அமெரிக்க விஞ்ஞானிகளின் கூற்றுபடி, தனித்துவப்பட்ட ‘சுவாச சோதனை’ நடத்தப்படுவதன் மூலம் மக்களிடம் மலேரியா நோய் பாதிப்பு உள்ளதா என்பதை கண்டறிய முடியும் என தெரியவந்துள்ளது.

இதற்கான ஒரு ஒழுங்கற்ற முன்மாதிரி மூச்சு சோதனை முயற்சி ஏற்கெனவே ஆஃப்ரிக்காவில் நடத்தப்பட்டுள்ளது.

குழந்தைகளிடையே இச்சோதனையை முயற்சித்த போது சரியாக இருந்தாலும், வழக்கமான செய்முறையாக இதனை மாற்றுவதற்கு இந்தச் சோதனையை மேலும் மேம் படுத்த வேண்டியுள்ளது.

இந்த சோதனைக் கருவி மூலம் முகரப்படும் ஒரு வித மணமும், மலேரியாவை பரப்பும் பூச்சிகளை ஈர்க்கக் கூடிய இயற்கை மணமும் ஒரே மாதிரியாக இருக்கிறது.

பைன் மரங்கள் மற்றும் ஊசியிலை மரங்கள் வெளியிடக்கூடிய டெர்பைன்சபானது, கொசுக்கள் மற்றும் மகரந்த சேர்க்கை செய்யும் வேறு சில பூச்சிகளை வரவழைக்கும் என செய்ன்ட் லூயிசில் உள்ள வாசிங்டன் பல்கலைக்கழக ஆராய்ச்சியாளர்கள் கூறுகின்றனர்.

மலேரியா பாதிப்பு உள்ளவர்களின் சுவாசத்திலும் இதே மணம் இருக்க, அது கொசு உள்ளிட்ட மற்ற பூச்சிகளை ஈர்க்கும் பட்சத்தில் அவை மற்றவர்களை கடிக்கும் போது பலருக்கு மலேரியா பரவ வாய்ப்புள்ளதாகவும் ஆராய்ச்சி யாளர்கள் நம்புகின்றனர்.

இந்த சோதனை மேலும் கட்சிதமாக இருந்தால், மலேரியா நோயை கண்டறிய இதுவே புதிய மலிவான மற்றும் எளிமையான வழியாக அமையும் என பேராசிரியர் ஆட்ரி ஓடம் ஜான் மற்றும் அவரது சக ஊழியர்கள் தெரிவிக்கின்றனர்.

தனித்துவமான வாசனை

மலேரியா பாதிப்பை கண்டறிய இந்த முன்மாதிரி சுவாச சோதனையானது ஆறு மாறுபட்ட மணங்களை அல்லது எளிதில் ஆவியாகக்கூடிய கரிம சேர்மங்களை கண்டறியும்.

மலாவியில், மலேரியா பாதிப்பு இருக்கும் அல்லது இல் லாமல் இருக்கும் காய்ச்சல் உள்ள 35 குழந்தைகளின் சுவாச மாதிரிகளில் ஆராய்ச்சியாளர்கள் சோதனை மேற்கொண் டனர்.

அதில் 29 குழந்தைகளுக்கு துல்லியமான முடிவை இந்த சோதைனை தந்துள்ளதால், இதன் வெற்றி விகிதம் 83 விழுக்காடாக கருதப்படுகிறது.

வழக்கமாக நடத்தப்படும் சோதனையை ஒப்பிடும் போது இது மிகக் குறைவாக இருந்தாலும் இதன் நம்பகத்தன்மையை உயர்த்தி இதனை சிறந்த தயாரிப்பாக உருவாக்க முடியும் என ஆராய்ச்சியாளர்கள் நம்புகின்றனர்.

மலேரியாவை கண்டறிய எளிமையான, வேகமான இரத்த சோதனை முறை இருந்தாலும் அதற்கென சில வரம்புகள் உள்ளதாக வாசிங்டன் பல்கலைக்கழக ஆராய்ச் சியாளர்கள் கூறுகின்றனர்.

இரத்த பரிசோதனை செய்வதென்பது விலை உயர்ந்த தாகவும், கிராமப்புற பகுதிகளில் சவால் நிறைந்த ஒன்றாகவும் உள்ளது.

இரத்த மாதிரிகள் தேவைப்படாத அல்லது தொழில்நுட்ப நிபுணத்துவம் வாய்ந்த முறை சிறந்த நன்மை பயக்கக்கூடும்.

லண்டன் சுகாதார மற்றும் ட்ராபிக்கள் மருத்துவப் பள்ளி யைச் சேர்ந்த பேராசிரியர் ஜேம்ஸ் லோகன் கூறுவதாவது:

“அறிகுறியில்லாமல் இருக்கும் மலேரியா நோய் பாதிப்பை விரைவாக எப்படி கண்டறிந்து கட்டுப்படுத்துவதென்பது பெரிய சவாலாக உள்ளது, மற்றும் முழுமையாக மலேரியாவை ஒழிக்க நாம் இந்த இலக்கை நோக்கி நகர்வது அவசியமாகிறது. மலேரியா நோய் தொற்றுகளை கண்டறிய ஒரு புதிய கருவி உள்ளதென்பது உற்சாகமளிக்கிறது.”

