இளைஞர்


திருச்சியை சேர்ந்த மாற்றுத்திறனாளி மாணவன், தடகளத்தில் உலகளிவில் சாதிக்க துடிக்கிறார். திருச்சியில் இருந்து 38 கி.மீ தூரத்தில் உள்ளது துறையூர் நாகலாபுரம் கிராமம். இந்த கிராமத்தை சேர்ந்த தம்பதி காமராஜ்-செல்வி. விவசாய கூலி தொழில் செய்யும் இவர்களுக்கு 2 மகள்கள், 1 மகன். மூத்த மகள் ப்ரவியா பிகாம் படித்துள்ளார்.

இளையவர் பிரதிபா எம்காம் படிக்கிறார். மகன் மணிகண்டன் (14) தனியார் பள்ளியில் 9ஆம் வகுப்பு படிக்கிறார். இவருக்கு

பிறவியிலேயே காது கேட்காது, வாய் பேசமுடியாது. வகுப்பில் சொல்லி கொடுப்பதை புரிந்து கொண்டு நன்றாக படிக்க, எழுத தெரியும். ஒரு முறை விளையாட்டில் பங்கேற்று பரிசு வாங்கினார். அப்போது கிடைத்த கைத்தட்டல், பாராட்டில் மனதை பறி கொடுத்தான். அன்று முதல் விளையாட்டில் அதிக ஆர்வம் காட்டினார்.

பள்ளி சார்பில் அவ்வப்போது நடை பெறும் வட்ட, மாவட்ட அளவிலான குறுவட்ட விளையாட்டு போட்டிகளில் ஆர்வமாக பங்கு பெற்று பல பதக்கங்களை குவித்தார். மணிகண்டனுக்கு நன்றாக எழுத தெரிந்தாலும், தனது கருத்துக்கள், ஆசைகளை முழுமையாக வெளிப்படுத்த முடிய வில்லை. இதற்காக சிறப்பு பயிற்சி அளிக்கும் திருச்சி மாவட்ட காதுகேளாதோர் நலமுன்னேற்ற சங்கத் தலைவராக உள்ள ரமேஷ்பாபுவிடம் மணிகண்டனை பெற்றோர் அழைத்து சென்றனர். அவர் மணிகண்டனுக்கு பயிற்சி யளித்தார்.  அப்போது அவருடைய விளையாட்டு ஆர்வத்தை தெரிந்து கொண்டு மணிகண்டனுக்கு அங்குள்ள ஒரு பள்ளி மைதானத்தில் தீவிர பயிற்சி அளித்து வந்தார்.

முதல், முதலாக சிவகாசி, கரூரில் நடைபெற்ற தமிழ்நாடு மாநில காதுகேளாதோர்  விளையாட்டுப் போட்டியில் மணிகண்டனை கலந்து கொள்ள வைத்தார். இதில் கேரம் போர்டு, உயரம் தாண்டுதல், தடகள போட்டிகளில் 6 தங்க பதக்கங்களும், 1 வெண்கல பதக்கத்தையும் மணிகண்டன் குவித்தார்.

இதையடுத்து ரமேஷ்பாபு, மணிகண்டனை ஒலிம்பிக் போட்டி வரை பங்கேற்க வைக்க  தீவிர பயிற்சி கொடுக்க முடிவு செய்தார். இதற்காக காதுகேளாதோர் மாவட்ட நலசங்கம் மூலம் மாவட்ட விளையாட்டு அலுவலர் புண்ணியமூர்த்தி உதவியுடன் திருச்சி மாவட்ட ஆட்சியர் ராஜாமணியை சந்தித்து உதவி கேட்டார்.

இதைத் தொடர்ந்து மணிகண்டன் விடுதியில் தங்கி  அண்ணா விளையாட்டு அரங்கத்தில் பயிற்சி பெறவும், இலவச உணவு வழங்கவும் அனுமதி கிடைத்தது. இதைத்தொடர்ந்து மணிகண்டன், தடகள பயிற்சியாளர் சுகந்தியிடம் 40 நாட்கள் தீவிர பயிற்சி பெற்றார்.

அவருடைய நம்பிக்கை வீண் போக வில்லை. பயிற்சி முடித்ததும் ஜார்க்கண்ட் மாநிலம் ராஞ்சியில் நடை பெற்ற தேசிய காதுகேளாதோர் விளையாட்டு போட்டிகளில் தடகளப் பிரிவில் 100, 200 , 500 மீட்டர் ஓட்டப் போட்டிகள் மற்றும் உயரம் தாண்டுதல் ஆகியவற்றில் தன்னம்பிக்கையுடன் பங்கேற்றார்.

அவருக்கு 3 தங்கப் பதக் கங்கள், 1 வெள்ளி பதக்கம் கிடைத்தது மட்டுமல்லாமல் காதுகேளாதோர் விளையாட்டு போட்டிகளில் தேசிய அளவில் முதல் முறையாக தங்கம் வென்றவர் என்ற சாதனை யும் படைத்தார்.

இதுவரை பல்வேறு போட்டிகளில் தங்கம், வெள்ளி, வெண்கலம் உள்ளிட்ட 100க்கும் மேற்பட்ட பதக்கங்களை குவித்துள்ள மணிகண்டன், அடுத்த மாதம் ஆஸ்திரேலியாவில் நடை பெற உள்ள உலக காதுகேளாதோர் விளையாட்டு ஒலிம்பிக் போட்டியில் இந்தியா சார்பில் களம் இறங்க உள்ளார்.

ஆனால்  மணிகண்டனுக்கு தரமான பயிற்சியும், அவருக்கு தேவையான விளையாட்டு உபகரணங்கள் வாங்க முடியாமல் நிதி பிரச்சினையால் பெற்றோர் திண்டாடி வருகின்றனர்.

மணிகண்டனின் பெற்றோர் கூறுகையில்,  மணிகண்டனுக்கு 2வயதில் தான் காதுகோளாறு என தெரிய வந்தது. மணிகண்டன் தேசிய அளவில் விளையாடுவதற்கு காரணம் ரமேஷ்பாபு சார் தான். பள்ளி முடிந்து மாலையில் மணிகண்டனுக்கு டியூசன் சொல்லி கொடுக்கிறார்.

இப்போதெல்லாம் 10ஆம் வகுப்பிலாவது, படிப்பு மற்றும் விளையாட்டில் தினமும் பயிற்சி கொடுக்கும் பள்ளியில் சேர்க்கும்படி மணிகண்டன் அடிக்கடி சைகையில் கூறும்போதுதான், பொருளாதார நிலையை நினைத்து வேதனைப்படுகிறோம்.

இதற்காக தமிழக அரசு உதவினால் உலக அளவில் இந்தியா வுக்காக விளையாடி மணிகண்டனால் சாதிக்க முடியும் என்ற நம்பிக்கை உள்ளது என்றனர்.

ஆழ்துளை கிணற்றில் விழுந்திடும் குழந்தையை

காப்பாற்றும் கருவியை கண்டுபிடித்த இளைஞர்

ஆழ்துளை கிணற்றில் விழுந்த குழந்தையை காப்பாற்றும் எளிய கருவியை மதுரையை சேர்ந்த எலக்ட்ரீசியன் வடிவமைத்துள்ளார்.

மதுரை பீபீ குளத்தை சேர்ந்தவர் அப்துல் ரசாக் (48). எலக்ட்ரீசியன்.  இவர் ஆழ்துளை கிணறுக்குள் தவறி விழும் குழந்தைகளை காப்பாற்றி, மேலே கொண்டு வரும் எளிய நவீன குடைக்கருவியை கண்டுபிடித்திருக்கிறார்.

இதுகுறித்து அப்துல் ரசாக் கூறியதாவது:

பல இடங்களில் ஆழ்துளை கிணறுகளை பல அடி ஆழத்திற்குத் தோண்டி, தண்ணீரின்றி சரியாக மூடாமல் அப்படியே விட்டு விடுவதும், இதில் குழந்தைகள் தவறி விழுந்து உயிருக்கு போராடுவதும் நடக்கிறது. நவீன தொழில்நுட்பங்கள் இருந்தும், விழுந்த குழந்தையை காப்பாற்றுவதற்கான சிறந்த கருவி நம்மிடம் இல்லை. எனவேதான் இந்த குடைக் கருவியை வடிவமைத்தேன்.

டூவீலருக்கான  3 புட்ரெஸ்ட்களை கவிழ்ந்த குடை சுருங்கி விரிவதை போல தயார் செய்து, அவற்றை இயக்க ஒரு கயிறையும் இணைத்தேன். மேலே ஒரு ராடு, அதற்குள் கேமரா, விளக்கு, மேலே இழுப்பதற்கு ஒரு தனிக்கயிறு என எளிய கருவியாக உருவாக்கியுள்ளேன். ஆழ்துளையின் வட்ட வடிவ ஓர பரப்பிற்கும், விழுந்த குழந்தைக்கும் இடையில் ஏதோ ஓரிடத்தில் 3 இஞ்ச் இடைவெளி இருந்தாலே, அந்த ஓட்டை வழியாக மடங்கியதும் 2 இஞ்ச் அள விற்கான இக்குடைக் கருவியை குழந்தையின் காலுக் கும் கீழே கொண்டு போய் விடலாம். அதில் இணைத் துள்ள மெல்லிய கயிற்றை  தளர்த்த, கீழே குடைபோல விரிந்து, மற்றொரு கயிற்றால் முழு கருவியையும் மேல இழுக்க, விரிந்த குடை வடிவத்திற்குள் குழந்தை அமர்ந்த நிலையில், சிரமமின்றி மேலே கொண்டு வரலாம்.

குழந்தை தவறி விழாது. 5 ஆயிரம் செலவுக்குள் முழு கருவியையும் வடிவமைத்துள்ளேன். திடமான கயிற்றில் கருவியைக் கட்டி, மேலே ஆங்கிள் போட்டு இழுவை சக்கரம் உதவியில் ஆழ்துளை கிணற்றுக்குள் விட்டு, நேர விரயமின்றி, பாதிப்பின்றி குழந்தையை உயிருடன் மீட்கலாம்... என்கிறார்.

இக்கருவிக்கான அங்கீகாரம் வழங்கிட, குடியரசுத் தலைவர், பிரதமர், முதல்வர் என பலருக்கும் கடிதங் களும் அனுப்பியுள்ளார்.

ஏழாம் வகுப்பு மட்டுமே படித்துள்ள அப்துல் ரசாக், இதுவரை இருதலை மின்விசிறி, , ராணுவ வீரர் பனி கோட், ரயில்வே தண்டவாள விரிசல் கண்டறியும் கருவி, தபால் பசை தடவும் கருவி, குடிநீர் குழாய் அடைப்பு காணும் கருவி, கடலில் கொட்டிய எண் ணெய் உறிஞ்சும் கருவி  உள்ளிட்ட 49 கருவிகளை கண்டுபிடித்துள்ளார்.

இதில் சாதம்- குழம்பு - டூஇன் ஒன் குக்கர் கருவிக்கு குடியரசுத் தலைவரால் தேசிய விருதும் கிடைத்திருக்கிறது.

இஸ்ரோவில் பணியிடங்கள்

இந்திய விண்வெளி ஆராய்ச்சி நிறுவனமான இஸ்ரோவில் விஞ்ஞானிகள், தொழில்நுட்ப நிபு ணர்கள், நிர்வாகப் பிரிவு அலுவலர்கள், பணியாளர்கள் அனைவரும் போட்டித் தேர்வு மூலம் தேர்வு செய்யப்படுகிறார்கள். தற்போது விஞ்ஞானி, பொறி யாளர் பதவியில் 106 காலியிடங்கள் நிரப்புவதற்கு இஸ்ரோ அறிவிப்பு வெளியிட்டிருக்கிறது. எலெக்ட் ரானிக்ஸ் பிரிவில் 32 காலியிடங்கள், மெக்கானிக்கல் பிரிவில் 45 இடங்கள், கம்ப்யூட்டர் சயின்ஸ் பிரிவில் 29 இடங்கள் உள்ளன.

