எழுத்துரு அளவு Larger Font Smaller Font

ஒரு உணவுப் பொருள் கெட்டுவிட்டதா, இல்லையா என்பதை உறுதி செய்ய முடியாமல், 1.3 பில்லியன் டன் அளவுக்கு உணவுப் பொருட்களை, மக்கள் ஆண்டுதோறும் குப்பையில் கொட்டு கின்றனர். உணவு ஆய்வுக் கூடங்களில், ஒரு பொருள் கெட்டுவிட்டதா என்பதை கண்டுபிடிக்கும் கருவிகள் பல உண்டு.

ஆனால், காய், கனி, இறைச்சிகளை விற்கும் கடைகள், நுகர்வோரால் அந்த பெரிய கருவிகளை கையாள முடியாது. எனவே தான், ஜெர்மனியிலுள்ள பிரான்ஹோபர் ஆராய்ச்சி நிலையத்தைச் சேர்ந்த விஞ்ஞானிகள், கையடக்க அகச்சிவப்புக் கதிர் கருவியை உருவாக்கி உள்ளனர்.

மின்னணு உதிரி பாகங்கள் தயாரிப்பில் ஏற் பட்டுள்ள முன்னேற்றங்களை பயன்படுத்தி உரு வாக்கி இருப்பதால், இந்தக் கருவியை, எவரும் கையாள முடியும்.

இந்தக் கருவி, உணவின் மீது அகச்சிவப்புக் கதிரை பாய்ச்சுகிறது. உடனே, அந்தக் கதிரின் பிரதிபலிப்பை திரும்ப வாங்கி, அலைவரிசை மாற்றத்தை ஒப்பிடுகிறது.

இதன் மூலம், அந்த உணவு உண்ணும் தரத்தில் உள்ளதா என்பதை, உடனே காட்டிவிடும். தக்காளி, மாட்டிறைச்சி ஆகியவை கெட்டுவிட்டனவா, இல்லையா என்பதை, கையடக்க அகச்சிவப்புக் கதிர் ஸ்கேனர் மூலம் துல்லியமாக சொல்ல முடிந் ததாக, பிரான்ஹோபர் விஞ்ஞானிகள் அறிவித் துள்ளனர். எல்லா வகை உணவையும் சோதிக்கும்படி, ஸ்கேனரை மேம் படுத்த, ஆய்வுகள் தொடர்கின்றன.

தமிழில் கருத்துக்களை தெரிவிக்க -  


Security code
Refresh

Banner
Banner