இளைஞர்

பள்ளிக்கு மைதானம் கிடையாது. விளையாடக் கற்றுக்கொடுக்க முழு நேரப் பயிற்சியாளர் கிடையாது. ஆனாலும், சாதித்துவருகின்றனர் கோவை மாவட்டம் கிணத்துக்கடவு அருகேயுள்ள அரசம்பாளையம் அரசு உயர்நிலைப் பள்ளி மாணவர்கள்.

உயர்நிலைப் பள்ளியாக இருந்தாலும் 2011ஆம் ஆண்டுவரை உடற்கல்வி ஆசிரியர் என்று சொல்வதற்குக்கூட இங்கே யாரும் நியமிக்கப்படவில்லை. நீண்ட காலக் கோரிக்கைக்குப் பிறகு 2012ஆம் ஆண்டு பகுதி நேர உடற்கல்வி ஆசிரியராக குருசாமி நியமிக்கப்பட்டார்.

இந்தப் பகுதி நேர உடற்கல்வி ஆசிரியரின் பயிற்சியால் ஓட்டப்பந்தயம், தொடர் ஓட்டம், வட்டு எறிதல், கபடி, நீளம் தாண்டுதல், மும்முறை தாண்டுதல் எனத் தடகளப் போட்டிகளில் இந்தப் பள்ளி மாணவர்கள் ஜொலிக்கத் தொடங்கினர். கடந்த ஆறு ஆண்டுகளாக இந்த விளையாட்டுகளில் மாவட்ட, மண்டல அளவில் மாணவர்கள் பதக்கங்களைக் குவித்து வருவதே இதற்குச் சாட்சி.

சாதித்த மாணவிகள்

கடந்த ஆண்டு இப்பள்ளியில் படித்த மாணவி ஆர்.பிரியங்கா மாநில அளவிலான வட்டெறிதல் போட்டிக்கு மூன்று ஆண்டுகள் தகுதி பெற்றார். பிளஸ் 1 படிப்புக்காகத் தற்போது வேறு பள்ளிக்கு இடம்மாறியுள்ள பிரியங்கா, அங்கு மேற்கொண்டு முறையான பயிற்சி கிடைத்ததால் தேசிய அளவிலான போட்டியில் பங்கேற்கத் தகுதி பெற்றுள்ளார். மும்முறை தாண்டுதலில் ஏ.ரஞ்சனிபிரியா, நீளம் தாண்டுதலில் நந்தினி மாநில அளவிலான போட்டிகளுக்கு முன்னேறிப் பள்ளிக்குப் பெருமை சேர்த்தனர். தற்போது 10ஆம் வகுப்பு பயிலும் மாணவி ர.சந்திரகௌரி அண்மையில் நடந்த மாவட்ட அளவிலான 100 மீட்டர், 200 மீட்டர் ஓட்டம், நீளம் தாண்டுதல், தொடர் ஓட்டம் ஆகிய பிரிவுகளில் வென்று மாவட்ட அளவில் தனிநபர் வாகையர் பட்டத்தைத் தட்டிவந்துள்ளார். இவருக்குத் தந்தை இல்லை. அவருடைய தாய் விவசாயம் செய்து சந்திரகவுரியைப் படிக்கவைத்து வருகிறார். விடுமுறை நாட்களில் ஆடு, மாடு மேய்க்கச் செல்லும்போதும் தனது பார்வையில் அவை மேய்ந்துகொண்டிருக்க, பயிற்சி மேற்கொண்டு வந்துள்ளார்.

ஏழ்மையை ஒரு தடையாக எண்ணாமல், தங்கள் விவசாய நிலத்திலேயே நீளம் தாண்டுதலுக்கான பாதையை ஏற்படுத்திப் பயிற்சி பெற்றுவருகிறார் சந்திரகவுரி.

