பருவநிலை மாற்றத் தை எதிர்கொள்வதன் மூலம் உலகிலுள்ள பவளப் பாறைகள் காப்பாற்றப்படலாம். ஆனால். அவை முன்னர் இருந்ததைபோல தோன்றாது என்று புதியதொரு ஆய்வு தெரிவிக்கிறது.

நிறம் தரக்கூடிய பாசி உருவாவதை தடுக்கின்றபோது, பவளப் பாறைகள் வெளுத்துப்போகிறது

இயற்கை அமைப்புகளின் விரைவான மாற்றங்களுக்கேற்ப தங்களை மாற்றியமைத்துக் கொள்கின்ற திறனுடைய பவளப் பாறைகளின் மூலம், எதிர்கால இந்த பவளப்பாறை அடுக்குகள் வரையறுக்கப்படும் என்று `நேச்சர்` இதழில் வெளியான கட்டுரையில் தெரிவிக்கப்படுகிறது.

ஏப்ரல் மாதத்தில், ஆஸ்திரேலியாவின் மிக பெரிய பவளப் பாறை அடுக்குகளில் மூன்றில் இரண்டு பகுதி, இரண்டு ஆண்டுகளில் நிறம் குன்றி வெளுத்துப்போயிற்று என்பதை இந்த ஆய்வு காட்டியது.

உடனடி நடவடிக்கைள் மூலம் அரசுகள் இந்த பவளப் பாறைகளை பாதுகாத்துகொள்ள முடியும் என்று ஆய்வாளர்கள் தெரிவித்துள்ளனர்.

பவள பாறைகளுக்கு இடையில் மீன்கள்படத்தின் காப்புரிமை   இந்த பவளப் பாறைகள் அடுத்த நூற்றாண்டும் தொடர்ந்து இருக்கும் என்று நம்புவதாக ஜேம்ஸ் குக் பல்கலைக்கழகத்தை சேர்ந்த தலைமை ஆய்வு ஆசிரியரான பேராசிரியர் டெர்ரி ஹியூஸ் தெரிவித்திருக்கிறார்.

“ஆனால், எதிர்காலத்தில் காணப்படும் இந்த பவளப் பாறைகள் மிகவும் வேறுப்பட்டதாக இருக்கப்போகின்றன” என்று அவர்

பிபிசியிடம் தெரிவித்திருக்கிறார்.

“ஏற்கெனவே இருக்கக்கூடியவற்றை அப்படியே மீட்டெடுப்பது நடைபெறும் காரியமல்ல. வேறுபட்ட இனங்களின் கலவை இதில் இருக்கும்“ என்று அவர் குறிப்பிட்டுள்ளார்.

இருப்பினும், தற்போதைய நிலைமையில், கார்பன் வெளியேற்றம் தொடருமானால், ஆண்டுதோறும் நடைபெறும் பவளப் பாறைகளின் நிறம் வெளுத்துப்போவது 2050க்குள் பல இடங்களில் தோன்றலாம் என்று விஞ்ஞானிகள் தெரிவித்திருக்கின்றனர்.

மரபணு மாற்றம் மூலம் புற்றுநோயை சரி செய்யலாம்:  லண்டன் ஆராய்ச்சியாளர்கள் கண்டுபிடிப்பு

புற்றுநோயால் பாதிக்கப்பட்டவரை மரபணுவை மாற்றும் முறை மூலம் குணப்படுத்த முடியும் என்று ஸ்வீடன் நாட்டைச் சேர்ந்த விஞ்ஞானிகள் கண்டுபிடித்துள்ளனர்.

இதனால் புற்றுநோய் போன்ற பல கொடூர நோய்களுக்கு எளிய முறையில் சிகிச்சையளிக்க வாய்ப்புள்ளதாகவும் ஆராய்ச்சியாளர்கள் கருத்து. புற்றுநோய் உடையவர்களின் உடலில் நோய்கான உயிரணுக்களும், சாதாரண உயிரணுக்களும் தனித்தனியே வெவ்வேறு மரபணுக்களையே கொண்டிருக்கும். அதன் அடிப்படையில் ஸ்வீடனில் உள்ள கரோலின்ஸ்கா நிறுவனத்தைச் சேர்ந்த ஆராய்ச்சியாளர்கள் நோய்க்கு காரணமான பெரிய அளவிலான மரபணுவை மாற்றுவதன் வாயிலாகப் புற்றுநோயின் வளர்ச்சியைக் கட்டுப்படுத்த முடியும் என்று கண்டறிந்துள்ளனர்.

உடலின் எந்தப் பாகத்தில் வரும் புற்றுநோயாக இருந்தாலும் அதன் முக்கிய கட்டுப்பாட்டு மண்டலமாக இருக்கக் கூடிய மரபணுவை மாற் றுவது, மேற்கொண்டு புற்றுநோய் கட்டி உருவாவதை தடுக்கும். முதற்கட்டமாக எலிகளின் மீது இதற்கான ஆராய்ச்சியை மேற்கொண்டதில், இது சாதாரண உயிரணுக்களின் வளர்ச்சியை எந்த வகையிலும் பாதிக்கவில்லை என்று உறுதிபடுத்த பட்டுள்ளது.

