இளைஞர்

தமிழக அரசின் தொழிலாளர் துறையின் கீழ் இயங்கிவரும் தமிழ்நாடு கட்டுமானத் தொழிலாளர்கள் நல வாரியத்தில் இளநிலை உதவியாளர் பதவியில் 66  காலியிடங்களும் கணினி இயக்குபவர் பதவியில் 111 காலியிடங்களும் போட்டித் தேர்வு மூலமாக நிரப்பப்பட உள்ளன.

தேவையான தகுதி:

இளநிலை உதவியாளர் பதவிக்கு எஸ்.எஸ்.எல்.சி. தேர்ச்சி பெற்றிருக்க வேண்டும். கணினி இயக்குபவர் பணிக்கு 10ஆம் வகுப்பு தேர்ச்சியுடன் கணினியில்  சான்றிதழ் பயிற்சி பெற்றிருக்க வேண்டும். அல்லது கம்ப்யூட்டர் சயின்ஸ் படிப்பில் பட்டப் படிப்பு முடித்திருக்க வேண்டும். அதோடு ஒரு மணி நேரத்தில் 8  ஆயிரம் எழுத்துக்களைத் தமிழ், ஆங்கிலத்தில் கணினியில் தட்டச்சு செய்யும் திறன் பெற்றிருக்க வேண்டும்.

1.7.2018 தேதியின்படி, வயது  18 முதல் 30-க்குள் இருக்க வேண்டும். எஸ்.சி., எஸ்.டி. வகுப்பினருக்கு 5 ஆண்டுகளும் பி.சி., எம்.பி.சி. வகுப்பினருக்கு 3 ஆண்டுகளும் வயது வரம்பில் தளர்வு  அளிக்கப்படும்.

எனினும், இட ஒதுக்கீட்டுப் பிரிவினரும் (எஸ்.சி., எஸ்.டி., பி.சி., எம்.பி.சி.), பொதுப்

பிரிவில் உள்ள கணவனை இழந்த பெண் களுக்கு நிர்ணயிக்கப்பட்ட குறைந்தபட்சக் கல்வித் தகுதியான எஸ்.எஸ்.எல்.சி.-யைக் காட்டிலும் கூடுதல் கல்வித் தகுதி (பிளஸ் 2, பட்டப்படிப்பு, முதுகலைப் பட்டம்) பெற்றி ருந்தால்  அவர்களுக்கு வயது வரம்பு கிடை யாது.

தேர்வு விவரம்: விண்ணப்பதாரர்கள் எழுத்துத் தேர்வு அடிப்படையில் தேர்வு செய்யப்படுவர். நேர்முகத் தேர்வு கிடையாது. கணினி இயக்குபவர் பணிக்கு மட்டும் கூடுதலாகக்  கணினி தட்டச்சுத் திறன் தேர்வு நடத்தப்படும். இரண்டு பதவிகளுக்கும் அடிப் படைச் சம்பளம் ரூ.19,500 ஆக நிர்ணயிக்கப் பட்டுள்ளது. அகவிலைப்படி,  வீட்டுவாடகைப் படி, நகர ஈட்டுப்படி, மருத்துவப்படி போன்ற வற்றைச் சேர்த்தால் சம்பளம் தோராயமாக ரூ.27 ஆயிரம் கிடைக்கும். உரிய கல்வித் தகுதியும்,  வயது வரம்புத் தகுதியும் உடைய வர்கள் தமிழ்நாடு தொழிலாளர் துறையின் இணைய தளத்தில் (www.labour.tn.gov.in) வெளியிடப் பட்டுள்ள  விண்ணப்பத்தைப் பதிவிறக்கம் செய்து பூர்த்தி செய்து புகைப்படம் மற்றும் தேவையான சான்றிதழ் களின் நகல்களையும், விண்ணப்ப கட்டண மாக “The  Secretary, TNCWWB” என்ற பெயரில் ரூ.100-க்கு எடுக்கப்பட்ட கேட்பு வரைவோலையையும்  இணைத்து “செய லாளர், தமிழ்நாடு  கட்டுமான தொழிலாளர்கள் நல வாரியம், 8, வள்ளுவர் கோட்டம் நெடுஞ்சாலை, நுங்கம்பாக்கம், சென்னை 600 034” என்ற முகவரிக்கு நவம்பர் மாதம் 2ஆம்  தேதிக்குள் அனுப்ப வேண்டும்.