ஜெர்சி எனப்படும் சீருடைகூட எங்கள் யாருக்கும் தனியாக இல்லை. போட்டிகளுக்குச் சென்று வந்த பிறகு, ஒருவர் பயன்படுத்திய சீருடையையே மற்றவர்கள் பயன்படுத்தி வருகிறோம். தரமான காலணிகள் வாங்கவும் காசு இல்லை. மைதானமும் இல்லாததால் தினமும் எங்களால் பயிற்சி பெற முடியவில்லை என்கின்றனர் இப்பள்ளி மாணவிகள்.

6 மணி நேரப் பயணம்

இந்தப் பள்ளியின் பகுதி நேர உடற்கல்வி ஆசிரியரான குருசாமி நினைத்திருந்தால், தனக்குக் கிடைக்கும் சொற்பச் சம்பளத்துக்குக் கடமைக்கு எதையாவது சொல்லிக்கொடுத்துவிட்டுச் சென்றிருக்கலாம். ஆனால், அவர் மாணவர்களின் திறமைகளை வளர்த்தெடுத்திருக்கிறார்.

பள்ளி இருக்கும் இடத்திலிருந்து 62 கி.மீ.க்கு அப்பால் உள்ள அன்னூரிலிருந்து தினமும் 6 மணி நேரம் செலவழித்துப் பள்ளிக்கு வருகிறார். அரை நாள் பயிற்சிதான். ஆனால், போக்குவரத்துக்காக அரை நாளைச் செலவழிக்கிறார் குருசாமி.

பள்ளி நாட்களில் விளையாடாமல், வகுப்புக்குள்ளேயே முடங்கிக் கிடந்தவர்களின் ஆர்வத்தை நான் வீணடிக்க விரும்பவில்லை. சில நாட்களிலேயே எந்த மாணவர் எந்த விளையாட்டுக்குச் சரியாக இருப்பார் என்று தேர்வு செய்து அதற்கேற்றவாறு பயிற்சி அளித்தேன். மாணவர்களும் அவர்களுடைய பெற்றோரும் எனக்கு முழு ஒத்துழைப்பு அளித்தனர். அதன் விளைவுதான் தடைகளைத் தாண்டி மாணவர்கள் பெற்ற தொடர் வெற்றிகள் என்கிறார் குருசாமி.

ஆனால், இதுபோன்ற பயிற்சியாளர்களையும் பயிற்சி பெற்றுப் பதக்கங்களைக் குவிக்கும் ஏழை மாணவர்களையும் ஊக்குவிக்க யாரும் இல்லை என்பதுதான் கசப்பான உண்மை. இந்தப் பள்ளி மாணவர்களுக்கு உதவ விரும்புவோர் உதவித் தலைமை ஆசிரியர் வெங்கடாசலத்தை 9944641357 என்ற எண்ணில் தொடர்புகொள்ளலாம்.


பொறியாளர் பணியிடங்கள்

மத்திய பணியாளர் தேர்வாணையம் (யூ.பி.எஸ்.சி) மத்திய அரசுத் துறையில் பொறியாளர்களுக்கான 581 காலிப் பணியிடங்களை நிரப்புவதற்கான இன்ஜினீயரிங் சர்வீஸ் முதல்நிலைத் தேர்வு குறித்த அறிவிக்கையை வெளியிட்டிருக்கிறது.

வயது: 01.01.2019 அன்று, குறைந்தபட்ச வயது 21, அதிகபட்ச வயது 30. அரசு இடஒதுக்கீட்டு விதிமுறைகளின் படி வயது வரம்பில் சலுகை உண்டு. அங்கீகரிக்கப்பட்ட பல்கலைக்கழகம் ஒன்றில் சிவில், மெக்கானிகல், எலக்ட்ரிகல், எலக்ட்ரானிக் அண்ட் கம்யூனிகேஷன் ஆகியவற்றில் ஏதேனும் ஒரு பொறியியல் படிப்பில் இளநிலைப் பட்டம் பெற்றிருக்க வேண்டும். கட்டணம்: பெண்கள், எஸ்.சி., எஸ்.டி., பிரிவினர், மாற்றுத் திறனாளிகள் ஆகியோருக்குக் கட்டண மில்லை. பிறருக்குக் கட்டணம் ரூ.200. உரிய தகுதியுடைய விண்ணப்பதாரர்கள் அக்டோபர் 22 அன்று மாலை 6 மணிக்குள் www.upsconline.nic.in என்னும் இணையதளத்தில் விண்ணப்பிக்க வேண்டும்.