பி.டெக். பட்டதாரிகள் விண்ணப்பிக்கலாம். முதல் வகுப்புத் தேர்ச்சி அவசியம். நடப்புக் கல்வி ஆண்டில் (2017-2018) பொறியியல் படிப்பை முடிக்கும் மாணவர் களும் விண்ணப்பிக்கலாம். வயது வரம்பு 35. தகுதி யுடையோர் எழுத்துத் தேர்வு, நேர்முகத் தேர்வின் அடிப்படையில் பணிக்குத் தேர்வு செய்யப்படுவார்கள்.

ஆன்லைன் விண்ணப்ப முறை, தேர்வுக் கட்டணம், சம்பளம், சலுகைகள் உள்ளிட்ட இதர விவரங்களை இஸ்ரோ இணையதளத்தில் விரிவாகத் தெரிந்துகொள்ளலாம்.


கூலித் தொழிலாளியின் மகன் கடின உழைப்பால் முன்னேறி பெரிய நிறுவனத்தை நடத்த முடியும் என்பதற்கு உதாரணமாக விளங்குபவர்தான் பி.சி. முஸ்தபா.

கேரள மாநிலம், வயநாடு கல்பட்டா அருகேயுள்ள சென்னலோடு கிராமத்தைச் சேர்ந்தவர். முஸ்தபாவின் தந்தை அங்குள்ள காபி தோட்டத்தில் கூலித் தொழிலாளியாகப் பணியாற்றினார்.

முஸ்தபா தொடக்கத்தில் படிப்பில் ஆர்வம் இல்லாதவராக இருந்தார். 6 ஆம் வகுப்பில் தோல்வியடைந்த அவர், அவரது தந்தையின் விருப்பப்படி அவருடன் தினக்கூலி வேலைக்குச் சென்றார். ஆனால், முஸ்தபாவின் கணித ஆசிரியர் அவரின் தந்தையிடம் பேசி முஸ்தபாவை மீண்டும் பள்ளியில் சேர்த்தார்.

10 ஆம் வகுப்பில் பள்ளியில் முதல் மாணவராக தேர்ச்சி பெற்றாலும், கல்லூரியில் சேர முடியாமல் பொருளாதார நிலை தடுத்தது. அவரது தந்தையின் நண்பர் ஒருவர், கோழிக்கோடு ஃபாரூக் கல்லூரியில் உள்ள தொண்டு விடுதியில் இலவச உணவுத் திட்டத்தின் மூலம் முஸ்தபாவை கல்லூரியில் சேர்த்துவிட்டார். பலரின் ஏளனப் பார்வைக்கு இடையே, பல அவமானங்களைத் தாங்கிக் கொண்டு, கடினமாக உழைத்து கல்லூரி படிப்பில் நல்ல மதிப்பெண்கள் பெற்றார் முஸ்தபா.

பொறியியல் கல்லூரிக்கான நுழைவுத் தேர்வில் மாநிலத்தில் 63ஆவது இடம் பெற்று, மண்டல பொறியியல் கல்லூரியில் சேர்ந்தார். அதிலும், அவர் விரும்பிய கணினி அறிவியல் படிக்கும் வாய்ப்பு கிடைத்தது. அதோடு, கல்வி உதவித்தொகை, கல்விக்கடன் ஆகியனவும் கிடைத்தன.

1995-இல் படிப்பை முடித்த முஸ்தபாவுக்கு பெங்களூருவில் மான்ஹாட்டன் நிறுவனத்தில் உடனடியாக வேலை கிடைத்தது. சில நாட்களிலேயே மோட்டரோலா நிறுவனத்தில் வேலை கிடைக்க, அயர்லாந்து அனுப்பப் பட்டார். அங்கு சென்ற 3 மாதங்களில் சிட்டி பேங்க்-இல் வேலை கிடைத்து துபைக்கு இடம்பெயர்ந்தார்.

1996-ஆம் ஆண்டிலேயே அவருடைய ஊதியம் லட்சத்தில் மாறியது. கடந்த 2003-இல் பணியில் இருந்து விலகி இந்தியாவுக்கு திரும்பினார்.

கேட்- தேர்வில் வென்று பெங்களூரு அய்அய்எம்-இல் எம்பிஏ சேர்ந்த முஸ்தபா, அதேநேரத்தில் தன்னுடைய நெருங்கிய உறவினர்களோடு சேர்ந்து தொழில் தொடங் குவது குறித்து ஆலோசித்தார்.

அவர்களின் ஆலோசனையின்படி, இட்லி,  தோசை மாவு தயாரித்து விற்பது என முடிவானது. முஸ்தபா 50 சதவீதம், மற்ற 4 உறவினர்கள் சேர்ந்து 50 சதவீதம் என மொத்தம் ரூ. 25 ஆயிரம் முதலீட்டில்  இட்லி மாவு தயாரித்து விற்பனை செய்தனர்.

நாள்தோறும் 10 பாக்கெட் என்ற அளவில் தொடங்கி, வாடிக்கையாளர்களின் வரவேற் பால், அது 100 பாக்கெட்டாக உயர்ந்தது. இதையடுத்து, ரூ. 6 லட்சத்தை முதலீடு செய்து தொழிலை விரிவுபடுத்திய முஸ்தபா, 2008-இல் மேலும் ரூ. 40 லட்சம் முதலீடு செய்து அமெரிக்காவில் இருந்து புதிய கிரைண் டர்களை தருவித்தார். இன்று பல வகையான மாவுகளைத் தயாரிக்கும்  நிறுவனம், அதில் பதப்படுத்துவதற்கான எந்த உபப் பொருள் களையும் சேர்க்காமல், இயற்கை மாறாமல் வழங்கி வருவதால், பல நாடுகளில் வரவேற் பைப் பெற்றுள்ளது.

2012இல் சென்னை, மங்களூரு, மும்பை, புனே, அய்தராபாத் என விரிந்த தொழில், 2013-இல் துபையிலும் கால்பதித்தது.

2015-இல் ரூ. 4 கோடி முதலீட்டில் நாள் தோறும் 50 ஆயிரம் கிலோ மாவு உற்பத்தி, விற்பனை என ரூ. 100 கோடி வருவாயை இந்த நிறுவனம் எட்டியது. 2005-இல் குடும்ப உறுப்பினர்களை மட்டுமே கொண்டு தொடங் கப்பட்ட  நிறுவனத்தில் 2015-இல், அதாவது 10 ஆண்டுகளில் 1100 பேர் பணி யாற்றினர்.

கிராமப்புறங்களில் இருந்து வருவோருக்கு மட்டுமே பணி வாய்ப்பு வழங்குவதாகக் கூறும் முஸ்தபா, ஈடுபாட்டோடு உழைப் பவர்களுக்கு மாதம் ரூ. 40 ஆயிரம் வரை ஊதியம் வழங்குவதாகவும் தெரிவித்துள்ளார்.

கடந்த 2017-இல் ரூ. 150 கோடி வருவாயுடன் இயங்கி வரும் இந்நிறுவனம், அமெரிக்கா, அய்ரோப்பா, சிங்கப்பூர் உள்ளிட்ட நாடு களிலும் கால் பதித்துள்ளது.

வரும் 2021-இல் ரூ.1000 கோடி வருவாயை எட்ட வேண்டும் என்ற நோக்கில் உழைத்து வரும் முஸ்தபா, தற்போது உள்ளதைப் போல 6 மடங்கு மாவு (தினமும் 3 லட்சம் கிலோ) உற்பத்தி செய்யும் தொழிற்கூடம் இந்தியா விலும், துபையிலும் அமைக்கப்படும்.

இதன் மூலம் குறைந்தபட்சம் 5 ஆயிரம் பேருக்கு வேலை அளிப்போம் என்கிறார் நம்பிக்கையுடன்.

இந்திய ஸ்டேட் வங்கிப் பணியிடங்கள்

இந்திய ஸ்டேட் வங்கியில் எழுத்தர் பதவியில்  8,301 பணியிடங்கள் போட்டித் தேர்வு மூலமாக நிரப்பப்பட உள்ளன. இந்தப் பணிக்குப் பட்டதாரிகள் விண்ணப்பிக்கலாம். வயது 20 முதல் 28-க்குள் இருக்க வேண்டும்.

மத்திய அரசின் இட ஒதுக்கீட்டு விதிமுறைகளின் படி, எஸ்.சி, எஸ்.டி. வகுப்பினருக்கு 5 ஆண்டுகளும் ஓ.பி.சி. எனப்படும் இதர பிற்படுத்தப்பட்ட வகுப்பி னருக்கு 3 ஆண்டுகளும் மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு அளிக்கப்படும். விண்ணப்பதாரர்கள் எந்த மாநிலத்தில் உள்ள காலியிடங்களுக்கு விண்ணப் பிக்கிறார்களோ அம்மாநில மொழியில் எழுதவும் வாசிக்கவும் பேசவும் புரிந்துகொள்ளவும் திறன் பெற்றிருக்க வேண்டும். இந்தத் திறன்களைச் சோதிக்கும் விதமாக எழுத்துத் தேர்வு முடிந்ததும் மொழித்திறன் தேர்வு நடத்தப்படும்.

இரண்டு விதமான தேர்வு

விண்ணப்பதாரர்கள் எழுத்துத் தேர்வு அடிப்படையில் பணிக்குத் தேர்வுசெய்யப்படு வார்கள். நேர்முகத் தேர்வு கிடையாது. எழுத்துத் தேர்வு என்பது முதல்நிலைத் தேர்வு, முதன்மைத் தேர்வு ஆகிய தேர்வுகளை உள்ளடக்கியது. அப்ஜெக்டிவ் முறையில் இரண்டு தேர்வுகளுமே ஆன்லைன்வழியில்தான் நடத்தப்படும்.

முதல்நிலைத் தேர்வில், பொது ஆங்கிலம், அடிப்படைக் கணிதம், ரீசனிங் ஆகிய 3 பகுதிகளில் இருந்து 100 கேள்விகள் இடம்பெறும். மொத்த மதிப்பெண் 100. ஒரு மணி நேரத்தில் விடை அளிக்க வேண்டும். இதில் தேர்ச்சி பெறுபவர்கள் அடுத்த கட்டத் தேர்வான முதன்மைத் தேர்வுக்கு அனுமதிக் கப்படுவார்கள். இதில், பொது அறிவு மற்றும் நிதி அறிவு, ஆங்கிலம், கணிதம், ரீசனிங் மற்றும் கணினி அறிவு ஆகிய 4 பகுதிகளில் இருந்து 190 கேள்விகள் கேட்கப்படும். மதிப்பெண் 200. தேர்வு நேரம் 2 மணி 40 நிமிடம்.

முதன்மைத் தேர்வில் வெற்றிபெறுவோருக்கு மொழித் திறன் தேர்வு நடத்தப்படும். எழுத்தர் பதவிக்கு சம்பளம் தோராயமாக ரூ.24 ஆயிரம். எஸ்.சி., எஸ்.டி. வகுப்பினருக்கும் சிறுபான்மையினருக்கு (கிறிஸ்தவர்கள், முஸ்லிம்கள் போன்றோர்) இந்திய ஸ்டேட் வங்கி சார்பில் தேர்வுக்கு இலவசப் பயிற்சி அளிக்கப்படும். இது குறித்து தேர்வுக்கு ஆன்லைனில் விண்ணப்பிக்கும்போது குறிப்பிட வேண்டும்.தகுதியுடைய பட்டதாரிகள் www.sbi.co.in/careers என்ற இணையதளத்தைப் பயன் படுத்தி விண்ணப்பிக்க வேண்டும்.

‘காகித தொழில்நுட்பம்’ படிக்கலாமே!  

காகிதம் என்பது எங்கும் நிறைந்திருக்கும் பொருளாகும். பல்வேறு துறைகளுக்குத் தேவை யான, அடிப்படை பொருளாக அது திகழ்கிறது. என்னதான் தகவல் தொழில் நுட்பம் வளர்ச்சி அடைந்திருந்தாலும், காகிதத்தின் பயன்பாடு இருந்து கொண்டே இருக்கிறது.

