிப்பது போன்ற கடினமான பணிகளில் மட்டும் இருநூறுக்கும் மேற்பட்ட பெண்கள் பணியாற்றி வரு கிறார்கள். இந்நிலையில் 2018 மகளிர்  நாளை முன்னிட்டு அய்சிஎப் தொழிற்சாலையில் பெண்களை மட்டும் கொண்ட மகிளா என்ற குழு அமைக்கப்பட்டுள்ளது. இந்தக் குழுவைச் சேர்ந்த 30 பெண்கள், பயணிகள் ரயிலின் ஒரு முழுப் பெட்டியைத் தயாரித்து இந்திய ரயில்வே வரலாற்றில் புதிய சாதனை நிகழ்த்தியுள்ளனர்.

இந்தக் குழுவுக்குப் பொறுப்பாளராக இருக்கிறார் முதுநிலைப் பகுதிப் பொறியாளர் சாருலதா. சமீபத்தில்தான் கல்லூரிப் படிப்பை முடித்திருந்தாலும் தனக்குக் கொடுக்கப் பட்ட வேலைகளைச் சிறப்பாக முடிப்பதுடன் குழுவினரை ஒன்றிணைத்துச் செயல்படுவதிலும் பாராட்டைப் பெற்றுள் ளார். இந்தக் குழுவில் 27 வயதிலிருந்து 57 வயதுவரையுள்ள முதுநிலைப் பொறியாளர்கள், வெல்டர்கள், ஃபிட்டர்கள், உதவியாளர்கள் எனப் பல்வேறு தரப்பட்ட பெண் ஊழி யர்கள் உள்ளனர். இந்த உற்சாகமான பெண்கள் அணியைச் சந்திக்கச் சென்றபோது ரயில் பெட்டியின் கனமான ஒரு பாகத்தை வெல்டிங் செய்வதற்காகத் தோளில் சுமந்து சென்றுகொண்டிருந்தார் 57 வயதாகும் வசந்தா.

வெல்டிங் பிரிவில் வயதில் சீனியரான வசந்தாவை அங்குள்ள அனைத்து ஊழியர்களும் வசந்தாம்மா என்று அன்பாக அழைக்கிறார்கள். கணவர் இறந்த பிறகு அவருடைய வேலை வசந்தாம்மாவுக்குக் கிடைத்துள்ளது. முதலில் ரயில்வே உணவகத்தில் பணியாற்றிவந்த வசந் தாம்மா பின்னர் ரயில் பெட்டிகள் செய்யும் தொழிற் சாலையில் உதவியாளராகப் பணியாற்றத் தொடங்கினார். கடந்த 2014 முதல் வெல்டராகப் பணியாற்றிவருகிறார்.

நான் உதவியாளரா இருந்தப்ப மத்தவங்க வெல்டிங் செய்யறதை ஆசையா பார்ப்பேன். அப்போதிருந்தே வெல்டிங் மேல ஆர்வம் ஏற்பட்டுப்போச்சு. இந்த வயசுல வீட்டுல இருந்தா சோம்பேறியா ஆகிடுவோம். வேலை செய்யறதுக்கு உடம்புல தெம்பு இருக்கிற வரைக்கும் உழைச்சிட்டே இருக்கணுங்கறதுதான் என் ஆசை என்று சிரித்தபடியே சொல்கிறார் வசந்தா. ஒரு முறை வெல்டிங் செய்துகொண்டிருந்தபோது வசந்தாவின் புடவையில் தீப்பிடித்துக்கொண்டது. இதனால் அவருடைய கால் முழுவதும் தீக்காயம் ஏற்பட்டது. ஆனால், அந்த விபத்து நடந்த இரண்டே மாதத்தில் புல்லட் ரயில்போல் அவர் வேலைக்குத் திரும்பியதை மற்ற ஊழியர்கள் ஆச்சரி யத்துடன் நினைவுகூர்கிறார்கள்.

ஃபிட்டர் முனீஸ்வரி

ஒரு ரயில் பெட்டியில் நூற்றுக்கணக்கான துணை பாகங்கள் ஒன்றிணைக்கப்படும். ஒவ்வொரு பாகத்தையும் கச்சிதமாக இணைப்பதில் பலரது பாராட்டையும் பெற்றவர் ஃபிட்டராகப் பணிபுரிந்துவரும் முனீஸ்வரி. ரயில் பெட்டியைத் தயாரிக்கும் இடத்தில் முனீஸ்வரி இருந்தால் வெல்டரின் பணி சுலபமாகிவிடுமாம். ஃபிட்டராக வேலை செய்வதற்கு முன்பு அய்சிஎப்பில் துப்புரவுப் பணியாளராக இருந்துள்ளார். இங்கு ஃபிட்டராகப் பணியாற்றிவந்த அவருடைய தந்தை மரணமடைந்த நிலையில் அந்த வேலை முனீஸ்வரிக்குக் கிடைத்தது.