இந்த சோதனை முறையை நம்பகத்தன்மை உள்ளதாக மாற்ற மேலும் சில வேலைகளை செய்வதற்கான தேவை உள்ளது.

அமெரிக்கன் சொசைட்டி ஆஃப் ட்ராபிகள் மெடிசன் மற்றும் அய்ஜினின் இந்த ஆண்டு கூட்டத்தில் இது தொடர் பான கண்டுபிடிப்புகள் வெளியிடப்பட உள்ளன.

இடத்தை காட்டிக் கொடுக்கும் ஆண்ட்ராய்டு செல்பேசிகள்

ஆண்ட்ராய்டு திறன்பேசிகள் அருகிலுள்ள செல்பேசி கோபுரங்கள் சார்ந்த தகவல்களை திரட்டி அவற்றை கூகுள் நிறுவனத்திடம் பகிர்வதாக குவார்ட்ஸ் என்ற இணையதள செய்தி நிறுவனம் தெரிவித்துள்ளது.

இதுகுறித்து கருத்துத் தெரிவித்துள்ள அந்தரங்க உரி மைக்காக வாதிடும் ஒருவர், இது பயன்பாட்டாளர்களை “காட்டிக்கொடுப்பதற்கு” சமம் என்று கருத்துத் தெரிவித் துள்ளார்.

இதுகுறித்து குவார்ட்ஸூக்கு பதிலளித்துள்ள கூகுள் நிறுவனம், இதுபோன்று பெறப்பட்ட தரவுகள் சேமிக்கப்பட வில்லை என்றும் இந்த செயற்பாட்டை நிறுத்துவதற்காக ஆண்ட்ராய்டின் மேம்படுத்தப்பட்ட பதிப்பு வெளியிடப்படும் என்றும் தெரிவித்துள்ளது.

கூகுள் பிளே சர்வீசஸ் என்னும் செயலி ஆண்ட்ராய்டு திறன்பேசியின் பின்னணியில் இயங்கும்போது இப்பிரச்சினை ஏற்பட்டுள்ளது. கூகுள் பிளே சர்வீஸ்சஸ் கூகுளின் பெரும் பாலான செயலிகள் இயங்குவதற்கு அவசியமானதாகும். மேலும், இது பெரும்பான்மையான ஆண்ட்ராய்டு திறன் பேசிகளில் முன்பதிந்து வெளியிடப்படுகிறது.

திறன்பேசிகள் செல்பேசி கோபுரங்களின் முகவரிகளை இனங்கண்டு அதிலுள்ள குறிப்பிட்ட இலக்கங்களின் மூலம் குறிப்பிட்ட செல்பேசி கோபுரங்கள் குறித்த தகவல்களை பிரித்து அதை கூகுளுக்கு அனுப்புவதை குவார்ட்ஸ் கண்ட றிந்துள்ளது. ஒருவர் இருக்கும் இடத்தை கண்டறிவதற்கு இந்த தரவுகளை பயன்படுத்தலாம்.

இருப்பிட சேவை அணைக்கப்பட்டிருக்கும் போது மற்றும் திறன்பேசியில் சிம் கார்டுகள் எடுக்கப்பட்டாலும் கூட மேற்கண்ட இந்த செயற்பாட்டை திறன்பேசிகள் நிகழ்த்து கின்றன. இச்செயற்பாட்டை நிறுத்துவதற்குரிய தேர்வு திறன் பேசிகளில் இல்லை. அவை தரவுகளை சேமிப்பதில்லை

“திறன்பேசிகளில் செய்திகளை அனுப்புவதன் வேகம் மற்றும் திறனை மேம்படுவதற்காக செல்பேசி கோபுரங்களின் சிக்னல்களை கூடுதலாக ஆராய்ந்தோம்“ என்றும் இதை கடந்த 11 மாதங்களாக செய்து வருவதாகவும் கூகுள் நிறுவனம் தெரிவித்துள்ளது.

“செல் குறியீட்டை எங்களின் வலைப்பின்னல் ஒத்திசைவு அமைப்போடு ஒருபோதும் இணைப்பதில்லை என்பதால் சேகரிக்கப்பட்ட தரவுகள் உடனடியாக அழிக்கப்பட்டுவிடும்“ என்று அந்நிறுவனம் தனது அறிக்கையில் குறிப்பிட்டுள்ளது.