இந்தியாவில் உள்ள பொதுத்துறை வங்கிகளில் காலியாக உள்ள 7,275 கிளார்க் பணியிடங்களுக்கான அறிவிப்பை இந்திய வங்கிகள் சங்கம் (அய்பிபிஎஸ்) வெளியிட்டுள்ளது. இந்த வாய்ப்பினை இந்திய இளைஞர்கள் பயன்படுத்திக்கெள்ளவும்.

நாட்டில் உள்ள பொதுத்துறை வங்கிகளில் கிளார்க், புரபேஷனரி ஆபிசர்ஸ், ஸ்பெஷலிஸ்ட் ஆபிசர்ஸ், கிராம வங்கிகளுக்கான உதவியாளர் மற்றும் அதிகாரி பணியிடங்களுக்கான எழுத்துத் தேர்வு மற்றும் நேர்முகத் தேர்வினை இந்திய வங்கிகள் சங்கம் (அய்பிபிஎஸ்) 2011 முதல் நடத்தி வருகிறது. இந்நிலையில் வங்கி பணியில் சேருவதே தனது நோக்கமாகக் கொண்டு படித்து வரும் இளைஞர் களுக்கு வாய்ப்பளிக்கும் விதமாக 2019 - 2020-ஆம் ஆண்டுக்கான 7,275 கிளார்க் பணியிடங்களுக்கான தேர்வு அறிவிப்பை வெளியிட்டுள்ளது. தமிழகத்தில் மட்டும் 792 காலியிடங்கள் நிரப்பப்பட உள்ளன.

வயது வரம்பு: 01.09.2018 தேதியின்படி 20 - 28 வயதிற்குள் இருக்க வேண்டும். வயதுவரம்பில் சலுகை கோருவோருக்கு அரசுவிதிகளின்படி வயது வரம்பில் சலுகைகள் வழங்கப்படும். தகுதி: ஏதாவதொரு துறையில் பிரிவில் இளங் கலை பட்டம் மற்றும் கணினியில் பணிபுரியும் திறன் பெற்றிருக்க வேண்டும். தேர்வு செய்யப்படும் முறை: அய்பிபிஎஸ் நடத்தும் ஆன்லைன் எழுத்துத் தேர்வு மற்றும் சான்றிதழ்கள் சரிபார்ப்பு மூலம் தகுதியானவர்கள் தேர்வு செய்யப்படுவார்கள். ஆன்லைன் எழுத்துத் தேர்வு முதல்நிலை தேர்வு, முதன்மைத் தேர்வு என இரு கட்டங்களாக நடைபெறும். எழுத்துத் தேர்வின் பேது ஒவ்வொரு தவறான பதில்களுக்கும் 0.25 மதிப்பெண்கள் குறைக்கப்படும். முதல்நிலை தேர்வில் ஆங்கிலம் பிரிவில் 30 வினாக்களும், நியூமெரிக்கல் எபிலிடி மற்றும் ரீசனிங் எபிலிடியில் பிரிவில் தலா 35 வினாக்கள் என 100 வினாக்கள் இடம் பெற்றிருக்கும். இந்தத் தேர்வில் வெற்றி பெறுபவர்கள் மட்டுமே முதன் மைத் தேர்வுக்கு அழைக்கப்படுவார்கள்.