இதெல்லாம் ஆண்கள் செய்யும் வேலை, உனக் கெல்லாம் இது எதுக்குன்னு எல்லோரும் சொன்னாங்க. ஆனா எனக்கு இந்த மாதிரி வேலைதான் பிடிச்சிருக்கு. கஷ்டப்பட்டு வேலை செஞ்சாதான் வேலை பார்த்த மாதிரி இருக்கும். அதேபோல் இங்க எங்ககூட வேலை செய்யற ஆண்கள் எல்லாம் எங்களுக்குப் பாதுகாப்பாக இருக்காங்க. இங்க இருக்கிற பெண்கள் எல்லாம் தைரியமாக வேலை செய்கிறோம் அதுக்கு ஆண் ஊழியர்களோட பங்கு முக்கியமானது என சக ஊழியர்களைப் பற்றிச் சொல்கிறார் முனீஸ்வரி.

மகிளா குழுவில் மிகவும் இளையவரான கலைவாணி, அய்சிஎப்பில் உள்ள தொழிற்பயிற்சி மய்யத்தில் படித்தவர். ரயில்வே தேர்வில் வெற்றிபெற்று நான்கு ஆண்டுகளாக வெல்டராகப் பணியாற்றிவருகிறார். நான் ஸ்கூல் படிச்ச போது அய்சிஎப் பத்தி எதுவும் தெரியாது. என் அம்மாதான் இதைப் பத்தி எடுத்துச் சொன்னாங்க. அவங்க எட்டாவது வரைக்கும்தான் படிச்சிருக்காங்க. கட்டட வேலைக்குப் போய் எங்களைப் படிக்க வச்சாங்க. அம்மாதான் நிறைய பேர்கிட்ட விசாரிச்சு ரயில்வே தொழிற்பயிற்சி மய்யத்தில் படிக்கறதுக்கு என்னைச் சேர்த்துவிட்டாங்க. நான் இன் னைக்கு இந்த அரசாங்க வேலையில் இருக்கேன்னா, அதுக்கு எங்க அம்மாதான் காரணம் என்கிறார் கலைவாணி.

தற்போது இந்தப் பெண்கள் குழுவினர்  ஜிக்ஷீணீவீஸீ 18 என்ற புதிய தொழில்நுட்ப வசதிகளைக்கொண்ட ரயிலைத் தயாரிப் பதற்கான பணிகளில் ஈடுபட்டுள்ளனர். அதிலும் வெற்றி நிச்சயம் என்பதை அவர்களது செயலில் வெளிப்படும் வேகம் உணர்த்துகிறது.

 

ஈராக்கில் செங்கொடி

பறக்கவிட்ட முதல் பெண்

ஈராக்கின் அதிபர் பதவியிலிருந்து அகற்றப்பட்ட சதாம் உசேன் தூக்கிலிடப்பட்டு 12 ஆண்டுகள் ஆகின்றன. இந்தச் சூழ்நிலையில் கடந்த வாரம் நடந்து முடிந்த நாடாளுமன்றத் தேர்தல் முக்கியத்துவம் வாய்ந்த தாகக் கருதப்படுகிறது. அந்தத் தேர்தலில், ஈராக்கின்  நகரான நஜாபில் கம்யூனிஸ்ட் கட்சி சார்பில் போட்டியிட்ட சுகாப் அல் கதீப் எனும் பெண் வெற்றி பெற் றுள்ளார்.

அத்துடன், 2008இல் முன்னாள் அமெரக்க அதிபர் ஜார்ஜ் புஷ்ஷுக்கு எதிராகக் காலணி வீசிய பெண் பத்திரி கையாளர் மும்தாஸ் அல் செய்தி என்பவரும் இந்தத் தேர்தலில் வெற்றிபெற்றுள் ளார்.  இசுலாமிய நாட்டில், அதுவும் அமெரிக்காவின் கைப்பாவையாகச் செயல் படும் நாட்டில், கம்யூனிஸ்ட் கட்சியின் பெண் வேட்பாளர் வெற்றிபெற்றிருப்பது ஆட்சி யாளர்கள் மீதான மக்களின் வெறுப்பையும் எதிர் காலத்தின் மீதான அவர்களின் நம்பிக்கையையும் உணர்த்துகிறது.