மாற்றுத்திறனாளிகள், ஆதி திராவிடர்,  பழங்குடியினர், அனைத்து வகுப்புகளையும் சேர்ந்த ஆதரவற்ற விதவைகள்  விண்ணப்பக் கட்டணம் செலுத்தத் தேவையில்லை. கூடுதல் விவரங்களைத் தமிழ்நாடு தொழிலாளர் துறையின் இணையதளத்தில் விரிவாக  அறிந்துகொள்ளலாம்.

வேலைவாய்ப்பு அலுவலகத்தில் ‘தினம் ஒரு செயல்பாடு’

“அரசு வேலைக்காக  நடத்தப்படும் டி.என்.பி.எஸ்.சி., யூ.பி.எஸ்.சி., வங்கிப் பணியாளர் தேர்வாணையம், ரயில்வே தேர்வு வாரியப் போட்டித் தேர்வுகளுக்குத் தயார்படுத்துவது,  தனியார் துறையில் வேலைவாய்ப்பு பெற உதவி செய்வது, வேலைவாய்ப்பு பெறுவதற்கான திறன்களை மேம்படுத்தும் வேலைகள் செய்யப்படுகிறது.

‘தினம் ஒரு செயல்பாடு’ என்பதை முன்வைத்து வேலைவாய்ப்பு அலுவலகங்களில் திங்கள் முதல் வெள்ளிவரை ஒவ்வொரு நாளும் குறிப்பிட்ட பணி மேற்கொள்ளப்படுகிறது. அந்த வகையில்,  திறன்மிகு திங்கள், சேவை செவ்வாய், போட்டித் தேர்வு புதன், விழிப்புணர்வு வியாழன், வேலைவாய்ப்பு வெள்ளி  எனத் தமிழகத்தில் உள்ள அனைத்து மாவட்ட வேலைவாய்ப்பு அலுவலகங்களில் ஒவ்வொரு நாளும் ஒவ்வொரு பணியில் கவனம் செலுத்தப்படுகிறது.

திங்கள் அன்று வேலைவாய்ப்புக்குத் தேவையான திறன்களின் முக்கியத்துவம், அவற்றை மேம்படுத்துவதற்கான பயிற்சிகள்  தொடர்பான பணிகள் நடைபெறும். செவ்வாய் அன்று எங்கள் அலுவலர்கள் பள்ளி, கல்லூரிகளுக்கு மட்டுமின்றி கிராமப்புறங்களுக்குச் சென்று  கல்வி, வேலைவாய்ப்பு, சுயதொழில் குறித்து ஆலோசனை வழங்குவார்கள்.

புதன் அன்று போட்டித் தேர்வுகளை எதிர்கொள்வது எப்படி, தேர்வுக்கான பயிற்சி வகுப்புகள், மாதிரி நேர்முகத் தேர்வுகள் நடத்தப்படும். இதற்காக ஒவ்வொரு வேலைவாய்ப்பு அலுவலகத்திலும் வாசகர் வட்டம் என்ற  அமைப்பு இயங்குகிறது. வியாழன் அன்று பொதுமக்களுக்கு உயர்கல்வி வழங்கும் முக்கிய நிறுவனங்கள், வளர்ந்து வரும்  வேலைவாய்ப்புகள், அதற்கான கல்வித் தகுதிகள், சுயதொழில் வாய்ப்புகள் குறித்து ஆலோசனை வழங்குகின்றனர்.

வெள்ளி அன்று வேலை தேடுவோரையும், வேலைக்கு ஆள் தேடும் தனியார் நிறுவனங்களையும் ஒரே  இடத்தில் வரவழைத்து  வேலைவாய்ப்பு முகாம்கள் நடத்தப்படுகின்றன. இதில் வேலைவாய்ப்பு அலுவலகத்தில் பதிவு செய்துள்ளவர்கள் மட்டுமின்றி வேலை தேடு வோர் யார்  வேண்டுமானாலும் பங்கேற்கலாம். முற்றிலும் இலவசம்.