பல நோய்களுக்கும் ஈக்கள்தான் காரணம்  - ஆய்வுத் தகவல்

நாம் நினைத்ததைவிட அதிக நோய்களை ஈக்கள் உண்டாக்குவதாக விஞ்ஞானிகள் கண்டுபிடித்துள்ளனர்.
வீட்டில் பெரும்பாலும் காணப்படும் ஈக்கள் மற்றும் நீலநிற ஈக்கள், 600 விதமான பாக்டீரியாக்களை பரப்புவதாக மரபணு ஆய்வில் தெரியவந்துள்ளது.

இந்த பாக்டீரியாக்கள், பெரும்பாலும், வயிற்று வலி, ரத்தத்தில் விசம் ஏறுதல், நிமோனியா (நுரையீரல் அழற்சி) ஆகிய மனிதர்களுக்கு தொடர்புடைய நோய்களை பரப்புகின்றன.

ஈக்களால், தனது கால்கள், இறக்கைகள் மற்றும் பாதங்கள் மூலமாக, நோய்களை ஒரு இடத்திலிருந்து மற்றொரு இடத்திற்குப் பரப்ப முடியும். சொல்லப்போனால், அவை எடுத்து வைக்கும் ஒவ்வொரு அடியிலும், அவற்றால் உயிருடன் உள்ள பாக்டீரியாக்களைப் பரப்ப முடியும்.

“ஈக்களால் நோய்க்கிருமிகளை பரப்ப முடியும் என்பது மக்களுக்கு தெரிந்திருந்தாலும், எந்த அளவிற்கு அவை அபாயகரமானவை என்றும், எவ்வளவு தூரம் அதன் தொற்று இருக்கும் என்பது அவர்களுக்கு தெரியாது” என்று  விஞ்ஞானிகள் தெரிவித்துள்ளனர்.

பென் ஸ்டேட் பல்கலைக்கழக பேராசிரியர் டொனால்ட் பிரையண்ட். வீட்டில் பரவலாக காணப்படும் ஈக்களின், உடலின் மேலும், உடலினுள்ளும் இருக்கும் நுண்ணுயிரிக்கள் குறித்து மரபணு ஆய்வுமுறை வழியாக ஆய்வு நடத்தப்பட்டது.

வீட்டில் பொதுவாக பார்க்கக்கூடிய ஈக்கள் 351 வகையான பாக்டீரியாக்களை பரப்புகின்றன.

சூடான காலங்களில் வரும், நீலநிற ஈக்கள் 316 வகை பாக்டீரியாக்களை பரப்புகின்றன. இந்த இருவகை கொசுக் களாலும், அதிகப்படியான பாக்டீரியாக்கள் பரப்பப்படுகின்றன.

பொதுசுகாதார அதிகாரிகளால், நோய்களை திடீரென பரப்பும் காரணிகளாக ஈக்கள் பார்க்கப்பட்டிருக்கலாம் என்று இந்த ஆய்வை `ஜர்னல் சைண்டிபிக் ரிப்போட்` என்ற சஞ்சிகையில் வெளியிட்ட ஆராய்ச்சியாளர்கள் தெரிவிக் கின்றனர்.

“பொதுசுகாதார அதிகாரிகளால் நம்பப்பட்ட வழியில், நோய்க்கிருமிகள் எவ்வாறு எல்லா இடங்களுக்கும் கொண்டு செல்லப்படுகின்றன என்பதன் கட்டமைப்பை இவை காண்பிக்கலாம் என்று நாங்கள் நம்புகிறோம்.
மிகவும் வேகமான முறையில், நோய்க்கிருமிகளை பரப்புவதில் ஈக்களின் பங்கும் இருக்கலாம் என்பதையும் இவை நிரூபிக்கலாம்“ என்கிறார் பேராசிரியர் பிரயண்ட்.

எட்டாம் வகுப்பு வரை மட்டுமே படித்தபோதும், தனது விடா முயற்சியால் பாராகிளைடரை உருவாக்கி பறந்து சாதனை படைத்துள்ளார் ஒரு கிராமத்து இளைஞர்.

பழநி அருகே உள்ள வய லூரைச் சேர்ந்தவர் அ.ராஜா ஞானப்பிரகாசம்(35). இவர் எட்டாம் வகுப்புடன் பள்ளிப் படிப்பை முடித்துவிட்டு தந்தை அருள்பிரகாசத்திற்கு உதவியாக விவசாயம் செய்யத் தொடங்கினார். வீட்டில் இருந்தவாறு தொலைதூரக் கல்வியில் படித்து எம்.ஏ. வரலாறு பட்டம் பெற்றார்.

வானில் தனியாக பறக்க வேண்டும் என்பது சிறு வயது முதலே இவரது தீராத ஆசை. ஆனால் அது தொடர்பான படிப்பை இவர் படித்திருக்கவில்லை. ஊராட்சி களில் ஒப்பந்த வேலைகளை செய்யத் தொடங்கினார். நேரம் கிடைக்கும் போதெல்லாம் நண்பர் ஒருவரின் லேத் பட்டறையிலும் வேலை செய்துள்ளார். பல பணிகளில் ஈடுபட்டபோதும் தனது பறக்கும் ஆசை மட்டும் அவரை விட்டுப்போகவில்லை.