 

மலேரியா கிருமிகள் தொற்றிக்கொண்டவர்களுக்கு ஏற்படும் அறிகுறிகளை வைத்துக்கூட, அந்த நோய் இருப்பதை கண்டறிவதில் சிரமங்கள் உள்ளன. இந்த நிலையில், எந்த அறிகுறிகளுமே இல்லாமல் மலேரியா கிருமிகளை சுமப்போருக்கு, அந்த நோய் இருப்பதை கண்டுபிடிப்பது மிகவும் சவாலான காரியம்.

இந்த நிலையில் மலேரியாவை சுமப்பவர்களின் உடலிலிருந்து வெளிப்படும் துர்நாற்றம் தனித் தன்மையுடன் இருக்கும் என்பதை மேற்கு கென்யாவில் உள்ள மருத்துவர்கள் கண்டறிந்துள்ளனர்.

ஆனால், மருத்துவர்களால் இதை முகர்ந்து பார்த்து துல்லியமாக சொல்லிவிட முடியும் என்று பொருளல்ல. தோல் மற்றும் ரத்த மாதிரிகளை எடுத்து கேஸ் குரோமடோகிராபி, மாஸ் ஸ்பெக்ட்ரோகிராபி சோதனைகள் மூலம், மலேரியா கிருமித் தொற்று உள்ளோரையும், இல்லாதோரையும் கென்ய மருத்துவர்களால் கண்டறிய முடிந்தது.

மேலும், அறிகுறிகள் உள்ளோர், அறிகுறிகள் இல்லாமலேயே ரத்தத்தில் மலேரிய தொற்றை சுமப்போரையும், மருத்துவர்களால் கண்டறிய முடிந்தது. இந்த கண்டுபிடிப்பு முறைப்படுத்தப்பட்டு பரவலானால், மலேரியா தாக்கியோரை விரைவில் கண்டறிந்து சிகிச்சையை சீக்கிரமே துவங்க முடியும்.

செவ்வாயில் பறக்கப்போகும் ஹெலிகாப்டர்!

மீண்டும் செவ்வாய் மீது கவனம் செலுத்தவிருக்கிறது அமெரிக் காவின் விண்வெளி அமைப்பான ‘நாசா’. ஏற்கனவே அனுப்பியதைப் போல ஊர்தியை அனுப்பாமல், 2020 செவ்வாய் திட்டத்திற்கு, ஹெலிகாப்டர் ஒன்றை நாசா அனுப்பப் போகிறது. ‘மார்ஸ்காப்டர்’ என, செல்லமாக அழைக்கப்படும் இது, தானோட்டி வாகனம்.

மார்ஸ் காப்டர் செவ்வாயில் இறங்கியதும் எப்படி பறக்கும், என்ன மாதிரியான படங்களை எடுத்து அனுப்பும் என்பதை விளக்கும் ஒரு கற்பனை காணொலியையும் நாசா அண்மையில் வெளியிட்டுள்ளது. விண்கலன்களிலிருந்தும், செவ்வாயின் தரைப் பகுதியிலிருந்தும் ஏகப்பட்ட படங்களை நாசா எடுத்துள்ளது. என்றாலும் பறவைப் பார்வையில் செவ்வாயின் மேற்பரப்புகளை படம்பிடித்து ஆராய்வதன் மூலம், அக்கிரகத்தைப் பற்றி நமக்கு புதுவிதமான தகவல்கள் கிடைக்கும் என, நாசா நம்புகிறது.

காற்று மாசை கண்டறியும் கருவி: தமிழக மாணவர்கள் சாதனை

நாகரீக உலகில் நாம் வேகமாக இழந்து வரும் வளங்களில் மண், நீருக்கு அடுத்து நாம் சுவாசிக்க அத்தியாவசியமான சுத்தமான காற்றும் ஒன்று. உயிரியல் ஆதாரங்களில் காற்று மிக முக்கிய பங்காற்றுகிறது.

காற்றானது பல்வேறு வகைகளில் மாசடைகிறது. குறிப்பாக தொழிற்சாலைகளிலிருந்து வரும் புகை, பிளாஸ்டிக் எரிப்பதனால் வரும் நச்சு புகை உள்ளிட்ட பலவகைளில் மாசடைகிறது. ஆனால், நாம் அன்றாட பயன்படுத்தும், நம்மிடமிருந்து பிரிக்க முடியாத, அத்தியா வசியமாகிவிட்ட பைக், கார் ஆகியவற்றிலிருந்து வரும் புகை காற்றை பெருமளவு மாசுபடுத்துகிறது.

