யாரும் எதிர்பாராத வகையில், முழுவதும் மின்சாரத்தில் இயங்கும், ராட்சத சரக்கு வாகனத்தை அறிமுகப்படுத்தி இருக்கிறார், அமெரிக்க தொழிலதிபர், எலான் மஸ்க். ‘டெஸ்லா செமி டிரக்‘ என, பெயரிடப்பட்டுள்ள அந்த மின் லாரி, ஒருமுறை மின்னேற்றம் செய்தால், 800 கி.மீ., தொலைவு செல்லுமாம்.

அதுவும், 36.28 டன் எடையுள்ள, சரக்குகளை ஏற்றிக் கொண்டு, நெடுஞ்சாலையில் மணிக்கு, 100 கி.மீ., வேகத்தில் செல்ல முடியும் என, சமீபத்தில், ஊடகங்களிடம் விளக்கினார், மஸ்க்.

காற்றை கிழித்துச் செல்லும் வகையில், துப்பாக்கித் தோட்டா முனை போல், செமி டிரக்கின் வடிவம் இருக்கிறது. பின்னால் இணைக்கப்பட்டிருக்கும் சரக்கு டிரெயிலருடன், ஓட்டுநரின் பகுதி கச்சிதமாக இணைவதால், காற்று தடை ஏற்படாது என்கிறார், மஸ்க். இந்த மின் லாரியின் மின்கலன்களை, 30 நிமிடத்தில், ‘ரீசார்ஜ்’ செய்யலாம். டீசல் லாரியின் டேங்க்கை நிரப்ப, 20 நிமிடம் பிடிக்கும். அதைவிட, 10 நிமிடம் தான் கூடுதலாக இருக்கும் என்கிறார், மஸ்க்.

ஓட்டுநரின் அறை, ஏதோ விமானியின் அறை போல, இரண்டு கட்டுப்பாட்டு திரைகளுடன் வடிவமைக்கப்பட்டு இருக்கிறது. டீசல் லாரிகளை விட, டெஸ்லா செமி டிரக்கை இயக்க, 20 சதவீதம் குறைவான செலவே பிடிக்கும் என, அவர் உறுதியாக தெரிவித்தார். 10 லட்சம் கி.மீ., வரை இந்த வண்டி, சாலை நடுவே பழுதாகி நிற்காது என, உத்தரவாதம் தருகிறது, டெஸ்லா. இதன் கண்ணாடிகள், அணு குண்டு அருகே வெடித்தாலும் உடையாது என, டெஸ்லா விளம்பரம் செய்கிறது.

எல்லாவற்றையும் விட முக்கியம், செமி டிரக், ‘ஆட்டோ பைலட்’ தொழில்நுட்பத்துடன் வருகிறது. அதாவது, நெடுஞ்சாலைக்கு வந்ததும், இந்த லாரியிலுள்ள மென்பொருளும், உணர்வான்களும், தானாகவே ஓட்டிச் செல்லும். ஓட்டுநர் அமர்ந்து வேடிக்கை பார்க்கலாம்!

அரிய நோயை தீர்க்க மரபணு சிகிச்சை!

உலகிலேயே, முதன் முறை யாக, ஒரு மனித நோயாளிக்கு, மரபணுவில் திருத்தம் செய்யும் தொழில்நுட்பத்தை, சமீபத்தில், விஞ்ஞானிகள் பயன்படுத்தி உள்ளனர். ‘ஹண்டர் சிண்ட் ரோம்‘ என்ற அபூர்வ நோய் வாய்ப்பட்டிருக்கும், 44 வயது ஆணுக்கு, இந்த சிகிச்சை மேற் கொள்ளப்பட்டு உள்ளது. இந்நோய் தாக்கப்பட்டவருக்கு, உடலில் சில வகை சர்க்கரைகளை ஜீரணித்து, சக்தியாக மாற்றும் திறன் பழுத டைந்துவிடும். இதனால், உறுப்புகள் செயலிழக்கும் அபாயம் உண்டு.

மரபணு கோளாறால் வரும் இந்நோய்க்கு, மரபணுவில் உள்ள பிழையை திருத்துவது தான் ஒரே சிகிச்சை. எனவே, அமெரிக்க மருத்துவர்கள், நோயாளியின் உடலுக்குள், ‘ஜிங்க் பிங்கர் நியூக்ளியஸ்’ என்ற உயிரி வேதிப் பொருளை செலுத்தி உள்ளனர்.

இது ரத்தத்தில் கலந்து, பயணித்து, கல்லீரலை அடைந்து, ஹண்டிங் சிண்ட்ரோம் குறைபாட்டை ஏற்படுத்தும் மரபணுக்களில் திருத்தங் களைச் செய்யும் என, மருத்துவர்கள் நம்பிக்கை தெரிவித்து உள்ளனர்.

