இளைஞர்

 

பொறியியல் சேர்க்கையில் அய்.அய்டி., என்.அய்.டி., அரசுக் கல்லூரிகள் போன்ற வாய்ப்புகளுக்கு அப்பால் தங்கள் முன்பாக இரைந்து கிடக்கும் பொறியியல் கல்லூரிகளில் சிறப்பான ஒன்றை, விரும்பிய பாடப்பிரிவுடன் கண்டறிந்து சேர விழையும் மாணவர்களே எண்ணிக்கையில் அதிகம் இருக்கிறார்கள்.

பொறியியல் படிப்பில் தணியாத ஆர்வமும் சாதிக்கும் வெறியும் கொண்டவர்களுக்குப் பொறியியல் படிப்பு என்றும் நல்ல பிரகாசமான எதிர்காலம். தரக்குறைவால் மாணவர்களின் வரவேற்பை இழந்த வையும் வணிக நோக்கிலான எதிர்பார்ப்பில் பொய்த்த கல்லூரிகளுமே பெரும்பாலும் மூடப்பட்டு வருவதால், அவற்றையும் இத்துறையின் ஆரோக்கியமான போக்காகவே கருதலாம்.

விரும்பிய பாடப்பிரிவு கிடைக்கும் ஏதோவொரு கல்லூரியில் சேர்ந்து படிக்கலாமா, சிறந்த கல்லூரியில் கிடைக்கும் ஏதோவொரு பொறியியல் படிப்பில் சேர்ந்து படிப்பதா? பெரும்பாலும் பெற்றோர்கள் அருகில் அமைந்திருக்கும், அதிகம் செலவு வைக்காத கல்லூரிகளில் சேருமாறு தங்களுடைய குழந்தைகளை வற்புறுத்துவார்கள். இதனால் மாணவர்கள் மத்தியில் குழப்பமே எஞ்சும்.

இதற்குத் தீர்வு என்ன? குறிப்பிட்ட பொறியியல் பாடத்தில் மாணவர் அதீத ஆர்வம் கொண்டிருப்பின் அவரது விருப்பத்துக்குப் பெற்றோர் செவிசாய்க்கலாம். அவ்வாறு சேரும் கல்லூரி தரவரிசையில் சற்றுப் பின்தங்கியிருந்தாலும், மாணவர் தனது தனிப்பட்ட ஊக்கத்தால் சிறப்பாகத் தேறிவிடுவார். மாறாக வேலைவாய்ப்பு சார்ந்து ஏதேனும் ஒரு பட்டம் படிப்பதே அவரது நிலையாக இருப்பின் சிறப்பான கல்லூரியில் சேர்வதற்கு முன்னுரிமை வழங்குவது நல்லது.

சரியான கல்லூரியைத் தேர்ந்தெடுக்க

தரவரிசைப் பட்டியலில் சிறப்பான இடம், உள்கட்டமைப்பு வசதிகள், நவீன ஆய்வகங்கள், சர்வதேச நூல்கள் அடங்கிய மின் நூலகம், சரியான ஆசிரியர் மாணவர் விகிதம், கூடுதலாக வழங்கப்படும் கல்வி இணைச் செயல்பாடுகள், மென் திறன் பயிற்சி வகுப்புகள், தொழிற்சாலைகளில் செயல்முறைப் பார்வையிடல், பிரபல வெளிநாட்டு /உள்நாட்டுப் பல்கலைக்கழகப் பேராசிரியர்களின் வருகை, பாடம் சார்ந்த ஆராய்ச்சிகளில் கொடுக்கப்படும் முக்கியத் துவம், வளாக வேலைவாய்ப்பு உத்திரவாதங்கள், முந்தைய வருடங்களின் தேர்ச்சி விகிதம், இண்டர்ன்ஷிப் வாய்ப்புகள் எனப் பல அம்சங்கள் இந்த வரிசையில் இடம் பெற்றிருக்கும்.

இவற்றை, கல்லூரிகளின் சேர்க்கைத் தரகர்கள் தரும் இனிப்பான வாக்குறுதிகள், பளப்பான விளம்பரக் கையேடுகள், ஆர்ப்பாட்டமான இணையதளங்கள் வாயிலாக மட்டும் உறுதிசெய்வது போதாது.

நேரில் சென்று பார்வையிடுவது விசாரிப்பது, முன்னாள் மாணவர்களைக் கலந்தாலோசிப்பது, தெரிந்தவர்கள் வாயிலாக நிர்வாகத்தின் தரப்பில் விசாரித்த விவரங்களை உறுதிசெய்துகொள்வது ஆகியவையும் அவசியம். இவை அனைத்தையும்விட முக்கியமாக ஏ.அய்.சி.டி.இ., யு.ஜி.சி., அண்ணா பல்கலைக்கழகம் ஆகியவற்றின் இணையதளங்கள் உதவியுடன் குறிப்பிட்ட கல்லூரியின் அதிகார பூர்வ மான அனுமதி, அங்கீகாரம், இணைவு ஆகியவற்றைச் சரிபார்த்துக் கொள்வது முக்கியம்.

எய்ம்ஸ் மருத்துவமனைப் பணியிடங்கள்

ஆந்திரப் பிரதேச மாநிலம் மங்கலகிரியிலும், மகாராஷ்டிர மாநிலம் நாக்பூரிலும் மத்திய சுகாதார மற்றும் குடும்பநலத் துறை அமைச்சகத்தின் கீழ் செயல்படும் எய்ம்ஸ் மருத்துவமனைகளில் லேப் டெக்னீஷியன், எழுத்தர், காசாளர், ஸ்டோர் கீப்பர் உள்ளிட்ட குரூப் பி, சி பதவிகளுக்கான 60 காலிப் பணியிடங்கள் (தலா 30) நிரப்பப்பட உள்ளன.

கல்வித் தகுதி:

பெரும்பாலான பதவிகளுக்கு அங்கீகரிக்கப்பட்ட பல்கலைக்கழகத்தில் இளநிலைப் பட்டம் பெற்றிருக்க வேண்டும்.

வயதுத் தகுதி: குறைந்தபட்ச வயது 18, அதிகப்பட்ச வயது 45. பதவிகளுக்கு ஏற்ப வயதுத் தகுதி மாறுபடுகிறது. இடஒதுக்கீட்டுப் பிரிவினருக்கு வயது வரம்பில் சலுகை உண்டு.

விண்ணப்பக் கட்டணம்:  பொதுப் பிரிவினருக்கும், ஓ.பி.சி.யினருக்கும் ரூ.1,000., பெண்கள், எஸ்.சி., எஸ்.டி., பிரிவினர், மாற்றுத் திறனாளிகள் ஆகி யோருக்கு கட்டணமில்லை. கட்டணத்தை ஆன் லைன் மூலமாகவே செலுத்த வேண்டும்.

விண்ணப்பிக்க: உரிய தகுதியுடைய விண்ணப் பதாரர்கள் www.aiimsraipur.edu.in என்னும் இணைய தளத்தில் 18.06.2018 மாலை 5 மணிவரை விண்ணப் பிக்கலாம்.

கூடுதல் விவரங்களுக்கு:https://goo.gl/KSk6rv (மங்கலகிரி)https://goo.gl/YW9fXd (நாக்பூர்)

பட்டதாரிகளுக்கு மத்திய அரசுப் பணியிடங்கள்

மத்திய அரசுப் பணிகளில் குரூப் பி, குரூப் சி ஆகிய பிரிவுகளுக்கான பணியாளர்களைத் தேர்வு செய்வதற்காக, பட்டதாரிகளுக்கான ஒருங்கிணைந்த தேர்வை மத்திய அரசுப் பணியாளர் தேர்வாணையம் (எஸ்.எஸ்.சி.) நடத்த இருக்கிறது. இந்தத் தேர்வின் மூலம் உதவித் தணிக்கை அலுவலர், உதவிக் கணக்கு அலுவலர் உள்ளிட்ட பல பதவிகளுக்கான காலி இடங்கள் நிரப்பப்பட உள்ளன. முதல்நிலைத் தேர்வு 25.07.2018-லிருந்து 20.08.2018வரையான நாட்களில் நடத்தப்பட இருக்கிறது.

எழுத்துத் தேர்வு நான்கு நிலைகளாக நடத்தப் படும். 2ஆம் நிலை, 3ஆம் நிலை, 4ஆம் நிலை ஆகியவற்றுக்கான தேர்வுத் தேதிகள் பின்னர் அறிவிக்கப்படும்.