மரங்கள் வெட்டப் படுவதைத் தவிர்க்க காகிதத் தின் பயன்பாட்டை குறைக்க வேண்டுமென இயற்கை ஆர்வலர்கள் கூறுகின்றனர்.

என்றாலும், பேப்பரின் பயன்பாடு பெரிய அளவில் குறையவில்லை. அத்தகைய காகிதம் தயாரிக்கும் தொழில்நுட்பம் குறித்த படிப்புகளைப் படித்தால் அது தொடர்பான தொழிலைத் தொடங்கவும், காகிதம் தயாரிக்கும் தொழிற்சாலை யில் பணிபுரியவும் வாய்ப்பு உள்ளது.

பேப்பரின் தேவை அதிகமாக இருப்பதால், அத்தொழிலுக் கான வாய்ப்புகளும் அதிகமாகவே உள்ளது.

காகிதத் தொழில்நுட்ப படிப்பை “இண்டியன் இன்ஸ்டியூட் ஆப் டெக்னாலஜி’ ரூர்கீ (அய்அய்டி) நடத்தி வருகிறது. இதற்கென தனியாக ஒரு துறையே இயங்கி வருகிறது.

மேலும் தெரிந்து கொள்ள: https://www.iitr.ac.in/departments/DPT/pages/People+Students.html என்ற இணையதளத்தைப் பாருங்கள்.

 

 

- தந்தை பெரியார்

தலைவர் அவர்களே! மாணவர்களே!

இவ்வூர் திராவிடர் கழகத்தின் சார்பாக நான் பேச வேண்டுமென்று சில மாணவர்களால் விரும்பப்பட்டேன்; அதுபற்றி மகிழ்ச்சியோடு பேச ஒருப்பட்டேன். எனினும் என்ன பேசுவது என்பது பற்றி நான் இதுவரைகூடச் சிந்திக்க வில்லை. மாணவர்களாகிய உங்களைப் பார்த்தால் நீங்கள் பெரிதும் 15 வயது 18 வயது உடையவர்களாகவே காண்கிறீர்கள்; உங்களுக்குப் பயன்படத்தக்கதும் பொருத்த மானதுமாக பேச வேண்டுமென்றால் மிகவும் கவனத்தோடு பேச வேண்டியிருக்கிறது. ஆனால், படிக்கும் சிறு குழந்தைகளுக்குப் பாடப் படிப்பைத் தவிர, வேறு பேச்சு என்னத்திற்கு? என்ற காலம் மலையேறிவிட்டது. ஏனெனில், படிப்பே மோசமானதாக இருப்பதால் அப் படிப்பைத் திருத்துவதற்கு ஆவது உங் களிடத்தில் உணர்ச்சி தோன்ற வேறு பேச்சு அவசியமாகி விட்டது.

உங்கள் படிப்பின் தன்மை

முதலாவது உங்கள் படிப்புக்கு லட்சியமே இல்லை, லட்சியமற்ற படிப்பு என்பது ஒருபுறம் இருந்தாலும், என்ன படிப்புப் படிப்பது என்பது பள்ளிக்கூடத்தாருக்கும், ஆசிரியர்களுக்கும்கூட சம்பந்தமற்றதாகும்; இதனால் இப்படிப்பினால் ஏற்படும் பயன் என்ன என்றாலோ அதுவும் தானாக ஏதாவது ஏற்பட்டால் அதுதான் பயனே ஒழிய மற்றபடி நிச்சயமான பயன் என்ன ஏற்படும் என்று கருதுவதற்கில்லை. படிப்பது என்பது வெறும் பேச்சளவிற்கு அறிவுக்காக, அறிவு விருத்திக்காக என்று சொல்லப் படுகிறது. ஆனால், படித்தவர்களுக்கு அறிவு விருத்தி யாகிறதா? படித்தவர்கள் அறிவாளிகளாக இருக்கிறார்களா என்றால், ஆம் என்று சொல்ல முடிவதில்லை. இந்த அறிவு என்பது கூட ஒரு பொது அருத்தத்திற்குக் கட்டுப்பட்டதாய் இல் லாமல் எதைப் படித்தானோ அதில் அறிவுள்ளவர்கள் என்றுதான் சொல்லக் கூடியதாய் இருக்கிறது. அந்தக் குறிப்பிட்ட படிப்பில் அதாவது படித்த படிப்பில்; அறிவு ஆவது சரியாக இருக்கிறதா என்றால் அதுகூடச் சரியாக இல்லாமல் ஒன்றுக்கொன்று முரணான அறிவு ஏற்படும் படியாக இரண்டு கருத்துள்ள அதாவது முரண் கருத்துள்ள படிப்பேதான் கொடுக்கப்படுகின்றது. எந்தத் துறையை எடுத்துக்கொண்டாலும் மாணவர்களுக்கு அறிவுப் படிப்பும், மூடநம்பிக்கைப் படிப்பும் இரண்டும் கொண்டவர் களுமாகி விடுகிறார்கள். மாணவர்கள் மாத்திரமல்லாமல் படிப்பை முடித்த பெரியவர்களும், உபாத்தியாயர்களுங்கூட மூட நம்பிக்கையுடையவர்களாகவே இருக்க வேண்டிய வர்களா கிறார்கள். உதாரணமாக, சரித்திரம், பூகோளம், விஞ்ஞானம், வானசாஸ்திரம், உடற்கூறு, உலோக விஷயம் முதலியவை களில் படித்துத் தேறியவர்களில் யாருக்காவது இது சம்பந்தமான மூடநம்பிக்கைக் கொள்கை இல்லாத சரியான அறிவு இருக்கிறது என்று சொல்லமுடியுமா? சரித்திரம் படித்தவன் இராமாயண பாரதம் முதலிய புராணக் கதையும், சரித்திரத்தில் சேர்த்துப் படித்து, இராமனும் பரதனும் இந்த நாட்டை ஆண்டான் என்றும், அது இன்ன காலம் என்றும், இந்த நாட்டுக்குப் பாரததேசம் என்பது பெயர் என்றும் கருதிக்கொண்டு அனுபவத்திலும் அதற்கு ஏற்றவண்ணம் நடந்து பாரதமாதாவை வணங்கிக் கொண்டு திரிகிறான். நிஜமாக நடந்த சரித்திர உண்மைகள் நிஜமான நபர்கள் அதன் காலங்கள் ஆகியவை சரித்திரம் படித்தவர்கள் என்பவர் களுக்கு சரியாகத் தெரிவதில்லை. நடவாததும், நடந்ததாக நம்ப முடியாததும், அதற்கும் காலம் நிர்ணயிக்க முடியாதது மான அறிவுக்குப் பொருந்தாத காரியங்களுக்கு அதிக விபரம் தெரிகிறது. ஆனால் நடந்தவைகளுக்குச் சரியான விபரம் தெரிவ தில்லை. சேர, சோழ,பாண்டியர், நாயக்கர் ஆகியவர் களும், அவர்களது வாரிசு, அண்ணன் தம்பிகளும், மனைவி மக்களும் ஆண்ட நாட்டெல்லைகளும், முறை களும், முடிவுகளும் சரித்திரம் படித்த 100-க்கு 90 மாணவர் களுக்கு விவரம் சொல்லத் தெரியாது. தசரதனுக்கும், ராமனுக்கும், கிருஷ்ணனுக்கும், பாண்டவருக்கும், துரியோதனாதிகளுக்கும், இரணியனுக்கும், பலிச் சக்கர வர்த்திக்கும், மனுநீதி கண்ட சோழனுக்கும் அண்ணன் தம்பிமார்கள், மனைவி மக்கள்கள், அவர்கள் கணவர்கள் இவ்வளவு என்று 100-க்கு 90 மாணவர்களுக்குத் தெரியும். பூகோளம் படித்தவனுக்கு உலகப் பரப்பு, அதன் பிரிவுகள் சரியாக ஞாபகத்தில் இராது. ஆனால் இல்லாததும் இருக்க முடியாததுமான மேல் ஏழுலோகம், கீழ் ஏழுலோகம், அதன் வர்ணனை பலன், தன்மை இருப்பதாக முழு ஞாபகமாகத் தெரியும், ஞான சாஸ்திரம் படித்தவனுக்கு சூரியன், சந்திரனின் உண்மைத் தன்மை, கிரகணங்களின் உண்மைத்தனம், இயக்கம், அதன் சீதோஷ்ண நிலைமைக் குக் காரணம் ஆகியவை சரியாகத் தெரியாது. ஆனால் சூரியனுக்கு 16 குதிரை, சந்திரனுக்குக் கலை வளரவும் தேயவும் சாபம், இவர்களது மனைவி மக்கள், அவர்களது விபசாரம், ராகு கேது விழுங்குதல். அதனால் கிரகணம், அதற்குப் பரிகாரம் என்பது போல கற்பனைக் கதைகள் யாவருக்கும் உண்மையென்ற காரணமும், அதை அனு சரித்த அனுபவமும், அதற்கு ஏற்ப நடப்பும் தெரியும். விஞ்ஞானத்தைப் பற்றிச் சொல்லவே வேண்டியதில்லை. உதாரணம், விஞ்ஞானப் படிப்பின் இன்றைய நிபுணர் களைப் பார்த்தாலே விஞ்ஞானப் படிப்பின் தன்மையும், பலனும் நன்றாய் விளங்கும். இப்படியாகப் படிப்புக்கும், அறிவுக்கும், பெரும்பாலும் உண்மைக்கும், நடப்புக்கும் சம்பந்தமில்லாத மாதிரியான படிப்புத்தான் இன்று பள்ளிப் படிப்பாகப் போய்விட்டது.

படிப்பால் ஏற்படும் பயன்

இது தவிர, இனிப் படிப்பினால் ஏதாவது ஒழுக்கம், நாட்டுப்பற்று, இனப்பற்று, சமரச ஞானம் முதலியவை ஏதாவது ஏற்படுகிறதா? அல்லது படித்த மக்களிடம் இவை ஏதாவது இருந்து வருகிறதா? என்றால் அதுவும் சிறிதும் சரியானபடி இல்லாமல் வெறும் கற்பனைக் குணங்களும், பற்றுகளுந்தான் பெரிதும் காணப்படுகின்றனவே தவிர உண்மையானதும், இருக்க வேண்டியதுமானவைகள் அருமையாகவே இருக்கின்றன. இதை விரிக்கில் மிகமிக நீளும். ஆகவே, இம்மாதிரி படிப்பைப் படிக்கின்ற பிள் ளைகள் எவ்வளவு சிறிய பிள்ளைகளானாலும் இவை களைப் பற்றிச் சிந்தித்துப் பாருங்கள் என்று உங்களுக்கு சொல்லுவ தால் கேடு எதுவும் ஏற்பட்டுவிடும் என்று நான் கருதவில்லை. ஆசிரியருடன் விவாதம் புரியுங்கள். உங்களுக்கு உபாத்தி யாயர்கள் இப்படிப்பட்ட படிப்பைக் கற்றுக் கொடுக்கும்போது இந்தமாதிரியான காரியங்களைப் பற்றிச் சிந்தித்து, நீங்கள் இது சரியா என்று கேட்பதன்மூலம் உங்கள் ஆசிரியர்களால் உண்மை அறிவிக்கப்படுவீர்கள். பரீட்சையில் பாசாவதற்கு நீங்கள் படித்ததையும், சொல்லிக் கொடுத்ததையும், எழுதினாலும் உங்கள் அறிவுக்கும், அனுபவத்திற்கும் எது உண்மை என்பதாவது விளங்கக் கூடும். ஆதலால் முரண் வந்த இடங்களில் விளக்கம் விரும்புங்கள். கட்டுப்பாடாகவும் அதிகப்படியாகவும் மாணவர்கள் விளக்கம் பெற விரும்புவீர்களானால் ஆசிரியர்களும் உங்களுக்கு விளக்கம் சொல்லவாகிலும் பயன்படும்படி அறிவு பெறுவார்கள். இப்படிப்பட்ட விளக்கம் தெரிந்த ஆசிரியர்கள் பெருகுவார்களானால் மக்களுக்குப் படிப்பதால் ஏற்படும் கடமையாவது காலப் போலக்கில் குறையும் என்று கருதுகின்றேன். இதை ஏன் உங்களிடம் சொல்லுகிறேன் என்றால் இதுவரை கல்வி இலாகாக்காரர்கள் இந்தக் குறைபாட்டைப் பற்றி சரியான படி சிந்தை செலுத்தவே இல்லை. படிப்பவர்களுக்கு இரட்டை மனப்பான்மை அதாவது சரியான தும், போலியும் கற்பனையுமானதுமான ஆகிய இரு முரண்பட்ட மனப் பான்மை உண்டாகும்படியாகவே கல்வியால் செய் யப்பட்டு வந்திருக்கிறது என்பதை எடுத்துக் காட்டுவதற்கு ஆகத்தான். எனவே இதுவரை உங்களுக்கு படிப்பைப்பற்றி சில கூறினேன்.