இது சரியாக வேலை செய்தால், நோயாளியின் கல்லீரல் துண்டப் பட்டு, ஆல்புமின் என்ற புரதத்தை உற்பத்தி செய்யும். இது, நோயாளியின் உடலில், கார்போஹைட்ரேட்டுகளை சரியாக ஜீரணிக்க உதவும் என, விஞ்ஞானிகள் தெரிவித்து உள்ளனர்.

பனிக் காற்றிலிருந்து குடிநீர்

தண்ணீர் என்றதும், பூமி மேலும், பூமிக்கு அடியிலும் தான் இருக்கும் என்று தான், இத்தனை காலம் மனிதர்கள் நினைத்தனர். ஆனால், காற்றிலிருந்தும் சுத்தமான குடிநீரை பெற முடியும் என்பதை, பல புதிய தொழில்நுட்பங்கள் நிரூபிக்கின்றன.

தைவானைச் சேர்ந்த, தேசிய சென் குங் பல்கலைக் கழகத்தின் மாணவர்கள், ‘அக்குவா ஏர்’ என்ற, ஓர் எளிய கருவியை வடிவமைத்து உள்ளனர். மூன்று மூங்கில் கால்களும், அதன் மேலே, ஒரு கூம்பு போன்ற விரிப்பும் கொண்ட இந்தக் கருவியை, பனி மிக்க மலைப் பகுதிகளில் வைத்துவிட்டால், இக்கருவி, பனிக் காற்றிலிருக்கும் ஈரப்பதத்தை, ஒரு சிறு மின் விசிறி மூலம் உறிஞ்சி சுழற்றி, நீராக்கி தருகிறது.  அந்நீரை, ஒரு குழாய் வழியே கீழே இருக்கும் வாளியில் சேமிக்கலாம்.ஹாண்டூராஸ் போன்ற மலைப் பாங்கான, நீர்க் குழாய் வசதியற்ற பகுதிகளுக்கு, இந்த எளிய கருவி பயனுள்ளதாக இருக்கும்.

கடலில் சுற்றுச்சூழலை சீர்குலைக்கும்
பிளாஸ்டிக் கழிவுகள்

அதிகளவில் அதிகரித்து வரும் பிளாஸ்டிக் கழிவு களால் கடல் வாழ்வு சீர்படுத்த முடியாத அளவுக்கு சேதத்தை எதிர்கொண்டுள்ளதாக அய்க்கிய நாடுகள் சபையின் பெருங்கடல்களுக்கான பிரிவின் தலைவர் எச்சரித்துள்ளார்.

அரசாங்கங்கள், நிறுவனங்கள் மற்றும் தனி நபர்கள் பிளாஸ்டிக் மாசுபாட்டை நிறுத்த விரைவாக செயல்பட வேண்டும் என்று லிசா ஸ்வென்சன் கூறியுள்ளார்.

“இது புவிக் கோளுக்கு ஏற்பட்டுள்ள நெருக்கடி” என்றும் “பிளாஸ்டிக்கை வசதிக்காக கண்டுபிடித்த சில காலத்திற்குள்ளாகவே அதன் மூலம் கடலின் சுற்றுச் சூழலை நாம் அழித்து வருகிறோம்“ என்று அவர் மேலும் கூறியுள்ளார்.

நைரோபியில் நடக்கவுள்ள அய்.நா சுற்றுச்சூழல் உச்சிமாநாட்டிற்கு முன்னதாக செய்தியாளர்களுக்கு  அளித்த பேட்டியில் அவர் இவ்வாறு கூறியுள்ளார்.

கூட்டத்தில் கலந்துகொண்ட பிரதிநிதிகள் பிளாஸ்டிக் குப்பைக்கு எதிராக கடுமையான நட வடிக்கை எடுக்க வேண்டும் என்று வலியுறுத்தினர்.

பிளாஸ்டிக் கழிவுகளை உட்கொள்வதால் பாதிக் கப்படும் ஆமைகளை பராமரிக்கும் கென்ய மருத்துவமனை பற்றிய செய்தியை கேட்டு அவர் வேதனை அடைந்தார்.

கடற்பரப்பில் மிதந்துகொண்டிருந்தபோது மீனவர் ஒருவரால் மீட்கப்பட்ட ‘கய்’ என்ற இளம் ஆமையை அவர் பார்வையிட்டார்.

ஆமைகள் அதிகமாக பிளாஸ்டிக் சாப்பிட்டி ருந்தால், அவைகளின் வயிறு வீக்கமடைந்து, மிதப்பதிலிருந்து கட்டுப்படுத்த முடியாது என்பதால் அந்த ஆமை பிளாஸ்டிக் கழிவுகளைதான் உட்கொண் டிருக்க வேண்டுமென்று உடனடியாக சந்தேகிக்கப் பட்டது.

ஆமையின் உடற்கூறுகளை தூய்மைப்படுத்து வதற்காக அதற்கு இரண்டு வாரகாலத்திற்கு மல மிளக்கிகள் கொடுக்கப்பட்டு, கய் மீண்டும் கடலுக்குள் விடப்பட்டபோது லிசா ஸ்வென்சன் ஒரு உணர்ச்சிகர தருணத்தை கண்டார்.

