வளரும் நாடுகளில் கூட, நடுத்தர குடும்பங்கள் வெயிலிலிருந்து தப்பிக்க, குளிரூட்டி வாங்கி மாட்டுகின்றனர். இந்த நிலையில், அவை சுற்றுச்சூழலுக்கு ஆபத்து என்று தடுக்க முடியாது.

எனவே, சுற்றுச்சூழலுக்கு கேடு விளை விக்காத, எளிய குளிர்ச்சி தரும் சாதனங்களை உருவாக்க, 2018 நவம்பரில், வர்ஜின் குழும தலைவர் ரிச்சர்ட் ‘உலக குளிர்ச்சிப் பரிசு’ ஒன்றை அறிவித்தார். 21.35 கோடி ரூபாய் மதிப்புள்ள இந்தப் பரிசுப் போட்டிக்கு இன்னும் கெடு முடியவில்லை.

அதற்குள் சரியான போட்டியாளராக ‘சவுண்ட் எனர்ஜி’ தயாரித்துள்ள ‘தியாக்-25’ என்ற, குளிரூட்டி கருவி உருவாக்கப்பட்டுள்ளது. பார்ப்பதற்கு பேண்டு வாத்தியக் கருவி போலத் தெரியும் தியாக், குளிரூட்டி வெப்பத்தை ஒலியாக மாற்றி, பின், அந்த ஒலி ஆற்றலை குளிர் ஆற்றலாக மாற்றும் ‘தெர்மோ அக்குஸ்டிக்‘ தொழில் நுட்பத்தைக் கொண்டது.

தொழிற்சாலைகளில் உள்ள அனல் கக்கும் பெரிய இயந்திரங்களில் வெளிப்படும் வெப்பத்தை உள்வாங்கி, காற்றையோ, தண் ணீரையோ குளிர்விக்க முடியும் என்கிறது, சவுண்ட் எனர்ஜி.

தற்போது சவுண்ட் எனர்ஜி தயாரித்துள்ள, 25 கி.வா., சக்தி கொண்ட தியாக் -25 இயந்திரத்தால், -25 டிகிரி சென்டிகிரேடு குளிர்ச்சியை உருவாக்க முடியும். இந்தக் கருவியில் அசையும் பாகங்களோ, தற் போதைய, ‘ஏசி’க்களில் இருக்கும் வேதி திரவம் அல்லது வாயுவோ எதுவும் இல்லை என்கின்றனர் சவுண்ட் எனர்ஜியின் வடிவமைப்பாளர்கள்.

இதில் ஆர்கான் என்ற சுற்றுச்சூழலுக்கு கேடு தராத வாயுவை மட்டுமே பயன்படுத்து வதாக, அவர்கள் தெரிவித்துள்ளனர்.

இப்போதைக்கு பெரிய ஆலைகள், கட்டடங்களுக்கு மட்டுமே இதை பொருத்த முடியும். ஆனால், சூரிய வெப்பத்தின் மூலம் இயங்கும் தியாக், குளிரூட்டிகளை விரைவில் அறி முகப்படுத்தப் போவதாக, சவுண்ட் எனர்ஜி அறிவித்துள்ளது.

அப்போது, குற்றஉணர்ச்சியின்றி எவரும் வீட்டிலேயே, குளிரூட்டி வாங்கி மாட்டலாம்.

‘எக்சிமா’ போன்ற தோல் நோய் உள்ளவர்களுக்கு, தோல் அரிப்பு ஒரு பெரும் தொல்லை. இதற்கு, தற்போது உள்ள முறைகளிலிருந்து முற்றிலும் மாறுபட்ட சிகிச்சையை, ரோம் நகரிலுள்ள மருத்துவ விஞ்ஞானிகள் உருவாக்கி இருக்கின்றனர்.

அய்ரோப்பிய மூலக்கூறு உயிரியல் ஆய்வகம், இ.எம்.பி.எல்.,லைச் சேர்ந்த விஞ்ஞானிகள், ஒளி மூலம் முடுக்கிவிடப்படும் மருந்து ஒன்றை கண்டு பிடித்துள்ளனர்.