விண்ணப்பிக்கும் முறை: www.ibps.in   என்ற வலைத்தளத்தின் மூலம் ஆன்லைனில் விண்ணப் பிக்க வேண்டும். விண்ணப்பித்த பின்னர் எதிர்கால பயன்பாட்டிற்காக அதனை பிரிண்ட் அவுட் எடுத்து கைவசம் வைத்துக்கொள்ளவும்.

விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.600, மற்ற அனைத்து பிரிவினரும் ரூ.100 கட்டணமாக செலுத்த வேண்டும். கட்ட ணத்தை ஆன்லைன் முறையில் செலுத்தலாம். முதல்நிலைத் தேர்வு நடைபெறும் இடம்: சென்னை, கோவை, சேலம், ஈரோடு, மதுரை, திருச்சி, தஞ்சாவூர், நாகர்கோவில்,  திருநெல்வேலி, விருது நகர், வேலூர், புதுச்சேரி.

முதல்நிலைத் தேர்வு நடைபெறும் தேதி: 08.12.2018 முதல் 16.12.2018 வரை நடைபெறும்.

மேலும் முழுமையான விவரங்கள் அறிய https://www.ibps.in/wp-content/uploads/Detailed_Advt_CRP_Clerks_8_1.pdf. என்ற வலைத்தள லிங்கை கிளிக் செய்து தெரிந்துகொள்ளவும். ஆன்லைனில் விண் ணப்பிப்பதற்கான கடைசி தேதி: 10.10.2018


அரசு மருத்துவப் பணி

நர்சுகள், மருத்துவப் பணியாளர்கள், மருந்தாளுநர்கள், பிசியோதெரபிஸ்ட், உதவி மருத்துவர்கள், சிறப்பு மருத்துவர்கள் போன்றோர் மருத்துவப் பணியாளர் தேர்வாணையம் மூல மாகத் தேர்வுசெய்யப்படுகிறார்கள். அந்த வகை யில் தற்போது பொது மருத்துவப் பணியில் 1884 உதவி மருத்துவர்கள் போட்டித் தேர்வு மூலம் நியமிக்கப்பட உள்ளனர். இந்தப் பணிக்கு எம்.பி.பி.எஸ். முடித்தவர்கள் விண்ணப்பிக்கலாம். ஓராண்டு காலம் உறைவிட மருத்துவராகப் பணியாற்றி இருக்க வேண்டும்.   மேலும் விவரங்களுக்கு: (ஷ்ஷ்ஷ்.னீக்ஷீதீ.ஸீ.ரீஷீஸ்.வீஸீ) இணைய தளத்தை பார்க்கவும்.

மத்திய அரசு நிறுவனமான தொழிலாளர் அரசு காப்பீட்டுக் கழகம்  (Employees State Insurance Corporation-ESIC) சமூகப் பாதுகாப்பு அலுவலர் பதவியில் 539 காலியிடங்களை நேரடி நியமன முறையில் நிரப்ப இருக்கிறது. இந்தப் பணிக்குப் பட்டதாரிகள் விண்ணப் பிக்கலாம். வணிகவியல், சட்டம், நிர்வாகப் பட்டதாரி களுக்கு முன்னுரிமை அளிக்கப்படும்.

கல்வித் தகுதியோடு அடிப்படை கம்ப்யூட்டர் அறிவு அவசியம். வயது 21 முதல் 27-க்குள் இருக்க வேண்டும். எஸ்.சி., எஸ்.டி. பிரிவினருக்கு 5 ஆண்டும் ஓ.பி.சி. பிரிவினருக்கு 3 ஆண்டும் மாற்றுத் திறனாளிகளுக்கு 10 ஆண்டும் வயது வரம்பில் தளர்வு அளிக்கப்படும். எழுத்துத் தேர்வு அடிப்படையில் பணிநியமனம் நடைபெறும்.