பிளாஸ்டிக்கால் ஏற்பட்டுள்ள “சவாலின் அளவு முற்றிலும் மகத்தானது” என்று கூறும் ஸ்வென்சன், கடல்களில் உள்ள பிளாஸ்டிக் கழிவுகளை நீக்க வலியுறுத்தி நார்வே இயற்றியுள்ள ஒரு தீர்மானத்தை ஆதரிப்பதாகவும் அவர் தெரிவித்துள்ளார்.

அனைத்து நாடுகளும் அந்த நீண்டகால இலக் குடன் உடன்பட்டால் அது அய்.நாவின் வெற்றியாக கருதப்படும் என்றும் அவர் கூறியுள்ளார்.

2025 ஆம் ஆண்டுக்குள் கடல் மீதுள்ள கழிவுப் பொருட்களை கணிசமாகக் குறைப்பதற்கான தற்போதைய உறுதிப்பாட்டை விட இது மிகவும் அதிகளவு லட்சிய நோக்கமுள்ளதாக உள்ளது.

கழிவுகளைத் தடுக்க ஒரு கால அட்டவணை இல்லாதது பெரும் தோல்விக்கு வித்திடுவதாக சில சுற்றுச்சூழல் வல்லுநர்கள் வாதிடுகின்றனர்.

கிரீன்பீஸ் அமைப்பை சேர்ந்த டிஷா பிரவுன் அளித்த பேட்டியில் “வலுவான உடன் படிக்கைக்காக அவர்கள் செயல்படுவதை வரவேற் கிறோம்.

ஆனால் பில்லியன் கணக்கான டன் பிளாஸ்டிக் கழிவுகளை கடலுக்குள் நுழைவதை தடுக்க அவசர நடவடிக்கை தேவைப்படுகிறது.”

“உற்பத்தியாளர்கள் தங்கள் தயாரிப்புகளுக்கான பொறுப்பை உணர வேண்டும். நம்மை இந்நிலைக்கு இட்டுச் சென்றுள்ள நமது நுகர்வு முறைகளை சரிபார்க்க வேண்டும்.”

சீனாவுக்கு அடுத்து உலகின் இரண்டாவது மிகப் பெரிய பிளாஸ்டிக் மாசுபாட்டை ஏற்படுத்தும் நாடான இந்தோனேசியா, 2025இல் கடலில் பிளாஸ்டிக் கழிவுகள் கலப்பதை 75 சதவிகிதம் குறைக்க உறுதிய ளித்துள்ளது.

ஆனால், இதைச் செய்ய சட்ட விதிகள் போது மானதாக இருக்கிறதா என்று சில பார்வையாளர்கள் சந்தேகிக்கின்றனர்.”

அதிகளவிலான மீன்பிடிப்பு மற்றும் இரசாயன மாசுபாடு, கழிவுநீர் மற்றும் வேளாண்மை; கடலோர பகுதிகளில் வளர்ச்சி; பருவநிலை மாற்றம்; கடல் அமிலம் மற்றும் அதிக சுரண்டலுக்குள்ளாகும் பவளப் பாறைகள் போன்ற பன்முனை தாக்குதல்களை கடல் எதிர்கொள்வதாக ஸ்வென்சன் தெரிவித் துள்ளார்.


அமெரிக்க விஞ்ஞானிகளின் கூற்றுபடி, தனித்துவப்பட்ட ‘சுவாச சோதனை’ நடத்தப்படுவதன் மூலம் மக்களிடம் மலேரியா நோய் பாதிப்பு உள்ளதா என்பதை கண்டறிய முடியும் என தெரியவந்துள்ளது.

இதற்கான ஒரு ஒழுங்கற்ற முன்மாதிரி மூச்சு சோதனை முயற்சி ஏற்கெனவே ஆஃப்ரிக்காவில் நடத்தப்பட்டுள்ளது.

குழந்தைகளிடையே இச்சோதனையை முயற்சித்த போது சரியாக இருந்தாலும், வழக்கமான செய்முறையாக இதனை மாற்றுவதற்கு இந்தச் சோதனையை மேலும் மேம் படுத்த வேண்டியுள்ளது.

இந்த சோதனைக் கருவி மூலம் முகரப்படும் ஒரு வித மணமும், மலேரியாவை பரப்பும் பூச்சிகளை ஈர்க்கக் கூடிய இயற்கை மணமும் ஒரே மாதிரியாக இருக்கிறது.

பைன் மரங்கள் மற்றும் ஊசியிலை மரங்கள் வெளியிடக்கூடிய டெர்பைன்சபானது, கொசுக்கள் மற்றும் மகரந்த சேர்க்கை செய்யும் வேறு சில பூச்சிகளை வரவழைக்கும் என செய்ன்ட் லூயிசில் உள்ள வாசிங்டன் பல்கலைக்கழக ஆராய்ச்சியாளர்கள் கூறுகின்றனர்.

