முகத்தை நினைவில் வைத்திருப்பது, எல்லோருக்கும் வாய்த்திருக்கும் திறன். இந்தத் திறன், ஆளுக்கு ஆள் மாறுபடலாம்.

சரி, சராசரியாக உங்களால் எத்தனை முகங்களை அடையாளம் சொல்ல முடியும்? ‘புரசீடிங்ஸ் ஆப் தி ராயல் சொசைட்டி ‘இதழில் வெளியாகியுள்ள ஆய்வின்படி, ஒருவர் சராசரியாக 5,000 முகங்களை நினைவிலிருந்து அடையாளம் சொல்ல முடியும்.

ஆராய்ச்சியாளர்கள், 25 பேருக்கு, 1 மணி நேரம் கொடுத்து, அவர்களது தனி வாழ்க்கையில் தெரிந்த முகங்களை பட்டியலிடக் கூறினர்.

அடுத்து, மேலும், 1 மணி நேரம் கொடுத்து, 3,000 மேற்பட்ட திரைப்பட, அரசியல், விளையாட்டு பிரபலங்களின் புகைப்படங்களை கொடுத்து, அவர்கள் யார் என்று கேட்டனர்.

சோதனை துவங்கிய சில நிமிடங்கள் வரை வேகமாக அடையாளம் கண்ட பலர், போகப்போக நினைவு கூறும் வேகம் குறைந்தது.

என்றாலும், அந்த, 25 பேரும் நினைவு கூறிய முகங்களின் எண்ணிக்கையை வைத்து சராசரியாக ஒருவரால் 5,000 முகங்களை நினைவில் வைத்திருக் கலாம் என்ற முடிவுக்கு ஆய்வாளர்கள் வந்தனர்.

ஆய்வில் பங்கேற்ற சிலரால் ஆயிரம் பேர்களின் முகங்களை மட்டுமே அடையாளம் காண முடிந்தன. சிலரால் பத்தாயிரம் முகங்கள் வரை நினைவுகூற முடிந்தது. இந்த ஆய்வின் முடிவு, முகம் நினைவு கூறல் குறித்த வேறு ஆராய்ச்சிகளுக்கு அடிப் படையாக இருக்கும். அடுத்தபடியாக, இதே ஆராய்ச்சியாளர்கள் புதிய ஆய்வை மேற்கொள்ள வுள்ளனர்.

அது என்ன தெரியுமா? எப்படி சிலரால் மட்டும், 10,000 முகங்களுக்கு மேல் நினைவில் வைத்திருக்க முடிகிறது என்பதுதான்!

கூகுளுக்கு சொந்தமான தானோட்டி வாகன பிரிவுதான் ‘வேமோ.’ இது அண்மையில் ஒரு முக்கியமான மைல் கல்லை கடந்திருக்கிறது. வாகனத்தில் ஓட்டுநர் ஒருவரும் இல்லாமல், பரபரப்பான நகர சாலைகளில் வோமோவின் தானோட்டி வாகனங்கள், 10 லட்சம் மைல்களை கடந்திருக்கின்றன.

தற்போது வேமோ, அமெரிக்காவின், 25 நகரங் களில், வேமோ தானோட்டி கார்களை சோதித்து வருகிறது. இந்த வாகனங்களில் முன், ஸ்டியரிங்கை பிடிக்காமல் ஒருவர் அமர்ந்திருப்பார். அடுத்த கட்டமாக, ஸ்டியரிங்கிற்கு பக்கத்தில் சோதனை யாளர்களை அமர்த்தி, சோதனைகளை வேமோ நடத்தியது.

இது எதிரே வரும் வாகன ஓட்டிகள் பார்த்து பயந்துவிடாமல் இருப்பதற்காக செய்த ஏற்பாடு.

பிறகு, எங்கள் தானோட்டி வாகன தொழில்நுட்பம் துல்லியமானது என்பதை நிரூபிக்க, வண்டியின் முன்சீட்டில் யாருமே இல்லாமல், தானோட்டி வாகன சோதனைகளை நடத்த ஆரம்பித்தது. அந்த வகையில்தான் தற்போது, 10 லட்சம் மைல்களை வேமோ வின் வாகனங்கள் தாண்டியுள்ளன.