வயதுத் தகுதி: 2018 ஆகஸ்ட் 1 அன்று, குறைந்த பட்ச வயது 18 ஆகவும் உச்சபட்ச வயது 32 ஆகவும் நிர்ணயிக்கப்பட்டுள்ளது.

பதவிகளுக்கு ஏற்ப குறைந்தபட்ச, உச்சபட்ச வயதுத் தகுதி மாறுபடுகிறது. இடஒதுக்கீட்டுப் பிரிவினருக்கும் மாற்றுத் திறனாளிகளுக்கும் ஆதர வற்ற கைம்பெண்களுக்கும் வயது வரம்பில் சலு கைகள் உள்ளன.

கல்வித் தகுதி: பதவியைப் பொறுத்துக் கல்வித் தகுதியும் மாறுபடுகிறது. அங்கீகரிக்கப்பட்ட பல்கலைக்கழகத்தில் இளநிலைப் பட்டம் பெற்றிருக்க வேண்டும். இறுதியாண்டுத் தேர்வு எழுதியவர்களும் விண்ணப்பிக்கலாம்.

விண்ணப்பக் கட்டணம்: பெண்களுக்கும் எஸ்.சி., எஸ்.டி. பிரிவினருக்கும் மாற்றுத் திறனாளி களுக்கும் விண்ணப்பக் கட்டணம் இல்லை. பிற ருக்குக் கட்டணம் ரூ. 100. ஆன்லைன் மூலமாகவும் வங்கி செலான் மூலமாகவும் விண்ணப்பக் கட்டணம் செலுத்தலாம்.

உரிய தகுதி கொண்ட விண்ணப்பதாரர்கள் :http://www.ssconline.nic.in. என்னும் இணையதளத் தில் 04.06.2018 மாலை 5:00 மணிவரை விண்ணப் பிக்கலாம்.

இறுதி நாள்: 04.06.2018 மாலை 5.00 மணி.

முதல் நிலை எழுத்துத் தேர்வு: 2018 ஜூலை 25 முதல் ஆகஸ்ட் 20வரை.

கூடுதல் விவரங்களுக்கு https://bit.ly/2HZaQks

சவுத் இந்தியன் வங்கியில் அதிகாரிப் பணியிடங்கள்

கேரள மாநிலம் திருச்சூரை மய்யமாகக் கொண்டு செயல்படும் சௌத் இந்தியன் வங்கியில் புரோபேஷனரி ஆபீசர் பணிகளுக்கான 150 காலியிடங்கள் நிரப்பப்பட உள்ளன. இதற்கான எழுத்துத் தேர்வு ஜூன் மாதம் நடைபெறலாம்.

கல்வித் தகுதி: அங்கீகரிக்கப்பட்ட பல்கலைக்கழகத்தில் இளநிலைப் பட்டம் (60 சதவீத மதிப்பெண்களுடன்) பெற்றிருக்க வேண்டும்.

வயதுத் தகுதி: 31.12.2017 அன்று 25 வயதுக்கு உட்பட்டவராக இருக்க வேண்டும். எஸ்.சி., எஸ்.டி., பிரிவினருக்கு உச்சபட்ச வயது வரம்பில் 5 ஆண்டுகள் சலுகை உண்டு

விண்ணப்பக் கட்டணம்: பொதுப் பிரிவினருக்கு ரூ. 800, எஸ்.சி., எஸ்.டி., பிரிவினருக்கு ரூ. 200. கட்டணத்துக்கு ஜி.எஸ்.டி. உண்டு.

விண்ணப்பிக்க: உரிய தகுதி உடைய விண்ணப்ப தாரர்கள் www.southindianbank.comஎன்னும் இணைய தளத்தில் மே 25-க்குள் விண்ணப்பிக்க வேண்டும்.

எழுத்துத் தேர்வு: ஜூன் 2018 (மாறுதலுக்கு உட்பட்டது).

இறுதி நாள்: 25.05.2018

கூடுதல் விவரங்களுக்குhttps://goo.gl/CDUvWR

மேலாண்மைப்

பயிற்சியாளர் பணியிடங்கள்

விசாகப்பட்டினம் இரும்பு ஆலையில் (ராஷ்ட்ரிய இஸ்பத் நிஹாம் லிமிடெட்), மனிதவளத் துறையிலும் மார்க்கெட்டிங் துறையிலும் மேலாண்மைப் பயிற்சியாளர் பதவிக்கான 14 காலியிடங்கள் நிரப்பப்பட உள்ளன.

கல்வித் தகுதி: அங்கீகரிக்கப்பட்ட பல்கலைக்கழகத்தில் இளநிலைப் பட்டம் பெற்றிருக்க வேண்டும். இறுதியாண்டுத் தேர்வு எழுதியவர்களும் விண்ணப்பிக்கலாம். உச்சபட்ச வயது 27 (01.02.2018 அன்று). இடஒதுக்கீட்டுப் பிரிவினருக்கு வயது வரம்பில் சலுகை உண்டு.

விண்ணப்பக் கட்டணம்: பொதுப்பிரிவினருக்கும் ஓபிசியினருக்கும் ரூ.500. மாற்றுத்திறனாளிகளுக்கும் எஸ்.சி, எஸ்.டி.யினருக்கும் ரூ.100. விண்ணப்பக் கட்டணத்துக்கு 18 சதவீத ஜி.எஸ்.டி. உண்டு.

விண்ணப்பிக்கும் முறை: உரிய தகுதி உடைய விண்ணப்பதாரர்கள்www.vizagsteel.com  என்னும் இணைய தளத்தில் ஜூன் 25 முதல் ஜூலை 16வரை விண்ணப் பிக்கலாம். 2018 ஜூலை 8 அன்று நடைபெறும் யூ.ஜி.சி.-நெட் ஜூலை 2018 தேர்வில் தேர்ச்சிபெற்றவர்கள் மாத்திரமே இந்தப் பணிகளுக்குத் தகுதியுடையவராகக் கருதப்படுவார்கள்.

கூடுதல் விவரங்களுக்கு: https://goo.gl/JYwXGX

தலைமைப் பண்புகளை வளர்த்துக் கொள்வதற்கான படிப்புகளை படித்தவர்கள் எந்த துறையிலும் தங்களுடைய திறமையை வெளிப்படுத்தி மேம்பாடு அடையலாம்.

ஒரு நிறுவனம், தொழிற்சாலை, அமைப்புகள் என அனைத்து துறைகளிலுமே நிர்வாகிகளுக்கு தலைமை பண்புகள் அவசியம் இருக்க வேண்டும். அப்போது தான் தங்களுடைய நிர்வாகத் திறமை மூலம் அந்தந்த அமைப்புகளை சரிவர இயக்கிச் செல்ல முடியும்.

தலைமைப் பண்புள்ள ஒருவரே தனக்குக் கீழ் பணிபுரிபவர்களின் முழுத் திறமைகளையும் வெளிக் கொண்டு வர முடியும். அதைப் பயன்படுத்தி அவர் சார்ந்துள்ள நிறுவனத்திற்கு லாபம் தேடித் தர முடியும். அதன் மூலம் தன்னையும், தன்னைச் சார்ந்தவர்களையும் உயர்த்த முடியும். தலைமை பண்புகளை வளர்த்துக் கொள்ள அது சம்பந்தமான படிப்புகளைப் படிக்க வேண்டும். பல்வேறு கல்வி நிறுவனங்களால் அவை நடத்தப்படுகின்றன.

தலைமை பண்புகள் குறித்த கல்வி வழங்கும் நிறுவனங்கள் :

Indian Institute of Democratic Leadership - http://www.iidl.org.in/
Rajiv Gandhi National Institute of Youth Development - http://www.rgniyd.gov.in/content/post-graduate-diploma-political-leadership-pgdpl
MIT SCHOOL OF GOVERNMENT - http://www.mitsog.org/
National School of Leadership  - http://www.nsl.ac.in/
Ashoka University - https://www.ashoka.edu.in/page/politicsandsociety-programme-16
The Institute of Political Leadership - http://www.iplindia.in/
India School Leadership Institute  - http://www.indiaschoolleaders.org/

ஃபர்னிச்சர் டிசைனிங் படிக்கலாமே!