திராவிடர் கழகம் ஏன்?

இனி உங்கள் கழகத்தைப் பற்றிச் சில கூற ஆசைப்படுகிறேன். திராவிடர் மாணவர் கழகம் என் பதில் திராவிடர் என்கின்ற பெயர் ஏன் வைக்க வேண்டியதா யிற்று? இத்தனை நாள் இல்லாமல் இப்போது ஏன் எங்கு பார்த்தாலும் திராவிடர் திராவிடர் என்று சொல்லப்படுகிறது. இதுவரை இருந்துவருகிற பிரிவுகள், பேதங்கள் ஆகியவைகள் போதாமல் இது வேறு ஒரு புதிய பிரிவா? என்றெல்லாம் நீங்கள் கேட்கப்படலாம். அவற் றிற்கு உங்களுக்கு விடை சொல்லத் தெரியவேண்டும். அதை நீங்கள் தெரிந்துகொள்ளா விட்டால் திராவிடர்களின் எதிரிகள் இந்தத் திராவிடம் என்பது ஒரு புதுப் பிரிவி னையை உண்டாக்கக் கூடியது என்றும், இது மக்களுக்குள் துவேஷத்தையும், பேதத்தையும் உண்டாக்கக் கூடிய தென்றும் சொல்லி திராவிட மக்களின் மேம்பாடு முன்னேற்ற உணர்ச்சியையும், முயற்சியையும் கெடுக்கப் பார்ப்பார்கள். இதுவே எதிரிகளின் வழக்கம். திராவிடம் - திராவிடர் என்பது, திராவிடம் என்றும், திராவிடர் என்றும் சொல்லுவது நாமாக ஏற்படுத்திய புதிய கற்பனைச் சொற்கள் அல்ல. இது நம் நாட்டிற்கும், நம் மக்களுக்கும் குறிப்பிடும் ஒரு சரித்திர சம்பந்தமான பெயர்களாகும். இவை பல ஆயிரக்கணக்கான ஆண்டுகளுக்கு முன்பு இருந்தே வழங்கி வரும் பெயர்களுமாகும். உங்களுக்கு நன்றாய் இந்த உண்மை விளங்க வேண்டுமானால் நீங்கள் உங்கள் பள்ளியில் இன்று படிக்கும் இந்த நாட்டு (இந்துதேச) சரித்திரப் புத்தகத்தைப் புரட்டிப் பாருங்கள். அதில் எந்த சரித்திரப் புத்தகத்தை எடுத்துக் கொண்டாலும் அதன் விஷய முதல் பக்கத்தில் திராவிடம், திராவிடர் என்கின்ற தலைப்புக்கொடுத்து அவற்றின் வரலாறுகள் எழுதப் பட்டிருக்கும். இவை முடிந்த அடுத்த பக்கத்தைத் திருப்பினீர்களானால் அதில் ஆரியம், ஆரியர் என்கின்ற தலைப்பு கொடுத்து சரியாகவோ தப்பாகவோ அவற்றின் வரலாறுகள் எழுதப்பட்டிருக்கும். எனவே இவை அதாவது திராவிடர், ஆரியர் என்பவை உங்கள் குழந்தைப் பருவத்தில் பள்ளிப்படிப்பில் உங்களுக்கு ஊட்டப்பட்ட சேதிகளும், வெகு காலத்திற்கு முன் ஏற்பட்ட உண்மை களும் ஆராய்ச்சிச் சுவடிகளில் காணப்படும் சேதி களுந்தானே ஒழிய இன்று புதிதாக நானோ மற்றும் வேறு யாரோ கொண்டு வந்து புகுத்தியது அல்ல. இதுவேதான் இந்நாட்டுச் சரித்திரத்தின் நிலை ஆகும். இதிலிருந்து பார்த்தாலே நம்முடையவும் நம் நாட்டினுடையவும் தன்மைகள் ஒருவாறு நமக்கு விளங்கிக் கொள்ள முடியும் என்பதற்கு ஆகவே அதை ஞாபகப்படுத்தும் படியான மாதிரியில் அனுபவத்தில் வழக்கத்திற்கு நினைவுக்கு வரும்படி செய்ய இன்று அதைப்பற்றிச் (திராவி டத்தை பற்றி) சிறிது அதிகமாய் உங்களிடம் பேச வேண்டி இருக்கிறது.

இதுகூட ஏன்?

இதுகூட ஏன்? இன்று புதிதாகச் சொல்லப்படவேண்டும் என்று கேட்கப்படலாம். எத்தனையோ ஆயிரம் வருடங்களுக்கு முன்பு இருந்தே இருந்துவருகிற திராவிடர் ஆரியர் என்கின்ற வார்த்தையை நாம் இன்று அமலுக்கு - பழக்கத்திற்கு அதிகமாய்க் கொண்டு வருவதால் அந்தக்கால நிலைக்கு நாம் போ கவேண்டும் என்கின்ற கருத்து அதில் இருப்பதாக யாரும் கருதிவிடக்கூடாது. பிற்போக்குக்கு ஆக நாம் அப்படிச் சொல்லவில்லை. நமக்குச் சிறு பிராயத்தில் சரித்திர மூலம் படிப்பிக்கப் பட்டிருந்தும் அனுபவத்தில், உணர்ச்சியில் ஏன் நம் மக்களுக்குள் நினைவிலிருக்க முடியாமல் போய்விட்டது என்று நாம் ஒருவரை ஒருவர் கேட்டுக் கொள்ள வேண் டுமே ஒழிய, ஏன் நமக்கு இப்போது ஞாபகப்படுத்தப்படுகிறது என்ற கேள்விக்கு இடமே இல்லை. ஆனாலும் ஏன் என்றால், ஏற்பட்ட கெடுதி அதாவது, திராவிடர் என்ற நினைவில்லாததால் நமக்கு என்ன கெடுதி ஏற்பட்டது என்று கேட்டால் அந்த நினைவு நமக்கு இல்லாததால்தான் நாம் 4 ஆம், 5 ஆம் ஜாதியாய், சமுதாயத்திலும், தற்குறிகளாய்க் கல்வியிலும், கூலிகளாய்த் தொழிலிலும், ஏழைகளாய் வாழ்க்கையிலும் அந்நிய ஆதிக்கத்திற்கு உட்பட்டவர்களாய் அரசியல், ஆத்மார்த்த இயல் என்பவற்றிலும் காட்டுமிராண்டி காலத்து மக்களாய் அறிவு, கலாச்சாரம், தன்மானம் ஆகியவைகளிலும் இருந்து வருகிறோம். இது இன்று நேற்றல்லாமல் நம்மைத் திராவிடர் என்பதையும் நம்நாடு திராவிடநாடு என்பதையும் மறந்த காலம் முதல் அதாவது சுமார் ஆயிரக்கணக்கான ஆண்டுகளாகவே இருந்துவருகிறோம். நாம் நம்மைத் திராவிடர் என்று கருதினால், நினைவுறுத்திக் கொண்டால் உலக நிலையில் திராவிடர் (நம்) நிலைஎன்ன? தன்மை என்ன? நாம் எப்படி இருக்கிறோம்? என்பது உடனே தென் படும் ஏன் எனில், நாம் எப்படி இருக்க வேண்டியவர்கள்?

நாம் முன் கூறின இழிநிலையும் குறைபாடுகளும் இந்த நாட்டில், ஏன் உலகிலேயே திராவிடர்களுக்குத்தான் (நமக்குத் தான்) இருக்கிறதே தவிர திராவிட ரல்லாதவர்களுக்கு இல்லவே இல்லை. திராவிடமல்லாத வேறு நாட்டிலும் இல்லை. இந்நாட்டு மனித சமுதாயத்தில் ஒரு கூட்டம் அதாவது, ஆரியர்கள் பிறவி உயர்வாயும், பிறவி காரணமாய் உயர்வாழ்வாயும், மற்றொரு சமுதாயம் அதாவது, நாம் - திராவிடர் பிறவி இழி மக்களாயும், பிறவி காரணமாய்த் தாழ்ந்த இழிந்த வாழ்வாயும் இருப்பது இதுவரை மக்களுக்குத் தென்படாததும், தென் பட்டாலும் அதைப் பற்றிச் சிந்திக்கவேண்டிய அவசிய மில்லாமலும், சிந்தித்தாலும் முயற்சி செய்யா மலும், முயற்சி செய்தாலும் வெற்றி பெறாமலும் போனதற்கு காரணம் என்ன? என்பதைச் சிந்தியுங்கள். நீங்கள் உங்களைத் திராவிடர்கள் என்று கருதாததினால், நினைவுறுத்திக் கொள்ளாததால் இன்றைய இழிவுக்கும், தாழ்மைக்கும், கீழ்நிலைமைக்கும் உரியவர்கள் என்று உங்களைக் கட்டுப்படுத்திக் கொள்ள வேண்டி ஏற்பட்டுவிட்டது. அக்கட்டுப் பாட்டை உடைக்க நீங்கள் திராவிடர்கள் என்று கருதி முயலாமல் அந்தக் கட்டுப்பாட்டிலிருந்து விலக ஆசைப்பட்டதால்தான் அக்கட்டு உங்கள் ஆசையை அனுமதிக்கவில்லை. இதுவரையில் இழிநிலை கட்டுப்பாட்டிலிருந்து தப்ப, மீள முயன்றவர்கள் நம்மில் எவர்களாவது இருப் பார்களானால் அவர்கள் அத்தனைபேரும் தோல்வி அடைந்து பழைய நிலையிலேயே இருப்பதற்குக் காரணம் இதுவேயாகும். சிறைச்சாலைக்குள் இருப்பவன் எந்த வழியில் சிறைக்குள் சென்றானோ அந்தவழியில் வெளிவர முயல வேண்டுமே ஒழிய சிறைக் கதவை, பூட்டை கவனியாமல் அது திறக்கப் படவும், உடைக்கப்படவும் முயலாமல் வெறும் சுவரில் முட்டிக் கொள்வதால் எப்படி வெளிவர முடியும்? திராவிடன் இழிவு, தாழ்வு என்னும் சிறைக்குள் சிக்குண்டதற்குக் காரணம் அவன் தன்னைத் திராவிடன் என்று உணராமல் ஆரியன் வசப்பட்டு ஆரியத்திற்கு, ஆரிய மதம், கலை, ஆச்சார அனுஷ்டானங் களுக்கு அடிமைப்பட்டதல்லாமல் வேறு என்ன காரணம் சொல்ல முடியும்? ஆரியத்தின் பயனாய் ஏற்பட்ட சிறைக் கூடத்தில், கட்டுப்பாட்டின் கொடுமையில் இருந்து வெளிவர விரும்புகிறவன் கையிலும், காலிலும் பூட்டியிருக்கும் ஆரிய பூட்டையும் விலங்கையும் தகர்த்தெறியச் சம்மதிக்க வேண்டாமா? அவைகளைத் தகர்த்தெறியாமல் எப்படி வெளிவர முடியும்? விலங்கோடு வெளிவந்தால்தான் பயன் என்ன? ஆகவேதான் ஆரியக்கொடுமை, ஆரியக் கட்டுப்பாட்டால் நமக்கு ஏற்பட்ட இழிவு நீங்க நாம் ஆரியத்தை உதறித்தள்ள வேண்டும். ஆரியத்தை உதறித் தள்ளுவதற்குத் தான் நம்மை நாம் திராவிடர் என்று சொல்லிக் கொள்ளுவ தாகும். அதற்குத் தூண்டுகோல்தான் திராவிடர் என்பது.