கூடவே, பீனிக்ஸ் நகரில், 400 பேருக்கு வேமோ வின் மொபைல் செயலியைத் தந்து, அவர்கள் வேலைக்குப் போவது, திரும்ப வீட்டுக்குப் போவது போன்ற பயணங்களுக்கு பயன்படுத்தும்படி சொல்லியிருக்கிறது, கூகுள். அந்த சோதனையும் பிசிறில்லாமல் தற்போது நடந்துவருகிறது. ஆக, தானோட்டி வாகனங்கள் பரவலாகப்போவது உறுதி.

உலகின் மிக வேகமான படப்பிடிப்புக் கருவியை, விஞ்ஞானிகள் உருவாக்கியுள்ளனர்.

கனடாவை சேர்ந்த அய். என்.ஆர்.எஸ்., பல்கலைக்கழகம் மற்றும் அமெரிக்காவைச் சேர்ந்த கால்டெக் ஆகிவற்றின் ஆராய்ச்சியாளர்கள் உருவாக்கி யுள்ள ‘டி-கப்’ என்ற இந்தக் கருவி, ஒரு வினாடிக்கு, 10 லட்சம் கோடி படங்களை எடுக்கும் திறன் கொண்டது.

சுவீடனைச் சேர்ந்த விஞ்ஞானிகள், 2017இல், வினாடிக்கு, 4.4 லட்சம் கோடி தடவை படம் எடுக்கும் கருவியை உருவாக்கியிருந்தனர்.

இப்போது கால்டெக்- அய்.என்.ஆர்.எஸ்., விஞ்ஞானிகளின் கருவி, அதைவிட இரு மடங்கு வேகத்தில் படமெடுக்கிறது. ‘லேசர்’ ஒளித் துடிப்புகள் கடந்து செல்வதையும், அவற்றின் கோணம், வடிவம், அடர்த்தி போன்றவற்றை தெளிவாக இந்த கேமரா படம் பிடித்து அசத்தி உள்ளது.

இயற்பியல் மற்றும் உயிரியல் துறையில் அணுக்கள், செல்கள் போன்ற நேனோ அளவுகளில் நிகழும் மாற்றங்களை படம்பிடிக்க, அதிவேக படப்பிடிப்புக் கருவிகள் தேவைப்படுவதாக விஞ்ஞானிகள் தெரிவித்துள்ளனர்.

அளவை மிஞ்சிய தூக்கமும் கெடுதல்

தூக்கத்தைப் பற்றி நடத்தப்பட்ட உலகின் மிகப் பெரிய ஆய்வின் முடிவுகள் அண்மையில் வெளியிடப்பட்டுள்ளன. இந்த ஆய்வில் தெரிய வந்துள்ள ஆச்சரியமான தகவல், அதிக நேரம் தூங்குபவர்களுக்கும் பாதிப்புகள் ஏற்படுகிறது என்பதுதான்.

சராசரியாக ஒருவர் இரவில், 7 முதல் 8 மணி நேரம் தூங்குவது ஆரோக்கியமானது. இதற்கு குறைவான நேரம் தூங்குவதால் உடல் மற்றும் மனநலக் குறைபாடுகள் ஏற்படுவதை உல கெங்கும் பல ஆய்வுகள் உறுதி செய்துள்ளன.

எட்டு மணி நேரத்திற்கும் அதிகமாக தூங்குவது என்ன கெடுதலை விளைவித்துவிட முடியும்? அதிக தூக்கத்தால் மூளையில் ஏற்படும் மாற்றங்கள், ஒருவரது முடிவெடுக்கும் திறன் போன்றவற்றை பாதிப்பதாக மருத்து வர்கள் கருதுகின்றனர். ‘ஸ்லீப்’ என்ற ஆய்விதழில் வெளி யிடப்பட்ட இந்த ஆய்வில், உலகெங்கும் உள்ள 10,000 பேருக்கும் மேற்பட்டவர்கள், இணை யத்தின் மூலம் பங்கேற்றனர். குறைவாகத் தூங்கு பவர்களுக்கு ஏற்படும் பாதிப்புகளும், அதிக நேரம் தூங்குப வர்களுக்கு ஏற்படும் பாதிப்புகளும் ஒத்திருப்பதையும், இந்த ஆய்வு மூலம் ஆராய்ச் சியாளர்கள் கண்டறிந்து உள்ளனர்.

 

Banner
Banner