மலேரியா பாதிப்பு உள்ளவர்களின் சுவாசத்திலும் இதே மணம் இருக்க, அது கொசு உள்ளிட்ட மற்ற பூச்சிகளை ஈர்க்கும் பட்சத்தில் அவை மற்றவர்களை கடிக்கும் போது பலருக்கு மலேரியா பரவ வாய்ப்புள்ளதாகவும் ஆராய்ச்சி யாளர்கள் நம்புகின்றனர்.

இந்த சோதனை மேலும் கட்சிதமாக இருந்தால், மலேரியா நோயை கண்டறிய இதுவே புதிய மலிவான மற்றும் எளிமையான வழியாக அமையும் என பேராசிரியர் ஆட்ரி ஓடம் ஜான் மற்றும் அவரது சக ஊழியர்கள் தெரிவிக்கின்றனர்.

தனித்துவமான வாசனை

மலேரியா பாதிப்பை கண்டறிய இந்த முன்மாதிரி சுவாச சோதனையானது ஆறு மாறுபட்ட மணங்களை அல்லது எளிதில் ஆவியாகக்கூடிய கரிம சேர்மங்களை கண்டறியும்.

மலாவியில், மலேரியா பாதிப்பு இருக்கும் அல்லது இல் லாமல் இருக்கும் காய்ச்சல் உள்ள 35 குழந்தைகளின் சுவாச மாதிரிகளில் ஆராய்ச்சியாளர்கள் சோதனை மேற்கொண் டனர்.

அதில் 29 குழந்தைகளுக்கு துல்லியமான முடிவை இந்த சோதைனை தந்துள்ளதால், இதன் வெற்றி விகிதம் 83 விழுக்காடாக கருதப்படுகிறது.

வழக்கமாக நடத்தப்படும் சோதனையை ஒப்பிடும் போது இது மிகக் குறைவாக இருந்தாலும் இதன் நம்பகத்தன்மையை உயர்த்தி இதனை சிறந்த தயாரிப்பாக உருவாக்க முடியும் என ஆராய்ச்சியாளர்கள் நம்புகின்றனர்.

மலேரியாவை கண்டறிய எளிமையான, வேகமான இரத்த சோதனை முறை இருந்தாலும் அதற்கென சில வரம்புகள் உள்ளதாக வாசிங்டன் பல்கலைக்கழக ஆராய்ச் சியாளர்கள் கூறுகின்றனர்.

இரத்த பரிசோதனை செய்வதென்பது விலை உயர்ந்த தாகவும், கிராமப்புற பகுதிகளில் சவால் நிறைந்த ஒன்றாகவும் உள்ளது.

இரத்த மாதிரிகள் தேவைப்படாத அல்லது தொழில்நுட்ப நிபுணத்துவம் வாய்ந்த முறை சிறந்த நன்மை பயக்கக்கூடும்.

லண்டன் சுகாதார மற்றும் ட்ராபிக்கள் மருத்துவப் பள்ளி யைச் சேர்ந்த பேராசிரியர் ஜேம்ஸ் லோகன் கூறுவதாவது:

“அறிகுறியில்லாமல் இருக்கும் மலேரியா நோய் பாதிப்பை விரைவாக எப்படி கண்டறிந்து கட்டுப்படுத்துவதென்பது பெரிய சவாலாக உள்ளது, மற்றும் முழுமையாக மலேரியாவை ஒழிக்க நாம் இந்த இலக்கை நோக்கி நகர்வது அவசியமாகிறது. மலேரியா நோய் தொற்றுகளை கண்டறிய ஒரு புதிய கருவி உள்ளதென்பது உற்சாகமளிக்கிறது.”

இந்த சோதனை முறையை நம்பகத்தன்மை உள்ளதாக மாற்ற மேலும் சில வேலைகளை செய்வதற்கான தேவை உள்ளது.

அமெரிக்கன் சொசைட்டி ஆஃப் ட்ராபிகள் மெடிசன் மற்றும் அய்ஜினின் இந்த ஆண்டு கூட்டத்தில் இது தொடர் பான கண்டுபிடிப்புகள் வெளியிடப்பட உள்ளன.

இடத்தை காட்டிக் கொடுக்கும் ஆண்ட்ராய்டு செல்பேசிகள்

ஆண்ட்ராய்டு திறன்பேசிகள் அருகிலுள்ள செல்பேசி கோபுரங்கள் சார்ந்த தகவல்களை திரட்டி அவற்றை கூகுள் நிறுவனத்திடம் பகிர்வதாக குவார்ட்ஸ் என்ற இணையதள செய்தி நிறுவனம் தெரிவித்துள்ளது.

இதுகுறித்து கருத்துத் தெரிவித்துள்ள அந்தரங்க உரி மைக்காக வாதிடும் ஒருவர், இது பயன்பாட்டாளர்களை “காட்டிக்கொடுப்பதற்கு” சமம் என்று கருத்துத் தெரிவித் துள்ளார்.