எப்படி ஒருவன் பறையனாய், சக்கிலியாய் இருப்பவன், அவன் இஸ்லாம் என்றாகிவிட்டால் அந்தப் பறத் தன்மை, சக்கிலித் தன்மை உடனே ஒழிந்துபோகிறதோ அதேபோல் அறியாமையால் ஆரியத்தில் சிக்குண்டு கீழ் மகனான மக்கள் தங்களைத் திராவிடர்கள் என்று சொல்லிக் கொண்டாலே சரிசமமான மக்களாக ஆகிவிடுகிறார்கள். அதாவது எல்லா மேன்மைக்கும் முன்னேற்றத்திற்கும் உரிமையும் சமபங்குமுள்ள சுதந்திர மக்களாக ஆகிவிடு கிறார்கள். அப்படிக்கில்லாமல் தன்னை ஆரியத்தோடு பிணைத்துக்கொண்டு இருக்கிற எந்தத் திராவிடனும் கீழ்மகன் என்ற தன்மையை ஒப்புக் கொண்டவனேயாவான். எவ்வளவு முயற்சி செய்தாலும் மீள முடியாதவனே ஆவான். உதாரணமாக தோழர் சர். ஆர்.கே. சண்முகம் செட்டியார் தன்னை இந்து என்று சொல்லிக் கொள்ளுவதன் மூலம் எவ்வளவு பெரிய ஜாதி வைசியரானாலும், பிரா மணனுக்கு கீழ் ஜாதி என்பதை யாராலும் மறுக்க முடியாது. இதுதான் இன்றைய அனுபவம். இதுதான் இதுவரை யார் பாடுபட்டும் வெற்றிபெறாததற்குக் காரணம். இதைக் கண்டிப்பாய் உணருங்கள். யுக்திக்கும், நியாயத்திற்கும், அனுபவத்திற்கும் ஒத்த உண்மையாகும். இது திராவிடர் என்பதின் கருத்து இனி திராவிடத் தன்மையைப் பற்றிச் சில கூறுகிறேன். நான் நம்மைத் திராவிடர் என்பதும், இது சரித்திர காலத் தன்மை என்பதும், உங்களை நான் அந்தக் காலத்திற்கு அழைத்துச் செல்ல விரும்புவதாகக் கருதாதீர்கள். அல்லது திராவிடர் - ஆரியர் என்று உடல் கூறு சாஸ்திரப் படி பரீட்சித்து அறிந்து பிரித்துப் பேசுவதாக கருதாதீர்கள்.

அல்லது திராவிடருக்கு என்று ஏதோ சில தன்மைகளை எடுத்துச் சொல்லி அதை சரித்திர ஆதாரப்படி மெய்ப் பித்துச் சொல்லுவதாகக் கருதாதீர்கள். இவைகள் எப்படி இருந்தாலும், இவை பிரிக்கமுடியாதனவாய் இருந்தாலும் சரி, நம்மை இன்றைய இழிவிலிருந்து, தாழ்மையிலிருந்து, முன்னேற முடியாமல் செய்யும் முட்டுக்கட்டையிலிருந்து மீண்டு தாண்டிச் செல்ல நமக்கு ஒரு குறிச்சொல் வேண்டும். சுயராஜ்யம் என்றால் எதைக் குறிக்கிறது? பாகிஸ்தான் என்றால் எதைக் குறிக்கிறது? மோட்சம் என்றால் எதைக் குறிக்கிறது? வெள்ளையனே வெளியே போ என்றால் எதைக் குறிக்கிறது? என்று பார்த்தால் அவை ஒரு கருத்தை, ஒரு விடுதலைத் தன்மையை, ஒரு பயனை அனுபவிப்பதை எப்படிக் குறிப்பிடுகின்றனவோ அப்படிப் போல் நம்மை இழிவிலிருந்து விடுதலை செய்து ஒரு முற்போக்கை ஒரு பயனை அடைதலை, ஒரு மீட்சியைக் குறிப்பிட ஏற்படுத்தி இருக்கும் சொல்லாகும். ஆதலால் வார்த்தையின் பேரில் வழக்காட வேண்டியதில்லை. திராவிடம் என்பது என்ன மொழியாய் இருந்தால் என்ன? காப்பி(பானம்) என்னமொழி? அது காலை ஆகார (பான)த் திற்கு ஒரு குறிப்பு மொழி, அவ்வளவில்தான் பார்க்க வேண்டும். பாகிஸ்தான் என்னமொழி? இந்துக்கள் என்பவர்கள் ஆதிக்கத்தில் இருந்து மீள்வதற்கு ஒரு அறிகுறி மொழி; அவ்வளவில்தான் அதைக் கருத வேண்டும். கலந்துவிட்டது என்பது... ஆரியன் திராவிடன் என்பது கலந்துபோய்விட்டது, பிரிக்க முடியாதது, ரத்த பரீட்சையாலும் வேறுபடுத்த முடியாதது என்று சிலர் வாதாடலாம். அது நமது கருத்தை அறியாமல் பேசும் அறிவற்ற பேச்சு என்றே சொல்லுவேன். ஆரிய திராவிட ரத்தம் கலந்துவிட்டிருக்கலாமே தவிர ஆரிய திராவிட ஆச்சார அனுஷ்டானங்கள் கலந்துவிட்டனவா? பிராமணாள் ஓட்டல், பிராமணர்களுக்கு மாத்திரம்; பிரா மணன், சூத்திரன், பறையன், சக்கிலி, பிராமணனல்லாதவன் ஆகிய பிரிவுகள் எங்காவது கலந்துவிட்டனவா? பேதம் ஒழிந்து விட்டதா? பிராமணர்கள் என்பவர்கள் உயர்வும் பாடுபடாமல் அனுபவிக்கும் போக போக்கியமும், சூத் திரர்கள், பறையர்கள், சக்கிலிகள் (திராவிடர்கள்) என்ப வர்கள் இழிவும், கஷ்ட உழைப்பும், ஏழ்மையும் தரித்திர வாழ்வும் எங்காவது சரிசரி கலந்து விட்டதா? பிரிக்க முடியாதபடி ஒன்றிவிட்டதா? அல்லது அறிவு, கல்வி, தகுதி திறமை கலந்து விட்டதா? எது கலந்துவிட்டது; இரத்தம் கலந்தாலென்ன கலவாவிட்டால் என்ன? வாழ்வு, போக போக்கியம், உரிமை கலத்தல் வேண்டாமா?

சட்டைக்காரர் என்று ஒரு கூட்டம் இருக்கிறது, இது வெள்ளை ஆரிய, கருப்பு திராவிட ரத்தக்கலப்பு என்பதில் எவருக்கும் ஆட்சேபனை கிடையாது என்றாலும், நமக்கும் அவர்களுக்கும் எதில் கலப்படம் இருக்கிறது. அவர்கள் தனிச் சமுதாயமாக வெள்ளை ஆரியர் (அய்ரோப்பியர்) போலவே ஆச்சார அனுஷ்டானங்களில் நம்மில் இருந்து பிரிந்து உயர்வாழ்வு வாழுகிறார்கள். இவர்களைப் பார்த்துக் கருப்புத் திராவிடன் இரத்தத்தால் பிரிக்க முடியாதவர்கள் என்று சொல்லுவதில் பொருள் உண்டா என்று பாருங்கள். ஆகவே, திராவிடர் என்பது நமக்கு ஒரு குறிச்சொல், லட்சியச் சொல் ஆகும். எப்படி யாவது ஆரியக் கட்டுப்பாட்டால் நமக்கு ஏற்பட்டிருக்கிற கொடுமையான இழிநிலை, முட்டுக்கட்டை நிலைமாறி மேன்மை அடையவேண்டும். ஆரியம் என்றால் மாற்றத்திற்கு இடமில்லாதது; திராவிடம் என்றால் மாற்றிக் கொள்ள இடமளிப்பது என்பதுதான் உண்மைத் தத்துவ மாகும். நாம் இந்தத் திராவிடர் என்ற பெயர் கொண்டு விடுவ தால் நமக்கு வேறு தவறுதல்கள் எதுவும் நேர்ந்துவிடாது. நம் எதிரிகள் சொல்லும் குறும்புத்தனமான குற்றச்சாட்டுகளுக்கு அதாவது கடவுள், மதம், சாஸ்திரம், ஒழுக்கம், கலை, தர்மம், புண்ணியம், பக்திவிசுவாசம் முதலியவைகள் எல்லாம் ஒழிக்கப்பட்டுப் போகும் என்பவை மிகவும் இழிவான குணத்தோடு நம்மீது சுமத்தும் குற்றச்சாட்டுகளும் புகார்களுமாகும்.