இந்தியா முழுவதும் செயல்பட்டு வரும் 137 ராணுவ பப்ளிக் பள்ளிகளில் காலியாக உள்ள 8000 ஆசிரியர் பணியிடங்களுக்கான அறிவிப்பு வெளியிடப்பட்டுள்ளது. இதற்கு தகுதியானவர்களிடம் இருந்து வரும் 24க்குள் விண்ணப்பங்கள் வரவேற்கப்படுகின்றன.

மொத்த காலியிடங்கள்: 8000

பதவி:    ost Graduate Teacher (PGT)

பதவி:    Trained Graduate Teacher (TGT)

பதவி:   Primary Teacher (PRT)

வயதுவரம்பு: 01.04.2019 தேதியின்படி 40க்குள் இருக்க வேண்டும்.

தகுதி: சம்மந்தப்பட்ட பாடப்பிரிவுகளில் 50 சதவீத மதிப்பெண்களுடன் இளங்கலை, முதுகலை பட்டத்துடன் பி.எட் முடித்திருக்க வேண்டும். அனைத்து விண்ணப்பத்தாரர் களும், தேர்வில் தேர்ச்சி பெற்றிருக்க வேண்டும்.

தேர்வு செய்யப்படும் முறை:  கிறிஷி அமைப்பால் நடத்தப்படும் ஸ்கிரீன் தேர்வு மற்றும் நேர்முகத் தேர்வு மூலம் தகுதியான வர்கள் தேர்வு செய்யப்படுவார்கள்.

தேர்வு நடைபெறும் தேதி: நவம்பர் 17, 18 தேதிகளில் நடைபெறும்.

தேர்வு முடிவுகள் வெளியிடப்படும் தேதி: 03.12.2018

விண்ணப்பக் கட்டணம்: ரூ.500. இதனை ஆன்லைன் மூலம் செலுத்தலாம்.

விண்ணப்பிக்கும் முறை: www.aps-csp.in என்ற வலைத்தளத்தின் மூலம் ஆன்லைனில் விண்ணப்பிக்க வேண்டும்.

மேலும் முழுமையான விவரங்கள் அறிய www.awesindia.com என்ற வலைத்தளத்தில் கொடுக்கப்பட்டுள்ள அறிவிப்பை பார்த்து தெரிந்துகொள்ளவும்.

விண்ணப்பிப்பதற்கான கடைசி தேதி: 24.10.2018


தமிழக அரசின் ஒருங்கிணைந்த குழந்தைகள் மேம்பாட்டுத் திட்டத்தில் வேலை

தமிழக அரசின் ஒருங்கிணைந்த குழந் தைகள் வளர்ச்சி மேம்பாட்டுத் திட்டத்தின் கீழ் ஒப்பந்தகால அடிப்படையிலான பணியிடங்களான மாவட்ட ஒருங் கிணைப்பாளர் (டெக்னிக்கல்), மாவட்ட திட்ட உதவி யாளர், வட்டார திட்ட ஒருங்கிணைப்பாளர் மற்றும் உதவியாளர் போன்ற பணியிடங்களுக் கான அறிவிப்பு வெளியிடப்பட்டுள்ளது. இதற்கு தகுதியும் விருப்பமும் உள்ளவர்களிடம் இருந்து அக்டேபர் 24க்குள் விண்ணப்பங்கள் வரவேற்கப்படுகின்றன.  மொத்த காலியிடங் கள்: 178

பதவி மற்றும் காலியிடங்கள் விவரம்:

பதவி:   District Coordinator    - 06

சம்பளம்: மாதம் ரூ. 30,000

தகுதி: கணினி அறிவியல் துறையில் பட்டம் அல்லது டிப்ளமோ முடித்து இரண்டு ஆண்டு பணி அனுபவம் பெற்றிருக்க வேண்டும்.

பதவி:  District Project Assistants - 06

சம்பளம்: மாதம் ரூ.18,000

தகுதி: மேலாண்மை, சமூக அறிவியல், ஊட்டச்சத்துயியல் துறையில் பட்டம் அல்லது முதுகலை டிப்ளமோ முடித்து 2 ஆண்டு பணி அனுபம் பெற்றிருக்க வேண்டும்.