கரோலின்ஸ்கா நிறுவனத்தின் பேராசிரியரான ஜூஸ்ஸி டைபல் இதைப்பற்றிக் கூறுகையில், சாதாரண மற்றும் புற்றுநோய் வளர்ச்சிக்கான உயிரணுக்கள் தனித்தனியே வளர்கிறது என்று நாங்கள் கண்டுபிடித்தவுடன் புற்றுநோய்க்கான மர பணுவை மட்டும் மாற்றுவது சாதாரண உயிரணுக் களின் வளர்ச்சிக்கு எந்த அபாயமும் விளை விக்காததோடு, புற்றுநோயைத் தடுக்கவும் செய்யும் என்று தெரியவந்துக் கொண்டோம் என்றார்.

மேலும் இது மிகவும் குறைவான நச்சுத்தன்மை வாய்ந்த தாகவும் எந்த ஒரு பக்க விளைவுகளையும் ஏற்படுத்தாமல் புற்றுநோயின் சிகிச்சைக்கு ஒரு புதிய அணுகுமுறையைக் கொடுக்கும் என்றும் அவர் கூறியுள்ளார். இந்த ஆய்வில் மார்பக, பெருங்குடல், சிறுநீரக பை, தைராய்டு புற்றுநோய்கள் மற்றும் நாட்பட்ட லிம்போசைடிக் லுகேமியா மற்றும் மைலோமா போன்ற பல வகையான புற்றுநோய் களுக்கு இத னால் தீர்வு காணமுடியும் என்று உறுதி செய்யப்பட்டுள்ளது.

தனித்துவமான மரபணு பெற்ற ஷெர்பா இன மக்கள்

நேபாள நாட்டைச் சேர்ந்த ஷெர்பா இன மக்களின் உடல்கூறு இயற்கையாகவே பிராண வாயுவை திறமையாக பயன்படுத்தும் வகையில் அமைந்துள்ளது என்று ஒரு ஆய்வில் தெரிய வந்துள்ளது.

ஷெர்பா இன மக்கள் தொடர்பான ஆராய்ச்சி படத்தின் காப்புரிமை தசை மாதிரிகளை கொண்டு சோதனை கடல் மட்டத்தில் உள்ள சூழலுக்குப் பழக்கப்பட்டவர்களைவிட இந்த ஷெர்பா இன மக்களின் பிராணவாயுப் பயன்பாட்டுத்திறன் அதிகமாக உள்ளது என அந்த ஆய்வு கூறுகின்றது.

உயரமான மலைப்பகுதிகளில் வாழும் மக்கள் எவ்வாறு அந்த இடத்திற்கு ஏற்றவாறு தங்களை தகவமைத்து கொள்கின்றனர் என்று கண்டறிய நடத்தப்பட்ட ஒரு ஆய்வில் இது தெரியவந்துள்ளது.

5,300 மீட்டர் உயரத்தில் உள்ள மலையேறுப வர்களின் தசை மாதிரிகள் எடுக்கப்பட்டு பரிசோதிக் கப்படுவது மற்றும் எவெரெஸ்ட் மலையின் அடிவார முகாமில் அவர்களை உடற்பயிற்சி செய்வதற்கான வண்டியை ஓட்ட வைப்பது போன்றவற்றை கொண்டதாக இந்த ஆய்வு அமைத்தது.

ஷெர்பா மக்களின் உடலில் உள்ள சாதகமான ஒரு மரபணு மாற்றமானது , அவர்களது இந்த நிலை களில் உயிர்வாழத் தேவையான ரசாயன வழிமுறை யை ( மெட்டபொலிசம்) அவர்களுக்கு அளிக்கின்றது என்கிறது அந்த ஆய்வு. இமயமலைப் பிரதேசத் தைப் பார்க்கவரு பவர்களை விட, குறைந்த பிராண வாயு உள்ள சூழலில் ஷெர்பா மக்கள் மட்டும் மூச்சுத் திணறலை சமாளிக்க முடிகிறது என்பது நீண்டகாலமாக ஒரு புதிராக இருந்தது குறிப்பிடத்தக்கதது.

உணவு உண்ண தூண்டும் பாக்டீரியாக்கள்

உயிரினங்களின் வயிற்றில் உள்ள பாக்டீரியாக்கள், உணவை செரிக்க உதவுவது நிரூபிக்கப்பட்ட உண்மை. ஆனால், அந்த பாக்டீரியாக்கள், தாங்கள் குடியிருக்கும் விலங்கின் மூளைக்கு தகவல் தெரிவித்து, இன்ன வகை உணவை உண்ணும்படி துண்ட முடியுமா... முடியும் என்கிறது, ‘புளோஸ் பயாலஜி’ இதழில் வெளியாகியுள்ள ஒரு ஆய்வுக் கட்டுரை.