தனது 23ஆவது வயதில் இதற்கான முயற்சியை மேற்கொள்ள ஆரம்பித்தார். விடா முயற்சியால் தற்போது சொந்தமாக பாராகிளைடரை தயாரித்து வானில் பறந்து சாதனை படைத்துள்ளார்.

இது குறித்து ராஜாஞானப் பிரகாசம் கூறியதாவது:

சிறு வயது முதலே வானில் தனியாக பறக்க வேண்டும் என்று ஆர்வம் இருந்தது. இது குறித்து யூ டியூப், புத்தகங்கள் ஆகியவற்றின் மூலம் அறிந்து பாராகிளைடர் தயாரிக்கும் முயற்சியில் ஈடுபட்டேன். இதில் பலமுறை தோல்வி கண்டபோதும், 12 ஆண்டுகளுக்கு பிறகு தற்போது வெற்றி பெற்றுள்ளேன். எங்கள் கிராமப் பகுதியில் நான் பறந்து செல்வதை பார்த்து பலரும் ஆச்சரியப்படுகின்றனர்.

மத்திய அரசின் ஏர் டிராபிக் கண்ட்ரோல் 25 ஆயிரம் அடி உயரத்தில் பறக்க அனுமதி அளித் துள்ளது. ஆனால் நான் ஏழாயிரம் அடி உயரத்தில் மட்டுமே பறந்து செல்கிறேன். பறக்கும் உயரத்தை தெரிந்து கொள்ள அனிமா மீட்டர், காற்றின் வேகத்தை தெரிந்து கொள்ள அல்டி மீட்டர் ஆகிய கருவிகளை பாராகிளைடரில் பொருத்தியுள்ளேன். 14 லிட்டர் பெட்ரோல் டேங்க் இணைக்கப்பட்ட பாராகிளைடரில் தொடர்ந்து 4 மணி நேரம் பயணிக்கலாம். மணிக்கு 120 கி.மீ. வேகத்தில் செல்ல முடியும்.

பாராகிளைடர் தயாரிக்கத் தேவையான பொருட்களை ஆன்லைன் மூலம் வாங்கினேன். வெளிநாடுகளில் ஒரு பாராகிளைடர் தயாரிக்க எட்டு லட்சம் முதல் பத்து லட்சம் ரூபாய் வரை செலவாகிறது. ஆனால் நான் அய்ம்பதாயிரம் ரூபாயில் பாராகிளைடரை தயாரித்துள்ளேன்.

ஒருவர் பறக்கும் வகையிலும், இருவர் பறக்கும் வகையிலும் வடி வமைத்துள்ளேன். பயணிப்பவர்களுக்கு 100 சதவீதம் பாதுகாப்பு அம்சங்களும் ஏற்படுத்தியுள்ளேன். பாராகிளைடர் தயாரிக்க யாரிடமும் ஆலோசனை பெறவில்லை. 30 அடி சுற்றளவு காலியிடம் இருந்தாலே நான் தயாரித்துள்ள பாராகிளைடரை மேலே எழவும், கீழே இறங்கவும் செய்ய முடியும்.

மத்திய அரசின் விமான போக்குவரத்து துறையில் அனைத்து அனுமதியையும் பெற்றுள்ளேன். விமான நிலையத் தில் இருந்து 40 கி.மீ. சுற்றள வில் மட்டுமே பறக்க தடை விதிக்கப் பட்டுள்ளது. விமான போக்குவரத்து துறையின் அனைத்து விதிமுறைகளையும் கடைப்பிடித்து வருகிறேன். தயாரிப்பு காப்புரிமை பெறுவதற்கான முயற் சியில் ஈடுபட்டுள்ளேன் என்றார் வெற்றி களிப்புடன்.

மாற்றுத்திறனாளிகளுக்காக ஸ்கூட்டர் தொழில்நுட்பத்தை பயன்படுத்தி
கைகளால் இயக்கும் கார் வடிவமைப்பு

கால்கள் செயல்படாத மாற்றுத் திறனாளிகள் ஸ்கூட்டர் தொழில் நுட்பத்துடன் கைகளால் ஓட்டக் கூடிய காரை (ஹேண்ட்கண்ட்ரோல் கார்) மதுரை இளைஞர் ஒருவர் வடிவமைத்துள்ளார். இந்த காருக்கு மாற்றுத்திறனாளிகளிடம் நல்ல வரவேற்பு கிடைத்துள்ளது.

