எழுத்துரு அளவு Larger Font Smaller Font

பெண்களுக்கு எல்லாம் கிடைப் பதாகச் சொல்லப்படும் நம் நாட்டில் அவர்களுக்குக் கிடைக்காதது பாதுகாப்பு மட்டுமே. வீடு, பணியிடம், பொதுவெளி என எல்லா இடங்களிலும் பெண்களுக்குப் பாதுகாப்பற்ற சூழலே நிலவுகிறது. அரசும் சமுதாயமும் பாதுகாப்பான சூழ்நிலை யைப் பெண்களுக்கு ஏற்படுத்த வேண் டும் என்பதே ஷைபி மேத்யூவின் (45) கோரிக்கை.

அதை வலியுறுத்தி இருசக்கர வாக னத்தில் தமிழகம் முழுவதும் பயணித்து விழிப்புணர்வு பிரச்சாரம் செய்துள்ளார். இருசக்கர வாகனத்தில் சுமார் 3,750 கி.மீ. தொலைவு நின்றபடியே பயணித்துத் தேசிய சாதனைப் புத்தகத்திலும் இடம் பிடித்திருக்கிறார்.

திருப்பூர் மாவட்டம் அவினாசியைச் சேர்ந்த ஷைபி மேத்யூ, இரண்டு குழந்தை களுக்கு அம்மா. தையல் கடை நடத்தி வருகிறார். சிறுவயதிலிருந்தே இருசக்கர வாகனத்தின் மீது அவருக்குப் பிரியம் உண்டு. அப்பா, சித்தப்பா, மாமா என யார் வண்டியை எடுத்தாலும் அவர்களுடன் சேர்ந்து சவாரி செல்வார். சிறுவயதில் கிடைத்த அந்த மகிழ்ச்சி குடும்பம், குழந்தைகள் என்றான பிறகு அவருக்கு நிலைக்கவில்லை.

குழந்தைகளின் எதிர்காலத்துக்காகச் சொந்த ஊரான கூடலூரை விட்டு அவினாசியில் குடியேறினார். பகலில் ஏற்றுமதி நிறுவனத்தில் தையல் வேலை, இரவில் வீட்டிலிருந்தபடியே அக்கம் பக்கத்தினருக்குத் துணிகளைத் தைப்பது என வாழ்க்கை ஓடியது. தனி ஆளாக, தன் உழைப்பால் குழந்தைகளைக் காப்பாற்றி னார். மகளைக் கேரளத்தில் உள்ள பள்ளி விடுதியில் தங்கிப் படிக்கவைத்தார். மகளைப் பார்க்க ஒவ்வொரு மாதமும் மூன்று பேருந்துகள் மாறி அவர் பயணம் செய்வார். அந்தப் பேருந்துப் பயணங் களில் ஆண்களின் பாலியல் சீண்டல்கள் அவரைப் பாதித்தன.

“அப்படித்தான் ஒரு நாள் என் மகளைப் பார்த்துவிட்டு பேருந்தில் வீடு திரும்பிக் கொண்டு இருந்தேன். நானும் என் தோழியும் நின்று கொண்டிருந்த இடத்துக்கு பக்கத்தில் ஒருவர் குடித்து விட்டு  எங்களிடம் தவறாக நடந்து கொண்டார். கோபத்தில் நான் அவரை அடித்து விட்டேன். பிரச்சினை பெரிதாகி விட்டது. அடிவாங்கியவர் இன்னும் சிலரை போன் செய்து வரவழைத்தார். பேருந்தை காவல்நிலையத்தில்  நிறுத்தச் சொல்லியும் ஓட்டுநர் நிறுத்தவில்லை. பேருந்தில் இருந்த ஆண்கள் யாரும் உதவிக்கு வரவில்லை. கடைசிவரை நாங்கள் மட்டுமே எங்கள் பாதுகாப்புக் காகச் சண்டையிட்டோம்” என்று ஷைபி சொல்கிறார்.

பெண்களுக்காக ஒரு பயணம்

பேருந்திலும் ரயிலிலும் தான் எதிர் கொண்ட பாலியல் சீண்டல்கள் ஷைபிக்கு வேதனை அளித்தன. தனியாக வசிக்கும் அவரைப் போன்ற பெண்களுக்குப் பாது காப்பான நிலை என்றைக்குக் கிடைக்கும் என யோசித்தார்.  இந்தப் பிரச்சினையிலிருந்து விடுபடு வதற்காக, மகனுக்காக வாங்கிய பைக்கை அவர் ஓட்டத் தொடங் கினார். ஷைபி பைக் ஓட்டுவதைப் பலரும் ஆச்சரியமாகப் பார்த்தனர். அதுவே ஷைபிக்குத் தன்னம்பிக்கை யையும் தைரியத்தையும் அளித்தது. பைக் ஓட்டுவதையே பெண்களுக்கான விழிப் புணர்வு ஆயுதமாகப் பயன்படுத்தலாம் என ஷைபி நினைத் தார். உடனே அதைச் செயல்படுத்தினார்.