ஈக்களின் வயிற்றிலுள்ள பாக்டீரியாக்களை வைத்து நடத்தப்பட்ட இந்த ஆய்வில், குறிப்பிட்ட உணவுகளை உண்ணும்படி, பாக்டீரி யாக்களால், ஈக்களின் மூளைக்கு தகவல் அனுப்ப முடியும் என, ஆராய்ச்சியாளர்கள் கண்டறிந்துள்ளனர்

சோதனைக்கு சில துளி உலர் ரத்தம் போதும்!

மருத்துவர்கள், நோயாளிகளிடமிருந்து ரத்த மாதிரிகளை எடுத்து, சேகரித்து, பாதுகாத்து வைப்பது, மிகவும் செலவு பிடித்த வேலை. இதற்கு, சுவீடனைச் சேர்ந்த உப்சாலா பல்கலைக்கழக விஞ்ஞானிகள் மாற்று வழிகளைத் தேடினர். சுவீடனிலும், டென்மார்க்கிலும், 30 ஆண்டுகளுக்கும் மேலாக சேமித்து வைக்கப்பட்டிருந்த, உலர் மற்றும் திரவ ரத்த மாதிரிகளை ஒப்பிட்டுப் பார்த்தனர்.

கடைசியில், உலர் ரத்த மாதிரிகளில், சில புரதங்கள் அழியத் துவங்கியிருந்தாலும், பெரும்பாலான ரத்த வேதியியல் அம்சங்கள் பாதுகாப்பாகவே இருந்ததை உறுதி செய்தனர். எனவே நோயறி தலுக்காக எடுக்கப்படும் ரத்த மாதிரிகளை, அதற்கென உள்ள காகிதத்தில், சில சொட்டுகளை ஒற்றி வைத்தாலே போதும் என்ற முடிவுக்கு, உப்சாலா ஆராய்ச்சியாளர்கள் வந்துள்ளனர்.

இதனால், மருத்துவ சோதனைக் கூடங்களுக்கு நோயாளிகள் போக வேண்டியதில்லை. வீட்டிலிருந்தபடியே, சில சொட்டு ரத்த மாதிரியை எடுத்து, காகிதத்தில் ஒற்றி, தபாலில் அனுப்பினாலே போதும் என்கின்றனர் ஆய்வாளர்கள்.
இந்த ஆராய்ச்சியின் முடிவுகள், ‘மாலிக்யூலர் ஆண்ட் செல்லுலர் புரோடியோமிக்ஸ்’ இதழில் வெளியாகியுள்ளன.


தினமும் மிதமாக சாக்லேட் சாப்பிடுவது, சீரற்ற இதயத் துடிப்பு உள்ளவர்களுக்கு, இதயத்துடிப்பு சீராவதாக ஹார்வர்ட் பல்கலைக்கழக மருத்துவர்களும் டென்மார்க்கைச் சேர்ந்த மருத்துவர்களும் செய்த ஆய்வு தெரிவிக்கிறது. சாக்லேட்டிலுள்ள பிளேவனால் போன்ற சத்துக்கள், இதயத்துடிப்பை சீராக்குவதில் உதவக்கூடும் என, ஆராய்ச்சியாளர்கள் கருதுகின்றனர். இந்த ஆய்வு முடிவுகள், ‘ஹார்ட்’ இதழில் வெளியாகியுள்ளன.

------------------------

டெங்கு, சிக்குன் குனியா, ஜிக்கா போன்ற நோய்களைப் பரப்பும், ‘ஏடிஸ் எகிப்தி’ வகை கொசுக்களை தடுக்க, புதிய பொறி ஒன்றை அர்ஜென்டினாவைச் சேர்ந்த ஆராய்ச்சியாளர்கள் வடிவமைத்துள் ளனர். கொசுக்கள், பழைய டயர்கள், தேங்காய் மட்டைகள் போன்றவற்றில் முட்டையிடக்கூடியவை. எனவே, சிறிய பிளாஸ்டிக் கோப்பையில், பைரிப்ரோக்சிபென் என்ற வேதிப் பொருளை தடவி வைத்தால், அதில் நீர் தேங்கியதும், பெண் கொசுக்கள் அதில் வந்து முட்டையிடும். கொசு முட்டை அந்த மருந்தில் விழுந்ததும் பட்டுப்போய் இனப் பெருக்கம் நின்றுவிடும்.

------------------------

பேஸ்புக் போன்ற இணையதளங்களை அளவுக்கு மீறி, தினமும் பயன்படுத்துவதால், மூளையில் நம் பழக்க வழக்கங்களை தீர்மானிக்கும் பகுதியில் உள்ள திசுக்களின் வளர்ச்சி குறைவதாக, ஜெர்மனியைச் சேர்ந்த உல்ம் பல்கலைக்கழக ஆராய்ச்சியாளர்கள் கண்டறிந்துள்ளனர். ஆண்கள், 46 பேரிடமும், பெண்கள், 39 பேரிடமும் மேற்கொள்ளப்பட்ட இந்த ஆராய்ச்சியின் முடிவுகள், ‘பிஹேவியரல் பிரெய்ன் ரிசர்ச்‘ இதழில் வெளியிடப்பட்டுள்ளது.