சொந்தமாக கார் வாங்கி ஓட்டு வது பலரது கனவாக இருக் கும். ஆனால், மாற்றுத்திறனாளிகளுக்கு அது கனவாக மட்டும் இன்றி சவாலாகவும் உள்ளது. சாதாரண கார்களில் பிரேக் அழுத்து வது, கிளெட்ச், ஆக்சிலேட்டர் ஆகியவற்றை கால்களால் இயக்க வேண்டும். ஒரு சில பெரிய நிறு வனங்கள் மட்டும் ஆட்டோமேட்டிக் கியர், கிளெட்ச் வசதிகளுடன், பிரேக், ஆக்சிலேட்டர்களை மட்டும் காலால் இயக்கும் வகையில் கார்களை வடிவமைத்துள்ளன.

ஆனால், மாற்றுத்தினாளிகள் கார்களை இயக்குவதற்கு அவர் களது உடல் குறைபாடு பெரும் தடையாக இருக்கிறது. எனவே இரண்டு கால்களும் செயல்படாத மாற்றுத்திறனாளி களுக்காக இது வரை கார்கள் தயாரிக்கப்பட்ட வில்லை.

தற்போது அவர்களுக்காக பிரேக், ஆக்சிலேட்டரை கைகளா லேயே இயக்கும் தொழில்நுட்பத்துடன் கூடிய காரை (ஹேண்ட் கண்ட்ரோல் கார்) மதுரை மெக்கானிக் பவுல்ராஜ் வடிவமைத்துள்ளார். இந்த காரை மாற்றுத்திற னாளிகள் ஸ்கூட்டர் ஓட்டுவதுபோல் எளிதாக ஓட்டிச் செல் லலாம்.

இதுகுறித்து மதுரை தபால் தந்தி நகரைச் சேர்ந்த பவுல்ராஜ் கூறியதாவது:

இரண்டு கால்களும் செயல் படாத எனது நண்பர் ஒருவர் காரின் அனைத்து இயக்கங்களையும் கைகளால் செயல் படுத்தும் வகையில் வடிவமைத்துத் தருமாறு கேட்டுக் கொண்டார்.

அவருக்காகவே இத்தொழில்நுட்பத்தை உருவாக்கி காரை வடிவமைத்தேன். கைகளால் இயக்கக்கூடிய இந்த தொழில்நுட்பத்தில் மேனுவல், ஆட்டோமேட்டிக் கியர் என 2 வகை உண்டு.

மேனுவல் தொழில்நுட்பத்தில் ஆக்சிலேட்டர், கிளெட்ச், கியர், பிரேக் உள்ளிட்டவற்றை ஒரே கையைப் பயன்படுத்தியே இயக்க முடியும். அதனால், கை வலி, வீக்கம் ஏற்படும். நாளடைவில் கை பலவீனமடையவும் வாய்ப்பு உள்ளது.

ஆனால், ஆட்டோமேட்டிக் தொழில்நுட்பத்தில் பிரேக்கை அழுத்தி ஒருமுறை கியர் போட்டால் போதும். அதன்பிறகு பிரேக், ஆக்சிலேட்டரை கையாலேயே இயக்கலாம். விருப்பப்பட்டால் பிரேக், ஆக்சிலேட்டரை காலாலும் இயக்கிக் கொள்ளலாம்.

நான் வடிவமைத்த இந்த காரை பயன்படுத்தி எனது மாற்றுத் திறனாளி நண்பர் கேரளா வரை சென்று வந்தார். அவருக்கு இது வரை எந்தப் பிரச்சினையும் ஏற்பட வில்லை. முதியோர்களும் இந்த காரை பயன்படுத்தலாம். நான் உரு வாக்கிய இந்த தொழில்நுட்பத்தை முறையாகப் பதிவு செய்து, மாற்றுத்திறனாளிகளின் கார்களில் வடிவமைத்துக் கொடுக்க உரிமம் வாங்க உள்ளேன் என்றார்.

நியாவிலைக் கடைகளில் விற்பனையாளர், உதவியாளர் பணியிடங்கள்

நீலகிரி மாவட்டத்தில் கூட்டுறவுச் சங்கங்களின் பதிவாளர் கட்டுப்பாட்டின் கீழ் உள்ள கூட்டுறவுச் சங்கங்களால் நடத்தப்படும் நியாயவிலைக் கடைகளில் காலியாக உள்ள விற்பனையாளர் மற்றும் கட்டுநர் பணியிடங்களுக்கு தகுதியானவர்களிடமிருந்து டிசம்பர் 15க்குள் விண்ணப்பங்கள் வரவேற்கப்படுகின்றன.
பணி: நியாயவிலைக் கடை விற்பனையாளர்

காலியிடங்கள்: 26

சம்பளம்: தொகுப்பு ஊதியம் (ஒரு ஆண்டுக்கு - மாதம்) ரூ.5,000 அதனைத் தொடர்ந்து ஊதிய விகிதம் ரூ.4,300 - 12,000. தகுதி: பன்னிரெண்டாம் வகுப்பு தேர்ச்சி (+2) பெற்றிருக்க வேண்டும் அல்லது அதற்கு சமமான கல்வித்தகுதி பெற்றிருக்க வேண்டும்.