தொழிற்சாலை, அலுவலகம், வணிக நிறுவனங்கள், வீடு, பள்ளி, கல்லூரி ஆகிய எந்த ஒரு நிறுவனமாக இருந்தாலும் அங்கு ஃபர்னீச்சர் எனப்படும் நாற்காலி, மேஜை, சோபா உள்ளிட்டவை அவசியம் இருக்கும். அத்தகைய ஃபர்னீச்சர்கள் தான் ஒரு வீட்டையோ, வணிக, தொழில் நிறுவனங்களையோ அழகுபடுத்துபவையாகும்.  மிக அழகாகவும் சிறந்த வடிவமைப்புகளுடனும் அவை தயாரிக்கப்படு கின்றன. பர்னீச்சர்கள் அவசிய தேவையாக இருப்பதால் அவற்றைத் தயாரித்து விற்பனை செய்யும் தொழிலிலும், அவற்றைத் தயாரிக்கும் நிறுவனங்களில் பணிபுரிய வேலை வாய்ப்பும் காத்திருக்கின்றன. சிறந்த முறையில் ஃபர்னீச்சர்களை வடிவமைக்க அது தொடர்பான படிப்புகள் நடத்தப்படுகின்றன.  ஃபர்னீச்சர் டிசைனிங் குறித்த கல்வியை வழங்கும் நிறுவனங்கள்: http://www.mitid.edu.in/Interior-Space-and-Furniture-Design-Courses.html,NATIONAL INSTITUTE OF DESIGN  - http://www.nid.edu

Srishti Institute of Art, Design and Technology  - http://srishti.ac.in/about-us

Indian Institute of Crafts & Design, Jaipur  - https://www.iicd.ac.in/hard -material -design -hmd/

நீங்களும் எச்.ஆர். ஆகலாம்

நீங்கள் உளவியல் படிக்க விரும்புகிறீர் என்றால், உளவியல் தொடர்பான பணிகளுக்கு விண்ணப்பிக்கும் போது இளங்கலையிலும் உளவியல் பட்டம் எதிர் பார்க்கப்படும். சொல்லப்போனால், எம்.எஸ்சி. உளவியல் படிக்க வேண்டுமானால் அதற்கு நீங்கள் ஏதோ ஓர் அறிவியல் பாடப்பிரிவில் இளநிலை படித்திருப்பது அவசியம். சில கல்வி நிறுவனங்கள் பி.எஸ்சி. சைக்காலஜி பட்டதாரிகளை மட்டுமே முதுநிலை உளவியல் படிக்க அனுமதிக்கின்றன.

நீங்கள் குறிப்பிட்டிருக்கும் மற்ற படிப்புகளைத் தேர்ந்தெடுக்கும் முன்னர் நீங்கள் உங்களை அடையாளம் காண வேண்டும். சமூகச் சேவையில் ஈடுபாடு இருக்கும் பட்சத்தில் எம்.எஸ்.டபிள்யூ எனப்படும் சமூகப்பணி முதுநிலைப் பட்டத்தைப் படிக்கலாம். அதன் பின்னர் அரசு சாரா நிறுவனங்களில் பணி புரியலாம்.

இந்தப் படிப்பில் Community Development, Human Resources,

ஆகிய பிரிவுகளைப் படித்தால் தொழிற்சாலை களில் எச்.ஆர்., தொழிலாளர் நல அலுவலர் போன்ற பணிவாய்ப்புகள் உள்ளன. அத்துடன் பி.ஜி.டி.எல்.ஏ.,  எனப்படும் Post Graduate Diploma in Labour Law and
Administrative Law

படித்தால் பணிவாய்ப்பு விரிவடையும்.

இன்றைய வணிக உலகின் எதிர்பார்ப்புக்கு ஏற்ப எம்.பி.ஏ. படிக்கலாம். இதில் 60-க்கும் அதிகமான பாடப் பிரிவுகளில் சிறப்புப் படிப்புகள் நாடு முழுவதும் வழங்கப்படுகின்றன. அவற்றில் ஒன்றை உங்களுடைய விருப்பத்துக்கு ஏற்ப தேர்ந்தெடுத்துப் படிக்கலாம். இன்றைய தேதியில் தமிழகத்தில் மட்டும் ஏறக்குறைய 400 கல்வி நிறுவனங்களில் மேலாண்மைப் படிப்புகள் வழங்கப்படுகின்றன.

ஆனால், இதில் கவனத்தில் கொள்ள வேண்டியது, தரம் வாய்ந்த மேலாண்மைக் கல்வி நிறுவனங்களில் படித்தால் மட்டுமே வளாகத் தேர்வில் பணிவாய்ப்புப் பெற இயலும். அத்தகைய முதன்மையான மேலாண்மைக் கல்வி நிறுவனங்களில் சேர்ந்திட CAT, XAT, SNAP, NMAT, AIMA MAT, AIMCET  உள்ளிட்ட நுழைவுத் தேர்வுகளை எழுதி உயர் மதிப்பெண் பெற வேண்டி இருக்கும்.  நுழைவுத் தேர்வுகளுக்குத் தயாராகுங்கள்.

உதவிக்கரம் நீட்டும் கட்செவி (வாட்ஸ் அப்) குழுவினர்

ஒருவருக்கு ஒருவேளை உணவை வாங்கிக் கொடுப்பதில் கிடைக்கும் திருப்தியைவிட, ஒருவரது கல்விக்கு உதவுவதில் கிடைக்கும் திருப்தியே தனி. முன்னது உடனடி விளைவு. உடனடி சந்தோஷம். இரண்டாவதில் கொஞ்சகாலம் பொறுத்திருக்க வேண்டும். படிப்புக்கான உதவியைப் பெற்றவர்கள் அதைப் பயன் படுத்திக்கொண்டு தேர்வு முடிவுகளில் பிரகாசிப்பதிலேயே உதவியவர்களுக்கு மனம் குளிர்ந்துவிடும். அந்தப் படிப்பின் மூலமாக நல்லதொரு வேலையும் கிடைத்து விட்டால், உதவியவர்களுக்கு மகிழ்ச்சி இரட்டிப்பாகிவிடும். அப்படியொரு மகிழ்ச்சியில் திளைக்கின்றனர் ஏ.பி.ஜே. விஷன் இந்தியா 2020 எனும் பெயரில் இயங்கும் தன்னார்வக் குழுவினர்.

படிக்க உதவும் கட்செவி குழு (வாட்ஸ் அப்)

2017ஆம் ஆண்டில் 250 ஆதரவற்ற குழந்தைகளுடன் விழாவை தகவல் தொழில்நுட்பத் துறையைச் சேர்ந்த நண்பர்கள் சிலர் கொண்டாடினர். பிரியும்போது, தனி ஒரு மனிதரின் வாழ்க்கையில் அவரை மட்டும் அல்லாமல் அவருடைய குடும்பத்தையும் உயர்த்த வேண்டும் என்று தோன்றியது. உயர்ந்த கருவியாக இருக்கும் கல்வியைத் தங்களால் முடிந்த அளவுக்கு வசதி இல்லாதவர்களுக்குக் கிடைக்கச் செய்ய வேண்டும் என்பதற்காக ஒரு வாட்ஸ்அப் குழுவைத் தொடங்கலாம் எனும் முடிவோடு பிரிந்தனர்.

தாய், தந்தை இல்லாமல் வறுமையில் படிப்பவர்கள், பொருளாதாரத்தில் மிகவும் பின்தங்கிய குடும்பங்களைச் சேர்ந்த மாணவர்கள், தாய் அல்லது தந்தையை இழந்து படிப்பவர்கள், படிப்பைப் பாதியில் கைவிடும் நிலையில் இருக்கும் மாணவர்களுக்கு உதவும் வகையில்தான் இந்த வாட்ஸ்அப் குழுவைத் தொடங்கினோம் என்கிறார் கனவு மெய்ப்பட அறக்கட்டளையின் நிறுவனரான தினேஷ் ஜெயபாலன்.