 

நண்பர்களின் ஆலோசனைப்படி, பெண்களின் பாதுகாப்பை வலியுறுத்தி அவினாசியில் இருந்து சேலம் சென்று மீண்டும் அவினாசிக்குத் திரும்பினார். 250 கி.மீ. தொலைவுக்கு பைக் ஓட்டியது தான் அவர் மேற்கொண்ட முதல் விழிப் புணர்வுப் பயணம். அது அளித்த உந்து தலில் மேலும் புதுமையாக ஏதாவது சாதிக்க நினைத்தார்.

“பைக்கில் உட்காராமல் நின்று கொண்டே ஓட்டினால் வித்தியாசமாக இருக்கும் என்று என் மகன் சொன்னான். எனக்கும் அது பிடித்திருந்தது. தமிழ கத்தின் எல்லா மாவட்டங்களுக்கும் செல்வதற்கான வழிகளைத் திட்டமிட் டோம். குறிப்பாக நகர்ப் பகுதிகளின் வழியாகச் செல்லாமல், கிராமங்களின் வழியாகச் செல்ல நினைத்தேன். அதற்காக மாவட்டக் காவல்துறை அலுவலகங்களில் அனுமதி வாங்கினேன்” எனப் பெருமிதத் துடன் ஷைபி சொல்கிறார்.

வலியை மறக்கடித்த சாதனை

பெண்களின் பாதுகாப்புக்கு முக்கி யத்துவம் கொடுப்போம்; இயற்கை விவசா யத்தைக் காப்போம் என்ற கோரிக்கையை வலியுறுத்தி ஜூன் 8 அன்று ஊட்டியிலிருந்து புறப்பட்டார். பின்னர் சேலம், தர்மபுரி, வேலூர், திருவண்ணாமலை, விழுப்புரம் வழியாகத் திருச்சிக்கு வந்தார். பின் மதுரை, நெல்லை, கன்னியாகுமரி, ராமநாதபுரம் வந்து கடலோரமாக நாகப் பட்டினம், கடலூர், புதுச்சேரி, காஞ்சிபுரம், சென்னை என 32 மாவட்டங்களிலும் நின்றபடியே பைக் ஓட்டினார். எட்டு நாட்களில் மூவாயிரம் கி.மீ.க்கு மேல் பயணம் செய்து சாதனை படைத்துள்ளார். சென்னையில் தன் பயணத்தை முடித்த வருக்கு முன்னாள் மேயர் மா.சுப்பிர மணியன் தலைமையில் பாராட்டு விழா நடைபெற்றது. பயணத்தை நிறைவு செய்த பிறகும் தனது வண்டியிலேயே அவினா சிக்குச் சென்றார். நின்று கொண்டே வண்டி ஓட்டுகிறது கடினம்தான். இருந் தாலும் என் கோரிக்கை நிறையப் பேருக் குப் போய்ச் சேர வேண்டும்; அவர் களிடத்தில் மாற்றத்தை ஏற்படுத்த வேண் டும் என்று கஷ்டத்தை மீறி சவாலான இந்தப் பயணத்தை மேற்கொண்டேன் என்கிறார் ஷைபி.

மாற்றத்துக்கான பெண் மீனாட்சி

கல்லூரிப் படிப்பை முடித்தோமா வேலைக்குச் சேர்ந்தோமா என்று தன் கனவைச் சுருக்குவதில் மீனாட்சிக்கு விருப்பம் இல்லை. அதுதான் அவருக்கு நாடகக் கலைஞர், பறை - சிலம்பம் பயிற்சியாளர், மாதவிடாய் சுகாதாரப் பிரச்சாரகர், ரேடியோ ஜாக்கி எனப் பலமுகங்களைக் கொடுத்துள்ளது.

சென்னை பச்சையப்பன் கல்லூரியில் ஆங்கில இலக்கியத் துறையில் ஆராய்ச்சியில் ஈடுபட்டுவரும் மீனாட்சி, தான் விளையும் பயிர் என்பதை இளமையிலேயே நிரூபித்தவர். விழுப்புரத்தைச் சேர்ந்த இவர் பள்ளி, கல்லூரி நாட்களில் பல போட்டிகளில் பங்கேற்று வெற்றிபெற்றாலும் படிப்பிலும் சிறப்பான இடத்தைப் பிடித்தார்.

பார்வையை விசாலமாக்கிய சென்னை

சென்னை கல்லூரியில் தங்கள் மகளைப் படிக்க வைக்க மீனாட்சியின் பெற்றோர் தயங்க, அடம் பிடித்துப் பட்டம் முடித்தார் மீனாட்சி.

