இரவு நேரத்திலோ அல்லது குறைந்த ஒளி கொண்ட இடத்திலோ புகைப்படங்களை எடுக்கும்போது இருக்கும் சிரமத்தை பெருமளவில் நீக்கும் தொழில்நுட்பத்தை கூகுள் நிறுவனம் முதல் முறையாக அறிமுகப்படுத்தியுள்ளது.

கடந்த அய்ந்து ஆண்டுகளுக்கு முன்பு வரை தொழில்முறை கேமராக்களில் மட்டுமே எடுக்க முடிந்த தரமான புகைப்படங்கள்/ காணொலிகளை தற்போது கைபேசிகளிலேயே எடுக்குமளவுக்கு தொழில்நுட்பம் முன்னேறியுள்ளது. இருந்தபோதிலும், இரவு அல்லது ஒளி குறைந்த இடங்களில் புகைப்படங்களை எடுக்கும்போது தெளிவான புகைப்படங்களை பெறுவதில் சிரமம் நீடித்து வருகிறது. கைபேசியிலுள்ள ஃபிளாஷை பயன்படுத்தி எடுக்கப்படும் புகைப்படங்களும் செயற்கையான தோற்றத்தையே அளிக்கின்றன.

இந்நிலையில், தமது பிக்சல் கைபேசிகளில் இருக்கும் கேமராக் களுக்கென ‘நைட் சைட்’ என்னும் பிரத்யேக வசதியை அறிமுகப்ப டுத்தியுள்ளது கூகுள். அதாவது, இயந்திர நுண்ணறிவு தொழில் நுட்பத்தை அடிப்படையாக கொண்டு செயல்படும் இந்த வசதியின் மூலம் அனைத்து விதமான ஒளியிலும் பளிச்சென வண்ணமயமான புகைப்படங்களை எடுக்கமுடியுமென்று கூகுள் அறிக்கை வெளியிட்டுள்ளது.

ஒளியும் நிறமும் நம் மனநிலையில் மாற்றங்களை ஏற்படுத்தும் திறன் படைத்தவை. நீல நிற ஒளியால் உயர் ரத்த அழுத்தத்தை கணிசமாகக் குறைக்க முடியும் என, பிரிட்டனி லுள்ள சர்ரே பல்கலைக்கழக ஆராய்ச்சி யாளர்கள் கண்டறிந்து உள்ளனர்.

இந்த கண்டுபிடிப்பு, தினமும் மூன்று வேளை உயர் ரத்த அழுத்த மருந்துகளை எடுத்துக்கொள்பவர்களுக்கு ஆறுதல் தரக் கூடியது.

சர்ரே ஆராய்ச்சியாளர்கள், ஆரோக்கிய மான, 14 பேரை 30 நிமிடங்கள் நீல நிற ஒளியில் இருக்கவைத்தனர். ஆய்வாளர்கள் பயன்படுத்திய நீல நிற ஒளியின் அலைநீளம் 450 நேனோ மீட்டர்கள் கொண்டது. இது சூரிய ஒளியில் இருக்கும் நீல ஒளியின் தன்மையுடையது. அடுத்த நாள், அதே நபர்களை சாதாரண ஒளியில் 30 நிமிடங்கள் இருக்க வைத்தனர்.

இந்த சோதனைக்கு முன், சோதனைக்கு பின், இரண்டு மணி நேரங்கள் கழித்தும் பங்கேற்பாளர்களின் ரத்த அழுத்தம், ரத்த நாளங்களின் இறுக்கம், இளக்கம், ரத்த பிளாஸ்மாவில் நைட்ரிக் அமிலத்தின் அளவு போன்றவற்றை ஆராய்ச்சியாளர்கள் அளந்து பார்த்தனர். சாதாரண ஒளியில் நனைந்த பின், ரத்த அழுத்தத்தில் எந்த மாற்றமும் தென்பட வில்லை. ஆனால், நீல ஒளியில் நனைந்த பின், இதயம் சுருங்கிய நிலையில் (சிஸ்டாலிக்) ரத்த அழுத்தம் 8 மி.மி மெர்குரி அளவுக்கு குறைந்திருந்தது.