ஆறு மாதங்களுக்கு முன்பாகத் தொடங்கப்பட்ட இந்த அறக்கட்டளையின் மூலம் இதுவரை 18 மாணவர்களுக்குப் பள்ளியிலும் கல்லூரியிலும் படிப்பதற்காக ஏறக்குறைய 2 லட்சத்து 80 ஆயிரம்வரை உதவி இருக்கின்றனர். குழுவில் இல்லாதவர்கள் அளிக்கும் பரிந்துரைகளின் பேரிலும் மாணவர்களின் குடும்பப் பின்னணி, படிப்பில் மாணவர் களுக்கு இருக்கும் ஆர்வம் போன்றவற்றைக் கருத்தில் கொண்டு உதவுகிறது இந்த அமைப்பு.

முதன்முதலாக ஒரு கல்லூரி மாணவிக்கு 4 நாட்களுக்குள் 36 ஆயிரம் ரூபாய் கல்லூரிக் கட்டணம் செலுத்த வேண்டும் என்னும் கோரிக்கையை வாட்ஸ்அப் குழுவில் பதிவு செய்தோம்.

மூன்றே நாட்களில் அந்தத் தொகையைக் குழுவில் இருப்பவர்களின் உதவியோடு கட்ட முடிந்தது.

அந்த உதவியைப் பெற்ற மாணவி கண்ணீரோடு அதை ஏற்றுக்கொண்டு நன்றியைக் கண்களில் காட்டியபோது, இன்னும் நிறையப் பேருக்கு உதவ வேண்டும் என்னும் உத்வேகம் பிறந்தது என்கிறார் அறக்கட்டளையின் செயலாளர் கல்யாணகுமார் வீரபாண்டியன்.


கலை, வரலாறு உள்ளிட்ட துறைகளில் ஆர்வம் கொண்டவர் களுக்குச் சென்னையில் உள்ள தட்சிணசித்ரா, அருங்காட்சியகம் கலை மேலாண்மையில் ஓராண்டு பணிப் பயிற்சி அளிக்கவிருக்கிறது. அரும்பொருள் சேகரிப்பு மேலாண்மை, ஆவணப்படுத்துதல், கல்வியில் பாதுகாப்புக் கலை, நிகழ்ச்சி மேலாண்மை, நிர்வாகம், விருந் தோம்பல் உள்ளிட்ட பயிற்சிகள் அளிக்கப்படும். அருங்காட்சியகத்தில் பணிபுரியும் நேரடி அனுபவம் மூலம் அவர்களுக்கு கிடைக்கும். இந்தியக் கலை, பண்பாட்டுத் தளங்கள் சார்ந்த நிறுவனங்களில் பணி புரிவதற்கான அறிவு, திறன், ஆற்றலை உருவாக்குவதே இத்திட்டத்தின் நோக்கம். உங்களுடைய பயோ டேட்டாவுடன் கூடிய பூர்த்தி செய்யப்பட்ட விண்ணப்பத்தை . என்ற மின்னஞ்சலுக்கு அனுப்புங்கள்.

தகுதி: பட்டதாரி

கால அவகாசம்: 18 ஜூலை 2018 தொடங்கி 11 மாதங்கள்

உதவித் தொகை: ரூ.10,000

விண்ணப்பப் படிவத்தைப் பதிவிறக்க: This e-mail address is being protected from spambots. You need JavaScript enabled to view it

விண்ணப்பத்தைச் சமர்ப்பிக்கக் கடைசி நாள்: 2018 மே 31

கூடுதல் தகவலுக்கு: 9841425149, 9841436149.

மருத்துவர்களுக்கு
மத்திய அரசுப் பணி

மத்திய அரசுப் பணியாளர் தேர்வாணையம் 2018ஆம் ஆண்டுக் கான ஒருங்கிணைந்த மருத்துவ சேவைகளுக்கான தேர்வை நடத்தும் அறிவிப்பை வெளியிட்டுள்ளது.
இந்தத் தேர்வின் மூலம் மருத்துவத் துறையில் நிரப்பப்பட உள்ள மொத்த இடங்கள் 454.

வயதுத் தகுதி: 2018 ஆகஸ்ட் 1 அன்று 32 வயதுக்கு மிகாமல் இருக்க வேண்டும். அதாவது, 1986 ஆகஸ்ட் 2ஆம் தேதிக்கு முன்னர் பிறந்தவராக இருக்கக் கூடாது. இட ஒதுக்கீட்டுப் பிரிவினருக்கு வயது வரம்பில் சலுகைகள் உள்ளன.
கல்வித் தகுதி: எம்.பி.பி.எஸ். பட்டம் பெற்றிருக்க வேண்டும். இறுதித் தேர்வு எழுதியவர்களும் விண்ணப்பிக்கலாம்.

விண்ணப்பக் கட்டணம்: பெண்கள், எஸ்.சி., எஸ்.டி. பிரிவினர், மாற்றுத் திறனாளி ஆகியோருக்கு விண்ணப்பக் கட்டணம் இல்லை. பிறருக்குக் கட்டணம் ரூ. 200. ஆன்லைன் மூலமாகச் செலுத்தலாம்.

விண்ணப்பிக்க உரிய தகுதி கொண்ட விண்ணப்பதாரர்கள் www.upsconline.nic.in 
என்னும் இணையதளத்தில்  25.05.2018 மாலை 6:00 மணிவரை விண்ணப்பிக்கலாம்.

இறுதி நாள்: 25.05.2018 மாலை ஆறு மணி.

எழுத்துத் தேர்வு: 22.07.2018

கூடுதல் விவரங்களுக்கு://www.upsc.gov.in/sites/default/files/Notification-CMSE-2018-Engl.pdf


வங்கிப் பணியிடங்கள்

இந்திய ஸ்டேட் வங்கி புரோபேஷனரி ஆபிசர்  பணிக்கு 2,000 காலியிடங்களை நேரடி நியமன முறையில் நிரப்ப இருக்கிறது. இந்தப் பணிக்குப் பட்டதாரிகள் விண்ணப்பிக்கலாம்.
தற்போது கல்லூரியின் இறுதியாண்டு படிப்ப வர்களும் விண்ணப்பிக்கத் தகுதியானவர்கள்தாம்.

வயது 21 முதல் 30-க்குள் இருக்க வேண்டும். மத்திய அரசின் இட ஒதுக்கீட்டு விதிமுறைகளின்படி எஸ்.சி., எஸ்.டி. வகுப்பினருக்கு 5 ஆண்டும், ஓ.பி.சி. பிரிவினருக்கு 3 ஆண்டும், மாற்றுத் திறனாளிகளுக்கு 10 ஆண்டும் வயது வரம்பில் தளர்வு உண்டு.

தேர்வு முறை

தகுதியானவர்கள் எழுத்துத் தேர்வு, குழு விவாதம், நேர்முகத் தேர்வு அடிப்படையில் தேர்வு செய்யப்படுவர். முதல்நிலைத் தேர்வு, மெயின் தேர்வு என இரண்டு தேர்வுகளைக் கொண்டது எழுத்துத் தேர்வு. இரண்டுமே ஆன்லைன் மூலமாக நடைபெறும்.

முதல்கட்டத் தேர்வான முதல்நிலைத் தேர்வில் ஆங்கிலம், கணிதம், ரீசனிங் ஆகிய 3 பகுதிகளில் இருந்து 100 வினாக்கள் அப்ஜெக்டிவ் முறையில் கேட்கப்படும். முதல்நிலைத் தேர்வில் தேர்ச்சி பெறுகிறவர்கள் அடுத்த கட்டத் தேர்வான மெயின் தேர்வுக்கு அனுமதிக்கப்படுவர்.

இத்தேர்வில் அப்ஜெக்டிவ் முறை கேள்விகளும் கூடுதலாக விரிவாக விடையளிக்கும் வகையிலான வினாக்களும் இருக்கும்.

இதில் ரீசனிங், கணினி அறிவு, டேட்டா அனாலசிஸ், பொருளாதாரம், வங்கி நிர்வாகம், ஆங்கிலம் ஆகியவற்றில் இருந்து 155 கேள்விகளும் (200 மதிப்பெண்) ஆங்கிலத்தில் விரிவாகப் பதிலளிக்கும் வினாக்களும் (50 மதிப் பெண்) இடம்பெறும்.

முதல்நிலைத் தேர்வு, மெயின் தேர்வு இரண் டுக்குமே அனுமதிச்சீட்டு அஞ்சலில் அனுப்பப் படாது, விண்ணப்பதாரர்களே ஆன்லைனில் பதிவிறக்கம் செய்துகொள்ள வேண்டும். முதல் நிலைத் தேர்வுக்கான அனுமதிச்சீட்டை ஜூன் 18ஆம் தேதி முதல் ஆன்லைனில் பதிவிறக்கம் செய்யலாம்.