சென்னை வந்த பிறகு என் பார்வை விசாலமானது. பல்கலைக்கழகப் பேராசிரியர் அழகர் சார்தான் சமூகத்தைப் பற்றித் தெரிந்துகொள்ளும் ஆர்வத்தை ஏற்படுத்தினார். அப்போது நிமிர்வு கலையகம் சார்பில் நடந்த ஓராண்டு பறையாட்டப் பயிற்சியில் சேர்ந்து பயிற்சி எடுத்துக் கொண்டேன் என்று சொல்லும் மீனாட்சிக்கு, அந்தப் பயிற்சியில் சேர்வதே பெரும்பாடாக இருந்தி ருக்கிறது.

நான் பறையடிக்கக் கற்றுக் கொள்ளக் கூடாது  என்று வீட்டில் கடுமை யான எதிர்ப்பு. தமிழர்களோட பாரம்பரிய கலையைக் கற்றுக் கொள்வதில் என்ன தப்பு? என்று கேட்பவர், பறையாட்டப் பயிற்சிக்காகப் பெற்றோரிடம் பணம் கேட்கவில்லை. நண்பர்களின் உதவியால் சில அகாடமி களில் சுயமுன்னேற்ற வகுப்புகள் எடுப்பதைப் பகுதிநேர வேலையாகச் செய்தார். அப்படிக் கிடைத்த பணத்தில் பறை, சிலம்பாட்டம் கற்றுக் கொண்டேன் என்கிறார் மீனாட்சி.

ஆங்கில இலக்கியம் படிக்கும் மாணவர்களுக்கு நாடக நடிப்பும் பாடத்திட்டத்தின் ஒரு பகுதி என்பதால் மீனாட்சியும் நாடகங்களில் நடிக்கக் கற்றுக்கொண்டார்.

நாடகத்தால் உண்டான மாற்றம்

சென்னைப் பல்கலைக்கழகத்தில் படித்துக்கொண்டி ருந்தபோது, தாகம் எனும் தன்னார்வத் தொண்டு நிறுவனத்தின் அறிமுகம் மீனாட்சிக்குக் கிடைத்தது. அதன் பிறகு, அந்த அமைப்பில் இணைந்து பல கலைநிகழ்ச்சிகளில் கலந்துகொண்டார்.

பொது இடங்களிலும் பள்ளி, கல்லூரிகளிலும் பெண்களின் பிரச் சினைகள், மாதவிடாய் சுகாதாரம் போன்றவை குறித்து விழிப்புணர்வுப் பிரச்சாரங்களையும் அவர் மேற்கொண்டுள் ளார்.

தற்போது தாகம் தொண்டு நிறுவனத்தின் முக்கியப் பொறுப்பில் இருக்கும் மீனாட்சி, குடி சைப் பகுதியில் வசிக்கும் குழந்தைகளுக்குப் பறையாட்டம், சிலம்பம், வீதி நாடகம் ஆகியவற்றைக் கற்றுத் தருகிறார்.

ஒரு முறை குழந்தைகள் மீதான பாலியல் வன்முறை குறித்த ஒரு நாடகத்தை நாங்கள் ஏற்பாடு செய்திருந்தோம். நாடகத்தைப் பார்த்து அந்தப் பகுதி மக்கள் கண் கலங்கினர். நாடகத்தில் நாங்க சொன்ன விஷயங்களைக் கேட்டு அவங்க வீட்டுப் பெண் குழந்தைகளை நன்றாக படிக்க வைப்போம் என்று சொன்னார்கள்.

ஒரு நாடகத்தின் மூலம் இப்படியொரு மாற்றத்தைக் கொண்டுவர முடியும்னு அப்போதான் புரிஞ்சுது என்று சொல்லும் மீனாட்சி, மூன்று ஆண்டுகளாக சென்னை அகில இந்திய வானொலியில் பகுதிநேரத் தொகுப்பா ளராகப் பணியாற்றிவருகிறார்.

இவர்களின் தாகம் அமைப்பு சார்பில் மே 28 உலக மாதவிடாய் சுகாதார நாளன்று மாதவிடாய்க்காக ஒரு பாடலைத் தயாரித்துள்ளது.   என்ற அந்தப் பாடலை அவர்கள் குழுவினரே எழுதியும் பாடியும் உள்ளனர்.

பள்ளியில் படித்துக் கொண்டிருந்த போது நாட்டு நலப் பணிகள் மூலமாகதான் சமுதாயத்துக்குத் தொண்டு செய்ய முடியும்னு நினைத்திருந்தேன். ஆனால், கலை என்னை வேறொரு இடத்துக்குக் கொண்டு வந்திருக்கு என்று சொல்லும் மீனாட்சிக்கு ஒரு கலைக்கூடத்தைத் தொடங்க வேண்டும் என்பதுதான் ஆசை.