திராவிடர், திராவிட இனத்தவர், திராவிடக் கூட்டத்தவர் என்பதற்கும், இந்தக் குற்றச்சாட்டுக் கும், எவ்வித சம்பந்தமுமில்லை, இவைகள் ஒன்றும் கெட்டு விடாது. ஆரியத்தால் தீண்டப்படாதவனான ஒரு பறையன், சக்கிலி தன்னை இஸ்லாமியன் என்று ஆக்கிக்கொண்டால் அவன்மீது இந்த இழி தன்மைகளுக்கு அருத்தம் உண்டா என்று பாருங்கள். அதோடு அவனுக்கு, அவன் பறைய னாயிருந்தால் சூழ்ந்துகொண்டிருந்த அவனைப் பறையனாக் குவதற்குக் காரணமாயிருந்த கடவுள், மதம், சாஸ்திரம், கலை, ஒழுக்கம், புண்ணியம் முதலிய ஈனத்தன்மைகள் ஆரியருடையதுகள் கண்டிப் பாய் நசித்துப்போய்விடுகிறதா இல்லையா பாருங்கள். அதனால் அவன் நாஸ்திகன் ஆகிவிடுகிறானா? இல் லையே! அதற்குப் பதிலாக ஈனத் தன்மைக்குக் காரண மாயில்லாத இஸ்லாம் கடவுள், மதம், சாஸ்திரம், கலை, ஒழுக்கம் முதலியவைகள் அவனைச் சூழ்ந்து அவன் மீதிருந்த இழிவுகளை நீக்கிவிடும். உதாரணமாக ஆரிய னுக்கு உருவக் கடவுள், இஸ்லாமியனுக்கு உருவமில்லாத கடவுள் என்பதோடு உருவக் கடவுள் வெறுப்பும் உண்டு. ஆரிய மதத்துக்கு ஜாதிபேதம், இஸ்லாமிய மதத்திற்கு ஜாதி பேதம் இல்லை; இப்படிப் பல மாறுதல்கள்தான் திராவி டனுக்கு உண்டாகலாம். இதனால் கடவுள், மதம். சாஸ்திரம், கலை, ஒழுக்கம் ஒழிந்து விட்டதாகவோ ஒழிக்கப் பட்டதாகவோ அருத்தமா? இங்கு தான் உங்களுக்குப் பகுத்தறிவு வேண்டும். ஜாக்கிரதை வேண்டும். இன்றைய உலகம் எல்லாத் துறையிலும் மாறுதல் ஏற்பட்டு முன் னேற்றம் அடைந்து வருகிறதே ஒழிய நாசமாய்விடவில்லை. பழையதுகளுக்கும், பயனற்றதுகளுக்கும் சிறிதாவது குறைந்த சக்தி கொண்டவைகளும் நசித்து தான் போகும்; கைவிடப்பட்டுத்தான் போகும். சிக்கிமுக்கியில் ஏற்பட்ட வெறும் நெருப்பு வெளிச்சம் மறைந்து படிப்படியாக மாறி இன்று எலக்டிரிக்(மின்சார விளக்கு) வெளிச்சம் வந்ததானது நாசவேலையல்ல என்பதும்; அது முற்போக்கு வேலை என்பதும் யாவரும் ஒப்புக்கொள்ளுவார்கள். ஆதலால், ஆரம்பகாலத்தில் - பழங்காலத்தில் தோன்றிய அல்லது தோற்றுவிக்கப்பட்ட கடவுள், மதம், சாஸ்திரம், இசை, ஒழுக்கம், பக்தி என்பவைகள் இன்றைக்கும் அப்படியே பின் பற்றப்படவேண்டும் என்றால் அது அறியாமையே யாகும். அறியாமை அல்ல என்றால், புத்தர், ஏசு, மகம்மது, ராஜா ராம்மோகன்ராய் ஆகிய கடவுள், மதம், கலை, ஒழுக்கம், பக்தி ஆகியவைகளில் மாற்றம் ஏற்படுத்திய வர்கள் நாச வேலைக்காரர்களா? எடிசன், மார்கோனி, டார்வின், சாக்கரடீஸ், லூதர், மார்க்சு, ஏஞ்சல்ஸ் ஆகிய வர்கள் நாச வேலைக்காரர்களா? இவர்கள் மனித சமுதாய ஒழுக்கத்தை சமுதாய அடிப் படையைக் கலைப்பவர்களா? என்று சிந்தியுங்கள்; மாறுதல் உணர்ச்சியால் அதுவும் முற்போக்கான பழைமையை உதறித்தள்ளின மாறுதலில் தான் பயன் உண்டாக முடியும். மாறுதல் என்று சொல்லி பழைமையைத் திருப்புவது, அதாவது ராட்டினம் கொண்டு வருவது, செல்லரித்து மக்கி ஆபாசமாகப் போன புராணங்களை உயிர்ப்பிப்பது, பழைய கோவிலைப் புதுப்பிப்பது, என்பவைகள் மாறுதல் ஆகிவிடா. எனவே மாறுதல் கருத்தால் வெகுகாலமாக இருந்து வரும் குறைகளை இழிவுகளை நீக்கிக் கொள்ளச் செய்யும் முயற்சியை நாசவேலை என்று கருதாதீர்கள். இவ்வித மாறுதலுக்கு நீங்கள்தான், அதாவது இளைஞர்கள், குழந்தைப் பருவமுள்ளவர்கள், ஆகியவர்கள்தான் பெரிதும் தகுதி உடையவர்கள் ஆவீர்கள். நன்றாய்ச் சிந்திக்கும் காலம் இது. சிந்தித்து வாது புரியுங்கள், விவகாரம் கிளப்புங்கள். அதனால் அனுபவம், அறிவு முதிர்ச்சி பெறு வீர்கள். உங்கள் வாதத்தால் உங்கள் ஆசிரியர்களுக்கும் சிந்திக்கும் சக்தியும் பகுத்தறிவும் தோன்றும்படி வாது புரியுங்கள். நீங்கள் காரியத்தில் இறங்க உங்களுக்கு இன்னும் சற்று அனுபவம் பெறுங்கள். யாவர் சொல் வதையும் காது கொடுத்துக் கேளுங்கள், கேட்டவைகளைச் சிந்தித்துச் சிந்தித்து உண்மை, நேர்மை கண்டு பிடிக்க வாதம் செய்து, கேள்வி கேட்டு அனுபவம் பெறுங்கள். எனவே, நான் இவ்வளவு நேரம் சொன்னவைகளில் உள்ள குற்றம் குறைகளை உங்கள் தலைமை ஆசிரியரும், இக் கூட்டத் தலைவருமான அறிஞர் திருத்துவார்.

(09.07.1945 ஈரோடு மகாஜன ஹைஸ்கூலில் சரஸ்வதி ஹாலில் திராவிட மாணவர் கழகத்தில் பெரியார் ஈ.வெ.ராமசாமி ஆற்றிய சொற்பொழிவு)

குடிஅரசு - சொற்பொழிவு - 14.07.1945


வரும் ஆண்டுகளில் நம் நாட்டில் அதிகப்படியான வேலைவாய்ப்புகள் உருவாகவிருக்கும் துறைகளில் சுற்றுலாத் துறையும் ஒன்று. இத்துறையைக் குறிவைத்துத் தங்களைத் தகுதிபடுத்திக்கொள்பவர்களுக்குப் பிரகாசமான எதிர்காலம் காத்திருக்கிறது.

இந்தியாவின் சேவைத் துறைகளில் முதலிடத்தில் இருப்பது பயணம், சுற்றுலாத் துறை. 90-களில் இத்துறை இந்தியாவில் முக்கிய கவனம் பெறத் தொடங்கியது. நாட்டின் பண்பாட்டுச் சின்னங்கள், கொட்டிக் கிடக்கும் இயற்கையழகு ஆகியன இந்தி யாவில் சுற்றுலாத் துறையை வளர்த்துக் கொள்ள இயற்கை தந்த அன்பளிப்பு. இவற் றுடன் பெருகிவரும் மருத்துவச் சுற்றுலாவும் அந்நியச் செலவாணியை அதிகம் ஈட்ட கை கொடுக்கிறது. அதற்கேற்ப வியத்தகு இந்தியா, மகிழ்வூட்டும் தமிழ்நாடு என மத்திய, மாநில அரசுகள் சுற்றுலாத் துறையை ஊக்குவித்து வருகின்றன. ஆனால், அத்துறை தகுதியான பணியாளர்கள் இன்றித் தத்தளிக்கிறது.

விரவிக் கிடக்கும் வேலைவாய்ப்புகள்

உலகப் பயணம் மற்றும் சுற்றுலா அமைப் பின் 2016ஆம் ஆண்டு தகவலின்படி, 2025-க் குள் கிட்டத்தட்ட 4.6 கோடி வேலை வாய்ப்புகள் இந்தியச் சுற்றுலாத் துறையில் உருவாக இருக்கின்றன. அதற்கான பாதையில் மத்திய அரசும் சுற்றுலாத் துறை சார்ந்த தங்கும் விடுதிகளுக்கு 100 சதவீத அந்நிய முதலீட்டைத் திறந்துவிட்டிருக்கிறது. குறிப் பிட்ட நாடுகளின் பயணிகளுக்கு இந்தியாவை அடைந்த பிறகும் விசா வழங்கும் நடை முறைத் தளர்வுகள் அமலில் உள்ளன. அரசின் வழக்கமான வேலை வாய்ப்புகளுக்கு அப் பால், வளர்ச்சியை முன்கூட்டியே கணித்த தனியார் நிறுவனங்கள் இத்துறையில் அதிக ளவில் இறங்கி உள்ளன.

சுற்றுலாச் சந்தை மேம்பாடு, விற்பனைப் பிரதிநிதிகள், நிர்வாகிகள், சுற்றுலா திட்டமிடு வோர், ஆலோசகர்கள், வழிகாட்டிகள், தகவல் உதவியாளர்கள், முன்பதிவு அலு வலர்கள், பணப் பரிமாற்ற அலுவலர்கள், அனைத்து மார்க்கப் பயணங்களுக்குமான உதவியாளர்கள், விருந்தோம்பல்-விடுதி தொடர்பான அனைத்துப் பணியாளர்கள், மக்கள் தொடர்பு அலுவலர்கள், பாதுகாவ லர்கள் என மிகப் பெரும் வேலைவாய்ப்புக் கான சந்தை சுற்றுலாத் துறையை மய்யமாகக் கொண்டுள்ளது.

சுற்றுலாவிலேயே மருத்துவம், ஆன்மிகம், பண்பாடு, கல்வி, சாகசம் எனப் பலவகைகள் இருப்பதால் அவற்றின் பொருட்டும் நிபுணத் துவம் அடிப்படையிலான பணியாளர்கள் தேவைப்படுகிறார்கள். அயல் நாட்டுப் பயணிகளுக்கு அப்பால் பன்மைத்துவம் அடங்கிய நாட்டின் உள்நாட்டுப் பயணிகள் தங்கள் தேசத்தின் வேறுபட்ட இடங்களைப் பார்வையிட விரும்புவதாலும், விடுமுறைத் தேவைகள், ஆன்மிக அடிப்படையிலும் தனியான உள்நாட்டுச் சுற்றுலாச் சந்தையும் விரிவடைந்துள்ளது.

தொடர்புடைய உயர்கல்விப் பிரிவுகள்

இளநிலைப் பட்டப் படிப்புடன் சுற்றுலாத் துறை தொடர்பான சான்றிதழ் அல்லது பட்டயப் படிப்பை முடித்தவர்களே இன்று சுற்றுலாத் துறை சார்ந்த தனியார் நிறுவ னங்களில் கணிசமாகப் பணியாற்றுகின்றனர். நேரடிப் பட்டம், தொலை நிலைப் பட்டம் எதுவாக இருந்தாலும் அவர்களுக்குப் பணி வாய்ப்பு உள்ளது.

உயர் பணியிடங்களில் எம்.பி.ஏ. டூரிசம் அண்டு ஹாஸ்பிடாலிடி முடித்தவர்கள் பணியாற்றுகின்றனர். நொய்டா, குவாலியர், புவனேஸ்வர், நெல்லூர் ஆகிய பகுதிகளில் செயல்படும் இந்தியன் இன்ஸ்டிடியூட் ஆஃப் டூரிசம் அண்ட் டிராவல் மேனேஜ்மெண்ட்  கல்வி நிறுவனங்களில் பயிலலாம். சுற்றுலாத் துறையைக் குறிவைத்து உயர்கல்வியைத் தீர்மானிப்பவர்கள், இந்த எம்.பி.ஏ.வுக்கு மாற் றாக எம்.டி.ஏ எனப்படும் சுற்றுலா நிர்வாகம் தொடர்பான முதுநிலைப் படிப்பையும் பல கல்லூரிகள் வழங்குகின்றன.

ஏதேனும் ஒரு பட்டப் படிப்புடன்  றிநிஞிவி எனப்படும் சுற்றுலாத் துறை முதுநிலைப் பட்டயப்படிப்பை மிமிஜிஜிவி, அய்தராபாத்தில் உள்ள ழிமிஜிபிவி,  கேரளாவில் உள்ள  ரிமிஜிஜிஷி ஆகிய கல்வி நிறுவனங்களில் பயிலலாம். இளநிலைப் பட்டப் படிப்பாகச் சுற்றுலாத் துறையைத் தேர்வு செய்ய விரும்புவோர், பிளஸ் டூ அறிவியல் பிரிவில் அடிப் படை மதிப்பெண் தகுதி களுடன் பி.எஸ்சி. ஹாஸ்பிடாலிட்டி அண்டு டூரிசம் படிக்கலாம்.

முதுநிலையிலும் இதே பிரிவில் எம்.எஸ்.சி பெறலாம். பிளஸ் டூ தகுதியுடன் பட்டப் படிப்புக்கு மாற்றாக ஓராண்டு பட்டயப் படிப் பைப் பல்வேறு முன்னணி தனியார் சுற்றுலா நிறுவனங்கள் வழங்குகின்றன.

உதாரணத் துக்கு :லீttஜீ://ளீuஷீஸீவீணீநீணீபீமீனீஹ்.நீஷீ.வீஸீ/ போன் றவை சுற்றுலா, பயணம், விருந் தோம்பல் தொடர்பான பல்வேறு படிப்பு களைத் தொலை நிலைக் கல்வியாகவும் வழங்குகின்றன. ஹோட்டல் மேனேஜ்மெண்ட் தொடர்பான பல்வேறு படிப்புகளைப் படித்தவர்களும் இத்துறையில் பணி வாய்ப்பு களைப் பெறலாம்.   நுழைவுத் தேர்வின் அடிப்படையில் முதன்மையான ஓட்டல் மேனேஜ்மெண்ட் கல்லூரிகளில் சேர்ந்து படிப்பை முடிப்பவர்களுக்கு இளம் வயதி லேயே அதிகச் சம்பளத்துடன் பணிவாய்ப்பு காத்திருக்கிறது.

