புதன், 09 மே 2012 16:18

இந்திய மாநிலங்களில் சுதந்திரத்திற்கு முன்னரே சர்வீஸ் கமிஷன் அமையப் பெற்ற முதல் மாநிலம் தமிழ் நாட்டில்தான் என்பது நம்மில் பலருக்கும் தெரியாத உண்மையாகும்.

மெட்ராஸ் பிரசிடென்சி காலத்திலேயே மெட்ராஸ் சர்வீஸ் கமிஷனை 1929ல் அமைத்தனர். பின்னர் பல்வேறு மாற்றங்களைப் பெற்று தற்போது தமிழ் நாடு சர்வீஸ் கமிஷன் என்ற டி.என்.பி.எஸ்.சி., யாக தற்போது செயல்படுகிறது. தமிழ் நாட்டின் அரசுப் பணிகளுக்கான ஊழியர்களைத் தேர்வு செய்வதில் இந்த அமைப்பு பிரசித்தி பெற்றது. தற்போது இந்த அமைப்பின் சார்பாக 75 எக்சிகியூடிவ் அதிகாரிகளை பணி நியமனம் செய்வதற்கான அறிவிப்பு வெளி வந்துள்ளது.

தேவைகள்: டி.என்.பி.எஸ்.சி.,யின் எக்சிகியூடிவ் ஆபிசர் பதவிக்கு விண்ணப்பிக்க விரும்புபவர்கள் 10ஆம் வகுப்பு அல்லது முந்தைய மெட்ரிக் அளவான 11ஆம் வகுப்புத் தேர்வில் தேர்ச்சி பெற்றிருக்க வேண்டும். இந்தப் பதவிக்கு எழுத்துத் தேர்வு மற்றும் நேர்முகத் தேர்வு மூலமாகத் தேர்ச்சி இருக்கும் என்று அறிவிக்கப்பட்டுள்ளது.

மற்ற தகவல்கள்: டி.என்.பி.எஸ்.சி.,யின் எக்சிகியூடிவ் அதிகாரி பிரிவுக்கு விண்ணப்பிக்க ரூ.150/-அய் விண்ணப்பக் கட்டணமாக செலுத்த வேண்டும். இதிலிருந்து விலக்குப் பெறத் தகுதியானவர்கள் ரூ.50/- மட்டும் செலுத்தினால் போதுமானது.

ஏற்கெனவே 'ஒரு முறைப் பதிவு' செய்து கட்டணம் கட்டியவர்கள் 5 வருட காலத்திற்கு, சில நிபந்தனைகளுக்கு உட்பட்டு எந்தக் கட்டணமும் செலுத்த வேண்டியதில்லை. இந்தக் கட்டணத்தை ஆப்-லைன் முறையில் செலுத்த விரும்புபவர்கள் அஞ்சல் அலுவலகத்தின் மூலமோ அல்லது ஏதாவது ஒரு இந்தியன் வங்கி கிளையின் மூலமாகவோ செலுத்தலாம். ஆன்-லைன் முறையில் நெட் பேங்கிங், டெபிட் கார்டு அல்லது கிரெடிட் கார்டு மூலமாகவும் இந்தக் கட்டணத்தை செலுத்த முடியும்.

கட்டணத்தை செலுத்திய பின்னர் ஆன்-லைன் முறையில் விண்ணப்பங்களை 28.05.2012க்குள் பதிவு செய்ய வேண்டும்.

முழுமையான தகவல்களைப் பெற பின் வரும் இணையதளத்தைக் கட்டாயம் பார்க்கவும்.

ஆன்-லைனில் விண்ணப்பங்களைப் பதிவு செய்ய இறுதி நாள் : 28.05.2012

இணையதள முகவரி : www.tnpsc.gov.in/notifications/14_2012_not_eng_eo_grIII.pdf

புதன், 09 மே 2012 16:15

இந்திய அரசின் அமைச்சக மற்றும் அரசுத் துறை சார்ந்த நிறுவனங்களில் உள்ள காலி இடங்களை ஸ்டாப் செலக்சன் கமிஷன் எனப்படும் எஸ்.எஸ்.சி., அமைப்பு எழுத்துத் தேர்வு மூலமாக நிரப்பி வருகிறது. எஸ்.எஸ்.சி., தற்போது ஸ்டெனோகிராபர் பணியிடங்களுக்கான அறிவிப்பை வெளியிட்டுள்ளது.