இலவசப் பயிற்சி

எஸ்.சி., எஸ்.டி. வகுப்பினருக்கும், சிறுபான்மையினருக்கும் (கிறித்தவர்கள், முசுலிம்கள் போன் றோர்)  இந்திய ஸ்டேட் வங்கி சார்பில் இலவசப் பயிற்சி அளிக்கப்படும். இப்பயிற்சியில் சேர விரும்பு பவர்கள் ஆன்லைனில் விண்ணப்பிக்கும் போதே இது குறித்துக் குறிப்பிட வேண்டும்.

இலவசப் பயிற்சி ஜூன் 18 முதல் 23 வரை நடைபெறும். இதற்கான அனுமதிச்சீட்டை மே 28 முதல் ஆன்லைனில் பதிவிறக்கம் செய்து கொள் ளலாம்.

உரிய கல்வித் தகுதியும் வயது வரம்புத் தகுதியும் உடைய பட்டதாரிகள் பாரத ஸ்டேட் வங்கி இணைய தளத்தின் (www.sbi.co.in/careers) மூலம் விண் ணப்பிக்க வேண்டும்.

கூடுதல் விவரங்களை வங்கியின் இணைய தளத்தில் விளக்கமாக அறிந்துகொள்ளலாம். நேரடி அதிகாரிப் பதவிக்கு ஆரம்ப நிலையிலேயே ரூ.1 லட்சத்துக்கு மேல் சம்பளம் கிடைக்கும்.
முக்கியத் தகவல்கள்

2,000 அதிகாரிப் பணியிடங்கள்

ஆன்லைனில் விண்ணப்பிக்கக் கடைசி நாள்: மே 13

முதல்நிலைத் தேர்வு: ஜூலை 1, 7, 8

முதல்நிலைத் தேர்வு முடிவு: ஜூலை 15 அன்று வெளியிடப்படும்.

மெயின் தேர்வு: ஆகஸ்டு 4

மெயின் தேர்வு முடிவு: ஆகஸ்டு 20 அன்று வெளியிடப்படும்.

மெயின் தேர்வில் வெற்றிபெறுவோருக்குக் குழு விவாதம், நேர்முகத்தேர்வு: செப்டம்பர் 24 முதல் அக்டோபர் 12 வரை நடைபெறும்.

இறுதி தேர்வு முடிவு: நவம்பர் 11 அன்று

வெளியிடப்படும்.

வேளாண் பட்டதாரிகளுக்குத்
தமிழக அரசுப் பணியிடங்கள்

தமிழக அரசுப் பணியாளர் தேர்வாணையம், தேர்வின் மூலம் வேளாண் அதிகாரி (விரிவாக்கம்) பதவிக்கான காலியிடங்களை நிரப்புவதற்கான அறிவிக்கையை வெளியிட்டிருக் கிறது.
183+7 காலியிடங் கள் நிரப்பப் பட உள்ளன. காலியிடங்கள் தற்காலிகமானவை.

வயதுத் தகுதி: பொதுப் பிரிவினரில், வேளாண் கல்வியில் இளநிலைப் பட்டம் பெற்றவர்கள் 30 வயதுக்குள்ளும், முதுநிலைப் பட்டம் பெற்றவர்கள் 32 வயதுக்குள்ளும் இருக்க வேண்டும்.

எஸ்.சி. எஸ்.சி. அருந்ததியர், எஸ்.டி., பி.சி, எம்.பி.சி., பிரிவினருக்கும் ஆதரவற்ற கைம்பெண்களுக்கும் உச்சபட்ச வயது வரம்பு இல்லை.
மாற்றுத் திறனாளிகளுக்கும் முன்னாள் ராணுவ வீரர்களுக்கும் வயது வரம்பில் 10 ஆண்டுகள் சலுகை உண்டு.

கல்வித் தகுதி: வேளாண் கல்வியில் இளநிலைப் பட்டம், தமிழில் போதுமான பயிற்சி.

விண்ணப்பக் கட்டணம்: பதிவுக் கட்டணம் நிரந்தரப் பதிவு செய்யாதவர்களுக்கு ரூ.150. தேர்வுக் கட்டணம் ரூ.200.

எஸ்.சி., எஸ்.சி. அருந்ததியர், எஸ்.டி., ஆதரவற்ற கைம்பெண் ஆகியோருக்குத் தேர்வுக் கட்டணம் இல்லை. கட்டணத்தை ஆன் லைனிலும் வங்கி சலான் மூலமாகவும் செலுத்தலாம்.

விண்ணப்பிக்க: உரிய தகுதியுடைய விண்ணப்பதாரர்கள் 03.05.2018 முதல் 02.06.2018வரை ஆன்லைனில் www.tnpsc.gov.in / www.tnpsc exams.net/www.tnpscexams.in ஆகிய இணையதளங்களில் விண்ணப் பிக்கலாம்.

இறுதித் தேதி: 02.06.2018

எழுத்துத் தேர்வு: 14.07.2018

கூடுதல் விவரங்களுக்கு: http://tnpsc.gov.in/notifications/2018_09_AO_EXTENSION.pdf


ராணுவப் படைகளுக்கு துணையாக பார்டர் செக்யூரிட்டி போர்ஸ் (பி.எஸ்.எப்.,), சென்ட்ரல் ரிசர்வ் போலீஸ் போர்ஸ் (சி.ஆர்.பி.எப்.,), சென்ட்ரல் இன்டஸ்ட்ரியல் செக்யூரிட்டி போர்ஸ் (சி.அய்.எஸ்.எப்.,), இந்தோ - திபெத் பார்டர் போலீஸ் (அய்.டி.பி.பி.,), சகஸ்ட்ர சீமா பால் (எஸ்.எஸ்.பி.,) என்ற அய்ந்து மத்திய காவல் படைகள் உள்ளன. ஒவ்வொன்றும் பிரத்யேகமான பணிகளை செய்து வருகின்றன. இந்த படைகளில் காலியாக உள்ள, 398 அசிஸ்டென்ட் கமாண்டென்ட் பணியிடங்களை நிரப்புவதற்கு, யு.பி.எஸ்.சி., அறிவிப்பு வெளியிட் டுள்ளது.

காலியிட விபரம்: பி.எஸ்.எப்.,பில் 60, சி.ஆர்.பி.எப்.,பில் 179,

சி.அய்.எஸ்.எப்.,பில் 84, அய்.டி.பி.பி.,யில் 46, எஸ்.எஸ்.பி.,யில் 29ம் காலியி டங்கள் உள்ளன. 2018 ஆக., 1 அடிப்படையில் 20 - 25 வயதுக்குள் இருக்க வேண்டும்.

கல்வித் தகுதி: அங்கீகரிக்கப் பட்ட கல்வி நிறுவனத்தின் மூலமாக ஏதாவது ஒரு பிரிவில் பட்டப் படிப்பை முடித்திருக்க வேண்டும்.

தேர்ச்சி முறை: பல்வேறு நிலைகளைக் கொண்டதாக தேர்ச்சி முறை இருக்கும். இரண்டு தாள்களைக் கொண்ட எழுத்துத் தேர்வு, உடல்தகுதி தேர்வு, நேர்முகத்தேர்வு போன்ற நிலைகள் இருக்கும்.

தேர்வு மய்யங்கள் : சென்னை, மதுரை உள்ளிட்ட நாட்டின் பல்வேறு மய்யங்களில் தேர்வு நடத்தப்படும்.

விண்ணப்பிக்கும் முறை: ஆன்லைன் முறையில் விண்ணப்பங்களை சமர்ப்பிக்க வேண்டும்.

கடைசி நாள் : 2018 மே 21.

விபரங்களுக்கு: www.upsc.gov.in/whats-new/CentralArmedPoliceForces(ACs)Examination%2C2018/ExamNotification

பொறியியல் ஆராய்ச்சி மய்யத்தில் பணியிடங்கள்

சென்ட்ரல் மெக்கானிக்கல் இன்ஜினியரிங் ரிசர்ச் இன்ஸ்டிடியூட் என்பது மத்திய அறிவியல் மற்றும் தொழிலக மய்யத்தின் (சி.எஸ்.அய்.ஆர்.,) ஒரு அங்கமாகும். பெருமைக்குரிய இந் நிறுவனத்தில் பல்வேறு பிரிவுகளில் உள்ள காலிப்பணியிடங்களுக்கு விண்ணப் பங்கள் வரவேற்கப்படுகின்றன.