பணி: கட்டுநர்   - காலியிடங்கள்: 09

சம்பளம்: தொகுப்பு ஊதியம் (ஒரு ஆண்டுக்கு - மாதம்)   ரூ.4,250

மேற்கண்ட பணியிடங்கள் நேரடி நியமனத்தின் போது அரசுப் பணிக்கு இனச் சுழற்சி முறை பின்பற்றப்படுகிறது.

வயதுவரம்பு: 01.01.2017 தேதியின் படி 18 வயது பூர்த்தி அடைந்தவராக இருக்க வேண்டும்.

தகுதி: பள்ளி இறுதி வகுப்பு, பத்தாம் வகுப்பு முடித்த வர்கள் விண்ணப்பிக்கலாம்.

விண்ணப்பக் கட்டணம்: ரூ.100. இதனை  முப்படி செலான் சங்க செலான் மூலமாக நீலகிரி மாவட்ட மத்தியக் கூட்டுறவு வங்கியின் எந்த கிளையிலும் கூட்டுறவு சங்கங்களின் மாவட்ட ஆள்சேர்ப்பு மய்யத்தின்

சேமிப்புக் கணக்கில் செலுத்த வேண்டும்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: கூட்டுறவுச் சங்கங்களின் மாவட்ட ஆள்சேர்ப்பு நிலையம், கூட்டுறவுச் சங்கங்களின் மண்டல இணைப்பதிவாளர் அலுவலகம்,

மாவட்ட ஆட்சியர் அலுவலக கூடுதல் வளாகம், பிங்கர் பேஸ்ட், உதகமண்டலம், நீலகிரி மாவட்டம் - 643 006

பூர்த்தி செய்யப்பட்ட விண்ணப்பங்கள் வந்து சேர கடைசி தேதி: 15.12.2017




திண்டுக்கல்லில் நடுத்தரக் குடும்பம் ஒன்றில் பிறந்த ஆர். ரூபாதேவி கால்பந்து விளையாட்டில் சிறுவயது முதலே கொண்ட ஆர்வம் காரணமாக இன்று சர்வதேசக் கால்பந்துப் போட்டி நடுவராக உயர்ந்து நிற்கிறார்.
திண்டுக்கல் நகரின் மய்யத்தில் அமைந்துள்ள புனித வளனார் மேல்நிலைப் பள்ளியில் ஆறாம் வகுப்பு படிக்கும் போது முதன்முதலில் கால்பந்து விளையாடத் தொடங்கியிருக்கிறார். அதுவே தன் வாழ்க்கையாக மாறப் போவதை அப்போது அவர் நினைத்திருக்கவில்லை. அப்போதெல்லாம் மாலையில் வகுப்பு முடிந்ததும் கால்பந்து விளையாடும் ஆர்வம் ஏற்பட்டது. எனது ஆர்வத்தைப் பார்த்த ஆசிரியர் ஜெசின்ஜெஸ்டின் என்னைத் தினமும் கால்பந்து விளையாட ஊக்குவித்துப் பயிற்சியளித்தார். எனது முதல் பயிற்சியாளர் அவர்தான். பத்தாம் வகுப்பு படித்து முடிப்பதற்குள் சப்-ஜூனியர், ஜூனியர் பிரிவு கால்பந்து போட்டிகளில் விளையாடினேன். என்கிறார் ரூபாதேவி

அதுவரை அணியில் தானும் ஒருத்தி என்று நினைத்துவந்தவர் விளையாட்டில் தன் தனித்துவத்தைக் காட்ட வேண்டும் என்கிற எண்ணம் வந்தவுடன் கடும் பயிற்சி மேற்கொள்ளத் தொடங்கினார். கல்லூரிப் படிப்பு, பட்டயப் படிப்பு என எனது கல்வியை ஒருபக்கம் தொடர்ந் தாலும், காலை, மாலை நேரம் மைதானத்தில் இருக்கத் தவறியதில்லை. காரணம் எனது முழுக் கவனமும் கால்பந்தில் சாதிக்க வேண்டும் என்பதில் மட்டுமே இருந்தது என்கிறார்.

இவரது அர்ப்பணிப்பைத் தெரிந்துகொண்ட திண்டுக்கல் மாவட்டக் கால்பந்து கழகத் தலைவர் ஜி.சுந்தரராஜன், செயலாளர் எஸ்.சண்முகம் ஆகியோர் இவரை ஊக்கப்படுத்தியதுடன் பயிற்சிக்குத் தேவைப்பட்ட பொருளாதார உதவிகளையும் செய்துள்ளனர். அத் துடன் தமிழ்நாடு கால்பந்துக் கழகம் தனக்கு முழு ஆதரவளித்தததையும் அவர்களது ஊக்கமும் உதவியுமே தன்னை அடுத்தடுத்த நிலைக்கு எடுத்துச் சென்றது என்பதை நன்றியுடன் நினைவுகூர்கிறார் ரூபாதேவி.