இது ரத்த அழுத்தத்தை குறைக்கும் மருந்துகளை சாப்பிடும்போது கிடைக்கும் பலன் அளவுக்கு இருப்பதாக ஆராய்ச்சி யாளர்கள் தெரிவித்தனர். நீல ஒளி பட்டதும், தோலில் நைட்ரிக் ஆக்சைடு உற்பத்தியாகி, அது ரத்த ஓட்டத்தில் கலக்கிறது. இதனால் இறுகியிருந்த ரத்த நாளங்கள் இளக்க மடைகின்றன.

இதையடுத்து, ரத்த ஒட்டம் அதிகரித்து, ரத்த அழுத்தம் குறைகிறது என, ஆராய்ச்சி யாளர்கள் கண்டறிந்தனர். வயதானவர்களின் உயர் ரத்த அழுத்தத்தை கட்டுப்படுத்த, நீல ஒளியைப் பாய்ச்சும் கருவிகளை அணிந்தால் அதிக மாத்திரைகளை உட்கொள்ளாமலேயே ரத்த அழுத்தத்தை சீராக்கலாம் என, சர்ரே பல்கலைக்கழக ஆய்வாளர்கள் தெரிவித்துள்ளனர்.

பிரிட்டனின் ராணுவம், புத்திசாலி ரோபோக்களை பயன்படுத்த தீவிரமாக ஆலோசித்து வருகிறது. உலகெங்கும் விஞ்ஞானிகள் ராணுவத்தில் செயற்கை நுண்ணறிவு மற்றும் ரோபோக்களை பயன்படுத்த தடை விதிக்க வேண்டும் என, அய்.நா சபையிடம் வற்புறுத்தி வருகின்றனர்.

இருந்தாலும், பிரிட்டன் விரைவில் ரோபோக் களை ராணுவத்தில் பயன்படுத்துவது குறித்து நான்கு வார ஒத்திகைக்கு ஏற்பாடு செய்திருக்கிறது.

பல முன்ணனி ரோபோ தயாரிப்பாளர்கள் தயாரித்துள்ள, 70 வகை ரோபோ தொழில்நுட்பங் களை போர்க்களத்தில் எப்படி பயன்படுத்தலாம் என்பது குறித்து பிரிட்டன் பரிசோதிக்கவுள்ளது. கண்காணிப்பு, தொலை துர துல்லிய தாக்குதல், நகர்ப்புற யுத்தம் ஆகிய நோக்கங்களுக்கு ரோபோக்களை எப்படி பயன்படுத்த முடியும் என, ராணுவ அதிகாரிகள் ஆலோசனை நடத்தவுள்ளனர்.

குறிப்பாக, போர்க்களத்தில் இருக்கும் ராணுவ வீரர்களுக்கு உணவு, மருந்து, ஆயுத தளவாடங்களை கொண்டுபோய் கொடுக்கவே இந்த சோதனை நடத்தப்படுவதாக பிரிட்டனின் பாதுகாப்பு அமைச் சகம் தெரிவித்துள்ளது. தரைப் போர் வீரர்களுக்கு ரோபோக்கள், சக்கர வசதியுள்ள ரோபோ வாகனங்கள், கடற்படையினருக்கு ஆளில்லாமல் பறக்கும் ட்ரோன்கள் போன்றவற்றை பயன்படுத்த பிரிட்டன் திட்டமிட்டுள்ளது.

இந்த ரோபோக்கள் செயற்கை நுண்ணறிவுத் திறன் கொண்ட புத்திசாலி ரோபோக்களாக இருக்கும் என்பதால், இந்த ஒத்திகைக்கு, ‘அடானமஸ் வாரி யர்ஸ்’ என்றே பெயர் வைத்துள்ளது பிரிட்டன் பாதுகாப்பு அமைச்சகம்.

Banner
Banner