வாகனப்புகையில் கலந்துள்ள சல்பர் டையாக்ஸைடு, கார்பன் மோனாக்சைடு உள்ளிட்ட நச்சுக்கள் காற்றில் கலந்து நாம் சுவாசிக்கக்கூடிய காற்றை விஷமாக மாற்றுகின்றன.

நாம் சுவாசிக்கும் காற்று எவ்வளவு மாசடைந்துள்ளது. அதில் என்னென்ன நச்சுக்கள் கலந்துள்ளன என்பதை நாம் கண்ணால் கண்டதுண்டா என்றால் இல்லையென்று தான் பதில் வரும். இதை மாற்றி யோசித்த திருச்சியை சேர்ந்த பொறியியல் மாணவர்களான முத்துக்கருப்பன், லியோ ஆல்டர்ன்ராஜ், மதன்ராஜ், மனோரஞ்சன் ஆகியோரது கண்டுபிடிப்பு தான் “ஃபால்கான்”.

இந்த கருவி காற்றில் உள்ள நச்சுக்களை படம்பிடித்து அதை அப்படியே கணினியில் காட்டுகிறது.  இந்த ஃபால்கான் கருவியானது கண்காணிப்பு கேமரா மற்றும் இணைய இணைப்பு கொண்ட கணினியுடன் இணைக்கப் பட்டிருக்கும்.

ஃபால்கானை ட்ரோனுடன் இணைத்து பறக்கவிடும் போது பறக்கும் பகுதியில் எவ்வளவு வாகனங்கள் உள் ளன. அவற்றிலிருந்து வெளிவரும் புகையால் காற்றில் என்னென்ன நச்சுக்கள் எவ்வளவு விகிதத்தில் கலந் துள்ளன என்பதை இணைய இணைப்பு கொண்ட கணினியில் நேரிடையாக பார்க்கலாம். மேலும் கணினியின் வாயிலாகவே இந்த கருவியை கட்டுப்படுத்தவும் முடியும். மேலும் இந்த ஃபால்கான் கருவியினை கூகுளுடன் இணைத்துக் கொண்டு வாகனம் நெரிசல் அதிகம் உள்ள பகுதிகளில் பொருத்தினால் போக்குவரத்து நெரிசல் பற்றிய தகவல்களை உடனுக்குடன் தெரிவிப்பதோடு, அந்த இடத்தில் காற்றில் ஏற்பட்டுள்ள மாசுக்கள், நச்சுக்கள் குறித்தும் தெரிந்து கொள்ள முடியும். இந்த காற்று மாசு தகவலை அருகிலுள்ள காற்று மாசுபாடு தர கண்காணிப்பு நிலையத்திற்கு தெரிவித்து காற்று மாசினையும் சரி செய்யும் நடவடிக்கைகளில் ஈடுபட முடியும். இந்த ஒரு கருவியின் மூலம் நாம் சிறந்த பயன்களை பெறமுடியும் என்கின்றனர் இதனை வடிவமைத்த மாணவர்கள்.

காற்று மாசு

இது குறித்து பேசிய நான்கு மாணவர்களுள் ஒருவரான முத்துக்கருப்பன் கூறுகையில், “இந்தியாவில் காற்று மாசானது தொழிற்சாலை புகைகளுக்கு அடுத்து நாம் பயன்படுத்தும் வாகனங்களிலிருந்து வெளிவரும் புகையினால் தான். அதிலும் குறிப்பாக வாகன நெரிசலின் போது மட்டுமே இந்தியாவில் சுமார் 22 சதவிகித காற்று மாசடைகிறதாக இந்திய காற்று மாசுபாடு தர கண்காணிப்பு நிலையங்களின் தகவல்கள் தெரிவிக்கின்றன.

இந்தியாவில் மொத்தமாக 39 காற்று மாசுபாடு தர கண்காணிப்பு நிலையங்கள் உள்ளன. அதில் 90 சதவிகித  அதாவது சுமார் 23 நிலையங்கள் மனித சக்தியால் இயங்கக் கூடியவையாக உள்ளன. இங்கு பயன்படுத்தக்கூடிய கண்காணிப்பு கேமராக் களானது சுமார் ஒன்றரை லட்சம் மதிப்பிலானது. இந்த கேமராக்களால் பதிவுகளை சேமிக்க முடியும், நேரலையாக பார்க்க முடியாது. ஆனால் நாங்கள் உருவாக்கியுள்ள ஃபால்கான் கருவியால் தகவல்களை சேமிப்பதோடு நேரலையாக பார்க்கவும் முடியும். இதனை நாங்கள் வெறும் இருபத்தைந்தாயிரம் ரூபாய்க்கு உருவாக்கி யுள்ளோம்“, என்கிறார் மகிழ்வுடன்.