பிரிவுகள்: டெக்னீசியன் - கிரேடு 3 பிரிவிலான கோல்கட்டா மய்ய காலியிடங்கள் 25ம், லுதியானா மய்ய காலியிடங்கள் 14ம் நிரப்பப்பட உள்ளன. வயது: 2018 மே 21 அடிப்படையில் விண்ணப்பதாரர்கள் 28 வயதுக்குள் இருக்க வேண்டும்.

கல்வித் தகுதி: பிளஸ் 2 படிப்பை முடித்துவிட்டு, என்.ஏ.சி., அங்கீகாரம் பெற்ற அய்.டி.அய்., படிப்பை மோட்டார் மெக்கானிக், டீசல் மெக்கானிக், மெஷினிஸ்ட், வெல்டர், பிட்டர், மெக்கானிக்கல் டிராப்ட்ஸ்மேன், ஷீட் மெட்டல் ஒர்க்கர், எலக்ட்ரிகல், மெஷினிஸ்ட், பிளம்பர், ஹாஸ்பிடல் ஹவுஸ்கீப்பிங் போன்ற ஏதாவது ஒரு பிரிவில் முடித்திருக்க வேண்டும். ஆன்லைன் முறையில் விண்ணப்பிக்க வேண்டும். கட்டணம் 100 ரூபாய். கடைசி நாள் : 2018 ஜூன் 5.

விபரங்களுக்கு : www.cmeri.res.in

வாழ்க்கைக்கு உதவும் வன்திறன்

இன்றைய காலகட்டத்தில் வேலைக்குத் தேவை மென் திறன் என்று தொடர்ந்து சொல்லப்படுகிறது. ஆனால், என்றென்றும் பணிவாழ்க்கைக்கு மட்டுமல்லாமல் அன்றாட வாழ்க்கைக்கும் கைகொடுப்பது வன் திறன். கோடை விடுமுறையை மாணவர்கள் பயனுள்ளதாக்க, கணினி மென்பொருட்களைக் கற்றறிவதில் காட்டும் முனைப்பை வன் திறன்களைக் கற்றுக்கொள்வதிலும் காட்டலாம்.

கணினி வன்பொருட்கள், வீட்டு உபயோக மின்சாதனப் பொருட்கள் ஆகியவற்றை இயக்குதல், அவற்றின் பரா மரிப்பு, பழுது நீக்குதல் குறித்து அறிந்துகொள்ளலாம். இந்தப் பயனுள்ள தொழிற்பயிற்சி அனுபவம் பிற்காலத்தில் வருமான வாய்ப்புகளை வழங்குவதுடன், நமது வீட்டிலி ருக்கும் மின் சாதனங்களை முறையாகப் பராமரிக்கவும் பிறர் உதவியின்றிச் சிறு பழுதுகளைச் சுயமாகக் களையவும் உதவும்.

கணினி சார் அறிவு என்றால் கணினி தொடர்பான மென்பொருட்கள், செயலிகள், இயங்கு பொருட்கள் ஆகியவற்றைக் கற்பதாகவே பெரும்பாலோர் கருது கிறார்கள். ஆனால், கணினியின் வன்பொருள் துறை சார்ந்த பெரும் படிப்புகளும், பணித் துறைகளும் உள்ளன. அவற்றுக்கான அடிப்படையாக கம்ப்யூட்டர் ஹார்டுவேர், நெட்வொர்க்கிங் குறித்துப் பயில்வதும் பயிற்சி பெறுவதும் அவசியமாகிறது. உயர்நிலைப் பள்ளி மாணவர்கள் கணினியின் பாகங்கள் செயல்படும் விதம் குறித்தும், அடிப்படை ஹார்டுவேர் குறித்தும், கணினியின் தலை முறைகள், புதிய வளர்ச்சிகள் குறித்தும் அறிந்து கொள்ளலாம். மேல்நிலைப் பள்ளி மாணவர்கள் கணினி சார்ந்த சிறு பழுதுகள், அவற்றைச் சரிசெய்வது குறித்து அறிந்துகொள்ளலாம். இவற்றைச் செய்முறை சார்ந்த பயிற்சியாகப் பெறுவது கூடுதல் நன்மை.

ஏற்கெனவே இவை குறித்த அடிப்படை அறிவை பெற்றிருப்பவர்கள், முறையான சான்றிதழ், பட்டயப் பயிற்சியாகவும் பெறலாம். 6 மாதப் பட்டயப் பயிற்சிகளாகப் பெறுவது பின்னாளில் வருமான வாய்ப்புக்கும் உதவும். ஹார்டுவேர் பயிலும் மாணவர்கள் அவற்றுடன் இணைந்த நெட்வொர்க்கிங், கணினிப் பாதுகாப்பு அம்சங்கள் குறித்தும் பயில்வது சிறப்பு. ஹார்டுவேரில் அடிப்படை அறிந்தவர்கள், கார்ட் லெவல், சிப் லெவல் பயிற்சிகளில் சேரலாம்.

வீட்டு மின் சாதனங்கள்

வீட்டில் உள்ள செல்ஃபோன், டி.வி., ஏ.சி., ஃபிரிட்ஜ், வாஷிங் மெஷின், மிக்ஸி, கிரைண்டர், மின் விசிறி போன்றவற்றைப் பராமரிப்பது, பழுதுபார்த்தல் குறித்துக் கற்றுக்கொள்ளலாம். இதற்கெனத் தனியாகப் பயிற்சி நிறுவனம் சென்று பணம் கட்டி பயிற்சி பெறுவதைக் காட்டிலும், பழுது நீக்கும் பணியாளர்களில் நமக்குத் தெரிந்தவர்களிடமே கற்றுக்கொள்ளலாம். இதன்மூலம் நேரடியாகச் செய்முறை அனுபவம் கிடைக்கும். எது ஒன்றையும் பாடமாகப் படிப்பதைவிட அனுபவபூர்வமாக அறிந்துகொள்ளும்போது தொழில் திறமைக்கான தன்னம்பிக்கை கிடைக்கும்.

இந்த வரிசையில் இரு சக்கர, நான்கு சக்கர மோட்டார் வாகனங்கள் பழுதுபார்க்கும் பணிமனைகளிலும் அனுபவ அறிவைப் பெறலாம். இதுவும் சொந்தமாக வாகனப் பராமரிப்பு, பழுது நீக்குவதற்குப் பின்னாளில் வெகுவாய் உதவும். பொறியியல் துறை சார்ந்த மேற்படிப்புக்கும், அது குறித்த ஆர்வத்தை வளர்த்துக்கொள்வதற்கும் இந்தப் பயிற்சிகள் கைகொடுக்கும். இன்வெர்ட்டர்கள், மோட் டார்கள், சி.சி.டி.வி., சோலார் பேனல்கள் நிறுவுதல்-பராமரித்தல் சார்ந்தும் கற்றுக்கொள்ளலாம்.

இவ்வாறு கிடைக்கும் அனுபவத்துடன் நூலகம், இணையம் வாயிலாக வீட்டு மின் சாதனங்கள் செயல்படும் விதம், அவற்றின் அடிப்படை அறிவியல் குறித்தும் குறிப்பெடுத்துக்கொள்ளலாம். உயர்கல்வியில் அவை குறித்த பாடங்கள் வரும்போது ஏனைய மாணவர்களைவிட ஈடுபாட்டுடன் கற்பதும் தேர்வெழுதுவதும் செய்முறைப் பயிற்சிகளைச் செய்வதும் எளிதாக இருக்கும்.

அனுபவ அறிவுக்கு மரியாதை

கணினி, மின்னணு சார்ந்த சேவைத் துறையில் சான்றிதழ்களைவிட அனுபவ அறிவுக்கே முதலிடம் தரப்படுகிறது. எனவே, முறையான அனுபவ அறிவை வளர்த்துக்கொள்வதன் மூலம் எளிதிலும் சுயமாகவும் வருமானம் ஈட்ட முடியும். தொடரும் மேற்படிப்பு வாயிலாக முழுமையான தகுதிகளை வளர்த்துக்கொண்ட பிறகு, எவரிடமும் கைகட்டி வேலை பார்க்காது வங்கி உதவியுடன் கடன்பெற்றுச் சொந்த முயற்சியில் தொழில் முனைவோராகவும் வெற்றிபெற முடியும்.