பதவி:  Block Coordinator (Technical) - 83

சம்பளம்: மாதம் ரூ.20,000

தகுதி: ஏதாவதொரு துறையில் பட்டம் பெற்று 2 ஆண்டு பணி அனுபவம் பெற்றிருக்க வேண்டும்.

பதவி:  Block Project Assistants - 83

சம்பளம்: மாதம் ரூ.15,000

தகுதி: ஏதாவதொரு துறையில் பட்டம் பெற்று 1 ஆண்டு பணி அனுபவம் பெற்றிருக்க வேண்டும்.

வயதுவரம்பு: அனைத்து பணியிடங் களுக்கும் 35 வயதிற்குள் இருக்க வேண்டும்.

தேர்வு செய்யப்படும் முறை: பணி அனு பவம், கணினியை கையாளும் திறன் ஆகியவற்றின் அடிப்படையில் தகுதியான வர்கள் தேர்வு செய்யப்படுவார்கள். மாவட்ட அளவிலான பணியிடங்களுக்கு அந்தந்த மாவட்டத்தை சேர்ந்தவர்களும், வட்டார அளவிலான பணியிடங்களுக்கு அந்தந்த வட்டார பகுதியைச் சேர்ந்தவர்கள் தேர்வு செய்யப்படுவார்கள்.

விண்ணப்பிக்கும் முறை: www.icds.tn.nic.  என்ற வலைத்தளத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து பூர்த்தி செய்து,  இயக்குநர், ஒருங்கிணைந்த குழந்தை வளர்ச்சி திட்ட பணிகள், எண்: 6, பம்மல் நல்லதம்பி தெரு, எம்.ஜி.ஆர். சாலை, தரமணி, சென்னை - 600 113. என்ற முகவரிக்கு அனுப்பவும்.

விண்ணப்பிப்பதற்கான கடைசி தேதி: 24.10.2018

மேலும் முழுமையான விவரங்கள் அறிய: http://icds.tn.nic.in/Notification.pdf  என்ற லிங்கில் சென்று தெரிந்துகொள்ளவும்.

 

தமிழக சிறைத்துறையில் காலியாக உள்ள 30 அசிஸ்டெண்ட் ஜெயிலர் பணியிடங்களுக்கான அறிவிப்பை தமிழ்நாடு அரசு பணியாளர் தேர் வாணையம் வெளியிட்டுள்ளது. இதற்கு தகுதியான வர்களிடம் இருந்து விண்ணப்பங்கள் வரவேற்கப் படுகின்றன.

பதவி:  அசிஸ்டெண்ட் ஜெயிலர்

காலியிடங்கள்: 30

சம்பளம்: மாதம் ரூ.35,400 - 1,12,400

வயதுவரம்பு: 18 முதல் 30க்குள் இருக்க வேண்டும்.

தகுதி: ஏதாவதொரு துறையில் இளங்கலை பட்டம் பெற்றிருக்க வேண்டும்.

தேர்வு செய்யப்படும் முறை: எழுத்துத்தேர்வு மற்றும் நேர்முகத் தேர்வின் மூலம் தகுதியானவர்கள் தேர்வு செய்யப்படுவார்கள்,

விண்ணப்பக் கட்டணம்: ரூ.150. இதனை ஆன் லைனில் செலுத்தலாம். விதவைகள், எஸ்சி, எஸ்டி மற்றும் மாற்றுத்திறனாளிகள் விண்ணப்பக் கட் டணம் செலுத்த தேவையில்லை.

விண்ணப்பக் கட்டணம் செலுத்துவதற்கான கடைசி தேதி: 09.11.2018

விண்ணப்பிக்கும் முறை: www.tnpsc.gov.in என்ற இணையதளத்தின் மூலம் ஆன்லைனில் விண் ணப்பிக்க வேண்டும்.

மேலும் விவரங்கள் அறிய www.tnpsc.gov.in  என்ற வலைத்தளத்தில் கொடுக்கப்பட்டுள்ள

அறிவிப்பை பார்த்து தெரிந்துகொள்ளவும்.