சவாலை வெல்லலாம்

செய்யும் பணியில் சவாலையும் புதிய அனுபவங்களையும் விரும்புவோர் இத் துறையில் சேர்ந்து சாதிக்க முடியும். மொழி, நாடு, கலாச்சார அடிப்படையில் வேறுபடும் புதுப்புது மனிதர்களுடனான சந்திப்பு, அவர்களைக் கையாளுதல், விரைந்து செய லாற்றுதல், அடிப்படையான கணினி, அர சியல், புவியியல், சமூகம், வரலாற்று அறிவு ஆகியவற்றை இத்துறையினர் வளர்த்துக் கொண்டால் தொடர்ந்து சாதிக் கலாம். சொந்தமாகச் சுற்றுலா ஏஜென்சி நடத்துவது, பேக்கேஜ் அடிப்படையில் உள்நாடு, வெளி நாடு சுற்றுலாக்களை ஏற்பாடு செய்வது என சுயமாகவும் இத்துறையில் ஜொலிக்கலாம்.

சுற்றுலா சொல்லித்தரும் நிறுவனங்கள்:

IITTM - http://www.iittm.ac.in/
NITHM - http://nithm.ac.in/
KITTS - http://www.kittsedu.org/

மீன்வளப் படிப்புகள் நீங்களும் படிக்கலாம்


உணவு சார்ந்த தொழில்களுக்கு எந்தக் காலத்திலும் அழிவு இருந்ததில்லை. அந்த வகையில், ஆதி காலத்தில் ஈட்டியால் குத்தி மீன் பிடிக்கத் தொடங்கியதிலிருந்து தூண்டிலில் மீன்பிடிக்கும் இந்தக் காலம்வரை மீன்பிடித் தொழில் சீரான வளர்ச்சி அடைந்துவருகிறது. உலக அளவில் மீன்களை அதிகம் உற்பத்தி செய்யும் நாடுகளில் இந்தியா இரண்டாம் இடத்தில் இருப்பதிலிருந்து மீன்பிடித் தொழிலின் வளர்ச்சியை அறியலாம். எனவே, மீன் பிடித்தல் சார்ந்த படிப்புகளின் மீது உங்களுக்கு ஆர்வம் இருந்தால், தாராளமாக தேர்ந்தெடுத்து படிக்கலாம்.

மீன் உற்பத்தியைப் பெருக்கிப் பல்வேறு ஆராய்ச்சித் திட்டங்களை மேற்கொள்ளவும், வேலை யற்ற இளைஞர்கள், மீனவ மகளிர், கிராமப்புற மக் களுக்கு வேலை வாய்ப்பை உருவாக்கவும், மீன் வளம் சார்ந்த பல்வேறு பயிற்சித் திட்டங்களைச் செயல்படுத்தவும் இன்று மீன் வளப் படிப்பு முக்கி யத்துவம் பெற்றுவருகிறது. இதற்காகவே நாகையை தலைமையிடமாகக் கொண்டு தமிழ்நாடு மீன்வளப் பல்கலைக்கழகமும் இயங்கிவருகிறது. இந்தப் பல்கலைக்கழகத்தின் கீழ் செயல்படும் கல்லூரி மற்றும் ஆராய்ச்சி நிலையங்களில் மீன் வளப் படிப்புகள் வழங்கப்படு கின்றன. இளங்கலை, முதுகலை, ஆராய்ச்சிப் படிப்பு (பிஎச்.டி.) என மூன்று நிலைகளில் படிப்புகள் இங்கே வழங்கப்படுகின்றன.

ஆராய்ச்சிப் படிப்புகளாக மீன் வளர்ப்பு, மீன் வளர்ப்புப் பொருளா தாரம், மீன் பதப்படுத்தும் தொழில் நுட்பம், மீன் வள மேலாண்மை ஆகிய படிப்புகள் வழங்கப்படுகின் றன. முதுகலைப் படிப்பான எம்.எஃப்.எஸ்சி. பிரிவில் மீன்வளர்ப்பு, நீர்வாழ் சுற்றுச்சூழல் மேலாண்மை, மீன் உயிரித் தொழில் நுட்பம், மீன் வளர்ப்புப் பொருளாதாரம், மீன்வளப் பொறியியல் மற்றும் தொழில்நுட்பம், மீன் பதப் படுத்தும் தொழில் நுட்பம், மீன்வள மேலாண்மை ஆகிய படிப்புகள் வழங்கப்படுகின்றன. இவை தவிர இளங்கலைப் படிப்பான பி.எஃப்.எஸ்சி. பிரிவில் நான்காண்டு பட்டப் படிப்புகள் வழங்கப்படுகின்றன. பி.எஃப்.எஸ்சி.யில் சேர பிளஸ் டூவில் தேர்ச்சி பெற்றிருந்தால் போதுமானது. இந்தப் படிப்புகளில் சேரவும், கல்வித் தகுதி, விண்ணப்பக் கட்டணம், விண்ணப்பப் படிவம், தகவல் தொகுப்பேடு ஆகிய வற்றைப் பற்றி அறிவ தற்கும் லீttஜீ://ஷ்ஷ்ஷ்.tஸீயீu.ஷீக்ஷீரீ.வீஸீ/  அணுகலாம்.

இந்தியன் ஆயில் நிறுவனத்தில் பணியிடங்கள்

மத்திய அரசின் முன்னணி பொதுத்துறை நிறு வனங்களில் ஒன்றான இந்தியன் ஆயில் கார்ப் பரேஷன் நிறுவனத்தின் தமிழ்நாட்டை உள்ளடக்கிய தென்பிராந்திய அலுவலகங்களில் விற்பனை பிரிவில் ஜுனியர் ஆபரேட்டர் (கிரேடு-1  மற்றும் ஏவியேஷன்) பதவியில் 97 காலியிடங்கள் நேரடி நியமன முறையில் போட்டித்தேர்வு மூலம் நிரப்பப் பட உள்ளன. கிரேடு-1 பதவிக்கு எஸ்.எஸ்.எல்.சி.-க்குப் பிறகு 2 ஆண்டு அய்.டி.அய். பயிற்சியை (மெக்கானிக்கல், எலெக்ட்ரிக்கல், இன்ஸ்ட்ருமென் டேஷன், சிவில், எலெக்ட்ரிக்கல், எலெக்ட்ரானிக்ஸ்) முடித்திருக்க வேண்டும். ஓராண்டு கால பணி அனுபவமும் அவசியம்.
அதேபோல், ஏவியேஷன் பிரிவு ஜுனியர் ஆபரேட்டர் பதவிக்கு பிளஸ் டூ முடித்திருக்க வேண்டும். குறைந்தபட்சம் 45 சதவீத மதிப்பெண் பெற்றிருக்க வேண்டும். மேலும், ஓராண்டு கனரக வாகனத்தை ஓட்டிய அனுபவமும் தேவை. இரு வகை பதவிகளுக்கும் வயது வரம்பு 18 முதல்
26-க் குள் இருக்க வேண்டும். மத்திய அரசின் இட ஒதுக்கீட்டு விதிமுறைகளின்படி, எஸ்.சி., எஸ்.டி. வகுப்பினருக்கு 5 ஆண்டுகளும், ஓ.பி.சி. பிரிவின ருக்கு 3 ஆண்டுகளும் வயது வரம்பில் தளர்வு உண்டு. விண்ணப்பதாரர்கள் எழுத்துத் தேர்வு, திறன் தேர்வு  அடிப்படையில் தேர்வுசெய்யப்படுவர். ஜூனியர் ஆபரேட்டர் பணிக்கான தேர்வில், சம்பந்தப்பட்ட தொழில்பிரிவு பாடம், பொது அறிவு, அடிப்படை கணிதம், ரீசனிங், அடிப்படை ஆங்கிலம் ஆகிய பகுதிகளில் இருந்து அப்ஜெக்டிவ் முறையில் 100 கேள்விகள் இடம்பெறும். அதேபோல், ஏவியேஷன் பணிக்கான தேர்வில் தொழில் பிரிவு பாடம் தவிர்த்து எஞ்சிய பகுதிகளில் இருந்து 100 கேள்விகள் கேட்கப்படும். தகுதியுடையோர் இந்தியன் ஆயில் கார்ப்பரேஷன் இணையதளத்தை (ஷ்ஷ்ஷ்.வீஷீநீறீ.நீஷீனீ) பயன்படுத்தி ஆன்லைன் மூலம் விண்ணப்பிக்க வேண்டும்.  



இவ்வுலகில் வழிப்பறித் திருடர்கள், கொள்ளைக் கும்பல்கள் போல இணைய உலகிலும் உண்டு. ஹேக்கர்கள் எனப்படும் இவர்கள் உலகின் எந்த மூலையில் இருந்தும் நமது கணினி அல்லது மொபைலை ஊடுருவி அதன் நிதி பரிமாற்றங்களையோ தனிப்பட்ட தகவல் களையோ களவாடிச் செல்கிறார்கள். இதுவே பெரும் நிதி, தகவல் களைக் கையாளும், பரிமாறும் நிறுவனங்கள் எனில் ஹேக்கர்களின் தாக்குதல்கள் பெரும் இழப்பை ஏற்படுத்தும். அதைத் தடுக்க நிறுவனங்கள் எதிக்கல் ஹேக்கர்ஸ் உதவியை நாடுகின்றன. இந்த ஹேக்கர்கள் தீவிரவாதப் பின்னணியுடன் இயங்கும் போது நாட்டின் பாதுகாப்பு தொடர்பான இணையத் தொடர்புகள் இலக்காகின்றன. அத்தகையத் தாக்குதல்களைத் தடுப்பதிலும் எதிக்கல் ஹேக்கர்களின் பணி முக்கியமானது.

வளரும் புதிய துறை

இணையம் இன்றி இணைப்பு சாத்தியமில்லை என்ற அளவுக்கு இன்று ஆன்லைன் வழி சேவைகள் நீக்கமற நிறைந்துவருகின்றன. இதைக் கணித்தே பெரும் பாலானோர் கணினித் துறைப் படிப்புகளை நம்பிக் கையுடன் மேற்கொண்டுவருகின்றனர். ஆனால், இந்தி யாவில் அய்.டி. துறை வேலைவாய்ப்புகள் முன்பு போல இல்லை. அதேநேரம் அய்.டி. படிப்புகளில் ஆர்வம் கொண்டவர்களுக்கு மாற்று வாய்ப்பாக எதிக்கல் ஹேக்கிங் தொடர்பான பணிவாய்ப்புகள் வரத் தொடங்கி விட்டன.

சைபர் செக்யூரிட்டி தொடர்பான ஆய்வின்படி ஹேக்கர்களின் தாக்குதலால் 2014இல் மட்டும் கிட்டத்தட்ட 400 கோடி டாலர் இழப்பை இந்திய நிறுவனங்கள் சந்தித்திருக்கின்றன. கடந்த அய்ந்தாண்டு களாக அதிகரித்து வரும் ரான்ட்சம் வேர் தாக்குதலில் நிதியைக் கையாளும் நிறுவனங்கள் மட்டுமன்றி, கடந்த ஆண்டு தனிநபர்களும் அதிஅளவு பாதிக்கப்பட்டிருக் கின்றனர். இதையொட்டி 2015இல் நாஸ்காம் வெளியிட்ட ஆய்வறிக்கை, இந்தியாவில் மட்டும் 77 ஆயிரம் எதிக்கல் ஹேக்கர்ஸ் தேவை ஆனால், தற்போது 15 ஆயிரம் பேர் மட்டுமே உள்ளனர் என்று தெரிவித்தது.