எழுத்துத் தேர்வில் முதல்நிலைத் தேர்வு, மெயின் தேர்வு, கணினித் தேர்வு என 3 தேர்வுகள் இடம்பெறும். முதல்நிலைத் தேர்வில் ஆங்கிலம், பகுத்தாராயும் திறன், அடிப்படைக் கணிதம் ஆகிய 3 பகுதிகளில் இருந்து 100 கேள்விகள் கேட்கப்படும். மொத்த மதிப்பெண் 100. இதற்கு ஒரு மணி நேரத்தில் விடையளிக்க வேண்டும். முதல்நிலைத் தேர்வில் வெற்றிபெறுவோர் 2ஆவது கட்டத் தேர்வான மெயின் தேர்வுக்கு அழைக்கப்படுவர்.

மெயின் தேர்வில் பகுத்தாரா யும் திறன், பொருளாதாரம், நிதி, காப்பீடு, ஆங்கிலம், கணிதம் ஆகியவற்றில் இருந்து மொத்தம் 150 வினாக்கள் இடம்பெறும். மதிப்பெண் 200. தேர்வு நேரம் 2 மணி. இதில் வெற்றிபெறுவோ ருக்குக் கணினித் தேர்வு, ஆங்கி லத்தில் கடிதம், கட்டுரை எழுதும் தேர்வு நடத்தப் படும். 30 நிமிடம் கொண்ட கணினித் தேர்வுக்கு 50 மதிப்பெண். 30 நிமிடம் கொண்ட விரிவாக விடை யளிக்கும் தேர்வுக்கு 50 மதிப்பெண் நிர்ணயிக்கப் பட்டுள்ளது.

தகுதியுடைய பட்டதாரிகள் இ.எஸ்.அய்.சி. இணையதளத்தைப் பயன்படுத்தி விண்ணப்பிக்க வேண்டும். மெயின் தேர்வு மதிப்பெண் அடிப் படையில் தகுதியானோர் பணிக்குத் தேர்வுசெய்யப் படுவர். முதல்நிலைத் தேர்வு ஒரு தகுதித் தேர்வு மட்டுமே. இதில் எடுக்கும் மதிப்பெண் கணக்கில் கொள்ளப்படாது. ஆன்லைனில் விண்ணப்பிக்கும் முறை, தேர்வுக் கட்டணம், தேர்வு மய்யம், தேர்வு முறை, சம்பளம் உள்ளிட்ட விவரங்களை இணைய தளத்தில் விளக்கமாகத் தெரிந்துகொள்ளலாம்.

விண்ணப்பிக்க கடைசி நாள்: 5 அக்டோபர் 2018

இ.எஸ்.அய்.சி. இணையதளம்: www.esic.nic.in

அறிவியல் ஆராய்ச்சி பிரிவில் தனித்து விளங்கும் சி.எஸ்.அய்.ஆர்., (கவுன்சில் பார் சயிண் டிபிக் அண்ட் இண்டஸ்ட்ரியல் ரிசர்ச் நிறுவனம்) எச்.ஆர்., டெவலப்மென்ட் குரூப் அமைப்பின் மூல மாக நேஷனல் எலிஜிபிலிடி டெஸ்ட் எனப்படும் என்.இ.டி., (நெட்) தேர்வுகளை ஆண்டு தோறும் நடத்தி அதன்மூலம் இளையோர் ரிசர்ச் பெல்லோ மற்றும் லெக்சரர்சிப் காலியிடங்களை நிரப்பி வரு கிறது. இந்த அமைப்பின் சார்பாக இந்த ஆண்டிற்கான நெட் தேர்வுக்கான அறிவிப்பு வெளியிடப்பட்டுள்ளது.

பிரிவுகள்: கெமிக்கல் சயின்ஸ், எர்த், அட்மாஸ் பெரிக், ஓசன் அண்ட் பிளானடரி சயின்ஸ், லைப் சயின்ஸ், மேதமெடிக்கல் சயின்ஸ், பிசிக்கல் சயின்ஸ் ஆகிய பிரிவுகளில் நடத்தப்படும்.