ஆன்லைனில் விண்ணப்பிப்பதற்கான கடைசி தேதி: 07.11.2018


தமிழ்நாடு வனத்துறையில் வேலைவாய்ப்பு

1178 பணியிடங்களுக்கு விண்ணப்பிக்கலாம்

தமிழ்நாடு வனத்துறையில் காலியாக உள்ள 1178 வனத்துறை அதிகாரி, வனத்துறை காவலர், வானக்காவலர் பணியிடங்கள் நேரடி நியமனம் மூலம் நிரப்பப்பட உள்ளனர். இதற்கான அறிவிப்பு வெளியிடப்பட்டுள்ளது. இதற்கு தகுதியும் விருப் பமும் உள்ளவர்களிடம் இருந்து விண்ணப்பங்கள் வரவேற்கப்படுகின்றன.

மொத்த காலியிடங்கள்: 1178

பதவி: வனத்துறை அதிகாரி - 300

சம்பளம்: மாதம் ரூ.35,900 - ரூ.1,13,500

பதவி: வனத்துறை காவலர் - 726

சம்பளம்: மாதம் ரூ.18,200 - ரூ.57,900

பதவி: வனக்காவலர் - 152 (ஓட்டுநர் உரிமம் பெற்றிருக்க வேண்டும்)

சம்பளம்: மாதம் ரூ.18,200 - ரூ.57,900

வயதுவரம்பு: 18 முதல் 30 வயதிற்குள் இருக்க வேண்டும்.

தகுதி: வேளாண்மை, கால்நடை வளர்ப்பு, தாவரவியல், வேதியியல், கணினி அறிவியல், கணினி பயன்பாடுகள், பொறியியல் துறையில் (வேளாண் பொறியியல் உட்பட அனைத்து பொறியியல் பாடங்களும்) சுற்றுச்சூழல் அறிவியல், வனவியல், புவியியல், தோட்டக்கலை, கடல் உயி ரியல், கணிதம் இயற்பியல், புள்ளியியல், கால்நடை அறிவியல், வன உயிர் உயிரியல், விலங்கியல் பேன்ற துறைகளில் இளங்கலை பட்டம் பெற்றவர்கள் விண்ணப்பிக்க தகுதியானவர்கள்.

தேர்வு செய்யப்படும் முறை: ஆன்லைன் எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள்.

விண்ணப்பிப்பதற்கான ஆரம்ப தேதி: 15.10.2018

விண்ணப்பிப்பதற்கான கடைசி தேதி: 05.11.2018

மேலும் முழுமையான விவரங்கள் அறிய www.forests.tn.gov.in  என்ற வலைத்தளத்தில் சென்று தெரிந்துகொள்ளவும்.

சிவில் என்ஜினியரிங் துறையில் ஜியோ டெக் னிக்கல் பொறியியல் சிறப்பு படிப்பு முக்கியத்துவம் பெற்றுள்ளது.

கட்டுமானத்துறை சம்பந்தமான கல்வியை வழங்குவது சிவில் இன்ஜினியரிங் துறையாகும்.  சிவில் என்ஜினியரிங் துறையிலும் முக்கியமான கல்வியாக ஜியோ டெக்னிக்கல் இன்ஜினியரிங் துறை முக்கியத்துவம் பெற்றுள்ளது.

கட்டுமானத் துறையில் கட்டடம் தாங்கும் வகையில் பூமிக்கு அடியில் பீம்கள் அமைத்து கான்கிரீட் போடுவது முக்கியமான பணியாகும்.  அவ்வாறு பூமிக்கு அடியில் செய்யக்கூடிய பணிகள் குறித்த கல்வியை “ஜியோ டெக்னிக்கல் இன்ஜி னியரிங்’ படிப்பு வழங்குகிறது.  அதோடு இராணுவம், சுரங்கம், பெட்ரோலியம் எடுக்கும் பணியில் ஈடுபட்டுள்ள துறைகளில் ஜியோ டெக்னிக்கல் படித்தவர்களுக்கு நல்ல வேலை வாய்ப்பு காத்திருக்கின்றது. பூமிக்கு அடியில் கிடைக்கும் மண், கல் போன்ற கனிமங்கள் குறித்த கல்வியையும் அது வழங்குகிறது.

உயர்ந்த கட்டடங்கள், நீண்ட தொலைவிலான பாலங்கள் உள்ளிட்ட மிக முக்கிய கட்டுமானங்களில் ஜியோ டெக்னிக்கல் என்ஜினியரிங் படித்தவர்கள் பணியில் அமர்த்தப்படுகின்றனர்.