ஸ்டாப் செலக்சன் கமிஷனின் ஸ்டெனோகிராபர் காலி இடங்களுக்கு விண்ணப்பிக்க விரும்புபவர்கள் 01.08.2012 அன்று 18 வயது நிரம்பியவராகவும், 27 வயதுக்கு உட்பட்டவராகவும் இருக்க வேண்டும். அங்கீகரிக்கப்பட்ட கல்வி நிறுவனத்தின் மூலமாக பிளஸ் 2-விற்கு நிகரான படிப்பை முடித்திருக்க வேண்டும். இத்துடன் ஸ்டெனோகிராபியில் ஆங்கிலம் அல்லது இந்தியில் ஒரு நிமிடத்திற்கு 100 வார்த்தை களை கம்ப்யூட்டர் வாயிலாக மாற்றம் செய்யும் திறன் பெற் றிருக்க வேண்டும். 2 கிரேடு பதவிகளுக்கும் தனித் தனியாக தேவைகள் மாறுபடுகின்றன. முழுமை யான விபரங்களுக்கு கீழே கொடுக்கப்பட்டுள்ள இணைய தளத்தைப் பார்க்கவும்.

எஸ்.எஸ்.சி., நடத்தும் ஸ்டெனோகிராபர் தேர்ச்சித் தேர்வில் எழுத்துத் தேர்வு, ஸ்கில் டெஸ்ட் எனப்படும் திறனறியும் தேர்வு போன்ற 2 நிலைகள் இருக்கும். இந்தப் பதவிக்கு விண்ணப்பிக்க ரூ.100/-அய் சென்ட்ரல் ரெக்ரூட்மெண்ட் ஸ்டாம்ப் வாயிலாக செலுத்தலாம். அல்லது ஏதாவது ஒரு ஸ்டேட் வங்கியில் சலான் மூலமாக செலுத்தி ஆன்-லைன் முறையில் விண்ணப்பிக்கலாம். மகளிர், எஸ்.சி., எஸ்.டி., உடல் ஊனமுற்றோர், முன்னாள் ராணுவத் தினர் போன்ற பிரிவினருக்குக் கட்டணம் எதுவும் கிடையாது.

மூன்று பிரிவுகளைக் கொண்ட எழுத்துத் தேர்வில் ஜெனரல் இண்டலிஜென்ஸ் அண்டு ரீசனிங், ஜெனரல் அவேர்னஸ் ஆகிய பிரிவுகளில் தலா 50 கேள்விகளும், இங்கிலீஷ் லாங்குவேஜ் பிரிவில் 100 கேள்விகளும் அப்ஜெக்டிவ் வகையில் இருக்கும். இத்தேர்வை 2 மணி மற்றும் 40 நிமிடங்களில் முடிக்க வேண்டும்.

விண்ணப்பங்களை அந்தந்த மாநிலத்திற்கேற்ற எஸ்.எஸ்.சி., வட்டார அலுவலகத்திற்கு அனுப்ப வேண்டும். தமிழ் நாட்டிலிருந்து விண்ணப்பிப்பவர்கள் பின் வரும் முகவரிக்கு அனுப்ப வேண்டும். முழுமையான விபரங்களை இணையதளத்தி லிருந்து அறியவும்.

முகவரி: Regional Director (SR), Staff Selection Commission, EVK Sampath Building, 2nd Floor, College Road, CHENNAI - 600006.

விண்ணப்பிக்க இறுதி நாள் : 25.05.2012
இணையதள முகவரி : http://ssc.nic.in/notice/examnotice/Steno_C_D_Exam2012.pdf