------------------------

நோய் கிருமிகளைக் கொல்லப் பயன்படும் ஆன்டிபயாடிக் மருந்துகளை, எதிர்த்து உயிர்வாழ கிருமிகள் பழகி வருவது, ஒரு பெரும் மருத்துவ அறைகூவல். அண்மையில் அமெரிக்காவிலுள்ள ஸ்கிப்ஸ் ஆராய்ச்சி நிலைய விஞ்ஞானிகள், வான்கோமைசின் என்ற ஆன்டிபயாடிக் மருந்தை, மாற்றியமைத்து சோதித்தனர். மூன்று வெவ்வேறு வழிகளில் இந்த புதிய மருந்து பாக்டீரியாக்களை தாக்குகிறது. எனவே, அவற்றை பாக்டீரியாக்களால் எதிர்க்க முடியாது என, ஆராய்ச்சியாளர்கள் கருதுகின்றனர்.

ஆச்சரியப்பட வைக்கும் ஜூபிட்டர்

அமெரிக்க விண்வெளி அமைப்பான, ‘நாசா’ அனுப்பிய ‘ஜூனோ’ விண்கலம், 2016 ஜூலையில் ஜூபிட்டர் கிரகத்தின் வளி மண்டலத்தை நெருங்கி, அதை சுற்றி வர ஆரம்பித்தது. நீள் வட்டப் பாதையில், 53 நாட்களுக்கு ஒரு முறை, ஜூபிட்டரை முழுதாக வலம் வந்த ஜூனோ, பல ஆச்சரியகரமான தகவல்களை பூமிக்கு அனுப்பி வருகிறது. முதலா வதாக, ஜூபிட்டரின் வட துருவமும், தென்துருவமும் முற்றிலும் வேறுபட்ட தன்மைகளைக் கொண்டி ருப்பது, விஞ்ஞானிகளை ஆச்சரியமூட்டியுள்ளது.

மேலும், ஜூபிட்டரின் மேல் பகுதியில், ஆங் காங்கே பல முட்டை வடிவ புயல்கள் வீசிக் கொண்டிருக்கின்றன. இவற்றின் விட்டம் 1,000 கி.மீ அளவு உள்ளன! 2011இல் அனுப்பப்பட்ட ஜூனோ, தற்போது, ஜூபிட்டரின் தரைப் பகுதியிலிருந்து 53 ஆயிரம் கி.மீ., உயரத்தில் வலம் வந்தபடி படங் களையும், வளி மண்டலம், காந்தப் புலம் போன்ற தகவல்களையும் சேகரித்து பூமிக்கு அனுப்பி வருகிறது.

ஜூபிட்டரின் காந்தப் புலம், சில இடங்களில் பலம் மிக்கதாகவும், சில இடங்களில், பலகீனமாக இருப்பதும், ஜூனோ அனுப்பிய தகவல்களில் தெரிய வந்துள்ளது. இதுவும் விஞ்ஞானிகளை ஆச்சரியப்படுத்தியுள்ளது. ஜூனோ மேலும் சில முறை ஜூபிட்டரை வலம் வந்தால், மேலும் பல ஆச்சரியங்கள் வெளிப்படுத்தப்படலாம் என, நாசா விஞ்ஞானிகள் தெரிவித்துள்ளனர்.

பச்சை பாசியிலிருந்து காலணிகள்!

நீரில் வளரும் பச்சை பாசியிலிருந்து பிளாஸ்டிக் போலத் தயாரிக்க முடியும் என, இரண்டு ஆண்டுகளுக்கு முன், ‘அல்ஜிக்ஸ்’ மற்றும் ‘எபெக்ட்’ ஆகிய இரு நிறுவனங்கள் செய்து காட்டின. தற்போது அவை உருவாக்கிய, ‘ப்ளூம் போம்‘ என்ற விந்தைப் பொருளை, ‘ப்ளூம் கம்பெனி’ என்ற புதிய நிறுவனம் சந்தைப்படுத்தத் துவங்கியுள்ளது.

ஆசியா மற்றும் அமெரிக்காவின் நீர் நிலைகளில் அறுவடை செய்யப்படும் பாசிகளை சேகரித்து, ப்ளூம் போம் தயாரிக்கப்படுகிறது.
பாசிகளை உலர வைத்து, பின் அவற்றை நுண் குளிகைகளாக மாற்றி, வேறு சில வேதிப் பொருட்களுடன் சேர்க்கப்பட்டு, மென்மையாக, வளைந்து கொடுக்கக் கூடிய, அதே சமயத்தில் உறுதியான போம் தயாரிக்கப்படுகிறது.