இதுகுறித்து குவார்ட்ஸூக்கு பதிலளித்துள்ள கூகுள் நிறுவனம், இதுபோன்று பெறப்பட்ட தரவுகள் சேமிக்கப்பட வில்லை என்றும் இந்த செயற்பாட்டை நிறுத்துவதற்காக ஆண்ட்ராய்டின் மேம்படுத்தப்பட்ட பதிப்பு வெளியிடப்படும் என்றும் தெரிவித்துள்ளது.

கூகுள் பிளே சர்வீசஸ் என்னும் செயலி ஆண்ட்ராய்டு திறன்பேசியின் பின்னணியில் இயங்கும்போது இப்பிரச்சினை ஏற்பட்டுள்ளது. கூகுள் பிளே சர்வீஸ்சஸ் கூகுளின் பெரும் பாலான செயலிகள் இயங்குவதற்கு அவசியமானதாகும். மேலும், இது பெரும்பான்மையான ஆண்ட்ராய்டு திறன் பேசிகளில் முன்பதிந்து வெளியிடப்படுகிறது.

திறன்பேசிகள் செல்பேசி கோபுரங்களின் முகவரிகளை இனங்கண்டு அதிலுள்ள குறிப்பிட்ட இலக்கங்களின் மூலம் குறிப்பிட்ட செல்பேசி கோபுரங்கள் குறித்த தகவல்களை பிரித்து அதை கூகுளுக்கு அனுப்புவதை குவார்ட்ஸ் கண்ட றிந்துள்ளது. ஒருவர் இருக்கும் இடத்தை கண்டறிவதற்கு இந்த தரவுகளை பயன்படுத்தலாம்.

இருப்பிட சேவை அணைக்கப்பட்டிருக்கும் போது மற்றும் திறன்பேசியில் சிம் கார்டுகள் எடுக்கப்பட்டாலும் கூட மேற்கண்ட இந்த செயற்பாட்டை திறன்பேசிகள் நிகழ்த்து கின்றன. இச்செயற்பாட்டை நிறுத்துவதற்குரிய தேர்வு திறன் பேசிகளில் இல்லை. அவை தரவுகளை சேமிப்பதில்லை

“திறன்பேசிகளில் செய்திகளை அனுப்புவதன் வேகம் மற்றும் திறனை மேம்படுவதற்காக செல்பேசி கோபுரங்களின் சிக்னல்களை கூடுதலாக ஆராய்ந்தோம்“ என்றும் இதை கடந்த 11 மாதங்களாக செய்து வருவதாகவும் கூகுள் நிறுவனம் தெரிவித்துள்ளது.

“செல் குறியீட்டை எங்களின் வலைப்பின்னல் ஒத்திசைவு அமைப்போடு ஒருபோதும் இணைப்பதில்லை என்பதால் சேகரிக்கப்பட்ட தரவுகள் உடனடியாக அழிக்கப்பட்டுவிடும்“ என்று அந்நிறுவனம் தனது அறிக்கையில் குறிப்பிட்டுள்ளது.

பல நோய்களுக்கும் ஈக்கள்தான் காரணம்  - ஆய்வுத் தகவல்

நாம் நினைத்ததைவிட அதிக நோய்களை ஈக்கள் உண்டாக்குவதாக விஞ்ஞானிகள் கண்டுபிடித்துள்ளனர்.
வீட்டில் பெரும்பாலும் காணப்படும் ஈக்கள் மற்றும் நீலநிற ஈக்கள், 600 விதமான பாக்டீரியாக்களை பரப்புவதாக மரபணு ஆய்வில் தெரியவந்துள்ளது.

இந்த பாக்டீரியாக்கள், பெரும்பாலும், வயிற்று வலி, ரத்தத்தில் விசம் ஏறுதல், நிமோனியா (நுரையீரல் அழற்சி) ஆகிய மனிதர்களுக்கு தொடர்புடைய நோய்களை பரப்புகின்றன.

ஈக்களால், தனது கால்கள், இறக்கைகள் மற்றும் பாதங்கள் மூலமாக, நோய்களை ஒரு இடத்திலிருந்து மற்றொரு இடத்திற்குப் பரப்ப முடியும். சொல்லப்போனால், அவை எடுத்து வைக்கும் ஒவ்வொரு அடியிலும், அவற்றால் உயிருடன் உள்ள பாக்டீரியாக்களைப் பரப்ப முடியும்.

“ஈக்களால் நோய்க்கிருமிகளை பரப்ப முடியும் என்பது மக்களுக்கு தெரிந்திருந்தாலும், எந்த அளவிற்கு அவை அபாயகரமானவை என்றும், எவ்வளவு தூரம் அதன் தொற்று இருக்கும் என்பது அவர்களுக்கு தெரியாது” என்று  விஞ்ஞானிகள் தெரிவித்துள்ளனர்.