பொதுத்துறை வங்கிகள் சார்பில் செயல்படும் கிராமப்புறச் சுய வேலைவாய்ப்பு பயிற்சி நிலையங்கள், உதவித்தொகை, மதிய உணவுடன் இலவசத் தொழில் பயிற்சிகள் பலவற்றை வழங்குகின்றன. பயிற்சியைச் சிறப்பாக முடிப்பவர்களுக்கு வங்கிக் கடனில் முன்னுரிமை கிடைக்க வாய்ப்பபு கிடைக்கிறது. இவை தவிர்த்துக் கல்வி அறக்கட்டளைகள், வேலைவாய்ப்பு அலுவலகங்கள் வாயிலாகச் சமூகப் பொருளாதாரத்தில் பின்தங்கியோருக் கான சிறப்புப் பயிற்சிகள் இலவசமாக வழங்கப்படுகின்றன.

எச்சரிக்கை

மின் சாதன உபகரணங்கள், மோட்டார் சாதனங்களை இயக்குவது, பழுதுபார்ப்பது, பராமரிப்பது ஆகியவற்றில் முன்னெச்சரிக்கையும், அனுபவமும் அவசியம். இத்துறைச் சார்ந்த நிபுணர்களின் மேற்பார்வையோ உதவியோ இல்லாமல் பயிற்சியற்றவர்களும் வயதில் சிறியவர்களும் அவற்றை ஆராய்வதோ, பழுதுநீக்க முற்படுவதோ கூடாது.

விளையாட்டு வீரர்களை அழைக்கிறது விமானப்படை

நாட்டின் முப்படைகளில் ஒன்று விமானப்படை. சர்வதேச அளவில் புகழ் பெற்றது. நவீன போர்க்கலங்கள், அர்ப்பணிப்புணர்வுடன் பணியாற்றும் வீரர்கள் என புகழ் பெற்ற இப்படையில், விளையாட்டுப் பிரிவுகளில் சிறப்பு தகுதி கொண்ட, திருமணம் ஆகாத ஆண்களை ‘குரூப் ஒய் டிரேடு’ பிரிவுகளில் பணியில் அமர்த்துவதற்கான அறிவிப்பினை வெளியிட்டுள்ளது.

எந்த பிரிவுகள்: தடகளம், கூடைப்பந்து, குத்துச்சண்டை, கோல்ப், கிரிக்கெட், சைக்கிளிங், பென்சிங், கால்பந்து, ஜிம்னாஸ்டிக்ஸ், ஹாக்கி, கைப்பந்து, கபடி, லான் டென்னிஸ், நீச்சல், வாலிபால், வாட்டர் போலோ, மல் யுத்தம், பளு துக்குதல், ஸ்குவாஷ் போன்ற பிரிவுகளில் வீரர்களாக இருக்க வேண்டும். விண்ணப்பதாரர்கள் 1997 ஜூலை 7 - 2001 ஜூன் 27க்குள் பிறந்திருக்க வேண்டும்.

பிளஸ்2 அளவிலான படிப்பை முடித்திருக்க வேண்டும். பரிந்துரைக்கப்பட்ட மாதிரியிலான விண்ணப் பத்தை முழுமையாக நிரப்பி, உரிய இணைப்புகளைச் சேர்த்து, ஏர் போர்ஸ் ஸ்போர்ட்ஸ் கன்ட்ரோல் போர்டு முகவரிக்கு அனுப்பி வைக்க வேண்டும்.

கடைசி நாள் : 2018 மே 11. விபரங்களுக்கு: www.davp.nic.in/WriteReadData/ADS/eng10801_4_1819b.pdf


மத்திய அரசின் முன்னணிப் பொதுத்துறை வங்கிகளில் ஒன்றான பேங்க் ஆஃப் இந்தியா வங்கியில் அதிகாரிப் பதவியில் 158 காலியிடங்கள் நேரடி நியமன முறையில் நிரப்பப்பட உள்ளன.
தேவையான தகுதி

இப்பதவிக்கு ஏதேனும் ஒரு பட்டப் படிப்பு, எம்.பி.ஏ. பட்டம் அல்லது மேலாண்மையில் பட்டயம் அவசியம். குறைந்தபட்சம் 60 சதவீத மதிப்பெண் அவசியம். எஸ்.சி., எஸ்.டி., ஓ.பி.சி. வகுப்பினர், மாற்றுத் திறனாளிகளுக்கு 55 சதவீத மதிப்பெண் போதும். சி.ஏ., கம்பெனி செக்ரட்டரிஷிப், அய்.சி.டபிள்யு.ஏ. முடித்தவர்களும் இதற்கு விண்ணப்பிக்கத் தகுதியுடையவர் ஆவர்.

வயது குறைந்தபட்சம் 21 ஆகவும் அதிகபட்சம் 30 ஆகவும் இருக்க வேண்டும். மத்திய அரசின் இட ஒதுக்கீட்டு விதிமுறைகளின்படி, எஸ்.சி., எஸ்.டி. வகுப்பினருக்கு 5 ஆண்டுகளும் ஓ.பி.சி. பிரிவினருக்கு 3 ஆண்டுகளும் மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு அளிக்கப்படும்.

என்ன கேட்பார்கள்?

எழுத்துத் தேர்வு, நேர்காணல் அடிப்படையில் தகுதியானோர் பணிக்குத் தெரிவுசெய்யப்படுவர். ஆன்லைன்வழியிலான எழுத்துத் தேர்வில் ஆங்கிலம், வங்கித் துறை சம்பந்தப்பட்ட பொது அறிவு, நிதி மேலாண்மை ஆகிய 3 பகுதிகளில் இருந்து தலா 50 கேள்விகள் வீதம் மொத்தம் 150 கேள்விகள் இடம்பெறும். இதற்கு மதிப்பெண் 150. தேர்வு 2 மணி நேரம் நடைபெறும்.

ஆங்கிலப் பிரிவில், நிர்ணயிக்கப்பட்டுள்ள குறைந்தபட்ச மதிப்பெண் எடுத்துத் தேர்ச்சி பெற்றாலே போதும். அதில் எடுக்கும் மதிப்பெண் மெரிட் பட்டியலுக்குக் கணக்கில் எடுத்துக்கொள்ளப்படாது. எழுத்துத் தேர்வில் தேர்ச்சி பெறுவோருக்கு நேர்முகத் தேர்வு நடத்தப்படும். இதற்கு 100 மதிப்பெண். எழுத்துத் தேர்வுக்கும் நேர்முகத் தேர்வுக்கும் 80:20 என்ற விகிதாச்சாரத்தில் வெயிட்டேஜ் மதிப்பெண் அளிக்கப்படும். அதன் அடிப்படையில் மெரிட் பட்டியல் தயாரிக்கப்பட்டு தகுதியானோர் பணிக்குத் தேர்வுசெய்யப்படுவார்கள்.

உரிய கல்வித் தகுதியும் வயதும் உடைய பட்டதாரிகள் வங்கியின் இணையதளத்தைப் (ஷ்ஷ்ஷ்.தீணீஸீளீஷீயீவீஸீபீவீணீ.நீஷீ.வீஸீ ) பயன்படுத்தி மே 5-க்குள் ஆன்லைன் மூலமாக விண்ணப்பிக்க வேண்டும்.

தேடி வரும் நவீன வேலை

பட்டதாரிகளின் எண்ணிக்கை தேவையை மிஞ்சிவிட்ட இன்றைய காலத்தில், வேலைப் பெறுவதற்கு வெறும் பட்டப்படிப்பு மட்டும் போதாது. பட்டதாரிகள் தங்களைக் கூட்டத்திலிருந்து தனித்துக் காட்ட வேண்டியது அவசியமாக உள்ளது. அவர்கள் பட்டப்படிப்புடன் சேர்த்து ஏதாவது ஒரு குறிப்பிட்ட பாடத்தில் சிறப்புத் தேர்ச்சி பெற வேண்டிய கட்டாயத்தில் உள்ளனர். கல்லூரிக்குக் கட்டணம் கட்டியே மாளவில்லை, இன்னும் செலவு செய்ய வேண்டுமா என்று மலைக்க வேண்டாம். படிக்க வேண்டும் என்ற முனைப்பு மட்டும் இருந்தால் செலவு எதுவும் செய்யாமலேயே உங்களால் இப்போது படிக்க முடியும்.