இதை வைத்து காலணிகள், தரை விரிப்புகள் போன்ற அன்றாட பயன்பாட்டுப் பொருட்களை தயாரிக்க முடியும். ‘வைவா பேர்பூட்’ என்ற காலணி நிறுவனம், விரைவில் ப்ளூம் போம்களைப் பயன்படுத்தி காலணிகளை தயாரித்து சந்தையில் அறிமுகப்படுத்த இருக்கிறது.

பெட்ரோலியத்தின் அடிப்படையிலான, ரப்பர் மற்றும் பிளாஸ்டிக் மூலம் செய்யப்படும் காலணி களுக்கு மாற்றாக, இயற் கைப் பாசியால் செய்யப் படும், ப்ளூம் காலணிகள் சுற்றுச்சூழல் பிரியர் களுக்கு மிகவும் பிடிக் கும் என, வைவா பேர் பூட் நிறுவனம் நம்புகிறது.

தெரியுமா உங்களுக்கு?

சங்குகளின் ஓடுகள் பலம் மிக்கவை. எளிதில் உடைக்க முடியாதவை. எனவே சங்குகளின் வேதியியல் கட்டமைப்பை, அமெரிக்காவின் மாசாசூ செட்ஸ் தொழில்நுட்ப நிலைய ஆராய்ச்சி யாளர்கள் பரிசோதனை செய்தனர். அவற்றின், மூன்று அடுக்குகள் கொண்ட கட்டமைப்பும், வேதியியல் அம்சங்களும் தான் அவற்றுக்கு பலத் தைத் தருவதாக, ஆய்வுகள் மூலம் அவர்கள் கண்டறிந்தனர். தலைக் கவசம், உடலை காக்கும் கேடயம் போன்றவற்றை தயாரிக்க, சங்குகளின் வேதியியல் அமைப்புள்ள பொருட்களை தயாரிக் கலாம் எனவும், அவர்கள் தெரிவித்துள்ளனர்.


கண்ணாடி தவளை

தவளை இனங்களில், கண் ணாடித் தவளைகள் உண்டு. இவற்றின் வயிற்றுப் பகுதிக்குள் இருப்பவை அப்படியே தெரியும் என்பதால், இவற்றுக்கு அந்தப் பெயர் வந்தது. ஆனால், அமே சானின் ஈக்வடார் வனப் பகுதியில், விஞ்ஞானிகள் கண்டு பிடித்துள்ள புதிய கண்ணாடித் தவளை, சற்று வித்தியாச மானது. இதன் வயிற்றுப் பகுதி மட்டுமல்ல, அடி நெஞ்சுப் பகுதியும் அப்படியே வெளியே தெரிகிறது.

ஆம், அதன் இதயம் துடிப்பதைக்கூட நம்மால் பார்க்க முடியும். ஆனால் இதன் முதுகுப் பகுதியில் பச்சைப் புள்ளிகள் கொண்ட தோல் மூடியிருக்கிறது. மொத்தம், 2 செ.மீ., நீளமே உள்ள இந்த தவளைகள், இலைக்கு அடியில் பெரும்பாலும் இருப்பவை. எனவே தான், இத்தனை காலமாக, உயிரியல் விஞ்ஞானிகளின் கண்களில் படாமல், தப்பித்திருக்க முடிந்தது. ‘ஹயாலினோ பாட்ராசியம் யாகு’ என்ற உயிரியல் பெயரிடப்பட்டுள்ள இந்த தவளையைப் பற்றி, ‘ஜூ கீய்ஸ்’ இதழில், ஆராய்ச்சிக் கட்டுரை அண்மையில் வெளியிடப்பட்டுள்ளது.

பட்டினால் ஆன செவிப்பறை!

காதுகளின் உட்புறத்தில் ஏற்படும் நாள்பட்ட தொற்றுக் களால் கடும் வலியும், காது கேட்கும் திறன் இழப்பும் ஏற் படலாம். இந்த தொற்றுக்களை நீக்கி காதை சரி செய்ய, நோயாளிகள் பல முறை அறுவை சிகிச்சை செய்து கொள்ள நேர்கிறது.  இந்த அவஸ்தைகளை போக்க, ஆஸ்தி ரேலியாவைச் சேர்ந்த ஆராய்ச்சியாளர்கள், ‘கிளியர் ட்ரம்‘ என்ற செயற்கை செவிச் சவ்வை உருவாக்கியிருக்கின்றனர்.

8 ஆண்டு ஆராய்ச்சிகளுக்குப் பின், பட்டு இழைகளால் உருவாக்கப்பட்டுள்ள கிளியர் ட்ரம், கண்ணாடிக் காகிதம் போலத் தோற்றமளிக்கிறது. இதைப் பொருத்தியதும், நோயாளிக்கு முன் போல தெளிவாக ஒலிகளைக் கேட்கும் திறன் கிடைக்கிறது. இதனால் தான், இதற்கு கிளியர் ட்ரம் என, ஆராய்ச்சியாளர்கள் பெயரிட்டுள்ளனர்.