மேலும் விவரங்களுக்கு :லீttஜீ://ஷ்ஷ்ஷ்.ரீநீt.ணீநீ.வீஸீ/ என்ற வலைதளத்தைப் பாருங்கள்.

வலிகளும், இழப்புகளும் வீழ்ந்து துவண்டுவிடுவதற்கல்ல எழுந்து ஓடுவதற்கு என்பதை நிரூபித்திருக்கிறார், பிளேடு ரன்னராக உரு வெடுத்துள்ள நாகர்கோவில் இளைஞர்  விக்னேஷ்வர சுப்பையா.

நாகர்கோவில் அருகே தேரூர் தண்டநாயகன்கோணம் புதுக் கிராமத்தைச் சேர்ந்த விக்னேஸ்வர சுப்பையாவின் கதை வித்தி யாசமானது.  29 வயதே ஆகியிருந்த விக்னேஸ்வர சுப்பையாவுக்கு 2012-ஆம் ஆண்டு நவம்பர் 4-ஆம் தேதி இரவில் ஏற்பட்ட ஒரு  விபத்து, அவரது வலது காலை உடைத்துப் போட்டுவிட்டது. இந்த விபத்து அவரை நிலைகுலையச் செய்தாலும், அதிலிருந்து மீண்டு ஒரு தன்னம்பிக்கை மிக்க சாதனையாளராக மாறிய அவர், அவர் போன்ற பலருக்கு வழிகாட்டியாகவும் இருக்கிறார்.

விக்னேஸ்வர சுப்பையாவிடம் பேசியபோது...

“நான்,  பிளஸ் 2 படித்து விட்டு  எலக்ட்ரிக்கல் வேலை செய்து கொண்டிருந்தேன். என்னிடம்  பத்துக்கும் மேற்பட்டோர்  வேலை செய்து கொண்டிருந்தனர்.

மது, புகைபிடித்தல் என எந்தக் கெட்டப்பழக்கங்களும் எனக்குக் கிடையாது. உடற்பயிற்சிக் கூடத்திற்கு  தினம்தோறும் சென்று உடலைப் பேணி வந்தேன்.   திருமணத்திற்காக பெண் பார்த்து நிச்சயம் செய்து பத்திரிகையும் அடிக்கப்பட்டிருந்தது.

இந்நிலையில்தான் கருங்கல் என்ற இடத்திற்கு ஒரு நிகழ்ச்சிக்காக சென்று விட்டு இரவில் மோட்டார் சைக்கிளில் வீடு திரும்பிக் கொண்டிருந்த  என் மீது மீன்பாரம் ஏற்றிக் கொண்டு வந்த மினிலாரி மோதிவிட்டு  நிற்காமல் சென்றது.  இந்தச் சம்பவத்தில் எனது வலது கால் மூட்டிற்குக் கீழே முழுவதும் உடைந்து விட்டது. வாழ்வில் முக்கியமான கட்டத்தில் நடந்த இந்த விபத்து,  என் மனதையும் உடைத்துப் போட்டுவிட்டது.

அதே வேளையில்   உடைந்த காலை அறுவை சிகிச்சை செய்து பொருத்திக் கொள்ள நான் தயாராக இல்லை.   ஏனெனில் அப்படிப் பொருத்திக் கொண்டு வலியால் துடித்தும், ஆறாத புண்களுடனும் நடமாடுபவர்களை  நான் பார்த்திருக்கிறேன்.   எனவே எனது வலது கால் மூட்டிற்கு கீழே அகற்றப்பட்டது.

அதன் பிறகு கார்பன் ஃபைபர்   பாதம் கொண்ட செயற்கைக் காலை பொருத்திக் கொண்டு நடக்கத் தொடங்கினேன்.   நிச்சயிக்கப் பட்டிருந்த திருமணமும் இதனால்   நின்று போனது.