இந்திய மனிதவள மேம்பட்டு அமைச்சகத்தின் ஆதர வோடு பாம்பே அய்அய்டி நிறுவனமானது அறிவியல் கண்டுபிடிப்புகள் பற்றிய ஆலோசனைகளை அளிக்க கோரியது. அதாவது பொறியியல் படிக்கும் மாணவர் களிடமிருந்து உலக பிரச்சினைகளுக்கு நடைமுறை தீர்வுகளை வழங்கி அவற்றை காட்சிபடுத்தலாம் என்று கோரியிருந்தது. அதில் ஃபால்கான் கருவியோடு சாரநாதன் கல்லூரி மாணவர்களும் கலந்து கொண்டனர்.

இது குறித்து லியோ ஆல்டர்ன்ராஜ் என்ற மாணவர் கூறுகையில், “இந்த போட்டியில் இந்தியா முழுவதிலு மிருந்து சுமார் 256 கல்லூரிகள் கலந்து கொண்டன. அவற் றில் முதல் சுற்றில் 105 கல்லூரிகள் தேர்வாகின. இக் கல்லூரிகளில் 72 கல்லூரிகள் மட்டுமே தங்களது ஆய்வு ஆலோசனைகளை, கருவிகளின் மாதிரிகளோடு சமர்பித் தன. இந்தியாவை அய்ந்து மண்டலங்களாக பிரித்து 72 கல்லூரிகளுக்குக்கிடையே போட்டிகள் நடைபெற்றது.

தென்மண்டலத்திலிருந்து தேர்வான இரண்டு கல்லூரிகளும் தமிழகத்தை சேர்ந்தவை. அதில் எங்களது கல்லூரியும் ஒன்று. எங்களது ஆய்வுகளையும், ஆலோ சனைகளையும் மாதிரிகளோடு செயல்முறை படுத்திக் காட்டினோம். இந்த போட்டியில் எங்களது தயாரிப்பான ஃபால்கான் முதல் பதினெட்டு இடங்களுக்குள் தேர்வாகியுள்ளது. இதனை மேலும் செம்மைபடுத்தி, நவீனப்படுத்த முயன்று வருகிறோம். எங்களது அனைத்து முயற்சிகளுக்கும் எங்களது பெற்றோர், கல்லூரி நிர்வாகம், முதல்வர், துறைத்தலைவர், பேராசிரியர் என அனைவரும் முழு ஆதரவளித்து, ஊக்கப்படுத்தினர்”, என்றார் அவர்.

மாணவர்களின் சாதனை

இம்மாணவர்களின் வழிகாட்டியாக செயல்பட்டு வரும் மின் மற்றும் மின்னணுவியல் துறை உதவி பேராசிரியை காயத்ரி கூறுகையில், “ஃபால்கான் எனும் இந்தக் கருவியை அவர்களாகவே யோசித்து உருவாக் கியது. அவர்களை சுதந்திரமாக யோசிக்க விட்டதால் பல கல்லூரிகள் கலந்து கொண்ட இந்தப் போட்டியில் முதல் பதினெட்டு இடங்களுக்குள் வர முடிந்தது. இதற்கு அவர்களின் முயற்சியே காரணம்.

அடுத்த கட்டமாக இந்தக் கருவிக்கு காப்புரிமை பெரும் முயற்சியில் ஈடுப்பட்டு வருகிறோம். இந்தக் கருவி எதிர்காலத்தில் ஸ்மார்ட் சிட்டி திட்டத்திற்கு மிகவும் உதவிகரமாக இருக்கும். திறமையும், உழைப்பும் நூறு சதவீதம் மாணவர்களுடையதே. நாங்கள் அவர்களை ஊக்கப்படுத்தி, முன்னேறும் வழியை காட்டும் வழிகாட்டி களாக மட்டுமே உள்ளோம்,” என்கிறார் இந்த உதவிப் பேராசிரியை.

மண் மற்றும் தண்ணீர் மீதான விழிப்புணர்வை பெற்ற அளவிற்கு மக்கள் மத்தியில் காற்றை பற்றிய விழிப் புணர்வானது குறைவாகவே உள்ளது. அடுத்த தெருவிற்கு கூட நடக்காமல் வாகனத்தில் செல்வதால் காற்றில் என்ன மாதிரியான நச்சுக்கள் கலந்து மாசடைகிறது என்பதை கண்முன்னே காட்சிப்படுத்தி காட்டுகிறது ஃபால்கான்.

Banner
Banner