கிளியர் ட்ரம்மை, நுட்பமான அறுவைச் சிகிச்சை மூலம் நோயாளியின் காதில் பொருத்திய சில நாட்களிலேயே, காதிலுள்ள இயற்கையான செவிப்பறை சவ்வுகள் அதைப் பற்றிக்கொண்டு வளர ஆரம்பித்துவிடும். இதனால், சிகிச்சை முடிந்தும், பல முறை மருத்துவரை பார்க்க வரவேண்டிய அவசியம் இல்லை என்கின்றனர், இதை உருவாக்கிய பெர்த் மற்றும் மெல்போர்ன் நகரைச் சேர்ந்த ஆராய்ச்சியாளர்கள்.





அறிவியல் துளிகள்

மனித மூளை எப்படி செயல் படுகிறது? புத்திசாலித்தனத்தின் உயி ரியல் அடிப்படை உண்டா? இந்த கேள்விகளுடன் ஆம்ஸ் டர் டாமிலுள்ள பிரீ பல்கலைக் கழக விஞ்ஞானிகள் 60,000 பெரியவர்கள், 20,000 குழந்தை களின் மரபணுக்களை தொகுத்து ஆராய்ந்து வருகின் றனர். இந்த ஆய்வில் புத்திசாலித்தனத்திற்கு காரணமாக உள்ள, 40 புதிய மரபணுக்களை விஞ்ஞானிகள் அடையாளம் கண்டுள்ளனர். இத்தோடு, புத்திசாலித்தனத்திற்கு அடிப்படையாக அறியப்படும் மரபணுக்களின் எண்ணிக்கை, 52 ஆக உயர்ந்துள்ளது. இருந்தாலும், அறிவுத் திறனுக்கு மரபணுக்கள் மட்டுமே காரணியாக இருக்க முடியாது என்றும் ஆய்வு செய்த விஞ்ஞானிகள் தெரிவித்துள்ளனர்.

****

ஆஸ்துமா தாக்குதல் வருவதற்கு முன்பே, அதை கண்டறிந்து நோயாளியை எச்சரிக்க உதவும் கருவியை அமெரிக்காவிலுள்ள ரட்கர்ஸ் பல்கலைக்கழக விஞ்ஞானிகள் உருவாக்கியுள்ளனர். நோயாளியின் வெளி மூச்சை இக்கருவியினுள் செலுத்தினால், அந்த மூச்சிலுள்ள வேதிப் பொருட்களை, கிராபீன் அடிப்படையிலான நேனோ மின்னணு உணரி ஒன்று அலசி, ஆஸ்துமா தாக்குதல் ஏற்படவிருக்கிறதா என்பதை முன்கூட்டியே தெரிவித்துவிடும். இக் கருவி, ஆஸ்துமா தவிர, வேறு சில சுவாச நோய்களையும் கண்டறியும் என ரட்கர்ஸ் விஞ்ஞானிகள் தெரிவித்துள்ளனர்.

****

பல ஆண்டுகளாக மது அருந்துவதால், ஈரல் பாதிப்பு ஏற்பட்டு மரணம் வரை கொண்டுபோய் விட்டுவிடும். இப்படி ஈரல் பாதிப்பு ஏற்பட, வயிற்றில் உள்ள சிலவகை பூஞ்சைகளும் காரணம் என எலிகள் மீது நடத்தப்பட்ட ஆய்வு ஒன்று தெரிவிக்கிறது. ‘ஜர்னல் ஆப் கிளினிகல் இன்வெஸ்டிகேஷன்’ இதழில் வெளியாகியுள்ள அந்த ஆய்வின்படி, மதுவால் ஏற்படும் நுரையீரல் பாதிப்புக்கு, வயிற்றிலுள்ள பூஞ்சைகளை கணக்கில் கொண்டு சிகிச்சை அளிப்பது பலன் தரக்கூடும்.

****

இமயமலை மீது ஏறுவதற்கு வழிகாட்டிகளாக தொழில் நடத்தும் ஷெர்ப்பாக்கள், மிக உயரமான இடங்களில் இருக்கும் ஆக்சிஜன் பற்றாக்குறையை தாக்குப் பிடிப்பதில் வல்லவர்கள். கடல் மட்டத்தில் வசிப்பவர்களை விட, உயரமான நேபாளப் பகுதிகளில் வசிக்கும் ஷெர்ப்பாக்களுக்கு ரத்தத்தில் ஆக்சிஜனை சுமக்கும் ஹீமோ குளோபினின் அளவு குறைவாக இருப்பதாகவும், இதனால் அவர்களது அடர்த்தி குறைவான ரத்தம் இதயம் மற்றும் நுரையீரலுக்கு அதிக சுமையை ஏற்படுத்துவதில்லை எனவும் கேம்பிரிட்ஜ் பல்கலைக்கழக விஞ்ஞானிகள் நடத்திய ஆய்வில் தெரிய வந்துள்ளது.