சைபர் தாக்குதல்கள், குற்றச் செயல்களைச் சட்டப்படி அணுகுவதற்காக 2013இல் மத்திய அரசு தேசிய சைபர் செக்யூரிட்டி கொள்கையைக் கொண்டுவந்தது. தேசிய சைபர் செக்யூரிட்டி ஒருங்கிணைப்பாளரான குல்ஷன் ராய், அடுத்த 5 ஆண்டுகளில் சைபர் செக்யூரிட்டி துறையில் பயிற்சி பெற்ற 5 லட்சம் பணியாளர்கள் உருவாக்கப்படுவார்கள் என்று அறிவித்தார். ஆனால், தரமான கல்வி நிறுவனங்கள் இல்லாதது, மாணவர்கள் மத்தியில் விழிப்புணர்வின்மை காரணமாக இந்தக் குறிக்கோளை இன்னும் எட்டியபாடில்லை.

என்ன படிக்கலாம்?

கணினித் துறை சார்ந்த இளங்கலை அறிவியல் பட்டம் அல்லது பொறியியல் பட்டம் படித்தவர்கள், கூடுதலாக எதிக்கல் ஹேக்கிங் தொடர்பான சான்றிதழ் படிப்புமுதல் முதுநிலைப் பட்டயப் படிப்புவரை படிக்கலாம். முதுநிலை பட்டப் படிப்புகளாக எம்.எஸ்சி. சைபர் தடயவியல் மற்றும் தகவல் பாதுகாப்பு, எம்.டெக். சைபர் செக்யூரிட்டி மற்றும் தகவல் பாதுகாப்பு போன்றவையும் கிடைக்கின்றன. கேட் நுழைவுத் தேர்வு எழுதி இவற்றில் சேரலாம்.

எங்கே படிக்கலாம்?

கணினித் துறை சார்ந்த அடிப்படைக் கல்வியாக எதைப் படிக்கிறோம் என்பதைப் பொறுத்து எதிக்கல் ஹேக்கிங் சார்ந்த கூடுதல் படிப்புகளைத் திட்ட மிடலாம்.

அலகாபாத்தில் இயங்கும் இந்தியன் இன்ஸ்டிடியூட் ஆஃப் இன்பர் மேஷன் டெக்னாலஜி, கோழிக் கோட்டின் நேசனல் இன்ஸ்டிடியூட் ஆஃப் எலெக்ட் ரானிக்ஸ் அண்ட் இன்ஃபர்மேசன் டெக்னாலஜி  போன்ற நிறுவனங்களில் முழுமையான எதிக்கல் ஹேக்கிங் படிப்பு களைப் பெறலாம். இதற்கென்றே புகழ்பெற்ற கொல்கத்தா இந்தியன் ஸ்கூல் ஆஃப் எதிக்கல் ஹேக்கிங், டில்லி எதிக்கல் ஹேக்கிங் டி ரெயினிங் இன்ஸ்டிடியூட் போன்றவற்றில் சைபர் இணைய பாதுகாப்பு மய்யமாகக் கொண்டு பல்வேறு தொழிற்படிப்புகள் வழங்கப்படு கின்றன. இந்தியாவின் புகழ்பெற்ற எதிக்கல் ஹேக்கர் களான அன்கிட் ஃபாடியா உள்ளிட்டோர் கட்டணத்துக்கு ஏற்ப சிறப்புப் பயிற்சிகளை வழங்குகிறார்கள். மேற்கண்ட கல்வி நிறுவனங்களில் பலவும் ஏராள மான சான்றிதழ் படிப்புகளை இணையம் வாயிலாகவே வழங்குகின்றன.

கொட்டிக்கிடக்கும் வேலைவாய்ப்பு

ராணுவம் உள்ளிட்ட பாதுகாப்புத் துறைகள், மத்திய-மாநிலப் புலனாய்வு அமைப்புகள், தடவியல் துறை, அரசு ஏஜென்சிகள் போன்றவை நேரடியாகவும் ஒப்பந்த அடிப்படையிலும் சைபர் செக்யூரிட்டிக்கான பணி வாய்ப்பை வழங்குகின்றன. தனியார் வங்கிகள், நிதி நிறுவனங்கள், காப்பீட்டு நிறுவனங்கள், விமானப் போக்குவரத்து, தகவல் தொழில்நுட்பத் துறை ஆகியவற்றிலும் எதிக்கல் ஹேக்கர்ஸ் பணிவாய்ப்பு பெறலாம்.

எதிக்கல் ஹேக்கிங் துறை எதிர்காலத்தில் மேலும் வளர்வதற்கும், கூடுதல் படிப்புகள், வேலைவாய்ப்பு களைக் கொண்டதாக மாறவும் பிரகாசமான வாய்ப்புகள் உள்ளன. அங்கீகாரம் பெற்ற சான்றிதழ் படிப்புடன் இத்துறைக்குள் வரும் புதியவர்கள் ஆண்டு வருமான மாக ரூ.3- 5 லட்சங்களில் ஊதியம் பெறுகிறார்கள்.

கூடுதல் கல்வியுடன் துறை அனுபவமும் பெற்றவர்கள் இன்ஃபர் மேசன் செக்யூரிட்டி அனலிஸ்ட், எதிக்கல் ஹேக்கிங் எக்ஸ்பர்ட்ஸ் போன்ற பதவிகள் மூலம் ஆண்டுக்கு ரூ.20 லட்சம்வரை ஊதியம் பெறுகிறார்கள்.

இந்தியாவின் பிரசித்தி பெற்ற எதிக்கல் ஹேக்கர்ஸில் பெரும்பாலானோர் தங்களது பள்ளி மற்றும் கல்லூரிப் பருவத்தில் விளையாட்டாக ஹேக்கிங் குறித்து ஆராயத் தொடங்கி, இன்று முழுநேர வேலையாக அத்துறையில் புகழ் பெற்றிருக்கிறார்கள். அடிப்படைக் கல்வியுடன் ஆர்வம், படைப்பாற்றல், உற்று நோக்குதல், தர்க்கரீதியான உடனடி முடிவெடுக்கும் திறன், உத்வேகம் உள்ளிட்ட திறன்கள் இத்துறையினருக்கு அவசியம்.

லிட்டருக்கு 200 கி.மீ ஓடும் வகையில் வாகனம் வடிவமைப்பு

வேலூர் விஅய்டி பல்கலைக்கழக பி.டெக்., மாணவர்கள் ஒரு லிட்டர் பெட்ரோலில் 200 கி.மீ. ஓடும் வகையில் “ஈ.டி. 18’ என்ற நவீன பந்தய வாகனத்தை வடிவமைத்துள்ளனர்.

இது குறித்து விஅய்டி பல்கலைக்கழகத்தின் “ஈகோ டைட்டன்ஸ்’ குழுவில் இடம் பெற்றிருந்த பி.டெக்., மாணவர்கள் சுபாங் கரே, சித்தார்த் பத்ம நாபன். நிலேஷ் குமார், ஹிமான்சு  உள்ளிட்டோர் சென்னையில் செய்தியாளர்களிடம் கூறியிருப் பதாவது: ஒரு லிட்டர் பெட்ரோலில் 200 கி.மீ., தூரம் வரை  செல்லும் காரை, விஅய்டி பல்கலைக்கழக பி.டெக்., மாணவர்கள் வடிவமைத்துள்ளனர்.

முன்புறம் இரண்டு சக்கரங்களுடனும், பின்புறம் ஒரு சக்கரத்துடனும் உள்ள இதன் பெயர் “ஈ.டி.18’. எரிபொருளை சிக்கனப்படுத்த இ.எஃப்.திஅய். என்ற தொழில்நுட்பத்தைப் பயன்படுத்தியுள்ளோம். இதை இயக்க 2 வோல்ட் திறன் கொண்ட பேட்டரி பொருத் தப்பட்டுள்ளது. வாகனத்தின் மொத்த எடை 56 கிலோ. என்ஜின் 50 சிசி திறன் கொண்ட ஹோண்டா இன்ஜின் பொருத்தப்பட்டுள்ளது.ஒருவர் மட்டுமே அமர்ந்து செல்லக்கூடிய இந்த காரில்  அதிகபட்சம் 60 கிலோ மீட்டர் வேகத்தில் செல்ல முடியும். இந்த காரின் சேசிஸ், அதிக திறன் கொண்ட அலுமினி யத்தால் செய்யப்பட்டுள்ளது. . எளிதில் கையாளப் படும் இலகு பிரேக்குகள் இதன் சக்கரங்களில் பொருத்தப்பட்டுள்ளன. அய்ந்து மாதங்களாகப் பணியாற்றி ரூ.15 லட்சம் செலவில் தயாரிக்கப்பட்ட “ஈ.டி.18’ வாகனம் சிங்கப்பூரில் வரும் மார்ச் மாதம் நடைபெறவுள்ள செல் ஈகோ மாரத்தான் போட்டி யில் கலந்து கொள்கிறது.

அந்த ரேஸ் 11 சுற்றுகள் கொண்டது என்பதைக் கருத்தில் கொண்டு அதற்கேற்றவாறு வாகனத்தில் 250 மி.லி. பெட்ரோல் மட்டுமே நிரப்பும் வகையில் வடிவமைக்கப்பட்டுள்ளது.

ஒரு லிட்டருக்கு சுமார் 200 கி.மீ. தொலைவுக்கு இதை இயக்க முடியும். “ஈ.டி.18’ வாகனத்தை மொத்தம் 10 பேர் இணைந்து வடிவமைத்தோம் என்று தெரிவித்துள்ளார்.

ஒடிசாவில் 5 ஆயிரத்துக்கும் மேற்பட்ட பாம்புகளைப் பிடித்த இளைஞர்!

ஒடிசா மாநிலம் மயூர்பஞ்ச் மாவட்டத்தைச் சேர்ந்த இளைஞர் ஒருவர் இதுவரை 5 ஆயிரத் துக்கும் மேற்பட்ட பாம்புகளைப் பிடித்துள்ள துடன் காயமடையும் காட்டு விலங்கு களான யானைகள், புலிகள், குரங் குகள் பேன்றவைகளுக்கும் சிகிச்சை அளித்து வருகிறார்.

ஒடிசா மாநிலத்தின் மயூர்பஞ்ச் மாவட்டத்தில் உத்தாணி நுவாகான் என்கிற ஊரைச் சேர்ந்த கிருஷ்ண சந்திர கோச்சாயத் என்கிற இளைஞர் பாம்புகளைக் கண்டு அஞ்சுவதில்லை. எத்தகைய கொடிய நஞ்சுள்ள நாகமாக இருந்தாலும் வெறுங் கையால் அவற்றைப் பிடித்து விடுகிறார். சுற்று வட்டாரத்தில் எந்த வீட்டில் பாம்பு புகுந்தாலும் அதைப் பிடிக்க இவரையே அழைக்கின்றனர்.

இவர், பாம்பு மட்டுமல்லாமல் அனைத்து உயிர்கள் மீதும் அன்பு காட்டுபவராக உள்ளார். காடுகளில் காயம்பட்டுத் துன்புறும் விலங்குகளைக் கண்டால் அவற்றுக்கும் மருந்திட்டுச் சிகிச்சை அளித்து வருகிறார். மான், புலி, யானை, சிறுத்தை, குரங்கு ஆகிய விலங்குகளுக்கும் பறவைகளுக்கும் சிகிச்சை அளித்து அவற்றைக் காப்பாற்றுவதுடன் அதனை மீண்டும் காட்டில் விடுப்பது தனக்கு மன நிறைவைத் தருவதாக அவர் தெரிவிக்கிறார். தோல்கள் மற்றும் விலங்குகளின் பிற பாகங்களை விற்க விரும்பும் வேட்டைக்காரர்களிடமிருந்து அனைத்து வகையான விலங்குகளையும் காப்பாற்றி வனத்துறையை உதவி வருகிறார்  கிருஷ்ணச் சந்திர கோச்சாயத்.

Banner
Banner