தோலின் மேற்புறத்திலுள்ள சில குறிப்பிட்ட நரம்பு செல்கள் துண்டப்படுவதால் தான், அந்த இடத்தில் அரிக்கும் உணர்வு ஏற்படுகிறது.

ரோம் விஞ்ஞானிகள் தயாரித்துள்ள மருந்தை, ஊசி மூலம் தோலில் செலுத்தினால், அந்த மருந்து, குறிப்பிட்ட நரம்பு செல்களில் மட்டும் ஒட்டிக் கொள்ளும் திறன் கொண்டது. மருந்து சென்ற இடத்தில் அகச் சிவப்புக் கதிர்களை பாய்ச்சினால், அவை தோலை ஊடுருவிச் சென்று மருந்தை முடுக்கிவிட, அரிப்புணர்வைத் தரும் நரம்பு செல்கள், தோலின் மேற்பரப்பிலிருந்து பின்வாங்கி விடுகின்றன. அரிப்பு நின்றுவிடுகிறது.

இந்த மருந்தை எலிகளுக்குக் கொடுத்து சோதித்த போது, எக்சிமா உள்ள எலிகளுக்கு உடனே அரிப்பு நின்றுவிட்டது.  பல மாதங்களுக்கு அரிப்பு இல்லாமல் எலிகளால் இருக்க முடிந்தது. தவிர, நகங்களால் சொறிந்து கொள்வது நின்றதால், அந்த இடத்தில் இருந்த புண்களும் வேகமாக ஆறிவிட்டன. ‘நேச்சர் பயோமெடிக்கல் இன்ஜினியரிங்’ இதழில் வெளியாகியுள்ள இந்த ஆய்வை, மனிதர்கள் மீதும் விரைவில் நடத்திப் பார்க்க, ரோம் விஞ்ஞானிகள் திட்டமிட்டுள்ளனர்.

பூமிப் பந்தின் வட துருவ காந்தப் புலம் தொடர்ந்து நகர்ந்து வருகிறது. வட புலம் துல்லியமாக குறிக்கப்பட்ட, 1881லிருந்தே, அது ஆண்டுக்கு, 10 கி.மீ., இடம் பெயர்ந்து வருகிறது. ஆனால், கடந்த சில ஆண்டுகளாக, வட காந்தப் புலம்  இடம் பெயர ஆரம்பித்திருக்கிறது.

இன்று, திறன் பேசிகளிலில் இருக்கும், ஜி.பி.எஸ்., வசதி முதல், கப்பல்கள், விமானங்களில் இருக்கும் திசைகாட்டிகள் வரை இதனால் பாதிக்கப்படுமே? ஆனால், ‘உலக காந்த மாதிரி’ உருவாக்கும் அமெரிக்காவின், என்.ஓ.ஏ.ஏ., எனப்படும், ‘தேசிய கடல் மற்றும் வளி மண்டல நிர்வாகம்‘ வட புல நகர்வை தொடர்ந்து, காந்த மாதிரியை புதுப்பித்து வருகிறது.

இந்த புதிய மாதிரிகளைத் தான், ஜி.பி.எஸ்., சேவைகள் வாங்கி பயன்படுத்துகின்றன. அண் மையில் அதிபர் டிரம்பின் அரசு, முடக்க தீர்மானித் திருக்கும் பல அரசு துறைகளில், என்.ஓ.ஏ.ஏ.,வும் வருவதால், உலக காந்த மாதிரியை புதுப்பிப்பதில் தடங்கல் ஏற்பட்டுள்ளது.

இந்த புல நகர்வு, வட துருவத்திற்கு அருகே இருப்பவர்களுக்கே லேசான பாதிப்பு. தள்ளி இருப்பவர்கள், வழக்கம்போல வட புலம் நகர்வது பற்றி கவலைப்பட வேண்டியதில்லை.

இன்னொரு விஷயம், பூமியின் இரு காந்தப் புலங்களும், 7.8 லட்சம் ஆண்டுகளுக்கு முன் தலை கீழாக மாறியதாகவும், அப்படி ஒரு மாற்றம் வருவதற்கான அறிகுறியே நகர்வு வேகம் அதிகரித்து வருவது என்றும், விஞ்ஞானிகள் கணித்துள்ளனர்.

Banner
Banner