துப்பறியும் கூகுள் ‘லென்சு’

ஆண்டுதோறும் தனது, ‘கூகுள் அய் ஓ’ மாநாட்டில் பல புதிய சேவைகளையும், பொருட்களை யும் அறிமுகப் படுத்தும். இந்த முறையும் அண்மையில் நடந்த கூகுள் மாநாட்டில் பல புதுமை களை கூகுள் அறிமுகப்படுத்தியது.

அதில் ஒன்றுதான் ‘கூகுள் லென்ஸ்.’ ஏற்கனவே அறிமுகப்படுத்தப்பட்ட, ‘கூகுள் அசிஸ்டென்ட்’ மென்பொருளுடன் இணைந்து செயல்படும் கூகுள் லென்ஸ், மொபைல் கேமராவை நம்பி இயங்கக்கூடியது. இதை அறிமுகப் படுத்திய கூகுளின் தலைமை செயல் நிர்வாகி , இதன் பயன்பாட்டை மாநாட்டில் விளக்கினார்.’’

புதிய வகை பூ ஒன்றை பார்க்கிறீர்கள். அதைப் பற்றித் தெரிந்துகொள்ள, உங்கள் மொபைலில் அதைப் படம் பிடித்தால், உடனே கூகுள் லென்ஸ் அதைப் பற்றிய தாவரவியல் தகவல் முதல் பல சுவையான தகவல்களை உங்களுக்கு உடனே சேகரித்து தந்துவிடும்,’’ என்றார் சுந்தர் பிச்சை.

உங்களைச் சுற்றி உள்ள உலகை உங்களுக்கு மேலும் அர்த்தமுள்ள தாக ஆக்க கூகுள் லென்ஸ் பயன்படும் என்கிறார் அவர்.ஒரு கடையின் முன் நின்று அதன் பெயர் பலகையை படம்பிடித்தால், அந்தக் கடையின் பொருட்கள், சேவைகளைப் பற்றி இணையத்தில் பிறர் எழுதிய விமர்சனங்களை உங்களுக்கு கூகுள் லென்ஸ் காட்டிவிடும்.
ஒரு கலை நிகழ்ச்சி பற்றிய விளம்பரத்தை படம்பிடித்தால், கூகுள் அசிஸ்டென்டின் உதவி யுடன், கூகுள் லென்ஸ் அதற்கான அனுமதிச் சீட்டை முன்பதிவு செய்து தரும்.

இப்போதைக்கு ஆண்ட்ராய்டு மொபைல்களில் மட்டும் வேலை செய்யும் கூகுள் லென்ஸ் விரைவில் அய்போன் களுக்கும் வரவிருப்பதாக சுந்தர்
அறிவித்திருக்கிறார்.

குளிர்ச்சி தரும் நுண்ணுயிரி ஆடைகள்

ஜவுளித் துறையில், ‘புத்திசாலி ஆடைகள்’ சில வந்து அசத்த ஆரம்பித்துள்ளன. கணினி சில்லுகள், மொபைல் செயலிகள் மூலம் இவை இயங்குபவை. ஆனால், மாசாசூ செட்ஸ் தொழில்நுட்ப நிலையத்தின் ஆராய்ச்சியாளர்கள், நுண்ணுயிரி செல்களை வைத்துத்தைத்த உடைகளை வடிவமைத்துள்ளனர்.

‘பயோ பேப்ரிக்‘ என்று பெயரிடப்பட்டுள்ள இந்த வகை உடைகள், அணிபவரின் உடல் வெப்பம் மற்றும் வியர் வையை உணரும் திறன் கொண்டவை. நுண்ணுயிரிகள் கொண்ட துணியை, சிறு சிறு துளைகள் கொண்ட உடையில் வைத்து ஆராய்ச்சியாளர்கள் தைத்தனர். இதை அணிபவருக்கு வியர்த்தாலோ, உடல் வெப்பம் கூடினாலோ, இந்த துளைகளை மூடியிருக்கும் துணி லேசாக திறந்து கொள்ளும். இதனால் உடலுக்கு குளிர்ச்சி ஏற்படும்.விளையாட்டு வீரர்களுக்கு இந்த வகை ஆடைத் தொழில் நுட்பம் உடனடியாகப் பயன்படும். மேலும், வெப்பப் பகுதியில் இருப்பவர்களுக்கும் இவை தினசரி உடையாகவும் பயன்படும் என்று இதன் வடிவமைப்பாளர்கள் தெரிவித்துள்ளனர். உடையில் பயன்படுத்தப்படும் நுண்ணுயிரி களை மரபணு மாற்றம் செய்வதன் மூலம், வியர்வை துர்நாற்றம் ஏற்பட்டால், இனிய நறுமணத்தை நுண்ணுயிரிகள் வெளியிடும்படியும் செய்ய முடியும் என ஆராய்ச்சியாளர்கள் தெரிவித்துள்ளனர்.