கிடைத்தது நடுவர் பணி

 

தமிழக அணிக்காக சப்-ஜூனியர், ஜூனியர், சீனியர் என அனைத்துப் பிரிவுக் கால்பந்துப் போட்டிகளிலும் ரூபா விளையாடியுள்ளார். இடையில் சில ஆண்டுகள் போட்டிகள் அதிகம் நடைபெறாததால், இவரது கவனம் நடுவர் பணி மீது திரும்பியது.

2007ஆம் ஆண்டு முதன்முறையாகக் கால்பந்து நடுவருக்கான தகுதித்தேர்வு எழுதி தேர்ச்சி பெற்றேன். அப்போது மத்திய அரசு புராஜெக்ட் பியூச்சர் ரெஃப்ரி என்கிற திட்டத்தைக் கொண்டுவந்தது. இதன் மூலம் கால்பந்து நடுவர்கள் தேர்வுசெய்யப்பட்டனர். அதற்குத் தேர்வு செய்யப்பட்டு புதுடில்லி, மத்தியப் பிரதேச மாநிலம் ஜபல்பூர் ஆகிய இடங்களுக்குப் பயிற்சி பெறச் சென்றேன். இதைத் தொடர்ந்து தேசிய அளவிலான மகளிர் கால்பந்துப் போட்டிகளில் நடுவராகப் பங்கேற்றேன் என்று தான் நடுவரான கதையை விவரிக்கிறார் ருபாதேவி

ஒலிம்பிக் கனவு

தொடர்ந்து இந்திய கால்பந்துக் கழகத்தின் பரிந்துரையின் பேரில் மலேசியா, இலங்கை, மாலத்தீவு ஆகிய நாடுகளில் நடைபெற்ற தெற்காசியக் கால்பந்துப் போட்டிகளில் நடுவராகப் பங்கேற்றிருக்கிறார் ரூபாதேவி.
எனது செயல்பாட்டைப் பார்த்த ஆசிய கால்பந்துக் கழகம் பஹ்ரைனில் நடைபெற்ற போட்டியில் நடுவராகப் பங்கேற்க வாய்ப்பளித்தது. இந்திய, ஆசிய அளவிலான போட்டிகளில் எனது பங்களிப்பைப் பார்த்த இந்திய, ஆசிய கால்பந்துக் கழகங்கள் என்னை சர்வதேச நடுவராக ஃபிஃபா கால்பந்து அமைப்புக்குப் பரிந்துரை செய்தன. அதற்கான தேர்விலும் தேர்ச்சிபெற்றேன். எனது செயல்பாடு, தேர்ச்சி ஆகியவற்றை அடிப்படையாகக்கொண்டு என்னை சர்வதேச கால்பந்து நடுவராக ஃபிஃபா அறிவித்தது என்கிறார்.

மாநில அளவில், தேசிய அளவில், ஆசிய அளவில், சர்வதேச அளவில் படிப்படியாக உயர்ந்த இவருக்கு ஒலிம்பிக், உலகக் கோப்பை கால்பந்துப் போட்டிகளில் நடுவராகப் பங்கேற்க வேண்டும் என்பதே லட்சியம். தீரா ஆர்வம், கடின உழைப்பு, விடா முயற்சி ஆகியவற்றால் இந்த அளவுக்கு முன்னேறியிருக்கும் ரூபாதேவி எப்படிப்பட்ட இலக்கையும் அடைந்துவிடுவார் என்பதை உறுதியாக நம்பலாம்.

போர்க்கப்பல்களைக் கண்காணிக்கும் வீராங்கனைகள்

இந்திய விமானப்படையில் சென்ற மாதம்தான் மூன்று பெண் விமானிகள் போர் விமானங்களை இயக்க அனுமதித்துள்ளனர். அவனி சதுர்வேதி, பாவனா காந்த், மோஹனா சிங் என்ற மூன்று பெண்களும் ஓராண்டு கடினப் பயிற்சிக்குப் பிறகு போர் விமானத்தை இயக்கும் விமானிகளாக்கியிருக்கின்றனர்.

“ஆண் போர் விமானிகளுக்கு எந்த விதத்திலும் குறைந் தவர்கள் அல்ல இந்த மூன்று பெண் விமானிகள்’ என்று இந்திய விமானப்படைத் தளபதி இவர்களை பாராட்டியிருக்கிறார். வரும் டிசம்பர் மாதம் இந்த மூன்று பெண்களும் முழு நேர போர் விமானிகளாவார்கள். இந்திய விமானப்படை பெண்களைப் போருக்குத் தயார் செய்யும்போது, நாம் ஏன் சும்மா இருக்க வேண்டும் என்று கப்பல்படை நினைத்ததோ என்னவோ 20 கடல் படை வீராங்கனைகளைக் கண்டெடுத்து சீன போர்க் கப்பல்கள், நீர் மூழ்கிக் கப்பல்களைத் தீவிர மாகக் கண்காணிக்க நியமித்துள்ளது.