பென் ஸ்டேட் பல்கலைக்கழக பேராசிரியர் டொனால்ட் பிரையண்ட். வீட்டில் பரவலாக காணப்படும் ஈக்களின், உடலின் மேலும், உடலினுள்ளும் இருக்கும் நுண்ணுயிரிக்கள் குறித்து மரபணு ஆய்வுமுறை வழியாக ஆய்வு நடத்தப்பட்டது.

வீட்டில் பொதுவாக பார்க்கக்கூடிய ஈக்கள் 351 வகையான பாக்டீரியாக்களை பரப்புகின்றன.

சூடான காலங்களில் வரும், நீலநிற ஈக்கள் 316 வகை பாக்டீரியாக்களை பரப்புகின்றன. இந்த இருவகை கொசுக் களாலும், அதிகப்படியான பாக்டீரியாக்கள் பரப்பப்படுகின்றன.

பொதுசுகாதார அதிகாரிகளால், நோய்களை திடீரென பரப்பும் காரணிகளாக ஈக்கள் பார்க்கப்பட்டிருக்கலாம் என்று இந்த ஆய்வை `ஜர்னல் சைண்டிபிக் ரிப்போட்` என்ற சஞ்சிகையில் வெளியிட்ட ஆராய்ச்சியாளர்கள் தெரிவிக் கின்றனர்.

“பொதுசுகாதார அதிகாரிகளால் நம்பப்பட்ட வழியில், நோய்க்கிருமிகள் எவ்வாறு எல்லா இடங்களுக்கும் கொண்டு செல்லப்படுகின்றன என்பதன் கட்டமைப்பை இவை காண்பிக்கலாம் என்று நாங்கள் நம்புகிறோம்.
மிகவும் வேகமான முறையில், நோய்க்கிருமிகளை பரப்புவதில் ஈக்களின் பங்கும் இருக்கலாம் என்பதையும் இவை நிரூபிக்கலாம்“ என்கிறார் பேராசிரியர் பிரயண்ட்.

எட்டாம் வகுப்பு வரை மட்டுமே படித்தபோதும், தனது விடா முயற்சியால் பாராகிளைடரை உருவாக்கி பறந்து சாதனை படைத்துள்ளார் ஒரு கிராமத்து இளைஞர்.

பழநி அருகே உள்ள வய லூரைச் சேர்ந்தவர் அ.ராஜா ஞானப்பிரகாசம்(35). இவர் எட்டாம் வகுப்புடன் பள்ளிப் படிப்பை முடித்துவிட்டு தந்தை அருள்பிரகாசத்திற்கு உதவியாக விவசாயம் செய்யத் தொடங்கினார். வீட்டில் இருந்தவாறு தொலைதூரக் கல்வியில் படித்து எம்.ஏ. வரலாறு பட்டம் பெற்றார்.

வானில் தனியாக பறக்க வேண்டும் என்பது சிறு வயது முதலே இவரது தீராத ஆசை. ஆனால் அது தொடர்பான படிப்பை இவர் படித்திருக்கவில்லை. ஊராட்சி களில் ஒப்பந்த வேலைகளை செய்யத் தொடங்கினார். நேரம் கிடைக்கும் போதெல்லாம் நண்பர் ஒருவரின் லேத் பட்டறையிலும் வேலை செய்துள்ளார். பல பணிகளில் ஈடுபட்டபோதும் தனது பறக்கும் ஆசை மட்டும் அவரை விட்டுப்போகவில்லை.

தனது 23ஆவது வயதில் இதற்கான முயற்சியை மேற்கொள்ள ஆரம்பித்தார். விடா முயற்சியால் தற்போது சொந்தமாக பாராகிளைடரை தயாரித்து வானில் பறந்து சாதனை படைத்துள்ளார்.

இது குறித்து ராஜாஞானப் பிரகாசம் கூறியதாவது:

சிறு வயது முதலே வானில் தனியாக பறக்க வேண்டும் என்று ஆர்வம் இருந்தது. இது குறித்து யூ டியூப், புத்தகங்கள் ஆகியவற்றின் மூலம் அறிந்து பாராகிளைடர் தயாரிக்கும் முயற்சியில் ஈடுபட்டேன். இதில் பலமுறை தோல்வி கண்டபோதும், 12 ஆண்டுகளுக்கு பிறகு தற்போது வெற்றி பெற்றுள்ளேன். எங்கள் கிராமப் பகுதியில் நான் பறந்து செல்வதை பார்த்து பலரும் ஆச்சரியப்படுகின்றனர்.

மத்திய அரசின் ஏர் டிராபிக் கண்ட்ரோல் 25 ஆயிரம் அடி உயரத்தில் பறக்க அனுமதி அளித் துள்ளது. ஆனால் நான் ஏழாயிரம் அடி உயரத்தில் மட்டுமே பறந்து செல்கிறேன். பறக்கும் உயரத்தை தெரிந்து கொள்ள அனிமா மீட்டர், காற்றின் வேகத்தை தெரிந்து கொள்ள அல்டி மீட்டர் ஆகிய கருவிகளை பாராகிளைடரில் பொருத்தியுள்ளேன். 14 லிட்டர் பெட்ரோல் டேங்க் இணைக்கப்பட்ட பாராகிளைடரில் தொடர்ந்து 4 மணி நேரம் பயணிக்கலாம். மணிக்கு 120 கி.மீ. வேகத்தில் செல்ல முடியும்.