ஆபத்தை எச்சரிக்கும் தாவரங்கள்!

ஒரு செடி, தனக்கு ஆபத்து ஏற் பட்டதும், அக்கம் பக்கத்திலுள்ள தாவரங் களை, பாதுகாப்பாக இருக்கும்படி எச்சரிக்கும் என்பதை தாவரவியல் விஞ்ஞானிகள் கண்டறிந்துஉள்ளனர்.

அமெரிக்காவிலுள்ள டிலாவேர் பல்கலைக்கழகத்தைச் சேர்ந்த விஞ்ஞானிகள், ஆய்வுக்கூடத்தில் நுற்றுக் கணக்கான கடுகு செடிகளை வைத்து இரண்டு ஆண்டுகள் செய்த ஆய்விற்குப் பின் இந்த முடிவுக்கு வந்துள்ளனர். ஒரு செடியின் சில இலைகள் கொய்யப்பட்ட பிறகு, இலைகளில் சில வேதிப் பொருட் களை உற்பத்தி செய்து காற்றில் பரப்புவதன் மூலம், மற்ற செடிகள் அதை புரிந்துகொள் கின்றன.  ஆபத்து என்ற தகவல் கிடைத் ததும், அக்கம்பக்கத்து செடிகள், மறு நாளே சற்று வேகமாக வளர்ந்திருப்பதையும் விஞ்ஞானிகள் கண்டறிந்துள்ளனர். இது பாது காப்பு கருதி மேற்கொள்ளப்படும் செயல் என்கின்றனர் விஞ்ஞானிகள்.


களை எடுக்கும் ரோபோ

விவசாயத் துறையில் விதைத்தல், அறுவடை செய்தல் போன்ற பல வேலைகளுக்கு தானியங்கி ரோபோக்களை மேற்கு நாடுகளில் விற்க ஆரம்பித்து விட்டனர்.

இந்த நிலையில், வீடுகளில் தோட்டம் வைத்திருப்பவர்களுக்கு, மிகப் பெரிய தலைவலியாக இருக்கும் களை எடுத்தல் வேலையை செய்ய வந்திருக்கிறது, ‘டெர்ட்டில்.’

அமெரிக்காவிலுள்ள பிராங்ளின் ரோபாடிக்ஸ் இதை தயாரித்திருக்கிறது.வீட்டுத் தோட்டத்தில் இந்த இரு சக்கர ரோபோவை விட்டுவிட்டால், அதுவே, களைகளை வெட்டி சாய்த்துவிடும். தக்காளி, மிளகாய், பூச் செடிகளை அது ஒன்றும் செய்யாது. செடிகளை விட்டு, களைகளை மட்டும் வெட்டும்படி டெர்ட்டில் ரோபோவில் இருக்கும் செயற்கை நுண்ணறிவு மென்பொருளும், உணரிகளும் பார்த்துக்கொள்கின்றன.

அதேபோல, தோட்டப் பகுதியை விட்டு இந்த ரோபோ தவறுதலாக வேறுபக்கமும் போகாது. சூரிய ஒளித் தகடுகள் பொறுத்தியிருப்பதால், இதற்கு மின் தேவையும் இல்லை. 2017 இறுதியில் சந்தைக்கு வரவிருக்கும், 18,000 ரூபாய் மதிப்புள்ள டெர்ட்டில் ரோபோவுக்கு இப்போதே ஆர்டர்கள் குவிய ஆரம்பித்துள்ளன.

மலேரியாவை சமாளித்த குரங்குகள்   

மலேரியா வராமல் தடுக்க சில தடுப்பூசிகள் உருவாக்கப் பட்டுள்ளன. என்றாலும், அவை எதிர்பார்த்த அளவுக்கு பலன் தருவதில்லை. இந் நிலையில், அமெரிக்காவி லுள்ள, தேசிய ஒவ்வாமை மற்றும் தொற்று நோய் ஆய்வு நிலை யத்தைச் சேர்ந்த பிரகாஷ் சீனிவாசன் உள்ளிட்ட ஆய்வாளர்கள், ஏற்கனவே உருவாக்கப்பட்டுள்ள மலேரியா தடுப்பு மருந்தில், ஒரு புதிய வேதிப் பொருளை சேர்த்து, எட்டு குரங்குகள் மீது பரிசோதனை நடத்தினர். இதில், நான்கு குரங்குகள் மலேரியா கிருமிகளை முற்றிலும் எதிர்த்தன. மீதமுள்ள நான்கு குரங்குகளில் மூன்றால், மலேரியா அறிகுறியை 25 நாட்கள் வரை தள்ளிப்போட முடிந்தது. எனவே, இந்த புதிய மலேரியா தடுப்பூசி வலுவானதாக இருக்க வாய்ப்புள்ளது.

Banner
Banner