எங்குப் படிக்கலாம்?

ணிபீஜ் எனும் இணைய வகுப்பறை மிகவும் பிரசித்தப் பெற்ற ஒன்று. இதன் சிறப்பு என்ன வென்றால் இங்கு அனைத்துப் பாடங்களும் இலவச மாகவே கற்றுத் தரப்படுகின்றன. உங்கள் படிப்புக்கு அங்கீகாரச் சான்றிதழ் வேண்டும் என்று விரும்பினால் மட்டுமே அதற்குச் சிறு கட்டணம் செலுத்த வேண்டி இருக்கும். ஹார்வர்டு, எம்.அய்.டி.போன்ற புகழ்பெற்ற பல் கலைக் கழகங்கள்கூட இலவசக் கல்வியை இணைய வகுப்பில் நடத்துகின்றன.

என்ன படிக்கலாம்?

கணினித் துறை என்றவுடன் பெரும்பாலோர் பொருள் வடிவமைப்பிலும் அதன் புரோகிரமிங் லாங்குவேஜ்களிலும் சுருக்கிக்கொள்கின்றனர். ஆனால், கணினி வடிவமைப்பு, ஆப்ரேட்டிங் சிஸ்டத்தை நிறுவுதல், நெட்வொர்க் வடிவமைப்பு, தரவுகளைப் பாதுகாத்தல், இணையத்தில் பாதுகாப்பு வளையத்தை ஏற்படுத்துதல் என்று அதன் எல்லைகளை விரிவாக்கிக்கொண்டே செல்லலாம். இதில் தற்போது மிகுந்த தேவையும் ஆள் பற்றாக் குறையும் நிலவும் துறையாகத் திகழும் இணையப் பாதுகாப்பைப் பற்றிப் படிக்கலாம்.

இணையப் பாதுகாப்பு

இணையத்தால் இணைக்கப்பட்டுள்ள இன்றைய நவீன உலகில், உங்கள் தனிமையையும் அந்தரங் கத்தையும் தீர்மானிப்பது நீங்கள் வசிக்கும் வீடோ நீங்கள் அணிந்திருக்கும் உடையோ அல்ல. அவற்றைத் தீர்மானிப்பது இணையப் பாதுகாப்புதான்.

உங்களுடைய தனிமையையும் அந்தரங்கத் தையும் குலைப்பது இப்போது மிகவும் எளிது. உங்கள் கணினி வைரசால் பாதிக்கப்பட்டிருந்தாலோ உங்கள் மின்னஞ்சலின் கடவுக்சொல்லோ உங்கள் சமூக வலைத்தளங்களின் கடவுச்சொல்லோ திருடப் பட்டிருந்தாலோ நீங்கள் உங்களுடைய தனிமை யையும் அந்தரங்கத்தையும் இழந்துவிட்டீர்கள் என்று அர்த்தம்.

ஆனால், இன்றும் பெரும்பாலோர் போதிய விழிப்புணர்வு இல்லாத காரணத்தாலோ சோம்பேறித் தனத்தாலோ கணினிக்கும் கைப்பேசிக்கும் எளிதான கடவுச் சொற்களையே பயன்படுத்துகின்றனர். உதார ணத்துக்கு 1234, குழந்தையின் பெயர், மனைவியின் பெயர் போன்றவை. அதில் இன்னும் சிலர் கடவுச் சொல்லே இல்லாமலும் அவற்றைப் பயன்படுத்து கின்றனர்.

இணையப் பாதுகாப்பு பற்றிய படிப்பு, உங்கள் கணினிக்கு என்னென்ன ஆபத்துகள் நேரச் சாத்தியமுள்ளது என்பதையும் அந்த ஆபத்துகளை எப்படி எதிர்கொள்ளலாம் என்பதையும் கற்றுத் தரும். மேலும் இணையத்தில் உங்கள் தரவுகளுக்கு இருக்கும் ஆபத்துகளையும் அந்தத் தரவுகளைப் பாதுகாக்கும் வழிமுறைகளையும் கற்றுத் தரும்.

கற்றுத் தரப்படுபவை

முதலில் இணையப் பாதுகாப்பின் எல்லைகள் உங்களுக்குக் கற்றுத் தரப்படும். பின்பு அங்கு இருக்கும் ஆபத்துகளின் வகைகள் கற்றுத் தரப்படும். இணையத்திலிருந்து உங்கள் நெட்வொர்க் பாதுகாப்பின் மீது நடத்தப்படும் தாக்குதல்களை எப்படி எதிர்கொள்வது என்பதையும் ஆபத்து நேராமல் அதை எப்படிக் கண்காணிக்க வேண்டும் என்பதும் கற்றுத் தரப்படும்.

மேலும், கணினிக்குள் நுழைந்த வைரசை எப்படிக் களைய வேண்டும் என்பதும் அது நுழை யாமல் எப்படிப் பாதுகாக்க வேண்டும் என்பதும் கற்றுத் தரப்படும். முக்கியமாக நீங்கள் உருவாக்கி இருக்கும் பாதுகாப்பு வளையக் கோட்டையில் இருக்கும் ஓட்டைகளை எப்படி அறிவது என்பதும் அந்த ஓட்டைகளை எப்படி அடைப்பது என்பதும் கற்றுத் தரப்படும்.

இணையப் பாதுகாப்பு பொறியியலாளருக்கான தேவை வருங்காலத்தில் மிக அபரிமிதமாக இருக்கும். இணையப் பாதுகாப்பு இப்போது மிகவும் முக்கியத் துறையாக இருப்பதோடு ஆள் பற்றாக்குறை காரணமாகச் சற்றுத் தடுமாறிக்கொண்டும் உள்ளது. பொறியியல் படிக்கும்போதே இணையப் பாதுகாப்பில் கொஞ்சம் நிபுணத்துவத்தை வளர்த்துக் கொண்டால், பட்டதாரியான பின் வேலையைத் தேடி நீங்கள் செல்ல வேண்டாம், வேலை உங்களைத் தேடிவரும்.

ஆன்லைன் கல்வி வழங்கும் பிஎஸ்என்எல்!

பிஎஸ்என்எல் தொலைத் தொடர்பு நிறுவனம் “எஜு மித்ரா’ என்ற பெயரில் இயங்கும் இணைய தளம் வாயிலாக ஆன்லைன் கல்வியை வழங்கி வருகிறது.

அரசு தொலைத் தொடர்பு நிறுவனமான பிஎஸ்என்எல் நிறுவனம் தொலைத் தொடர்பு வசதியை மட்டும் வழங்குவதோடு நிறுத்திவிடாமல், குறிப்பிட்ட கட்டணத்தில் தொழில்நுட்ப பயிற்சிகளை வழங்கும் பணிகளையும் தொடங்கியுள்ளது. தற்போது பள்ளியில் படிக்கும் மாணவர்கள், கல்லூரி மாணவர்களுக்குப் பயன்படும்விதமாக போட்டித் தேர்வுகள், கணிதம், அறிவியல், திறன் மேம்பாடு, மல்டிமீடியா ஆகியவை தொடர்பான பயிற்சி களையும் வழங்கி வருகிறது.

பல்வேறு மாநிலங்களின் கல்வித்துறையின் பள்ளிப் படிப்பு, சிபிஎஸ்இ பள்ளிப் படிப்பு சம்பந்தமான பயிற்சிகளையும் பிஎஸ்என்எல் நிறுவனத்தின் எஜு மித்ரா இணையதளத்தில் வழங்கி வருகிறது.

எஜு மித்ரா இணையதளத்தில் தங்களுடைய பெயரைப் பதிவு செய்து ஒவ்வொருவரும் தங்களுக் கென்று அய்டி (உள்ளீட்டு முகவரி), பாஸ்வேர்ட் (உள் நுழைவு ரகசிய குறியீடு) ஆகியவற்றை பெற வேண்டும்.

அதன் பிறகு எஜு மித்ரா இணைய தளத்திற்குள் சென்று தங்களுக்கு தேவையான பயிற்சியை பெறலாம்.

மேலும் தகவல்களுக்கு ::http://edumitra.net/website1 என்ற இணையதளத்தைப் பாருங்கள்.

Banner
Banner