வயது: இளையோர் ரிசர்ச் பெல்லோ பிரிவுக்கு விண்ணப்பிப்பவர்கள், 27 வயதுக்குள் இருக்க வேண்டும். லெக்சரர்சிப் பிரிவுக்கு உச்ச பட்ச வயது வரம்பு இல்லை.

கல்வித் தகுதி:  இளையோர் ரிசர்ச் பெல்லோவிற்கு தொடர்புடைய பிரிவில் பட்ட படிப்பும், லெக்சரர் சிப் பிரிவுக்கு தொடர்புடைய பிரிவில் முதுநிலை பட்டப் படிப்பும் தேவைப்படும். சில பிரிவுகளுக்கு பட்டப் படிப்பே போதுமானது.   தமிழகத்தில் சென் னையில் தேர்வு நடத்தப்படுகிறது.  ஆன்லைன் முறையில் விண்ணப்பங்களை சமர்ப்பிக்க வேண் டும்.  விண்ணப்பக் கட்டணம் ரூ. 100. தேர்வு நாள் : 2018 டிச., 16.  விபரங்களுக்கு : http://csirhrdg.res.in/notification_main_dec2018.pdf

சிறுபான்மைச் சமூகத்தைச் சேர்ந்த மாணவர்களின் கல்வியை ஊக்குவிக்கும் விதமாக மத்திய அரசு கல்வி உதவித்தொகை வழங்கிவருகிறது. சிறுபான்மையினருக்கான அமைச்சகத் தின் கீழ் செயல்படுத்தப்படும் இத்திட்டத்தில் இசுலாமியர்கள், கிறித்தவர்கள், சீக்கியர்கள், பவுத்தர்கள், பார்சிகள், சமணர்கள் உள்ளிட்ட ஆறு சிறுபான்மை சமூகத்தினருக்கு 2018-2019 ஆண்டுக்கான கல்வி உதவித்தொகை அறிவிப்பு வெளி யாகியுள்ளது. மெட்ரிக்குக்கு முந்தைய  (Pre-Matric),, மெட்ரிக்குக்குப் பிந்தைய  (Post-Matric),, தகுதி மற்றும் தேவையின் அடிப்படையில் (விமீக்ஷீவீ-நீனீ-விமீணீஸீ தீணீமீபீ) ஆகிய மூன்று பிரிவுகளின் கீழ் இந்த உதவித்தொகை வழங்கப்படும்.

இந்த உதவித்தொகையைப் பெற மேலே குறிப்பிட்ட ஆறு பிரிவுகளில் ஒன்றைச் சேர்ந்தவராக இருக்க வேண்டும். அதேபோல இந்தியாவில் உள்ள அரசு அல்லது தனியார் பள்ளியிலோ கல்லூரியிலோ   அங்கீகாரம் பெற்ற கல்வி நிலையத்திலோ படித்துக் கொண்டி ருக்க வேண்டும். ஓராண்டு அல்லது அதற்கும் கூடுதலான ஆண்டு காலப் படிப்பாக இருக்க வேண்டும். கடைசியாக எழுதிய பொதுத் தேர்வு அல்லது வகுப்புத் தேர்வில் குறைந்த பட்சம் 50 சதவீதம் மதிப் பெண்களைப் பெற்றிருக்க வேண்டும்.

விண்ணப்பதாரர்கள் www.scholarships.gov.in  இணையதளத்தின் மூலமாக விண் ணப்பிக்க வேண்டும். தேசிய உதவித்தொகை இணையதளத்தின் முகப்புப் பக்கத்திலேயே இது தொடர்பான கூடுதல் தகவல்களைப் பெறலாம்.

விண்ணப்பிக்க கடைசி நாள்: 30 செப் டம்பர் 2018

கூடுதல் விவரங்களுக்கு: www.minorityaffairs.gov.in

Banner
Banner