இந்தப் பெண்கள் நீர்மூழ்கிக் கப்பல்களைக் கண்டுபிடித்து அழிக்கும் திறமை வாய்ந்த விமானத்தில் பறந்து கண் காணிப்பார்கள்.  இந்தக் கண்காணிப்புக்குப் பயன்படும் “பொசிடியன் - 8’  என்னும் கப்பல் அமெரிக்காவிலிருந்து இறக்குமதி செய்யப்பட்டுள்ளது. சுமார் இரண்டு பில்லியன் டாலர்கள் செலவில் எட்டு விமானங்கள் சென்னையை அடுத்த அரக்கோணத்தில் தயார் நிலையில் வைக்கப்பட்டுள்ளன. இன்னும் நான்கு விமானங்கள் வர உள்ளன.  இன்னொரு ரஷ்ய விமானத்தில் 30 பெண்கள் கண்காணிப்புப் பணியில் ஈடுபடுத்தப்பட்டுள்ளனர். அமெரிக்க விமானங்கள் 250 கி.மீ. தூரத்தில் கடலின் உள்ளே பயணிக்கும் நீர்மூழ்கிக் கப்பலைக்கூட கண்டு பிடித்து அழிக்கக்கூடிய திறன் பெற்றது. ஆனால் இந்த ரஷ்ய விமானம், அமெரிக்க விமானத்தைவிட திறன் குறைவானதுதான்.

இந்தப் போர் விமானங்களில் நீர்மூழ்கிக் கப்பல்களைத் தாக்க வல்ல  ஏவுகணைகள் பொருத்தப்பட்டிருக்கும். அதே சமயம் எதிரியின் கப்பல்களில் இருக்கும் பீரங்கிகள் இவர்கள் பறக்கும் விமானத்தை வீழ்த்தும் அபாயமும் உள்ளது. இந்த அபாய சூழ்நிலையில் சுமார் 50 வீராங்கனைகள் இந்திய மண்ணின் பாதுகாப்புக்காக கடல் மேல் பறந்து கண் மூடாமல் கண்காணித்து வருகின்றனர்.

“சமீபத்தில் 26 இந்திய வீரர்களுடன் காணாமல் போன எம்வி எமரால்டு கப்பலைப் பெண் குழு ஒன்றுதான் கண்டுபிடித்தது. 16 போர் வீரர்கள் உயிருடன் மீட்கப்பட்டனர். பத்து பேர் சம்பவ இடத்தில் இறந்து போயிருக்கலாம். இந்த ரோந்து மற்றும் போர் விமானங்களில் தலைமைப் பொறுப்பில் இருக்கும் அனைவரும் பெண்களே. அவர்களால் எந்தச் சவால்களையும் சந்திக்க முடியும்” என்கிறார் இந்திய கப்பல்படைத் துணைத் தளபதி சாவ்லா.

இந்திய சமுத்திரத்தில் சீன நீர்மூழ்கிக் கப்பல்களின் போக்குவரத்து அதிகரித்துள்ளதால், அதிநவீன கண்காணிப்பு இந்தியாவுக்கு வெகு அவசியமாகி இருக்கிறது. இப்படிப்பட்ட முக்கியத்துவம் வாய்ந்த கண்காணிப்புப் பணியை 50 வீராங்கனைகள் ஏற்றிருக்கின்றனர் என்பது இந்தியப் பெண்களுக்குப் பெருமை தரும் விசயம் என்பதில் மாற்றுக் கருத்து இல்லை.

இந்திய பெண்கள் ஆக்கி கேப்டன் ராணி ராம்பால்

சென்ற மாதம் டாக்காவில் நடந்த ஆசியக் கோப்பை ஆக்கி போட்டியில் இந்தியப் பெண்கள் அணியும்  ஆசியக் கோப்பையைக் கைப்பற்றியுள்ளது.

பெண்கள் அணி தோற்கடித்தி ருப்பது சீன அணியை. 2004-ஆம் ஆண்டுக்குப் பிறகு அதாவது பதிமூன்று ஆண்டுகள் கழித்து தற் போதுதான்  கேப்டன் ராணி ராம்பால் தலைமையிலான பெண்கள் ஆக்கி அணி தங்கக் கோப்பையைப் பெற்று பெருமையுடன் தாயகம் திரும்பி உள்ளது.

கடந்த ஆண்டு நடந்த “ஆசிய வாகையர்’ கோப்பைக்கான ஆக்கி போட் டியிலும் சீன அணியை இந்திய பெண்கள்   அணி வென்றது.

அந்தப் போட்டியை விட முக்கியத் துவம் வாய்ந்த ஆசியக் கோப்பைக்கான போட்டியில் வென்றது   இந்தியப் பெண்கள் அணிக்கு அதிகப் புகழையும் முக்கி யத்துவத்தையும் அளித்துள்ளது.

Banner
Banner