மீண்டும் உடற்பயிற்சிக்கூடத்திற்கு செல்ல ஆரம்பித்தேன். கடுமையாகப் பயிற்சி செய்தேன். விபத்து நடந்த எட்டே மாதத்தில்,  ஹைதராபாத்தில் ஏர்டெல்  நிறுவனம் சார்பில், நடைபெற்ற ஒரு மாரத்தான் போட்டியில் பங்கேற்கச் சென்றேன். செயற்கைக்காலுடன்  ஓடினேன். அந்த ஓட்டத்தில் நூற்றுக்கணக்கான மக்களுடன் மாற்றுத் திறனாளிகள் 15 பேர் பங்கேற்றனர்.

இதில் நான் உள்பட மாற்றுத் திறனாளிகள்  4 பேர் தாம் மொத்தம்  தூரமான 5 கி.மீ தூரத்தை ஓடி நிறைவு செய்தோம். இதில் என்னைப் பாராட்டிய “தக்சின் ரிகாபிலிடேசன்’ எனும்   நிறுவனம் ஓட்டத்திற் கென்றே வடிவமைக்கப்பட்ட  ரூ. 5 லட்சம் மதிப்பிலான   “ரன்னிங் பிளேடை’ எனக்குப் பரிசளித்தது. பிளேடைக் காலில் பொருத்திக் கொண்டு ஓடுவது அவ்வளவு எளிதான செயல் அல்ல. நிறையத் தடவை இடறி விழுந்தேன். வலியாலும், ரத்தக்கசிவாலும் துடித்தேன். இருந்தாலும் நம்பிக்கை இழக்கவில்லை.   மாரத்தான், தடகளம் என ஓடிக்கொண்டே இருந்தேன். ஒரு கட்டத்தில் இயல்பான கால்களைக் கொண்டவர்களுக்கு இணையாக  ஓட ஆரம்பித்தேன்.

அதன் பின்னர் மாற்றுத் திறனாளிகளுக்கான போட்டிகளில் ஓடி பரிசுகளை வெல்வதில்  தயக்கம் ஏற்பட்டதால்,  இயல்பான கால்களையுடைவர்கள் பங்கேற்கும் போட்டிகளில் மட்டும் ஓட ஆரம்பித்தேன். அதனை இப்போதும் தொடர்கிறேன்.

என்னால் இப்போது 100 மீட்டர் தூரத்தை 13.5 விநாடியில் ஓடிக் கடக்க முடியும்.  தென் ஆப்பிரிக்காவைச் சேர்ந்த பிரபல பிளேடு ரன்னர்  ஆஸ்கர் பிஸ்டோரியஸ் தான் எனது ரோல் மாடல்.

எய்ட்ஸ் விழிப்புணர்வுக்காக கொல்கத்தா முதல் டாக்கா வரை 360 கி.மீ. தொலைவு சைக்கிள் ஓட்டும் நிகழ்ச்சியிலும் பங்கேற்றி ருக்கிறேன். டிரக்கிங் எனப்படும் மலையேற்றப் பயிற்சிக்கும் செல்கிறேன்.

இதற்கிடையே நான்செய்துவந்த  எலக்ரிக்கல் பணியை தொடர முடியாது என்பதால் செல்லிடப் பேசி பழுது பார்க்கும் பயிற்சியை முடித்து நாகர்கோவிலில் செல்லிடப் பேசி பழுது பார்க்கும் கடையும் வைத்துக் கொண்டேன்.

கடந்த 2014 ஆம் ஆண்டு  எனக்குத்  திருமணம் ஆனது.  இப்போது எங்களுக்கு மீரா (3), அஸ்வின் ராம் (1) என இரு குழந்தைச் செல்வங்கள். வாழ்க்கை அழகாய்ப் போய்க் கொண்டிருக்கிறது.

ஒரு பிளேடு ரன்னராக வலம் வந்தாலும், காலை இழந்த பின்னரும் இயல்பாய் இயங்குவதன் மூலம் பிறருக்கு நம்பிக்கை அளிக்கும் மனிதராகவே என்னை அடையாளப்படுத்த விரும்புகிறேன். கால்களை இழந்து வீடுகளில் முடங்கிக் கிடக்கும் ஒரு நபராவது எனது   செயல்பாட்டைப் பார்த்து வெளியே வந்து வெற்றி பெற்றாலும் எனக்கு மகிழ்ச்சி தான்’’ என்றார்.

Banner
Banner