பாராகிளைடர் தயாரிக்கத் தேவையான பொருட்களை ஆன்லைன் மூலம் வாங்கினேன். வெளிநாடுகளில் ஒரு பாராகிளைடர் தயாரிக்க எட்டு லட்சம் முதல் பத்து லட்சம் ரூபாய் வரை செலவாகிறது. ஆனால் நான் அய்ம்பதாயிரம் ரூபாயில் பாராகிளைடரை தயாரித்துள்ளேன்.

ஒருவர் பறக்கும் வகையிலும், இருவர் பறக்கும் வகையிலும் வடி வமைத்துள்ளேன். பயணிப்பவர்களுக்கு 100 சதவீதம் பாதுகாப்பு அம்சங்களும் ஏற்படுத்தியுள்ளேன். பாராகிளைடர் தயாரிக்க யாரிடமும் ஆலோசனை பெறவில்லை. 30 அடி சுற்றளவு காலியிடம் இருந்தாலே நான் தயாரித்துள்ள பாராகிளைடரை மேலே எழவும், கீழே இறங்கவும் செய்ய முடியும்.

மத்திய அரசின் விமான போக்குவரத்து துறையில் அனைத்து அனுமதியையும் பெற்றுள்ளேன். விமான நிலையத் தில் இருந்து 40 கி.மீ. சுற்றள வில் மட்டுமே பறக்க தடை விதிக்கப் பட்டுள்ளது. விமான போக்குவரத்து துறையின் அனைத்து விதிமுறைகளையும் கடைப்பிடித்து வருகிறேன். தயாரிப்பு காப்புரிமை பெறுவதற்கான முயற் சியில் ஈடுபட்டுள்ளேன் என்றார் வெற்றி களிப்புடன்.

மாற்றுத்திறனாளிகளுக்காக ஸ்கூட்டர் தொழில்நுட்பத்தை பயன்படுத்தி
கைகளால் இயக்கும் கார் வடிவமைப்பு

கால்கள் செயல்படாத மாற்றுத் திறனாளிகள் ஸ்கூட்டர் தொழில் நுட்பத்துடன் கைகளால் ஓட்டக் கூடிய காரை (ஹேண்ட்கண்ட்ரோல் கார்) மதுரை இளைஞர் ஒருவர் வடிவமைத்துள்ளார். இந்த காருக்கு மாற்றுத்திறனாளிகளிடம் நல்ல வரவேற்பு கிடைத்துள்ளது.

சொந்தமாக கார் வாங்கி ஓட்டு வது பலரது கனவாக இருக் கும். ஆனால், மாற்றுத்திறனாளிகளுக்கு அது கனவாக மட்டும் இன்றி சவாலாகவும் உள்ளது. சாதாரண கார்களில் பிரேக் அழுத்து வது, கிளெட்ச், ஆக்சிலேட்டர் ஆகியவற்றை கால்களால் இயக்க வேண்டும். ஒரு சில பெரிய நிறு வனங்கள் மட்டும் ஆட்டோமேட்டிக் கியர், கிளெட்ச் வசதிகளுடன், பிரேக், ஆக்சிலேட்டர்களை மட்டும் காலால் இயக்கும் வகையில் கார்களை வடிவமைத்துள்ளன.

ஆனால், மாற்றுத்தினாளிகள் கார்களை இயக்குவதற்கு அவர் களது உடல் குறைபாடு பெரும் தடையாக இருக்கிறது. எனவே இரண்டு கால்களும் செயல்படாத மாற்றுத்திறனாளி களுக்காக இது வரை கார்கள் தயாரிக்கப்பட்ட வில்லை.

தற்போது அவர்களுக்காக பிரேக், ஆக்சிலேட்டரை கைகளா லேயே இயக்கும் தொழில்நுட்பத்துடன் கூடிய காரை (ஹேண்ட் கண்ட்ரோல் கார்) மதுரை மெக்கானிக் பவுல்ராஜ் வடிவமைத்துள்ளார். இந்த காரை மாற்றுத்திற னாளிகள் ஸ்கூட்டர் ஓட்டுவதுபோல் எளிதாக ஓட்டிச் செல் லலாம்.

இதுகுறித்து மதுரை தபால் தந்தி நகரைச் சேர்ந்த பவுல்ராஜ் கூறியதாவது:

இரண்டு கால்களும் செயல் படாத எனது நண்பர் ஒருவர் காரின் அனைத்து இயக்கங்களையும் கைகளால் செயல் படுத்தும் வகையில் வடிவமைத்துத் தருமாறு கேட்டுக் கொண்டார்.

அவருக்காகவே இத்தொழில்நுட்பத்தை உருவாக்கி காரை வடிவமைத்தேன். கைகளால் இயக்கக்கூடிய இந்த தொழில்நுட்பத்தில் மேனுவல், ஆட்டோமேட்டிக் கியர் என 2 வகை உண்டு.

மேனுவல் தொழில்நுட்பத்தில் ஆக்சிலேட்டர், கிளெட்ச், கியர், பிரேக் உள்ளிட்டவற்றை ஒரே கையைப் பயன்படுத்தியே இயக்க முடியும். அதனால், கை வலி, வீக்கம் ஏற்படும். நாளடைவில் கை பலவீனமடையவும் வாய்ப்பு உள்ளது.

ஆனால், ஆட்டோமேட்டிக் தொழில்நுட்பத்தில் பிரேக்கை அழுத்தி ஒருமுறை கியர் போட்டால் போதும். அதன்பிறகு பிரேக், ஆக்சிலேட்டரை கையாலேயே இயக்கலாம். விருப்பப்பட்டால் பிரேக், ஆக்சிலேட்டரை காலாலும் இயக்கிக் கொள்ளலாம்.

நான் வடிவமைத்த இந்த காரை பயன்படுத்தி எனது மாற்றுத் திறனாளி நண்பர் கேரளா வரை சென்று வந்தார். அவருக்கு இது வரை எந்தப் பிரச்சினையும் ஏற்பட வில்லை. முதியோர்களும் இந்த காரை பயன்படுத்தலாம். நான் உரு வாக்கிய இந்த தொழில்நுட்பத்தை முறையாகப் பதிவு செய்து, மாற்றுத்திறனாளிகளின் கார்களில் வடிவமைத்துக் கொடுக்க உரிமம் வாங்க உள்ளேன் என்றார்.

நியாவிலைக் கடைகளில் விற்பனையாளர், உதவியாளர் பணியிடங்கள்

நீலகிரி மாவட்டத்தில் கூட்டுறவுச் சங்கங்களின் பதிவாளர் கட்டுப்பாட்டின் கீழ் உள்ள கூட்டுறவுச் சங்கங்களால் நடத்தப்படும் நியாயவிலைக் கடைகளில் காலியாக உள்ள விற்பனையாளர் மற்றும் கட்டுநர் பணியிடங்களுக்கு தகுதியானவர்களிடமிருந்து டிசம்பர் 15க்குள் விண்ணப்பங்கள் வரவேற்கப்படுகின்றன.
பணி: நியாயவிலைக் கடை விற்பனையாளர்

காலியிடங்கள்: 26

சம்பளம்: தொகுப்பு ஊதியம் (ஒரு ஆண்டுக்கு - மாதம்) ரூ.5,000 அதனைத் தொடர்ந்து ஊதிய விகிதம் ரூ.4,300 - 12,000. தகுதி: பன்னிரெண்டாம் வகுப்பு தேர்ச்சி (+2) பெற்றிருக்க வேண்டும் அல்லது அதற்கு சமமான கல்வித்தகுதி பெற்றிருக்க வேண்டும்.

பணி: கட்டுநர்   - காலியிடங்கள்: 09

சம்பளம்: தொகுப்பு ஊதியம் (ஒரு ஆண்டுக்கு - மாதம்)   ரூ.4,250

மேற்கண்ட பணியிடங்கள் நேரடி நியமனத்தின் போது அரசுப் பணிக்கு இனச் சுழற்சி முறை பின்பற்றப்படுகிறது.

வயதுவரம்பு: 01.01.2017 தேதியின் படி 18 வயது பூர்த்தி அடைந்தவராக இருக்க வேண்டும்.

தகுதி: பள்ளி இறுதி வகுப்பு, பத்தாம் வகுப்பு முடித்த வர்கள் விண்ணப்பிக்கலாம்.

விண்ணப்பக் கட்டணம்: ரூ.100. இதனை  முப்படி செலான் சங்க செலான் மூலமாக நீலகிரி மாவட்ட மத்தியக் கூட்டுறவு வங்கியின் எந்த கிளையிலும் கூட்டுறவு சங்கங்களின் மாவட்ட ஆள்சேர்ப்பு மய்யத்தின்

சேமிப்புக் கணக்கில் செலுத்த வேண்டும்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: கூட்டுறவுச் சங்கங்களின் மாவட்ட ஆள்சேர்ப்பு நிலையம், கூட்டுறவுச் சங்கங்களின் மண்டல இணைப்பதிவாளர் அலுவலகம்,

மாவட்ட ஆட்சியர் அலுவலக கூடுதல் வளாகம், பிங்கர் பேஸ்ட், உதகமண்டலம், நீலகிரி மாவட்டம் - 643 006

பூர்த்தி செய்யப்பட்ட விண்ணப்பங்கள் வந்து சேர கடைசி தேதி: 15.12.2017



Banner
Banner